April 07, 2013

ရေချိုးမပြန်ချင်တော့တာကို တွေးမိတဲ့ မနက်ခင်း



ဘယ်ဘက်ကိုလှည့်ကြည့်ရင်းက
ညာဘက်က ရန်သူကခေါင်းပြူပြီး ငါ့ကို လှမ်းကြည့်လိုက်တယ်
နေမပွင့်တဲ့မနက်ခင်းဟာ အံကြိတ်ထားသလိုပဲ
အလစ်အငိုက်ကိုခြောင်းနေကြတဲ့ ပိတောက်ပွင့်တွေရဲ့ အသက်ရှူသံကို ငါ ကြားနေရတယ်
ငါ့စိတ်နဲ့ဝိုင်းပတ်ပိတ်ဆို့မှုထဲမှာ တစ်ပေါက်တော့ ဖွင့်ထားရမယ်လေ
အကာအကွယ်ဆိုတာ ကျည်ကွယ်မျက်ကွယ်လောက်နဲ့ ဘယ်လိုလုပ်ပြီး လုံလောက်မှာလည်းဗျာ
ကျနော်တို့မှာရန်သူမရှိပေမယ့် မိတ်ဆွေ ရှားသထက်ရှားသွားတာကို ခင်ဗျား မငြင်းနဲ့
ကျနော်တို့မှာသုံးလေးမှတ်တိုင်လောက်နဲ့တော့ ခေတ်မကောင်းနိုင်ဘူးဆိုတာ ခင်ဗျားလည်း သိသိကြီးနဲ့ ရေးရက်တယ်
လေးလွှာကဆင်းလိုက်ကတည်းက သတ်ကွင်းတွေ ကျော့ကွင်းတွေထဲ ငါ ဝင်ကလိုက်တာ
၃၄ မထသ အထူးကားဂိတ်ရောက်တဲ့အထိပဲ
ဘယ်လိုပဲဖြစ်ဖြစ်
ဒီကနေ့တော့ စိုးမိုးကုန်းအောက်ခြေမှာလောက်နဲ့တော့ ကျနော်
ရေချိုးမပြန်နိုင်တော့ဘူး မောင်ဖီလာ။   ။

ငြိမ်းဝေ
မနက် ၁၁ နာရီဆယ့်ငါးမိနစ်။ ၆ ရက် လေးလပိုင်း ၂၀၁၃ ခု။
ပုလဲကွန်ဒို၊ရန်ကုန်

April 03, 2013

မြို့ကလေးရဲ့ နံနက်ခင်း

ဒီကနေ့မနက်
အိပ်ယာက ထတော့
မြို့ကလေးက ခါးကို ဆန့်လိုက်တယ်
လမ်းမကြီးပေါ်ကို ဈေးဆိုင်လေးတွေ ဖြုတ်ကနဲဖြုတ်ကနဲ ပြုတ်ကျလာတယ်။
ပဲပြုပ် တို့ဟူး မုန့်ဟင်းခါး အကြော်စုံ
ကျနော့်လမ်းထဲဖြတ်ပြီး ပျံသန်းကြတယ်။
မြှုံးဖေါ်တဲ့လူတစ်ယောက်က
မြှုံးအလွတ်တစ်ခုကို မှောက်ပြီးခေါက်ပြီး သူ့ကလးတွေကို ခါချလိုက်တယ်။
လွန်ခဲ့တဲ့နှစ်နှစ်ဆယ်က ပုံပြင်တစ်ပုဒ်ဟာ
ဒီကနေ့မနက်မှာ
ဒဏ်ရာမကျက်တကျက်နဲ့ ကားဆိပ်လမ်းဆုံမှာ ငိုင်ပြီးရပ်နေရဆဲပဲလား။
မဆိုစလောက်ကလေးပဲဖြစ်ဖြစ်
ရှေ့ကို ရဲရဲသာ တိုးချလိုက်စမ်းပါ မနက်ခင်း
မင်းနဲ့ငါအတူတကွ
ခရီးမိုင်များစွာသွားရဦးမယ်ပ။


ငြိမ်းဝေ
(ကျနော် ချစ်သော ကျွဲပွဲမြို့ကလေးသို့…)

March 28, 2013

ဝံပုလွေတောင်ကြား




မနေ့က
လမ်းပေါ်က ကောက်လာတဲ့ ခရေပန်းကြွေများကို
သူ့ကဗျာစာအုပ် အဖုံးပေါ်မှာချပြီး
ဓါတ်ပုံရိုက်
ဖဘ ပေါ်တင်လိုက်တယ်။
ပြီးတော့မှ
ဝံပုလွေများနဲ့အတူယှဉ်တွဲနေထိုင် အူသံသီးခြား
ကခုန်မှု သီးခြား
နေထွက်ခြင်း သီးခြား
လရောင် သီးခြား
ပိတောက်သီးခြား
စိန်စ မြစ သီးခြား
ငြိမ်းချမ်းရေးဘုရားတစ်ဆူ
ပွင့်တော်မူရာ
အဲဒီ တောင်ကြားထဲ
ငါ သွားရဦးမယ်။
အရာအားလုံးကို နားလည်ဖို့
အရာအားလုံးကို ဆန့်ကျင်တတ်ဖို့
အရာအားလုံးကို ချစ်တတ်ဖို့
သင့်အတွက် အသင့်တော်ဆုံးနေရာသည်ကား
နိဗာန်မဟုတ်
ဝံပုလွေ တောင်ကြားသာလျင်ဖြစ်ပေတယ်။
သင်သည်ကား
လွတ်မြောက်ခြင်းကို ရောက်ဖို့ရာ
ငြိမ်းချမ်းခြင်းကို ရဖို့ရာ
ဝံပုလွေတောင်ကြားသာ ဘူမိနက်သန် နေရာမှန်။
ဝံပုလွေများရဲ့ ခြေသံကိုနားထောင်
ဝံပုလွေများရဲ့ အံကြိတ်သံကို နားထောင်
သင့်ကိုသင်ကြား
ဆရာသမားသည်ကား
ဝံပုလွေများသာပင် ဖြစ်လေသတည်း။
သင်၏ ငြိမ်းချမ်းရေးကို
ဝံပုလွေများနှင့်အတူ အိပ်စက်ခြင်းဖြင့်သာလျင်
တည်ဆောက်လို့ ရနိုင်ပေလိမ့်။

