October 29, 2009

မိုးတိတ်တေး


အခုရက်တွေအတောအတွင်း မျက်စေ့နာနေတာရယ်၊ ကွန်ပျူတာပျက်နေတာရယ်ကြောင့် ကျနော့်ဘလော့ကိုဒီအတိုင်းပစ်ထားခဲ့ရပါတယ်။ ကွန်ပျူတာပြန်ကောင်းသွားလို့ ဝင်ထိုင်ပြီး
စိတ်အညောင်းပြေ သွားလည်နေကျ ဘလော့တွေဆီ သွားပြန်တော့ တက်စာတွေပဲ များနေတာတွေ့ ရလို့ ပိုပြီးအညောင်းမိတော့မလို ဖြစ်ခဲ့ရပါသေးတယ်။ ကျနော်က အသက်ကလေးကလည်းရလာလို့ တက်စာတွေနဲ့ ကျနော်နဲ့ က သိတ်ပြီးအဆင်မပြေဘူးပေါ့ဗျာ။
ဒီကနေ့ တော့ ကျနော်နှစ်သက်တဲ့ ကဗျာတပုဒ် မျှဝေခံစားဖို့ တင်လိုက်ပါတယ်။ ကျနော်အလုပ်လုပ်တဲ့ စာကြည့်တိုက်မှာ တနေ့ တနေ့  စက်ရုံအလုပ်ရုံက အလုပ်သမား အလုပ်သမလေးတွေ အယောက် လေးငါးဆယ်လောက် စာအုပ်လာငှါးကြရာမှာ နေ့  စဉ်ကြားနေရတဲ့စကားတွေကတော့ လုပ်အားခတွေနည်းသွားတဲ့အကြောင်း၊လုပ်အားခတွေ ပုံမှန်မရတဲ့အကြောင်း၊စက်ရုံက ရေတွေ မီးတွေ ခဏခဏပျက်တဲ့အကြောင်း၊အိမ်ကိုငွေမပို့ နိုင်တဲ့အကြောင်း၊စက်ရုံထဲ ပလိပ်ဝင်ဖမ်းလို့ ထွက်ပြေးကြရတဲ့အကြောင်း၊အကြွေးတွေမဆပ်နိုင်လို့ စက်ရုံကထွက်ပြေးသွားရတဲ့အကြောင်း၊ အလုပ်ရှင်နဲ့ အမှုဖြစ်နေတဲ့ကိစ္စ အလုပ်ရှင်က အမှုကိုအချိန်ဆွဲထားလို့ အခုတော့ အလုပ်သမားတွေ တခြားစက်ရုံတွေဆီ ပြောင်းပြေးရတဲ့အကြောင်း၊ အို..တခြားကိုယ်ရေးကိုယ်တာအခက်အခဲတွေ အခက်အခဲတွေ တောင်လိုပုံနေတဲ့အခက်အခဲတွေ ကျနော်နေ့ တိုင်းကြားနေခဲံ့ရပါတယ်။
ဒါကြောင့်မို့ ဒီကနေ့ တော့ ဆရာ နိုင်ဝင်းဆွေ ရဲ့ နွေတည ကိုလည်းဆက်ပြီးမတင်နိုင်သေးမယ့်အတူတူ ကျနော်နှစ်သက်တဲ့ ကဗျာတပုဒ် မျှဝေပေးလိုက်ပါတယ်။ ရိုးရိုးရှင်းရှင်းနဲ့ ဖွဲ့ ထားတဲ့ကဗျာလေးပါပဲ။ ကျနော် အရမ်းနှစ်သက်မိပါတယ်။

မိုးတိတ်တေး

အထည်ချုပ်စက်ရုံကြီးထဲက
ချည်မွေးညှပ် ကောင်မလေးရေ
မင်းရဲ့ မြွေရေခွံအိတ် အဟောင်းလေးထဲမှာ
လုံခြုံမှုတွေ ကြည့်ကောင်းသေးရဲ့လား
ထမီ တပတ်နွမ်းလေးကိုပဲ
အကြိမ်ကြိမ် အထပ်ထပ် ဆင်မြန်းရှာခဲ့ရ
သမ္မာအာဇီဝဆိုတာ
စကားလုံးအားဖြင့် လှပါရဲ့
ပရိုတိန်းတော့ ကြွယ်ဝလိမ့်မယ်မဟုတ်ဘူး။
နတ်ပြည်ခြောက်ထပ်ရဲ့အဝေး
ရွှေမြို့ တော်ကြီးရဲ့ အဝေးဆီက
ပူဆွေးနေတဲ့ လယ်ကွင်းတွေကို
မင်းထားခဲ့တယ်
တဘ၀လုံး ပတ်ကြားအက်နေတဲ့
တောသူတောင်သား မိဘမောင်ဘွားတွေကို
မင်းထားခဲ့တယ်
ထနောင်းပင်၊ ထန်းမြစ်နဲ့ 
သဲထဲရေသွန် နေ့ ရက်တွေကို
မင်းထားခဲ့တယ်
မင်းကတော့
အတောင်အလက် မစုံလင်ပဲ
တောင်ဒဂုံ စက်မှုဇုံထဲမှာ
ဒဏ်ရာရ ငှက်ကလေးတကောင်လို တုန်ယင်လို့ 
ကြုံလှီဖျော့တော့
မထူးတော့ပါဘူးလေဆိုပြီး
ကိုယ့်ဘ၀ကို အမျောမခံနဲ့ 
သံမဏိကြိုးတချောင်းလို အားတင်းထား
ကွန်ကရစ်တုံးကြီးတွေလို ကြံ့ကြံ့ခံ
လက်ဖြောင့်သေနတ်သမားရဲ့ ကျည်ဆံလို
ဆုံးဖြတ်ချက်တွေ ဖြောင့်မတ်မှန်ကန်ပါစေ
ကမ္ဘာကြီးဟာ
အနိဌါရုံချည်းပဲ မဟုတ်ဘူး
လတ်ဆတ်တဲ့ သစ်သီးဝလံတွေနဲ့ 
ပျော်စရာ သီချင်းသံတွေလည်း ရှိတယ်ကွယ့်
အဲဒီအခါကျ
မင်းဟာ သားကောင်းမိခင်လည်း ဖြစ်ခွင့်ရှိ
အိပ်မက်ကို ပခက်လွှဲရင်း
လောကကို နို့ ချိုတိုက်ကျွှေးခွင့်လည်းရှိ
အစစ်အမှန် သာယာပျော်ရွှင်ချမ်းမြေ့ခွင့်လည်းရှိ
အခွင့်အရေးမှန်သမျှ အကုန်ရှိပေရဲ့ ။
အခုလို မိုးပြိုချိန်မှာတော့
ဒုက္ခကို သရုပ်ပြတင်ဆက်ရင်း မင်းရယ်မော
သောကကို ကကြိုးဆင်ရင်း မင်းကခုန်
ဆေးရောင်စုံနဲ့ အနာဂတ်ကို
မင်းယုံကြည်လိုက်ပါ
ရှင်နေမင်းဟာ
ငါတို့ ထင်သလို
အဝေးကြီး မဟုတ်ရပါဘူးကွာ။ ။

မိုဃ်းဇော်
( မိုဃ်းဇော် သေတမ်းစာ ကဗျာစာအုပ်မှ )

October 16, 2009

ဥထဲမှာ


ကျွန်ုပ်တို့ သည် ဥထဲ၌နေကြသည်
ဥခွံ၏ နံရံတပြင်လုံးပေါ်၌
ညစ်ပတ်သောပုံများနှင့်
ကျွန်ုပ်တို့ ၏ ရန်သူအမည်များ
ရေးဆွဲထားကြသည်
ကျွန်ုပ်တို့ ကို သားဖေါက်နေသည်။

ကျွန်ုပ်တို့ အား သားဖေါက်နေသူသည်
ကျွန်ုပ်တို့ ၏ ခဲတံများကိုလည်း
သားဖေါက်နေသည်။
ခုမှတနေ့ လွတ်လွတ်လာချင်း
ကျွန်ုပ်တို့ အား သားဖေါက်နေသူ၏
ပုံကို ကျွန်ုပ်တို့ ရေးဆွဲမည်။

ကျွန်ုပ်တို့ ကို သားဖေါက်နေသည်ဟု
ကျွန်ုပ်တို့ လက်ခံထားကြသည်
သဘောကောင်းသော ကြက်တကောင်ဟု
စိတ်ကူးပြီး
ထိုကြက်မ၏ အရောင်နှင့် အမျိုးကို
ကျောင်းသားစာစီစာကုံးများ
ကျွန်ုပ်တို့ ရေးကြသည်။

ဘယ်တော့မှ ကျွန်ုပ်တို့ ဖေါက်ထွက်ကြမလဲ
ဥထဲမှ ကျွန်ုပ်တို့ ၏ ပရောဟိတ်များက
အလယ်အလတ် လစာလေးအတွက်
“ X ” ဟု ခေါ်သောနေ့ တနေ့ ကို
တင်ပြလာကြရဲ့။

ပျင်းရိသောကြောင့်အပြင်
အမှန်တကယ် လိုအပ်သောကြောင့်
ကျွန်ုပ်တို့ သားဖေါက်စက်များ တီထွင်ပြီးခဲ့ပြီ
ဥထဲရှုိ ကျွန်ုပ်တို့ ၏ရင်သွေးများအတွက်
ကျွန်ုပ်တို့ အလွန် စိုးရိမ်မိကြပါသည်
ကျွန်ုပ်တို့ ၏စက်များကို အသုံးပြုရန်
ကျွန်ုပ်တို့ အား စေါက်ရှောက်နေသော
သူမအား အကြံပြုလိုပါသည်။

သို့ သော်...ကျွန်ုပ်တို့ ၏ခေါင်းပေါ် အမိုးရှိပါသည်
အိုမင်းနေတဲ့ ကြက်ပေါက်စတွေ
ဘာသားစကားစုံ သန္ဒေသားတွေ
တနေကုန် အကြောင်းအရာမရှိ ပြောဆိုကြပါသည်
ယင်းတို့ ၏ အိပ်မက်များကိုပင်
ဆွေးနွေးကြပါသည်။

နို့ 
ကျွန်ုပ်တို့ အား သားဖေါက်နေတာ
မဟုတ်ရင်ကော?
အကယ်၍ ဒီဥခွံဟာ
ဘယ်သောအခါမှ မကွဲရင်ကော?
ကျွန်ုပ်တို့ အား သားဖေါက်နေသည်ဟု
ကျွန်ုပ်တို့ မျှော်လင့်ရပါသည်။

သားဖေါက်နေခြင်းအကြောင်းသာ
ကျွန်ုပ်တို့ ပြောဆိုနေသည့်တိုင်
ဥခွံပြင်ပရှိ တဦးဦး
ဗိုက်ဆာနေမည်ကို ထိတ်လန့် ရပါသည်
ကျွန်ုပ်တို့ ကို ဒယ်အိုးထဲခွဲပြီး
ဆားဖြူးလိုက်ရင်ကော
အဲဒီအချိန်မှာ ဘာလုပ်ကြမလဲ?
ဥထဲက
ကျွန်ုပ်တို့  ညီနောင်ရေ...။ ။

(ဒီကဗျာက ဂျာမာန်ကဗျာဆရာ Gunter Grass ရဲ့ In the Egg ကဗျာကို စောဟန်သိုက် က ဘာသာပြန်ဆိုခဲ့တာပါ။ ပင်လယ်မဂ္ဂဇင်း ၊ ဒီဇင်ဘာ၊ ၁၉၉၂ မှဖြစ်ပါတယ်။ ကျနော်နှစ်သက်လို့ ထပ်ဆင့်ဝေငှလိုက်တာပါ။ကဗျာသရုပ်ဖေါ်ပုံကတော့ ကမာကျော်ပန်းချီဆရာ ဒါလီ ရဲ့ ပန်းချီပုံဖြစ်ပါတယ်ခင်ဗျား´ )





October 14, 2009

ဥရောပမဲဇာ အခန်း [ ၂ ]


ဆန်စက်အလုပ်သမလေး ခင်ဝေ၊ ရေသူမကျောက်ရုပ်နှင့် မှော်ဝင်ဆည်းဆာ [ ၅ ]

လေယာဉ်ပေါ်မတက်ခင် ခေတ္တထိုင်စောင့်ရသည့်အခန်း ( Departure Lounge ) ထဲတွင် ခရီးသည် (၄)ဦးသာရှိသည်။ ဥရောပတိုက်ကို ရောက်လာလို့ အအေးဓါတ်ပိုလာပြီလားဟု စိတ်ထဲကထင်မိသည်။ သို့ သော် အနွေးဓါတ်ပေးထားသည့်အခန်း ဖြစ်သဖြင့် နေလို့ ထိုင်လို့ ကောင်းပါသည်။
ကိုပင်ဟေဂင်လေဆိပ် ဂိတ်နံပါတ်(၁၁)ထဲက မှန်ကာကြီးနှင့် အနီးဆုံးထိုင်ခုံတွင် ကျနော်သွားထိုင်လိုက်သည်။ လေယာဉ် ကွင်းထဲ လှမ်းမြင်နေရ၏။ လေယာဉ်တချို့ နှင့် ကုန်တင်ကားငယ်တချို့ ရှေ့ တိုးနောက်ငင်လုပ်နေကြ၏။ ကျနော်က အော်စလိုသို့ လေယာဉ်ထွက်ရန် တနာရီကျော်ခန့်  ထိုင်စောင့်ရဦးမည်။


လက်ဆွဲသေတ္တာငယ်ထဲက “ နွေတည ” ၀တ္ထုစာအုပ်ကို ထုတ်လိုက်သည်။ စာအုပ်ကိုလှပ်ပြီး ကျနော့်ခန္ဓာကိုယ်တခုလုံး အကြောအချဉ်တွေ ဖြေလျှော့ချနေမိသည်။ ကမ္ဘာ့ဝန်ရိုးစွန်းနှင့် အနီးဆုံးတိုင်းပြည်တခုသို့ တဦးတည်းခရီးထွက်လာသူ၏ ရင်ခုန်သံကို ကျနော်ပြန်ကြားနေရသည်။ ဒီကြားထဲ “ နှစ်ယောက်ထဲ နေချင်တယ် ” သီချင်းထဲက “ နေမမြင်၊ ရေအစဉ်ခဲ၊ မြောက်ဝင်ရိုးစွန်းကိုပဲခေါ်ခေါ် ပျော်ပါမယ်၊ သဲသဲမဲမဲဇွဲနဲ့  နှစ်ယောက်ထဲနေချင်တယ် ” ဆိုတဲ့မာမာအေးရဲ့ သီးချင်းကို ခပ်တိုးတိုးကြားနေမိပြန်သည်။ “ နွေတည ” စာအုပ်ကိုကိုင်ရင်း ကျနော့်စိတ်တွေ လေးကန်ထိုင်းမိူင်းလာနေပြန်သည်။ “ အော်----အခုဆိုရင် “ နွေတည ” ကို ဖန်တီးခဲ့သူနိုင်ဝင်းဆွေတယောက် ဘယ်ဆီကိုရောက်လို့  ဘာတွေများ ဖြစ်နေမှာပါလိမ့် ” ဟုတွေးကာ ပင့်သက်ချနေမိသည်။
နိုင်ဝင်းဆွေ၏ “နွေတည ” ၀တ္တုကိုကျနော်ဖတ်ပြီးခဲ့သည်မှာ ကြာပါပြီ။“ နွေတည ” တင်မဟုတ်။ သူရေးဖွဲ့ ခဲ့သမျှလုံးချင်းစာအုပ်အားလုံး တအုပ်မကျန်ကျနော်ဖတ်ခဲ့သည်။ တချို့ စာအုပ်ကိုတကြိမ်မက အကြိမ်ကြိမ်အခါခါ ဖတ်ဖြစ်ခဲ့သည်။ အထူးသဖြင့် မိမိကိုယ်မိမိ အထီးကျန်ဆန်လှသည်ဟုယူဆခံစားရသည့်အချိန်တိုင်း နွေတည ကို ကျနော်သတိရနေတတ်သည်။ ဘာရယ်ကြောင့်ရယ်တော့မသိ၊ ယခုလည်း “နွေတည ” ကို ကျနော်ဖတ်ရဦးတော့မည်။ အမှန်စင်စစ် မိမိအဖို့ နယ်စပ်ဒေသသို့  ထွက်ခွာလာဖို့  ဆုံးဖြတ်ချက်ချနိုင်ခဲ့သည်မှာလည်း မာနယ်ပလောတွင် စာရေးဆရာနိုင်ဝင်းဆွေ ရောက်နေသည့်ကိစ္စနှင့်ဆက်စပ်လျှက်ရှိပါသည်။
နယ်စပ်ဒေသသို့ ထွက်လာဖို့  ချီတုံချဖြစ်နေစဉ် ကျနော်ထံစာတစောင်ရောက် လာခဲ့သည်။ တောင်ငူမြို့ မှ စာပေ၀ါသနာရှင် လူငယ်တဦးရေးလိုက်သည့်စာဖြစ်သည်။ နိုင်ဝင်းဆွေတယောက် မာနယ်ပလောတွင် ရောက်ရှိနေကြောင်း သတင်းစာထဲ တွင် ပါရှိလာသည်ကို သတင်းပါးလိုက်ခြင်းဖြစ်သည်။ ထိုစဉ်ကစာရရချင်း တောင်ငူမြို့ ပေါ် ကျ နော်တက်လာခဲ့သည်။ “ နိုင်ဝင်းဆွေ လွမ်းဆွတ်သတိရခြင်းအထိမ်းအမှတ် စကားဝိုင်း ” တခုလုပ်ဖြစ်ကြသည်။ ကဗျာဆရာ ကေတုဘုန်းမော် (ကွယ်လွန်) က အဓိက စီစဉ်သူ။ အထက်တန်းပြဆရာမ (၂)ဦး၊ ကဗျာဆရာ(၃) ဦး။ ကျနော်တို့ စကားဝိုင်းတွင် နိုင်ဝင်းဆွေ၏ “ နွေတည” ၀တ္တုကို အများဆုံး ပြောကြဆွေးနွေးကြရ၏။ နိုင်ဝင်းဆွေသည် စကားပြေဘုရား။ နိုင်ဝင်းဆွေသည် မာက်စ်ဝါဒီ။ နိုင်ဝင်းဆွေ၏ ဖြစ်ပေါ်တိုးတက်မှူလမ်းကြောင်းကိုသူရေးခဲ့သည့် စာအုပ်များကိုတန်းစီကာ ကျနော်တို့ လေ့လာကြသ ည်။ ဝေဖန်ကြသည်။ လေးနက်ကြသည်။ နယ်စပ်ဒေသသို့ သွားသင့် မသွားသင့် တွေဝေလျက်ရှိသူကျနော့ကို နိုင်ဝင်းဆွေ၏ သ တင်းက ဆုံးဖြတ်ချက်ချနိုင်ဖို့  တွန်းပို့ လိုက်၏။ သို့ နှင့်ပင် မာနယ်ပလောသို့  ကျနော်ရောက်လာခဲ့ခြင်းဖြစ်သည်။
မာနယ်ပလော တွင် နိုင်ဝင်းဆွေနှင့် ကျနော် အချိန်ကြာကြာတွေ့ ခွင့်၊ စကားပြောခွင့်မရခဲ့ပါ။နှစ်ဦးချင်းတွေ့ သည့် အချိန်များမှာလည်း ၁၉၇၈ ခုနှစ် မတိုင်ခင်ကာလများက သူနှင့် ကျနော်တို့ ၏ဆက်ဆံရေးကိစ္စများကိုသာ ပြောဖြစ်ဆိုဖြစ်နေခဲ့ကြသည်။ ကျနော်နှင့်တွေ့ ပြီး(၆) လ ခန့် အကြာတွင် နိုင်ဝင်းဆွေတယောက် ကျန်းမာရေးချို့ တဲ့လာခဲ့၏။ ထိုစဉ်မှစကာ သူသည် နဂိုလူကောင်းဘ၀သို့  ပြန်ရောက်မ လာနိုင်ခဲ့တော့။ မာနယ်ပလော နေ၀င်ချိန်တွင်မှူ နိုင်ဝင်းဆွေသည် ထိုင်းနိုင်ငံဘက်ကမ်း ပဟေလူရွာထိ လိုက်ပါလာနိုင်သေး၏။ ပဟေလူရွာတွင် နိုင်ဝင်းဆွေ ရောက်ရှိနေကြောင်းကြား၍ သူု့ ကိုကျနော်သွားတွေ့ သည်။ သူသည်ကျနော့်ကိုပင် လက်ခံစကားပြော နိုင်စွမ်းမရှိတော့။ သူခေတ္တတည်းခိုနေသော အိမ်၏ဘုရားစင်အောက်တွင် တရားထိုင်နေလေသည်။ သူ့ ကို ကျနော်က ဓါတ်ပုံရိုက်ဖို့  ကြိုးစားတော့ ကျနော့်ကိုရန်သူတယောက်ပမာ စ်ိတ်ဆိုးမာန်ဆိုးနှင့် တားမြစ်ခဲ့၏။ ထို့ ကြောင့်ဓါတ်ပုံမရိုက်ခဲ့ရ။ ပဟေလူရွာမှာ န၀တ တပ်များ၏ လက်နက်ကြီး တကမ်းအကွာတွင်သာရှိသည်။ ကျနော်က မာနယ်ပလော၏နောက်ဆုံး အခြေအနေကို DVB သို့ သတင်းပို့  နိုင်ရေး အလုပ်ရှုပ်နေခဲ့၏။ ရွှေပဟိုရ်စည်စတူဒီယိုပစ္စည်းများ၊ ရဲဘော်များနှင့်အတူ တာဝန်ကျရာ နေရာသို့ ဘေးမသီရန်မခ ရွှေ့ ပြောင်းနိုင်ရေး လုံးပမ်းနေရ၏ ။ ထို့ ကြောင့် နိုင်ဝင်းဆွေကို ကျနော်ခွဲခဲ့ရသည်။ နိုင်ဝင်းဆွေကို မကူညီနိုင်ခဲ့။
“ နွေတည ” ၀တ္ထုကို ရေးဖွဲ့ သူ စာရေးဆရာ “ နိုင်ဝင်ဆွေ ” အကြာင်း ကျနော်တွေးနေစဉ် ခန်းမကြီးထဲ၌ ခရီးသည် (၃၀) ခန့်  ရောက်ရှိလာကြ ပြီဖြစ်သည်။ ကျနော် “ နွေတည ” ၀တ္တုကို ဆက်ဖတ်သည်။ ၀တ္တုထဲက အဓိကဇာတ်ကောင် ဆန်စက်အလုပ်သမလေး ခင်ဝေသည် အငယ်တန်းတောအုပ်ကလေး မောင်ကိုကို၏နောက်သို့  ခိုးရာလိုက်ခဲ့၏။ ဓါတ်မီးတိုင်အလင်းရောင် မှိန်ဖျော့ဖျော့အောက်ဘော လုံးကွင်း မိုးရေစပ်စပ်တွင် ခင်ဝေသည် ဂျပန်ဖိနပ်ဟောင်းကလေးကိုစီးထားလေသည်။ သူတို့ နှစ်ဦး ဘောလုံးကွင်းပြင်ကြီးပေါ်တွင် တင်နေသည့် ရွှံ့ ဗွက်ရေအိုင်များကို နင်းလျှောက်လာနေကြလေသည်။

(ဒီဆောင်းပါးက ၂၀၀၄ ခုနှစ်အတွင်းတုန်းက ရေးခဲ့တဲ့ဆောင်းပါးပါ။ လူ့ ဘောင်သစ် ဒီမိုကရက်တစ်ပါတီက ထုတ်ဝေတဲ့ ရေစီးသံဂျာနယ်မှာ ရေးခဲ့တဲ့ ကျနော့်ရဲ့ ဥရောပခရီးသွားအခန်းဆက်ဆောင်းပါးတွေထဲက ဆောင်းပါးတပုဒ်ပဲဖြစ်ပါတယ်။ နိုင်ဝင်းဆွေ နဲ့ ပါတ်သက်ပြီး ကျနော်သွားလေရာ သယ်ဆောင်သွားလေ့ရှိတဲ့ နွေတည ၀တ္ထု ကို ဒီဆောင်းပါးမှာ ကျနော်ထည့်ရေးခဲ့ပါတယ်။ နွေတည၀တ္ထုတင်ဆက်နေတုန်း နိုင်ဝင်းဆွေနဲ့ ပါတ်သက်ပြီး ကျနော်ရေးခဲ့တဲ့ဆောင်းပါးတွေကို အခုလိုပဲ အခါအားလျော်စွာ ထည့်သွင်းဖေါ်ပြသွား ပါဦးမယ်။)

(ထိပ်မှာတင်ထားတဲ့ လက်ရေးစာမူဟာ ဆရာနိုင်ဝင်းဆွေ စိတ်ကျန်းမာရေးချို့ ယွင်းနေချိန် ရေးခဲ့တဲ့ လက်ရေးစာမူဖြစ်ပါတယ်။ ကျနော် အမှတ်တရ သိမ်းထားခဲ့မိပါတယ်။ )

ငြိမ်းဝေ


October 12, 2009

နွေတည


( ၁၀ )

ကျနော်တို့ မြို့ သစ်ကလေးကို အပြီးတိုင် စွန့် ခွာသွားကြရတော့မည့် နွေကုန်စ မိုးကူးစ ရက်များတွင် ဝေသည်လည်း တချောင်ချောင် မမာမကျန်း ဖြစ်လာခဲ့သည်။
ဝေသည် အိပ်ရာထဲတွင် တခွေခွေ အနေများလာခဲ့သည်.။ ဖြစ်စရက်များက သူသည် အိမ်မှုကိစ္စများကို လုပ် ဆောင် နေ သေးသော်လည်း နောက်ပိုင်းတွင် အိမ်မှုကိစ္စများကို ပစ်ထားရသည်။
ထိုရက်များ၌ ကျနော်တို့ အိမ်မှာ ရယ်သံမောသံများ ဆိတ်သုဉ်းသွားလေသည်။ နေ့ ခင်း နေ့လယ်တွင် ဝေသည် တံခါးများကို အလုံပိတ်ထားလိုက်၏။ ဝေသည် ပြတင်းမှ ထွက်ရပ်၍သော်လည်းကောင်း၊ ခြံဝမှရပ်၍သော် လည်းကောင်း ကျနော့်ကို မမျှော်နိုင်တော့ပေ။ ကျနော် ပြန်လာလျှင် သူသည် အိပ်ရာထဲတွင် အားနည်းစွာ ငြိမ်သက်နေရင်း...


