December 13, 2009

ဗုံးကြဲပြီးနောက် ငါးမိနစ်


ကျနော်က မြို့ မှာမွေး မြို့ မှာပဲ ကြီးပြင်းလာခဲ့ရသူပါ။ မှတ်မှတ်ရရပြောရရင် ကျေးလက်က ရွာတရွာကို ညအိပ်ညနေ သွားဖူးတာဆိုလို့ အသက်(၂၀)ကျော်မှပါ။ ဒါတောင်မှ ဝေးလံခေါင်သီတဲ့ ကျေးလက်မဟုတ်ပါဘူး။ မြို့ နဲ့ နီးတဲ့ကျေးလက်ကိုပြောတာပါ။ ဒီကြားထဲ လေ့လာမှုကလည်းနုံချာတော့ ကျေးလက်ဒေသအကြောင်း စိတ်ဝင်စားမှု နည်းခဲ့တယ်။

အသက်(၂၁) နှစ်ကျတော့ ပဲခူးချောင်းဖျား ထန်းတောကြီးဆိုတဲ့ရွာကို မူလတန်းပြဆရာအဖြစ်သွားရပါတယ်။ အံ့သြဖို့ ကောင်းတာက အဲဒီအခါကြပြန်တော့ ကျနော်က ကျေးလက်မှကျေးလက်ဖြစ်ခဲ့ရတယ်။ ကျေးလက်ခရေဇီဖြစ်လာပြန်တာပေါ့ဗျာ။ ဒီအခါကြပြန်တော့လည်း ကျေးလက်ကို အင်မတန်သာယာတဲ့၊ ဖြူစင်ရိုးသားသူတွေသာ နေထိုင်တဲ့ ဒေသရပ်ဝန်းဖြစ်တယ်ဆိုတာလောက်ပဲ ခံစားမှုက ကဲ့ယူလို့ ရခဲ့တာ။ ကျနော့် အာရုံခံစားမှု ယက်သဲ့ထဲမှာ ကျေးလက်ဒေသက တကယ့်လူမှုဘဝတွေကို ပါအောင် ကဲ့မယူနိုင်ပြန်ဘူးဗျ။ ယမ်းငွေ့ တွေ၊ ကူပါကယ်ပါတစာစာအော်သံတွေ၊ မီးလောင်နေတဲ့ နှလုံးသားတွေဟာ မြန်မာ့ကျေးလက်ရဲ့ တကယ့်လက်တွေ့ ပါတိတ်အဆင်တွေပဲဗျ။ ဥပမာ ကျနော်တို့ နိုင်ငံမှာ ပြည်တွင်းစစ်ဖြစ်နေတာ ကျနော့်အဖို့ တော့ ပုံပြင်တခုလိုပဲ ထင်ခဲ့တာ။ ကျနော့်နားထဲ ကျနော်ငယ်ငယ်က ကြားခဲ့ရတဲ့ ကျနော်နေဖူးတဲ့ စလင်းမြို့ လေး သူပုန်တွေဝင်စီးလို့ ကြားရတဲ့သေနတ်သံတွေကို ပြန်ပြီးမကြားနိုင်ခဲ့ဘူးဗျ။ အဲဒီသေနတ်သံတွေ အခုထက်ထိအသံမစဲ နိုင်တာ ကျနော်မသိခဲ့ဘူး။ဒါပေမယ့် ကျနော့်ကို စာအုပ်တွေပေးဖတ်၊ စကားတွေအများကြီးပြောပြီး ကျနော် စာပေသမားဖြစ်လာဖို့  ကူညီကြတဲ့ နောင်တော့နောင်တော်များရဲ့ အကူအညီနဲ့ စာအုပ်တွေထဲက သေနတ်သံတွေကိုတော့ ခတ်ဝေးဝေးက ကျနော်ကြားစပြုပြီဆိုပါတော့။

၁၉၉၂ ခုနှစ်ထဲမှာ ကျနော် မာနယ်ပလောကိုရောက်ပါတယ်။ ကျနော် အသက် (၄၀)ကျော်ပေါ့။ ဒါနဲ့ ပဲ ကျနော့်သဘောနဲ့ ကျနော် ရှေ့ တန်းကို ခဏခဏ ခရီးထွက်ခဲ့တယ်။ ကျနော် တော်တော်လေးကို တုန်လှုပ်ခဲ့ရတယ်။ ကရင်ပြည်နယ်တခုလုံး သွေးချောင်းစီးနေတာပဲ။ ပြည်တွင်းစစ်ဆိုတာကြီးကို ကျနော် ကောင်းကောင်းတွေ့ ရတော့တာပဲ။ လွတ်လပ်ရေးရပြီးနောက်ပိုင်း ကိုယ့်အမျိုးသားအချင်းချင်း သတ်ကြဖြတ်ကြရလို့ လူတွေ ဘယ်လောက်သေခဲ့ပြီဆိုတာ ခန့် မှန်းပြီးပြောဖို့ တောင်ခက်ပါတယ်။
ကျနော် စစ်ကိုမုန်းတယ်။ စစ်ကို ကြောက်လည်းကြောက်တယ်။ ကျနော်ကိုယ်တိုင်က စစ်ရဲ့သားကောင်ဖြစ်နေတာကို ဘွားကနဲသွားတွေ့ လိုက်ရတော့ အရမ်းဝမ်းနည်းခဲ့ရတယ်။ ဒီတော့ စာတွေရေးမိပြီပေါ့။ “ဒုံသမိချောင်းပေါ်က ကြယ်နီ” “ဒုံသမိချောင်းကမ်း ငရဲခန်းများ” အခန်းဆက်ဆောင်းပါးတွေ။ ဒီတုန်းက ကျနော်က ဒီမိုကရက်တစ်မြန်မာ့အသံ ကွင်းဆင်းသတင်းထောက်။ ဒီဆောင်းပါးတွေကို အပါတ်စဉ်ကျနော်အသံလွှင့်ခဲ့ပါတယ်။

