December 15, 2009

ရွာတဲ့မိုးနဲ့ ခံတဲ့အိုး

ကွယ်လွန်သူ ကဗျာဆရာ မောင်ချောနွယ်က “မောင်ချောနွယ်အတု” ဆိုပြီး ကဗျာစာအုပ်တအုပ် ထုတ်ခဲ့ပါတယ်။ မောင်ချောနွယ်အစစ်က မောင်ချောနွယ်အတုတယောက်ဖန်တီးပြီး ကဗျာဖတ်သူကို စကားပြောတဲ့သဘောပဲပေါ့။ ဟုတ်ပါတယ်။ ကဗျာဆိုတာက အစစ်ကိုတုပရတဲ့ အနုပညာပစ္စည်းပါ။

လူ့ ဘဝအစစ်အမှန်ကနေပြီး ရောင်ပြန်ဟပ်ထားတဲ့ ဘဝရဲ့ အရိပ်၊ ကိုယ်ပွါးတခုပါပဲ။ ဒါကို ကဗျာဆရာက အတုကို အတုမှန်းမသိရအောင် အစစ်လိုပဲ ခံစားလက်ခံလာရအောင်၊ ကဗျာဖတ်သူရဲ့ရင်ထဲ အနက်ရှိုင်းဆုံးအထိရောက်အောင် ဥပမာ၊ ဥပမေယျတွေသုံးပြီး တင်စားချက်တွေသုံးပြီး ပြောတဲ့နည်းပါ။ ဒီနေရာမှာ ကဗျာဆရာက အစွန်းတွေကို လွတ်အောင်ရှောင်နိုင်လေ ကဗျာက ပိုပြီးရသမြောက် ထိချက်ပြင်းလေလေပါပဲ။
အစွန်းတွေက်ို ပြောပါဆိုရင် အလွန်အကျူးထိန်ဝှက်လွန်းတာမျိုး နဲ့ အလွန်ရိုးအလွန်းတာမျိုးတွေကို ပြောတာပါ။ ဒါတွေကို ကဗျာဆရာက အပိုအလိုမရှိ၊ တနည်းအားဖြင့်မဇ္ဈိမ ပဋိပဋာကျအောင်ဖွဲ့ ရင် အဲဒီကဗျာဟာ ထိရောက်အောင်မြင်လာရမှာပါပဲ။

ကျနော်တို့ နိုင်ငံမှာ ခေတ်ပေါ်ကဗျာရယ်လို့ ပေါ်ပေါက်လာတာ ၁၉၇၀ လောက်ကစပြီးရေတွက်မယ်ဆိုရင် နှစ်(၃၀)ကျော်ပါပြီ။ ခုဆိုရင် ခေတ်ပေါ်လွန်ဆိုတာတွေလည်း ရှိနေပါပြီ။ ဒါပေမယ့် ကြုံကြိုက်လို့ ပြောစရာလေးတခုတော့ ပြောလိုက်ချင်ပါသေးတယ်။ စာရေးဆရာအောင်သင်းနဲ့ လွတ်လပ်သောအာရှအသံ(RFA) တို့ တွေ့ ဆုံမေးမြန်းခန်းလုပ်တဲ့အခါ ဆရာအောင်သင်းကခေတ်ပေါ်ကဗျာနဲ့ ပတ်သက်တဲ့စကားပြောခဲ့တာရှိပါတယ်။ စိတ်ဝင်စားဖို့ ကောင်းပါတယ်။ သူက ခေတ်ပေါ်ကဗျာဆိုတာ အခြေအမြစ်မခိုင်တဲ့ စာပေရေပွက်ကလေးတခုသာဖြစ်တယ်ဆိုတဲ့သဘော သွယ်ဝိုက်ပြီးပြောပါတယ်။ ဒါကြောင့်မို့ ခေတ်ပေါ်ကဗျာဆိုတာ ရေပွက်ကလေးတပွက်မျှသာဖြစ်တာမို့ မကြာခင်ပျောက်သွားမှာဖြစ်တယ်လို့ ဆိုပါတယ်။ ပြီးတော့ ဒီကိစ္စအလောင်းအစားလုပ်မလားဆိုတဲ့အထိပြောပါတယ်။ဒါကိုကြားတော့ ကျနော်ပြုံးမိတယ်။ သူက ဒီလိုပြောနေတဲ့အချိန်မှာ မြန်မာပြည်က ထွက်သမျှ မဂဇင်းတိုင်းလိုလိုမှာ ခေတ်ပေါ်ကဗျာတွေချည်း နေရာယူစိုးမိုးနေတာ သူမသိဘူးနဲ့ တူပါရဲ့။ ပြီးတော့ ခေတ်ပေါ်ကဗျာက အသက်ဝင်လှုပ်ရှားလာတာ တော်တော်လေးတောင် လူလားမြောက်နေပြီပဲ။ ကျနော်က သူ့ ရဲ့အမြင်ကို မပြောဖို့ ကန့် ကွက်တဲ့သဘောမဟုတ်ပါဘူး။ သူ့ အမြင်ကို ပဲ သဘောမတူတာပါ။ အေးလေ ဒါကတော့ လွတ်လပ်စွာသဘောကွဲလွဲကြတဲ့သဘောပေါ့။ ကျနော်တို့ လှပစွာ ငြင်းခုန်ကြရမှာပေါ့။

အခုဆိုရင်ခေတ်ပေါ်ကဗျာနဲ့ ပတ်သက်ပြီးခေတ်ပေါ်ကဗျာဆိုင်ရာလက္ခဏာရပ်တွေလည်း အတော်အတန်ပြည့်စုံသလောက်ပြည့်စုံအောင်ပြောခဲ့ကြပြီးပါပြီ။ ဒီအထဲက ကျနော် စိတ်ဝင်စားတဲ့လက္ခဏာတခုရှိပါတယ်။ အဲဒါကတော့ ခေတ်ပြိုင်ရင်ခုန်သံကို ဖေါ်ပြတဲ့လက္ခဏာပါပဲ။ “ခေတ်ပြိုင်ရင်ခုန်သံ”ံ ဆိုတဲ့စကားလုံးကို ဆရာဒဂုန်တာရာ က စတင်သုံးစွဲလိုက်တာပါ။ ဒီလက္ခဏာကို ထင်ထင်ရှားရှားသက်သေပြနိုင်တဲ့ကဗျာ တပုဒ်ကို ကျနော်ဖေါ်ပြလိုက်ပါတယ်။ အမှတ်အသားမွဲကြံလို့ ဒီကဗျာဟာ ဘယ်မှာဖေါ်ပြခဲ့တာလဲဆိုတာတော့ ကျနော်မသိပါဘူး။ ရေးတဲ့သူက ကဗျာဆရာ ကွန်စစ်ကောင်း ဆိုတာကိုတော့ ကျနော်အသေအချာပြောနိုင်ပါတယ်။

ဖဲဝိုင်း

အပြင်ဖက်မှာ
ကလေးတွေ ဆော့ကစားနေကြတာလား
ရန်ဖြစ်နေကြတာလား
သူတို့ စိတ်မဝင်စားကြဘူး။
ကုလားဖန်ထိုးတယ်၊ ဖဲချပ်ဝေတယ်
တစ်ချပ်ချင်း ပွတ်ကြည့်ကြတယ်
အလိုရမ္မက်
တဏှာ
မနာလိုမှု။

ဆက်ပြီးပွတ်ကြည့်ကြတယ်
မုသာဝါဒ
အဆိပ်
ဓါးမြှောင်။

အိမ်မြှောင်စုတ်ထိုးသံတွေကြားတယ်
သူတို့ ကောက်ချင်သလို
အတိတ်နိမိတ်ကောက်ယူတယ်။
ဘုရားရှိခိုးသံ ဂါထာရွတ်သံတွေကြားတယ်
သူတို့ ကောက်ချင်သလို
အဓိပ္ပါယ်ကောက်ယူတယ်။

သီချင်းဆိုတဲ့လူက ဆိုတယ်
ဒူးနှံ့ တဲ့လူက နှံ့ တယ်
ဖဲချပ်ကို ဆက်ပြီးပွတ်ကြည့်ကြတယ်
လောဘ၊ မောဟ
မောဟ၊ လောဘ။

ဂျိုကာများ ပါလာလို့ ကတော့
ပြုံးလို့ ပျော်လို့ 
သူတို့ ကိုယ်ကျင့်တရားတွေ အားလုံးကို
အဲဒီ ဂျိုကာချပ်ထဲ အတင်းထိုးထည့်
လိုသလို အသုံးပြုနိုင်ဖို့ 
နံဘေးလူ မသိအောင် ကြံလို့ စည်လို့ ။

ကလေးတွေ စာအော်ကျက်သံကြားတယ်
သူတို့ စိတ်မဝင်စားကြဘူး၊
ငှက်ဆိုးထိုးသံကြားတယ်
သူတို့ စိတ်မဝင်စားကြဘူး။

လေချွန်တဲ့သူက ချွန်တယ်
ရွဲ့ ပြုံး ပြုံးတဲ့သူက ပြုံးတယ်
တောက်ခေါက်တဲ့လူက ခေါက်တယ်၊
တယောက်က
အောက်ဖဲတချပ် ဆွဲယူတယ်
ဖြန်းကနဲ ရိုက်ကြည့်တယ်
အတ္တ။
နောက်တယောက်က
အောက်ဖဲတချပ် ဆွဲယူတယ်
ဖြန်းကနဲ ရိုက်ကြည့်တယ်
ဒေါသ။

ညဥ့်နက်သထက် နက်လာပြီ
ကြည့်ပြီးသား ဖဲချပ်တွေကိုပဲ
အရသာခံပြီး
ပြန်ပွတ်ကြည့်နေကြပြန်တယ်
အတ္တ၊ ဒေါသ၊ မစ္ဆေရ
မစ္ဆေရ၊ ဒေါသ၊ အတ္တ။ ၊