“ပြတင်းပေါက်မဖွင့်ပါနဲ့ကိုကို၊ မိုးကြီးကို ခင်ဝေ မကြည့်ချင်တော့ဘူး၊ မိုးကြီး ကြည့်ရတာ် ငိုချင်စရာကြီး၊ ဆို့ ဆို့ ကြီး”
သူက ထိုသို့ ပြောလျှင် ကျနော်လည်းပြတင်းကိုဖွင့်ရန် ရွယ်ထားသောလက်များကို ပြန်၍ ရုပ်သိမ်းလိုက်ရလေသည်။
ပြတင်းများကိုဖွင့်လျှင် ဝေပြောသည့် မိုးကောင်းကင်ကြီးမှာ မှိုင်းဆို့ဆို့ကြီး၊ စိတ်မောစရာကြီး၊ ငိုချင်စရာကြီး။ နွေသည် ရင့်ရော်နေသော်လည်း မကြွေသေး။ မိုးသည်လည်း ရွာချိန်သင့်ပါလျက် မရွာနိုင်သေး။ မိုးနှင့်နွေ ပဋိပက္ခများသည် ရောထွေးနေလျက်။ ကောင်းကင်တခြမ်း၌ နေ မီးမောင်းကြီးများ ထိုပြထားလျက်။ ကောင်းကင်တခြမ်း၌ မိုးကြီးသည် မြေသို့ ထိခမန်း နီးစပ်ကာ မှိုင်းဆို့ နေလျက်။ နွေလေပြေများသည်လည်း ငြိမ်သက်နေလျက်။ အရာဝတ္တု အပေါင်းသည်လည်း အသက်ကင်းမဲ့နေလျက်။ အပြင်သို့ မျှော်ကြည့်လိုက်လျှင် စိတ်များ အလိုလိုမောပန်းလာတော့မည်။
ကျနော်သည် ဝေ့နံဘေး၌ အသာအယာဝင်ထိုင်ကာ ဝေ၏ ဖျော့မှီန်နေသော မျက်နှာကလေးကို တွေကြည့်နေမိ၏။ သူ့မျက်လုံးများသည်လည်း ဖျော့မှိန်နေ၏။ သူ့ပါး နားထင်များသည် ချိုင့်ဝင်နေ၏။ သူ့ နှုတ်ခမ်းကလေးများသည် ပန်းပွင့်ကြွေများကဲ့သို့ နွမ်းရော်သွားနေသည်။
ကျနော်သည် သူ့လက်ကလေးကို အသာ ကိုင်ထားကာသူ့ ကျန်းမာရေး အခြေအနေနှင့် ဆရာမ လာမလာကို မေးမြန်းနေရစဉ်၌ သူ့ကိုအသိမပေး၊ လျှို့ ဝှက်ထားရသည့် ကျနော်၏ လပ်စားမှုတမှုနှင့် ပတ်သက်သော သောကများကြောင့် ရင်ထဲတွင် ပူလောင်နေရပြန်သည်။
ဤရက်များအတွင်းတွင်မှာပင် ဒုက္ခများလည်းစုံပြုံ လာရ၏။
“ဝေ နေကောင်းတော့မှာပါ”ဟု ကျနော်သည် ကြိုးပမ်း၍ပြုံးကာ သူ့ကို နှစ်သိမ့်နေရပြန်သည်။
သူကား ကျနော်တို့ တွေ့ကြုံရတော့မည့် ဒုက္ခများကို အလျင်းမရိပ်မိသေး။ မမာ မကျန်းသည်မှလွဲပြီး သူ့၌ သောက ကင်းလျက် လန်းဆန်းနေသည်။ အကယ်၍ ကျနော်တို့  ဒုက္ခရောက်ရတော့မည့်အကြောင်းကို သူသိလျှင် သူ့စိတ်များသည် ဆောက်တည်ရာမရ ဖြစ်သွားပေတော့မည်။
ထိုငွေနှစ်ရာကို လပ်စားမိသည်မှာ ဝေ့ အမေအတွက်ဆေးဘိုုးဝါးခ တင်ပို့ရန် ဖြစ်သည်ကို ဝေသိခဲ့လျှင် ပို၍ စိတ်ထိခိုက်ရရှာမည်။
ငွေနှစ်ရာပေးစဉ်က သူသည် ဘယ်က ရတာလဲဟုလည်းမမေး။ သိလည်း မသိနိုင်။ သူသည် တရားသော ၀င်ငွေဟုသာ မှတ်ထင်ခဲ့၏။ သူ့ အသိမှာ ခလေးအသိ၊ သူ့ အတွေးကားခလေးအတွေး၊ သူ့ ခံစားရမှုများကား ခလေး၏ ခံစားရမှု။
လပ်စားမှုအတွက် ဋ္ဌာနဆိုင်ရာမှ အရေးယူနေပြီကို ကျနော်သည် ဝေ့ကို အသိမပေးခဲ့ဘဲ တယောက်တည်း ကျိတ်ဖြေရှင်းနေရ၏။ အစက ထိုအမှုမှာ အလွယ်တကူ လွတ်မြောက်လာမည်ဟု ထင်တွေး ခဲ့သော်လည်း ကျနော်ကား အမှုကို ရှောင်ကွင်းမရတော့သည်ကို သိလာခဲ့၏။ အမှုသည် သစ်တောမင်းကြီးချုပ်ရုံးသို့ ရောက်နေခဲ့လေပြီ။ ကြား၌ လိုက်လံတားဆီး၍လည်း မရတော့။ လိုက်နှုတ်၍မရ။
အိမ်ပြန်ရောက်လာခဲ့လျှင်ကား ကျနော်သည် ဝေ မရိပ်မိစေရန် ပိပိရိရိနေထိုင်ရ၏။ ဝေ့ ကို ဆေးကုသရေး အတွက်လည်းပူပင်နေရ၏။ ဝေ မသိဘဲနှင့် ကြွေးများလည်း ပတ်လည် ၀န်းရံနေ၏။ အလုပ်အတွက် မြှော်လင့်ချက်လည်း မရှိတော့ပြန်။
အစဉ်အမြဲ စိတ်များ ရှုပ်ထွေးနေခဲ့ရ၏။ ကြာသော်လူသည် မွှန်ထူထုန်ထိုင်းလာသည်။ ဖြစ်လိုရာဖြစ်စေတော့ဟုသဘောပိုက်ကာ စိတ်ကို လျှော့ချထားရလေသည်။
အိမ်သို့ ပြန်ရောက်လာလျှင်မူ ဝေ့ ကျန်းမာရေး အတွက်လည်း ပူပင်လာရပြန်သည်။
ဝေသည် အိပ်ရာထဲမှ ကျနော့် လက်ကို ဖမ်းဆုပ်ထားရင်း “ကိုက်ို့ မှာ ပိုက်ဆံမရှိတော့ရင် ခင်ဝေ့ ဘီးဖြစ်ဖြစ် လက်ကောက်ဖြစ်ဖြစ် ရောင်းလိုက်လေ၊ ဆရာမကိုလဲ ဆေးဘိုးတွေ ပေးရမှာရှိသေးတယ်မှုတ်လား၊ ကိုကိုလဲ စိတ်ညစ်နေတယ် ထင်တယ်။ ကိုကို ဘာပြုလို့ သက်ပြင်းချချနေတာလဲဟင်” ဟုသူသည် မေးနေတတ်၏။
ကျနော်သည် ခေါင်းယမ်းပြပြီး ကြိုးစားကာ ပြုံးရယ်ထားလေသည်။
“ကိုကိုဘာမှမဖြစ်ပါဘူး၊ ဝေ့ ကို တယောက်ထဲ ထားခဲ့ရတာ စိတ်မကောင်းတာပါ”
“ခင်ဝေလေ နေမြန်မြန်ကောင်းချင်ဘီ၊ ကိုကို့ အ၀တ်တွေလဲ ညစ်နေဘီ၊ ကိုကိုထမင်းချက်နေရတာမြင်တော့ ခင်ဝေ့ စိတ်ထဲမောနေတာဘဲ”
တခါတရံတွင်မူ ဝေသည် ငြိမ်သက်နေကာ...
“ဘာပြုလို့ လဲမသိဘူး၊ ခင်ဝေဟေမန်ကို သိပ်သတိရတာဘဲ။ ခင်ဝေနေကောင်းရင် ဟေမန်ကိုသွားကြရအောင်လေ”
ဝေသည် ဟေမန်ရွာကလေးကို တဖွဲ့ တနွဲ့ ပြောနေတတ်၏။ ဟေမန်ရွာကွေ့ ရှိ စိမ်းလန်းသော ငှက်ပျောဥယျာဉ်ကြီး၊ ဟေမန်တာရိုးကြီးတဖက်ရှိ ပေါက်ပင်တောတန်းကြီး၊ ရေများ ညင်သာငြိမ်သက်နေသည့် ဟေမန်မြစ်ပြင်၊ မြစ်ပြင်ထက်မှလှေငယ်များ မြစ်ကမ်းရှိယာခင်းများ၊ မြစ်တဖက်ကမ်းရှိ ရှမ်းရိုးမတောင်တန်းကြီးများ။
ဝေ့ စိတ်များသည် ဟေမန်သို့  ပြန်သွားကြလေသည်။ ဟေမန်မြစ်ပြင်ထက်မှလှိုင်းငြိမ့်ကလေးများပေါ် တွင်ကူးခတ်နေသည်။
ကျနော်သည် ဝေ၏ ပိန်လှိနေသော လက်ကလေးကို ဆုပ်ကိုင်ထားလျက် “ဝေနေကောင်းရင်သွားတာပေါ့” ဟု နှစ်သိမ့်နေရပြန်သည်။
တခါတရံ၌မူ ဤသောကများကို မခံမရပ်နိုင် ဖြစ်လာကာ ကျနော်သည် တနေရာရာသို့ ထွက်ပြေးသွားချင်လာလေသည်။
နောက်ပိုင်းရက်များတွင်ကား ကျနော်သည် အလုပ်ရပ်ဆိုင်းမိန့် ကိုသာ မျှော်နေခဲ့ရနေလေသည်။
ဤအမှုကြောင့် အလုပ်ပြုတ်သွားလိမ့်မည်ကို ကြိုတင်သိမြင်နေ၏။ ကျနော်တို့ကား အစိုးရလစာစား အလုပ်ကိုသာ ထမင်းစားရသည့် အလုပ်ဟု ယုံကြည်နေ၏။ အပြင် ထွက်လိုက်လျှင်ထမင်းငတ် သေရမည်ဟုတွေးခဲ့၏။ ထိုအလုပ်မှလွဲ၍ အခြားအလုပ်လည်းမလုပ်ဝံ။
ထို့ ကြောင့်ပင် ကျနော်သည် အရာရှိများကို ခြေသလုံး ဖက်ကာ သနားဖွယ်ရာဖြစ်အောင် ဇာတ်လမ်းဆင်ကာ အသနားခံနေရသည်။ ကျနော့်မှာ လူတယောက်ထားသင့်သော မာနကိုလည်း မထားနိုင်တော့။
အရာရှိများရုံးခန်းသို့ ဝင်လျှင် ကျနော်သည် ခါးကိုင်းပြီးပခုံးကို ကြုံ့ ထားရ၏။ ခေါင်းကို ငိုက်စိုက်ချထားရ၏။
“တတ်နိုင်သလောက်တော့ ဖေးမပါအုံးဆရာ၊ ကျနော့်မှာအိမ်ထောင်နဲ့ပါ။ ခုဖြစ်ရတာက ကျနော့် အဖေ ဆေးရုံတက်နေရတာ စရိတ်မရှိတော့လို့  ဖြစ်ရတာပါ။ ကျနော် အလုပ်ပြုတ်သွားရင် အားလုံးဒုက္ခရောက်ကြရတော့မှာဘဲဆရာ”
အရာရှိသည် စာပွဲကိုလက်ဖြင့် ထောက်ပြီး ကျနော့် ကိုစိုက်ကြည့်နေရင်း ခေါင်းကို ဖြေးဖြေးသာသာ ယမ်းလိုက်လေသည်။
“ မဖြစ်နိုင်တော့ဘူးကွာ၊ လုပ်ရဲရင် ခံရဲရုံရှိတော့တာဘဲ၊ မင်းအစက သေသေချာချာ စဉ်းစားပီးမှ လုပ်ခဲ့ဘို့ ကောင်းတာ။ အမှုကိုဖျောက်ရင်ငါပါ ဒုက္ခရောက်သွားမှာပေါ့။ ပုလိပ်လက်မရောက်တာဘဲ ကံကောင်းလှပီ။ ကဲ ငါအလုပ်ရှိသေးတယ်၊ ဒါဘဲမှုတ်လား”
ကျနော်သည် ခေါင်းငုံ့ပြီး ထွက်လာခဲ့၏။
ရုံးမှအထွက်တွင် အိမ်သို့ လည်း မပြန်လို။ ဘယ်ကို သွားမည်ဟုရည်ရွယ်ချက် မရှိဘဲ လမ်းများပေါ်၌ လျှောက်နေ၏။ တခါတရံတွင် တောင်ပိုင်းရှိ ရွှေစေတီရင်ပြင်သို့ သွားမိပြန်သည်။
ကျနော်သည် အေးငြိမ်းနေသော ဘုရားရင်ပြင်တော်ရှိ တန်ဆောင်းတခုအတွင်း အုတ်ခုံ တန်းလျားပေါ်၌ ပစ်လှဲ အိပ်ချလိုက်၏။ တန်ဆောင်းမျက်နှာကြက်တွင် ရေးဆွဲထားသည့် ငရဲခန်းများကို မော့ကြည့်နေရင်း စိတ်နှလုံးသားများ ပူပင်ကာ သောကများထွေနေလေသည်။
ဘုရားရင်ပြင်ထက်တွင်မှု မရမ်းပင်အုပ်အုပ်များမှ ရွက်ချင်းခတ်သံသည်လည်းကောင်း၊ ဆွဲလဲများ လှုပ်နေသံသည် လည်းကောင်း၊ အေးငြိမ်းစေသော တေးသွားများဖြစ်နေ၏။ ကောင်းကင်ပြင်ကြီးမှာမူ ပူပြင်းနေရာမှာ ရုတ်တက်ရက်မိုးများမှိုင်းဆို့လာပြန်သည်။ မိုးသည် အနီးကပ် နိမ့်ဆင်းလာသော်လည်း မရွာ။ ကောင်းကင်ပြင်၌ အပူငွေ့ များ လျှံ တက်လာပြန်သည်။
တခါတရံတွင်မူ ကျနော်သည် တယောက်ထီးတည်း ရစ်ခွေချောင်းရိုးသို့ ထွက်သွားကာ ချောင်းကမ်းတွင်ထိုင်ရင်း အလုပ်ပြုတ်သွားလျှင် ဘာလုပ်ကိုင်ရမည်ကို တွေးမရနိုင် ဖြစ်နေ၏။ ပြင်းထန်သည့် ကြောက်စိတ်သည်လည်း မရှိဟု ထင်လာရပြန်သည်။
သည်ရက်များအတွင်းက ရစ်ခွေချောင်းသည်လည်း ရေများခန်းခြောက်သွား၏။ ချောင်းကမ်းပါးရှိ သစ်ပင်များသည် နွမ်းနယ်နေကြ၏။ ချောင်း သဲပြင်ပူပေါ်တွင် လေပူများ ဝှေ့  ယမ်းနေသည်.။ ဆည်းဆာများ၌ ချောင်းတဖက်ကမ်း တောင်ချောက်ကုန်းများပေါ်တွင် ဆည်းဆာ တိမ်တောင်များသည် အပူငွေ့ လျှံကာ တောက်ပနေကြလေသည်။
အချိန်များစွာ ကုန်ပြီးမှ ဝေမျှော်နေမည်ကို တွေးကာအိမ်သို့ စိတ်မော ပင်ပန်းလှစွာဖြင့် ပြန်လာခဲ့လေသည်။
ကျနော့်အတွက် အလုပ်မှ ရပ်ဆိုင်းမိန့် ရောက်လာသည့်နေ့တွင်မူ ကျနော်သည် မထူးတော့ပြီဟု စိတ်နှလုံး ဒုံးဒုံးချကာ အိမ်သို့ နေလည်ပိုင်းတွင်ပင် ပြန်လာခဲ့သည်။
ကျနော်သည် အမိန့် စာကိုကိုင်ပြီး နေပူကြီး၌ ခြေလှမ်းများ နှေးကွေးလေးလံလှစွာဖြင့် ပြန်လာခဲ့လေသည်။ ထိုနေ့ တွင်မှ နေအပူရှိန်သည်လည်း အစွမ်းကုန် မြင့်တက်လျက်ရှိ၏။ မြို့ သစ်ကလေး လမ်းမများပေါ်တွင် လေပူကြီး များသည် ဖြတ်သန်းတိုးဝှေ့လျက် ရှိ၏။
ကျနော် ခြံသို့ အ၀င်တွင်ကား မိုးကြီးသည် ရုတ်တရက်အုံ့ပျလိုက်ပုံမှာ စိတ်ညစ်စရာကြီး၊ ငိုချင်စရာကြီး။
အိမ်ပေါ်သို့ ရောက်လျှင်အင်္ကျီချိတ်၌ အင်္ကျီချိတ်နေစဉ်၌ပင် ဝေသည် အိပ်ခန်းတွင်းမှ လှမ်းပြီး “ကိုကို ပြန်လာပလား”ဟုမေးသည်။
“ကိုကို လာပါအုံးလေ”
ကျနော်ကား ဖြေးဖြေးလျှောက်သွားပြီး အခန်းတွင်းသို့ မ၀င်ဝံ့သေးဘဲ အခန်းဝ၌ပင် ချီတုံချတုံဖြင့် ခဏရပ်နေမိ၏။
ကျနော်သည် အိပ်ခန်းတွင်းတွင်လည်း ဝေ့ကို စကားတလုံးမျှမပြောမိဘဲ အချိန်ကြာမြင့်စွာ ငြိမ်ပြီး ထိုင်နေခဲ့သည်.။ ရင်ထဲတွင် ၀န်လေးလွန်းနေ၏။ သည်အချိန်မှစပြီး ကျနော်တို့ ကား အလုပ်မဲ့ အကိုင်မဲ့ ကလေကချေများဖြစ်ရပြီကို ဖွင့်ထုတ်မပြောရက်။
ဝေကမူ သူ ကျန်းမာလာပြီဖြစ်ကြောင်း၊ ဆရာမ နောက်လာတော့မည် မဟုတ်ကြောင်း၊ ကိုယ်ပူ မရှိတော့ကြောင်းစသည်တို့ ကိုပြောနေ၏။ သူ၏ ရွှင်လန်းတက်ကြွစွာ စကားပြောနေသံများသည် ကျနော့် ကို ကျော်လွန်ပြီး အဝေးသို့ ပျံသန်းနေကြလေသည်။
သူသည် ကျနော့် ပခုံးကို ကိုင်ပြီး ကုတင်အစွန်း၌ ထထိုင်သည်။ ခလေးကလေးလို သောကကင်းစွာဖြင့် ပြုံးနေသည်။
“ကိုကို ပင်လဲ သိပ်ပင်ပန်းနေတယ်၊ ခွင့်ယူအုံးလေ၊ ခင်ဝေလဲ နေကောင်းလာဘီ၊ ဟေမန်ကို သွားကြရအောင်နော်။ ပြောစမ်းကွယ်၊ ကိုကို့ ကို ကြည့်ရတာလေ ခုတလော တမျိုးကြီးဘဲ၊ ကိုကိုစိတ်ညစ်နေတာလား၊ မှိုင်မှိုင်နေတယ်၊ ဘာများ ဖြစ်လို့ လဲကိုကို၊ ဟိုကျောင်းဆရာမလေးက ခုတလော စိတ်ကောက်နေလို့ လား၊ ကိုကို မှားနေဘီနော်၊ တကယ်ပြောရရင် ခင်ဝေက အဲဒီ ဆရာမလေးထက် လှပါတယ်၊ အခုသာခင်ဝေ နဲနဲပိန်နေလို့ နော်၊ ကိုကိုလဲ ပိန်သွားတယ်”
“ကို ပိန်သွားသလား”
“ဟုတ်တယ် နေအုံးလေ၊ ခင်ဝေမေးတာ ပြောပါအုံး၊ ကိုကိုတခုခုဖြစ်နေပါတယ်၊ ခင်ဝေ သိတယ်၊ ဖွင့်ပြောပါ ကိုကိုရယ်။ ခင်ဝေ ငိုချင်လာဘီ”
ပူအိုက်နေသော အခန်းအတွင်း၌ ကျနော့် တကိုယ်လုံးမှာ ချွေးစေးများ စေးထန်းလာနေသည်။
“ဝေ ကို အသိပေးသင့်တာ ကြာဘီ၊ ဒါပေမယ့် ဝေအားငယ်သွားမှာစိုးလို့ ၊ ကို ဘာမှမပြောဘဲ နေလာခဲ့ရတာ၊ ခုတော့ ဖွင့်မပြောလို့ လဲ မဖြစ်တော့ဘူး”
ဝေသည် ကျနော့်ကို ငေးကြည့်နေရင်း ငြိမ်သက်နားထောင်နေ၏။ သူ့ မျက်နှာမှာမူ ထူးထူးခြားခြား ပြောင်းလွဲမသွား။ သူငိုချလိုက်မည်ဟု ကျနော် ထင်ခဲ့သည်တို့ မှာ မှားယွင်း နေပြန်သည်။ ဝေသည် မျက်တောင်ကိုသာ ခတ်နေခဲ့သည်။
“ အဲတာ အမေ့ဆီပို့ တဲ့ ငွေနှစ်ရာလား ကိုကို”
“မဆိုင်ပါဘူး၊ အဲဒီနှစ်ရာက သူငယ်ချင်း တယောက်ဆီက ယူတာ”
“တော်သေးတာ ပေါ့ ကိုကိုရယ်၊ အမေ့ ဆီပို့ တဲ့ ငွေကြောင့်သာ ဖြစ်ရရင် ခင်ဝေ ရင်ကျိုးတော့မှာ၊ ကိုကို ခင်ဝေ့ ကိုလဲမုန်းသွားမှာဘဲ၊ အမေ့ကိုလဲ မုန်းသွားမှာဘဲ၊ ကိုကို အိုက်နေသလား၊ ပြတင်းပေါ်က်ဖွင့်လိုက်လေ၊ ကိုကိုက အလုပ်ပြုတ်တာကိုပြောရင် ခင်ဝေအားငယ်ပီး ငိုမှာ စိုးတာကို၊ ဒါကြောင့်ကိုကိုဟာ ခင်ဝေ့ကို ဘာမှမသိဘူးလို့ ပြောတာပေါ့၊ ခင်ဝေ တို့ ကလေအလုပ်မရှိမှာလဲ မစိုးဘူး၊ ဈေးတောင်းခေါင်းပေါ် တင်လိုက်ရင် ယောက်ျားတယောက်တော့ ၀အောင်လုပ်ကျွေးနိုင်တယ်။
“ကိုကို့ အတွက်သာ စိုးတာ။ ကိုကိုက ဟင်းမကောင်းရင်မစားတတ်ဖူး၊ ခင်ဝေတော့ ဘယ်လိုဟင်းနဲ့ စားရစားရ ဗိုက်ပြေ့ သွားရင် ပီးတာဘဲ၊ အလုပ်လုပ်ရမှာလဲ မကြောက်ပါဘူး၊ စက်ထဲပြန်ဆင်းပြီး ကို့ ယောက်ျားကို လုပ်ကျွေးတာ ရှက်စရာမဟုတ်ပါဘူး၊ ဟေမန်ကို သွားမယ်၊ ခင်ဝေကောက်လဲစိုက်တတ်တယ်၊ ပျိုးလဲ နှုတ်တတ်တယ်၊ လယ်ထွန်ရမလား၊ အဲဒီ ကျတော့ ကိုကိုဟာ ခင်ဝေ့တပဲ့ကလေး ဖြစ်သွာတာပေါ့နော်”
ဝေ ပြုံးနေသည်ကို ကျနော်သည် အံ့အား သင့်စွာဖြင့် ငေးကြည့်နေမိခဲ့သည်။ ဤ သောက ရောက်စရာများကြား၌ ဝေ စိတ်လက် ရွှန်းလန်းနေခဲ့သည်ကား ကျနော့် အတွက် နားလည် နိုင်စရာ မရှိ။
“ဟေမန်ကို ဘယ်တော့ သွားကြမှာလဲ ကိုကို”
ဝေသည် ပြတင်းတံခါးများကို ဖွင့်လိုက်၏။ သူ့ ဆံပင်များကို ပြန်၍ ထုံးသည်။ သူသည် မှန်ရှေ့ တွင်ရပ်ကာ မျက်နှာပေါင်ဒါလိမ်းသည်။ ကျနော်ကား အိပ်ရာထဲ၌ လှဲ နေလိုက်ရ၏။ ဝေသည် ဟေမန်တွင် သူအလုပ်လုပ်မည့် အကြောင်းများကိုသာ တနေ့ ခင်းလုံးလုံး တညနေလုံးလုံး ပြောနေခဲ့သည်။
ညအိပ်ရာထဲ ရောက်ချိန်တွင်လည်း သူသည် သူ့ စိတ်ကူး ကလေးများကို စိတ်အားထက်သန်လှစွာဖြင့် ပြောနေဆဲပင်။
သူသည် အိပ်ခန်းတံခါးများကို ဖွင့်ထားပြီး လရောင်ကို ကြည်နူးနှစ်သက်စွာဖြင့် ကြည့်ရင်း စကားများစွာ ပြောခဲ့၏။ သူ့ မျက်လုံးကလေးများသည် လရောင်ထဲ၌ ရွှန်းမြတောက်ပနေကြ၏။ သူ့ စိတ်များသည် လတ်ဆတ်တက်ကြွနေကြ၏။
ညနက်လာမှ သူသည် အိပ်ရာထဲတွင် ကျနော့် နံဘေး၌ ယှဉ်အိပ်လိုက်လေသည်။
“အလုပ်ပြုတ်သွားဘီလို့  သဘော ထားလိုက်တော့နော်။ ကိုကို့ လစာလောက်တော့ ခင်ဝေရအောင် ရှာပြပါ့မယ်၊ အစတုန်းက ခင်ဝေ ခလေး လိုချင်တာလေ၊ ခုတော့ ခလေးမရှိတာဘဲ ခပ်ကောင်းကောင်းနော်။
“ကိုကို အလုပ်ပြုတ်မှာ ကြောက်နေသလားဟင်၊ ကိုကို ခင်ဝေ့ကို အထင်သေးမှာစိုးလို့ သာ မပြောတာ၊ ကိုကို့ နောက် ခင်ဝေလိုက်လာခဲ့တုန်းက ကိုကို့ ကို ချစ်တာနဲ့ လိုက်လာတာ၊ ကုန်ကုန်ပြောမယ်ကိုကိုရယ်၊ ကိုကို့မှာ မယားကြီးတောင် ရှိချင်ရှိမှာဘဲ ထင်တယ်၊ ကိုကိုလူပျိုမှန်းသိမှခင်ဝေ ၀မ်းသာရတာ၊ ပီးတော့ကိုကိုဘာလုပ်လုပ်မှန်းလဲ ခင်ဝေမသိဘူး၊ ကဲ ခုကိုကို အလုပ်ပြုတ်သွားတော့ကော ဒါဘာပြုတာလိုက်လို့ ”
ကျနော်သည် သူ့ ပခုံးပေါ်သို့ လက်ကိုတင်ထားမိလေသည်။ လရောင်အောက်တွင် သူသည်မျက်တောင် တဖျတ်ဖျတ် ခတ်နေ၏။ ရွှင်လန်းစွာ ပြုံးရယ်ထားသော သူ့ မျက်နှာကလေးမှာ မှန်သားလိုပင်ကြည်လင်နေခဲ့လေသည်။
ညနက်လာလျှင် သူသည် ကျနော့် ကိုဖက်လျက် နှစ်ခြိုက်စွာအိပ်မောကျသွားသည်။ သူ့ မျက်နှာကို ကျနော့်ရင်အုံတွင် ကပ်ထားသည်။ သူ့ အသက်ရှူငွေ့ များသည် ကျနော့် ရင်အုံကို တိုးဝှေ့ နေ၏။
ကျနော်လည်း သူ့ နဖူးပြင်ကိုသပ်တင်ပေးနေလျက်စိတ်သောကများ ရောက်မြဲတိုင်းရောက်နေခဲ့ရ၏။
ကျနော်ကား ဟေမန်သို့ မလိုက်ဝံ့။ ဟေမန်၌ မြေစမ်းခရမ်းပျိုးမလုပ်ဝံ့။ မြို့ ကြီးသို့ ပြန်ပြီး အမေ့ ကိုအကျိုးအကြောင်း ပြောပြကာ အကူအညီယူရန်သာ စိတ်ကူးနေ၏။ ဝေ့ အလိုသို့  လိုက်လိုသော်လည်း ကျနော့် အတွက် အမှန်ကန်ဆုံးမှာ မြို့ ကြီးသို့ သွားရန်သာ ဖြစ်သည်ကိုတွေးနေမိလေသည်။
ညအချိန်များသည် ဖြတ်သန်း ကျော်လွန် သွားနေကြ၏။ ကျနော်ကား ဝေ့ ကိုသနားသော်လည်း မြို့ ကြီးသို့  သွားရန်သာ ထပ်တလဲလဲ ဆုံးဖြတ်နေမိလေသည်။
နောက်ရက်များတွင် ကျနော့် ဆုံးဖြတ်ချက်များကို ပြောသောအခါဝေသည် ကြူကြူချငိုခဲ့သည်။
“စတ်ညစ်လိုက်တာနော်၊ ဒီအတိုင်းဆိုတော့ ကိုကိုနဲ့ ခင်ဝေနဲ့ နယ်လုကြတာမျိုး ဖြစ်နေဘီ၊ နယ်လုလို့ ကွဲကြတာတွေ ကိုကိုမကြားဖူးဘူးလား၊ ဒုက္ခပါဘဲ ကိုကိုရယ်၊ ခင်ဝေဘာမှ မပြောချင်တော့ဘူး၊ အဲဒီကို ခင်ဝေလိုက်လာလို့  မဖြစ်ဖူး ဆိုတာကိုက်ိုသိပီးသားဘဲ၊ ကိုကိုတို့ အမေက ခင်ဝေ့ ကိုကြည့်လို့ ရတာ မဟုတ်ဖူး၊ ခင်ဝေက ကိုကိုတို့ ထောင်ဖမ်းပီး ယူထားတာလို့ မြင်ထားကြတာ၊ စက်ထဲမယ်စပါးသယ်နေတဲ့ ကလေကချေ ကောင်မလေးလို့ မြင်ထားကြတာ၊ ခင်ဝေဘာလုပ်လုပ် အကောင်း တချက်မှ မြင်ကြမှာမဟုတ်ဖူး၊ နေ့ ရှိသရွေ့  ငရဲကျနေရတာ ထက်စိတ်ညစ်စရာကောင်းနေတာဘဲ”
ကျနော်သည်လည်း မြို့ ကြီးရှိအမေ့ထံသို့ သွားရန်သာ ပြောနေမိလေသည်။
မြို့ သစ်ကလေးမှမထွက်ခွာမီ နီးကပ်နေသော ရက်များတွင် ဝေ့အတွက် စိတ္တဇပင်ဖြစ်စပြုလာသည် ထင်ရလေသည်။ ဝေသည် မလန်းဆန်း မတက်ကြွတော့ပေ။ အိပ်ရာထဲ၌သာ လဲလျောင်းနေ၏။ ကျနော့်ကိုလည်း စကားဟက်ဟက်ပက်ပက် မပြောတော့ပေ။ ကျနော်ကပြောလျှင် သူသည် တလုံးမျှပြန်မပြောဘဲ မျက်လုံးမှိ်တ်ကာငြိမ်သက်နားထောင်နေသည်။ မျက်လုံးအိမ်တွင် မျက်ရည်များပြည့် သိပ်လာနေကာ ခေါင်းအုံးပေါ်သို့  စီးကျနေတတ်လေသည်။
“ လင်ခေါ် တောင်ပေါ်လိုက်ရမှာပေါ့၊ ကိုက ယောက်ျားတယောက်အနေနဲ့ မိန်းမလုပ်ကျွေးတာကို မစားနိုင်ဘူး၊ ပီးတော့မြို့ ကြီးမှာဆိုရင် အလုပ်အဆင်သင့် ဘဲမှုတ်လား ဟု ကျနော်ပြောနေသည်ကိုလည်း သူသည် နားထောင်းနေဟန်မရှိ။
မြို့ သစ်ကလေးကို စွန့် ခွာသွားရတော့မည့် နောက်ဆုံးညအထိ သူ့သဘောမပေါ်က်နိုင် သေးလျှင်ကား ကျနော်သည်ပင် ဒေါမနဿစိတ်များ ပွားလာခဲ့ရလေသည်။
ထိုည၌သူသည် အိပ်ရာပေါ်တွင် တလူးလူးတလွန့် လွန့်ဖြစ်နေခဲ့၏။ ပြတင်းပေါက်တွင်လည်း အကြာကြီးထွက်ရပ်နေပြန်သည်။သူသည်ကျနော့် ကိုစကားမပြော။ ကျနော်သည် အိပ်ယာပေါ်တွင် ငြိမ်သက်နေသောလည်း အိပ်မရနိုင်။ ကျနော် တတ်နိုင်လျှင်ကား သူ့ ဆန္ဒကို လိုက်လျောချင်ပါသည်။
ညနက်မှ သူသည် ကုတင်တဖက်အစွန်း၌ ကျနော့် ကိုကျောပေးပြီး ခပ်ခွာခွာအိပ်သွားလေသည်။
ကျနော် နှစ်နှစ်ခြိုက်ခြိုက် အိပ်မောကျချိန်တွင်သူသည် အိပ်ရာမှထပြန်ပြီး ကျနော့်အနား၌ အချိန်ကြာမြင့်စွာ ထိုင်နေပြန်သည်။
အဝေးဆီမှ ကြက်တွန်သံများကို သဲ့သဲ့ကြားရ၏။ လရောင်မှေးမှိန်သွားနေစဉ်... လရောင်ကို တိမ်ညို့ တစုံဖုံးကွယ်နေစဉ်၌ သူသည် ရုတ်တရက် ကျနော့် ကိုယ်ပေါ်လှဲ့ ချကာရှိုက်ကြီးတငင်ငိုချလိုက်လေသည်။
သူ့ မျက်ရည်များ ကျနော့်မျက်နှာပေါ်တွင် အိုင်ထွန်းနေမှ ကျနော်လည်း အိပ်ရာမှလန့် နိုးလာသည်။
ကျနော်သည် တသိမ့်သိမ့်ခါနေသော သူ့ ကျောပြင်ကို မှောင်ရီဝိုးဝါး၌ သိမ်းပွေ့ထားလိုက်၏။ သူသည် ကျနော် နှင့် ပါးချင်းအတင်းပူးကပ်နေ၏။
↔ဒုက္ခပါဘဲကွာ↔ဟု ကျနော်သည် ညည်းနေမိ၏။
သူ ၀မ်းနည်းပမ်းနည်း တရှိုက်ရှိုက် ငိုနေသည်ကား အဆုံးမသတ်နိုင်တော့ပေ၊ ကျနော်သည်သူ့ ပါးပေါ်မှ မျက်ရည်စများကို လက်ဖြင့်ပွတ်သပ်ပေးကာ မြို့ ကြီးသို့ သွားရန်သာ အမှန်ဆုံးဖြစ်သည်ကို သူ့ နားလည်အောင် ကြိုးစား ရှင်းပြသော်လည်း ကျနော့် စကားများမှာ မရာမထင်တော့ပေ။ ကျနော့် စိတ်များမှာလည်း နော်ကျိရှုပ်ထွေး လာရပြန်သည်။
“ ကိုကိုမြို့ ကြီးကိုချည်းသွားမယ်လို့ ဇွတ်ပြောနေတာ ဘာပြုလို့ လဲဟင်၊ ခင်ဝေမလိုက်ဖူးဆိုတာသိလို့ တမင် ကွာပစ်ချင်လို့ လုပ်တာမှုတ်လား၊ ရှင်းရှင်း ပြောလိုက် စမ်းပါ ကိုကိုရယ်၊ ယောက်ျားဘဲ၊ ရှင်းရှင်းပြတ်ပြတ်ပြော ရှင်းရှင်းပြတ်ပြတ်ပြော၊ ရှင်းရှင်းပြတ်ပြတ်လုပ်ပေ့ါ၊ ကိုကိုလိုလူမျိုးဟာ သိပ်ကြောက်စရာ ကောင်းတာဘဲ၊ ဆင်ကြံကြံတဲ့လူစားမျိုး”
“ခလေးလို မတွေးစမ်းပါနဲ့ ကွာ”
“ဒါဖြင့်ဘယ်လို့ တွေးရမှာလဲ၊ ခင်ဝေဘယ်နည်းနဲ့ မှမလိုက်ဘူးဆိုတာ ကိုကို အသိနော်၊ မြို့ ကြီးကို သွားရင် ခင်ဝေ့ ကိုယ်ပစ်သွားရမယ်ဆိုတာ ကိုကို အသိနော်။ ဟေမန်မှာ ခင်ဝေ အလုပ် လုပ်တတ်တယ်ဆိုတာ ကိုကို အသိနော်၊ ဒါဖြင့် မြို့ ကြီးကို သွားမယ်ဆိုတာ ခင်ဝေနဲ့ လမ်းခွဲကြစို့ လို့ ပြောတာပေါ့၊ ခင်ဝေ အရမ်းစိတ်ညစ်တယ်ကိုကို၊ ခင်ဝေ ကိုသတ်ပစ်ခဲ့ပါလားဟင်၊ ကိုကို ခင်ဝေ့ကို သတ်ပစ်ခဲ့ပါ”


