April 03, 2008

မုန်တိုင်းကြို လေပြေညှင်း

(က)
လွန်ခဲ့တဲ့ ၂၀၀၅ - ခုနှစ်၊ ထိုင်းနိူင်ငံ “ ဇင်းမယ်မြို့ ” မှာ ပြုလုပ်တဲ့၊ မြန်မာ့သတင်းသမားများ ညီလာခံ ( BMC ) မှာ၊ မြန်မာ နိူင်ငံရဲ့  ၀ါရင့်သတင်းစာ ဆရာကြီးတဦးက မြန်မာကဗျာဆရာများနဲ့ ပါတ်သက်ပြီး၊ သူ့ ရဲ့ ပုဂ္ဂလ သဘောထားအမြင်ကို ပွင့်ပွင့် လင်းလင်းပဲ ပြောဆိုခဲ့ပါတယ်။
“ ၁၉၈၈ - ခုနှစ်မှာ ဖြစ်ပွားခဲ့တဲ့ ရှစ်လေးလုံးအရေးတော်ပုံမှာ မြန်မာကဗျာဆရာတွေ တယောက်မှ မပါခဲ့ဘူး၊ သည့်နောက် ပိုင်း ဒီမိုကရေစီကြိုးပမ်းနေကြတဲ့ အလုပ်တွေမှာလည်း ကဗျာဆရာတွေ မပါပါဘူး ” လို့ …ပြောခဲ့ပါတယ်။



ကိုယ့်သဘောထား၊ ကိုယ့်အမြင်ကို အခုလို ပွင့်ပွင့်လင်းလင်းပြောခဲ့တာနဲ့ ပါတ်သက်ပြီး ပုဂ္ဂလ အခွင့်အရေးတခုဖြစ်တာမို့  ကျနော့်အနေနဲ့ ကတော့ ကန့် ကွက်ရန်အကြောင်းမရှိပါဘူး။ ဒါကတော့ ဘယ်သူမဆို မိမိရဲ့ အယူအဆကို လွတ်လပ်စွာ ပြောဆိုခွင့်ရှိရမယ်ဆိုတဲ့ “ လူသားတိုင်းရဲ့ မူလအခွင့်အရေး ” ကိစ္စ ဖြစ်တာမို့ ၊ ဒီလိုပြောဆိုလာတာကိုတောင်မှ ကျနော်တို့ အဖို့  “ မူ ” အားဖြင့် ကြိုဆိုကြရမှာ ဖြစ်ပါတယ်။ ဒါပေမယ့်လည်း အခုလိုပြောဆို လာတဲ့ သဘောထားအမြင်ပေါ်မှာလည်း၊ ကျနော်တို့  အနေနဲ့  ကျနော်တို့ ရဲ့  တုံ့ ပြန်အမြင်၊ တုံ့ ပြန်သဘောထားကို တင်ပြသင့်တယ်၊ တင်ပြခွင့် ရှိတယ်လို့ လည်း မြင်မိပါတယ်။ အတိုချုပ်ပြီး ပြောရရင်တော့ “ ရှစ်လေးလုံး အရေးတော်ပုံကြီးမှာ၊ သည့်နောက်ပိုင်း ဒီမိုကရေစီ ကြိုးပမ်းဆောင်ရွက်မှုတွေမှာ မြန်မာကဗျာဆရာတွေ တယောက်မှ မပါဘူး ” ဆိုတဲ့ အမြင်ဟာ မှားပါတယ်။ မြန်မာကဗျာဆရာတွေဟာ၊ ရှစ်လေးလုံး ဒီမိုကရေစီ အရေးတော်ပုံကြီးမှာ အင်တိုက်အားတိုက် ပါခဲ့ကြပါတယ်။ သည့်နောက်ပိုင်း ဒီမိုကရေစီရေး ကြိုးပမ်းမှုတွေမှာလည်း ပါဝင်လျက်ရှိ နေကြပါတယ်။ ဒါကို နောင်အလျဉ်းသင့်တဲ့အခါ ထပ်ပြီး သက်သေသာဓကများနဲ့  ကျနော် ရှင်းလင်းတင်ပြမှာ ဖြစ်ပါတယ်။ အခု - ဒီဆောင်းပါးမှာတော့ “ မြန်မာကဗျာဆရာတွေဟာ ရှစ်လေးလုံးအရေးတော် ပုံနဲ့  သည့်နောက်ပိုင်း ဒီမိုကရေစီရေးကြိုးပမ်းမှုတွေမှာ ပါဝင်ခဲ့၊ ပါဝင်နေရုံတင် မကပါဘူး။ ရှစ်လေးလုံး ဒီမိုကရေစီအရေးတော်ပုံကြီး မဖြစ်ပွားမှီကတည်းက၊ အဲဒီအရေးတော်ပုံ မုန်တိုင်း ကြီး ဖြစ်ပွားလာစေဖို့ အတွက်၊ အစပျိုးတဲ့ လေပြေညှင်းများအဖြစ်နဲ့  ပါဝင်ပါတ်သက်ခဲ့ကြတယ် ” ဆိုတဲ့ အချက်ကို ကျနော် ဆွေးနွေးမှာဖြစ်ပါတယ်။

(ခ)
ရှစ်လေးလုံး ဒီမိုကရေစီအရေးတော်ပုံ မုန်တိုင်းကြီးဟာ၊ ရုတ်တရက် ချက်ချင်းထပြီး ပေါ်ပေါက်လာခဲ့တာ မဟုတ်ပါဘူး။ အဲဒီ အရေးတော်ပုံကြီး ဖြစ်လာဖို့  အကြောင်းအချက်တွေ၊ တွန်းအားတွေ၊ စုစည်းမှုတွေ ရှိခဲ့လုပ်ခဲ့ကြရပါတယ်။ ဒီလို တွန်းအား တွေ၊ စုစည်းမှုတွေထဲမှာ မြန်မာကဗျာဆရာတွေဟာ၊ တခန်းတကဏ္ဍက ပါဝင်ခဲ့တာ တွေ့ ရပါတယ်။ သက်သေပြနိူင်ဖို့ အတွက် စစ်တမ်းကောက်ယူ ရမယ်ဆိုရင် မုန်တိုင်းကြို မြန်မာကဗျာတွေ ရာထောင်ချီပြီးတောင်မှ ရှိနိူင်ပါတယ်။ ဒါပေမယ့် ဒီကနေ့ မှာတော့ ကျနော်က ကဗျာနှစ်ပုဒ်ကိုပဲ ရွေးထုတ်ပြီး သက်သေပြမှာ ဖြစ်ပါတယ်။

ဆိုနေကျသီချင်း

(၁)
လျှောက်နေကျ လမ်းတခုပါပဲ
ဆန်းလဲ မဆန်းကျယ်လှ
နှုတ်တက်ရ တေးတစ်ပုဒ်သာပ။

(၂)
စက်ရုံတံခါးဖွင့်ဖို့  သူတို့ လိုပဲ ငါလာခဲ့
မြို့ တော်ရဲ့  သည်မှာဘက်ကိုလေ
ထမင်းဘူးလေးကို ပိုက်လို့ 
နေလုံးက အိပ်မှုန်စုံမွှား
အရှေ့ ဖျားမှာ တွားတက်စ။
အမှိုက်သိမ်းသမားရဲ့ 
တွန်းလှည်းသံ တဂျိမ်းဂျိမ်းမှာ
မြို့ တော်လမ်းမကြီးဟာ အညောင်းဆန့် ရင်း
ခေတ်ပေါ်သီချင်းနဲ့  ခင်းကျင်းပြီးစ
ခွေးခြေလှလှ လက်ဖက်ရည်ဆိုင်က
မနက်ခင်း စားသောက်စရာတွေက
အငွေ့ ထောင်းထောင်း ထလို့ ။
ဘတ်စ်ကားမှတ်တိုင် မှီရပ်
ပါးစပ်ဟဟ သမ်းဝေ
အိပ်တန်းကြောင် ငှက်ကလေးရေ
မင်း အိမ်ပြန်တော့မယ်လား
ငါတော့ အလုပ်သွားမကွယ့်
စက်ဆီ ညစ်ထေးနဲ့ 
အေးစက်စက် သံထည်ကြီးတွေရဲ့ အောက်မှာ
ငါ့ကြွက်သားတွေ ညောင်းညာခိုက်
မင်း အိပ်ဖြစ်အောင် အိပ်လိုက်ဦး။

မင်းနဲ့ ငါ မပါတဲ့
မြို့ တော်ရဲ့  နေ့ လယ်ခင်းဟာ
သူ့ ဘာသာသူ စီးဆင်း
ဆိုနေကျ သီချင်းနဲ့ 
တို့ ကိုတွေးမယ့်သူလဲ ကင်းရဲ့ မဟုတ်လား။

(၃)
အလုပ်ဆင်း ဥသြသံက
ငါ့ကို ပြန်ခွင့်ပြုတဲ့အခါ
မသေချာမှုတွေ အပြည့်အဖောင်း
လွယ်အိတ်ဟောင်းလေး ထည့်ပိုး
မနေ့ ကလိုမျိုးရဲ့  ညနေချိန်
ငါ အိမ်ပြန်ခဲ့တယ်။