ကွန်စစ်ကောင်း

ကျနော်တို့ ရဲ့ ချစ်ခင်လေးစားရတဲ့ ကွယ်လွန်သူ စာဆိုကြီး ဆရာ တင်မိုး ကလည်း ၁၉၉၉ ခုနှစ်ထဲမှာ“ဖဲသုံးချပ်” ဆိုတဲ့ကဗျာတပုဒ် ရေးခဲ့ပါသေးတယ်။ အခု ကွန်စစ်ကောင်း ရေးတဲ့ကဗျာနဲ့ ဦးတည်ချက်ချင်းတူပါတယ်။ စေတနာလည်း ဒါပါပဲ။ ဒါပေမယ့် မတူတဲ့အချက်က ဆရာတင်မိုးက “ခေတ်စမ်းလွန်ဟန်” နဲ့ ရေးပြီး ဆရာကွန်စစ်ကောင်းကတော့ “ခေတ်ပေါ်ကဗျာဟန်” နဲ့ ရေးတဲ့အချက်ပါပဲ။
“ဖဲဝိုင်း” ကဗျာမှာ ဖဲထိုင်ရိုက်နေကြတဲ့ ဖဲသမားများရဲ့ အပြုအမူ စိတ်နေစိတ်ထားကို ရေးထားပါတယ်။ ဒါတွေကို အလိုရမ္မက်၊ တဏှာ၊ မနာလိုမှု၊ မုသာဝါဒ၊ အဆိပ်၊ ဓါးမြှောင်၊ လောဘ၊ မောဟ၊ အတ္တ၊ ဒေါသ၊ မစ္ဆေရ ဆိုတဲ့ စကားလုံးတွေနဲ့ ချုပ်ပြီး ဖေါ်ပြထားတာ တွေ့ ကြရမှာပါ။ တခုမှ ကောင်းတာမပါပါဘူး။
ဒီလို မကောင်းတဲ့စိတ်တွေ မိုးမွှန်နေကြတာဆိုတော့ အပြင်ဖက်က ကလေးတွေရဲ့ အပြုအမူ၊ ဓလေ့စရိုက်၊ သဘောသဘာဝ၊ လိုအပ်ချက်..ဒါတွေက်ို သူတို့ ဂရုမပြုအားတော့ပါဘူး။ လက်ခံခံစား နားလည်နိုင်စွမ်း မရှိနိုင်တော့ပါဘူ။ ဘုရားရှိခိုးသံ၊ ဂါထာရွတ်သံ၊ အိမ်မြှောင်စုတ်ထိုးသံတွေကိုလည်း သူတို့ ကောက်ချင်တဲ့အဓိပ္ပါယ်နဲ့ ကောက်ယူပြီး သံဝေဂမရ တရားမရနိုင်ကြပါဘူး။ ယုတ်စွအဆုံး ငှက်ဆိုးထိုးသံကြားရတာကိုတောင်မှ သူတို့ အတွက် အန္တရာယ် တစုံတရာကျရောက်တော့မယ့်လက္ခဏာအဖြစ် သူတို့ သတိပြုနိုင်စွမ်းမရှိတော့ပါဘူး။ ဝှက်ဖဲ၊ အောက်ဖဲ၊ ဂျိုကာဖဲ အစရှိတဲ့ လျှို့ ဝှက်ကောက်ကျစ်တဲ့နည်းနဲ့ တဦးအပေါ်တဦး လက်ဦးမှုရယူပြီး ပြိုင်ဖက်တွေ၊ ဇာတ်တူသားတွေကို နင်းဖို့ ချေဖို့ တခုထဲကိုပဲ သဲသဲမဲမဲ စဉ်းစားနေကြသူတွေဖြစ်တယ်ဆိုတဲ့အကြောင်း “ဖဲဝိုင်း” ကဗျာမှာ တွေ့ ကြရမှာပါ။
ဒီတော့ ကျနော်တို့ က “ဖဲဝိုင်း” ကဗျာကိုဖတ်နေရင်းမှာပဲ ကျနော်တို့ ရဲ့ခေတ်ပြိုင်ဘဝထဲမှာ “ဖဲဝိုင်း” ထဲက ဖဲထိုင်ရိုက်နေကြတဲ့ ဖဲသမားတွေရဲ့ အပြုအမူ စိတ်နေစိတ်ထားအတိုင်း တသွေမတိမ်းရှိတဲ့ တထပ်ထဲကျတဲ့ လူတွေကို ပြေးမြင်ရတော့တာပေါ့။ ပညာရေး၊ ဘာသာရေး၊ ငြိမ်းချမ်းရေး၊ ဖြူစင်မျှတရေး အစရှိတဲ့ လောကပါလတရားဟူသမျှကို ဘေးချိပ်ပြီး တခြားလူမပြောနဲ့ ဇာတ်တူသားစားဖို့ ကိုတောင် ဝန်မလေးတတ်ကြတဲ့သူတွေဟာ ဘယ်သူတွေလဲ ဆိုတဲ့အသိ ကျနော်တို့ ခေါင်းထဲ ချက်ချင်းဆိုသလို ရောက်လာရတော့တာပေါ့။
ဆရာ ကွန်စစ်ကောင်း ကတော့ ကျနော်တို့ အပေါ် ကဗျာမိုးရေတွေ ရွာချပေးလိုက်တာပါပဲ။ ခေတ်ပြိုင်ရင်ခုန်သံတချို့ ကို ကဗျာနဲ့ ပေးလိုက်တာပါပဲ။ ကျနော်တို့ ကသာ ကျနော်တို့ ရဲ့ တွေးခေါ်ခံစားနိုင်မှုရေအိုးနဲ့ ခံယူပြီး ကဗျာမိုးရေ ကဗျာရသကို ဖေါ်ယူခပ်သုံးနိုင်ကြရမှာပါ။
ဒါပါပဲ။ ခေတ်ပေါ်ကဗျာတပုဒ်ရဲ့ အတိမ်အနက် အထိမ်အဝှက်ကို ကျနော်တို့ ရဲ့ခေတ်ပြိုင်အခြေအနေမျုားနဲ့ နှိုင်ယှဉ်ခံစားပြီး ကျနော်တို့ ရဲ့ အတွေးလက်တံ ရှည်ရင်ရှည်သလောက် ကဗျာ့ရသကို ခံစားန်ိုင်ကြမှာပဲ ဖြစ်ပါတယ်။
ကဗျာဝါသနာအိုးများအဖို့ “ရွာတဲ့မိုးနဲ့ ခံတဲ့အိုး” အပေါ်မူတည်ပြီး ခေတ်ပေါ်ကဗျာများရဲ့ ရာဝဇင်ရေး အခန်းကဏ္ဍကို မှန်ကန်စွာ နားလည်နိုင်ကြလိမ့်မယ်လို့ တော့ ကျနော်ယူဆမိပါတယ်။ ။

ငြိမ်းဝေ

December 13, 2009

ဗုံးကြဲပြီးနောက် ငါးမိနစ်


ကျနော်က မြို့ မှာမွေး မြို့ မှာပဲ ကြီးပြင်းလာခဲ့ရသူပါ။ မှတ်မှတ်ရရပြောရရင် ကျေးလက်က ရွာတရွာကို ညအိပ်ညနေ သွားဖူးတာဆိုလို့ အသက်(၂၀)ကျော်မှပါ။ ဒါတောင်မှ ဝေးလံခေါင်သီတဲ့ ကျေးလက်မဟုတ်ပါဘူး။ မြို့ နဲ့ နီးတဲ့ကျေးလက်ကိုပြောတာပါ။ ဒီကြားထဲ လေ့လာမှုကလည်းနုံချာတော့ ကျေးလက်ဒေသအကြောင်း စိတ်ဝင်စားမှု နည်းခဲ့တယ်။

အသက်(၂၁) နှစ်ကျတော့ ပဲခူးချောင်းဖျား ထန်းတောကြီးဆိုတဲ့ရွာကို မူလတန်းပြဆရာအဖြစ်သွားရပါတယ်။ အံ့သြဖို့ ကောင်းတာက အဲဒီအခါကြပြန်တော့ ကျနော်က ကျေးလက်မှကျေးလက်ဖြစ်ခဲ့ရတယ်။ ကျေးလက်ခရေဇီဖြစ်လာပြန်တာပေါ့ဗျာ။ ဒီအခါကြပြန်တော့လည်း ကျေးလက်ကို အင်မတန်သာယာတဲ့၊ ဖြူစင်ရိုးသားသူတွေသာ နေထိုင်တဲ့ ဒေသရပ်ဝန်းဖြစ်တယ်ဆိုတာလောက်ပဲ ခံစားမှုက ကဲ့ယူလို့ ရခဲ့တာ။ ကျနော့် အာရုံခံစားမှု ယက်သဲ့ထဲမှာ ကျေးလက်ဒေသက တကယ့်လူမှုဘဝတွေကို ပါအောင် ကဲ့မယူနိုင်ပြန်ဘူးဗျ။ ယမ်းငွေ့ တွေ၊ ကူပါကယ်ပါတစာစာအော်သံတွေ၊ မီးလောင်နေတဲ့ နှလုံးသားတွေဟာ မြန်မာ့ကျေးလက်ရဲ့ တကယ့်လက်တွေ့ ပါတိတ်အဆင်တွေပဲဗျ။ ဥပမာ ကျနော်တို့ နိုင်ငံမှာ ပြည်တွင်းစစ်ဖြစ်နေတာ ကျနော့်အဖို့ တော့ ပုံပြင်တခုလိုပဲ ထင်ခဲ့တာ။ ကျနော့်နားထဲ ကျနော်ငယ်ငယ်က ကြားခဲ့ရတဲ့ ကျနော်နေဖူးတဲ့ စလင်းမြို့ လေး သူပုန်တွေဝင်စီးလို့ ကြားရတဲ့သေနတ်သံတွေကို ပြန်ပြီးမကြားနိုင်ခဲ့ဘူးဗျ။ အဲဒီသေနတ်သံတွေ အခုထက်ထိအသံမစဲ နိုင်တာ ကျနော်မသိခဲ့ဘူး။ဒါပေမယ့် ကျနော့်ကို စာအုပ်တွေပေးဖတ်၊ စကားတွေအများကြီးပြောပြီး ကျနော် စာပေသမားဖြစ်လာဖို့  ကူညီကြတဲ့ နောင်တော့နောင်တော်များရဲ့ အကူအညီနဲ့ စာအုပ်တွေထဲက သေနတ်သံတွေကိုတော့ ခတ်ဝေးဝေးက ကျနော်ကြားစပြုပြီဆိုပါတော့။