“မဟုတ်သေးဘူးလေ”
“ဘာမဟုတ်တာလဲ”
“မင်းကို အမေ နားလည်လာလိမ့်မယ်လို့ ကိုယုံကြည်တယ်၊ မင်းကို သမီးလိုချစ်လာရမယ်၊ ဒို့ ကစပီးဥပေက္ခာပြုရင် ဒိုအဆိုးချည်းနေမှာဘဲ၊ ကို လေးလေးနက်နက်ပြောတာ”
သူကားတရှိုက်ရှိုက်ငိုနေရင်း ကျနော့် လက်တွင်းမှ ဇွတ်ရုန်းပြီးထလိုက်ပြန်သည်။ သူသည် ကုတင်တဖက်စွန်းတွင် ကျနော့် ကိုကျောပေးကာ အိပ်နေပြန်သည်။ အမှောင်ထဲ၌ သူ့ လက်များ တဖြောက်ဖြောက် ချိုးဖဲ့နေသံလည်း ကြားရသည်။ သူ့ တက်ခေါက်သံလည်း ကြားရသည်။
မိုးလင်း၍မြင်းလှည်းများဖြင့် ကျနော်တို့ ထွက်ခွာလာခဲ့သည့် အခါတွင်ကား ဝေသည် မြင်းလှည်းပေါ်တွင် မလှုပ် မရှက်ငြိမ်သက်ပါလာခဲ့သည်။ ကျနော့် ကိုလည်း တချက်မျှမကြည့်။ အဝေးသို့ လှမ်းကြည့်သော်လည်း မည်သည့် အရာဝတ္ထုကိုမျှ သူမြင်တွေ့ ရဟန်မရှိ။ သူ့ မျက်လုံးများမှာမူ ဆွေးရိပ်သန်းနေကြ၏။ သူသည် မြင်းလှည်းနောက်ကို အားအင် ကုန်ခန်းစွား စိတ်ပျက်အားလျှော့စွာဖြင့် မှီထားလိုက်လေသည်။
သည်နေ့ တွင်မှ လခြမ်းကွေ့ လမ်းပေါ်တွင် မိုးကြီးသည် အုံ့ ဆိုင်းနေခဲ့၏။ တောင်ကုန်းကလေးများသည် မိုးဖြင့် မှိုင်းညို့ သွားနေ၏။ ရစ်ခွေချောင်းကမ်းရှိ သစ်ပင်တောတန်းများသည် မိုးမှုံများကြောင့် မပီမသ ဖြစ်လာ၏။
ဈေးကိုလွန်လာပြီး ကုန်းမော့အဆင်းလမ်း၌ ဝေသည် ရုတ်တရက် သူ့ လက်ကလေးတဖက်ကို ကျနော့်ပေါင်ပေါ် တင်လိုက်လေသည်။ ဝေသည် တချက်ချင်း ရှိက်စပြုလာသည်။
ငြိမ်သက်ရာမှ ဖြေးဖြေးချင်း အရှိန်နှုန်း တိုးမြင့်လာသောမုန်တိုင်းကဲ့သို့  သူသည်လည်း တဆင့်ထက် တဆင့် ပေါက်ကွဲလာသည်။
“ကိုကို ဟေမန်ကို မလိုက်ဖူးလို့ ဆုံးဖြတ် ထားဘီနော်၊ ကိုကိုဇွတ်လုပ်ရင် ခင်ဝေ ဘယ်ရောက်ရောက် ဘယ်ပေါက်ပေါက် ထွက်သွားမှာဘဲ”
သူက“မြင်းလှည်းရပ်ခိုင်းလိုက်တော့”ဟု ရှိုက်သံဖြင့် ရောထွေးကာ ပြောလာနေသည်။
ကျနော်သည်လည်း နှုတ်ခမ်းကို ဖိကိုက်ထားမိလေသည်။
“ကိုပြောတာ အရှည်ကိုကြည့်ပီး ပြောတာဝေ၊ အမှုအတွက်လဲ ငွေအကုန်ခံရမှာ ရှိသေးတယ်၊ ဒို့ စားဝတ်နေရေးလဲ ရှိသေးတယ်။ အမေတို့ ဆီမှာတော့ ငွေဆွဲလို့  လိုသလိုရနိုင်တယ်”
“ဒါဖြင့် မြင်းလှည်းသာရပ်ခိုင်းလိုက်ပါ၊ ရပ်ခိုင်းလိုက်ပါ” ဟုသူသည် အော်ပြောနေ၏။
“ခင်ဝေတို့  ဘယ်မှမသွားကြတော့ဘူး၊ ဒီမြို့ မှာဘဲ နေကြမယ်”
မြင်းလှည်းသမားသည် ရပ်ရန် ဇက်ကြိုးကိုတောင့်ရန်ဟန်ပြင်ချိန်တွင် “မောင်းသာမောင်းပါ၊ ရထားမမှီဘဲ နေမယ် ” ဟု ကျနော်ပြောလိုက်သည်။
မြင်းလှည်းသည် ကုန်းဆင်းမှ လျှောကနဲ ဆင်းပြေးနေ၏။
ထိုအချိန်တိုကလေး အတွင်းတွင် ဝေသည် ခပ်ကုန်းကုန်းထရပ်လေသည်။ မြင်းလှည်း ဆောင့်လိုက်သဖြင့် ဝေ့ ကိုယ်မှာယိမ်းထိုးသွား၏။ ကျနော် လှမ်းဆွဲလိုက်သေးသော်လည်း ဝေ့ကိုယ်ကလေးမှာ မြင်းလှည်းခြေနင်းခုံပေါ်သို့  ကျသွားပြီး ထိုမှတဆင့် ကတ္တရာလမ်းပေါ်သို့  အရုပ်ကြိုးပြတ် ထိုးကျသွားသည်။
မြင်းလှည်းထိုးရပ်လိုက်ပြီး မြင်းလှည်းဆရာနှင့် ကျနော်သည်လျင်မြန်စွာ ခုန်ဆင်းလိုက်ကြ၏။
ဝေသည် မှောက်လျက်လဲကျနေ၏။ ထမီတစမှာ ပြေနေသည်။
သူ့ ကို ကျနော်သည် ပွေ့ထူလိုက်၏။ မြင်းလှည်းခြေနင်းခုံနှင့် ရိုက်မိပြီး သူ့ ပါးတခြမ်းလည်း ညိုမဲနေ၏။ ကွဲရှသွားသောနှုတ်ခမ်းမှ သွေးများစို့ လာလေသည်။ သူ့ကို ကျနော့် ရင်ခွင်ထဲတွင် အသာ ပွေ့ ထားလိုက်သည်။
နောက်ဖက် ကုန်းထိပ်ပေါ်တွင် ကျနော်တို့ အိမ်ထောင်ပစ္စည်းအချို့ ကို တင်ဆောင်လာသော မြင်းလှည်းနှစ်စီးသည်ရပ်နေ၏။
သူသည် ကျနော့် ရင်ခွင်ထဲမှရုန်းကန်ပြီး ယိမ်းယိမ်းယိုင်ယိုင်နှင့် ထရပ်လေသည်။
“ခင်ဝေ မလိုက်ဖူး၊ ကိုကိုသွား။ ခင်ဝေ ဒီမှာဘဲနေခဲ့မယ်”
သူသည် မူးနေသဖြင့် ယိမ်းထိုးနေရာမှာ အော်ပြောနေသည်။
ထိုအချိန်တွင်ကား ကျနော်သည် မြို့ ကြီးသို့ သွားလျှင် သူနှင့် ခွဲခွာကြရမည်ကို တွေးမိလေသည်။ သူမြို့ ကြီး၌စိတ်မချမ်းမသာဖြင့် ငရဲတွင်းကျနေသလို နေရရှာမည်ကိုလည်း တွေးနေမိ၏။ ဟေမန်သို့ လည်း ကျနော် လိုက်မနေနိုင်။
စိတ်များရှုပ်ထွေးလာကာ ကျနော်သည် ဘာမျှ မဆုံးဖြတ်နိုင်တော့။
“ ကဲ မြင်းလှည်းပေါ် တက်ရအောင် ရထားမမှီဘဲနေမယ်။ တန်ဆာလုပ်စရာတွေလဲ ရှိသေးတယ်၊ အချိန် မရတော့ဘူး၊ မူးနေတုန်းဘဲလား၊ ကို့  လက်မောင်းကို မှီထားလိုက်”
ကျနော်သည် တိုးတိုးပြောနေမိ၏။
“မြို့ကြီးကို သွားမှာလား”
“ဟေမန်ကို သွားရမှာပေါ့ ဝေရယ်”
ဝေသည် ကျနော့် လက်ကို ကိုင်ပြီး မြင်းလှည်းပေါ်သို့ ဖြေးဖြေးတက်သည်။ မြင်းလှည်းပေါ် တွင်ကား ကျနော့်ကိုမှီထား၏။ သူသည် မြင်းလှည်းဆက်၍ ထွက်ခွာလာခဲ့သော အခါ မူးမှိုင်နေသည့်ကြားမှ “မပြောကောင်းမဆ်ိုကောင်း ကိုကိုများ ဇွတ်လုပ်ရင်လေ ခင်ဝေတော့ ဘာဖြစ်သွားမယ် မသိဘူ။ စိတ်ညစ်ညစ်နဲ့ ဘာမဆို ရှောက်လုပ်ပစ်မှာဘဲ”ဟု ပြောနေပြန်သည်။

(ဖေါ်ပြပါ သရုပ်ဖေါ်ပုံမှာ နိုင်ဝင်းဆွေ ရဲ့ နွေတည၀တ္ထု ရှုမ၀တွင် လစဉ် အခန်းဆက် ဖေါ်ပြစဉ်က နောက်ဆုံး ဇာတ်သိမ်းပိုင်းအတွက်ဖေါ်ပြထားတဲ့ သရုပ်ဖေါ်ပုံဖြစ်ပါတယ်။ နိုင်ဝင်းဆွေ ဖေါ်ပြလေ့ရှိတဲ့ ဘူတာရုံ မြင်ကွင်းလေး မှိုင်းဝေနေတဲ့မြင်ကွင်းလေးကို ပန်းချီဆရာက ရအောင်ဆွဲထားတဲ့ ပုံ လို့ ပဲ ကျနော်ထင်ပါတယ်။ ဒီပုံလေးကို ကိုတင်မင်းထက်က ကျေးဇူးပြုထားတာပါ။ )


October 11, 2009

စစ်


စစ်ဖြစ်လျင်
သခင်မရှိသော အိမ်နှင့်
အိမ် မရှိသောသခင်ကို တွေ့ မည်။

စစ်ဖြစ်လျင်
ခင်ပွန်းမရှိသော ဇနီးနှင့်
ဇနီးမရှိသော ခင်ပွန်းကို တွေ့ မည်။

စစ်ဖြစ်လျင်
အဖေမရှိသော သားနှင့်
သားမရှိသော အဖေကို တွေ့ မည်။

စစ်ဖြစ်လျင်
ခြေထောက်မရှိသော ခန္တာကိုယ်နှင့်
ခန္တာကိုယ်မရှိသော ခြေထောက်ကို တွေ့ မည်။

စစ်ဖြစ်လျင်
ကျွဲနွားမရှိသော စားကျက်နှင့်
စားကျက်မရှိသော ကျွဲနွားကို တွေ့ မည်။

စစ်ဖြစ်လျင်
ယမ်းငွေ့ တွေဝေ၍
ကပ်ရောဂါများနှင့် ၀မ်းနည်းကြေကွဲမှုတို့ ကြုံမည်။

ငါတို့ စစ်ကို နှိပ်ကွပ်ကြပါစို့ 
ငါတို့ စစ်ကို မဖြစ်ကြပါစို့ ။ ။

(မွန်ဂိုလီးယားကဗျာဆရာ ချိုအီဇင် ဆူရင် ရဲ့ War ကဗျာကို T N M ဘာသာပြန်ဆိုထားခြင်းဖြစ်ပါတယ်။ International မဂ္ဂဇင်း၊နိုဝင်ဘာ၊၁၉၉၃..မှ ဖြစ်ပါထယ်။)

(ကဗျာသရုပ်ဖေါ် ဓါတ်ပုံကတော့ ၁၉၉၇ ခုနှစ်ထဲတုန်းက လမ်းဘေးတနေရာမှာ ခေါင်းပြတ်ကျောက်ရုပ်တခုတွေ့ လို့ သူ့ ဘေးနားမှာလည်း ပန်းပွင့်လေးတွေ တွေ့ တာနဲ့ အတွေးရပြီး အခုလို ဓါတ်ပုံလေးရအောင် ကျနော်ရိုက် ယူခဲ့တဲ့ ဓါတ်ပုံလေးပါ။ ရည်ရွယ်တုန်းကတော့ စစ်နဲ့ ငြိမ်းချမ်းရေး ကိုတွဲပြီး ဖေါ်ပြချင်တဲ့အခါ သုံးဖို့ ဆိုပြီး ရည်ရွယ်ခဲ့တာပါ။ အခုတော့ သုံးလိုက်မိပြီပေါ့..။)

ငြိမ်းဝေ


October 07, 2009

နွေတည


းကို ( ၉ )

ဤနွေရက်များတွင် စိတ်နှလုံးသားများသည် အလိုလို နေရင်း ငြီးငွေ့ နွမ်းနယ်လာသည်။ အကြောင်းလည်း ရှာမရ။
ကိုခင်ထွန်း၏ စာနှင့်ပတ်သက်၍လည် မဟုတ်။ ဝေ့ အပေါ်တွင် သံသယများရှိနေသေးသည်လည်းမဟုတ်။ ဝေ၏ သန့်ရှင်းဖြူစင်မှုကိုလည်း အကြွင်းမဲ့ ယုံကြည်နေပါလျက်နှင့် ထိုသို့ သူ့ အလိုလို ငြီးငွေ့ ကာသွေ့ ရောင်းလာခြင်းမှာနားလည်နိုင်စရာပင် မရှိ။


နွေရက်များ၌ အရာရာမှာ လောင်ကျွမ်း နေကြလေသည်။ ရစ်ခွေချောင်းတ၀ိုက်ရှိ သစ်ပင်ကြီးများသည်လည်းအရွက်များဖြိုင်ဖြိုင်ကြွေကာ အရိုးပြိုင်းပြိုင်း။ နေရာတကာတွင် ရွက်ကြွေခြောက်များချည်း ထပ်နေ၏။ ညနေဆည်းဆာ များတွင်နီနီကျင့်ကျင့်နေ၏အရောင်မှာ စိတ်နှလုံးများကိုနောက်ကျိစေသည် ထင်သည်။

ကျနော်ကားဝေ့ ကိုပင်စကားဟက်ဟက်ပက်ပက် မပြောချင်။ ပျော်ရွှင်ရယ်မောလိုစိတ်များလည်း မရှိ။ ဤအိမ်ကလေး ပေါ်တွင် နေရခြင်းကိုလည်းကောင်း၊ မြို့ သစ်ကလေးတွင် နေရခြင်းကိုလည်းကောင်း၊ စိတ်ပျက်ငြီးငွေ့ လာကာ ဝေးရာ တနေရာသို့ ဝေနှင့် အတူထွက်ခွာသွားလိုစ်ိတ်များ ပေါ်လာကြ လေသည်။
ထို့ ကြောင့်ပင် မကြာမီရက်ပိုင်းအတွင်း၌ မြို့ ကြီးရှိ ကျနော့်အမေထံသို့ စာတစောင်လှမ်းရေးဖြစ်ခဲ့၏။ စာထဲတွင် ကျနော် အိမ်ထောင်ကျနေပြီး ဖြစ်ကြောင်းလည်း ယခုမှပင်ဖော်ပြောဖြစ်လေသည်။ ထိုအတွက် ကျနော်ကား ဝေ့ အပေါ်၌ အလေးမပြုလွန်းရာ ကျနေသည်ကိုလည်း သတိထားမိခဲ့၏။

စာနှင့်အတူ ပေးပို့ လိုက်သည့် ဓာတ်ပုံအတွင်း၌ ကား ဝေသည် ခလေးကလေးတယောက်လို နှစ်ခြိုက်စွာပြုံးရယ်ထား၏။ ဝေ့ ပါးချိုင့်ခွက်ကလေးနှစ်ဖက်ပင် ချို့င့်ဝင်နေ၏။ ကျစ်ဆံမြီးဆံပင်ထုံးနှစ်ခုကို ရင်အုံ့ပေါ်သို့ ချထားသည်။ ဓာတ်ပုံထဲမှ ဝေကား သစ်ရွက်နုကလေးကဲ့သို့  လန်းဆန်းကာ ခလေးငယ်ကဲ့သို့  သောက ကင်းဝေးနေခဲ့ပေသည်။

မကြာမီ ရက်ပိုင်းအတွင်း၌ပင် အမေ့ ထံမှ စာတစောင်ရောက်လာသည်။ အမေ့ စာကို ဖတ်ရသောအခါတွင် ကျနော်သည် အမေ့ကို ပစ်ထားခဲ့မိခြင်းအတွက် စိတ်ထ်ိခိုက်မိ၏။ အမေသည် ဤ နှစ်နှစ်တာအတွင်း ကျနော် ဘယ်ရောက်နေသည်ကိုလည်း မသိရှိခဲ့။ အမေသည် ကျနော့်ကို လွမ်းဆွတ် သတိလည်းရနေသည်။ အမေကား ကျန်းမားရေး အခြေအနေလည်း သင့်တင့်ညီညွတ်ခြင်းမရှိ။ သားနှင့်သမီးကို ဤရက်ပိုင်းအတွင်း၌ ပင် အလည်လာဖြစ်အောင်လာရန် မှာကြားလိုက်သည်။

ဤစာရပြီးကာမှ ကျနော်ကား မြို့ကြီးသို့ သွားလိုစိတ်ပင် မရှိတော့ပြန်ပေ။ မသွား၍လည်း မဖြစ်နိုင။်
အမေ့စာကို ဖတ်ပြသောအခါ ဝေသည် လှုပ်လှုပ်ရှားရှားဖြစ်နေခဲ့၏။ ဝေသည် မြို့ ကြီးသို့ ရောက်လည်း ရောက်ဖူးချင်၏။ အမေနှင့်လည်း တဖက်က တွေ့ လိုသည်။ တဖက်ကမူ တွေ့ ရမည်ကို ကြောက်လည်း ကြောက်နေပြန်သည်။
ဝေသည် အမေ့ အကြောင်းကိုချည်း ထပ်တလဲလဲမေးနေ၏။

“ခင်ဝေတို့ သွားကြမှာနော်”
“သွားရမှာပေါ့၊ အလုပ်လဲ နဲနဲပါးနေဘီ၊ ခွင့်ယူလို့  လွယ်ပါလိမ့်မယ်”
“အမေ့ ဆီသွားတုန်းကတော့ ကိုကိုခွင့်ယူလို့  မရဘူးနော်”
“တကယ် မရတာပေါ ဝေရဲ့ ”
“အော် အော်”

ဝေသည် နှုတ်ခမ်းတဖက်တွန့် ပြီး သရော်ပြုံးလိုက်လေသည်။ ကျနော်လည်း ဝေ့ပါကလေးကို မနာမကျင် လိမ်ဆွဲလိုက်၏။
ကျနော် ခွင့်စာရေးနေချိန်တွင်လည်း ဝေသည် စားပွဲအနားတွင် ခါးထောက်ရပ်နေသည်။ “ ခင်ဝေမလိုက်ဘုးနော်၊ ခင်ဝေမလိုက်ချင်ဘူးနော်”ဟု သူပြောနေသည်ကို ကျနော်သည် ဂရုမစိုက်ဘဲ သူ့ ခါးကလေးကို လှမ်းပွေ့ လိုက်သည်။

“ တကယ်ပြောတာ ကိုကိုရယ်၊ ခင်ဝေ ကိုကိုတို့ အမေကို ကြောက်တယ်”

မြို့ ကြီးသို့ သွားမည့်ရက် နီးကပ်လာလေလေ ဝေသည် ပို၍ စိတ်လှုပ်ရှားလာလေလေပင်။ ပထမက ဝေမလိုက်ချင်ဟု ပြောနေသည်ကို ကျနော်သည် ပေါ့ပေါ့ဆဆမျှသာ သဘောထားခဲ့၏။ နောက်တော့ သူ့ စိတ်ထဲတွင် တကယ် လှုပ်ရှားထိခိုက်နေသည်ကို သတိထားလာခဲ့ရလေသည်။
နေ့ ခင်း နေ့လယ်ဘက် ကျနော် အလုပ်မှ ခေတ္တပြန်လာသည့်အခိုက်တွင်လည်း ဝေသည် မြို့ ကြီးသို့ မသွားရန်ပင် တားမြစ်နေ၏။ ညနေဖက်လမ်းထွက်လျှောက်ရာတွင်လည်း ထိုအကြောင်း၊ ည အိပ်ရာထဲတွင်လည်း ထိုအကြောင်း။

ခရီးမထွက်မီ ညကမူ ဝေ့ အဖြစ်မှာ စိတ္တဇပင် ဖြစ်နေရော့သလားဟု ထင်လာခဲ့ရလေသည်။ ညဦးပိုင်း၌ ကျနော်အိပ်ပျော်သွားခဲ့သော်လည်း ဝေကား အိပ်၍ ရခဲ့ဟန် မတူ။ သန်းခေါင်ကျော်ကျော်တွင် အိပ်ရာမှလူးလဲထပြီး ထိုအကြောင်းကို ပြောရန်အတွက် ကျနော့် ကို အိပ်ရာမှနှိုးပြန်သည်။
သူသည် အိပ်ရာထဲတွင် လရောင်မှုန်မှုန်၌ ဆံပင်ကို ကဘိုကရိုပြင်ထုံးလေသည်။ သူ့ပါးပေါ်၌ မျက်ရည်ကြောင်းကြီးများစီးနေသည်။ သူသည် ကျနော့်ပါးကို သူ့ပါးနှင့် ပွတ်ပြီးနှိုးနေ၏။
ကျနော်လည်း အိပ်ရာမှနိုးလာကာ သူ့မျက်နှာကလေးကို ငေးကြည့်နေမိပြန်သည်။

“ကိုကို မနက်ဖြန်ကို မြို့ ကြီးကို တကယ်သွားမှာနော်”
“စိတ္တဇများ ဖြစ်နေရော့လား ဝေရာ...” ဟု ကျနော်သည် ညည်းနေမိ၏။

သူ့လက်မောင်းကို ဆုပ်ကိုင်ပြီး ပြန်အိပ်ရန် ခိုင်းလိုက်သည်။ သူသည် အိပ်ရာထဲမှ လူးလဲပြန်ထ၏။

“မအ်ိပ်ပါနဲ့ အုံး ကိုကို၊ ခင်ဝေလေ အိပ်လို့ မရတော့ဘူး၊ ကြောက်နေတယ်၊ ကိုကိုတို့ အမေက အသက် ဘယ်လောက်ရှိပလဲဟင်...၊ ငါးဆယ့်ကျော်ဘီဟုတ်လား၊ ဖြူဖြူခန့်ခန့်ကြီးမှုတ်လား၊ သူဋ္ဌေးမကြီးပေါ့နော်၊ ၀င်းကြီးခြံကြီးနဲ့နေတာ၊ ခင်ဝေကြောက်တယ်၊ စကားလဲ ပြောရဲမှာဟုတ်ဖူး၊ ခင်ဝေ့ကို တွေ့ လေရာပြောတော့မှာဘဲ ထင်တယ်၊ မလိုက်ချင်တော့ဘူး၊ မလိုက်ချင်တော့ဘူး”

သူသည် နက်နက်ရှိုင်းရှိုင်း ခံစားနေရ၏။ ကျနော်သည် သူ့ကျောပြင်ကို လက်ဖြင့် ပွတ်သပ်နေမိ၏။ လရောင်ထဲတွင်ပင်သူ့မျက်လုံးကလေးများကို လိုက်ရှာကြည့်နေမိပြန်သည်။
မျက်လုံးများကို သဲကွဲစွာ မမြင်ရသော်လည်း ကြောက်ရွံ့ စိတ်ဖြင့် သူ့မျက်လုံးများ ၀ိုင်းဝိုင်းလည်နေသည်ကိုမှု သိနေ၏။ သူသည် ဂယောင်ချောက်ချားပင် ဖြစ်နေရရှာသည်။
အမေ ထံသို့ မသွား၍လည်းမဖြစ်။ ကျနော်သည် သူမသိစေရန် သက်ပြင်းကို ဖြည်းဖြည်းသာသာ ချလေသည်.။

“ဝေကလဲကွာ၊ ဒါကိုဘဲ ထပ်တလဲလဲ ပြောနေတာဘဲ၊ အမေက သူ့ချွေးမကလေးကို ပါအောင် ခေါ်ခဲ့ရမယ်လို့ ထပ်တလဲလဲ မှာတာမို့လား၊ အမေက အေးပါတယ်၊ ကို့ထက်တောင်အေးေးသးတယ်၊ မတုန်မလှုပ်နေတာ၊ ပီးတော့ကို့ကိုလဲချစ်တယ်၊ ဝေ့ကိုလဲ မြင်မြင်ချင်း ချစ်သွားမှာ၊ တော်ကြာ ပြန်မလွှတ်ဖဲနေမှာတောင် စိုးရတယ်၊ ပြန်မလွှတ်လို့ ကိုနောက်မိန်းမရှာနေရမှာတောင် စိုးတယ်”

ဝေသည် ပြတင်းဝဖက်သို့ လှည့်ကြည့်ကာ အဝေးဆီသို့ စိတ်ပျံ့ လွင့်နေပြန်သည်.။ ငိုင်တွေနေ၏။ ဝေ့ကျောပြင်ကလေ
နောက်ဖက်မှ နေမြင်ရသည်မှာ သနားစဖွယ်ကလေးပင်။
ဝေသည်လည်း အတန်ကြာမျှ ငြိမ်သက်နေ၏။ အရာရာသည်လည်း ခေတ္တမျှ တိတ်ဆိတ်ငြိမ်သက်နေ၏။ သန်းခေါင် လေပြေသည်လည်း ရပ်တန့် သွား၏ တိမ်တိုက်ဖုံးကွယ်သွားသဖြင့် လရောင်သည်လည်း ခေတ္တမျှ အားနည်းမှိန်ဖျော့သွားသည်။ ကောင်းကင်၌မူ ကြယ်ကလေးများသည် အချင်းချင်း အိမ်ဖွဲ့ စုဝေးနေကြကာ စကားတီးတိုး ပြောကြသလို မှိတ်တုတ်မှိတ်လက် လင်းနေကြသည်။
ဝေက..
“သူတို့ကလေ ကိုကိုနဲ့ခင်ဝေ့ကို သဘောတူကြမှာ မဟုတ်ဖူး၊ ခင်ဝေနဲ့ တူတယ်တန်တယ် ထင်ကြမှာမဟုတ်ဖူး၊ ခင်ဝေနဲ့ ကွဲအောင် ခွဲကြမှာဘဲလို့  ခင်ဝေသိနေတယ် သိလား၊ ကိုကိုလဲသူတို့စကား နားယောင်သွားမှာ၊ ခင်ဝေတော့လေ ကိုကိုနဲ့ ပေါင်းသာ ပေါင်းနေရတယ်၊ နေ့ပစ်မလား ညပစ်မလားနဲ့ ရင်ထဲတထိတ်ထိတ်နဲ့ နေရတာ၊ ကိုက်ို အဲဒါကို မသိဘူးလားဟင်၊ ကိုကိုမသိဘူးနော် ခင်ဝေ့ကိုပစ်မယ်ဆိုရင် ခင်ဝေ့မှာ ဘာအပြစ်မှ မရှိဘူးနော်ကိုက်ို၊ ကိုကို မကြိုက်ဖူးဆိုလို့ ခင်ဝေ မကစားတော့ဘူး၊ ကိုကိုက ကျယ်ကျယ်ရီတာ မကြို့က်ဖူးဆိုလို့  ခင်ဝေ မရီတော့ဘူး၊ ဈေးထဲမှာ ရန်မဖြစ်ရဘူဆိုလို့ လဲ ခဏခဏ သည်းခံနေရတာ၊ ကိုကိုသိပါတယ်နော်”

ဝေ့ စကားသံများသည် တဖြည်းဖြည်း တိုးတိမ်လာကာအမှောင်ထဲတွင် နစ်မြုပ်သွားနေတော့သလိုပင်။
ကျနော်လည်း သူ့ကို ကျောဖက်မှ သိမ်းပွေ့ပြီးအိပ်ရာထဲလှည်းသိပ်လိုက်ရသည်.။

“မင်းကို့ ကို မယုံတာ သိပ်ဆိုးတာဘဲ၊ ကို ဝေ့ကိုဘယ်လောက်ချစ်တယ်ဆိုတာ ဝေမသိပါဘူး၊ ဝေ့ကိုဘယ်တော့မှခွဲနိုင်မှာ မဟုတ်ဘူးဆိုတာ ဝေမသိပါဘူး။

ကျနော့် စကားလုံးများ၏ နောက်၌ ခံစားမှုသည် နက်ရှိုင်းနေ၏။ ဝေ့ကို ချစ်သည့်စိတ်ကြောင့် ကိုခင်ထွန်း၏ စာမှာ မရေမရာသော အသေးအဖွဲကလေးမျှသာ ဖြစ်သွားခဲ့ရပုံကို ဝေ့ကို ပြောပြဖွင့်အန်ချင်လေသည်။ ဝေနှင့် အတူနေရချိန်၌ ထိုအကြောင်းအရာသည် တကယ်ဖြစ်ပျက်ခဲ့သည်ဆိုလျှင်ပင် ကျနော်သည် ဝေ့ကိုမုန်းရက်နိုင်မည် မဟုတ်သည်ကို မိမိဖာသာ နက်ရှိူင်းစွာ ခံစားသိရှိနေပြန်သည်။
ထိုအကြောင်းကို ဝေ့ကိုပြန်ပြော၍မဖြစ်၊ ဘယ်သောအခါတွင်မှ ပြော၍မဖြစ်။ မိမိ၏စိတ်နှလုံး အောက်ခြေ တွင်သာအစဉ်သဖြင့် နှစ်မြှုပ်ဖျောက်ကွယ်ထားရမည်။