ရှေ့ မှာ မာကျူရီမြို့ တော်ည ယိမ်းညှို့ ညှို့ က လို့ 
အို ပလက်ဖောင်းကြီး လှလှပပ
မြို့ တော်ရဲ့ ညခင်းမှာ
ရာဘာဖိနပ်ပါးတစ်ရံ ဖြတ်သန်းမှု
ခိုးလိုးခုလု ဖြစ်ခဲ့က ခွင့်လွှတ်ပ။
ဆေးရောင်ခြယ်တိုက်မြင့် မျက်နှာစာများ
တန်ဖိုးကြီး အိပ်ဇောမှိုင်းငွေ့ များ
အချက်ကျ နာရီ စုတ်ထိုးသံများ
တုတ်ခိုင်ပါးလျ အသားစများ
ဘူးဆို့  ဆိုဒါမြှုပ် စီးကရက်ပြာတောင့်များ
ငါ့အား ပွတ်ရှမိစဉ်မှာ
ရေဆာခံတွင်း ခြောက်ကပ်မှုကြီးထွား
လေနဲ့ ထုထားတဲ့ လွယ်အိတ်
တစ်ရိပ်ရိပ် ပေါ့ရွှတ်ဆဲ
ဒူးများခွေညွှတ် လဲချင်ပေါ့။
ဟိုမှာဘက်
မြို့ တော်ရဲ့  ဆင်ခြေဖုံးမှာ
ငါ့အတွက် ဖျာတစ်ချပ်ရှိတယ်
ပြီး - အမေပြင်ထားမယ့် ညစာရှိမယ်။

မိုးများတောင်ချုပ်ခဲ့
အို - လွယ်အိတ်ကလေး
ကျေးဇူးပြုပြီး ငါ့ကိုလွယ်သွားပါ့
မောလျလျ ခန္ဓာအိမ်ကို
ညထဲမှာ စိမ်လိုလှပေါ့။ ။

ဒီကဗျာဟာ၊ ၁၉၈၇ - ခုနှစ်၊ ဧပြီလထုတ် “ မိုးဝေ စာပေမဂ္ဂဇင်း ” မှာ၊ ဖေါ်ပြခံခဲ့ရတဲ့ ကဗျာဆရာ “ နွေလယ်နေ ” ရဲ့  ကဗျာဖြစ်ပါတယ်။ လူထုဘ၀ သရုပ်ဖေါ်ကဗျာပါ။ ဒီလိုအခြေအနေတွေကို ဖတ်ရတဲ့အခါ ဘ၀တူလူထုကို ခံစားမှုတွေ ပိုမိုမြင့်မားစုစည်းမိလာ စေနိူင်တဲ့ ကဗျာတပုဒ်ဖြစ်ခဲ့ပါတယ်။

မြပုခက်တင်

ဆေးရုံအသွား ကြားကားနှစ်ကျပ်
ဆူမဆောင့်ဖို့  ညစောင့်ကနှစ်ကျပ်
ရပ်မနေနိူင် ကုလားထိုင်ငှားက နှစ်ကျပ်
ဘာလေးမွေးမွေး သတင်းမေးက နှစ်ကျပ်
မွေးလူနာဆီ ကော်ဖီပို့ က နှစ်ကျပ်
ခေါင်းကိုက်လျှင် အနာဂျက်ဆင် နှစ်ကျပ်
နှစ်ကျပ်တန် ကမ္ဘာကြီးထဲကို
သမီးလေး ရောက်လာတယ်။
ဆရာဝန် (ရေး) ပေးတဲ့စာ
ဝယ်မပေးလျှင် ရှက်စရာ
(ဧည့်သည်လာလည်း)
လူနာအတွက် လက်ဆောင်မပါ ရှက်စရာ
ရှက်စရာလောကကြီးမှာ
သမီး မျက်နှာငယ်
အဖေ ရှက်ပါတယ်။

လက်တိုဂျင် နှစ်ရာ
ဂရိုက်မစ်ချာ လေးဆယ်
အနှီးနှစ်ထည် သုံးဆယ့်ငါး
သမီး မကြားစေနဲ့ ။
“ ထမင်းရည်နဲ့ သကြား ကလေးအားဖြစ်တယ် ”
( ဒေါက်တာတင်ဦး)
“သူငယ်နာတို့ ပတ်ဆေး ကလေးတိုင်းတည့်တယ် ”
(ဒေါက်တာစိန်တင်)
ပုဆိုးဟောင်း နှစ်ထည်ဖျက်
အနှီးအတွက် လေးထည်ရမယ်။
ပိုင်အိုလက်အစား သနပ်ခါးမှုန့် သုံးမယ်။
လေလာလျှင် ရွက်
လေမလာလျှင် တက်
တက်ကျိုးလျှင် လက်ထိုးလှော်
ပျော်သလိုနေ ကလေးရေ။
အဖေတစ်လှည့်ထမ်း အမေတစ်လှည့်ထမ်း
အဖေတစ်လမ်း အမေတစ်လမ်း
မေးစမ်းရှာဖွေ တို့ သားအဖတစ်တွေ
နတ်ရေကန် မရောက်မချင်း။
ဖိုးလမင်းရေ
ထမင်း (ဖြူဖြူ) တစ်ဆုပ်
ရေ (သန့် သန့် )တစ်မှုတ်ပေးပါ
ဝါ ၀ါ ၀ါ။

ဒီကဗျာကတော့ ၁၉၈၇ - ခု၊ ဇွန်လထုတ် “ မိုးဝေ စာပေမဂ္ဂဇင်း ”မှာ ဖေါ်ပြခဲ့တဲ့ “ မင်းစိုးရ ” ရဲ့ ကဗျာပါ။ ဘ၀တွေ ကျိုးကြေ စုတ်ပြတ်နေတဲ့ ဘ၀ သရုပ်ဖေါ်ကဗျာတပုဒ်ပါပဲ။ ဒီကဗျာနှစ်ပုဒ်ထဲမှာ ကျနော်တို့ ဟာ မျက်မှောက်ခေတ် လူထုရဲ့ ဘ၀ အခြေအနေတွေကို တွေ့ ကြရပါတယ်။ ဒီလိုကဗျာမျိုးကို ဖတ်ကြရတဲ့အခါ ကိုယ့်ဘ၀ဟာလည်း ကဗျာထဲမှာပါတဲ့ ဇာတ်ကောင် တွေရဲ့ ဘ၀နဲ့ ထပ်တူကျနေတဲ့အတွက် ကြွေကွဲခြင်း၊ ဒေါသဖြစ်ခြင်းတွေ ဖြစ်ကြရပါတယ်။ ငါတို့ တတွေဘာ့ကြောင့် အခုလို ဘ၀တွေကျိုးကြေကြရတာလဲ။ ဒီဘ၀က လွတ်မြောက်အောင် ငါတို့ ဘယ်လို လမ်းစရှာကြမလဲ…ဆိုတဲ့ ခံစားမှုတွေ အတွေးတွေကို ဒီကဗျာတွေက နှိုးဆွပေးခဲ့ကြပါတယ်။ ဒီလိုနဲ့  လူထုရဲ့ အထွေထွေ အကြပ်အတည်းတွေကို စုစည်းပေးသလိုဖြစ်ပြီး လူထုရဲ့  ခံစားချက်ကို နှိုးဆွပေးသလိုဖြစ်ပြီး ရှစ်လေးလုံး ဒီမိုကရေစီတောင်းဆို အုံ့ ကြွမှုကြီးအတွက် တွန်းအားပေးတဲ့အချက် ဖြစ်ခဲ့ပါတယ်။
နိူင်ငံတနိူင်ငံမှာ၊ ကဗျာဆရာတွေဟာ၊ အဲဒီနိူင်ငံလူထုရဲ့  စိတ်ဝိဥာဉ်ကို ပြုပြင်ထုဆစ်ကြသူများ ဖြစ်တယ်လို့  “ ချက် ” ကဗျာဆရာတွေက ပြောလေ့ပြောထ ရှိကြပါတယ်။ အခု ကျနော်တင်ပြခဲ့တဲ့ ကဗျာနှစ်ပုဒ်ဟာ၊ ကျနော်တို့ လူအဖွဲ့ အစည်း ဘယ်လို ဖြစ်နေတယ်၊ ဒီအခြေအနေတွေဟာ ကျေနပ်ဖွယ်ရှိတယ်၊ မရှိဘူး၊ ဒီလိုဘ၀မျိုးက ရုန်းထွက်ဖို့ ၊ ဘ၀သစ်ထူထောင်ဖို့  လမ်းဖွင့် စဉ်းစားလာရအောင်၊ စာဖတ်သူတွေကို ခံစားမှုတွေ စုစည်းပေးတဲ့ ကဗျာအမျိုးအစားတွေပဲ ဖြစ်ပါတယ်။ တနည်းအားဖြင့် ပြောရရင် “ ခေတ်ပြောင်း၊ ဘ၀ပြောင်းဖို့ အတွက် ပေါက်ကွဲ ပွင့်အံလာတော့မယ့် မုန်တိုင်းကြီးတခုရဲ့  ရှေ့ ပြေးနိမိတ် လေပြေညှင်းများ ” ပဲ ဖြစ်ပါတယ်။
ဒီလို “ လေပြေညှင်း ” တွေဟာ၊ မုန်တိုင်းတခုရဲ့ ရှေ့ မှာ အမှန်တကယ်ပဲ ရှိခဲ့ပါတယ်။ ဒီတော့ကာ…၊ မြန်မာကဗျာဆရာ တွေဟာ မုန်တိုင်းတခုဖြစ်လာဖို့  အစပျိုးတဲ့ လေပြေညှင်းလို့ ခေါ်တဲ့ ကဗျာတွေ ရေးခဲ့ကြတာ ဘယ်သူငြင်းနိူင်မလဲ။ ဒါကြောင့်မို့  ရှစ်လေးလုံး ဒီမိုကရေစီ အရေးတော်ပုံ မုန်တိုင်းကြီး ဖြစ်ပွားလာဖို့  မြန်မာကဗျာဆရာတွေဟာ မုန်တိုင်းကြို လေပြေညှင်းအဖြစ်နဲ့  တာဝန်ကြေခဲ့ကြတယ်လို့ ပဲ ကျနော်ပြောချင်ပါတယ်။