၁၉၉၂ ခုနှစ်ထဲမှာ ကျနော် မာနယ်ပလောကိုရောက်ပါတယ်။ ကျနော် အသက် (၄၀)ကျော်ပေါ့။ ဒါနဲ့ ပဲ ကျနော့်သဘောနဲ့ ကျနော် ရှေ့ တန်းကို ခဏခဏ ခရီးထွက်ခဲ့တယ်။ ကျနော် တော်တော်လေးကို တုန်လှုပ်ခဲ့ရတယ်။ ကရင်ပြည်နယ်တခုလုံး သွေးချောင်းစီးနေတာပဲ။ ပြည်တွင်းစစ်ဆိုတာကြီးကို ကျနော် ကောင်းကောင်းတွေ့ ရတော့တာပဲ။ လွတ်လပ်ရေးရပြီးနောက်ပိုင်း ကိုယ့်အမျိုးသားအချင်းချင်း သတ်ကြဖြတ်ကြရလို့ လူတွေ ဘယ်လောက်သေခဲ့ပြီဆိုတာ ခန့် မှန်းပြီးပြောဖို့ တောင်ခက်ပါတယ်။
ကျနော် စစ်ကိုမုန်းတယ်။ စစ်ကို ကြောက်လည်းကြောက်တယ်။ ကျနော်ကိုယ်တိုင်က စစ်ရဲ့သားကောင်ဖြစ်နေတာကို ဘွားကနဲသွားတွေ့ လိုက်ရတော့ အရမ်းဝမ်းနည်းခဲ့ရတယ်။ ဒီတော့ စာတွေရေးမိပြီပေါ့။ “ဒုံသမိချောင်းပေါ်က ကြယ်နီ” “ဒုံသမိချောင်းကမ်း ငရဲခန်းများ” အခန်းဆက်ဆောင်းပါးတွေ။ ဒီတုန်းက ကျနော်က ဒီမိုကရက်တစ်မြန်မာ့အသံ ကွင်းဆင်းသတင်းထောက်။ ဒီဆောင်းပါးတွေကို အပါတ်စဉ်ကျနော်အသံလွှင့်ခဲ့ပါတယ်။

နောက်တော့ စစ်ဆန့် ကျင်ရေးကဗျာတွေ စုတော့တာပါပဲ။ မြန်မာပြည်မှာက အုပ်စိုးသူအဆက်ဆက်က စစ်ကိုဖန်တီးကြသူတွေ၊ စစ်ဆန့် ကျင်ရေးဆိုတဲ့စကားကို နည်းနည်းလေးမှ မကြားချင်တဲ့သူတွေဆိုတော့ ဘယ်မှာလာပြီး စစ်ဆန့် ကျင်ရေးကဗျာတွေ အလွယ်တကူ ရှာလို့ ရနိုင်ပါ့မလဲ။ မလိမ့်တပါတ်လုပ်ပြီး စာပေကင်ပေတိုင်ရှေ့ က ခြေသံဖျောက်ပြီးလျှောက်လာနိုင်တဲ့ကဗျာဆိုတာကလည်း ရှားမှ ရှား။ ဒီတော့ နိုင်ငံရပ်ခြားစစ်ဆန့် ကျင်ရေးကဗျာတွေ လိုက်ရှာရပြန်တာပေါ့။

ကဲ အချီးတွေ၊ နိဒါန်းတွေ တော်တော်ပြောလိုက်မိတယ်။ ခွင့်လွှတ်ကြပါဗျာ။ဒီကနေ့ တော့ နိုင်ငံရပ်ခြား စစ်ဆန့် ကျင်ရေးကဗျာတပုဒ် တင်ပေးလိုက်ပါတယ်။ ချက်ကဗျာဆရာ “မီရောဆလပ် ဟောလုဗ်” ရဲ့ ကဗျာပါ။ “မောင်သစ်မင်း” ဘာသာပြန်ထားတာပါ။ စာဖတ်သူများ စိတ်ကြေနပ်ကောင်းပါရဲ့။

ဗုံးကြဲပြီးနောက် ငါးမိနစ်

ပီလ်ဆင်မြို့ မှာ
နှစ်ဆယ့်ခြောက် ဘူတာရုံလမ်း
တစ်အိမ်လုံးမှာ
ကျန်ခဲ့သမျှ ဒါပဲဖြစ်တဲ့ လှေကားအတိုင်း
တတိယထပ်ကို တက်သွား
သူ့ အခန်တံခါးကို ဖွင့်လိုက်တော့
လုံးဝ မိုးကောင်းကင်ကြီးကိုသာ
လှေကားစွန်းမှ ငေးရပ်နေမိ။

ဒီနေရာဟာဖြင့်
ကမ္ဘာလောကကြီး ဆုံးတဲ့အရပ်ပဲ
ဒါနဲ့ 
သူ့ တံခါးသူ သေချာ ပြန်ပိတ်လိုက်တယ်
သူ့ မီးဖိုချောင်ဆီက
ဆီရီယပ်*
ဒါမှမဟုတ် အဲဒီဘာရန်ကို
တယောက်ယောက် ခိုးယူမှာစိုးလို့ 
အောက်ကို ပြန်ဆင်းခဲ့တယ်
ပြီးတော့ သူ ထိုင်ချလိုက်ကာ
စေါင့်ဆိုင်းနေလေရဲ့
အိမ်ကြီး ပြန်ထလာဖို့ 
သူ့ ယောင်္ကျား ပြာပုံထဲက ပြန်ထလာဖို့ 
သူ့ ကလေးတွေရဲ့ ခြေလက်တွေ နေရာတကျပြန်တပ်မိဖို့ ။

မနက်ကြတော့
သူ့ ကို လူတွေ တွေ့ ကြရတယ်
ကျောက်တုံးလို ငြိမ်သက်လို့ 
စာကလေးတွေက သူ့ လက်ကို ဆိတ်လို့ ။ ။

*ဆီရီယပ် - သဘောင်္ပဲ့တာရာ
*အယ်ဒီဘာရန် - ရောဟနီတာရာ

မောင်သစ်မင်း

ကိုးကား။ ။မောင်သစ်မင်း ရဲ့ ‘သုံးယောက်ကောင်းကင်‛ ကဗျာစာအုပ်မှ



December 09, 2009

ကိဆကတ


ကျနော့်ဘဝမှာ အောင်မြင်မှုမရှိသေးတဲ့ ရည်ရွယ်ချက်တခုက အခုလိုအသက်အရွယ်ရလာတဲ့အချိန်အထိ ကျနော့်ကို ဖိစီးထားနေတုန်းပါ။ အဲဒါကတော့ ခရီးသွားခြင်းဆိုတဲ့ ရည်ရွယ်ချက်ပါ။ ပြောမယ့်သာပြောရတာပါ၊ ကျနော်ကသာ မတင်းတိမ်နိုင်ပေမယ့် ဘေးလူတချို့ ရဲ့အမြင်မှာတော့ ကျနော်ဟာ ခရီးတော်တော်သွားခဲ့ပြီးတဲ့ လူတယောက်ဖြစ်ကောင်းဖြစ်နေမလားပဲ။ မှတ်မှတ်ရရသွားခဲ့ဖူးတဲ့ခရီးတွေထဲမှာ ပဲခူးကနေပြီး တောင်ကြီး၊ အင်းလေးကိုခရီးထွက်ခဲ့ဖူးတာ၊ ကျိုက်ထီးရိုးနဲ့ ရွှေစက်တော်ဘုရား သွားခဲ့ဖူးတာ၊ ဟို တောင်ခြေတနေရာကနေပြီး အရှေ့ ရိုးမတောင်ကြီးရဲ့ကြောပေါ်မှာ ခြေလျင်ခရီး (၁၀) ရက်လောက်လျှောက်ခဲ့ဖူးတာ၊ ဖါးအံ ဘီးလင်း ကျိုက်ထို သထုံ နဲ့ ဖါပွန်မြို့ နယ်တွေရဲ့ တောတွေတောင်တွေထဲ တခါသွားရင် (၂)လလောက်နဲ့ (၃)ကြိမ်လောက် ခြေလျင်သွားခဲ့ဖူးတာ(ဒီတုန်းက အများအားဖြင့် မြေကြီးပေါ်မှာပဲအိပ်စက်ခဲ့) ၊ ပြီးတော့ ဥရောပနိုင်ငံတနိုင်ငံကို မှတ်မှတ်ထင်ထင် သွားခဲ့ဖူးတာ။ ဒီခရီးစဉ်တွေမှာ ကျနော် ကဗျာတွေ ၊ စကားပြေတွေ တော်တော်များများရေးခဲ့တယ်။

ဥပမာအနေနဲ့ ပြောရရင် ပထမအကြိမ် ဒေါနတောင်ပေါ်ခရီးအပေါ်မူတည်ပြီး ကြောင်းရေ (၄၀၀)ကျော်ရှိတဲ့ “မိမိကိုယ်ပေါ်တွင် သစ်တပင်စိုက်ပျိုးခြင်း” ကဗျာရှည်တပုဒ်ရခဲ့တယ်။ ပြီးတော့ ဖါးအံ ဘီးလင်း အစရှိတဲ့ နအဖစစ်တပ်တွေနဲ့  မိမိဖက်က ပြောက်ကျားတပ်တွေ လိမ်ယှက်နေတဲ့ ရှေ့ တန်းကိုသွားတော့ “ပဉ္စလက်တောင်တန်း” ကဗျာရှည်တပုဒ်ရေးနိုင်ခဲ့တယ်။ တခါ ဥရောပခရီးစဉ်မှာကြတော့ “ဥရောပ မဲဇာ” ကဗျာရှည်တပုဒ် ရေးခဲ့တယ်။ ဒီကြားထဲ ဧရာဝတီ၊ ခေတ်ပြိုင်၊ မဇ္စျိမ နဲ့ အခြား မဂဇင်း၊့ ဂျာနယ်တွေမှာ ခရီးသွားဆောင်းပါးတွေ ရေးခဲ့တယ်။

ကျနော်ဆိုလိုတာကတော့ ကျနော့်ကို ကျနော်သာ ခရီးသွားရတာကို အားရတင်းတိမ်ခြင်းမရှိပေမယ့် သေသေချာချာပြန်ကြည့်ရင် တော်တော်လေးတော့ ခရီးပေါက်ခဲ့တဲ့သဘောဖြစ်နေမယ်ထင်ပါတယ်။ ဒါပေမယ့် ကျနော်ကတော့ ခရီးသွားရတာကို တကယ့်ကိုမတင်းတိမ်နိုင်သေးဘူး။