“ဝေလေကိုကို့ ကိုမယုံဘူး”

သူက တိုးငြိမ်စွာ ပြောနေပြန်သည်။

“နေ့လယ်က ပုဏားဗေဒင် မေးကြည့်တော့လေ ခင်ဝေနဲ့ ကိုကိုနဲ့ မမြဲဘူးလို့ဟောတယ်၊ ကိုကိုအလုပ်သွားနေတုန်း ခင်ဝေငိုလိုက်ရတာ။
“ ကိုကို့ ကိုခင်ဝေယုံပါတယ်၊ ဒါပေမယ့်ကိုကိုရယ် ခင်ဝေက စက်ထဲက အလုပ်သမမှုတ်လား၊ ကိုကိုတို့ အမေက ပိုက်ဆံရှိတဲ့လူမှုတ်လား၊ ပီးတော့ ကိုကိုကလဲ အလုပ်ကြီး အကိုင်ကြီးနဲ့ လူမှုတ်လား။ ကိုိကိုသာ စက်ထဲက အလုပ်သမားဆိုရင်လေ ခင်ဝေလဲ စက်ထဲမှာ လုပ်ပီး စိတ်ချမ်းသာရမှာဘဲနော်။ ဟုတ်မှာပါဘဲ။ ဗေဒင်ဆရာကြီး ဟောသွားတာ ဟုတ်မှာပါဘဲ၊ တနေ့ကလည်း နတ်ကတော်ကြီး မေးကြည်းတော့လဲ ဒီအတိုင်းဘဲ ဟောတယ်။ ကိုကိုသာ ခင်ဝေ့ ကို အပြစ်မရှိဘဲနဲ့ ပစ်သွားရင်လေ ခင်ဝေ ကိုကို့ ကို သတ်ပစ်မှာပဲ။ သတ်ရက်အောင်ကို သတ်မယ်သိလား”

သူသည် ကျနော့် ရင်ခွင်ကို မျက်နှာဖြင့် ပွတ်သပ်နေရင်း တဖြည်းဖြည်း ငြိမ်သက်ကာ အပြစ်ကင်းစင်စွာအိပ်ပျော်သွားသည်။
ကျနော်ကား မျာက်လုံးကြောင်ပြီး အိပ်မရ ဖြစ်ကျန်နေခဲ့သည်။ တိတ်ဆိတ် ငြိမ်သက်နေသော ညဥ့်ယံထဲတွင် ကျနော့်ရင်ထဲမှ ခံစားမှုများမှာ ပြောင်းလဲမှန်းမသိနက်ရှိုင်းစွာ ပြောင်းလဲလာကြလေသည်.။ ကျနော်သည် သူ့ကို ဇနီးမယားလို တပ်မက်မှုဖြင့် မခင်တွယ်တော့ပေ။ သူ့ကို ကျနော့်နှမကလေးအရင်းဟု ထိုခဏ၌ကား စိတ်တွင်းတွင် ဖြစ်ပေါ်ခံစားလာရ၏။ ကျနော့် သမီးကလေးလည်း ဖြစ်ချင်ဖြစ်လိမ့်မည်။
သူ့ မျက်နှာဝိုင်းပုံနှင့် နှာတံအကျ မျက်ခုန်း မျက်လုံးတို့ မှာ ကျနော်နှင့် ရိုးတိုးရိပ်တိတ် ဆင်နေသည်ဟု ထင်ပြန်သည်။ သမီးလေးဝေ။ ဝေသမီးလေး။ ကျနော့် ရင်ထဲတွင် သိမ့်သိမ့်ခါမျှ လှုပ်ရှားနေပြန်သည်။
ထိုမှ ကျနော်သည် သမီးကလေးတယောက် လိုချင်သည့် ဆန္ဒသည်လည်း ရင်ထဲ နှလုံးသားထဲတွင် ဖြတ်သန်းဖြစ်ပေါ်လာသည်။ သမီးကလေး မွေးလာခဲ့လျှင် ဝေ့လို ရိုးရိုးစင်းစင်း ကလေးဖြင့် ဖြူစင်လှပေလိမ့်မည်ဟု ထင်ပြန်သည်.။
နံနက်မိုးလင်း၍ အိပ်ရာမှနိုးလာလျှင် လာခြင်း ဝေသည် သူ့ စကားဟောင်းများကိုပင် ပြန်၍ ကောက်ပြန်သည်။
မြို့ ကြီးသို့သွားရန် ရထားစီးရန်ဘူတာရုံသို့ ရောက်လာခဲ့သည်အထိ ဝေသည် မလိုက်လိုကြောင်း တတွတ်တွက်ပြောနေခဲ့သည်။
ရထားထွက်လာသည်အထိ ဝေသည် စိတ်လှုပ်ရှား နေမြဲပင်။
ကျနော် နောက်မှီကိုမှီပြီး အိပ်မောကျနေစဉ်တွင် ဝေကားရထားပြတင်းဝမှ အပြင်သို့  ငေးပြီးကြည့်နေခဲ့၏။ ဝေ့ စိတ်အာရုံ၌ မြင်နေရသော အရာအပေါင်းကို ဂရုမထား၊ အမှတ်မထား။ ရထားကား တောင်များကိုလည်း ခွဲဖြတ်သွား၏။ နေပြောက်မထိုးသော သစ်တောကြီးများ အလယ်မှလည်း နာရီကြာသည်အထိ ဖြတ်သန်းနေရ၏။ တနေရာတွင် ၀ါးသုဉ်းတောကြီးသည် အရွက်များကြွေနေလျက်၊ တနေရာ၌မူ တောင်ကုန်းများအစွန်တွင် တောရိုင်း နေကြာပန်းများသည် ခြောက်နွမ်းနေပြန်သည်။
ညနေ နေညိုလာလျှင် ရထားသည် မြေပြန့်သို့ ဆင်းလျက်ရှိ၏။ မြို့ ကြီးနှင့် ပို၍နီးကပ်လာနေပြီး။ တောင်ကျ ချောင်းများအပေါ်၌ ဖြတ်သားထားသည့် တံတားရှည် ကြီး များ ကို တဝေါဝေါအသံမြည်ကာ ဖြတ်သန်းနေ၏။
တနေရာရှိ တံတားရှည်ကြီး တခုအပေါ် ရထားဖြတ်ကျော်နေစဉ်တွင်ဝေသည် ကျနော့် ပခုံးကို ကိုင်လှုပ်နှိုးလိုက်လေသည်။ သူနှိုးလိုက်ပုံမှာ ကြမ်းကြမ်းတမ်းတမ်း ရေကြီးသုတ်ပျာ နိုင်သည်။
သူ့ မျက်လုံးများသည် ကြောက်လန့်နေသလို ပြူးကျယ်ဝိုင်းစက်နေ၏။ သူသည် ထရပ်တော့မလို လှုပ်လှုပ်ရှားရှား ချွေးစေးများ စေထန်းနေ၏။ သူ့ မျက်နှာပေါ်တွင် နေခြည်ပြောက်များသည်လည်း အငြိမ်မနေ၊ ပြေးလွှား လှုပ်ရှားနေလျက်။

“ နောက်ဘူတာဘဲနော်၊ နောက်ဘူတာနော်”

သူ၏ အရေးတကြီး မေးမြန်းနေသံမှာလည်း တုန်ယင် လှုပ်ရှားလျက်ပင်။

“ခုမြိုင်သာကို ကျော်လာခဲ့ပလား”
“အင်းပါ”
“မင်း ဘာဖြစ်နေရတာလဲ”
“ခင်ဝေ မလိုက်ချင်တော့ဘူး ကိုကို”
“ဒုက္ခဘဲ၊ လူတွေကြားထဲမှာလေ၊ သတိ ထားအုံးမှပေါ့။ သိပ် ရုပ်ပျက် ဆင်းပျက်နိုင်တဲ့ ကောင်မဘဲ၊ လူတွေ လှမ်းကြည့်နေတာ တွေ့ ရဲ့ လား။ တောကျီးကန်း လူမိလာတဲ့အတိုင်းပဲ၊ မင်း ခလေးလား၊ မလိုက်လို့  ဘယ်ဖြစ်မှာလဲ၊ ဒါလောက်အဝေးကြီးက ထွက်လာခဲ့ပီးမှ အဓိပ`ါယ်မရှိ ရှောက်ပြော မနေစမ်းနဲ့ ၊ ကိုယ့်ယောက္ခတောင် ကိုယ်မမြင်ဖူးဘူးဆိုတာ ဘယ်လောက်ရှက်စရာကောင်းသလဲ၊ ကပ်တတ်တတ် လုပ်မနေနဲ့ ၊ ကိုစိတ်ဆိုးလာဘီ”
“မလိုက်ချင်တော့ဘူး မလိုက်တော့ဘူး”

ကျနော်သည် သူ့လက်ကို တင်းကျပ်စွာ ဆုပ်ကိုင်ထားသည်။ “ သိပ် ရိုင်းတာဘဲ” ဟုလည်း ကျိတ်ပြီး ပြောနေမိ၏။
“မလိုက်တော့ဘူး ကိုကို၊ လက်မှတ် ဆက်ပီး ၀ယ်မပေးချင်နေ၊ အမေ့ ဆီရောက်အောင် ဆက်သွားတော့မယ်၊ ဖမ်းချင်လဲဖမ်းပေါ့”

သူသည် လက်ကိုဆောင့်ရုန်းပြီး ထရပ်လိုက်၏။ ကျနော်သည် သူ့ကို ဆွဲချထိုင်ခိုင်းလိုက်ရသည်။ သူသည် အတန်ကြာရုန်းကန် နေပြီးမှ စိတ်အားလျှော့ကာ ပြန်၍ ငြိမ်သက်သွားသည်။ ထိုင်ခုံ နောက်မှီအပေါ်၌ စိတ်ပျက်အားငယ်စွာ မှီလှဲလိုက်သည်၊ သူ့ မျက်လုံးအိမ်၌ မျက်ရည်များ ပြည့်လာနေပြန်သည်။
မြို့ ကြီးဘူတာရုံသို့ရောက်လျှင် သူသည် မြို့ ကြီး ဘူတာကို မျက်ရည်များကြားမှသာ မြင်တွေ့ ရလေသည်။

“မျက်ရည်တွေ သုတ်လိုက်အုံးလေ” ပြောကာ ကျနော်သည် သူ့ ကိုဆောင့်ဆွဲရပ်လိုက်၏။
ပစ္စည်းတင် အဆင့်ပေါ်မှ လက်ဆွဲအိတ်များကို ဆွဲချပြီး သူ့ကိုပါ လက်တဖက်ဖြင့် ဆွဲကာ လူကြားထဲမှ တိုးဝှေ့ ဖြတ်သန်းလာခဲ့၏။ ဝေသည် ယောင်အအ ထုန်ထိုင်းထိုင်းဖြင့်ပင် ကျနော့် နောက်မှာပါလာခဲ့သည်။
“လက်ကို လွှတ်ထားစမ်းပါ၊ သိပ်က္ကုနြေ္ဒပျက်တာဘဲ” ဟုသူက ပင်ပြောနေပြန်သည်။
လူအုပ်ထဲ၌ ကျနော့် တူမလေး ထွန်းထွန်းနှင့် အမကို လှမ်းမြင်ရလေသည်။
“အဲဒါ ထွန်းထွန်းပေါ့”
အပျိုမကလေး ထွန်းထွန်းသည် လူကြားထဲမှာ ဖြတ်ပြေးလာပြီး ကျနော့်ခါးကို ၀င်ပွေ့ လိုက်သည်။ ကျနော့် လက်ထဲမှလက်ဆွဲအိတ်ကို လုယူလိုက်၏။
ထွန်းထွန်းက ကျနော်ရေးလိုက်သည့် စာထဲတွင် သူ့ နာမည်မပါသဖြင့် ကက်ကက်လန် ရန်တွေ့ လာသည်။ ကျနော့် အခြားဘက်တွင်ကား ဝေသည် လူအများကို ကျော်ကြည့်ပြီး ငေးမောလျက် ဖြည်းဖြည်း လိုက်ပါလာလေသည်။ ဘူတာရုံ လက်မှတ်ပေါက်ကို ဖြတ်ကျော်ပြီးလျှင်မူ ဝေသည် ခေါင်းငုံ့ ပြီးဖြည်းဖြည်း လျှောက်လာသည်။
အမသည် ထွန်းထွန်းတဖက်မှ လျှောက်လာပြီး ကျနော့်ကို အပြစ်တင်နေ၏။
ဝေ့ ကိုမူ မည်သူကမျှ နှုတ်မဆက်။ ဂရုမပြု။
ထွန်းထွန်းသည် နားဆွဲတခါခါဖြင့် စကားတဖောင်ဖောင်ပြောလာ၏။ ထွန်းထွန်း၏ ဂုတ်ဝဲဆံပင်သည် ပခုံးပေါ်၌ ၀ဲကျနေ၏။ သူ့အသံသည် ဆွဲလဲသံလို သာယာ ကြည်လင်နေ၏။ ချွင်ချွင်မြည်နေလျက်။
ကျနော်ကား တူမလေး၏ ပခုံးကို ဆုပ်ကိုင်ထားရင်း စိတ်၌ကား မငြိမ်မသက် လှုပ်ရှားနေခဲ့၏။ တူမလေးကို ဝေ့ အားနှုတ်ဆက် အဖက်လုပ်ရန် တိုင်တွန်းလိုက်ချင်၏။ ဝေ ခံစားနေရပုံကို တူမလေး နားလည်အောင် ပြောလိုက်ချင်၏။
အမသည် ပြုံးလျက်သား ပါလာ၏။ အမ၏အပြုံးကား ဝေ့ အတွက် မဟုတ်။ ဝေ့ကို မျက်လုံးတချက်ပင် ၀င့်မကြည့်။ အမ၏ ဟန်မှာ က္ကုနြေ္ဒရှိကာ တည်ကြည်ပါသည်။ ဝေ့လို မိန်းခလေးကို အဖက်မတန်သလိုပင်။
မြင်းလှည်းဆိပ်သို့ အသွားတွင် ကျနော်သည် ဝေ့ကို စောင့်ပြီး တမင်ဖြည်းဖြည်း လျှောက်လာခဲ့သည်။ ဝေသည်လည်း ကျနော်တို့ နှင့်အတူ မသွားလိုသဖြင့် ကျနော် နှေးလျှင် သူလည်းနှေးသည်။ သူသည် ခေါင်းကိုသာ တွင်တွင်သားငုံ့ လာခဲ့၏။
သူ့ရင်ထဲ၌ ခံစားနေရမှုများသည် ဆက်သွယ်ကြို့းတချောင်းမှတဆင့် ကျနော့် ရင်တွင်း နှလုံးသားများကို လာ၍ ရိုက်ခတ်နေသည်ဟု ထင်ရသည်။

တန်းစီရပ်ထားသော မြင်းလှည်းများမှ မြင်းလှည်းတစီးပေါ်သို့ အမနှင့်ထွန်းထွန်းတို့  တက်လိုက်ကြ၏။ ကျနော်ကားလက်ဆွဲအိတ်ကို ပစ်တင်ရင်း အချိ်န်ဆွဲပြီး ဝေ့ ကို လှည့်ကြည့် သည်။
ဝေကား နောက်ဖက် ဆယ်လှမ်းကျော်ကျော်လောက်တွင်ကျန်နေခဲ့၏။
ခေါင်းငုံ့ လျှောက်လာရာမှ မျက်လွှာကြီးကိုပင့်ပြီး ကျနော့်ကို လှမ်းအကြည့်နှင့် ဆုံသွားသည်။

“လာလေ သုတ်သုတ်ရှောက်မှပေါ့၊ မြေမမြိုပါဘူးဝေရဲ့”

ကျနော်သည် အသံကို ဖော့ကာ ရယ်သံဖြင့် လှမ်း၍ အော်ပြောလိုက်၏။ တမင်လည်း ရယ်လိုက်၏။ ကျနော့် ရယ်သံမှာခြောက်ကပ် သွေ့ရောင်းနေတော့မည်ကိုလည်း သိပါသည်။
ကျနော် ဝေ့ကိုခေါ်လာခဲ့ခြင်းမှာ ကြီးမားစွာ မှားယွင်းခဲ့လေပြီကို သိပါသည်။ ယခု အခြေအနေမျိုး ဖြစ်လာလိမ့်မည်ဟု တွေးခဲ့လျှင် ကျနော်သူ့ကို ခေါ်လာခဲ့မည်လည်း မဟုတ်။ ကျနော်ကိုယ်တိုင် မြို့ ကြီးသို့ လာခဲ့မည်လည်းမဟုတ်။
ကျနော်သည် တမင်ဂရုပြုပြီး ဝေ့ လက်ကို ဆွဲမက မြင်းလှည်းပေါ်သို့ တက်ခိုင်းလိုက်၏။ ကျနော်၏ ကြင်နာမှုကိုပေါ်လည်း ပေါ်လွင်စေ့ချင်သည်။ ကျနော်ကိုယ်တိုင် ဝေ ခံစားနေရသလို ခံစားနေရကြောင်းကို ဝေလည်း သိစေချင်သည်။
ထွန်းထွန်းတို့သည် ကျနော်တို့ ဖက်သို့ လှည့်မျှော်မကြည့်ဘဲ မျက်နှာလည်း မသိမသာ ပျက်နေခဲ့ပြန်သည်။
ထွန်းထွန်းက “ကုန်းသာကို မောင်းပါ” ဟု သွက်လက်စွာပြောလိုက်လေသည်။
မြင်းလှည်းသည် ချောမွတ်သောလမ်းပေါ်တွင် ဆောင့်ရုန်းထွက်လိုက်၏။
မြင်းလှည်းပေါ်တွင် ကျနော်သည် ချွေးများဖြင့် စေးထန်းနေသည့် ဝေ့ လက်ကလးတဖက်ကို တင်းတင်းကျပ်ကျပ် ဆုပ်ကိုင်ထား၏။ ကျနော့်စိတ်မှ ပြောနေသော စကားများကို ကျနော့် လက်မှ တဆင့် ဝေ့ စိတ်အာရုံထဲသို့ ရောက်အောင်ဆက်သွယ် ပို့ ဆောင်နေသည်ဟု ထင်ရပြန်သည်။
“သည်းခံပါတော့ ဝေရာ၊ ဒီလိုဘဲ အခြေအနေဆိုတာ ဖြစ်လာမှတော့ ဖြစ်လာသလို ရင်ဆိုင်ကြရမှာဘဲဝေ၊ ဝေ ဘယ်လို ဖြစ်နေရတယ်ဆိုတာ ကိုသိပါတယ်၊ ဝေ ဘယ်လောက် စိတ်ထိခိုက်နေရတယ်ဆိုတာကို သိပါတယ်”
ဝေကား ခေါင်းကိုတချက်မျှမမော့။ ငုံ့ မြဲ ငုံ့ထားလျက်ပင်။
မြို့ အလယ်ပိုင်းဖက်သို့ ရောက်သည်အထိ မည်သူမျှ စကားတလုံးမျှ မပြောကြ။
ဝေ့ လက်ကလေးများသည် အေးစက်လာကြ၏။ ဝေခေါင်းငုံ့ နေပုံကို ဘေးတစောင်းမှ မြင်ရသည်မှာ စိတ်ထိခိုက် ကြေကွဲဖွယ်ရာပင်။
မြို့ကြီး၏ မြစ်ကူးတံတားသည် ကွေ့ ထဲမှ ပေါ်လာ၏။ အဝေးမှနေ ကြည့်လျှင် တောင်းကုန်းမို့မို့တခုလို ဖြစ်နေလေသည်။

“အဲဒါ မြို့ကြီးတံတားပေါ့၊ ဝေတို့ ဟေမန်ကို ရောက်တဲ့မြစ်လေ” ဟု ကျနော်သည် ဝေ့ ကိုပြောနေသော်လည်း ဝေကား ဘယ်ကိုမျှ မကြည့်။ ဘာကိုမျှ မမြင်။ ခေါင်းလည်း မညိတ်။ ကျနော့်ကိုလည်း မကြည့်။ မလှုပ်ရှား။ စိတ်ထိခိုက်နေဟန် ထုလုပ်ထားသော ကျောက်ရုပ်ကလေး တရုပ်လိုပင်။
စိတ်ထိခိုက်နေရဟန်သာ အသေပုံကားချပ် အဖြစ်ဖြင့် ပေါ်လွင်နေသည်။
“ကျနော်သွားတာ ဘာလိုလိုနဲ့ ငါးနှစ်တောင် ရှိနေဘီနော်မမ။ တူမတောင် အပျိုကြီးဖြစ်နေဘီ၊ ခုပြန်ရောက်လာတော့မြို့ ကြီးနဲ့ စိမ်းနေဘီ၊ တခါမှ မရောက်ဖူးတဲ့ မြို့ ကို ရောက်လာရသလိုဘဲ၊ ရောမမြို့ တော်ကိုပေါ့”

ကျနော်သည် ရယ်မောရန် ထပ်မံ စိတ်ကူးလိုက်သေး၏။
ဝေကား လက်သဲများကို မထိတထိ ငုံ့ကိုက်နေ၏။ စိတ်ကိုထိန်းချုပ်ထားနေပြန်သည်။

“ထွန်းရဲ့ သူကဝေလေ၊ ဓာတ်ပုံထဲမှာနဲ့ တူရဲ့လား”

ထွန်းသည် ချာကနဲ တချက်နောက်သို့ လှည့်ကြည့်လိုက်၏။သူ့ဆံပင် ဂုတ်ဝဲသည် ဖွာကနဲ ပခုံးပေါ်၌၀ဲသွား၏။
ထွန်းကားလတ်ဆတ် တက်ကြွနေ၏။ ထွန်း၏ နှုတ်ခမ်းဖျားများသည် မာနကြီးစွာဖြင့် တချက်တွန့်သွားသည်။

“သိသားဘဲ မပြောဘဲနဲ့ သိပါတယ်၊ ပြောပြနေဘို့ မလိုပါဘူး”

အမသည်လည်း ထွန်း၏ စကားများကို ဟန်ဆောင်၍ပင်မဟန့်တားဘဲ စိတ်မ၀င်းစားဟန်ဖြင့် ရှေ့ သို့ကြည့်နေမြဲ။ ထွန်း၏ရင့်သီးသော စကားသံမှာမာနဖြင့် တောက်ပနေ၏။
မြင်းခွာသံများနှင့်အတူ ကျနော့် ရင်၌ ဒေါသ ဖြစ်မိကာ ဆူပွက် လှုပ်ရှားလာသည်။ ဝေ မငိုပါစေနှင့်ဟုသာ ဆုတောင်းရ၏။
ဝေသည် မငို။
ဝေသည် ဖျတ်ကနဲ အစောက အမူအရာများကိုဖျောက်ပစ်လိုက်၏။ လက်ဖြင့် မြင်းလှည်းထိုင်ခုံအပေါ်သို့ ထောက်လိုက်ပြီး ခေါင်းကို ရဲရဲတင်းတင်း မော့လိုက်၏။ အစောက ၀ဲခဲ့သော မျက်ရည်များ ရှိနေသော်လည်း ဝေ၏ မျက်လုံးများသည်လည်း ရုတ်တရက် အုံ့ကြွလာသည့် မာနတရားဖြင့် တောက်လာကြ၏။ ဝေသည် နဖူး၌ ၀ဲနေသော ဆံပင်များကို လက်ဖြင့်ခပ်ကြမ်းကြမ်း သပ်တင်လိုက်သည်။ ခါးကို လက်နှစ်ဖက်ဖြင့် ဆက်ကနဲထောက်လိုက်သည် ဝေ့နှုတ်ခမ်းများသည် ပြတ်သားတင်းမာသွား၏။
ဝေ၏ အမူအရာ အကူးအပြောင်းမှာ ဖြိုးဖြိုးဖျတ်ဖျတ်နိုင်လေသည်။ ဝေ၏ ခါးထောက်နေဟန် အမူအရာသည် လှနေ၏။ ဝေကား ရင်ကိုကော့ထားလိုက်လေသည်။

ကျနော်ကား စိတ်မောနေရပြန်သည်.။
ဝေသည် သူတို့ နှင့် မည်သည့်အခါတွင်မှ သင့်မြတ်လိမ့်မည်မဟုတ်။
မြို့ ကြီးတွင် နေသမျှ အချိန်တိုင်း၌ ဝေကား စိတ်ဆင်းရဲကိုယ်ဆင်းရဲ အနေကျဉ်းကျပ် နေရရှာတော့မည်။
မြို့ ကြီးမှ အမြန်ဆုံး ပြန်ရန် ကျနော်သည် ဆုံးဖြတ်ခဲ့၏။
နောက်တွင်လည်း အကြောင်းကြီးငယ် မရှိဘဲနှင့်မြို့ ကြီးသို့ မလာရောက်တော့ရန် ဆုံးဖြတ်မိသည်။
မိသားစု တခုလုံးနှင့် ကျနော်သည်ပင် ကြားထဲ၌ တခုခုဝင်ရောက် ဟန့် တားထားသလို စိမ်းနေကြသည်ကို ခံစားရပြန်သည်။
ဤ ငါးနှစ်တာ အချိန်၌ အရာရာသည် ပြောင်းလဲခဲ့ကြလေပြီ။ အမေ့ အိမ်သို့ ရောက်လျှင် ကျနော်သည် ကျောင်းသားဘ၀က ကျနော် အိပ်ခဲ့သော အိပ်ခန်းတွင်းသို့ အလျင်ဆုံး ၀င်ရောက်ခဲ့၏။ ထိုအိပ်ခန်းသာလျှင် ကျနော့်ကို ယခင်ကအတိုင်း မေတ္တာမပျက် ကြိုဆိုသည်ဟု ထင်ရသည်။
အိပ်ခန်းကား ဘာမျှမပြောင်းလဲ။ ကုတင်ခြေရင်းရှိ ကျနော်အ၀တ်ထည့်ရာ မှန်ဘီရုိုသည်လည်း ယခင်နေရာ၌ပင်။ ခေါင်းရင်းဘက် စာအုပ်စင်တွင်မူ ပင့်ကူမြှေးများ ရှက်သန်းကာ ရှုပ်ပွနေ၏။ ကုတင်ပေါ်မှ ဖုံများကို လှဲ့ ကျင်း သုတ်သင်လိုက်ပြီး အိပ်ရာများခင်းလိုက်လျှင် အချိန်များ ငါးနှစ်ခန့် ကို နောက်ပြန် ပြေးသွားပြီး ယခင်ကအတိုင်း ဖြစ်နေလေသည်။
ကျနော်သည် စိတ်မောစွာဖြင့် ကုတင်ပေါ်၌ လဲလျောင်းလိုက်၏။
ကုတင်နံဘေး ပြတင်းကို ဖွင့်လိုက်သောအခါ အိမ့်နောက်ဖက်အုန်းခြံကို ဖြတ်သန်းလာသည့် လေအေးများသည် ကျနော်ကိုလာရောက် ပွေ့ ဖက်နှုတ်ဆက်ကြ၏။ အုန်းတောကြီးကား စိမ်းလန်းနေကာ လက်မောင်းဖြစ်သည့် အုန်းလက်များကို ဝှေ့ ယမ်းလျက် ကျနော့် ကိုကြိုဆိုနှုတ်ဆက်ကြ၏။
မြို့ ကြီး ရှိ အမေ့အိမ်ပေါ်တွင် နေသည့်ရက်များ အတွင်းက ဝေသည် မှန်တံခါးများ ပိတ်ဆို့ ထားသည့် အကျဉ်းခန်းထဲတွင် မွန်းကျပ်ပင်ပန်းလှစွာ နေထိုင်ခဲ့ရသလိုပင်။
ဝေသည် စကားလည်းကျယ်ကျယ်မပြောဝံ။ ရယ်ပင် မရယ်ဝံ့။ အမြဲအစဉ် အရိပ်အကဲ ကြည့်နေခဲ့ရ၏။ အမေကလဲ ဝေ ဘာလုပ်လုပ် ဘာမျှ မပြောသော်လည်း အပြစ်များချည့် မြင်နေခဲ့၏။ ဝေသည် အမေတို့ အခန်းတွင်၌ ၀င်၍အိပ်ခဲ့ရ၏။ ဝေ့ စိတ်နှလုံးများကား ကြီးစွာသော ဆင်းရဲခြင်းဖြင့် ချုံးချုံးကျခဲ့ရရှာသည်။ ခြံကြီးဝင်းကြီးထဲတွင် နေရသည်မှာလည်း ဝေ့ အတွက်အသက်ရှူဝစရာမရှိ။ ဤရက်များအတွင်း၌ဝေ၏ တက်ကြွလတ်ဆတ်သော အပြုံးများကား နေလကွယ်သလို ကွယ်ခဲ့ရလေသည်။
ဝေ့ အတွက်ထွက်ပေါက်တခုမျှသာ ရှိတော့သည်။ ညနေဖက် ကျနော်လမ်းလျှောက်ထွက်သောအခါ၌ လိုက်ပါလာရချိန်ကလေးတွင်ကား ဝေသည် သူ့ ရင်ထဲ၌ဖြစ်ပေါ်ခံစားနေရသည်တို့ ကို အားကုန်ဖွင့်အန်ချလေသည်.။ တခါတရံ လမ်းလျှောက်ရင်းပင် ဝေသည် တရှိုက်ရှိုက်ငိုတတ်၏။

“ခင်ဝေပြန်ပါရစေတော့ကိုကိုရယ်၊ ခင်ဝေမနေနိုင်တော့ဘူး၊ ကြာရင်သတ်သေမိတော့မယ်” ဟုတတွတ်တွတ်ပြောသည်။
ကျနော်သည် ဝေ့ အားတတ်နိုင်သလောက်ကား အားပေးနှစ်သိမ့်၏။ အမေတားထားသဖြင့် ဇွတ်ပြန်လျှင်လည်း မသင့်ဖြစ်ကာ စိတ်မောပင်ပန်းလာခဲ့ရသည်။