မန်မရီ ရေအိုင်ထက်က တွန့် လိမ်နေသော တိမ်တိုက်များ

(က)

ပိုလန်ကဗျာဆရာ “ ရှက်စ်လောမီလော့ဇ် ” ကွယ်လွန်ခဲ့တာ အခုဆိုရင် (၂)နှစ်ကျော် ရှိခဲ့ပါပြီ ။ ၂၀၀၄ခုနှစ်၊ သြဂုတ်လ (၁၄)ရက်နေ့ မှာ သူကွယ်လွန်ခဲ့တာပါ။
ကဗျာဆရာ “ ရှက်စ်လောမီလော့ဇ် ” ရဲ့ ဘ၀ဟာ၊ သူနဲ့ ခေတ်ပြိုင် အရှေ့ ဥရောပအိမ်နီးချင်းနိုင်ငံတချို့ က ကဗျာ ဆရာတွေလိုပဲ နိုင်ငံရပ်ခြားမှာ ခိုလှုံခွင့်တောင်းရတဲ့အဖြစ်၊ ကဗျာတွေ ပုံနှိပ်ခွင့် ပိတ်ပင်ခံရတဲ့အဖြစ်တွေနဲ့  ရင်ဆိုင်ဖြတ်သန်းရတာ ပါပဲ။ ဒါဟာ ကဗျာဆရာတဦးအနေနဲ့ သူရဲ့ ခေတ်ပြိုင် သမိုင်းရေးအနေအထားအပေါ် တာဝန်ကျေခြင်း မကျေခြင်းဆိုတဲ့ ပေတံနဲ့  တိုင်းတဲ့အခါ၊ တာဝန်ကျေသွားကြတဲ့ ကဗျာဆရာတိုင်း ဒီလိုခံစားနာကျင်ကြရတာချည်းပါပဲ။ ဘာပြုလို့ လည်းဆိုတော့ သူနဲ့ ခေတ် ပြိုင် လူထူရဲ့ ဘ၀ဟာလည်း ခံစားနာကျင်မှုတွေနဲ့  ပြည့်နှက်နေခဲ့လို့ ပဲပေါ့။