အခုတော့ အသက်အရွယ်ကလည်းရလာ ဘဝအခြေအနေကလည်း ခရီးသွားဖို့ အခြေအနေ မဖန်တီးနိုင်ဘူးဆိုတော့ ခရီးသွားချင်တဲ့စိတ်ဆန္ဒကိုပြေပျောက်လို ပြေပျောက်ငြား ခရီးသွားစာအုပ်တချို့ ကိုပဲ အားကိုးရတော့တာပေါ့။ တခါ ခရီးသွားစာအုပ်ဖတ်ပြန်တော့လည်း ခရီးသွားစာအုပ်တိုင်းတော့မဟုတ်ပြန်ဘူး။ ကျနော်က ရသနဲ့ ရေးတဲ့ ခရီးသွားစာအုပ်တွေကိုပဲ ရွေးပြီးဖတ်တာပါ။ ဒီတော့ အခုကျနော်ဖတ်နေတာ ဆရာမောင်သာနိုးဘာသာပြန်တဲ့ “ကဗျာ ခရီးသည်” ဆိုတဲ့စာအုပ်ပါ။ လွန်ခဲ့တဲ့ နှစ်ပေါင်း
(၃၀၀)ကျော်က ဂျပန်ဟိုက္ကု ကဗျာဆရာကြီး ဗသျှိုး ရဲ့ ကဗျာ စကားပြေရောထားတဲ့ ခရီးသွားဆောင်းပါးပါ။ ဒီစာအုပ်ကို ကျနော်အထပ်ထပ်အခါခါဖတ်ဖူးခဲ့ပါပြီ။ဒါပေမယ့် ဖတ်လို့ ကို မတင်းတိမ်နိုင်ဘူး။ ဘာပြုလို့ လည်းဆိုတော့ ပထမအချက်က ဗသျှိုးဟာ ခရီးအင်မတန်သွားတဲ့ ကဗျာဆရာဖြစ်တာရယ် သူက ခရီးသွားမှတ်တမ်းကို ရသဟန်နဲ့ ရေးထားလို့ ပါ။ အော်…ပြီးတော့ သူက သဘာဝပါတ်ဝန်းကျင်ကို အင်မတန်မြတ်နိုးတွယ်တာလွန်းသူ ဖြစ်နေလို့ ပါ။ သူ့ ဘဝနှောင်းပိုင်းတလျှောက်လုံး ရောက်လေရာမှာ ငှက်ပျောရွက်တဲထိုးပြီး အင်မတန် လွတ်လပ် နှိမ့်ချ ငြိမ်းချမ်းစွာ နေသွားခဲ့တာမို့ သူ့ နာမည်ကို ငှက်ပျောရွက်တဲ လို့ အဓိပ္ပါယ်ရှိတဲ့ ဗသျှိုး လို့ ခေါ်ခဲ့ကြတာပဲ။

ဒီကနေ့  တော့ အဲဒီစာအုပ်ထဲက စာပိုဒ်တပိုဒ်နဲ့ ကဗျာတချို့ ကို လက်ဆောင်အဖြစ် ဝေမျှခံစားဖို့ တင်ပေးလိုက်ပါတယ်။ ကျနော့်လိုပဲ နှစ်သက်နိုင်ကြကောင်းပါရဲ့။ ပထမတုန်းကတော့ ဒီစာအုပ်ကို တအုပ်လုံးရိုက်ပြီး တင်မလို့ ပါပဲ။ ဒါပေမယ့် နောက်ကြတော့ ကိုယ်လိုရာပြောရင်းက တပိုဒ်ချင်းဆီ တင်သွားတာက ပိုကောင်းမယ်လို့ ယူဆပြီး အခုလို ရွေးပြီးတင်ပေးလိုက်တာပါ။



ကိဆကတ

ငါ မြင်တွေ့ ခဲ့ပြီးသမျှ ကုန်းနဲ့ ရေ အလှတို့ ဟာ များလှပြီ။ ဒါပေမယ့် ဆကတ ဆိပ်ကမ်းက အရှေ့ မြောက် နှစ်ဆယ့်လေးမိုင်လောက်မှာရှိတဲ့ နာမည်ကျော် ကိဆကတ ရေအိုင်ကို မြင်ရဦးမယ်ဆိုတော့လည်း ငါ့ရင်တွေ ခုန်မိသေးတော့တယ်။ တို့ ဟာ တောင်တွေကျော်၊ ကမ်းခြေတလျှောက်ဆင်း၊ သဲကန္တာရထဲ ရုန်းကန်ရင်း ခရီးနှင်လာခဲ့ကြတာ နေဝင်လုလုအချိန် ခရီးဆုံးကို ရောက်လာခဲ့ကြပါတယ်။

ပင်လယ်ထဲက လေပြင်းတိုက်ခတ်လာသမို့ သဲတွေ ထကြွကာ မိုးသဲကလည်းရွာပြန်တော့ ချိုးကအိတောင် ကို မမြင်နိုင်ချေဘူး။ ကိုယ့်ရှေ့ မှာ တည်နေတဲ့အလှတွေကို စိတ်ကူးနဲ့ မြင်ယောင်ကာ မှောင်မှောင်မဲမဲထဲ စမ်းဝါးသွားရတာကလည်း အရသာတမျိုးပါပဲ။ မိုးစင်သွားရင် ပိုလှတဲ့မြင်ကွင်းကို မြင်ရမှာပဲလို့ လည်း တွေးမိတယ်။ တံငါသည်ရဲ့ သက်ငယ်တဲကလေးထဲ တိုးဝင်ခဲ့ကာ မိုးအတိတ်ကို စေါင့်နေမိရဲ့။
နောက်နေ့ မနက်မှာ ကောင်းကင်ဟာ တိမ်စင်ပြီး၊ နေထွက်လာကာ ထိန်ထိန်ငြီးငြီး ထွန်းပနေတဲ့အခါ ငါတို့ လှေနဲ့ ရေအိုင်ထဲ ထွက်ခဲ့ကြတယ်။

ပထမဆုံး နိုးအင်ကျွန်းကလေးမှာဝင်၊ ဆရာတော် နိုးအင် သုံးနှစ် ဧကစာကျင့်ခဲ့ရာ တဲပျက်ကလေးကို သွားကြည့်။ တဖက် ကျွန်းဆီဆိုက်ပြန်တော့ ချယ်ရီပင်အိုကြီးတပင်တွေ့ ရတယ်။ ဆာအိဂျိုးက

ပန်းပွင့်တွေပေါ် လှော်ခတ်သွား
တံငါသည်တို့ ရဲ့ လှေများ။

လို့ ဖွဲ့ နွဲ့ ခဲ့တာ သူ့ ကိုပေါ့။ အပင်ကြီးက ကဗျာဆရာကို အထိမ်အမှတ်ပြုနေရဲ့။
အိုင်စွန်းမှာ ဘုရင်မ ဂျင်ဂူရဲ့ သချိင်္ုင်းလို့ ဆိုကြတဲ့ သင်္ချိုင်းတော်တခု ရှိတယ်။ အနားက ဝတ်ကျောင်းကို ကန် မန်ဂျူ-ဂျိ(ဒီတက် ဒီကျ) ပုလဲဝတ်ကျောင်းလို့ ခေါ်တယ်။ ဒီဒေသကို ဘုရင်မကြီးရောက်ခဲ့တယ်လို့ အရင်က မကြားဖူးဘူး။ (သူ့ ကို ဒီမှာမြှုပ်တယ်ဆိုတာ) ဟုတ်မှ ဟုတ်ပါ့မလား သံသယ ဝင်နေမိတယ်။
ဝတ်ကျောင်းက ဆရာတော့် ခန်းမမှာထိုင်တဲ့ကာ တရုပ်ကပ်တွေကို မတင်လိပ်လိုက်တဲ့အခါမတော့ ကိဆရေအိုင်ရဲ့ ရှုခင်းတရပ်လုံးဟာ ရှေ့ မှာ ပေါ်လာပါတော့တယ်။

တောင်ဖက်မှာက မိုးကောင်းကင်ကို တိုင်ထောက်ထားတဲ့အလား ချိုးကအိတောင်၊ သူ့ ပုံရိပ်က ရေအိုင်ထဲမှာ ထင်ဟပ်နေရဲ့။ အနောက်ဆီမှာ လမ်းကို အုယမူယ နယ်စပ်အထိမြင်ရတယ်။ အရှေ့ ဘက်မှာတော့ ကန်ဘောင်ရိုးတလျောက် လမ်းဟာ ဆက်သွားပြီး အဝေး အကိတ ဆီ ရောက်သွားတယ်။ ပင်လယ်က မြောက်ဘက်မှာ ပင်လယ်လှိုင်းတို့ ရေအိုင်ထဲဝင်ရာအရပ်ကို သျှိုးဂေါရှိ (ဒီရေလမ်း) လို့ ခေါ်တယ်။
ကိဆကတရေအိုင်ဟာ အလျားနှစ်မိုင် အနံနှစ်မိုင်ထက် မပိုတတ်ပေမယ့် မတ်ဆုရှိမ ကို သတိရစေတော့တယ်။ ဒါပေမယ့် တူတော့မတူကြဘူး။ မတ်ဆုရှိမ က ရယ်ရယ်ပြုံးပြုံးအလှ၊ ကိဆကတ ရဲ့ အသွင်က ကြေကွဲဝမ်းနည်းနေဟန်မျိုး၊ စိတ်ဆင်းရဲနေသူတဦးရဲ့ စိတ်ဒုက္ခအထီးကျန်ဘဝ။

ကိဆကတ မှာ
မိုးရထဲက ဆေရှိနွယ်
ပိုးပင်ရဲ့ ပန်းပွင့်

ဆေရှိ(တရုပ်-ဆီရှိ) ဆိုတာ ကြေကွဲဟန်သွင်နဲ့ အလှထူးသူရယ်လို့ ထင်ရှားခဲ့တဲ့ တရုပ်မင်းသမီးးတစ်ဦးပါ။ ။ဘာသာပြန်သူ)

သျှိုးဂေါရှိ ကမ်းခြေ
အေးမြ ရေစပ် လူးလာနေ
ခြေတံရှည် ကြိုးကြာ။

သျှိုးဂေါရှိ ပွဲတော်
ဘာကိုများ စားကြပါလိမ့်
အထူးအစားအစာ။
ဆောရ

(သူတို့ တဲလေးမှာ ဝရန်တာမရှိလို့ သဲပေါ်ပြင်ချပ်ခင်းကာ ထိုင်နေကြတဲ့ တံငါမိသားစုကိုကြည့်ပြီး ရေးလိုက်ပုံရတဲ့ကဗျာ။ ။ ဘာသာပြန်သူ)

တံငါတို့ ဘဝ
သဲပေါ် ပျဉ်ချပ်လေး ခင်းလို့ 
ညနေ အေးမြမြ။

ကျော
က်ဆောင်ပေါ် အသိုက်ဖွဲ့ ထားတဲ့ ဝံငှက်မောင်နှံကို မြင်ရတဲ့အခါ...