အို ကျွန်ုပ်၏
ငြိမ်းချမ်းရေးဖခင်
သင်ညွှန်ပြသ
ဘဝ သင်္ခါန်းစာ
ဝံပုလွေများနဲ့အတူ ငြိမ်းချမ်းစွာ အတူယှဉ်တွဲနေထိုင်ရေး
မဟာ ချစ်ခြင်းမေတ္တာ ဂုဏ်တော်တေး
ခက်ခဲပေမင့်
တမ်းတမိ။   

ငြိမ်းဝေ
၂၉၊ ၃၊ ၂၀၁၃။ မနက်ခင်း ကိုးနာရီ
ပုလဲကွန်ဒို၊ ရန်ကုန်။

March 27, 2013

မင်းနဲ့ငါ ဗုံသံနဲ့ဗုံးသံများကို ဖြင်ကြည့်ကြရအုန်းမယ်



နှစ်နှစ်ဆယ်စေါင့်ရလည်း
ငါတို့ ရဲရဲပဲ ဖူးခဲ့ကြပြီးမှ အဆင်သင့်…။
တကယ်ပဲ နှစ်နှစ်ဆယ်ဟာ ကွေးကောက်လူးလူး ရှေ့မှာ စွေ့စွေ့ခုန်ပြေးနေသေးတယ် ရှေ့မှာ
ဒါပေမယ့်
အချိန်မရှိတော့ဘူး ချစ်သူ
ငါတို့ရဲ့ နောက်ဆုံးအသက်ရှူသံတစ်တောင့်အတွက် ငါတို့ ကမ္ဘာမြေကြီးကို ဆောင့်နင်းကြရတော့မယ်
ဝါးတစ်ထောက်ကနေပြီး တညလုံး ငါတို့ ပုန်းမအိပ်နိုင်ဘူး
ဆံတခြည်မျှင်ကနေပြီး ငါတို့ တဘဝလုံး ခြောင်းကြည့်မနေသင့်ဘူး
လရောင်တွေကို ခွက်ကပ်မကျန်အောင် မော့သောက်လိုက်စမ်းပါ
ဒေါသရောင်သင့်နေတဲ့ ဗုံသံတွေဟာ
သိဂါင်္ရရသနဲ့ကပ်ချွဲနေတဲ့ ဗုံးသံတွေကြားမှာ အုတ်အရောရော ကျောက်တထွေးထွေး
ဒါပေမယ့် ငါတို့ ဖြင်ကြည့်ရဲခဲ့ကြပြီပဲ
ငါတို့ စပ်ကြည့်ရဲခဲ့ကြတာပါပဲ
အသေအချာ နားထောင်ကြည့်စမ်းပါ
ဗုံးသံတွေမှာ ဝတ်ဆံတစ်ခု ပြုတ်ကျသွားလိုက်တဲ့ အသံ…။  

ငြိမ်းဝေ
၂၅၊ ၃၊ ၂၀၁၃။ တနင်္လာနေ့။ မနက် ရှစ်နာရီ ၅၅ မိနစ်
ပုလဲကွန်ဒို၊ ရန်ကုန်မြို့။

March 26, 2013

မင်းနဲ့ငါ ကဗျာဆရာဖြစ်ပြီးခဲ့တဲ့ လရောင်မြှုပ်နှံ လောကကမ်းပါးပျိုများ

တခါတုန်းက
လူ တစ်ယောက်ရှိခဲ့တယ်။
သူဟာ
ရှေ့ကို နောက်ဂျွမ်းအကြိမ်ကြိမ်ပစ်ပစ်ပြီး တစိမ့်စိမ့်လောင်ကျွမ်း
သောင်ကမ်းဟူသမျှမှာ သောင်ထွန်းခဲ့ဖူးတယ်။
ဖေါက်ထွက်ဖို့ကြိုးစားရင်းပဲ
ပေါက်ကျလာတဲ့ အမှိုက်တွေထဲ တုံးလုံးပက်ခေါက်နဲ့လည်း လေချွန်နေခဲ့ဖူးတယ်။
အကြိမ်ကြိမ်ပုတ်ချနေတဲ့ကြားက
ယင်ကောင်တွေ အုံခဲနေတဲ့ ဗွက်ထူထူ လမ်းကလေးနဲ့လည်း သင်းပျံ့လို့မဆုံးနိုင်ခဲ့ပါ
နံနက် အိပ်ယာထ ညအိပ်ယာဝင်
ဂီတကို ကြားချင်ခဲ့သူ ပုဂံခေတ် လူသတ္တဝါ တစ်ကောင်ရဲ့ သွေးသားတောင့်တမှုမျိုးနဲ့
ငါ၏ မနက်ခင်း
ငါ့ ရှေ့မှာ ဦးညွှတ်လျက်…လာပြီး ရပ်ပါလော့။     

ငြိမ်းဝေ
နံနက် ကိုးနာရီခွဲ။ ၂၄ ရက်၊ မတ်လ၊ ၂၀၁၃ ခု။
ပုလဲကွန်ဒို၊ ရန်ကုန်။