ပိုလန်နိုင်ငံရဲ့  ခေတ်သစ်သမိုင်းမှာ ဟောင်းနွမ်းဆွေးမြေ့ တဲ့စနစ်ဟောင်းကနေပြီး၊ သစ်လွင်တဲ့ စနစ်တခုဆီကူးပြောင်းရာ မှာ ကူးပြောင်းပုံကူးပြောင်းနည်းက အင်မတန် သိမ်မွေ့ လေးနက်ပါတယ်။ “ ကတ္တီပါတော်လှန်ရေးနည်း ” ပါပဲ။ ဒါနဲ့ ပါတ်သက်ပြီး ပိုလန်အလုပ်သမားခေါင်းဆောင်တဦးဖြစ်တဲ့ “ လက်စ်ဝယ်လ်ဆါ ” ပြောတဲ့စကားတခွန်းက ပိုလန်ခေတ်ပြောင်းတော်လှန်ရေးရဲ့  ဥပဓိရုပ်ကို ပုံဖေါ်သလိုပါပဲ။ သူက “ ငြိမ်းချမ်းစွာ ခေတ်ပြောင်းဖို့ ကြိုးစားတဲ့နည်းဟာ အချိန်ကြာကြာ ယူကောင်းယူရပါလိမ့်မယ်၊ ဒါပေမယ့် ဒီနည်းက အောင်မြင်မှုကိုပိုပြီး ရနိုင်တယ် ” လို့ ပြောခဲ့တာပါ။ သူက ပရပ်မြို့ လယ်ခေါင်လမ်းတွေပေါ်က ဆန္ဒပြကြွေး ကြော်နေကြတဲ့ ပိုလန်လူထုကို ငြိမ်းချမ်းစွာဆန္ဒပြ တောင်းဆိုခြင်းဟာ “ အဓမ္မ ” ကို မနိုင်စရာအကြောင်း မရှိဘူးလို့ အားပေးလိုက် တဲ့ သဘောပါပဲ။ “ လက်စ်ဝယ်လ်ဆာ ” ဟာ၊ နေအိမ်အကျယ်ချုပ်ကျခံခဲ့ရသူ၊ ၁၉၈၃-ခုနှစ်မှာ ငြိမ်းချမ်းရေးနိုဗယ်ဆု ချီးမြှင့်ခံခဲ့ရ သူပါ။
ပိုလန်ကဗျာဆရာ “ ရှက်စ်လောမီလော့ဇ် ” လည်းပဲ၊ ၁၉၈၁-ခုနှစ်တုန်းက စာပေနိုဗယ်ဆုချီးမြှုင့်ခံခဲ့ရပါတယ်။ သူက“ လက်စ်ဝယ်လ်ဆာ ” ထက် (၃)နှစ်စေါပြီး နိုဗယ်ဆုရခဲ့သူပါ။ ပိုလန်လူမျိုးထဲက နိုဗယ်ဆုရသူနှစ်ဦးအထိ ရှိလာခဲ့ပြီပေါ့။ အဲသလောက်အထိ ပိုလန်ပြည်ရဲ့ မျက်မှေက်ခေတ်သမိုင်းဟာ အထင်ကရဖြစ်ခဲ့ရပါတယ်။
“ ရှက်စ်လောမီလော့ဇ် ” ဟာ၊ ဖခင် “ ၀ါရိုနီကာ ” နဲ့  မိခင် “ အလဇန္ဒါမီလော့ ” တို့ က ၁၉၁၁-ခုနှစ်၊ ဇွန်လ (၃၀)မှာ မွေးခဲ့ ပါတယ်။ လစ်သူနီးယါးနိုင်ငံမှာ မွေးပါတယ်။ ဒီတုန်းက လစ်သူနီးယါး ဟာ၊ ရုရှရဲ့ လက်အောက်ခံနိုင်ငံတနိုင်ငံ ဖြစ်ပါတယ်။ ပထမ ကမ္ဘာစစ်ကြီးပြီးတော့ ဖခင်ဖြစ်သူ “ ၀ါရိုနီကာ ” ဟာ၊ စစ်ထဲ ဆွဲသွင်းခြင်းခံရပြီး၊ ရှေ့ တန်းမှာ တံတားတွေဆောက်ရပါတယ်။ မိသားစုတခုလုံး ၁၉၁၈-ခုနှစ်အထိ “လစ်သူနီးယါး ” နိုင်ငံထဲပြန်မသွားတော့ပဲ၊ နောင်အခါကြတော့ ပိုလန်နိုင်ငံရဲ့ အစိပ်အပိုင်းတခု ဖြစ်လာမယ့် “ ၀ီနိူ ” လို့ ခေါ်တဲ့ဒေသမှာ၊ အခြေချကြပါတယ်။ နောင်ကြတော့ ဒီနေရာကို “ ဗီလ်နာ ” လို့ ခေါ်လာကြပါတယ်။
“ ရှက်စ်လောမီလော့ဇ် ” ဟာ၊ ၁၉၂၉-ခုနှစ်မှာ အထက်တန်းအောင်ပါတယ်။ နောက်တနှစ် ၁၉၃၀-ခုနှစ်မှာ၊ သူ့ ရဲ့ ကဗျာ တချို့ ၊ တက္ကသိုလ်မဂ္ဂဇင်းတခုမှာစတင်ပုံနှိပ်ဖေါ်ပြခြင်း ခံရပါတယ်။ ၁၉၃၁-ခုနှစ်မှာ၊ “ ဇာဂါရီ ” လို့ ခေါ်တဲ့ စာပေအုပ်စုလေးတခုကို ဦးဆေါင်ထုထေါင်ခဲ့ပါသေးတယ်။ ၁၉၃၃-ခုနှစ်ကြတော့ သူ့ ရဲ့ ကဗျာပေါင်းချုပ်စာအုပ်ကို ထုတ်ဝေပါတယ်။ ၁၉၃၃-ခုနှစ်မှာ၊ ဥပဒေ ဘွဲ့ ရပါတယ်။
၁၉၃၆-ခုနှစ်ကြတော့ “ ၀ီလ်နိူ ” အသံလွှင့်ဌာနမှာ၊ အသံလွှင့်အစီစဉ်တွေ ၀င်ရေးပါတယ်။ နောင်မှာ ပိုလန်ပြည်မြို့ တော် “ ၀ါဆော ” မှာရှိတဲ့ အသံလွှင့်ဌာနမှာ အလုပ်ဝင်လုပ်ပါတယ်။ ၀ါဆောမှာ နေထိုင်ရင်း ဒုတိယကမ္ဘာစစ်ကြီးအတွင်း မြေအောက်ပုံနှိပ် ထုတ်ဝေရေး လုပ်ငန်းတွေ လုပ်နေခဲ့ပါတယ်။ ဒီတုန်းက “ ၀ါဆော ” ဟာ၊ နာဇီတွေ ကျူးကျော်သိမ်းပိုက်ခံထားရတဲ့ အချိန်ပါ။
စစ်ကြီးပြီးတော့ ပိုလန်ကွန်မြူနစ်အစိုးရက သူ့ ကို ပိုလန်ရဲ့ အမေရိကန်နိူင်ငံဆိုင်ရာ သံတမန်အဖြစ်ခန့် အပ်လို့  အမေရိကန်ပြည်ထောင်စု “ နယူးယေါ့ ” နဲ့  “ ၀ါရှင်တန် ” မှာ “ ကောင်စစ်ဝန် ” အဖြစ်နေထိုင်ခဲ့ပါတယ်။ ၁၉၅၈-ခုနှစ်မှာတော့ ပိုလန် တပါတီအာဏာရှင် အစိုးရ၀န်ထမ်းဘ၀ကို စွန့် ခွါပြီး ပြင်သစ်ပြည်ကိုသွားပါတယ်။ ပါရီမြို့ မှာ၊ နိူင်ငံရေးခိုလှုံခွင့်တောင်းလိုက် ပါတယ်။အဲဒီအချိန်ကစလို့ သူ့ ကဗျာတွေဟာ ပိုလန်မှာ ပိတ်ပင်ခံရပါတော့တယ်။အဲဒီအချိန်ကစလို့  ဆယ်စုနှစ်တခုကြာ“ ပါရီ ” မှာနေရင်း လွတ်လပ်တဲ့စာရေးဆရာအဖြစ် ရပ်တည်ခဲ့ပါတယ်။ ၁၉၅၃-ခုနှစ်မှာ “ ထွက် ပေါက်မဲ့စိတ်ဝိဥာဉ် ” ကဗျာစာအုပ်ကို ထုတ်ဝေပါတယ်။ ၁၉၆၈-ခုနှစ်ကြတော့ အမေရိကန်နိုင်ငံကို ပြောင်းရွှေ့ ပြီး ကာလီဖိုးနီ်းယါး ပြည်နယ်၊ ဘာကလေတက္ကသိုလ်မှာ၊ ပိုလန်စာပေကထိကအဖြစ် အလုပ်ဝင်လုပ်ပါတယ်။ နောက်ပိုင်းကြတော့ သူဟာ၊ ဆလာဗစ်ဘာသာနဲ့ စာပေဌါန၊ ပါမောက္ခဖြစ်လာ ခဲ့ပြီး၊ ၁၉၈၁-ခုနှစ်အထိ အဲဒီမှာပဲနေထိုင်ခဲ့ ပါတယ်။
“ ရှက်စ်လောမီလော့ဇ် ” ဟာ၊ စာပေနိူဗယ်ဆုအပြင်၊ တခြားစာပေဆုတွေလည်း ရခဲ့ပါတယ်။ ပိုလန် “ ပန် ” အဖွဲ့ က ချီးမြှုင့်တဲ့ ကဗျာဘာသာပြန်စာပေဆု၊ “ နက်စတက် အပြည်ပြည်ဆိုင်ရာစာပေဆု ” များကိုလည်း ရခဲ့ပါတယ်။ သူဟာ သူ့ ကဗျာတွေ အားလုံးကို ပိုလန်ဘာသာနဲ့ ပဲရေးခဲ့တာပါ။ ဒါပေမယ့်လည်း ၁၉၈၀-ခု၊ နိူဗယ်ဆုရပြီးတဲ့အချိန်အထိ၊ ပိုလန်ပြည်မှာတော့ ပုံနှိပ်ဖေါ်ပြ ခွင့် မရခဲ့ရှာပါဘူး။
“ ရှက်စ်လောမီလော့ဇ် ” ဟာ၊ တခြားပိုလန်ကဗျာဆရာ တော်တော်များများရဲ့ ကဗျာတွေကို အင်္ဂလိပ်လိုပြန်ဆိုခဲ့သလို၊ အင်္ဂလိပ်ကဗျာတော်တော်များများကိုလည်း ပိုလန်ဘာသာပြန်ဆိုခဲ့ပါတယ်။
ကဗျာဆရာ “ ရှက်စ်လောမီလော့ဇ် ” အကြောင်းစဉ်းစားတဲ့အခါ အပြောင်းအလဲတွေ မွန်းကြပ်မှုတွေပြည့်နေတဲ့ သူ့ ဘ၀ကို အထင်အရှားတွေ့ ရပါတယ်။ ဒုတိယကမ္ဘာစစ်ကြီးနောက်ပိုင်း ပိုလန်ပြည်သူတွေရဲ့ အမျိုးသားလွတ်မြောက်ရေး ၊ ငြိမ်းချမ်းရေး၊ ဒီမို ကရေစီရေးကြိုးပမ်းမှုကာလ နာကျင်ခံစားရမှုတွေဟာ၊ “ ရှက်စ်လောမီလော့ဇ် ” ကို အပြင်းအထန်ရိုက်ခတ်ခဲ့ပါတယ်။အထူးသဖြင့် သူဟာ အသက် (၇၀)နီးပါးရှိခါမှပဲ၊ သူ့ ကဗျာတွေကို ပိုလန်နိုင်ငံမှာ ပုံနှိပ်ဖေါ်ပြခွင့်ရခဲ့ရှာတာပါ။ ကဗျာဆရာတဦးအနေနဲ့  ဘယ်လောက်အထိ စိတ်ထိခိုက်ခဲ့ရမလဲဆိုတာ တွေးကြည့်လို့ ရမှာပါ။
ပိုလန်ပြည်ဟာ တောင်ပေါ်ရေအိုင်တွေအများကြီးရှိတဲ့ တိုင်းပြည်တခုအနေနဲ့  ကမ္ဘာမှာထင်ရှားပါတယ်။ အထူးသဖြင့် ဧရိယာစတုရန်းမိုင်ပေါင်း (၃၈၆) မိုင်ကျယ်တဲ့ “ မန်မရီ ” ရေအိုင်ကြီးဟာ အင်မတန် ကျော်ကြားလှတယ်။ ကျနော်ကတော့ ကဗျာ ဆရာ “ ရှက်စ်လောမီလော့ဇ် ” ကို၊ “ မန်မရီ ” ရေအိုင်ထက်က တွန့်လိမ်နေတဲ့တိမ်တိုက်တခုအဖြစ် တင်စားပြောဆိုရင်း သူ့ ကဗျာ တပုဒ်ကို အောက်မှာ ဖေါ်ပြပေးလိုက်ပါတယ်။

“ လီဘာလွိုက်စ် ”

အို..အဖ ဘုရားသခင်
“ လီဘာလွိုက်စ် ” အပေါ် သနားကြင်နာမှု ပေးတော်မူပါဘုရား ။
ကြည့်စမ်းပါအုန်း
ဟောဒီ သစ်အယ်ပင်တွေအောက်မှာ
မီးခိုးတွေနဲ့ အဆိပ်သင့်နေလေရဲ့ ။
မူးယစ်နေသူ၊ ချိနဲ့ နေသူအတွက်
ခဏတာ ပျော်ရွှင်မှုတခု ပေးအပ်တော်မူပါ
အို…အဖဘုရားသခင်
“ လီဘာလွိုက်စ် ” အပေါ် သနားကြင်နာမှု ပေးတော်မူပါဘုရား ။