“မိန်းခလေးကကွယ်၊ ယောက်က်ျားသွားရာ နောက်မှာ အမြဲတန်း မလိုက်ရဘူး” ဟုအမေပြောသော်လည်း ဝေသည်ကျနော်လမ်းလျှောက်ရာနောက် လိုက်မြဲလိုက်သည်။
မြို့ ကြီးမြစ်ကူး တံတားပေါ်သို့ ရောက်လျှင် ဝေက အခုမှအသက်ရှူရတော့တာဘဲ”ဟုပြောလေ့ရှိသည်။
ညနေဆည်းဆာများ၌ ကျနော်နှင့်ဝေသည် မြစ်ကူး တံတားကြီး၏ လူသွားလမ်းနံဘေး၌ သမီးရည်းစား စုံတွဲများလို ထိုင်လိုက်ကြလေသည်။
တံတားကြီးအောက်ခြေတွင်မူ ဧမြကြည်လင်သော မြစ်ရေများသည် တံတားတိုင်ကြီး များကို တိုးဝှေ့နေ၏။ ညနေဆည်းဆာနေရောင်ခြည် အောက်တွင် လှိုင်းလိပ်ကလေးများသည် တဖျတ်ဖျတ်လူးလွန့် နေကြ၏။ မြစ်လယ်၌ ရွက်လှေတစင်းတလေ ဆန်တက်လာနေသည်။ လွှတ်လပ်သော နွေ လေပြေသည် မြစ်ပြင်ထက်၌ တဝေ့ဝေ့တိုက်ခတ်နေ၏။
ဝေသည် ကျနော့် လက်ကိုတင်းကျပ်စွာ၊ အားကိုးကြီးစွာဖြင့် ဆုပ်ကိုင်ထားလေသည်။ သမီးရည်းစား များလိုပင် ကိုယ်ချင်းထိကပ်နေကြ၏။ဝေ့ မျက်နှာကလေးလည်း နီထွေးနေသည်။ ဝေ့မျက်လုံးကလေးများသည် တဖျတ်ဖျတ် လှုပ်ရှားတောက်ပနေကြ၏။ ပျော်ရွှင်လာကာ ဝေသည် ရင်ခုန်လျက်ရှိ၏။

“ဒီမြစ်အတိုင်းလိုက်သွားရင် ခင်ဝေတို့ ဟေမန်ကို ရောက်မှာ ပေါ့နော်” ဟု သူက တိုးသက်စွာပြောသည်။
“ရေထဲမျှောလိုက်ရင် ဟေမန်ကို ရောက်သွားမှာနော်၊ ဒါဆိုရင် ဟေမန်သားတွေ ဆယ်ကြည့်ကြရင်ခင်ဝေမျှောလိုက်တာ သိကြမှာဘဲနော်”
“ ဝေကခလေးလိုတွေးတာဘဲ”
“ကဲ မရောက်ဖူးလို့  ကိုကိုပြောမလား”
ဝေသည် မြစ်ပြင်ကို ငေးကြည့်နေပြန်သည်။

“ဒုက္ခဘဲကိုကိုရယ်၊ ကိုကို့ ကို ကိုကို လို့ ခေါ်တာလဲ သူတို့ မကြိုက်ကြပြန်ဘူး၊ ကိုက်ို့ နာမယ်က ကိုကိုဆိုတော့ ဒါရိုင်းတယ်တဲ့၊ ကိုကိုကတော့ ခင်ဝေ့ ကိုရိုင်းတယ်လို့  တခါမှမပြောပါဘူး၊ ကိုကိုဒို့ ပြန်ကြရအောင်ကွယ်”
“အမေက နေပါအုံးလို့ တားနေတာ ပြန်လို့ မဖြစ်သေးဘူးဝေရဲ့ ”
“ခင်ဝေ စိတ်ဆင်းရဲတယ်၊ ကိုကိုက်ိုယ်ချင်းစာ ကြည့်စမ်းပါ၊ ကိုကိုလဲဒီမှာ နေတော့ က္ကု္ဒြေီကြီးနဲ့ နေတာ မှုတ်လား၊ ကိုကိုနဲ့ ခင်ဝေနဲ့ နေကြရတာလဲ တစိမ်းတွေလိုဘဲ”

ကျနော်သည် သူ့ လက်မောင်းကလေးကို အသာ ဆုပ်ကိုင်ထားမိပြန်သည်။ သူရယ်စေရန်၊ စိတ်ပေါ့ပါးစေရန် တခုခုပြောမည်ဟု ကြံစည်သော်လည်း ပြောစရာမရှိ။
ခဏကြာလျှင် ဆည်းဆာ မှိန်သွားကာ မှိုင်းပျလာခဲ့လေသည်။
ကျနော်တို့ သည် ဘာမှမပြောကြဘဲ ဆက်၌ ငြိမ်သက်စွာထိုင်နေမိကြ၏။ ဝေ၏သက်ပြင်းချသံကြားရ၏။ ဝေ့မျက်နှာမှာ နေနှင့် အတူ တဖြည်းဖြည်းမှိုင်းညို့ လာပြန်သည်။ အတန်ကြာလျှင် ဝေ့ မျက်လုံးအိမ်ထဲ၌ မျက်ရည်များ ပြည့်လှာပြန်သည်။ မျက်ရည်များသည် ဝေ့ပါးပြင်ပေါ်သို့ ဖြည်းဖြည်းစီးကျနေ၏။
“ဘာဖြစ်လို့ လဲ” ကျနော်မေးလျှင် သူသည်ပို၍ စိတ်ထိခိုက်လာပြီး အသက်အောင့် ငြိမ်သက်နေလိုက်သည်။

“ဒီမှာ နေရတာလေ ကိုကိုနဲ့  ခင်ဝေနဲ့ ကွဲနေကြသလိုဘဲ။ လင်မယားမဟုတ်ကြတော့ဘူး၊ တစိမ်းတွေဘဲ၊ ကိုကိုက တအိပ်ရာအိပ်၊ ခင်ဝေကတ အိပ်ရာအိပ်၊ ခင်ဝေလဲ ကိုကိုနဲ့ ခွဲအိပ်ရတာ အိပ်လို့ လဲမပျော်တော့ဘူး၊ ဘာပြုနေမှန်းလဲမသိဘူး၊ စိတ်လဲမချဘူး၊ တအိမ်ထဲနေပီး ဒီလိုခွဲနေရတာ သိပ်ဝမ်းနည်းစရာကောင်းတာဘဲ၊ ညတုန်းကလေ ခင်ဝေကိုကို့ အိပ်ရာကို ထလာခဲ့အုံးမလို့ သိလား၊ ကိုကိုတို့ အမေနိုးနေတာနဲ့ ”

ကျနော်သည် သူ့ မျက်နှာကလေးကို အလင်းရောင် ဖျော့ဖျော့၌ ငေးကြည့်ကာ ခပ်တိုးတိုးရယ်မိလေသည်။
မြို့ ကြီးတွင် နေခဲ့သည့် ဆယ့်ငါးရက်ကား ဝေ့အတွက် ဆယ့်ငါးကမ္ဘာမျှ ကြာရှည်ခဲ့ပေမည်။
မြို့ ကြီးမှ ပြန်ကြမည့် နံနက်တွင်မူ ဝေသည် ကျနော့် အ၀တ်အစားများကို အိတ်များအတွင်းသို့  ပေါ့ပါးသွက်လကစွာ် ထည့်ခဲ့၏။ ဝေသည် မပြုံးမိရန် ထိန်းချုပ်သတိထားခဲ့ပုံရ၏။ ထွန်းထွန်းကိုလည်း ဖက်လှဲတကင်း နှုတ်ဆက်ခဲ့၏။ အမေ့ ကို ကန်တော့သောအခါ၌လည်း သွက်လက် ဖျတ်လတ်နေခဲ့၏။
အမေက “သားကမိန်းမယူတယ်ဆိုပီးခလေးကလေးကို ခေါ်လာခဲ့တာကိုး ” ဟု ပြောသည်ကိုလည်း ဝေသည် အာရုံမစိုက်။
မြို့ ကြီးဘူတာမှ ထွက်လာခဲ့သောအခါ ရထားပေါ်တွင် ဝေသည် ကျနော့် လက်တဖက်ကို ဆုပ်ကိုင်ထားပြီး ပြုံးရယ်စရာမဟုတ်ဘဲနှင့် ပြုံးလာခဲ့သည်။ ဝေ့မျက်နှာမှာ အစွမ်းကုန်ပွင့်လန်းလိုက်သည့် ပန်းတပွင့်ကဲ့သို့  လတ်ဆတ် ရွှင်လန်းနေခဲ့သည်။ ရထားကြီး ဝေးဝေး ရောက်လာလေ ဝေသည် လွတ်လပ်စွာ ပျံ့သန်းလာခဲ့သည့် ငှက်ကလေးနှင့် တူလာလေလေ။
ဝေသည် ပါးစပ်မှ လေများကို ဟူးကနဲ မှုတ်ထုတ်လိုက်၏။

“ခုမှ နော် ကိုကို၊ ခုမှ ခင်ဝေတို့ လင်ရယ် မယားရယ်လို့ ပြန်ဖြစ်လာကြတာ”

ရထား ပြတင်းဝတွင် ဝေသည် တိုးတိုးကျိတ် ပြောကာ ကျနော့် ပေါင်ကိုပုတ်လိုက်ပြီး တသိမ့်သိမ့်ရယ်မောနေပြန်သည်။

နိုင်ဝင်းဆွေ

October 06, 2009

နွေတည မြစပယ်ရုံနှင့် ရေဆန်လမ်းပေါ်က နိုင်ဝင်းဆွေ


( ၁ )
၁၉၇၂ ခု၊ နွေနံနက်ခင်းတခု...။
ကိုစန်းမောင် (ယခု တရားရုံးချုပ်ရှေ့ နေ၊ပဲခူး)၏ ခေါင်းဆောင်မှုဖြင့် ၀ါးထရံကာ ခြံတခုအတွင်းဝင်လာစဉ် ကျနော်တို့ သည် နှင်းဆီခင်းတခုဘေးမှ လျှောက်လာခဲ့ကြ၏။ သုံးဘက်သုံးတန် ထရံကာ ၀ါးကြမ်းခင်းတဲတလုံးရှေ့ တွင် လူငယ်တချို့ ရောက်နှင့်နေကြပြီ။ တချို့ တဲပေါ်တွင်ထိုင်လျက်။ တချို့ တဲအောက်တွင်ရပ်လျက်။တဲရှေ့ နေပူအောက်တွင် ရွှံ့ များပေရေချောက်ကပ်နေသည့် စားပွဲတလုံး။ စားပွဲဘေးတွင်မူ ထိုင်စရာကုလားထိုင် မရှိ။


ကျနော်က သူ့ ကိုတွေ့ ချင်နေသည်။ ရောက်ရောက်ချင်း လူအုပ်အတွင်း သူ့ ကို စိတ်အထင်နှင့်လိုက်ရှာကြည့်မိသည်။ ခန့် မှန်းလို့ မရ။ မအောင့်နိုင်၍ ကိုစန်းမောင်ကို မေးကြည့်မှ သူသည်အပြင်ခဏသွားနေကြောင်းသိရ၏။ ဧည့်သည်တွေကို သည်အတိုင်းထားကာ ဘာ့ကြောင့် အပြင်ထွက်နေပါလိမ့်ဟု တွေးမိသေးသည်။ အိမ်ရှင်ဖြစ်သူ သူ့ ကို ကျနော် တွေ့ ချင်နေသည်။
ကျနော်နှင့်အသက်အရွယ်မတိမ်းမယိမ်း လူငယ်တချို့ ရောက်လာကြပြန်သည်။ မြင်ဖူး သိဖူးသူများလည်းပါသည်။ မမြင်ဖူးသူများလည်းပါသည်။ ဆရာ ဗန်းမော်တင်အောင် က ရောက်လာပြီးမှ ပြန်သွားသည်ဟု သိရ၏။ ဘာ့ကြောင့်ပြန်သွားရတာလည်းဟု မေးချင်သော်လည်း မမေးသင့်ဟုယူဆကာ မြိုသိပ်ထားလိုက်၏။

တဲပေါ်ကလူငယ်တချို့ ကြားတွင် အသက်ငါးဆယ်အရွယ်လူတဦးထိုင်နေသည်ကို တွေ့ ရသည်။ အသားဖြူဖြူ ဆံပင်
ကောက်ကောက် မျက်မှန်တပ်ထား၏။ စိတ်ထဲ၌မြင်ဖူးသည်ဟု ယူဆနေစဉ် “ အဲဒါ ဆရာဒဂုန်တာရာလေကွာ ” ဟု ကိုစန်းမောင် ပြောပြမှ ကျနော် သူ့ ကို မှတ်မိသွားခဲ့သည်။

တဲရှေ့ တွင် ယာယီထင်းမီးဖိုတခုပြုလုပ်ကာ ထမင်းအိုးကြီးတလုံး တည်ထားသည်ကို တွေ့ ရ၏။ခြံဝန်းတခုလုံးနီးပါး နှင်းဆီပင်များ စနစ်တကျစိုက်ထားသည်ကိုလည်း တွေ့ ရ၏။ ရဲရဲနီသောနှင်းဆီပွင့်များ အပင်တိုင်းလိုလိုမှာ ပွင့်လျက်ရှိနေသည်။

နာရီဝက်ခန့် ကြာသောအခါ လူတယောက် ခြံဝန်းအတွင်း ခြေလှမ်းကျယ်ကျယ်လှမ်းကာ ၀င်လာသည်ကို တွေ့ ရသည်။ အသက်အရွယ်မှာ နှစ်ဆယ့်ငါးနှစ်ခန့် ရှိသူ။ အနားရောက်တော့ အသားခတ်ညိုညို ခတ်ရေးရေးအပြုံး။ တစုံတယောက်က “ ဟော ပြန်လာပြီဗျ ” ဟု ပြောလိုက်သည်။ သူက လက်ထဲမှ အထုပ်တထုပ်ကိုမြှောက်ပြကာ “ ဧည့်သည်တွေကို အမဲသားနဲ့ သင်္ဘောသီး ချက်ကျွေးချင်လို့  ဈေးသွားလိုက်တာပါ ” ဟု ပြောပြောဆိုဆို ကျနော့်ဘေးတွင် လာ၍ရပ်လိုက်လေသည်။သူ့ ကို ကျနော် စတင်မြင်တွေ့ သိကျွမ်းရခြင်း။ စာရေးဆရာ နိုင်ဝင်းဆွေ...။

ထိုအချိန်က နိုင်ဝင်းဆွေမှာ နိုင်ငံကျော်စာရေးဆရာတယောက်ဖြစ်နေပြီ။ ...အပစ်အခတ်၊ အညစ်အပတ်၊ အညှစ်အသတ် ၀တ္ထုများမဟုတ်။ ဘ၀သရုပ်ဖေါ်ဝတ္ထုများကိုသာ ရေးဖွဲ့ သူ။ သူသည်ကား အသက် ဆယ့်ခွန်နှစ်နှစ်အရွယ်၌ “ မဟူရာ မေတ္တာ ” ကို ရေးဖွဲ့ ခဲ့သူ။ “ မသိန်းရှင်ဆီပို့ ပေးပါ ” “နွေတည ” “မြစပယ်ရုံ ” “ညအသင်္ချေမှာ ” အစရှိသော ၀တ္ထုများဖြင့် မြန်မာစာပေလောကကို လှုပ်လှုပ်ရှားရှားဖြစ်စေသူ။

ကျနော်တို့ သည် စာရေးဆရာ နိုင်ဝင်းဆွေ၏ တောင်ဥက္ကလာပ နှင်းဆီခြံကလေးအတွင်းမှ သူနေထိုင်အိပ်စက်သောတဲကလေးတွင် “ စာပေဆည်းဆာ ” ကို မွေးဖွားခဲ့ကြ၏။ ဤတဲကလေးတွင် “ မိုးဝေစာပေမဂ္ဂဇင်း ” အပေါ်မှီကာ နိုင်ငံအနှံ့  စုစည်း၍ရနိုင်သမျှ စာရေးသူလူငယ်လေးဆယ့်နှစ်ဦးတို့  တွေ့ ဆုံခဲ့ကြသည်။ ထိုလူငယ်များမှာ မိုးဝေမဂ္ဂဇင်းမှလွဲ၍ အခြားမဂ္ဂဇင်းများတွင် စာရေးလေ့မရှိကြ။ မိုးဝေ အယ်ဒီတာချုပ် စာရေးဆရာ နတ်နွယ်နှင့် “ စာပေသစ် ” အပေါ်မူတည်ကာ သဘောထားကွဲကြသောအခါ မိုးဝေစင်မြင့်မှခွါရန် အားလုံးဆုံးဖြတ်ခဲ့ကြသောနေ့ ။ အခြားမဂ္ဂဇင်းများတွင်လည်း စာမရေးချင်ကြ။ သည်ကြားထဲ အုပ်စိုးသူက စကားပြေတွင်သာမက ကဗျာက်ိုလည်း စကားလုံး တလုံးချင်းစီခွဲ၍ ဖြတ်တောက်စီစစ်ခြင်းများ ပြုလုပ်လာခဲ့ပြီ။
ထိုစဉ်က ကျနော်တို့ အကြားတွင် နိုင်ငံရေးကိစ္စ ဆွေးနွေးရန်အကြောင်းမရှိ။ မည်သူ့ ကို ဦးတည်တိုက်ရမည်၊ မည်သူ့ ဘက်က အသိရှိရှိရပ်ရမည်ဆိုသည့် ကိစ္စအပေါ် အငြင်းပွါးရန်မလိုတော့။ သို့ သော် စာမျက်နှာအခက်အခဲကိစ္စ အတတ်ပညာကိစ္စ ပြန့် နှံ့ ရေးနှင့် မြှင့်တင်ရေးကိစ္စ အစရှိသည်တို့ အတွက်မူ ငြင်းကြခုန်ကြရ၏။ အများစု တူညီမှုရလျင် အလုပ်လုပ်ရန် ဆုံးဖြတ်ကြ၏။ ထို “ စာပေဆည်းဆာ ” လှုပ်ရှားမှု၏ အသီးအပွင့်များအဖြစ် နေရာဒေသအလိုက် ကဗျာစာအုပ်များထုတ်ကြ၏။ “ နွေဦးသစ်မှာပေါ်တဲ့ပွင့်သစ်၊ မတ်လအရိပ်၊ မိုးရိပ်လေရိပ် (ရန်ကုန်) ” ၊ “ တောင်ညိုခင်တန်း (ပျဉ်းမနား) ” ၊ “ ဒီရေ ၊ ဆီးပွင့် (ပဲခူး) ” ၊ “နေထဲကလ၊ သစ်ရွက်သေများပေါ်က ရက်စက်သောဂီတ (ရန်ကုန်) ” ကဗျာစာအုပ်များ ထွက်ပေါ်လာခဲ့ကြပါသည်။ သို့ သော် တရားဝင်ပုံနှိပ်ထုတ်ဝေခွင့်ဖြင့် ထုတ်ဝေခဲ့သော စာအုပ်များမဟုတ်ကြ။လက်လှည့် ဖယောင်းပုံနှိပ်စာအုပ်များအဖြစ်သာ ထုတ်ဝေခဲ့ကြရခြင်းဖြစ်သည်။

မှတ်မှတ်ရရ...ထိုနေ့ က အနယ်နယ်အရပ်ရပ်က ရောက်လာသော လူငယ်လေးဆယ်ကျော်အနက် “ နိုင်ဝင်းဆွေ ” မှာ တဦးတည်းသော စကားပြေသမား။ ကျန်သူအားလုံး ကဗျာရေးသူများချည်းဖြစ်ကြလေသည်။ ထိုနေ့ မှစ၍ သူ့ ကို ကျနော်က အများနည်းတူ “ ကိုနိုင်ဝင်း ” ဟူ၍ပင် ခေါ်ဝေါ်ဆက်ဆံခဲ့ပါသည်။

( ၂ )
၁၉၇၃ ခု၊ ဆောင်းလည်တနေ့ ...။
ပဲခူးမြို့ ရွှေမေါ်ဓေါဘုရား ယင်ပြင်တော်ပေါ်တွင် ဘုရားဖူးလာသူ ကျဲပါးလျက်ရှိ၏။ လူငယ်နှစ်ဆယ်ကျော်ခန့် သည် ဘုရားအနောက်ဘက်သို့ ဆင်းရာ တန်ဆောင်းအနီး ခရေပင်ကြီးတပင်အောက်တွင် ၀ိုင်းစုပြီး ထိုင်နေကြ၏။ လူသုံးယောက်မှာ လူအုပ်နှင့် မျက်နှာချင်းဆိုင်ကာ အနည်းငယ်ခွါ၍ထိုင်နေ၏။ လူအုပ်နှင့်ထိုသူသုံးဦးကြားတွင် လဘက်ရည်ကြမ်းအိုးနှစ်လုံး၊ လဘက်သုပ်တပွဲ၊ ဆေးလိပ်တစည်းချထား၏။
လူငယ်နှစ်ဆယ်ကျော်ခန့် ရှေ့ တွင် ထိုင်နေကြသူသုံးဦးမှာ...ရန်ကုန်မှလာကြသော စာရေးဆရာ ကဗျာဆရာများဖြစ်ကြ၏။ စာရေးဆရာ နိုင်ဝင်းဆွေ၊ ထက်မြက်( ကျွန်းပြန် ကိုကျော်နိုင်) ၊ ကဗျာဆရာ နံ့ သာလှဆွေ...။

သူတို့ သုံးဦးရောက်မလာခင် ဆယ်ရက်ခန့် က ကျနော်တို့ ဆီသို့ “ မိုးကြိုမုန်တိုင်း ” ဝေဖန်ရေးစာမူတခု ရောက်လာခဲ့၏။ ထိုစာမူကို ပဲခူးမြို့ ပေါ်က စာပေ၀ါသနာရှင်လူငယ်များ တလှည့်စီ ၀ိုင်းစုပြီးဖတ်ကြရ၏။ အလှည့်မဆုံးသေးခင်မှာပင် “ မိုးကြိုမုန်တိုင်း ” မှာ ကျနော်တို့ ကြား၌ ဗုံးတလုံးပေါက်ကွဲသလို ဖြစ်လာခဲ့၏။ ငြင်းကြ ခုန်ကြ စိတ်ဆိုးကြရ၏။ သည်လိုနှင့် “ မိုးကြိုမုန်တိုင်း ” ဖန်တီးသူများထဲမှ ကိုယ်စားလှယ်သုံးဦးရောက်လာကာ ရွှေမော်ဓေါဘုရား ယင်ပြင်တော်ပေါ်တွင် စာပေဆွေးနွေးပွဲ ပြုလုပ်ကြရလေသည်။

ကျနော်နှင့် ကိုစန်းမောင်က လူငယ်တချို့ ကိုခေါင်းဆောင်ကာ “ မိုးကြိုမုန်တိုင်း ” အပေါ် ဝေဖန်ထောက်ပြနိုင်ဖို့ ကြိုးစားကြ၏။ ကျနော်တို့ သည် “ ဝေဖန်ရေးနှင့် မိမိကိုယ်မိမ်ိ ဝေဖန်ရေး ” ကို လက်ခံသည်။ သို့ သော် “ မိုးကြိုမုန်တိုင်း ” မှာ ဝေဖန်ရေးမဟုတ်။ ယင်း၏ အမှာစာအရပင် ဤစာအုပ်မှာ “ အဟောင်းကို ဖါထေးခြင်းမဟုတ်၊ ငှက်မွှေးနှင့်သပ်ခြင်းမဟုတ်၊ အမြစ်ကလှန်၍ အငုတ်မကျန်အောင် တိုက်လှန်ခြင်းဖြစ်သည် ” ဟု ဆိုထားသဖြင့် စည်းတားခြင်းဖြစ်ကြောင်း။ သည်လိုလုပ်လျင် အတွင်းစည်းဖြေရှင်းနည်းမဟုတ်တော့ပဲ ရန်,ငါ သဘောဖြစ်နေကြောင်း။ အထူးသဖြင့် ဆရာဗန်းမော်တင်အောင်နှင့် ဆရာဒဂုန်တာရာတို့ နှစ်ဦးအပေါ် ဒီလိုလုပ်ဖို့ မသင့်ကြောင်း။ လုပ်လျင်လည်း မှားသည်ဟုယူဆကြောင်း၊ စာအုပ်အဖြစ် ထုတ်ဝေဖို့ မသင့်ကြောင်း ၀ိုင်းဝန်းကန့် ကွက်လိုက်ကြ၏။ ထိုနေ့ က ဤသို့ မဆုံတွေ့ ခင်ကပင် ကြိုတင်ညှိနှိုင်းထားပြီးဖြစ်သဖြင့် ကျနော်တို့ ဖက်မှ ရှည်ရှည်ဝေးဝေးမပြောလိုက်ရပဲ ဆွေးနွေးပွဲမှာနိဂုံးချုပ်သွားခဲ့လေသည်။

ဘုရားယင်ပြင်တော်ပေါ်မှအဆင်း နိုင်ဝင်းဆွေသည် ကျနော့်ပခုံးကိုဖက်ကာ “ အေးဗျာ ဒီလိုအယူအဆမတူကြရတာ ကျနော်လည်းစိတ်မကောင်းဘူး ” ဟု တတွတ်တွတ်ပြောလာခဲ့၏။ ကျနော်တို့ အထဲမှ လူငယ်တချို့ က နိုင်ဝင်းဆွေ၏လက်ကိုဆုပ်ကိုင်ကာ နှုတ်ဆက်စကားပြောနေကြ၏။ ဆိုက်ကားနှစ်စီးဖြင့်ထွက်ခွါသွားကြသူ သူတို့ သုံးဦးကိုကြည့်ကာ ကိုစန်းမောင်က ခေါင်းကိုခါ၍ စိတ်ပျက်သလို ရပ်နေလေသည်။

နောက် ခြောက်လခန့် အကြာတွင် “ မိုးကြိုမုန်တိုင်း ” စာအုပ်ထွက်လာ၏။သည့်နောက်ပိုင်း နိုင်ဝင်းဆွေနှင့်ကျနော်တို့ မှာ ခတ်တန်းတန်းဖြစ်လာကြရ၏။ ပဲခူးမြို့  စာပေ၀ါသနာရှင် လူငယ်များထဲမှ ငါးဦးခန့် မှာ(က ဗျာဆရာ စိုးးမိုးတင်-ခရေ အပါအ၀င် )လည်း “ မိုးကြိုမုန်တိုင်း ” ကို ထောက်ခံသည်ဟုဆိုကာ ကျနော်တို့ နှင့် ခေါ်ပြောနှုတ်ဆက်သာသာ ဖြစ်သွားခဲ့လေသည်။

( ၃ )
၁၉၇၈...၊
နိုင်ဝင်းဆွေနှင့် နံ့ သာလှဆွေ တို့  “ ပန်ဆန်း ” သို့ ထွက်ခွါသွားကြကြောင်း ကြားရသည်။ သူတို့ နှင့်အတူ ပဲခူးမှ စိုးမိုးတင်-ခရေ လည်း လိုက်ပါသွားခဲ့၏။

ကိုကိုးကျွန်းပြန် ကိုကျော်နိုင်(ထက်မြက်)က အင်းစိန်တောရ သိူ့ ပြန်ဝင်ရ၏။ ကိုစန်းမောင်မှာ ရှေ့ နေလုပ်နေ၏။ စာရေးဆရာ သခင်မြသန်း တောတွင်းတနေရာတွင် ဖမ်းမိ၍ရုံးတင်သောအခါ ရှေ့ နေလိုက်ပေးခြင်းဖြင့် ပဲခူးတွင် ထင်ရှားသည့်ရှေ့ နေတဦးဖြစ်လာခဲ့၏။

ကျနော်သည် အစိုးရ၀န်ထမ်း မူလတန်းပြကျောင်းဆရာဘ၀ကိုစွန့် ခွါကာ စစ်တောင်းမြစ်ဘေး၊ “ ဘွားအေစု ” ခေါ် တံငါရွာကလေးတွင် ရွာငှါးကျောင်းဆရာအဖြစ် ရှိနေခဲ့၏။ “ မိုးဝေ မဂ္ဂဇင်း ” တွင် ဆရာနတ်နွယ် မရှိတော့ပြီမို့  ကဗျာတပုဒ်စ နှစ်ပုဒ်စနှင့် ၀တ္ထုတိုတပုဒ်ကို မဂ္ဂဇင်းစာမျက်နှာပေါ် တင်လိုက်မိသေး၏။ သို့ သော် အယ်ဒီတာ ကိုညိုသစ် က မိမိ၏ “ နှလုံးသားထဲက ပန်းချီကားချပ်များ ” ၀တ္ထုတိုအပေါ် မလိုအပ်ပဲ ဖြတ်တောက်ဖေါ်ပြသည်ကို မကျေနပ်သဖြင့် “ မိုးဝေ ” သို့  စာမူများ နောက်ထပ်ပြီးမပို့ တော့။

( ၄ )
မယ်တုက္ခီစမ်းချောင်းရေမှာ ကြည်လင်လွန်းလှသည်။ ကျနော်က ကျောက်တုံးတခုပေါ်တွင် အ၀တ်ဖွပ်နေစဉ် ချောင်းစပ်သို့ ဆင်းလာသည့်လူသံကြောင့် မေါ့ကြည့်မိ၏။ လူတယောက် လက်ဆွဲသားရေအိပ်တလုံး ပခုံးတွင်လွယ်ကာ ဘောင်းဘီကို မတင်ဆွဲစုလျက် ချောင်းထဲသို့ ဆင်းလိုက်သည်။ သူ့ နောက်မှအမျိုးသမီးတဦးက ရေထဲသို့ ဆင်းရန် ထမိန်စကိုဆွဲနေ၏။
ချောင်းထဲသို့ ဆင်းလာသူသည် ကျနော့်ကို တချက်လှမ်းကြည့်ပြီးမှ တဖက်သို့ မျက်နှာလွှဲသွား၏။ ခြေလှမ်းနှစ်လှမ်းခန့် သွားပြီးမှ ကျနော့်ဖက်သို့ တဖန်မျက်နှာပြန်လှည့်လာခဲ့၏။ ကျနော်တို့ နှစ်ဦး မျက်လုံးချင်း ဆုံမိသွားကြသည်။

“ ဟာ ကိုနိုင်ဝင်း ”
“ ဟေး..ကိုငြိမ်းဝေ၊ ခင်ဗျားရောက်နေတာ လှေဆိပ်မှာကတည်းက ကြားတယ်၊ ကျနော် မဲဆောက်ကို ကိစ္စတခုရှိလို့ သွားနေတာပါ၊ ဒါ ကျနော့်အမျိုးသမီး ပန်ဆန်းမှာ ကျနော် အိမ်ထောင်ကျခဲ့တာ ၊ ရေချိုးပြီးရင် အိမ်ကိုလိုက်ခဲ့ဗျာ၊ စကားလေး ဘာလေး ပြောကြရအောင် ”

မယ်တုက္ခီစမ်းချောင်းထဲတွင် နိုင်ဝင်းဆွေ၏အသံကို ကျနော်က ယ္ခင်တုန်းကနှင့် တူမတူ မဝေခွဲတတ်အောင် ဖြစ်နေခဲ့လေသည်။
၁၉၉၂ ၊ စက်တင်ဘာလ ၂၂ ရက် ၊ မာနယ်ပလော...။

( ၅ )
လွန်ခဲ့သော အနှစ်နှစ်ဆယ်ကို ပြန်ရောက်သွားကြသည်။ ထိုစဉ်က ကျနော်က အသက်နှစ်ဆယ်ကျော်။သူက ကျနော့်ထက် အသက်ငါးနှစ်ခန့် ကြီးသူ။ ကျနော်က ကဗျာတပုဒ်ဒ နှစ်ပုဒ်စသာ ရေးစပြုသူ။ သူက နိုင်ငံကျော် စာရေးဆရာဖြစ်နေပြီ။ သူသည် တခါတရံ ပဲခူးသို့ ရောက်လာတတ်၏။ သူနှင့်ကျနော် ပန်းချီကိုတင်ဦးနှင့်အတူ မဟာစေတီဘုရားကြီး၏ ငှက်ပျောဖူးပေါ်တက်ကြ၏။ ကိုတင်ဦးက ပဲခူးမြို့ အပေါ်စီးကို ပန်ချီဆွဲနေစဉ် သူနှင့်ကျနော်က အိန်ဂျယ်၏ “ ပုဂ္ဂလိက အိမ်ထောင်မှုအစ အစိုးရတို့ ၏ မူလဘူတ ” စာအုပ်အပေါ် အခြေအတင် ငြင်းခုန်ခဲ့ကြ၏။