နောက်တော့ စစ်ဆန့် ကျင်ရေးကဗျာတွေ စုတော့တာပါပဲ။ မြန်မာပြည်မှာက အုပ်စိုးသူအဆက်ဆက်က စစ်ကိုဖန်တီးကြသူတွေ၊ စစ်ဆန့် ကျင်ရေးဆိုတဲ့စကားကို နည်းနည်းလေးမှ မကြားချင်တဲ့သူတွေဆိုတော့ ဘယ်မှာလာပြီး စစ်ဆန့် ကျင်ရေးကဗျာတွေ အလွယ်တကူ ရှာလို့ ရနိုင်ပါ့မလဲ။ မလိမ့်တပါတ်လုပ်ပြီး စာပေကင်ပေတိုင်ရှေ့ က ခြေသံဖျောက်ပြီးလျှောက်လာနိုင်တဲ့ကဗျာဆိုတာကလည်း ရှားမှ ရှား။ ဒီတော့ နိုင်ငံရပ်ခြားစစ်ဆန့် ကျင်ရေးကဗျာတွေ လိုက်ရှာရပြန်တာပေါ့။

ကဲ အချီးတွေ၊ နိဒါန်းတွေ တော်တော်ပြောလိုက်မိတယ်။ ခွင့်လွှတ်ကြပါဗျာ။ဒီကနေ့ တော့ နိုင်ငံရပ်ခြား စစ်ဆန့် ကျင်ရေးကဗျာတပုဒ် တင်ပေးလိုက်ပါတယ်။ ချက်ကဗျာဆရာ “မီရောဆလပ် ဟောလုဗ်” ရဲ့ ကဗျာပါ။ “မောင်သစ်မင်း” ဘာသာပြန်ထားတာပါ။ စာဖတ်သူများ စိတ်ကြေနပ်ကောင်းပါရဲ့။

ဗုံးကြဲပြီးနောက် ငါးမိနစ်

ပီလ်ဆင်မြို့ မှာ
နှစ်ဆယ့်ခြောက် ဘူတာရုံလမ်း
တစ်အိမ်လုံးမှာ
ကျန်ခဲ့သမျှ ဒါပဲဖြစ်တဲ့ လှေကားအတိုင်း
တတိယထပ်ကို တက်သွား
သူ့ အခန်တံခါးကို ဖွင့်လိုက်တော့
လုံးဝ မိုးကောင်းကင်ကြီးကိုသာ
လှေကားစွန်းမှ ငေးရပ်နေမိ။

ဒီနေရာဟာဖြင့်
ကမ္ဘာလောကကြီး ဆုံးတဲ့အရပ်ပဲ
ဒါနဲ့ 
သူ့ တံခါးသူ သေချာ ပြန်ပိတ်လိုက်တယ်
သူ့ မီးဖိုချောင်ဆီက
ဆီရီယပ်*
ဒါမှမဟုတ် အဲဒီဘာရန်ကို
တယောက်ယောက် ခိုးယူမှာစိုးလို့ 
အောက်ကို ပြန်ဆင်းခဲ့တယ်
ပြီးတော့ သူ ထိုင်ချလိုက်ကာ
စေါင့်ဆိုင်းနေလေရဲ့
အိမ်ကြီး ပြန်ထလာဖို့ 
သူ့ ယောင်္ကျား ပြာပုံထဲက ပြန်ထလာဖို့ 
သူ့ ကလေးတွေရဲ့ ခြေလက်တွေ နေရာတကျပြန်တပ်မိဖို့ ။

မနက်ကြတော့
သူ့ ကို လူတွေ တွေ့ ကြရတယ်
ကျောက်တုံးလို ငြိမ်သက်လို့ 
စာကလေးတွေက သူ့ လက်ကို ဆိတ်လို့ ။ ။

*ဆီရီယပ် - သဘောင်္ပဲ့တာရာ
*အယ်ဒီဘာရန် - ရောဟနီတာရာ

မောင်သစ်မင်း

ကိုးကား။ ။မောင်သစ်မင်း ရဲ့ ‘သုံးယောက်ကောင်းကင်‛ ကဗျာစာအုပ်မှ



3 comments:

  1. ကဗျာ က ကြေကွဲဖွယ်ရာ ကောင်းနေပြီး တော့
    ဆရာ့ အတိတ် အတွေ့ အကြုံတွေကတော့ စိတ်ဝင်စားစရာ ပါ

    ReplyDelete
  2. အဲဒီ ကဗျာက သုံးယောက်ကောင်းကင်ထဲမှာ အကြိုက်ဆုံး တပုဒ်ပဲ။
    ဒီတပုဒ် ဖတ်ပြီးသွားပြီလား ကြိုက်မယ်ထင်ပါတယ် ..

    http://shwewarpyi.blogspot.com/2009/09/blog-post_05.html

    ReplyDelete
  3. I always read your blog..Thanks and go ahead,please...

    ReplyDelete