သူတို့ 
တနေ့ လုံးပဲ ဆဲရေးတိုင်းထွာကြ၊ ခိုးဝှက်ကြ
အခုတော့ သူတို့ ဟာ
ကတုတ်ကျင်းတွေထဲ လဲလျောင်းကြ
သူတို့ ရဲ့ ဒဏ်ရာတွေကို လျှာနဲ့ ယက်ကြ
အမှောင်ထုက
ပါရီမြို့ ပေါ် ထူသထက်ထူထပ်စွာ ကျလာတဲ့အခါ
သူတို့ ရဲ့ သူခိုးလက်တွေထဲ မျက်နှာတွေကို ၀ှက်ထားကြ
အို…အဖဘုရားသခင်
“ လီဘာလွိုက်စ် ” အပေါ် သနားကြင်နာမှု ပေးတော်မူပါဘုရား ။

သူတို့ ဟာ နေ့ စဉ်နေ့ တိုင်းဆိုသလို
သင့်ရဲ့ အမိန့် ပေးမှုနောက်က လိုက်လာခဲ့ကြ
ဂျုံခင်းတွေကို ရိတ်သိမ်းခဲ့ကြ
ကမ္ဘာမြေကြီးထဲက ကျောက်မီးသွေးတွေ တူးခဲ့ကြ။
တခါတရံ သူတို့ ကိုယ်သူတို့ 
ညီအစ်ကိုတော်တွေရဲ့ သွေးတွေထဲ ရွှဲနစ်နေခဲ့ကြ
ဂျီးဆပ်နဲ့ မယ်တော်မေရီရဲ့ နာမည်တွေကို တမ်းတမြည်းကြွေးကြ။

သူတို့ ရဲ့ 
ကြွက်ကြွက်ညံနေတဲ့ စိတ်လွတ်ကိုယ်လွတ် ဆူညံမှုတွေဟာ
တည်းခိုခန်းတွေထဲက လျှံထွက်လာကြ။
ဒါဟာဖြင့် သင်ရဲ့ ချီးမွန်းဂုဏ်ပြုမှုထဲက
သူတို့ ရဲ့ တေးသံ။
မိုင်းကွင်းတွေထဲမှာ
ရေခဲပြင်ထဲမှာ
မီးကွင်းထဲမှာ
ရွှံ့ နွံတွေထဲမှာ
ပင်လယ်သေတွေထဲမှာ
သူတို့ တတွေ သေကြေပျက်စီးခဲ့ကြရ။

ဒါဟာဖြင့်
သူတို့ ကိုယ်တိုင် သူတို့ အပေါ် သင့်ကို မ တင်ခဲ့ကြ
သူတို့ လက်တွေက သင့်မျက်နှာကို ထုဆစ်ခဲ့ကြ
သင့်ရဲ့  ရဟန်းတော်မြတ်တွေအပေါ်
အရေးတယူ ဂရုတစိုက်ပြုကြ
သူတို့ ကို
ပျော်ရွှင်မှု စားပွဲနဲ့ အိပ်ယါကို
ပေးသနားတော်မူပါဘုရား။

သူတို့ ကို
မကောင်းမှု ဒုစရိုက်ဖျားနာခြင်း အမည်းစက်ထဲက
ယူဆောင်တော်မူပါဘုရား။
သူတို့ ကို လွတ်လပ်ခွင့်ပေးပါဘုရား။
“ ဆိုဒန် ” အတွင်းဆီ ဦးဆောင်တော်မူပါဘုရား။
သူတို့ ရဲ့ အိုးအိမ်တွေကို ပန်းကုံးများ ဆင်သခွင့်ပြုပါဘုရား။
ပိုမိုလင်းပစွာ
ဘယ်လိုနေထိုင်၊ သေဆုံးရမယ်ဆိုတာ
သူတို့ ကို သင်ယူခွင့်ပြုပါဘုရား။

အမှောင်ထု
တိတ်ဆိတ်မှု
ဟိုး..အဝေးတနေရာက တံတားတခုရဲ့ တေးငြီးသံ
လေပြေညှင်းက
“ ကိန်း ” ရဲ့ သစ်ပင်တွေကြား ဖြတ်သန်းတိုက်ခတ်ကြ
ဟင်းလင်းပြင်ဖြစ်နေတဲ့ ကမ္ဘာမြေပေါ်မှာ
လူသားမျိုးနွယ်အပေါ်မှာ
“ လီဘာလွိုက်စ် ” အပေါ်မှာ ကြင်နာမှုကင်းမဲ့စွ၊ ကြင်နာမှုကင်းမဲ့စွ။ ။

ကိုးကား။ ။ The Collected Poems ( Czeslaw Milosz )
Poland ( Land of Freedom Fighters )

နှစ်(၅၀) လေ့ကျင့်ခန်း စာမျက်နှာ ၁၉၉၃

(က)
“ ကျနော့်နာမည် ရွာချစ်၊ ရွာဟိတ် မဟုတ်ဘူးနော်၊ ရွာချစ် ”
ကျနော်က “ မယ်သဲ ”ရွာသူကြီး “ ဦးရွာချစ် ”ကို အပြုံးဖြင့်ပြန်လည်နှုတ်ဆက်လိုက်ရသည်။ ခန္ဓာကိုယ်သေးကွေး ပုညက်ပြီး၊ ကွမ်းများ ပလုပ်ပလောင်းဝါးနေသည့် ဦးရွာချစ်သည် ကျနော့်ကို အကဲခတ်လျက်ရှိ၏။
“ ကျနော့်နာမည်က ရွာဟိတ်နဲ့ ဆင်တူလို့  မှားမှာစိုးလို့ ပြောတာ၊ ရွာဟိတ် မဟုတ်ဘူးနော် ရွာချစ်၊ တရွာလုံးက ချစ်လို့  ရွာချစ်လို့ ခေါ်တာ ”


ကျနော်က နောက်ပြောင်နေသည်အထင်နှင့်သူ့ ကိုကြည့်တော့ သူက တည်တည်တန့် တန့် ပင်ပြောနေသဖြင့် ပြုံးတော့ မည့် ကျနော့်မျက်နှာကိုပင် ကျနော့်မှာ အချိန်မှီရပ်တန့် ထားလိုက်ရ၏။ သူပြောနေသည့် “ ရွာဟိတ် ” ဆိုသူမှာ KNUမှ၊ ဘူးသိုမြို့  နယ်ဥက္ကဌ “ ဗိုလ်မှူး ရွာဟိတ် ” ကို ပြောနေခြင်းဖြစ်၏။
“ ဦးရွာချစ်တို့ ရွာက စီးပွားရေးအခြေအနေကောင်းရဲ့ လား၊ အိမ်ခြေကော ဘယ်လောက်ရှိသလဲဟင် ”
“ ဦးရွာချစ် ” ၏ မျက်နှာမှာ ၀င်းကနဲ တချက်ပြုံးသွား၏။
“ ဟာ၊ ဘယ်မကောင်းပဲ နေပါ့မလဲဗျာ၊ ဒီနားမှာ ကျုပ်တို့ ရွာက စီးပွားရေးအကောင်းဆုံးပဲ၊ ရွာမှာ လှည်းနှစ်စီးတောင် ရှိတယ်၊ အိမ်ခြေက ငါးဆယ်ကျော်၊ ကုန်သည်လမ်းကြောင်း ပေါ်ကျနေတော့ ဈေးဆိုင်လည်း သုံးဆိုင်တိတိရှိတယ် ”
“ ဦးရွာချစ် ” ၏ ပြောဟန်ဆိုဟန်ကိုကြည့်ကာ သူ့ ရွာအပေါ် တော်တော်လေးဂုဏ်ယူကျေနပ်နေပုံရသည်ဟု ကျနော် ထင်မိ၏။
“ ဦးရွာချစ် ” ၏ အပြောမှာ မှန်ကန်ကြောင်း ကျနော်သိလာရပါသည်။ ရွာထိပ်က သရက်ပင်ကြီးတပင်အောက်တွင်၊ ကျနော်တို့ လူသိုက်ကို ထွက်ကြိုသည့် “ ဦးရွာချစ် ” ခေါင်းဆောင်သည့်အဖွဲ့ နှင့်အတူ “ မယ်သဲ ” ရွာထဲကိုဝင်လာတော့ ဈေးဆိုင် သုံးဆိုင်ကို ရွာလယ်လမ်းပေါ်တွင် တွေ့ ရ၏။ သုံးဆိုင်စလုံး အချိုရည်ဗူး (၁၀)ဗူးခန့် ၊ မာမားထုပ်၊ ကော်ဖီမစ် အစရှိသည့် အိမ်သုံးပစ္စည်းတချို့ ကို ၀ါးလုံးတန်းတွင် ချိပ်ဆွဲထားသည့် ဈေးဆိုင်လေးများဖြစ်၏။ ဈေးဆိုင်လေးများရှေ့ ကဖြတ်လျောက်လာ ကြစဉ် ကျနော့်ကို မသိမသာအကဲခတ်ကာ၊ သူ့ ရွာအတွက် ၀င့်ကြွားဂုဏ်ယူနေဟန်ရှိသည့် “ ဦးရွာချစ် ” ကိုကြည့်ပြီး ကျနော့်မှာ သဘောကျနေခဲ့မိ၏။
မနက်ဖြန်ဆိုလျှင် “ မယ်သဲ ” ရွာတွင် အရိုးကောက်ပွဲ (အသုဘ အခမ်းအနား)ပြုလုပ်မည်ဖြစ်သည်။ ဒုံးယိမ်းနှင့် လက်ဝှေ့  ပွဲများလည်းပါမည်ဟုသိရ၏။ “ တပ်ကြပ်ကြီးဖါးတေး ” နှင့်၊ တလိုင်းကရင်ရွာသား (၂)ဦးသည်လည်း မနက်ဖြန်ဆိုလျှင် “ မယ်သဲ ” ရွာသို့  ပြန်ရောက်လာကြမည်ဖြစ်၏။ သူတို့ က နွားမှောင်ခိုပို့ သူ ကုန်သည်များကို လမ်းလိုက်ပြရင်း “ ဟင်းစား ” ရှာ သွားကြခြင်း ဖြစ်သည်။ ကျနော်နှင့်အတူ ကျန်ရစ်သည့် တလိုင်းကရင်ရွာသူကြီး “ ဦးမောင်ကို ” က၊ “ မယ်သဲ ”ရွာ အရိုးကောက်ပွဲအကြောင်း ပြောပြသဖြင့် ကျနော်သည်လည်း ဗဟုသုတအလို့ ငှါ “ မယ်သဲ ” ရွာသို့ ထွက်လာကြခြင်းဖြစ်သည်။
သည်ကနေ့ တော့ ရွာထဲတွင် ခဏလမ်းလျှောက်ကာ၊ ရွာအပြင်ဖက်သို့  ပြန်ထွက်လာခဲ့ကြ၏။ ကျနော်တို့ လူသိုက် ရွာထဲတွင်မအိပ်ပဲ ရွာနှင့်မနီးမဝေး ကုန်းမြင့်တောအုပ်ထဲတွင် အိပ်စက်ကြရန် နေရာရွေးခဲ့ကြလေသည်။