သူသည် သူ့ ဝတ္ထုများနှင့်ပါတ်သက်ပြီး ကျနော်နှင့် တကြိမ်တခါမျှ ငြင်းခုန်ဖူးခြင်းမရှိခဲ့။ သူက သူရေးခဲ့ပြီးသမျှ ၀တ္ထုများကိုကျနော်က ဝေဖန်လျင ပြုံးစိစိမျက်နှာထားနှင့်သာ နားထောင်နေတတ်၏။် တခါက “ နွေတည နှင့် မသိန်းရှင်ဆီပို့ ပေးပါ ” ၀တ္ထုများထဲက ဇာတ်သိမ်းပိုင်းမျိုး နောက်ထပ်ပြီး မရေးပါနဲ့ တော့လား ကိုနိုင်ဝင်းရယ်..ဟု ကျနော်က မျက်ရည်တလည်လည်နှင့် တောင်းပန်တော့ သူက ကျနော့်ကို သနားစရာသတ္တ၀ါတဦးလို ပြန်ကြည့်နေခဲ့၏။ ထိုစဉ်အချိန်က သူသည် ၁၉၇၀၊ ၈၀ ဆယ်စုနှစ်တခုအတွင်း စကားပြေအရေးအသား အကောင်းဆုံးစာရေးဆရာအဖြစ် နာမည် ကြီးနေလေပြီ။

ယ္ခုအခါ သူနှင့်ပြန်ဆုံစဉ် သူ့ ဝတ္ထုများထဲမှ အရေးအသားတချို့  စကားလုံးတချို့ က်ို ကျနော်က ပြန်ရွတ်ပြတော့ သူကမေ့တေ့တေ့...။ ကျနော် ဒီလိုရေးခဲ့သလားဟု ကျနော့်ကို ပြန်မေးနေသေး၏။
သူနှင့် ကျနော်တို့ နှစ်ဦး၏ ငယ်စဉ်က အဖြစ်အပျက်များမှာ တချို့ လင်း၊ တချို့ မှိန်၊
တချို့ ပျောက်နေ၏။ သူသည်ကား ကျနော့်ထက် ဆယ်နှစ်ကျော်စေါကာ သူပုန်ဖြစ်ခဲ့သူ။

သူနှင့်တွေ့ မှပင် ဒိုက်ဦးကိုအောင် မာနယ်ပလောကို ခေတ္တလာပြီး ပန်ဆန်းကိုပြန်သွားကြောင်း သိရ၏။ ကျောက်တံခါးကိုစံဦး(တောခို၊ တိုက်ပွဲတွင်မိ၊ ထောင်ကျ)
တယောက် ကျောက်တံခါး N L D တွင် ဥက္ကဌလုပ်နေကြောင်း သူ့ ကိုပြောပြတော့ သူက ရယ်နေလေသည်။ စိုးမိုးတင်-ခရေ မှာ တရုပ်ပြည်နယ်စပ်တွင် သောင်တင်နေပြီ။ နံ့ သာလှဆွေက ယ္ခုအခါ မြက်ခင်းသစ်တွင် ရွေတညာအမည်နှင့် စာတွေဝင်ရေးနေပြီ။

စာပေဆည်းဆာမှာ သုံးအုပ်စု ကွဲသွားခဲ့ကြောင်း၊ တအုပ်စုက “ ပန်ဆန်း ” သို့ ထွက်ခွါကာ ကျန်နှစ်အုပ်စုမှာ စာပေနယ်တွင် အခိုင်အမာရပ်တည်နေဆဲ ဖြစ်ကြောင်း ပြန်လည်သုံးသပ်မိခဲ့ကြ၏။

“ မိုးကြိုမုန်တိုင်း ” ကိစ္စပေါ်ပြီးနောက် သူနှင့်ကျနော် အနေတန်းခဲ့ကြပုံ၊ သူက ပန်ဆန်းကို ထွက်ခွါပုံ၊ ပန်ဆန်းကို ၀̓ တွေ အာဏာသိမ်းပြီးနောက် မာနယ်ပလောတော်လှန်ရေး ဌါနချုပ်ကို သူ ရောက်ရှိလာပုံ။

မာနယ်ပလောတွင်(၂)နှစ်ကျော်နေပြီးမှ “မဟူရာမေတ္တာ ” လို လုံးချင်းဝတ္ထုရှည်ကြီးတပုဒ်ရေးမည်ဟုဆိုကာ ရဟန်းဝတ်ခဲ့၏။ ရဟန်းဝတ်နှင့်နေစဉ် “ မဟူရာမေတ္တာ ” ၀တ္ထုကြီးရေးစဉ်က သမာဓိတည်ဆောက်ပြီးမှ ရေးခဲ့သလို ယ္ခုလည်း သမာဓိယူမည်ဟုဆိုကာ အပြင်းအထန် တရားထိုင်ခဲ့၏။ (၆)လခန့် အကြာတွင် ငှက်ဖျားရောဂါ ခံစားရပြီး ကျန်မာရေးချို့ ယွင်းလာခဲ့၏။
သူသည် ညပေါင်းများစွာအိပ်စက်ခြင်းမပြုပဲ နေ၏။ ရဟန်းဘ၀မှ လူဝတ်လည်းလိုက်သော်လည်း သူ့ ကျန်းမာရေးမှာ ပိုပြီးကောင်းမလာခဲ့။ အထူးသဖြင့် ငှက်ဖျားရောဂါပျောက်သွားသော်ငြားလည်း စိတ်ဖိစီးမတည်ငြိမ်မှုမှာ ကျန်နေခဲ့၏။
သူ့ အပေါ် လေးစားသူတချို့ က သူ့ ကို ဆေးကုသပေးရန်ကြိုးစားကြ၏။ သူက နည်းအမျိုးမျိုးဖြင့် ငြင်းဆန်၏။ နောက်ပိုင်းတွင် သူ့ အပေါ် အလေးအနက်ထားသူတို့ ကိုပင်လျင် သူက လက်ခံစကားပြောခြင်းမပြုတော့။
ကျနော့်အဖို့ ရာမှာလည်း သူ့ ကို ထိထိရောက်ရောက် ကူညီနိုင်သည့် ဘ၀အခြေအနေမျိုးမဟုတ်။ ကျန်းမာရေးသိသိသာသာချို့ တဲ့လာစဉ် သူသည် ကျနော့်ကိုလည်း အိမ်သို့ မလာရန်တားမြစ်ခဲ့လေသည်။

( ၆ )
၁၉၉၅ ၊ ဖေဖေါ်ဝါရီလ ..။
မာနယ်ပလော ကျဆုံးပြီးနောက် နိုင်ဝင်းဆွေ ကို ထိုင်းနိုင်ငံ နယ်စပ်ကျေးရွာ၊ “ ဖွေးပေါလူ ” ရွာတွင် နောက်ဆုံးအကြိမ်အဖြစ် ကျနော် တွေ့ ခဲ့ရပါသည်။ ထိုစဉ်က စစ်ပြေးဒုက္ခသည် ထောင်ပေါင်းများစွာ ထိုင်းနိုင်ငံအတွင်းပိုင်းသို့  တောတောင်များကိုဖြတ်ကာ ထွက်ပြေးနေကြရချိန်ဖြစ်သည်။ သူ့ ကို ဗိုလ်မှူးချစ်မောင်( ရ လ လ ဖ ) အတွင်းရေးမှူး ခေတ္တတည်းခိုနေသည့်အိမ်တွင် ရောက်နေသည်ဟု ကြားသဖြင့် သွားတွေ့ ခဲ့သည်။ သူက မည်သူ့ ကိုမျှ လက်ခံစကားပြောခြင်းမပြု။ ဘုရားစင်ရှေ့ တွင် တဦးတည်း တိတ်ဆိတ်စွာထိုင်နေသည်ကို တွေ့ ရသည်။ သူ့ မိသားစုနှင့်သူမှာ တကွဲတပြားစီ ဖြစ်နေကြပြီ။ သူ့ ကို ဓါတ်ပုံရိုက်ယူရန်ကြိုးစားကြည့်တော့ သူက ပြင်းပြင်းထန်ထန်ကန့် ကွက်၏။

သူနှင့်တွေ့ ပြီး နှစ်ရက်အကြာ ကျနော်သည်လည်း ထိုင်းနိုင်ငံမြောက်ပိုင်းသို့  တာဝန်နှင့် ထွက်ခွါရ၏။ သူ့ ကို နှုတ်မဆက်ပဲ ခွဲခွါခဲ့ရ၏။
ဖွေးပေါလူရွာမှ ကားကြုံနှင့် ထွက်ခွါလာသည့် ညနေဆည်းဆာအချိန် ကားပေါ်တွင်ထိုင်ရင်း သူ့ အတွက် စိုးရိမ်နေခဲ့မိသည်။ ကျနော့်မှာလည်း တာဝန်အရ ရုံးပိုင်ပစ္စည်းများ၊ ရဲဘော်တချို့ နှင့်အတူ ထိုင်း နယ်ခြားစေါင့်တပ်များကို မျက်ခြေဖြတ်ကာ သက်စွန့် ဆံဖျား ထွက်ခွါလာနေရသဖြင့် သူ့ ကို မည်သို့ မျှ မကူညီနိုင်ခဲ့။ သူကလည်း အကြမ်းဖက်ခေါ်ဆောင်မှသာ လိုက်မည့်ပုံမျိုးဖြစ်နေသဖြင့် မလွှဲသာပဲ ထားခဲ့ရ၏။
ဖွေးပေါလူရွာမှအထွက် ရွာဖက်သို့ ပြန်လှည့်ကြည့်သောအခါ ရွာပေါ်တွင် မီးခိုးများအူလျက်ရှိသည်ကို တွေ့ ခဲ့ရ၏။

( ၇ )
စကားပြောခွက်ကို ပခက်ပေါ်ပြန်တင်ပြီးသည်အထိ ပဒိုမန်းရှာ ၏ စကားသံမှာ နားထဲ၌စွဲနေ၏။ ပဒိုမန်းရှာ၏အသံမှာ ၀မ်းနည်းကြေကွဲနေပုံ ရပါသည်။

ကိုငြိမ်းရေ ဆရာနိုင်ဝင်းဆွေ တော့ ဆုံးရှာပြီဗျာ...” တဲ့။

နိုင်ငံကျော်စာရေးဆရာ ဗိုလ်မှူးချစ်ကောင်း က သူ၏ “ အနှစ် နှစ်ဆယ် ” စာအုပ်အစတွင် “ တိုင်းပြည်အတွက် အနှစ် နှစ်ဆယ်မျှ အလုပ်လုပ်လာပြီးနောက် မိမိကိုယ်မိမ် ကြည့်လိုက်သောအခါ ကြိုးတိုက်ထဲတွင် ရောက်နေသည်ကို တွေ့ ရသည်...” ဟု ရေးခဲ့၏။

ကျနော်တို့ အဖို့ မူ အနှစ် နှစ်ဆယ်မျှ စာပေချစ်စိတ်ဖြင့် အရူးအမူးနေလာကြပြီးနောက် ကိုယ့်ကိုယ်ကို ပြန်ကြည့်လိုက်သောအခါ နိုင်ဝင်းဆွေ က ထိုင်းမြန်မာနယ်စပ် တောအုပ်အတွင်း သေဆုံးခဲ့ရပြီး ကျနော်ကမူ ဥရောပမဲဇာ တွင် သောင်တင်လျက်ရှိသည်ကို တွေ့ ရလေတော့သည်။ ။

(ဒီ ၀တ္ထုဆန်တဲ့ ဆောင်းပါးလေးက နိုင်ဝင်းဆွေ သေဆုံးပြီးနောက် ကျနော့်ရဲ့ သူ့ အပေါ် လွမ်းသခြင်းအနေနဲ့ ရေးတဲ့ ပထမဆုံးစာပါပဲ။ ဒီစာမူကို ၁၉၆၆ ခုနှစ်ထဲမှာ ထုတ်ဝေတဲ့ ဒေါင်းအိုးဝေစာစောင်မှာ ဖေါ်ပြခဲ့ပြီး ကျနော့်ရဲ့ လေးပွင့်နှင်းဆီ စာအုပ်မှာဖေါ်ပြခဲ့ပါတယ်။ )

၁၈ ၊ ၁ ၊၁၉၆၆
ဆန်ဗစ်ကာမြို့ 

October 02, 2009

နွေတည


( ဂ )

ဝေ မရှိသောအခါ၌ ကျနော်တို့ ခြံမှာ အလိုလို ခြောက်ခန်းသွေ့ ရောင်းလာသည်။
တမာရွက်ကြွေများသည် မြေပြင်၌ ရှပ်တိုက် ပြေးနေ၏။ နွေးဦးလေနှင့်အတူ အနီရောင်ဖုန်မှုန့် များသည် အိမ်နံရံကို ပြေးလာကပ်ကြ၏။ အိမ်၏ ခန်းဆီးများသည် အသက်ကင်းမဲ့ သွားကြကာ မလှုပ်မရှားငြိမ်သက် တွေဝေနေ၏။ ဘုရားစင်မှ ပန်းခြောက်များသည် ဖရောင်း ပြယ်စပြုသော ကြမ်းပြင် ပေါ်သို့ တဖွားဖွားကြွေကျနေ၏။ စိတ်ပျက်ငြီးငွေ့ ဖွယ်ရာ ပူးပြင်းသောနေ ရောင် များသည် ခန်းဆီးစများ အပေါ်၌ ငြိမ်သက်စွာ ကျနေကြ၏။


ကျနော်လည်း ဝေသွားသည့် နေ့ စွဲကို ပြက္ခဒိန် ပေါ်တွင် စက်ဝိုင်းတခုဝိုင်းကာ အမှတ်မှဲ့  မှတ်သားထားလိုက် လေသည်။
သွားစ ရက်များက အလုပ်များ အရေးကြီးနေခဲ့သဖြင့် ကျနော်လည်း ဝေ့ ကို သတိရလှသည်မရှိဘဲ အလုပ်အထဲ၌ စိတ်များနစ်မြှုပ်နေခဲ့၏။ ညနေခင်းများတွင် ရစ်ခွေချောင်း တ၀ိုက် ယာခင်းများတဖက်သို့  လမ်းလျှောက်သော အခါ၌သာ ဝေ့ ကိုသတိရလျက် အလိုလိုကြည်နူးစွာ ပြုံးမိသည်။

ဆယ်ရက်ကျော်လာလျှင်မူ သစ်ခိုးမှုများကို ကိုင်တွယ်နေသည့်ကြားမှ ဝေ့ ကို မျှော်မိစပြု လာသည်။
တရက်၌ မြို့ သစ်ကလေးမြို့ ပေါ်သို့  ဆောင်းကြွင်း မိုးများရွာချလိုက်၏။ နောက်ရက်များ၌ အဆွေး ကြွယ်စေသော မိုးသားထုကြီးသည် ကျနော်လမ်းလျှောက်လျှင် ရစ်ခွေချောင်းပြင်နှင့် တောင်ကုန်းကလေးများ အပေါ်၌ လွှမ်းခြုံ ထားလေသည်။ အပူနှင့် ရေခိုးရေငွေ့ ရောသော လေသည် ယာခင်း ကလေးများအပေါ်သို့့ဖြတ်ကျော်ပြေးလာကြ၏။ မြေ နံ့ များသင်းမြလာပြန်သည်။
ရက်ပေါင်းနှစ်ဆယ်မှ ကျော်စပြုလာလျှင် အလုပ်များနေသည့်ကြားတွင် ကျနော့် စိတ်အာရုံ၌ု စိုးရိမ်စိတ်ကလေး တစိတ်တ၀က်သည် ခိုအောင်းစ ပြုလာလေသည်။ စိုးရိမ်စိတ် ကြောင့်ဖြစ်ပေါ်လားသည့် မရေမရာ အတွေးများကို တွေးမိစ ပြုလာသည်။

ခရီးသွားရင်းသူ တခုခု ဖြစ်လို့ လား။
သူ့ အမေ အခြေအနေ ဆိုးလို့ လား။
သူ့ ထံမှ စာတစောင်စောင် ရောက်လာသင့်၏။

သူပြန်လာတော့မည်ဖြစ်၍ စာမရေးခြင်းဘဲဟု တွေးကာ ညနေခင်းများ၌ ကျနော်သည် ရထားသံကို နားထောင်မိစပြုလာသည်။ ကျနော် ညနေခင်းလမ်းလျှောက်လျှင် ဘူတာရုံလမ်း သို့  ပြောင်း၍လျှောက်သည်။ ရထားဆိုက်ချိန်၌ မြင်းလှည်းများသည် လမ်းလျှောက်နေသော ကျနော့် ကို ဖြတ်ကျော်ကာ မြို့ ဘက်ဆီသို့ ပြေးကြလျှင် ကျနော်သည် မြင်းလှည်းတိုင်းကို မသိမသာကြည့်မိ၏။ လမ်းလျှောက်ရာမှ အပြန်လမ်းတွင် စိတ်များကား တွေဝေကာ နေမထိထိုင်မသာ လှုပ်ရှားစ ပြုလာကြပေသည်။

စိုးရိမ်စိတ်သောကများသည်လည်း တရက်ထက်တရက် ပို၍ များပြားလာကြ၏။
ကျနော်သည် မာနဖြင့် တင်းခံ ထားလိုက်၏။ သူ့ ထံသို့ တရက်ပြီးတရက် သူ ရောက်လာမည်ကို မြှော်ရင်း စာမရေးဖြစ်။ သူ့ ထံမှစာ မနက်ဖြန် ရောက်လာမည်ဟု ယုံထား၏။ “သူကမှနေနိုင်သေးတာဘဲ ငါကလဲနေနိုင်တာပေါ့”ဟု ညအိပ်ရာထဲ၌ ကျနော်သည် လည်း ဆုံးဖြတ်နေပြန်သည်။
အိုက်စပ်နေသော ညများတွင် ကျနော်သည် ရှုပ်ပွနေသည့်အိပ်ရာထဲ၌ ပက်လက်လှန်ကာ ကြက်တွန်သံများကို ရေတွက်နေ၏။ ညနက်လာလျှင် အဝေးဆီမှ မီးကင်းသံချောင်းခေါက်သံ များကို မှတ်သားနေပြန်သည်။
လဆုတ်ရက်များ၌ ညများသည် လရောင် အား နည်းကာ မှေးမှိန်လာကြ လေသည်။ ကောင်းကင်၌ ကြယ်ကလေးများသည် ကြည်ပြာရောင်၊ စိန်ရောင်၊ သတ္တုရောင်၊ နေရောင်တဖျတ်ဖျတ် လက်ကြကာ မျက်တောင်ခတ် နေကြ၏။ ကြယ်တပွင့်တလေသည် ကောင်းကင်မှသုတ်ကနဲ ကြွေလာပြီးအိပ်ရာ နံဘေးပြတင်းဝသို့  ခပ်ကြမ်းကြမ်းဝှေ့ ယမ်းပြေး လာသည်လိုပင်။ ဝေရှိစဉ်ကလိုပင် ညမွှေး၊ ဆိပ်ဖလူးနှင့် တမာပန်းရနံ့ များသည်လည်း မွှေးပျံ့ လာသည်။

ကျနော်သည် ဤတိတ်ဆိတ်နေသော ညဥ့်ယံများတွင် ကိုယ့်အသက်ရှူသံကို ရေတွက်ချင် ရေတွက်နေလိုက်သည်။
နေ့ ခင်းများ၌ အိမ်ရှေ့ ခန်း အလုပ်စာပွဲတွင် ရုံးအလုပ်များလုပ်နေရင်း ကျုနော်သည် ဝေဗြုန်းကနဲ ရောက်ချလာသည်ဟု ထင်နေတတ်ပြန်သည်။
ကိုခင်ထွန်းထံမှစာကို ရသည့်နေ့ ကလည်း ကျနော်သည် အလုပ်စာပွဲ၌ ထိုင်းနေရင်း ဝေ့ စာကိုသာ မျှော်နေမိသည်။ ဝေ့စာကား မလားသေး။

ကိုခင်ထွန်း စာကို ဖေါက်ဖတ်မိပြီးလျှင်ထိုစာကိုဖေါက်ဖတ်မိသည့်အတွက် မှားသွားလေပြီကို ကျနော်သည် ဦးနှောက်ဖြင့်သိမှတ်ရလေသည်။

ရင်ထဲ၌ ပူသွားသည်ကို ခံစားရ၏။ စိတ်နှလုံးများကား တုန်လှုပ်ချောက်ချားသွားသည်။ အသက်မရှူဘဲ ရပ်ထားမိ၏။ ပြတင်းနံဘေး ကုလားထိုင်၌နောက်မှီကို အားအင် ကုန်ခန်းစွာ မှီထားလိုက်၏။ မျက်စိကိုမှိတ်ထားလိုက်၏။
မီးအလင်း၊ ပြတင်းဝမှ ၀င်လာသည့် နေရောင်ခြည်အလင်းနှင့် အလင်းရောင် ရိုက်ဟပ်နေသမျှ အရာဝတ္တုအပေါင်းသည် မျက်မြင်အာရုံမှ ပျောက်ကွယ်သွားသည်။
လုပ်လက်စအလုပ်များသည်လည်း တပိုင်းတစဖြင့် ရပ်ဆိုင်းသွားသည်။ စိတ်များသည် အဝေးသို့  ပြေးထွက် သွားကြ၏။

ပြတင်းပမှဝင်လာသည့်လေသည် တပိုင်းလက်စ အစီရင်ခံစာကို တဖျတ်ဖျတ်တိုးဝှေ့ နေသည်။
ကိုခင်ထွန်း၏စာကို မျဉ်းလုံးဖြင့် ဖိထားသဖြင့်စာသည် သူ့ နေရာ၌ မလှုပ်မရှား ငြိမ်သက်နေ၏။
ကျနော်သည် ဖြည်းညှင်းစွာ အသက်ကို ရှူပြီး ရှူသွင်းလိုက်၏။ အသက်ကင်းမဲ့ တိတ်ဆိတ်နေသော ခြံထဲ၌ မိမိ၏ အသက်ရှူသွင်းလိုက်သံကို ကျယ်လောင်စွာကြားရသည်။
စိတ်များသည် မနိုင်မနင်းဖြစ်ကာ ကိုယ်ခန္ဒာ အပြင်ဖက်သို့ ဝေကျလာပြန်သည်။ ကျနော့် လက်သီးများကို ဘယ်အချိန်လောက်က မာကျစ်နေအောင် ဆုပ်ထားလိုက်မိသည် မသိ။
ကိုခင်ထွန်း၏ စာကို စိတ်ထဲမှ တစမကျန် ဖျောက်ဖျောက် ပစ်လိုက်၍ ရနိုင်လျှင် မည်မျှ ကောင်းမွန်မည်နည်း။ သို့ သော်မေ့ထား ဖျောက်ကွယ်ထား၍ ရနိုင်သည်ကားမဟုတ်။
ဤစာသည် အချိန်ကာလ အတိုင်းအတာ မည်မျှ ကြာမြင့်သည်ဖြစ်စေ မိမိ၏စိတ်နှလုံးအိမ်မှ ပျောက်ကွယ်မည် မဟုတ်။ ပျက်ပြယ် မှေးမိန်မည်မဟုတ်။
ကျနော်သည် သတိမထားမိဘဲ သက်ပြင်းများ ချလိုက်ပြန်သည်။

သူငယ်ချင်းကိုိကို
မင်းဒို့ ဆီဘာပြုလို့ စာမရေးတာလဲ၊ ဒို့ ဟာအချစ်ဆုံး သူငယ်ချင်း၊ အကောင်းမွန်ဆုံး မိတ်ဆွေတွေဘဲ၊ သိန်းဆွေကြီးကလဲမင်းသူ့ ဆီကို စာမရေးလို့ အပြစ်တင်နေတယ်၊ ကိုယ်လဲ သထုံဘက်ကို ပြောင်းရတော့မယ်။
ထားပါတော့...
ကိုယ်ရေးချင်တာက မင်းရဲ့ ဝေကို အမြန်ဆုံးပြန်ခေါ်ထားဖို့ ဘဲ သူငယ်ချင်း၊ မင်းရဲ့ ဝေက ဒို့ ဆီကိုတော့လာမလယ်ဘူး၊ မင်းဘာပြုလို့ ကောင်မလေးကို တယောက်ထဲ ပြန်လွှတ်ရတာလဲသူငယ်ချင်း၊ အပျိုကလေးတယောက်ထဲ ခရီးသွား တာထက် အိမ်ထောင်သည် အမျိုးသမီး တယောက်ထဲ ခရီးမသွားဘို့ က ပိုပီး အရေးကြီးတယ် ကိုကို။
ကိုယ်ဘာမှမရေးချင်ဘူး။
ဒီစာရရခြင်း ကောင်မလေးကို ပြန်ခေါ်ထားပါ။
နောက်မှ စာသတ်သတ် တစောင် ရေးအုံးမယ်။
ပြောင်းဘို့ ရွှေ့ ဘို့ စီစဉ်နေဆဲမိုိ့ ဒီစာကို အရေးတကြီး ကောက်ရေးလိုက်ရတာဘဲသူငယ်ချင်း။
မရွှေလဲ နေကောင်းပါတယ်။

သတိရစွာဖြင့်
ချစ်စွာသော
ခင်ထွန်း

စိတ်အာရုံ၌ ထိုစာလုံးများသည် အလိုလိုစီပြီး ပေါ်လာနေသည်။ စက္ကန့် ပိုင်း၌သောက အတွေးများသည် အခုမှတခုသို့ တဖျတ်ဖျတ်ပျံ သန်းနေ၏။ မှိတ်ထားသော မျက်စိထဲ၌ စပါးစက်ခေါင်းတိုင်မှ မီးခိုးများ ကောင်းကင်သို့ လူတက်သွားနေသည်ကိုမြင်နေပြန်သည်။ စက်ဥသြဆွဲသံ သံရှည်သည် နားအူစရာ ပေါ်လ်ာကြ ပြန်သည်။ စက်ခုတ် မောင်းနေသံ များသည် တဂျောင်းဂျောင်းညံနေကြ၏။ စက်ထည့်ထားသည့် အရုပ်များလို အလုပ်သမားများ သည် တနေရာမှတနေရာသို့  ရွှေ့ ပြောင်းလှုပ်ရှားနေကြ၏။
စပါးစက်။
အခြေအနေမဲ့ အလုပ်သမားများ၏ ယိုင်ရွဲ့ နေသောတဲတန်းလျားများ။
လူမျိုးစုံ၊ အကျင့်စရိတ္တ မျိုးစုံရောထွေးနေသော ဤ ရေကြည်ရာ မြက်နုရာ လျှောက်လိုက် အလုပ်သမားများ။
လက်ရန်းမဲ့ တံတာကလေး။
အလုပ်သမားများ လျှောက်သွားလျှင် တံတားကလေးသည် ပုခက်လို လှုပ်ယမ်းနေ၏။ တံတားကလေး အောက်မှ ချောင်း၌ရေမရှိ။ လတာ ခရောင်းများသည် မဲပုပ်ရောင် ညစ်မှိုင်းကာ ပပ်ကြားအက်ကြီးများ အက်ကွဲနေ၏။
စိတ်အာရုံ၌ မျက်နှာသွယ်သွယ်၊ မျက်ခုံး ကောင်းကောင်း၊ အသားညိုစိမ့်စိမ့်၊ အင်္ကျီပါးပါး လှပ်လှပ်ဝတ်ကာ ရမက်ဖြင့် ရီဝေနေတတ်သည့် ညှို့ မျက်လုံးများ ရှိသော ဝေ့  အမေ၏ မျက်နှာသည် ဖျတ်ကနဲပေါ်လာပြန်သည်။
ဝေ့ အမေသည် ငယ်စဉ်က အငြိမ့်သမဖြစ်၏။ လင်ပေါင်းစုံပြောင်းလဲခဲ့၏။ သူ၏ ယောက်ျားများနှင့် ဒူးတင်ပေါင်တင်အကျင့်၊ ပရောပရီ နေတတ်ပုံ တို့ သည် နုနယ် လှသေးသော ဝေ့ အတွက် စံပြနမူနာများဖြစ်ခဲ့၏။ ယောက်ျား တယောက်နှင့် ဖြစ်ပျက်လိုက်ရသည်မှာ မဆန်း ဟူသောအယူအဆသည် ဝေ့ အသဲနှလုံး၌ နုနယ်လှသော အရွယ်ကလေး ကတည်းကပင် အမြစ်တွယ်ခဲ့သည်။

ကိုယ်ဘာမှ မရေးချင်ဘူး၊ မရေးချင်ဘူး၊ မရေးချင်ဘူး။

ကိုခင်ထွန်း၏စာမှ စာပိုဒ်တပိုဒ်သည် ရှုပ်ထွေး နေသော ကျနော့် စ်ိတ်အာရုံ၌ ပေါ်လာပြန်လေသည်။ ထို ( မရေးချင်ဘူး ) ဟူသည့်မှန်နိုင်လွန်ကားနောက်ဖက်မှ ဇတ်လမ်း ကားချပ်ငယ်များသည် လှစ်ကနဲလှစ်ကနဲ ပေါ်လာနေသည်။ သံသယများသည် တခုနှင့်တခု ရှက်လိမ်သွားကြ၏။ သံသယ အပေါင်းသည် အပြောကျယ်လှသော ပင်လယ်ကြီး ဖြစ်သွား၏။
သံသယ လှိုင်းလုံးကြီးများသည် ကမ်းခြေသို့  ပြေးဆောင့်ကာ အဟန့် အတားတခုခုနှင့် တွေ့ လျှင် ၀ုန်းကနဲ အရှိ်န်ပြင်းစွာ ဆောင့်ထိုးချလိုက်သည်.။
ကျနော်သည်တောင့်မခံနိုင်တော့သဖြင့် ကုလားထိုင် နောက်မှီအပေါ်၌ ပို၍ပင်းပန်လှစွာ ခြေပစ်လက်ပစ်လှဲမှီလိုက်၏။
ကားသမား ကိုတင်စ်ိန်ကိုလည်း သတိရလာပြန်သည်။ ကိုတင်စိန်ကား မိန်းမမှုပေါင်း များစွာဖြင့် ရှုပ်ထွေး ပွေလိမ်နေသူ။