ကျောက်ဆောင်ပေါ် အသိုက်
လှိုင်းတို့ နဲ့ စစ်ရပ်ထားရော့ ထင့်
ပင်လယ် သိမ်းငှက်တို့ ။
ဆောရ

(အထက်က နိုအင်ကျွန်းအကြောင်း ရေးရာမှာ ဗသျှိုး ကိုးကားခဲ့တဲ့ ဆာအိဂျိုး ရဲ့ ကဗျာအပြည့်အစုံက အောက်ပါအတိုင်းဖြစ်ပါတယ်။

ကိဆကတ ရဲ့
ချယ်ရီပင်ဟာ လှိုင်းတွေနဲ့ 
ဖုံးလွှမ်းနေတော့တယ်
ပန်းပွင့်တွေပေါ် လှော်ခတ်သွား
တံငါသည်တို့ ရဲ့ လှေများ။ ။ဘာသာပြန်သူ)

(ဆရာ မောင်သာနိုး ဘာသာပြန်တဲ့ ဟိုက္ကု ကဗျာခရီးသည် ဗသျှိုး စာအုပ်မှ ကူးယူခြင်းဖြစ်ပါတယ်။)



December 03, 2009

နိုင်ဝင်းဆွေ ရဲ့ နွေတည ဝတ္ထု ရှင်းတမ်း


လွန်ခဲ့တဲ့ (၆) လလောက်က ချစ်ခင်ရသူ ဘလော့ဂါ ကဗျာဆရာလေး ညိမ်းညို နဲ့ ကျနော် ဆရာနိုင်ဝင်းဆွေအကြောင်း စကားစပ်မိခဲ့ကြပါတယ်။ သူက ကျနော်တို့ ထက် သက်တမ်းတဝက်မက ငယ်ရွယ်သူဖြစ်တာရယ်…၊ ပြည်တွင်းမှာ ဆရာနိုင်ဝင်းဆွေရဲ့ ဝတ္ထုစာအုပ်တွေ ထပ်မံထုတ်ဝေခွင့်မရနိုင်ရုံတင်မက သူ့ နာမည်တောင် ဖေါ်ပြခွင့်မရနိုင်တဲ့အခြေအနေမှာ (ကို)ညိမ်းညိုတို့ လို လူငယ်တွေ ၊ ဆရာနိုင်ဝင်းဆွေကို နာမည်သာကြားဖူးတော့တာ ဝမ်းနည်းဖို့ ကောင်းတဲ့အကြောင်း ကျနော် ပြောပြခဲ့ဖူးပါတယ်။

ဒီလိုစကားစပ်မိကြရင်းက ကျနော်က နွေတည အကြောင်းပြောမိတော့တာပေါ့။ နွေတည ရဲ့ မှော်ဝင်ရသ ကို ကျနော်ပြောပြခဲ့မိတယ်။ညိမ်းညိုကလည်း ကျနော့်ဘလော့မှာ တင်ဖို့ တိုက်တွန်းတယ်။ ဒီတုန်းက ကျနော်က ကွန်ပျူတာနဲ့ စာ ကောင်းကောင်းမရိုက်တတ်သေးတာရယ်..၊ သူများရိုက်ရင်လည်း စိတ်တိုင်းမကျဖြစ်မှာသေချာတာရယ်ကြောင့် ရုတ်တရက် ဒီဝတ္ထုကို မတင်ဖြစ်ခဲ့ဘူး။ ဒီမှာတင် ညိမ်းညို က သူ ကူညီပြီးစာရိုက်ပေးပါ့မယ်၊တင်ဖြစ်အောင်တင်ပါဆိုတာနဲ့  နွေတည ပထမပိုင်း၊ဒုတိယပိုင်း (၂) ပိုင်းကို စကင်ဖတ်ပြီး ဆရာလေးညိမ်းညိုဆီ ပို့ ခဲ့တယ်။ နွေတည ပထမပိုင်းနဲ့ ဒုတိယပိုင်း က ချစ်ခင်ရတဲ့ ညိမ်းညိုလေးက စာရိုက်ပေးခဲ့တာပါ။

နွေတည ကို ကျနော့်ဘလော့မှာတင်တော့ ကိုတင်မင်းထက် နဲ့ လည်း မိတ်ဆွေဖြစ်လာရတယ်။ သူက နွေတည ကို အပိုင်း (၁၁) အထိ ရိုက်တင်ခဲ့ပြီးတဲ့ နွေတည ခရေဇီတဦး…။ ဒီတော့ ကျနော့်ဆီကို နွေတည ပထမအကြိမ်ထုတ်စာအုပ် မျက်နှာဖုံးပုံနဲ့ နွေတည ကို ရှုမဝမဂဇင်းမှာ အခန်းဆက် လစဉ်ဖေါ်ပြခဲ့စဉ်က နောက်ဆုံးနိဂုံးပိုင်းမှာ ဖေါ်ပြတဲ့ ည မှုန်ရီရီအောက်က ရထားဘူတာရုံ မြင်ကွင်းပန်းချီကား တွေကို ကိုတင်မင်းထက် က အားတက်သရောပို့ ပေးကူညီခဲ့တာပါ။

မှတ်တမ်းတင်ရမယ့်သူတွေထဲမှာ ဒုက္ခသည်စခန်းထဲက ခဏပြန်လာနေတဲ့ တူမလေး လည်းပါပါတယ်။ သူကတော့ နိုင်ဝင်းဆွေဝတ္ထု တတိယပိုင်းကစပြီး နောက်ဆုံးပိုင်းအစ အထိ ၊သူတယောက်ထဲ ဒိုင်ခံ ရိုက်ပေးခဲ့တာပါ။

ကျနော်ကတော့ ရိုက်ပြီးသားစာမူတွေကို အကြိမ်ကြိမ်ပြန်စစ် ပြန်ဖတ်လုပ်ပြီးမှ ကျနော့်ဘလော့မှာ တင်ပေးခဲ့တာပါ။ အဲ..နောက်ဆုံးတပိုင်းကြတော့ တူမလေးနဲ့ ကျနော် အငြင်းအခုန်လုပ်ပြီးမှ သူ ခွင့်မပြုပဲ သူမသိအောင် အဲဒီနောက်ဆုံးပိုင်းအများစုကို ကျနော်ကိုယ်တိုင် စာရိုက်ပြီးမှ တင်ခဲ့တာပါ။ ကိုယ့်ကိုကိုယ် အကြိမ်ကြိမ်အားတင်းပြီးမှ ဒီ နိဂုံးပိုင်းကို စာရိုက်ခဲ့ရပါတယ်။

နောက်ထပ်ပြီး ကျေးဇူးတင်စကားပြောရမယ့်သူတွေကတော့ ကွန်းမင့်တွေ ဝင်ရေးခဲ့ကြတဲ့ ချစ်မိတ်ဆွေ နွေတည ပရိဿဒ်များပဲဖြစ်ပါတယ်။ ကွန်းမင့်ဝင်မရေးပေမယ့် နှုတ်နဲ့ ဝင်ပြီးအားပေးကြသူတွေကိုလည်း ကျနော်ကျေှးှဇူးတင်တယ်။

အခု နွေတည ဝတ္ထုကို အစအဆုံး ကျနော်တင်နိုင်ခဲ့ပါပြီ။ စာလုံးအကျအပေါက်အမှားအယွင်းများနဲ့ အခြားအမှားအယွင်းကိစ္စများရှိခဲ့ရင် ကျနော့်တာဝန်သာဖြစ်ပါတယ်။ နားလည်ခွင့်လွှတ်ဖို့ တောင်းပန်လိုက်ပါတယ်။ နောက်မကြာခင်မှာ ချစ်ရဲဘော်လေး ကိုတင်မင်းထက် က ပီဒီအက်ဖ်ဖိုင်လုပ်ပြီး ကျနော့်ဘလော့မှာ လုံးချင်းစာအုပ်အနေနဲ့ တင်ထားမှာဖြစ်ပါတယ်။ ပုံနှိပ်စာအုပ်ဖြစ်လာရအောင်တော့ ကျနော်ထပ်ပြီး နည်းလမ်းရှာရပါလိမ့်ဦးမယ်။
နွေတည ဝတ္ထု ရှင်းတမ်းကတော့ ဒါပါပဲ။

အားလုံးကို ချစ်ခင်လေးစားလျက်

ငြိမ်းဝေ



နွေတည

နိဂုံးများရဲ့ နိဂုံး

ဘူတာနံဘေး ကုက္ကိုပင်များအောက်တွင် ဝေ နှင့်သမီးလေးပျောက်ကွယ်လုလုအချိန်တွင် အခြားကမ္ဘာသ့ို့ ဆက်၍ ခုတ်မေါင်းတော့မည့် ရထားသည် ဖြေးဖြေးလေးလေး ရွေ့ ရှားလိုက်လေသည်။

ဤဘူတာကလေးမှ မီးရောင်များသည် တဖြေးဖြေးဝေးကွာလာလျက် နောက်ဖက်တွင် မှိန်ပျောက်ကျန်ရစ်နေခဲ့တော့သည်။ ရထားသည် မဲမှောင်သောညကို ဖြတ်သန်း၍ မောင်းနှင်နေသည်။

ကျနော်သည် ရထား၏ ပြတင်းဝမှ မရွေ့ လျားသေး။

အပြင်ဖက် မဲမှောင်နေသည့် ကောင်းကင်ပြင် အနက်ထည်ကြီးထဲဝယ် တလက်လက် အဆုပ်အခိုင်လိုက် တောက်ပနေကြသော ကြယ်ဖူးကြယ်ပွင့်ငယ်များကို မျှော်ကြည့်နေသည်။ ဤ ကြယ်ဖူးကြယ်ပွင့်ကလေးများ၏ အလှအပ ချစ်စဖွယ်ကောင်းပုံထက် ကျနော့်သမီးလေး စပယ်ခိုင် အဆရာထောင်ပိုမ်ို၍ ချစ်စဖွယ်ကောင်းလေသည်။

‘ဝေ သည် သမီးလေး ခိုင်စပယ် အား ကောင်းစွာ ထိန်းသိမ်းစောင့်ရှောက်ပဲ့ပြင်နိုင်ပါစေသတည်း‛ ဟု ကျနော် ကြေကွဲလှစွာ ဆို့ နင့်လှစွာ ဆုတောင်းနေပါသည်….ဝေ။ ။

ပြီးပါပြီ။

နိုင်ဝင်းဆွေ






နွေတည

နိဂုံးပိုင်းမှ အဆက်...