(ခ)
ကြီးမားလှသည့် ကုက္ကိုပင်ကြီးတပင်အောက်တွင် မြေကြီးကို စည်းဝိုင်းဝိုင်းကာ၊ လက်ဝှေ့ ထိုးသတ်မည့် “ ကွင်း ” အဖြစ် သတ်မှတ်ထား၏။ ဆိုင်းသမား သုံးလေးယောက်၏ဘေးတွင် ရွာသားတချို့ မှာ ဆိုင်းသမားများကို ပြာယါခတ်လောက်အောင် ဧည့်ခံပြုစုလျက်ရှိ၏။ ကံဆိုးချင်တော့ ရွာထဲသို့ ကျနော်တို့ ရောက်လာတော့ ဒုံးယိမ်းကပွဲမှာ ပြီးသွားခဲ့ပြီဖြစ်၏။ ထို့ ကြောင့် ကျနော့်မှာဒုံးယိမ်းကပွဲကို ဓါတ်ပုံနှင့်အသံ နှစ်ခုစလုံး မရလိုက်ခဲ့။
“ ဆရာကြီး ဒီမှာထိုင် ဆရာကြီး၊ ကျနော် ကင်းသမားတွေ လိုက်ကြည့်ဦးမယ် ”
“ ဦးရွာချစ် ” ပြောမှပင် လုံခြုံရေးအတွက် စိတ်ထဲမှာ အနည်းငယ်စိုးရိမ်သွားရ၏။ သည်နေရာ တ၀ိုက်သို့  နအဖစစ်တပ်များ အချိန်မရွေးရောက်လာနိူင်သည်ဟူသောအခါ အသိက ကျနော့်ကို သတိပေးလိုက်၏။
“ ဟုတ်တယ်၊ ဟုတ်တယ် ဦးရွာချစ်၊ ကင်းသမားတွေတော့ သေသေချာချာလုပ်ပါဦး၊ တော်ကြာ ”
“ ဟာ၊ စိတ်ချဆရာကြီး၊ ကျုပ်အားလုံးစီစဉ်ထားပြီးသား ဆရာကြီးသာ ဒီမှာအေးအေးထိုင်နှင့်ဦး ဟုတ်လား ”
“ ဦးရွာချစ် ” ကျနော်တို့ အနားက ခွါသွားတော့၊ ကျနော်နှင့်အတူ ရွာသား(၄)ယောက်က ဖျာတချပ်ပေါ်တွင် နေရာယူ လိုက်ကြ၏။ ဖျာစပ်တွင် ဓါတ်ဗူးတလုံး၊ ဇွန်းတပ်လျက်သကြားတစ်ပုဂံ၊ လ္ဘက်ခြောက်ဆီချေးတက် ဖန်ခွက်နှစ်လုံးချထား၏။ ခြောက်လုံးပတ်ဆိုင်းသံနှင့် မောင်းသံတဒူဒူမှာ ဆူညံလျက်ရှိလေသည်။ ကျနော်က အသံဖမ်းစက်ကလေးကို ဖျာပေါ်တွင်ချကာ အသံဖမ်းခလုတ်ကို နှိပ်ထားလိုက်၏။ ကင်မရာကို အဆင်သင့်ပြင်ထားလိုက်၏။ ကိုယ့်အလုပ်နှင့်ကိုယ် ရှုပ်နေရာက ဘေးဘီကို မော့ကြည့်တော့၊ တော်လှန်ရေးဗဟိုဌါနချုပ်ကြီးမှ ရောက်လာသည့် အသံလွှင့်ဌါနသတင်းထောက်ကြီး ကျနော့်ကို ရွာသားအားလုံး နီးပါး ၀ိုင်းကြည့်နေကြသည်ကို တွေ့ လိုက်ရ၏။ ကျနော့်မှာ အိနြေ္ဒကြီးတခွဲသားနှင့် အသံဖမ်းစက်နှင့်ကင်မရာတို့ ကို ဟိုနှိပ်၊ သည်ရွေ့ ဆက်လုပ်နေခဲ့ရလေသည်။
မနက်(၁၁)နာရီတွင် လက်ဝှေ့ ပွဲ စလေသည်။ စည်းဝိုင်းအတွင်းသို့  ဒိုင်လူကြီးတဦးဝင်လာပြီးနောက်၊ ပွဲကြည့်ပရိဿဒ်ကို ကရင်လို ရှင်းပြနေ၏။ ကျနော့်ဘေးတွင်ထိုင်နေသည့် ရွာသားတဦး၏ဘာသာပြန်ချက်အရ “ ပြိုင်ပွဲစည်းကမ်းများ ” ကို ရှင်းပြ နေခြင်းဖြစ်သည်ဟု သိရ၏။ ဒိုင်လူကြီးစကားပြောနေစဉ် ခေတ္တတိတ်ဆိတ်နေခဲ့သည့်ဆိုင်းသံ၊ မေါင်းသံများမှာ၊ ဒိုင်လူကြီး၏စကား အဆုံးတွင် ကွင်းထဲသို့ အရှိန်အဟုန်နှင့် ခုန်ပြီးဝင်လာခဲ့ပြန်လေသည်။
ပထမပိုင်း၌ အသက်(၁၀)နှစ်ခန့် ကလေးငယ် သုံးလေးတွဲမျှ လက်ဝှေ့ ထိုးသတ်နေကြ၏။ အရွယ်နှင့်မလိုက်အောင် လက်ဝှေ့ ယိမ်းပြကြ၊ ထိုးသတ်နေကြသည်ကိုကြည့်ကာ ကျနော့်မှာအံ့သြလို့ မဆုံးနိူင်အောင် ဖြစ်ရ၏။ ပုဆိုးအဟောင်းနှစ်ထည် အနက် တထည်ကို ခါးတောင်းကျိုက်၊ ကျန်တထည်ကို ခါးတွင်ပတ်ကာ၊ လက်ဝှေ့ ထိုးသတ်နေကြသည့် လက်ဝှေ့ ကျော် ခလေးငယ်များမှာ နှာခေါင်းသွေးထွက်သူထွက်၊ မျက်ခုံးကွဲသူကွဲ၊ အကြိတ်အနယ်ထိုးသတ်ကြလေသည်။ တနာရီမျှကြာသောအခါ လူကြီးပိုင်းလက်ဝှေ့ ပွဲ စလေသည်။
လူကြီးလက်ဝှေ့ ပွဲမှာ၊ ရွာနီးချုပ်စပ်က လာရောက်ယှဉ်ပြိုင်ထိုးသတ်သူများနှင့် (၁၀)ပွဲကျင်းပမည်ဟု သိရ၏။ ပွဲစဉ် တခုချင်းစီအရ ဆုချီးမြှင့်မှာဖြစ်ပြီး၊ မည်သူမဆို ကွင်းလည်ထွက် စိန်ခေါ်ထိုးသတ်ကြမည်ဖြစ်၏။ လက်ဝှေ့ ပွဲ စလျင်စချင်း တရွာလုံးဆူညံပွက်လောရိုက်ကာ အားပေးလိုက်ကြ၏။ လက်ဝှေ့ သမားတဦး မူးမေ့လဲကျသွားသဖြင့် ကွင်းအပြင်ဖက်သို့ ရွေ့ ကာ၊ ပုဆိုး၊ စကောများနှင့်ယက်ခပ်ပေးကြရ၏။ အော်ဟစ်ခုန်ပေါက်ရင်း ရှေ့ တိုးလာသည့်လူအုပ်ကို တားထားသည့်စည်းအပြင်သို့  မကြာခဏ ပြန်လည်နှင်ထုတ်နေရ၏။ “ ဦးရွာချစ် ” သည် ဘယ်အချိန်က ပြန်ရောက်လာသည်မသိ၊ တုတ်တချောင်းကိုကိုင်ကာ ပွဲထိန်းဝင်လုပ်ရင်း အလုပ်ရှုပ်နေ သည်ကို တွေ့ ရလေသည်။
“ ပရော် --- ပရော် --- ပရော် -----”
ဆိုင်းသံနှင့်ငြာသံများမှာ ရုတ်တရက် မီးကိုရေနှင့်ဖျန်းလိုက်သလို တုန့် ကနဲရပ်သွား၏။ လူတိုင်းလူလူ လည်တံအသီးသီး စွင့်ကာ ပါတ်ဝန်းကျင်ကို သူ့ ထက်ငါ လိုက်ကြည့်ကြ၏။
“ ပရော် --- ပရော် --- ပရော် -----”
ဘယ်သူက ဘယ်လို ဘယ်နေရာမှ အော်လိုက်မှန်းမသိသည့်တိုင်၊ လူအုပ်ကြီးမှာ ဝေါကနဲ ဆူညံပွက်လောရိုက်ကာ အရပ်လေးမျက်နှာသို့  ပြေးထွက်လာကြ၏။ ကျနော့်မှာ ဘာလုပ်လို့ ဘာကိုင်ရမှန်းမသိပဲ နေရာတွင်ထိုင်ပြီး ကြက်သေသေနေမိ၏။
“ ဆရာကြီး --- ဆရာကြီး --- ဆရာကြီးဟာတွေ ဒီထဲကိုထည့်၊ ဒီထဲကိုထည့် ”
သတိရလို့ လှည့်ကြည့်တော့ ကျနော့်ဘေးကထိုင်နေသည့် ရွာသားတယောက်က၊ ပုဆိုးတထည်ကို ကျနော့်ရှေ့ တွင် ဖြန့် ပေးနေသည်ကို တွေ့ လိုက်ရလေသည်။
“ ဆရာကြီး ငါ့နောက်ကလိုက်၊ ငါ့နောက်ကလိုက် ”
ပုဆိုးပုံထဲ ကင်မရာနှင့်အသံဖမ်းစက်ကို ပစ်ထည့်ပြီးသည်နှင့်တပြိုင် ပုဆိုးရှင်ရွာသားသည် ခင်းထားသည့်ပုဆိုးကို ဆွဲစုကာ သုပ်ကနဲထပြေး၏။ ကျနော် သည်လည်း သူ့ နောက်မှတဟုန်ထိုးပြေးလိုက်လာရ၏။ ရှေ့ မှပြေးနေသည့်ရွာသားသည် ကိုက်နှစ်ဆယ်ခန့် ပြေးနေရင်းမှ ရုတ်တရက် နောက်သို့ ပြန်လှည့်ပြေး၏။ ကျနော့်မှာ စဉ်းစားဝေခွဲရန်၊ မေးရန် အချိန်မရပဲ သူ့  နောက်မှသာ ပြေးပြီးလိုက်ရပြန်၏။ တရွာလုံး ဆူညံပွက်လောရိုက်ကာ၊ ဦးတည်ရာမဲ့ ပြေးနေကြသလားဟုပင် ကျနော်ထင်မိ၏။ ရွာထဲကထွက်ပြီး တောစပ်သို့ အ၀င် တောထဲတွင် ကိုယ့်အရင်ရောက်နှင့်နေသော ရွာသားများကိုတွေ့ ရ၏။ ကျနော်တို့ အားလုံး တောင်ပေါ်သို့ သာ ဦးတည်ပြီး တက်လာခဲ့ကြလေသည်။
“ ရပြီ ဆရာကြီး၊ ဒီလောက်ဆိုရင် ဒီကောင်တွေ လိုက်မလာနိူင်တော့ပါဘူး၊ စိတ်ချရပါပြီ ”
အသက်ကိုအားယူပြီး ဟောဟဲလိုက်အောင်ရှူနေရင်းက ကျနော့်မှာ၊ ခြုံဘေးတွင် ခြေပစ်လက်ပစ် ထိုင်ချလိုက် မိလေသည်။ ကျနော်နှင့်အတူ ရွာသားတချို့ ဘေးတွင်ရှိနေကြ၏။ သူတို့ သည်လည်း အသက်လုပြီး ပြေးကြရသဖြင့် အသက်ရှူ သံများ ကြားရလောက်အောင် မောဟိုက်နေကြလေသည်။
“ ဘာဖြစ်တာလဲဗျ၊ ရန်သူလာလို့ လား ”
“ ဟုတ် --- ဟုတ်တယ် ဆရာကြီး ”
“ သေနတ်သံတွေ ဘာတွေတော့ မကြားရဘူးဗျ၊ ခင်ဗျားတွေ့ ခဲ့သေးလား ”
“ ဘယ်ကလာတွေ့ ရမှာလဲ ဆရာကြီးရာ၊ သူများပြေးလို့ သာပြေးလာရတာ၊ ရန်သူက ဘယ်ဖက်က ၀င်လာတယ်ဆိုတာ တောင် ကျနော်ဘယ်သိပါ့မလဲ ”
“ ဖြစ်မှဖြစ်ရလေဗျာ၊ ဒီအတိုင်းဆိုရင် ရန်သူလာတဲ့ဖက် ပြေးမိလျက်သားဖြစ်နေရင် ဒုက္ခ ”
“ ဟာ --- ဒါတော့ မဖြစ်စေရပါဘူး --- ဟဲ ---- ဟဲ ”
“ ရွာထဲမှာလျှောက်လည်နေတဲ့ ဦးရွာချစ်နဲ့  တလိုင်းကရင်ရွာသူကြီးတို့ ကော၊ ဘယ်ရောက်ကုန်ပြီလဲ ”
“ သူတို့ အတွက် ဆရာကြီးဘာမှမပူနဲ့ ၊ တော်ကြာ ဒီနေရာ သူတို့ ရောက်လာမှာ၊ ဒီနေရာက ကျနော်တို့ အားလုံး ဒီလိုပဲ စုနေကြ၊ ပုန်းနေကြနေရာ၊ ကျနော်တို့ ဒီမှာ ခဏနားရင်း စေါင့်ကြတာပေါ့ ”
တောင်အောက်ဖက်၊ ရွာဖက်ဆီ နားစွင့်ကြည့်သည်။ ဘာသံမျှ ထူးထူးထွေထွေမကြားရ။ခွေးဟောင်သံတချက်နှစ်ချက်သာ ခတ်အုပ်အုပ်ကြားလိုက်ရ၏။
“ ရွာဖက်က ဘာသံမှလည်းမကြားရပါလား၊ ရန်သူလာတာကော ဟုတ်ရဲ့ လားဗျ ”
“ မပြောတတ်ဘူးလေ၊ ဟော --- ပြောရင်းဆိုရင်း သူကြီးတို့ တောင်ရောက်လာပြီ ”
ဦးရွာချစ်၏လက်ထဲတွင် ဖိနပ်တရံကိုင်လျက်သား တွေ့ ရ၏။ ပုဆိုးကို ခါးတွင်ပတ်ထား၏။ အောက်ခံဘောင်းဘီပွပွမှာ ဒူးဆစ်ကိုကျော်ကာ ဂါဝန်ကြီးလိုဖြစ်နေလေသည်။ သူသည် ကွမ်းများအပြည့်အသိပ် ရှိနေသည့်ပါးစပ်ကို ဟ,ကာ အသက်ရှူနေ ရ၏။ ကျနော့်ကို မော့ကြည့်ကာ အပြုံးနှင့်အားပေးလေသည်။
“ သူကြီးကပြောတော့ ရွာဘေးမှာ ကြိုပြီး ကင်းတွေချထားတယ်ဆို ”
“ ဟုတ်တယ်လေ၊ ကင်းတော့ချထားတာပဲ၊ ဒါပေမယ့် ဘယ်လိုကဘယ်လို ဒီကောင်တွေဝင်လာမှန်းမှ မသိတာ ”
“ သူကြီးမြင်ခဲ့ရတယ်ပေါ့ ”
“ ဟာ - ဘယ်ကလာမြင်ရမှာလဲ၊ ကျုပ်လည်း အော်သံကြားပြီး သူများပြေးလို့ လိုက်ပြေးရတာ၊ ဆရာကြီးကော မြင်ခဲ့ရလား ”
“ ကျနော်လည်း ဘယ်လိုလုပ်ပြီးမြင်ခဲ့မှာလဲ၊ ကျနော်က နယ်ကျွမ်းတဲ့သူ မဟုတ်ဘူးလေ၊ ရန်သူကြည့်ဖို့ နေနေသာသာ၊ ကိုယ့် ရှေ့ ကပြေးတဲ့လူ ကိုယ့်အဖေါ်ကို မျက်စိထဲကပျောက်မသွားအောင် မနည်းလိုက်ကြည့်ပြီးပြေးနေရတာ၊ ဒီအတိုင်းဆို ပွဲတော့ ပျက်ပြီပေါ့နော် ”
“ ဒါလည်း မပြောတတ်သေးဘူး၊ စေါင့်ကြည့်ရဦးမှာပဲ ”
ကျနော်တို့ အားလုံး တောင်ကုန်းထိပ်တောအုပ်ထဲတွင် အမောဖြေရင်း ထိုင်နေခဲ့ကြလေသည်။