ခုအချိန်တွင် ဝေ ဘယ်ဆီမှာ ရောက်နေမလဲ။
ဝေသည်အလုပ်သမားတန်းလျားတခု အခန်းကျဉ်း ကလေးထဲတွင် ကိုယ်တ၀က်ပေါ် နေသော မှန်ရှေ့ ၌ အလှချယ်နေမည်။
နှုတ်ခမ်းနီဆိုးသောအခါ သူ၏ တပ်မက်ဖွယ်ရာ နှုတ်ခမ်း ကျဉ်းကလေးကို တပ်မက်ဖို့ ကောင်းရုံ စေ့စေ့ ကလေး ဟထားသည်။
နှုတ်ခမ်းကလေးများကား ရမက်ဖြင့်စိုစွတ်လာလေသည်။
ထိုစဉ်၌ အခန်းဝသို့ လျှောက်လာသည့် လူတယောက်၏ အရိပ်သည် မှန်ထဲတွင် ပေါ်လာလေသည်။
ဝေသည် သာသာဖြည်းဖြည်း လှည့်ကြည့်လိုက်ပြီး မျက်လုံးကလေးကိုထောင့်ကပ်ထားလိုက်သည်။ နှုတ်ခမ်းတဖက်သည် မထီတရီ တွန့် သွား၏။ ဝေ့ မျက်လုံးများသည် ရမက်ဖြင့် ရီဝေ လာကြလေသည်။
ခဏကလေးနေလျှင် ဤအခန်းကျဉ်းထဲမှ ဗလုံးဗထွေး အသံများ၊ တပ်မက်စွာသက်ပြင်းချသံများနှင့်အတူ ဝေ၏ခိုးခိုးခစ်ခစ်ရယ်လိုက်သံကလေးသည်လည်း အပြင်ဘက်လက်ရန်းမဲ့ တံတားကလေးအထိ လျှံလာလေသည်။
ဖျတ်ကနဲ ညအချိန် ပြောင်းသွားသည်။
ညမှောင်ပျပျထဲ၌ လက်ရန်းမဲ့ တံတားကလေးပေါ်တွင် ဝေသည် ဖြည်းဖြည်းလျှောက်နေ၏။ ဝေ၏ထမီစသည် လေသုတ်သဖြင့်အသားနှင့် ကပ်နေသည်။ တံတားကလေးသည် ယိမ်းခါလှုပ်ရှားနေ၏။ ဝေသည်တံတားအလယ်၌ အသက်အောင့်ပြီး ငြိမ်သက်စွာ ရပ်လိုက်လေသည်။
တဦးဦးသည် မှောင်ပျပျတွင် တံတားတဖက်မှ သွက်သွက်လျှောက်လာသဖြင့် တံတားသည် ပြန်၍ လှုပ်လာပြန်သည်။
အနားသို့ ရောက်လျှင် သူသည် ဝေ့ ကိုယ်လုံးကျစ်ကျစ် ကလေးကို အငမ်းမရဖက်တွယ်လိုက်၏။ အမှောင်ထဲ၌ သူ့ လက်များသည် ဝေ့ တကိုယ်လုံး၌ အပ်ချစရာ နေရာမကျန်အောင် ဖျစ်ညှစ်နေ၏။ သူ့ နှုတ်ခမ်းများသည် အငမ်းမရ ပြေးလွှားရှာဖွေနေသည်။
ဝေသည် မောပန်းလာပြီး အသက်ကို ခိုးရှူလိုက်သည်။
“တိုးတိုးလေ ဆရာ” ဟုဝေက အနိုင်နိုင်ပြောနေသည်။
တခြား တညသို့ ပြောင်းသွားပြန်သည်။

နက်မှောင်နေသည့် အထဲတွင် စပါးဂိုဒေါင် ထောင့်၌ ဝေသည် မွေးပွသဘက်ကလေးခြုံကာ ငြိမ်သက်စွာ ရပ်နေသည်။ ဝေသည် မောပန်းစွာ အသက်ရှူ၏။ ဝေ့ရင်အုံမှာ တဇတ်ဇတ်ခုန်နေသည်။ ထိုနေရာ၌ အခြားလူရိပ်တခု ရောက်လာပြန်သည်။

“ဘယ်သူလဲ”
“ကိုပေါ့ကွယ်”
“စောင့်လိုက်ရတာလေ သေချင်တာဘဲ”
“သိပ်ညစ်ပတ်တဲ့လူ”

လူရိပ်နှစ်ခုသည် တသားတည်း ပူးကပ်သွား၏။ လက်များဖြင့် အငမ်းမရ ပွေ့ ဖက်လိုက်ကြ၏။
“မောတယ်ကွယ်”ဟု အတန်ကြာလျှင် ဝေသည် စပါးဂိုဒေါင်ထောင့်ဘက် သံမံတလင်းပေါ်မှာ အိပ်နေရာမှ မထသေးဘဲ ပြောနေ၏။ ဝေ၏တောက်ပသော မျက်လုံးမျုားသည်ကောင်းကင်လယ်မှ ကြယ်ကလေးများကို ရေတွတ်နေသည်။
ကောင်းကင်၌ တိမ်တိုက်တခုသည် မောပန်းနွမ်းလျစွာဖြင့် ရွေ့ လျားနေလေသည်။
တညတို့ ကူးပြောင်းသွားသည်။

ထိုညတွင်ဝေ့ ပထွေးသည် အခန်းထဲသို့  ခြေဖွနင်းပြီင်္းဖြေးဖြေးဝင်လာသည်။ သူ့ မျက်နှာမှာ အဆီများ ဝေ့နေသည်။ သူသည် အိပ်မောကျနေသော ဝေ့နံဘေးရှိ မီးခွက်ကို မှုတ်လိုက်၏။ ဝေ့နံဘေး၌ ရင်ခုန်စွာ လဲလျောင်းလိုက်၏။ အခန်းကလေးထဲတွင် ပို၍ မှောင်သွားသည်။
တိုးတိုး ညည်းညည်း စုတ်သပ်နေသံ ပေါ်လာသည်။ မောလျစွာ အသက်ရှူသံများ ကြားရသည်၊ ရန်ခုန်သံများ ဆူပွတ်လာပြန်လေသည်။

ကျနော်ကား ဤအနိဋ္ဌာရုံ အတွေးများကို ရပ်တန့့်လိုက်ချင်လေသည်။ အချိန်ပေါင်းများစွာ ကုန်ခန်း နေသော်လည်း အနိဋ္ဌာရုံ အတွေးစများသည် တခုကိုတခု လိုက်၍ဆက်နေကြဆဲဖြစ်၏။ ကျနော်သည် နေရာမှ မရွေ့ လျား မလှုပ်ရှားမိသေး။
ပြတင်းဝသို့ တင်လာနေသော နေခြည်စွယ်များသည် တစတစ နိမ့်လျောကျသွား၏။ ငြိမ်သက်နေသော ခြံထဲ်၌ အမှောင်ရိပ်များ ခိုလာကြလေသည်။ အိမ်၏ အရိပ်သည်ပို၍ ရှည်ထွက်လာသည်။
ကျနော်သည် နေရာမှ ၀ုန်းကနဲ ထရပ်လိုက်၏။
ကိုခင်ထွန်း၏ စာကို ကောက်ကိုင်လိုက်ပြီး ဖြဲဆုတ်လိုက်၏။ အစိတ်စိတ် အမွှာမွှာဖြစ်ရုံဖြင့် မကျေနပ်သေးဘဲ အမှုန့် ဖြစ်လောက်အောင် ဆုတ်ဖြဲပြန်သည်။ စာရွက်ကလေးများအပေါ်၌ စာတလုံးမျှင်ပင် မကျန်နိုင်တော့ပေ။
ကျနော်သည် လက်ထဲတွင် အချိန်ကြာမြင့်လှစွာ အညှိုးကြီးလှစွာဖြင့် ဆုပ်ကိုင်ထားပြီး ပြတင်းဝမှ အပြင်ဘက်သို့ လှမ်းပေါက်လိုက်၏။
လေထဲ စာရွက်ကလေးများသည်၌ သောကနဲ ၀ဲပျံ့ သွားကြသည်။ လေနှင့်အတူ မြေပြင်ပေါ်၌ ရှပ်တိုက် ပြေးလွှားကြ၏။ သစ်ရွက်ခြောက်ကလေးများကို ဝှေ့ လာသည့် လေ၀ဲကန်တော့တခုသည် အ်ိမ်နံဘေးသို့  ရောက်လာပြီး စာရွက်စုက်ကလေးများကို ၀ဲလှည့်စုတ်ယူသွားကာ အိမ်နှင့်ဝေးရာသို့  သယ်ဆောင်သွားနေသည်။

ကိုခင်ထွန်းကား အကျီစားသန်သူ ဖြစ်၍ သူကျီစားလိုက်ခြင်းသာ ဖြစ်ပါလိမ့်မည်ဟု တွေးပြန်သောအခါ ကျနော့်ရင်မှာ ရုတ်တရက်ကြည်လင်သွားပြန်သည်။ စိတ်အာရုံများသည် ရုတ်တရက် အခြားတဆင့်သို့ ကူးပြောင်းသွားသည်။
ချက်ခြင်းပင် ကျနော်သည် ဝေ၏ ခလေးဆံသော ရိုးသားဖြူစင်သော မျက်နှာကလေးကို မြင်နေပြန်သည်။ ဝေ၏ မသိနားမလည်တတ်သော ရိုးသားစင်ကြယ်သည့် အကြည့်ကလေးများကား နှစ်ခြိက်ဖွယ်ရာ ဖြစ်ပေသည်။
ဤနေ့ တွင်ကား ကျနော့် စိတ်များသည် ရှုပ်ထွေးလာလိုက်၊ ကြည်လင်လာလိုက်၊ ပြန်၍ ရှုပ်တွေးလာလိုက်။
အမှောင်ရိပ်များ ပို၍ ဆိုင်းလာသည်အထိ ကျနော်သည် ပြတင်းဝ၌ ရပ်နေခဲ့လေသည်။
ယခုကား ကိုခင်ထွန်း၏ စာကား မရှိတော့။
သို့ သော် စာရွက်ပေါ်မှ စာလုံးများသည် အသဲနှလုံးပေါ်သို့  ကူးပြောင်းသွားကြလေသည်။
ည၌ ကျနော်သည် အိပ်ရာထဲတွင် အိပ်ပျော်ရန် မကြိုးစားတော့ပေ။ အတွေးများဖြင့် စိတ်အာရုံသည် ရှုပ်ပွနေ၏။
ညများ၌ ကျနော်သည် ပြတင်းတံခါးများ အားလုံးကို ပိတ်ကာ အမှောင်ထဲ၌ ငြိမ်သက်နေခဲ့လေသည်။
နေ့ များ၌ ဝေ့ ဓာတ်ပုံကို မကြည့်ချင်တော့သဖြင့် မှောက်ထားလိုက်၏။
ကျနော်သည် အလုပ်၌ စိတ်ဝင်စားရန် ကြိုးပမ်းကြည့်နေပြန်သည်။
ဤရက်များ၌ ကျနော့် နှလုံးသားပေါ်သို့ ကျသည့် အမဲစက်သည် ပို၍ပို၍ ကျယ်ပြန့် လာ၏။ ကြာလေ မဲညစ်လာလေ။ ပို၍ ကြာလာသောအခါ အမဲစက်များကား ဖျောက်၍ဖျက်၍မရနိုင်တော့။
ကျနော်သည် ဝေပြန်မလာမီ အလုပ်မှထွက်ပြီး မြို့ သစ်ကလေးမှ ထွက်ခွာသွားနှင့်ရန်ပင် တွေးတောလာမိခဲ့သည်။
ဝေ ပြန် ရောက်လာခဲ့လျှင် မည်သို့  ရင်ဆိုင် ရမည်ကိုလည်းတေွးမရ။ ဤရက်များအတွင်း မိမိ၏ စိတ်နှလုံးသားဝယ် မှောင်လိုက်၊ လင်းလိုက်၊ ကြည်လိုက်၊ လက်လိုက်၊ မဋိပက္ခများနှင့် အရောရောအထွေးထွေး၊ ဘာရယ်လို့ ပီပီသသ မဆုံးဖြတ်နိုင်။

အာရုံထွေပြား
စိတ်ရထားလျှင်
အပြင် နှင်လျက်
မြစ်ပြင်လှိုင်းကြား
ကမ်းပါးနက်စောက်
ထက်အောက်ဗြောင်းဆန်
မှောက်လှန်ရှုပ်ထွေး
အတွေးမပြတ်၊ စိတ်မပြတ်နှင့်....

ကျနော်သည် ဝေ့ ထံမှ စာရောက်လာပြီး စာကိုဖောက်ဖတ်ပြီးသည်အထိ ဘာမျှ ရေရာမှုမရှိသေး။
ဝေ့ စာကို ဖောက်ဖတ်လိုက်သည့် ညနေကလည်း ကိုခင်ထွန်း စာကို ဖောက်ဖတ်လိုက်သည့် စာပွဲ၌ ထိုင်လျက်ပင်။ ညနေသည်ငြိမ်သက်တိတ်ဆိတ်နေခဲ့၏။ အရာရာသည် ခြောက်ခန်း နွမ်းရော်နေခဲ့လျက်ပင်။
ဝေသည် ဤစာကလေးတစောင်ကို ကြိုးပမ်းရေးရပေသည်ဟူ၍ကား တွေးနေခဲ့မိသည်။ ဝေသည် စာကို မရေးတတ် ရေးတတ်နှင့် ရေးလိုက်၏။ ခဲတံကို ကြောက်ကြောက် ရွံ့ရွံ့ကိုင်ရဟန်ဖြင့် စာလုံးကလေးများသည် မညီမညာ တွန့် နေ၏။ ၀စ္စပေါက်များကို ထည့်ချင်သည့်နေရာ ထည့်လိုက်၏။

ကိုကို
ကိုးရက်နေ့ လာကြို့ နော်၊ ကိုကို လာမကြို့ ရင် ငိုမှာဘဲ၊ စာတွေ ရေးစရာ အများကြီး၊ ခင်ဝေ မရေးတတ်ဖူး၊ သူများတွေလဲ ရေးမခိုင်းချင်ဘူး။

“ကိုးရက်နေ့ ဆိုတာ မနက်ဖြန်ဘဲ”
မနက်ဖြန် ရထားဖြင့် ဝေပါလာတော့မည်။ ဝေ့ ကိုသွားမကြိုဘဲ နေလိုက်မလား။ ဝေ့ ကိုစွန့် ပစ်ပြီး ထွက်ပြေးသွားနှင့်မလား။ ဝေနှင့် သွားပြီး တွေ့ ဆုံလိုက်ရမလား။
ဝေ့ စာနှင့် ပတ်သက်၍ ကျနော်သည် မိမိနှင့် မပတ်သက်သလိုပင်။ ဝေသည်လည်း ကျနော်နှင့်မပတ်သက်ဟုပင် စိတ်၌ ခံစားနေရပြန်သည်။ ဝေ့ ကို ကျနော်မပိုင်ဆိုင်။ လူတယောက်က လူတယောက်ကို ပိုင်ဆိုင်လိုခြင်းသည် တရား နည်းလမ်းလည်းမကျ။ စင်စစ် တွင်ကား အိမ်ထောင်ကျသည် ဆိုသည်မှာလည်း ဖြစ်ရိုးဖြစ်စဉ်ကလေး။ အိမ်ထောင်တခုပြို့ ကွဲ သွားသည် ဆိုသည်မှာလည်း ဖြစ်ရိုး ဖြစ်စဉ်ကလေး။ ဘ၀သည်ပင် သင်္ခါရပေတကား။
ကျနော့် စိတ်များကား ထုန်ထိုင်းကာ ငြိမ်သက် နေကြပေသည်။ ညအိပ်ရာထဲတွင် ဝေရောက်လာမည်ကို တွေးနေမိသော်လည်း စိတ်၌ မည်သို့ မျှ မခံစားရတော့ပြန်ပေ။

နောက်နေ့ ညနေတွင် ဝေ့ ကိုသွားကြိုမည်ဟုမဆုံးဖြတ်ဘဲနှင့် တစုံတရာရာက ကြိုးဆွဲသဖြင့် ကနေရသလိုပင် ကျနော်သည် အေးစက်တည်ငြိမ်သော နှလုံးသားဖြင့် ဘူတာသို့  ရောက်လာခဲ့ပြန်သည်။
ဘူတာရုံတွင်လည်း ဝေသွား စဉ်က ဝေ့ ကို လိုက်အပို့ ကျနော်တို့ ထိုင်ခဲ့သော ဘန်ဒါပင် အောက် စင်္ကြ အလွန်ခုံတန်းလျားပေါ် တယောက်ထီးတည်းထိုင်မိပြန်သည်။
ဝေသွားစဉ်က ရွက်ဝါများ တသဲသဲကြွေနေခဲ့သော ဘန်ဒါပင်သည် ဝေ့ ကိုကျနော် ကြိုနေသည့် ညနေတွင်ကား ရွက်နုစိမ်းကလေးများ ဝေနေသည်။

ဝေ၏အသွားအပြန်ကြား၌ အချိန် များသည် သူ့ အကန့် နှင့်သူ ခြားခဲ့လေပြီဟု ကျနော်တွေးမိပြန်သည်။
ဝေသွားစဉ်က နွေးဦးရောက်စ၊ ယခုကား နွေသည်လည်း ရင့်ရော်ညောင်းကာ ပူပြင်းလာနေပေပြီ။
ဆည်းဆာတိမ်များသည်လည်း ပို၍ တောက်နေ၏၊ အရှေ့ ဘက်ဝေးဝေးမှ တောင်တန်းကြီးများကားမှိုင်းဆို့ နေမြဲပင်။
ခုအချိန်၌ ဤတောင်တန်းကြီးများပေါ်သို့ ဝေစီးလာမည့် ရထားရောက်လာနေလောက်ပြီ။
ဘူတာရုံဘက်မှ “ရထားနာရီဝက် နောက်ကျတယ်”ဟူ၍ပြောသံကို အမှတ်မထင်ကြားမိသည်။
အချိန်အတန်ကြာ သွားပြီး “ရထားလာနေပြီ” ဟူ၍ လူတယောက်ယောက်က ၀မ်းသာအားရ အော်ပြောသံ ကိုလည်းကျနော်သည် အမှတ်မထင်ဖြစ်နေပြန်သည်။
ဝေကျနော့် ကမ္ဘာကလေးသို့ ပြန်လာရာ၌ စီးနင်းလာခဲ့သော ရထားသည် အဝေးတောင်ကုန်းကွေ့ များကြားမှ ပေါ်လာလေသည်။
ရထားခေါင်းကို ဝေးဝေးတွင် လှမ်းမြင်ရသည်။ ရထားသည် မီးခိုးတန်းရှည်ကြီးကိုမှုတ်ထုတ်လိုက်၏။ နှုတ်ဆက်သံရှည် ဥသြကို အဝေးကတည်းက ဆွဲလာသည်။
ဘူတာရုံ၌ ခရီးသည်များ ခရီးကြိုများသည် ပျားပန်းခတ်လှုပ်ရှားသွား၏။ စင်္ကြံတွင် ဘူတာ အလုပ်သမား များသည်ကုန်တင်ကုန်ချ လှည်းများကို တဂျောင်းဂျောင်း တွန်းသွားကြ၏။ ကျနော်လည်း စင်္ကြံသို့ လျှောက်သွားပြီး စင်္ကြံရှေ့ တွင် ရပ်တန့် လိုက်လေသည်။

ကျနော်သည် ဝေ့ ကိုတွေ့ ရန် စိတ်အားမသန်မိဘဲ ဝေနှင့်တွေ့ လျှင်ဘယ်လို နှုတ်ဆက် ခေါ်ပြောရမည်ကိုသာ စဉ်းစားနေခဲ့သည်။ ဝေ့ ကိုပြုံးပြလိုက်မည်ဟု တွေးတော ထားလိုက်၏။
ရုပ်ရှင်ပြဇာတ်များထဲတွင် သရုပ်ဆောင် ကြသလိုပေါ့၊ ဒါသည်ပြုံးနေရမည့်အခန်းပေတကား။ ပြုံးရာ၌ မျက်နှာ အကြောများတင်းမနေစေရန် အရေးကြီးသည်ဟု တွေးမိပြန်သည်။ ကိုခင်ထွန်းစာကိုစိတ်ထဲမှ ဖျောက်ထားနိုင်ရန်သည် အရေး အကြီးဆုံး။

ဝေသည် ကျနော့်ကို သူဘာမျှမဖြစ်ခဲ့သလို ဟန်ဆောင်ကာဖုံးကွယ်လျက် ဆက်ဆံတော့မည်။ ထိုသို့  ဆက်ဆံသည်ကို ကျနော်ကလည်း မသိချင်ယောင် ဆောင်ထားရမည်။
ထို့ နောက် ရှေ့ ဆက်၍ မည်သို့ ဖြစ်ပျက်ကြဦးမည်ကိုမည်သူမျှကြိုတင်၍ သိထားနိုင်မည်မဟုတ်။ ထိုအရာများကားကံတရား အတိုင်းသာ ဖြစ်ပေါ်လာရပေတော့မည်။

ရထားသည် ဘူတာရှေ့ စင်္ကြံတွင်ညင်သာစွာ ထိုးရပ်လိုက်၏။ဆူညံ့လှုပ်ရှားသံ၊ အော်ဟစ်သံ၊ ပျော်ရွှင်စွာနှုတ်ဆက်ကြ၍ ပစ္စည်းပစ္စယချသံ၊ စကားအော်ပြောသံ၊ မြင်းလှည်းသမားများ၏ ခရီးသည်ခေါ်သံ။ ဘူတာရှေ့ ၌ လူအုပ်ကြီးသည် လှိုင်းလုံးကြီးဖြစ် သွားကာ လှုပ်ရှားနေ၏။
ဝေ့ ကိုလှမ်းမြင်ရလေသည်။
ဝေသည် အလယ်တွဲတွင် ပြတင်းတခုမှ ကိုယ်တပိုင်းထွက်ပြနေသည်။ ဝေ၏ ကျစ်မြီးထုံးဆံပင်သည်ရင်အုံ့ ပေါ်၌ ၀ဲနေ၏။ ဝေ၏ အင်္ကျီအနီသည် တောက်နေ၏။ ဝေ့ မျက်လုံးသည် လူအုပ်ကြီး အနှံ့ အပြားကို ရှောက်ကြည့်နေ၏။
သူက ကျနော့်ကို မမြင်သေးမီ ကျနော်သည် သူ့ ကိုကြည့်ငေးနေမိ၏။ သူတကယ်ပြန်လာပြီဟု စိတ်ထဲ၌ တွေးနေမိပြန်သည်။

ဤညနေမှာ ကျနော့် အတွက် အိပ်မက်တခုလိုပင်။ သူ့ ကိုတကယ်မြင်တွေ့ နေရသည်မှာလည်း အိပ်မက်ထဲ၌ တွေ့ နေရသလို ထင်မိပြန်သည်။ သူကျနော့်ကို မြင်လျှင် မြင်ခြင်း ကျနော်ပြုံးပြလိုက်ရမည်ဟု အစောက အတွေးများ ပြန်ပေါ်လာပြန်သည်။

ကျနော်သည် သူ့ တွဲဘက်သို့ သွက်သွက် လျှောက် သွားကာ ပြတင်းဘောင် အောက်ဖက်တွင် ရပ်လိုက်လေသည်။ ကျနော်သူ့ ကိုပြုံးပြလိုက်သည် ထင်သည်။
သူသည် ပြုံးလိုက်ကာ၊ ပါးကလေး ခွက်သွားသည် အထိပြုံးလိုက်ကာ သူ့ အထုပ်အပိုးများကို သွက်လက်စွာ ချပေးသည်။ သူသည်ပြတင်းဝမှပင် လွှားကနဲခုန်ချလိုက်၏။ အောက်သို့ ရောက်လျှင် သူ့ ပစ္စည်းများကို ကမန်းကတမ်း ကောက်ထည့်သည်။

“ကိုကိုစာရတယ်မို့ လား၊ ကိုကိုတို့ များ နေရက်တယ်၊ သူ့ စာရမှ ပြန်လာရမယ်ဆိုရင် ဒီတသက် မြို့ သစ်ကလေးကို ပြန်လာရတော့မှာ မဟုတ်ဖူး၊ သိပ်ရက်စက်တယ်”

သူကတတွက်တွက်ပြောကာ ကျနော်လည်း ခေါင်း တဆတ်ဆတ် ညိတ်ပြီးပြုံးသည်၊ ကျနော်သည်သူ့ ကိုစကား ပြန်မပြောမိ။ ပြောရန်စကားစသည်လည်းမရှိ။

ကျနော်တို့ သည် မြင်းလှည်းတစီးပေါ်တွင် ထိုင်ကာ အတူတကွ ပြန်လာခဲ့ကြပြန်လေပြီ။
ဤညနေတွင် ဝေ့ ကိုကြိုပြီး မြင်းလှည်းပေါ်၌ ဝေနှင့် ကျနော်တို့ အတူထိုင်လာခဲ့ကြပုံကို ပန်းချီကားတချပ် အဖြစ်ဖြင့်ရေးချယ်လျှင် လွင်နေသော ဆေးရောင်များဖြင့် ခြယ်မှုန်း၍ရမည်မဟုတ်။ ညို့ မှိုင်းမှိုင်း ညစ်ထိုင်းထိုင်း အရောင်များကို ထူထပ်စွာသုံးကာ မပီမသစုတ်ချက်မှုန်းရလိမ့်မည် ထင်သည်။

ဝေသည် ကျနော့် အနား၌ ယှဉ်လျက်ရှိပါ၏။ ဝေ၏တပ်မက်ဖွယ်ရာ ကိုယ်လုံးကလေးသည်လည်းကျနော့် ကိုပူးကပ်လျက် ရှိပါသည်။ ဝေ့ လက်ကလေးတဖက်က ကျနော့် ပေါင်ပေါ်သို့ တင်ထားသည်။ မြင်းလှည်း ချိုင့်ခွက်ထဲကျလျှင် ဝေသည် ကျနော့် ဖက်သို့ ယိမ်းလာသည်။
ထိုသို့ ဖြစ်သော်လည်း ကျနော့် စိတ်နှလုံးသားများကား အေးစက် ငြိမ်သက်နေလျက်အပင်။
လမ်းတွင် ဝေသည် ယခင်ကာလများက အတိုင်းအပင် အပြောမပျက်၊ အရယ်မပျက်၊ ပုံစံမပြောင်း၊ ဝေသည် ကျနော့်ကိုယခင်ကလိုပင် ယူဆနေခဲ့၏။ ဝေနှင့်ကျနော်တို့ စိတ်နှလုံးသားချင်း ဝေးကွာသွားခဲ့ကြပြီကို သိသေးဟန်လည်းမတူ။

မြင်းလှည်း ဈေးကို ဖြတ်ကျော်ချိန်တွင် ကျနော်သည်ဈေးထဲ၌ ဝေ သ၀န်တိုပြီး ကျောင်းဆရာမလေးတဦးကို စော်ကားခဲ့ပုံ သတိရလာပြန်သည်။
ဝေသည်လည်း ထိုအဖြစ်ကို သတိရသွားဟန်တူ၏။
ဝေသည် ကျနော့်မျက်နှာကို စူးစိုက်ကြည့်ကာ ̒ ကိုကို ဟိုဆရာမလေးကိုသွားပြီးချော့နေသလား ̓ ဟု မေးနေ၏။
ဝေသည် ကျနော့် ထံမှ စာများကို မျှော် နေ ပုံ လည်းပြောသည်။ ဤမျှ ရက်ပေါင်းများစွာ ကြာပါလျက် သူ့ ထံသို့  စာတစောင်တောင် ရေးဖော်မရဟု ကျနော့် ကို အပြစ်များစွာတင်သည်။ ကျနော့် ကို ဆရာမလေးနှင့် စွဲချက်တင်ပြီး ထုချေခိုင်းပြန်သည်။
ကျနော်လည်း နာကျင်စွာဖြင့် တချက် “ဟက်” ကနဲ ရယ်လိုက်မိလေသည်။ ထိုအကြောင်းနှင့် ပတ်သက်ပြီး ကျနော် သည် သူ့ ကို တခွန်းမျှမပြော။ သူ ဘာကြောင့် ငါးရက်ဆိုပြီး တလခွဲကြာနေရသည်ကိုလည်း ကျနော်သည် မမေး။ ကျနော့် အတွက်ကား မေးရန်လည်း မလိုအပ်ဟုယုံကြည်သည်။
ကျနော့်သည် သူ့ ကိုပြန်မပြောဘဲ မျက်နှာကို တဖက်သို့ လှည့်လိုက်လေသည်။ တောင်ကုန်းများတဖက်ရှိ ရစ်ခွေချောင်း တ၀ိုက်တွင် ညို့ ပျနေသည်မှာ စိတ်မကြည်လင်စရာ မြင်ကွင်းကြီးဟု စိတ်၌ ထင်နေပြန်သည်။ အနောက်ဖက်၌ ညနေဆည်းဆာတိမ်တောင်ပုံသည် လည်း အနီရောင် လွန်ကဲကာ အပူရောင်များချည်း လွှမ်းနေ၏။ မြင်ရသည်တို့ မှာ စိမ်းစိမ်းစိုစို လန်းလန်းဆန်းဆန်း ဟူ၍လည်းမရှိ။
သူသည် ကျနော့်ကျောကို ရုတ်တရက် ထုလိုက်လေသည်။ ကျနော့် ပုခုံးကို ဆွဲလှည့်လိုက်၏။
ကျနော်ကား ပြုံးလျက်သားနှင့်ပင် သူနှင့် မျက်နှာချင်းဆိုင်နေပြန်သည်။ သူသည် ကျနော့် မျက်နှာကို စိုက်ကြည့်နေ၏။

“ကိုက်ို ဘာဖြစ်နေတာလဲဟင်” ဟု သူက အဆက်မပြတ်မေးသည်။
“ဘာမှ မဖြစ်ပါဘူး”
“မဟုတ်ဖူး ဖြစ်နေပါတယ်”
“တကယ်ပါ ဝေရယ် ကို ဘာမှ မဖြစ်ပါဘူး”
“မဟုတ်ဖူး ဖြစ်တယ် ဖြစ်တယ်၊ ခု အထိလေ ကိုကိုက ခင်ဝေ ငါးရက်ဆိုပီးသွားတာ ဘာပြုလို့  ဒါလောက် ကြာရတာလဲလို့ မမေးသေးဘူး၊ ကိုကို အဲဒါကို မကျေနပ်တာမှုတ်လားဟင်”
“အိုကျေနပ်ပါတယ်၊ မိဖဆီ သွားတာဘဲ ဝေ အပျော်သွားတာမှ မဟုတ်ဘဲကွယ်၊ ပီးတော့ ကိုကလဲကိုလိုက်မလာ နိုင်ခဲ့တာ ဝေ့ က်ို ဝေဘယ်လို ကျေနပ်အောင် တောင်းပန် ရမလဲလို့ စဉ်းစားနေတာပါ”
“ မဟုတ်ပါဘူး၊ ကိုကို လိမ်တာပါ၊ ကိုကို တခုခုဖြစ်နေပါတယ်၊ ခင်ဝေ သိတယ်နော်”

သူ့ မျက်နှာပေါ်မှ အပြုံးရိပ်များသည် ဖြည်းဖြည်းချင်းမှိန်လိုက်လာနေသည်။ သူ့ မျက်လုံးအိမ်မူ မျက်ရည်များ တစတစ ၀ဲလာနေသည်။

ထိုမျက်ရည်များကို တကယ် ၀မ်းနည်း၍ ၀ဲလာသော မျက်ရည်များဟု ကျနော်သည် မယုံကြည်နိုင်တော့ပေ။
ကျနော်သည် မိမိ၏စိတ်နှလုံးသားကို ပြန်၍ စစ်ဆေးကြည့်နေမိ၏။ ကျနော်သည် ခုအချိန်မှ နူးညံပျော့ပျောင်း သွားပြီလား၊ ကျနော့် ရင်ထဲမှ အစိုင်အခဲများ ကြေမွကုန်ကြပြီလား။
ဤ အစိုင်အခဲများကား ပို၍ ကြီးမားလာနေသည်ဟု ထင်ရလေသည်။ ပို၍ မို့ မောက်မြင့်တက်လာ၏။ သူလိမ်နိုင်သမျှ လိမ်ပါစေဟု စိတ်ဖြင့် ပြောနေမိလေသည်။