ကျနော်သည် စိတ်ပင်ပန်း နွမ်းနယ်လှစွာဖြင့် နောက်မှီအပေါ်သို့ ခြေပစ်လက်ပစ်မှီလိုက်လေသည်။
ထို့နောက် ရှေ့ဖက်၌ မြို့၏မီးရောင်တန်းများ၌ ကောင်းကင်ပြင်သို့ထိုးတက်နေသည်ကို လှမ်းမြင်တွေ့ရလေသည်။ အဝေးပြအလံတိုင်ကို ကျော်လွန်လျှင် မီးရထားသည် စက်ရှိန်ကို လျှော့ချလိုက်သည်။ နောက်ဆုံး၌ မရောက်ချင်သောဘူတာ၏ရှေ့တွင် ရထားသည် ကိုယ်ရှိ်န်သတ်ပြီး ရပ်တန့်လိုက်တော့သည်။


တွဲပေါ်မှခရီးသည်များ တိုးဝှေ့ ဆင်းသက်သွားကြသံ၊ ထို့နောက်တွဲပေါ်သို့ လူအများ တို့ဝှေ့တက်နေသံ၊ ပစ္စည်းများမရွှေ့သံ၊ ခေါ်သံဆူသံ၊ ဈေးရောင်းချသံ၊ အသံ ပေါင်းစုံသည် ဤဘူတာရှေ့၌ ဖြစ်ပေါ်နေသည်။
ကျနော်လည်း ဘူတာစင်္ကြံကိုကြည့်ုလိုလာပြန်သည်။ရထားပြတင်းမှ ကိုယ်ကိုညွတ်ပြီး ခေါင်းကိုအပြင်ထုတ်၍ ကြည့်လိုက်မိပြန်လေသည်။
ဟေမန်မှထွက်လာပြီး ဝေနှင့် ကျနော်ထိုင်ခဲ့ရာ ထောင့်ဖက်မှ ထိုင်ခုံတွင်ဟိုစဉ်ကလိုပင် အမှောင် ဘက်ခြမ်း၌ သမီးလေးအတွက် စိတ္တဇဖြစ်လျက် ငေးမော ထိုင်နေခဲ့သည်။ထိုအခါက ဝေ့မျက်လုံးထဲ၌ မျက်ရည်များ ပြည့်သိပ်နေသည်။ထို့ နောက် ဤ ၇-၃၅ ရထားပေါ်တွင်ပင် ဝေနှင့်ကျနော်သည် တိုးဝှေ့ တက်ရောက်လာကြကာ အိမ်သာထောင့် အပေါက်ဝ၌ အမှောင်ရိပ်တွင် ရပ်လိုက်ကြသည်။ ရထားထွက်သောအခါ ဝေသည် သူ့ ကိုယ်ကလေးကို ကျနော့်ရင်ခွင်ထဲ ကျစ်ပြီးတိုးဝင်လျက် သမီးကလေးကို တမ်းးတမ်းတတဖြစ်နေခဲ့လေသည်။
ယခုလည်း ဘူတာရုံစင်္ကြန်ပေါ်မှ နာရီကြီးသည် အိမ်မြှောင်တကောင် ထခုန်သလို လက်တံရှည်တခု ဆပ်ကနဲရွေ့ လျားသွားလေသည်။ နောက် နှစ်မိနစ်အတွင်း ရထားထွက်ခွါတော့မည်။ စင်္ကြန်မှ မီးရောင်များသည် ရထားတွဲများကို လာ၍ဟပ်နေသည်။ ကျနော့်မျက်နှာတခြမ်းမှာ တွဲအပြင်ဘက်၌ရှိနေဆဲ။

ထိုအချိန်တွင် ဘူတာစင်္ကြန်၏ အလယ်ပေါက်မှ မီးရောင်အောက်သို့ အပြင်ဘက်မှ ကလေးချီထားသော မိန်းမတဦး အရေးတကြီးပြေးတက်လာသည်။ သူသည် ဤ ၇-၃၅ ရထားကို အမှီလိုက်ရန် အရေးကြီးလာပုံ၊ ခရီးဝေးမှ အပြေးလာရပုံရသည်။

အပြာနုရောင် နွမ်းကြေနေသောထမိန်ကို ခြေသလုံးသားပေါ်အောင် ဝတ်ထား၍ နွမ်းပြီး ဝါရင့်ရောင်သန်းနေသော အင်္ကျီ၏ ပခုံးစပေါ်တွင် တဘက်စုတ်ကလေးတထည်ကို တင်ထားပြီး တပတ်လျှိုဆံထုံးမှာ ပြေကျခမန်း ပွယောင်းနေလျက် နှစ်နှစ်သမီးအရွယ် ခလေးကလေးတဦးကို ချီထားသည်။ သူပြေးဝင်လာပုံမှာ တွဲပေါက်ဝမှနေ ကြည့်သောအခါ မပီမသ စုတ်ချက်များဖြင့် ရေးချယ်ထားသည့် ပန်းချီကားတချပ်ကဲ့သို့ ပင် အဝေးဆီ၌ မီးရောင်အောက်ဝယ် မကွဲမပြားဖြစ်နေသည်။
သူသည် ရထားအလည် တွဲဘက်ကို ဦးတည်ပြေးလွှားလာနေစဉ်တွင် ကျနော့်စိတ်နှလုံး၊ အာရုံမှန်သမျှမှာ ကြေကွဲမှုအပေါင်း ပြည့်သိပ်လာရလေပြီ။ သူကား ဝေဖြစ်နေသည်။ တိုက်ဆိုင်လှစွာ ဝေနှင့်မှ လာတွေ့ နေပါသည်။ မိမိ၏ ဇနီးဟောင်း ဝေ။ ငါးနှစ်ကျော်ကျော် ကွဲကွာခဲ့ပြီးသည့် ဝေ။ အတိတ်၏ ပန်းချီကားချပ်များထဲတွင် မှုန်ရေးရေးပျပျ ထင်နေသောဝေ။

ပန်းချီကားချပ်၏စုတ်ချက်များမှာ ကြည့်ငေးနေရင်းမှာပင် ပီသလာနေသည်။

ဝေ့မျက်နှာဝိုင်းဝိုင်းစက်စက်ကလေးမှာ ယခင်ကအတိုင်းပင်။ အသားရောင်မှာမူ နည်းနည်းညိုသွားသည်။ ဆံပင်ပေါ်မှ လှိုင်းတွန့်် အလိပ်ကြီးမှာ မရှိတော့။ သူ့ နားတွင်ရှိသည့် ကျောက်အပြာနားဆွဲအစား နားကပ်ကလေးတရံမှ စိန်ရောင်အသွေးကျောက်သည် မီးရောင်အောက်တွင် ခဏမျှလက်သွားသည်။ မို့ နေသော ပါးတို့ မှာ ပြေလျောကျသွားပြီ။ ပါးပေါ်၌ တပိုင်းတစ ချွေးစွန်းကွက်နေသော သနပ်ခါးရေကြဲလိမ်းထားပုံသည် မီးရောင်အောက်တွင် တဖြေးဖြေးပေါ်လာသည်။
ယခုတဖန် ပြန်လည်မြင်တွေ့ နေရသော ဝေမှာ စပါးသယ်အလုပ်သမလေး မခင်ဝေ ပြန်ဖြစ်နေပေပြီ။ မခင်ဝေ၏ အလှတရားတို့ မှာ မူရင်းအတိုင်း ပြန်၍ ပေါ်လာနေပေပြီ။ယခု ဝေ့မျက်နှာမှာ သောက ဒုက္ခဒဏ်ချက်များ အဖန်ဖန်ခံခဲ့ရပြီး၍ ရင့်ကျက်တည်ငြိမ်နေပုံမျိုးဖြစ်နေ၏။ သူ့ မျက်နှာပေါ်မှ အပြုံးများမှာ မရှိတော့။ အပြုံးရိပ် အပြုံးရောင်ကလေးမျှပင် မမြင်တွေ့ ရတော့။

ကျနော်သည် ခေါင်းကို တွဲအတွင်းသို့ ပြန်သွင်းပြီး အမှောင်ဘက်သို့ တိုးရွှေ့ လျက် ငြိမ်သက်နေလိုက်သည်။ ထိုစဉ်မှာပင် ဝေသည် ကျနော်စီးရာ တွဲရှေ့ သို့ ရောက်လာနေသည်။ သူ့ လက်ထဲမှ သမီးလေးကို လှမ်းမြင်နေရသည်။ ကလေး၏မျက်နှာမှာ ရွှင်လန်းနေလျက်၊ မျက်နှာဝိုင်းဝိုင်း၊ နှာတံ၊ ပါးစပ်၊ မျက်ခုံး၊ မျက်လုံး၊ သွင်ပြင်အပေါင်းသည် ဝေ၏ကိုယ်စား ရုပ်တုကလေးတခုကဲ့သို့ ပင်ဝေနှင့် တပုံစံတည်းတူနေသည်။ကလေး၏ ညစ်နေသော ဂါဝန်ကလေးမှာ ဝေ့ ခါးပေါ်တွင် ဝဲနေသည်။

ဤကလေးနှင့် သမီးကလေး စပယ်ခိုင်ကို ခွဲ၍မရ။သမီးလေး စပယ်ခိုင်ပင် မြေကြီးထဲမှ ခွဲထွက်၍ထလာသလား။
မိမိ၏အသွေးတို့ ဖြင့် တည်ဆောက်ထားသည့် သမီးလေး စပယ်ခိုင်။

ကျနော်သည် အမှောင်ဘက်သို့ တိုးရွှေ့ လိုက်သည်။ ထိုအချိန်တိုကလေးတွင် ကျနော့်တကိုယ်လုံးမှာ ထိန်းမရနိုင်အောင် သွက်သွက်ခါမျှ လှုပ်ရှားနေသည်။ မမြင်နိုင်စွမ်းသော သံယောဇဉ်ကြိုးများသည် သမီးလေးစပယ်ခိုင်အမှတ်ဖြင့် ယခု ဝေ့သမီးလေးအပေါ်၌ တင်းကြပ်စွာ ရစ်ပတ်နှောင်ဖွဲ့ နေပြီ။
ဝေသည် သူ၏ တတိယ အိမ်ထောင်နှင့်ပင် မြဲနေသလား။ ဤသမီးကလေး၏ဖခင်သည် မည်သူနည်း။ ယခုဝေသည် အိမ်ထောင်ကင်းမဲ့ လွတ်လပ်နေသလား။ ဤသမီးလေးတွင် ဖခင်စုံလင် ရှိသေးရဲ့လား။ သူ့ ဖခင်သည် သမီးလေးကို ချစ်နိုင်ရဲ့လား။ ဝေ့ကိုရော သားမှတ်မှတ် မယားမှတ်မှတ် ကြင်ကြင်နာနာ ပေါင်းသင်းပါရဲ့လား။ ဤအရာတို့ သည် ကျနော်နှင့် မပတ်သက်သော အတွေးများဖြစ်၏။ ထို အတွေးစအပေါင်းကို ဖြတ်တောက်ပစ်ပယ်ထားရမည်။