(ဂ)
“ ဟော --- ဆိုင်းသံလားလို့  ”
ကျနော်တို့ အားလုံး နားစွင့်လိုက်ကြ၏။
“ ဟုတ်တယ်၊ လက်ဝှေ့ ပွဲ ပြန်စနေပြီ ”
“ ဘာ ”
“ ဟုတ်တယ် ဆရာကြီး၊ လက်ဝှေ့ ပွဲ ပြန်စနေပြီ၊ လာ သွားကြစို့  ”
“ ဘယ် --- ဘယ်ကိုသွားမှာလဲ သူကြီးရ ”
“ လက်ဝှေ့ ပွဲကိုလေ၊ ဟိုမှာ ဆိုင်းသံပြန်ကြားနေပြီပဲဟာ၊ လာပါ၊ ဘာမှမရှိတော့ပါဘူး၊ကဲ --- သွားကြရအောင်ဟေ့ ”
“ မယ်သဲ ” ရွာသူကြီး “ ဦးရွာချစ် ” ခေါင်းဆောင်လျက်၊ ကျနော်တို့ လူအုပ် ရွာထဲသို့ ပြန်ဝင်လာခဲ့ကြသောအခါ၊ ကုက္ကိုပင်ကြီး အောက်တွင် လက်ဝှေ့ ပွဲ ပြန်စလျက်ရှိသည်ကို အမှန်တကယ်ပင် တွေ့ ရတော့၏။ ကျနော်ထိုင်ခဲ့သည့် ဖျာတချပ်မှာ မူလနေရာနှင့်ဘေးတိုက် ၀ါးတရိုက်အကွာတွင် အဆင်သင့်ခင်းလျက်၊ ဇွန်းတချောင်းတပ် သကြားတစ်ပုဂံ၊ ဓါတ်ဗူး၊ ဖန်ခွက်နှစ်လုံး တို့ မှာ သူ့ နေရာနှင့်သူ အဆင့်စေါင့်ကြိုလျက်။
“ ဒါတွေက လူတွေတက်နင်းပြီး အားလုံးဖရိုဖရဲဖြစ်ပြီး ကျန်ခဲ့ပြီ အောက်မေ့နေတာ ”
“ ဘယ် ဒီလိုဖြစ်မှာလဲ ဆရာကြီးရ၊ ဒီပစ္စည်းပိုင်ရှင်တွေက သူ့ ပစ္စည်းသူကောက်ပြီးမှ ပြေးကြတာပေါ့၊ အခုလို ဘာမှ မဖြစ်တော့လည်း သူ့ ပစ္စည်းသူ ပြန်လာပြီး ချထားကြတာပေါ့ ”
“ တကယ် ”
“ ဦးရွာချစ် ” က၊ ၀င့်ကြွားသည့်အပြုံးတချက်နှင့်သာ ကျနော့်ကိုအဖြေပေးလိုက်၏။
ကျနော့်မှာ “ မယ်သဲ ” ရွာသူကြီး ဦးရွာချစ်အပါအ၀င်၊ ရွာခံ ရွာသားများ ဧည့်သည်ရွာသားများကို တအံ့တသြထိုင်ပြီး စဉ်းစားနေမိသည်။ မြို့ ကြီးပြကြီးနှင့် ဝေးလံသည့် တောတောင်တွေအတွင်းက ကရင်တိုင်းရင်းသားသွေးချင်းများ၏ဘ၀ကို စဉ်းစားနေမိသည်။ နှစ်ပေါင်း(၅၀)ကျော် ပြည်တွင်းစစ်မီးကြီးအတွင်း၊ သူတို့ တတွေ သည်လိုအခြေအနေ၊ သည်လိုဘ၀ကြီးအတွင်း သည်လိုနေရဲ၊ ဖြတ်သန်းရဲ၊ ပျော်မွေ့ ရဲသည့်စိတ်ဓါတ်ကို ကျနော့်မှာ အံ့သြလို့ မဆုံးနိူင်အောင် ဖြစ်ရ၏။ သည်လို စစ်မီးကြီးအတွင်း ကျင့်သားရလျက်ရှိသည့် ဘ၀ပေးအခြေအနေများအတွက် ကျနော့်မှာ ကြေကွဲလို့ မဆုံးနိူင်အောင် ဖြစ်ခဲ့ရ၏။
အမှန်စင်စစ်မှာ၊ ထိုနေ့ က ရွာအတွင်းသို့  နအဖစစ်တပ်များ ထိုးဖေါက်ရောက်လာခြင်းတော့ မရှိခဲ့ပါ။ ရွာသားတချို့ က လန့် ပြီး အော်ဟစ်သတိပေးရင်းက ရွာလန့် ပြီး ပွဲပျက်သွားခဲ့ခြင်းသာဖြစ်၏။ သို့ သော် “ မယ်သဲ ” ရွာသားများ သွေးပျက် သွားခဲ့ခြင်း မရှိကြပါ။ “ အရိုးကောက်ပွဲ ” ကို ဆက်ပြီး ကျင်းပခဲ့ကြ၏။
ထိုညနေပိုင်း၊ (၄း၀၀)နာရီတွင်၊ တလိုင်းကရင်ရွာတွင် တပ်စွဲထားသည့် န၀တစစ်တပ် တပ်စုတစု၊ “ ထယ်သဲရွာ ” နှင့် “ ထီးတော်ခီးရွာ ” ကြားတွင် ခိုအောင်းနေသည်ဟု လမ်းလျှောက်စကားပြောစက်မှတဆင့် သတင်းရသဖြင့်၊ ကျနော်တို့ သည် မိမိမူလ ခေတ္တခိုအောင်းနေထိုင်ရာ ဒုံသမိချောင်းဘေးသို့  ပြန်လာခဲ့ကြ၏။ ညနေ (၅)နာရီကျော်တွင် စခန်းဟောင်းကို ပြန်ရောက်ကြ၏။ မယ်သဲရွာ အရိုးကောက်ပွဲ အဖြစ်အပျက်ကို ပြောကြဆိုကြရင်း ကျနော်တို့ မှာ ငိုအားထက်ရယ်အားသန် ခဲ့ကြရ၏။