“ ငိုပြလိုက်အုံးလေ” ဟု စိတ်က ပြောနေမိပြန်သည်။

“ကိုကို ခင်ဝေ့ ကို စ်ိတ်ဆိုးနေတာလားဟင်” ဟု သူသည် မေးနေ၏။

သူသည် သူ့ လက်တဖက်ဖြင့် ကျနော့် လက်ကို တင်းကျပ်စွာဆုပ်ကိုင်ထားသည်။ သူ့  လက်များကြမ်းထော်လာသည်ကို သတိထားလိုက်မိလေသည်။ သူသည် ဤရက်များ အတွင်း၌ စပါးစက်ထဲတွင် အလုပ်ကြမ်း လုပ်လာခဲ့သည်ကို သူက ထုတ်မပြောဘဲနှင့် ကျနော် သိနေမိ၏။
လက်ကလေးကို အမှတ်မထင် ဆုပ်ကိုင်နေမိစဉ်၌ ကျနော်သည် သူ စပါးစက်ထဲတွင် နေပူပူ၌ ပြေးလွှား လှုပ်ရှားနေပုံကို စိတ်ကူးပုံ ဖမ်းနေမိပြန်သည်။

သူသည် ထမီကို ခြေသလုံးသားပေါ်အောင် ၀တ်ထား၏။ စပါးတောင်းကို ခေါင်းပေါ်ရွက်ပြီးလျှောက်သွားသည်။ သူ့ နဖူးမှ ချွေးများ စီးကျလာကြသည်။ သူ့ မျက်လုံးထဲသို့  ချွေးများ စီးဝင်နေသည်။ သူသည် မျက်တောင်များကို သုတ်သုတ်ခတ်ပြီး ချွေးမ၀င်စေရန် ကာကွယ်သည်။ သူ့ ဆံပင်များသည် နဖူးပေါ်သို့ ဝဲကျပြီး ရှုပ်ထွေးနေ၏။ သူ့  အင်္ကျီနောက်ကျောမှာ ချွေးများနစ်နေကာ ကျေနှင့် ကပ်နေသည်။
သူသည် စက်ဝသို့ အ၀င်၌ တာလီစာရေးကို လှမ်းပြီး“ခင်ဝေ ငါးဆယ့်သုံးခေါက်နော်” ဟု အော်ပြောသွားသည်။
စက်ထဲတွင် အလုပ်သမားများ အလုပ်သမများသည် ပျားပန်းခတ် လှုပ်ရှားနေ၏။
စက်သံသည် တဂျိုင်းဂျိုင်း ဆူညံနေ၏။ ဇလားတွင်ဆန်များ တဝေါဝေါကျလာလေသည်။
ကောင်းကင်သို့ စက်ခေါင်းတိုင်မှ မီးခိုးများ လူတက်သွားသည်.။ ကောင်းကင်တိမ်နှင့် မီးခိုးများသည် တွန့် လိမ်ရောရှက်သွား၏။
စက်ဝသို့  ဝေသည် စပါးတောင်းခွံ ခါးစောင်းတင်ပြီးအခြား အလုပ်သမားများနှင့်အတူ တိုးထွက်လာသည်။ ဝေသည် ခေါင်းမှ ပုဆိုးစုတ်ကို ဖြေယူပြီး မျက်နှာကို သုတ်နေသည်။

“ခင်ဝေ စက်ထဲမှာ အလုပ်လုပ်သေးတယ်၊ အမေ့အတွက် ဆေးဘိုးဝါးခ ငွေမရှိတာနဲ့၊ ကိုကို့ ဆီလဲ မမှာချင်ဘူး၊ ငွေစုမိအောင်လို့ လေ၊ ခု လခကော စုမိရဲ့ လားကိုကို” ဟု မြင်းလှည်းပေါ်တွင် ဝေသည် ကျနော့်ကို ခပ်တိုးတိုးမေးနေ၏။
“စက်ထဲမှာလုပ်တော့ ကောင်မတွေက ခင်ဝေ့ကို လင်ကပစ်လိုက်တယ်လို့ ထင်နေကြတယ်၊ ဒါနဲ့ ခင်ဝေလဲ သူတို့ နဲ့ အလောင်းအစားလုပ်တာပေါ့၊ ကိုကို လေး ငါးရက်ကြာရင် စာလှမ်းရေးရမယ်၊ ခင်ဝေ စာပြန်မရေးရင် ဒိုင်းဆို ကိုကိုပေါက်ချလာရမယ်၊ ဒါနဲ့ အလုပ်လုပ်ရင်း နေ့ တိုင်း ကိုက်ို့ ကိုမျှော်နေတာ၊ ကိုကို့ စာကို မျှော်ရတာကော၊ ကိုကို စာလှမ်းရေးမှာလို့  ခင်ဝေယုံတယ်။ ကိုကို စာမလာရင် မပြန်တော့ဘူးလို့ ။ ကိုကို ဒီလိုနေရက်မှာ မဟုတ်ဖူးလို့ ၊ နောက်တော့ သေမယ့်ကိစ္စတောင် ခင်ဝေ မသွားတော့ဘူး။ သိပ် စိတ်ဆင်းရဲရတာဘဲ။ အမေကလဲ မပြန်နဲ့ အုံးလို့ တားတားနေတာ။ ကိုကိုကတော့ဒီမှာ ပျော်နေမှာပေါ့လေ။ လွဲပါစေ ဖယ်ပါစေ။ တကယ်လို့ များကိုကိုနဲ့ ခင်ဝေနဲ့  တကယ်ကွဲကြလို့  ခင်ဝေစက်ထဲ ပြန်ရောက်သွားရင် ဘယ်လောက်နှုတ်ခမ်းမဲ့ ကြမလဲမသိဘူး။ ဘယ်လောက် စိတ်ဆင်းရဲလိုက်ရမလဲနော်”

ကျနော်သည်လည်း ဝေ့ လိုပင် တကယ်လို့ များ ဝေနှင့်ကျနော်တို့ ကွဲကြရင်ဟု တွေးနေပြန်သည်။
အနာဂတ်ကာလကား ရေရာမှု မရှိနိုင်တော့ပြီဟု တွေးကာ ကျနော်သည် စိတ်နှလုံးသား၌ ထိခိုက် နာကျင်လာမိပြန်သည်။ ကိုခင်ထွန်းကြီးက ဝေ အနေအထိုင် မတတ်သည်ကို အထင်မှားခြင်းသာ ဖြစ်ပါစေဟု ကျနော်သည် ကျိတ်ပြီး ဆုတောင်း နေမိ၏။
ဝေသည် သူ့ မိတ်ဆွေဟောင်းများကို အခါတိုင်းကလိုပင် ရင်နှီးခင်မင်သဖြင့် ခလေးစိတ်တ၀က်ဖြင့် မဆင်မခြင် ရောရောနှောနှော နေခြင်းသာ ဖြစ်ပါလိမ့်မည်။
ဝေ့ လက်ကလေးကို ကိုင်ထားရင်း ဝေနှင့်ကျနော့် ကြား၌အပတ်ပတ်ရစ်နှောင်ခဲ့သော သံယောဇဉ်ကြိုးမျှင်များကိုကျနော်သည် တွေ့ ထိနေရ၏။ သံယောဇဉ်ကြိုးများသည် မိမိ၏ နှလုံးသည်းအိမ်၌ တင်းကျပ်စွာမြဲခိုင်စွာ ချည်နှောင် ထားလျက်ရှိ၏။
ကျနော်သည် ဝေ့မျက်နှာကလေးကို စူးစိုက်ကြည့်နေပြန်မိသည်။ ကျနော့်အမြင်၌ ဝေ့ မျက်နှာ ကလေးသည် ဖြူစင်မွန်မြတ်နေလျက်ပင်။ မျက်လုံးကလေးများသည် မသိနားမလည်နိုင်သော ခလေးစိတ်ကလေးဖြင့် တလက်လက် တောက်ပနေလျက်ပင်။

သူကား ဘာမျှမသိ။ ကျနော့် ရင်ထဲ၌ ဖြစ်ပေါ်နေသည်တို့ ကိုမသိ။ ကျနော့် စိတ်နှလုံးအိမ်၌ နာကျင်နေသည်ကိုလည်းမသိ။

“ဘာလို့ အလုပ်လုပ်ရတာလဲ၊ လူအထင် သေးတာပေါ့။ ငွေလိုရင် မှာလိုက်ဖို့ ကောင်းတာပေါ့ကွယ်။ ကိုဖြစ်သလိုရှာပေးမှာပေါ့ ဝေ” ဟု ကျနော်သည်လည်း သူ့  ကိုပြန်ပြောလာခဲ့သည်။

နိုင်ဝငိးဆွေ


October 01, 2009

လွမ်းလိုက်ရတာ “နိုင်ဝင်းဆွေ”ရာ .....


(က)

ရုရှားစာရေးဆရာ “အီလျာ အာရင်ဘတ်” ဟာ “သူ့ဘ၀မှာ အနည်းဆုံး (၃)ကြိမ်လောက်အထိ သေမိန့်ကျခံထိုက် တဲ့လူ” လို့ ဝေဖန်ခဲ့ကြဖူးပါတယ်။ “အာရင်ဘတ်” ရဲ့ ဘ၀ဇာတ်လမ်းအပြောင်းအလဲတွေကလည်း များမှများ။ စာရေးဆရာ “နိုင်ဝင်းဆွေ” လည်း အာရင်ဘတ်လိုပုဂ္ဂိုလ်မျိုးပဲလား။


“နိုင်ဝင်းဆွေ” ရဲ့ ပုံနှိပ်မဖော်ပြရသေးတဲ့ ၀တ္ထုတိုအသစ်တချို့ကို ကျနော်ဖတ်ရဖူးတယ်။ ၁၉၉၂-ခုနှစ်ထဲမှာ “တောမှော်ရုံ တက္ကသိုလ်” ကို ကျနော်ရောက်လာတော့ “နိုင်ဝင်းဆွေ” နဲ့ ကျနော်ပြန်တွေ့ရတယ်။ ၁၉၇၇-ခုနှစ်လောက်ကတည်းက သူနဲ့ ကျနော် လူချင်းမတွေ့ခဲ့ရတာ။ နှစ်ပေါင်း (၁၅)နှစ် ကြာပြီးမှ ပြန်တွေ့ကြတော့ လက်ရှိအနေအထားမှာ ဘ၀ချင်းလည်းတူ၊ စာပေ သမားချင်းလည်းတူတော့ ဟို ... “မိုးကြိုမုန်တိုင်း” စာအုပ်ထွက်ကာစတုန်းက သူနဲ့ကျနော် စိတ်ဝမ်းကွဲခဲ့ကြတာတွေက အလိုလို မှေးမှိန်ကုန်ကြရတော့တာပေါ့။
သူနဲ့ကျနော် ပြန်တွေ့ကြတော့ သူက “သစ္စာ” မဂ္ဂဇင်းကို ဦးစီးပြီး ထုတ်ဝေနေတဲ့အချိန်။ သူ့မှာ ရဲဘော်ရဲဘက် အသစ်တွေ ၀ိုင်းဝိုင်းလည်နေတဲ့အချိန်။ တနေ့ သူခေတ္တ သင်္ကန်းစီးရဟန်းဘောင်ဝင်နေတဲ့အခိုက်၊ ရဟန်းပျိုသမဂ္ဂကုန်းတော် ပေါ်ကအဆင်း၊ မယ်တုက္ခီစမ်းချောင်းဘေးမှာ ကျနော့်ကဗျာအပိုင်းတစ စာရွက်ကလေးကိုတွေ့သတဲ့။ နောက်တနေ့မှာ ကျနော့်ကဗျာတပိုင်းတစ စာရွက်ကလေးကိုပြပြီး သူ့ရဲ့ “သစ္စာ” မဂ္ဂဇင်းမှာ ကဗျာစာတည်းဝင်လုပ်ပေးဖို့ ပြောလာတော့တာပဲ။ ဒီတုန်းက ကျနော်က “တောမှော်ရုံ တက္ကသိုလ်” ကို ရောက်ကာစ။ ပြီးတော့ သူလို အင်မတန်ထက်မြက်ကျော်ကြားလှတဲ့ စာရေးဆရာတယောက်ကိုမှီပြီး ကိုယ်နေရာရဖို့၊ ကိုယ်နာမည်ကြီးဖို့လုပ်နေတယ်ဆိုတဲ့ ဝေဖန်သံကိုလည်း မခံနိုင်လို့ သူ့ကမ်းလှမ်းချက်ကို ကျနော်ပယ်ခဲ့ပါတယ်။
“တောမှော်ရုံ တက္ကသိုလ်” ကို ရောက်ကာစ “သစ္စာ” မဂ္ဂဇင်းမှာပါတဲ့ သူ့ဆောင်းပါးတွေ၊ သူ့ရဲ့ ၀တ္ထုတို (၆)ပုဒ်။ ဒါတွေက ကျနော့်အတွက် အသစ်တွေဖြစ်နေတော့ အငမ်းမရ ဖတ်ခဲ့ရတာပေါ့။ သူ့ဝတ္ထုတိုလေးတွေက သူ့ရဲ့ “ပန်ဆန်း”မှာ နေခဲ့ထိုင်ခဲ့ရတဲ့ ဘ၀တွေကို အခြေခံထားတာဖြစ်တော့၊ သူ့သမိုင်း သူ့ဖြတ်သန်းမှုတွေကို အဲဒီဝတ္ထုတွေထဲကပဲ ကျနော်က နှိုက်ယူခဲ့ရတာပဲ။ သူ့ရဲ့ “စပယ်တောစံအိမ်” အကြောင်း၊ အဲဒီဝတ္ထုတိုတွေထဲကပဲ ကျနော် ထိတွေ့ခဲ့ရတာပဲ။ ၀မ်းနည်းဖို့ကောင်းတာက သူ့ရဲ့ အဲဒီ လက်ရေးစာမူ ၀တ္ထုတို(၆)ပုဒ်ကို ကျနော်က ပထမအကြမ်းဖျင်းဖတ်တယ်၊ ပြီးတော့မှ အချိန်ယူပြီး သေသေချာချာဖတ်မယ်ဆိုပြီး (သူကလည်း ခဏ ခဏ ပြန်ပြန်တောင်းနေလို့) အဲဒီစာမူတွေ သူ့ကိုပြန်အပ်လိုက်တာ၊ သူက မမျှော်လင့်ပဲ ကျန်းမာရေးချို့တဲ့၊ “တောမှော်ရုံ တက္ကသိုလ်” ကလည်း ကျဆုံးလိုက်တော့ နောက်ထပ်တခါထပ်ဖတ်ဖို့ရည်ရွယ်ထားတဲ့ ကျနော့်စိတ်ကူး ပျက်ခဲ့ရ တာပေါ့။ ပိုဆိုးတာက သူ့ရဲ့ အဲဒီပုံမနှိပ်ရသေးတဲ့ ၀တ္ထုတိုစာမူ (၆)ခုဟာ၊ ကဗျာဆရာမ “မိဆူးပွင့်” ဆီမှာလိုလို၊ ကဗျာဆရာ “တိုက်အောင်” ဆီမှာလိုလို၊ သူ့ဇနီး “ဒေါ်ဂျုံ” ဆီမှာလိုလိုနဲ့ အခုထက်ထိ ပျောက်ကွယ်သွားခဲ့ရပါတယ်။ ဒီလို သူ့စာမူတွေ ပျောက်ဆုံးကုန်တော့မှ သူ့တန်ဘိုးကို ကျနော်ပိုပြီး နားလည်မိတယ်။ အဲဒီ ပျောက်ဆုံးသွားတဲ့ ၀တ္ထုတိုစာမူ (၆)ခုဟာ၊ သူ့ရဲ့ နာမည်ကျော်ကြားလှတဲ့ “ဘ၀စာမျက်နှာများ” ၀တ္ထုတိုတွေထက်ပိုပြီး ရသမြောက်တဲ့ စာမူတွေပါ။ မြန်မာ စာပေနယ်ပယ်မှာ ဘယ်တော့မှဖယ်လို့မရတဲ့ အဖိုးတန် ရသစာမူတွေအဖြစ် အခိုင်အမာပြောရဲတဲ့စာမူတွေ။ အခုတော့ .. ။
စာရေးဆရာ “နိုင်ဝင်းဆွေ” နဲ့ ကျနော်၊ ခြံစည်းရိုးသာခြားတဲ့ ခြံတခုစီမှာ (၂)နှစ်ကျော် နေခဲ့ရတယ်။ ၁၉၉၂-၁၉၉၄၊ မာနယ်ပလော ... ။ ဒါပေမယ့် သူနဲ့ကျနော် အချိန်တော်တော်ကြာအောင်ထိုင်ပြီး စကားပြောခဲ့ရတာတော့ နည်းပါတယ်။ သူ့မှာ တခြားဧည့်သည်တွေများတာရယ်၊ ရဟန်းဘောင်ဝင်ပြီး တရားအားထုတ်တာရယ်၊ ကျန်းမာရေးမကောင်းတာကြောင့် သူနဲ့ကျနော် ကြမ်းတပြေးထဲထိုင်ပြီး စကားပြောရတဲ့အချိန် နည်းပါးခဲ့ရတာပါ။ ဒီတော့ကာ သူဘာတွေစိတ်ဝင်စားနေတယ်၊ သူဘာတွေ တွေးနေ တယ်၊ သူဘာတွေ ရေးနေတယ်ဆိုတာ တခြားသူတွေ သိထားသလောက်ပဲ ကျနော်သိခဲ့ရတာပါ။ သူ့ရဲ့ ပျောက်ဆုံးနေစဲဖြစ်တဲ့ “သုံးဖက်မြင်စစ်တမ်း”နဲ့ သူ့ဝတ္ထုတို (၆)ပုဒ် ...။ ဘယ်သူ့ဆီမှာ လက်ဝယ် သိမ်းဆီးထားနိုင်ခဲ့သလဲ။ ဒါတွေဟာ သူ့အတွက်လည်း အရေးကြီးသလို တိုင်းပြည်အတွက်၊ စာပေနယ်ပယ်အတွက် အင်မတန် အရေးကြီးတဲ့ တန်ဘိုးကြီးပစ္စည်းတွေပါ။
ပထမ ... ဆရာ “နိုင်ဝင်းဆွေ” ရဲ့ဇနီး “ဒေါ်ဂျုံ” ... ။ “ဒေါ်ဂျုံ” ဆီမှာများ သူ့စာတွေ လက်ရေးစာမူတွေ လက်ဝယ်ရှိနေခဲ့ သလား။ “မာနယ်ပလော” ကို န၀တစစ်တပ်နဲ့ ဒီကေဘီအေတပ်တွေသိမ်းတော့ “နိုင်ဝင်းဆွေ” နဲ့ “ဒေါ်ဂျုံ” ဟာ၊ မုန်တိုင်းထဲက ကျေးမောင်နှံလို တကွဲတပြားစီဖြစ်ခဲ့ပါတယ်။ “နိုင်ဝင်းဆွေ” ကို ကျနော် နောက်ဆုံးမြင်တွေ့ခဲ့ရတဲ့နေရာဟာ ရက်ပိုင်းအတွင်း လူသူကင်းမဲ့သွားတော့မယ့် “ပဟေလူ” ရွာကလေးမှာပါ။ စစ်ပြေးဒုက္ခသည်တွေ ထောင်သောင်းချီပြီး ထိုင်းနိုင်ငံအတွင်းပိုင်း ဒေသ အသီးသီးကို ဆက်လက်ထွက်မပြေးနိုင်ခင်၊ ခေတ္တစုဝေးခဲ့ကြတဲ့ ရွာကလေးပါ။ “နိုင်ဝင်းဆွေ” ကို၊ အိမ်တအိမ်ရဲ့အိမ်ရှေ့ခန်း၊ ဘုရားခန်းရှေ့မှာ တရားထိုင်နေတာကို ကျနော်တွေ့ခဲ့ရပါတယ်။ အဲဒီအိမ်ထဲမှာ လူတွေဝင်လိုက်ထွက်လိုက်၊ လမ်းပေါ်မှာလူတွေ အားလုံး ကိုယ့်အပူနဲ့ကိုယ်။ ဒါဟာ “နိုင်ဝင်းဆွေ” ကို ကျနော်နောက်ဆုံး သက်ရှိထင်ရှားတွေ့ခဲ့ နှုတ်ဆက်ခဲ့ရတဲ့ မြင်ကွင်းပါ။
ဒိနောက်ပိုင်း “နိုင်ဝင်းဆွေ” သေဆုံးသွားပြီလို့ အခိုင်အမာယူဆရမယ့်သတင်း၊ “ဒေါ်ဂျုံ” က တဦးတည်းသော သားကလေး “မောင်ဆန်း” ကို လက်ကဆွဲပြီး “၀” ဒေသကို ပြန်သွားပြီဆိုတဲ့သတင်း။ နိုင်ဝင်းဆွေရဲ့ စာမူတွေဟာ “ဒေါ်ဂျုံ” ဆီမှာ လိုလ၊ို ကဗျာဆရာ “တိုက်အောင်” ဆီမှာလိုလိုသတင်းကို ကျနော်ရခဲ့ပါတယ်။ ဒီလိုနဲ့ ကိုယ်ကလည်း ဘ၀ရပ်တည်ရေး တည်ငြိမ် ဖို့ ကြိုးစားရင်းက “နိုင်ဝင်းဆွေ” ရဲ့ ရတနာသိုက်စာမူတွေကို စုံစမ်းနေရင်းမှာပဲ ကဗျာဆရာ “တိုက်အောင်” က၊ ကျနော် လက်လှမ်းမမှီတဲ့နေရာတနေရာမှာ သေဆုံးခဲ့ရတယ်။ ဒါနဲ့ပဲ မျှော်လင့်ချက်တခုတည်းသာရှိတဲ့ “ဒေါ်ဂျုံ” နဲ့ ဆက်သွယ်နိုင်ဖို့ ကြိုးစားတုန်း “ဒေါ်ဂျုံ” ကလည်း သေဆုံးရပြန်တယ် (၂၀၀၅-ခု)။ ကြံရာမရတဲ့အဆုံး ကဗျာဆရာမ “မိဆူးပွင့်” ၊ ကဗျာဆရာ “မောင်လွမ်းဏီ” တို့ဆီ စုံစမ်း ပြန်တော့ သူတို့ဆီမှာလည်း သူ့စာမူတွေမရှိ။ အခုတော့ “နိုင်ဝင်းဆွေ” ရဲ့ စာမူတွေ အမှန်တကယ် ပျောက်ဆုံးကုန်ကြရပြီလို့ပဲ ယူဆရပါတော့မယ်။

(ခ)

“နိုင်ဝင်းဆွေ” ရဲ့ ၀တ္ထုတွေဟာ ကျနော့်အဖို့တော့ တကယ့်ကို ယစ်မူးစရာတွေချည်းပါပဲ။ ဒီကနေ့အထိလည်း လူငယ် လူကြီး ဘယ်သူ့ကိုမဆို သူ့ဝတ္ထုတွေပေးဖတ်ရ၊ ညွှန်းရနဲ့ ဘယ်တော့မှ လေးနက်မှုလျော့မှာမဟုတ်ပါဘူး။ သူ့ဘ၀ကို ကျနော် သိပ်ပြီး မသိပါဘူး။ သူဘယ်မှာမွေး၊ သူ့မိဘတွေက ဘယ်သူ၊ သူဘယ်မှာကြီးပြင်းပြီး ဘယ်လိုဖြတ်သန်းခဲ့ရတယ်ဆိုတာကိုလည်း သူတကာသိသလောက်ပဲ ကျနော်သိခဲ့ရတာပါ။ ဒါပေမယ့် “နိုင်ဝင်းဆွေ” နဲ့ ပတ်သက်တဲ့ “အလွမ်းပုံပြင်” တွေကတော့ တထမ်းကြီးရှိပါတယ်။ တခါတုန်းကများ... ဇေယျဝတီမြို့လေးရဲ့၊ ဘူတာရုံစင်္ကြန်လမ်းပေါ်မှာ အမျိုးသမီးတယောက်ကို လက်ညှိုးထိုးပြီး “အဲဒါ နိုင်ဝင်းဆွေရဲ့ ကွဲသွားတဲ့မိန်းမပေါ့” ဆိုတဲ့ မ်ိတ်ဆွေတယောက်ရဲ့စကားက ကျနော့်နားထဲမှာ မထွက်တော့ပါဘူး။ စင်္ကြန်လမ်းပေါ်မှာ တွေတွေလေးရပ်နေတဲ့ အဲဒီအမျိုးသမီးလေးရဲ့လက်ရှိဘ၀ကို တစိပ်တပိုင်းသိထားတဲ့ ကျနော့်မှာ သက်ပြင်းတွေ ချပြီးရင်းချခဲ့မိပါတယ်။ အဲဒီ မိန်းကလေးဟာ သူ့ရဲ့ “နွေတည” ၀တ္ထုထဲက “ခင်ဝေ” ဆိုတဲ့ ကောင်မလေးများ ဖြစ်နေမလား။ ပြီးတော့ တောင်ဥက္ကလာပ နှင်းဆီခြံလေးထဲ မျက်နှာတပြုံးပြုံးနဲ့ လမ်းလျှောက်လာနေတဲ့ “နိုင်ဝင်းဆွေ” ။ “ပန်ဆန်း” ကို ချီတက် သွားတဲ့ “နိုင်ဝင်ဆွေ” ။ “ပန်ဆန်း” မှာလည်း နိုင်ငံရေးအယူအဆပေါ်မူတည်ပြီး သေဒဏ်ကျခံခဲ့ရတယ်ဆိုတဲ့ မရေရာတဲ့သတင်း။ ဒိနောက်ပိုင်း “မာနယ်ပလော” မှော်ရုံတောကို ဆက်လက်ချီင်္တက်ခန်း။ ငယ်စဉ်တုန်းက ဇာတ်ဆရာဖြစ်ချင်လွန်းတဲ့ သူ့ဘ၀ရဲ့ အခန်းတွေကလည်း တကယ့်ကို ဇာတ်ဆန်လှပါတယ်။ မာနယ်ပလော ရောက်လို့ ကျနော်နဲ့တွေ့တော့ စာပေကလပ် ဒု-ဥက္ကဌ။ တဲကလေးတလုံးဘေး၊ မယ်တုက္ခီစမ်းချောင်းဘေး၊ ငြုပ်၊ ဗူး၊ ခရမ်းစိုက်ခင်းထဲက ပေါက်တူးကိုင်ပြီးရပ်နေတဲ့ “နိုင်ဝင်းဆွေ” ... ။
သူနဲ့ မခွဲခွါခင်က၊ သူနဲ့ကျနော် စကားကောင်းကောင်းပြောလို့ရသေးတဲ့၊ ကျန်းမာရေးကောင်းစဉ်က၊ သူ့ကို ..၀တ္ထုတွေ ကိုပဲ စေါက်ချပြီးရေးဖို့ အကြိမ်ကြိမ်တိုက်တွန်းခဲ့မိတယ်။ သူ့ကို ကျနော်က စာရေးဆရာတယောက်ပဲ ဖြစ်စေချင်တယ်။ သူ့ဆီက “ရွှေဥ” တွေကိုပဲ ကျနော်တောင့်တခဲ့တယ်။ သူကလည်း “မဟူရာမေတ္တာ” လို၊ လုံးချင်းဝတ္ထုရှည်ကြီးတပုဒ်ရေးမယ်ဆိုပြီး ဆုံးဖြတ်ခဲ့တာပဲ။ ပန်ဆန်းအတွေ့အကြုံအပေါ် အခြေခံမယ်လို့ ပြောထားတာပဲ။ “မဟူရာမေတ္တာ” မရေးခင်က၊ စိတ်တည်ငြိမ်မှု တည်ဆောက်ယူခဲ့သလို အခုလည်း စိတ်တည်ငြိမ်မှုတည်ဆောက်ရဦးမယ်ဆိုပြီး ရဟန်းဘောင်ဝင်လိုက်တာပဲ။ ဒါပေမယ့် ကျန်းမာ ရေးချို့တဲ့လာလိုက်တာ စစ်ပူတဲ့ အချိန်အထိ။ မာနယ်ပလော ရဲ့ ပါတ်ဝန်းကျင်တခွင်တပြင်လုံး လက်နက်ကြီးပစ်ခတ်သံတွေ ဆူညံလာတဲ့အချိန်အထိ။ သူနဲ့ကျနော် ခွဲခွါလိုက်ရတဲ့ အချိန် အထိ။ လူ့ဘ၀ကို စွန့်ခွါသွားရတဲ့ အချိန်အထိ။
ကျနော် သူ့လို အင်မတန်လက်ရာမြောက်တဲ့ ၀တ္ထုတွေမရေးတတ်ပါဘူး။ ရေးနိုင်စွမ်းလည်း မရှိသလို၊ ရေးဖို့အခြေအနေ လည်း မရှိတဲ့ဘ၀ပါ။ ဒါပေမယ့် သူ့ကို ကျနော် တချိန်လုံး ရူးသွပ်နေမိတော့ သူနဲ့ပတ်သက်တဲ့ အလွမ်းစာလေးတွေ မကြာခဏ ရေးခဲ့တယ်။ အလွမ်းပြေလိုပြေငြားပေါ့။ အခုတော့ အလွမ်းမပြေတဲ့အပြင် အလွမ်းပင်တွေပဲ ထပ်ထပ်ပြီး ပေါက်နေတော့တာပဲ “နိုင်ဝင်းဆွေ”ရေ ... ။


( ၁၉၉၅ခုနှစ်၊ ဖေဖော်ဝါရီလရဲ့ နေ့ရက်များအတွင်း သေဆုံးသွားခဲ့ပြီလို့ ယူဆရတဲ့ စာရေးဆရာ “နိုင်ဝင်းဆွေ” (၁၃)နှစ်မြောက် အမှတ်တရ )

( ဒီဆောင်းပါးက ၂၀၀၈ ခုနှစ်ထဲ မဇျိမ နဲ့  ကျနော့်ဘလော့မှာ တင်ခဲ့ပြီးတဲ့စာမူပါ။နိုင်ဝင်းဆွေ ရဲ့ နွေတည ကို တင်ဆက်နေတုန်း
သူ့ ကို သတိရဂုဏ်ပြုတဲ့အနေနဲ့ ပြန်လည် တင်လိုက်တာပါ။ ထိပ်မှာတင်ထားတဲ့ ဓါတ်ပုံကတော့ မာနယ်ပလော၊ဆရာနိုင်ဝင်းဆွေ
နေခဲ့တဲ့ အိမ်ကလေးနဲ့ အနီးဆုံးမှာရှိတဲ့ လမ်းဆုံက ဒေါ်အောင်ဆန်းစုကြည်လမ်း ဆိုင်းပုဒ်ကလေးဖြစ်ပါတယ်၊အလွမ်းပြေအနေနဲ့ 
ဖေါ်ပြပေးလိုက်တာပါ။)

ငြိမ်းဝေ