ထိုစဉ်တွင် ဝေသည် အလယ်တွဲအပေါက်ဝသို့ ရောက်လာပြီး တွဲလက်ကိုင်ကို ဆွဲ၍တက်လိုက်လေသည်။ သူသည် တွဲပေါက်ဝမှ ခရီးသည်များကို တိုးဝှေ့ ပြီး တွဲအလယ်ဘက်သို့ လျှောက်လာနေသည်။ ဤတွဲကိုမှ ဝေသည် ရွေးတက်သလိုဖြစ်နေသည်။ ကံကြမ္မာတို့ သည် ဝေနှင့်ကျနော့်အား ပြန်လည်ဆုံတွေ့ စေရန် ဖန်ဆင်းပေးနေသလား။ ကျနော်သည် တွဲထောင့်၌မလှုပ်မယှက် ငြိမ်သက်နေ၏။ ဝေသည်တွဲအလယ် အမှောင်ထဲတွင် ရပ်တန့် လိုက်လေသည်။

“မေမေ ကားကြီးစီးမယ်နော်”ဟု ခလေး၏ပြောလိုက်သံသည် ကြားထဲတွင်ခြားထားသော လူအများကိုကျော်ဖြတ်ပြီး ကျနော်ကြားရလေသည်။

ရထားထွက်ခွါရန် ကြေညာသံသည် ပလက်ဖေါင်းစင်္ကြန်တွင် ပျ့ံလွင့်လာလေသည်။ ရထားသည် အသက်ရှူမွန်းကြပ်နေသော ဤဘူတာမှ စတင်ထွက်ခွာလေသည်။ ပလက်ဖေါင်းမီးရောင်များ တရွေ့ ရွေ့ နောက်ဘက်သို့ ရွေ့ သွားနေသည်။ မီးရောင်တခုသည် ကျနော့်နံဘေး ခုံအားပေါ်သို့ ကျရောက်လာသည်။ ဝေသည် အမှောင်ထဲမှ လှမ်ပြီး ခုံအားကို မြင်လိုက်ကာ လူကြားထဲမှတိုးဝှေ့ ပြီး လာနေသည်။ ရထားထွက်ခွာနေသဖြင့် သူ့ ကိုယ်ကလေးမှာ ယိမ်းထိုးလှုပ်ရှားနေသည်။
ကျနော်သည် ထောင့်ဖက် အမှောင်ထဲတွင် ငြိမ်သက်နေပြီး သူ့ ကိုလှမ်းငေး၍ကြည့်နေသည်။သူသည် ခုံစွန်းထိပ်တွင် ရပ်တန့် လိုက်လေသည်။

“ကျမ ခလေးနဲ့ မိုလို့ ဒီနေရာမယ် ထိုင်ပါရစေရှင်၊ လက်ဆွဲအိပ်ကလေး နည်းနည်းဆွဲယူပေးပါ၊ ကျမ ရှေ့ တဘူတာကျော်မယ်ဆင်းမှာပါ၊ မှောင်လိုက်တာနော် မီးသီးတွေကျွမ်းနေတာဘဲ”

ဝေ၏အသံသည် ကျနော့်ရှေ့ နားဝယ် ပျံဝဲနေသည်။ ထိုအသံကို မကြားခဲ့ရသည်မှာ ကြာပြီဖြစ်သော်လည်း ကျနော့်စိတ်နှလုံးထဲတွင် ဂယက်လှိုင်းရိုက်လျက် မှတ်မိနေသည်။ ဤအသံဖြင့်ပင် တအိပ်ယာထဲ၌ စကားတိုးတိုးပြောခဲ့ရဖူး၏။ ဤအသံကိုကြားခဲ့ရသည့်အကြိမ်ပေါင်းမှာ ကုဋေကုဋာများစွာဖြင့် ဖွဲ့ တွက်ရမည်။ ထိုအသံသည် ကျနော့်တကိုယ်လုံးကို တင်းကြပ်စွာရစ်ပတ်နှောင်ဖွဲ့ လေသည်။

ကျနော်သည် ကိုယ်ကို မလှုပ်ရှားပဲ လက်ဆွဲအိပ်ကို လှမ်းယူလိုက်၏။ ထိုအချိန်တွင် ပလက်ဖေါင်းမီးရောင်များမှာ နောက်ဖက်တွင် ကျန်ရစ်ခဲ့သဖြင့် ဤနေရာများတဝိုက်တွင် အမှောင်ရိပ်လွှမ်းနေသည်။ သူသည် ခုံအား၌ဝင်ထိုင်လိုက်ပြီး သူ့ သမီးလေးကို ကျနော်နှင့်သူ့ ကြား၌ချ၍ သူနှင့်ကျနော့်ကို တားဆီးဖြတ်သားထားသည်။

“သမီးလေး ခဏထိုင်အုံးနော်”

သူသည် ကျနော့်အသက်ရှူသံကို မှတ်မိသွားနိုင်သည်။ အမှောင်ထဲ၌တိုးကျစ်နေသော ကျနော့်ကိုယ်ဟန်ကို မှတ်မိသွားနိုင်သည်။ ကျနော့်ကို မှတ်မိလိုက်လျင် ဝေသည် ကျနော့်ကို ဇွတ်ဖက်ထားပြီး ငိုယိုကာ သူ့ ကို ကျနော်ဘာကြောင့် စွန့် ပစ်သွားရသည်ကို ဇွတ်မေးမြန်းပြီး ကျနော့်နောက်မှ မခွဲခွာတမ်း တွယ်ကပ်လိုက်လာတော့မည်။ သူ့ ကို သတ်ချင် သတ်ပစ်ခဲ့ပါတော့ဟု ပြောလိမ့်မည်။

ရထားသည် မြို့ အစွန်ကိုကျော်လာပြီး ကွေ့ ကြီးအတိုင်း တောင်ခြေဘက်သို့ ခေါင်းကို လှည့်ကွေ့ ကာ နွေည၏အမှောင်ထုထဲဝယ်ပြေးနေသည်။တောင်၏အထက် ကောင်းကင်နက်မှောင်ထဲတွင် ကြယ်ပွင့်များအဆုပ်လိုက်အခိုင်လိုက် တောက်ပနေသည်။ ပြိုးပြိုးပြက်ပြက် ကြယ်ရောင်ခြည်များသည် အနားတွင်ကပ်ထိုင်နေသော ဝေ့ကိုယ်ကလေးကို ဝိုးတဝါးမျှ မြင်ရရုံကလေးဖြစ်အောင် ထွန်းညှိပေးနေသလိုပင်။
ကလေး၏လက်တဖက်သည် ကျနော့်ပေါင်ပေါ်သို့ လာတင်ထားသည်။ ထိုအခါတွင် စိတ်လှုပ်ရှားလှစွာဖြင့် ကလေး၏လက်ကလေးကို ကျနော်သည် မသိမသာ တုန်ယင်စွာ ဆုပ်ကိုင်ထားနေသည်။ ‘သမီးလေး‛ ဟု ခေါ်လိုက်ချင်သောဆန္ဒ၊ ကလေးအား ပွေ့ ဖက်နမ်းရှုံ့ လိုသောဆန္ဒ၊ ကလေးအား မိမိ၏သမီးလေးစပယ်ခိုင်ဟု မှတ်ယူလိုသောဆန္ဒ၊ ဤကလေးအား မိမိ၏သမီးလေးပင်ဖြစ်နေစေလိုသောဆန္ဒ၊ ဆန္ဒအပေါင်းသည် အဆိပ်တက်နေသလို ကျနော့်တကိုယ်လုံးတွင် တရိပ်ရိပ်မွှန်းနေသည်။ ဝေသည် အမှောင်ထဲ၌ တဖက်မှနေ၍ ကလေး၏ပါးကလေးတဖက်ကို ပွတ်သပ်ပေးနေသည်။ ဝေ၏ အသက်ရှူသံကို ဤရထားဆူညံနေစဉ်တွင် မကြားနိုင်သည် အမှန်ဖြစ်သော်လည်း ကြားနေရသည်ဟု ကျနော်တွေးနေသည်။ ထို့ နောက် ဝေနှင့်ကျနော်သည် အသစ်တဖန်တွေ့ ဆုံ ဆုံစည်းလာသည့် မောင်နှံဟု ကျနော့်စိတ်ထဲ၌ထင်နေပြန်သည်။ ဤအထင်တို ၊့ ဤအတွေးတို ၊ ဤအဖြစ်အပျက်တို့ သည် အိပ်မက်မည်မျှဆံပါသနည်း။ ကြေကွဲဖွယ်ရာ အိပ်မက်ပေဘဲ ဝေ။

ကလေးသည် သူ့ အမေကို မော့ကြည့်လိုက်ပြီး မေ…မေ…မေ..ဟု မပီကလာခေါ်လိုက်သံကို ဤခုံတန်းကလေးပေါ်၌အလွန်သာယာ ညင်းညံ့စွာ၊ အလွန်နှစ်သက်ဖွယ်ကောင်းစွာ၊ အလွန်သာယာ ချမ်းမြေ့ဖွယ်ကောင်းစွာ ကြားနေရသည်။

“မေ ရှိတယ်လေ ဘာလဲ သမီးလေး ပြောလေ”

ထိုအသံသည် မေတ္တာအပေါင်းကိုဖွဲ့ ဆိုသော တေးဂီတသံဖြစ်နေ၏။ “မေမေရှိတယ်လေ သားရဲ့”ဟု ဟေမန်၏ ငှက်ပျောဥယျာဉ်ထဲရှိ လူမမာတဲကလေးပေါ်တွင် ဝေ၏ ရယ်သံတဝက်ဖြင့်ပြောခဲ့သောအသံအတိုင်းပင်။
ရထားသည် ကွေ့ ကြီး၏အဆုံးသတ် တံတားရှည်ကြီးပေါ်တွင် ဂျိုးဂျိုးဂျိမ့်ဂျိမ့် မြည်သံဖြင့် ဖြတ်သန်းနေသည်။ဝေ့ အသံမှာ ထိုအသံအောက်တွင် ပျောက်ကွယ်နေသည်။ ကလေးသည် ကျနော့်ပေါင်ပေါ်မှ သူ့ လက်ကို ပြန်ရုပ်သိမ်းလိုက်ပြီး သူ့ အမေကို အားကုန်ဖက်ထားနေသည်။