အောက်ခြေမှတ်စု
ဘူးသိုမြို့ နယ် ဆိုသည်မှာ ကရင်တော်လှန်ရေးအင်အားစုများက ခေါ်ဝေါ်သတ်မှတ်ထားသည့် ဒေသအမည်ဖြစ်သည်။ ဖါးအံ၊ သထုံ၊ ဘီးလင်း၊ ကျိုက်ထိုမြို့ နယ်များကို စုစည်းခေါ်ဝေါ်သည့် အမည်ဖြစ်သည်။
“ ပရော် ” ဟူသောစကားမှာ ရှေးနှစ်ပေါင်းများစွာက၊ မြန်မာလူမျိုးများကို၊ ကရင်လူမျိုးများက ခေါ်ဝေါ်သည့်စကားလုံး ဖြစ်၏။ အဓိပ္ပါယ်မှာ “ မိတ်ဆွေရင်းချာ ” ဟူ၍ဖြစ်သည်။ နောင်အခါ မြန်မာအာဏာပိုင်များ၏ လက်နက်ကိုင်များက၊ ကရင်လူမျိုး မျးအပေါ် ဖိနှိပ်၊ တိုက်ခိုက် သတ်ဖြတ်မှုများ ပြုလုပ်လာခဲ့ပြီး၊ အချိန်ကြာမြင့်လာသောအခါ၊ “ ပရော် ” ဟူသောစကားလုံး “ မိတ်ဆွေရင်းချာ ” မှာ “ ရန်သူစစ်တပ်၊ ဗမာစစ်တပ် ” ဟူသော အဓိပ္ပါယ်သို့ ကူးပြောင်းလာသည့် စကားလုံးဖြစ်၏။ ယခုအခါ “ ပရော် ” ဟူသော စကားလုံးကို “ ဗမာစစ်တပ်၊ ရန်သူ ” ဟူ၍ ကရင်လူမျိုးများက နားလည်ထားကြလေသည်။