ဝေ သည် ကလေးကို ပြန်ဖက်ထားလျက် ကျေနပ်နှစ်သိမ့်လှစွာ၊ ကြည်နုးစဖွယ် ရယ်နေ၍ ထိုရယ်သံမှာ ဤခုံတန်းတဝိုက်ကို ဖုံးလွှမ်းရန် ကြိုးပမ်းနေသည်။ ဝေ့ ရယ်သံမှာ ဟိုစဉ်က ရယ်သံအတိုင်း။ ထိုအချိန်၌ ဝေ နှင့် ကျနော့်ကြား၌ ဆက်သွယ်မှုပြတ်တောက်ခဲ့သော သံယောဇဉ်ကြိုးအပေါင်းသည် တခုနှင့်တခု အလွန်လျင်မြန်စွာ ဆက်နေ၏။

ဤတံတား၏အောက်မှ ချောင်းသည် မြစ်ထဲသို့ စီးဝင်ပြီး ယခုအခါတွင် ပုံပြင်တခုထဲ၌ ပါဝင်ခဲ့သည်ဟု တွေးရတော့မည်ဖြစ်သည့် ဝေ ၏ ကြော်တဲဆိုင်ရှေ့ ရောက်သွားကာ ဝေ နှင့်ကျနော်တို့ မသိကျိုးကျင် ပြန်၍တွေ့ ဆုံနေကြပြန်ပြီဟု သဲပြင်သောင်စကို ပြောပြလိမ့်မည်။
ရထားသည် တံတားအောက်မှ လွတ်ကင်းလာနေသည်။ ဝေ သည် သူ့ သမီးလေးကို ပွေ့ လိုက်၏။

“ဘာလဲ သမီး ဘာပြုလို့ လဲ၊ သမီးကြောက်လို့ လား၊ ဟော တံတားကို ကျော်ပီးဘီ သမီးရဲ့၊ ထိုင် ခဏလေးထိုင်နေအုံးနော်၊ မေ ချီလာခဲ့ရတာ အဝေးကြီး၊ ဟေမန်က ချီလာရတာ ညောင်းနေဘီ၊ ထိုင်နေအုံးမှပေါ့၊ သမီးက လိမ်မာပါတယ်ကွယ်၊ နော်…နော်”

ကလေးကို ပွေ့ ချီထားသည့် လက်မေါင်းမှာ ကျနော့်လက်မေါင်းကို တချက်တချက် ထိထိနေသည်။

“မင်းဆာတယ်မေ၊ မင်းစားချင်တယ်မေ၊ မီး မင်းဆာတယ်မေ”
“သမီးကလဲကွယ် အိမ် ရောက်တော့မှာဘဲ၊ အိမ်ရောက်တော့ စားပေါ့၊ လမ်းမယ် မပူရဘူးလို့ မေ ပြောထားတယ်မှုတ့်လား၊ လိမ်မာရဲ့သားနဲ့ သမီးရယ်၊ ဟော ရှေ့ ကိုကြည့်စမ်း၊ မီးရောင် လှမ်းမြင်ရတော့မှာဘဲကွယ်၊ သမီးက လိမ်မာပါတယ်နော် ”

“ခင်ဝေ သမီးလေးတယောက်လောက် လိုချင်တယ်၊ ခလေးမရှိတော့ ခင်ဝေ့ကို ပစ်သွားမှာ ကြောက်နေရတာဘဲ၊ ခလေးရှိမှ သူ ပစ်မသွားနိုင်တော့မှာ” ဟု အတိတ်ကာလ၊ ဝေးကွာလှပြီဖြစ်သော အိုမင်းရင့်ရော်ဟောင်းနွမ်းဆွေးမြေ့ခဲ့ပြီးသော အတိတ်ကာလဆီမှ ဝေ ၏ ကလေးဆံသောအတွေး၊ ကလေးဆံသော စကားသံများကို ဖြတ်ကနဲ ကျနော် သတိရ ကြားယောင်လေသည်။ ထိုစဉ်က ဝေ့ အတွေးမှာ စပါးသယ် အလုပ်သမလေး မခင်ဝေ၏ အတွေး။ ယခုမူ မထင်မှတ်သော အဖြစ်အပျက်တို့ သည် ဖြစ်ပျက်ခဲ့ကြပြီးလျက်၊ ဝေ နှင့်ကျနော်သည် နှစ်ပေါင်းများစွာ ကွဲကွာလာကြပြီးပြီ။ ယခု ဝေနှင့် ကျနော်သည် ဤခုံတန်းပေါ်၌ ဝေ မသိဘဲနှင့် ပြန်လည်ဆုံတွေ့ နေရပြန်ပြီ။

ခပ်ဝေးဝေးပြပြတွင် နောက်တဘူတာမှ မီးရောင်များကို လှမ်းမြင်နေရပြီ။ မီးရထားသည် မီးရောင်နှင့်တစထက်တစ တိုးရွှေ့ နီးကပ်သွားနေလေပြီ။
ရထားသည် အပြင်အလံတိုင်ကိုလွန်ပြီး သံလမ်းပွိုင့်အဆက်မှ ကျော်ဖြတ်ပြန်သောအခါ ယိမ်းထိုးလှုပ်ခါသွားလေသည်။ ဝေ၏ ကိုယ်လုံးကလေးမှာ ရထားလှုပ်သဖြင့် ရုတ်တရက် ကျနော့်ကိုယ်နှင့် ထိကပ်သွား၏။ နွေးထွေးအိစက်သော အတွေ့ အထိအာရုံများ ငြိတွယ်ဖြစ်ပေါ်သွားပြန်သည်။ ယခုမူ ဤအထိအတွေ့ အာရုံတို့ မှာ တပ်မက်ဖွယ် မဟုတ်တော့ဘဲ ကြေကွဲဘွယ်ဖြစ်နေသည်။
ဤကြားဘူတာ၌ ငြိမ်သက်စွာ ထိုးဆိုက်ရပ်နားလိုက်လေသည်။ ဘူတာစင်္ကြန်၏ မီးရောင်များသည် ကျနော့်မျက်စေ့ရှေ့ မှ ဖြတ်သန်းသွားသောကြောင့် ကျနော်သည် တွဲ၏ထောင့်သို့  ပို၍တိုးကပ်လိုက်သည်။ ထိုမီးရောင်များသည် ဝေနှင့်ကလေး၏ တကိုယ်လုံးတွင် ထင်ဟပ်နေသည်။
ကလေး၏ပါးကို ပွတ်သပ်နေသော ဝေ့မျက်နှာပေါ်တွင် ကြည်နုးစဖွယ်အပြုံးရိပ်များ လှပစွာ ရှက်ဖြာသန်းနေသည်။ ဝေ့ မျက်လုံးများ၏ တောက်ပသောအလှမှာ ပေါ်လွင်နေသည်။ ဝေ့ မျက်တောင် ကော့စင်းစင်းတို့ သည် မှေးရှက်နေသည်။ ဝေ့ ပါးပေါ်မှ အနီစွေးရောင်သည် ပြန်လည်ထင်ပေါ်နေသည်။ ဝေသည် ဟိုစဉ်က ဝေပင် ပြန်ဖြစ်နေသည်။

ယခု ဝေ့မျက်နှာပေါ်တွင် သဘင်ဆံသော အတုအယောင်ဟန်ပန်များမှာ မရှိတော့။ မာနတောက်ပမှုမှာ မရှိတော့။
ယခု ဝေ သည် စပါးသယ်အလုပ်သမလေး ဝေ အဖြစ်ဖြင့် ရိုးသားတည်ငြိမ်လှစွာ ၊ မာနတရား ကင်းမဲ့လှစွာ၊ ညှိုးမှိန်လှစွာ၊ အားနည်းဖျော့တော့လှစွာ ပြန်၍လှနေပြန်သည်။
ဝေ့ မျက်နှာပေါ်၌ ဖြတ်သန်းစီးဆင်းနေသော မိခင်၏ မေတ္တာများကို မြင်နေရ၏။ မိခင်မေတ္တာ စိမ့်စမ်းရေများသည် ဝေ့ မျက်လုံးများမှ စီးဆင်းဖြတ်သန်းနေပြန်သည်။ သူ သူ့ သမီးလေးကို ငုံ့ ကြည့်နေဟန်မှာ အလှဆုံးပန်းချီကားတချပ် ဖြစ်နေသည်။

ရှေ့ ဘူတာ၌ ဝေ ဆင်း နေရစ်ခဲ့တော့မည်။ ရှေ့ ဘူတာ၌ သူ့ ကမ္ဘာကလေး ရှိနေလေသလား။ ကျနော်သည် ဝေ့ ကို နှုတ်ဆက်လိုက်ချင်နေသည်။
ရထားသည် အထက်ပွိုင့် လမ်းခွဲကိုကျော်နေပြီး ဝေ့ လက်မေါင်းသား နွေးနွေးအိအိမှာ ရထားယိမ်းခါသဖြင့် ကျနော့်ကို လာ၍ထိကပ်ပြန်သည်။

“မီး ၊ မီး မင်းဆာတယ်၊ မီး မင်းစားချင်တယ် မေ”

ကလေး၏ ပူဆာသံကလေးမှာ သနားစဖွယ် ငိုမဲ့သံဖြစ်ပေါ်နေသည်။

“ရောက်ပါတော့မယ် သမီးရယ်နော်၊ ခဏကလေး စေါင့်နေလိုက်အုံး၊ မေ စိတ်ညစ်လာဘီ ဒုက္ခဘဲ”

ကျနော့် စိတ်နှလုံးသားထဲ၌ ကရုဏာ မေတ္တာရိပ်များ ဖြတ်သန်းစီးဆင်းနေသည်။ ဝေ့ သမီးလေးမှာ မုန့် ပဲသွားရည်စာ မပူတတ်ရှာသော ထမင်းမျှသာ ပူတတ်ရှာသော ကလေးဖြစ်နေသည်။ သူတို့ သည် ဟေမန်မှ နေ့ ခင်းပိုင်းလောက်မှ ထွက်လာကတည်းက မည်သည့်အစာကိုမျှ စားခဲ့ကြပုံ မရသေး။ ဝေ့ ဘဝမှာ ဘယ်သို့  ဘယ်အခြေဖြင့် လှုပ်ရှားရုန်းကန်နေရပါသနည်း။

ထို့ နောက် အဝေးဆီတွင် မီးရောင်မှိန်ပြပြများ ကောင်းကင်ပြင်သို့ ထိုးတက်နေသည်ကို မြင်ရလေသည်။ မီးရောင်များသည် ရထားရှိရာဘက်သို့ ပြေးလွှားလာနေသည်။ မိနစ်ပိုင်းအတွင်းတွင်ပင် ဝေ ဆင်းသက်တော့မည့်ဘူတာသို့ ဆိုက်ရောက်တော့မည်။ ဤကြေကွဲဖွယ်ရာ အိပ်မက် ပန်းချီကားချပ်မှာ အိပ်ယာမှ နိုးလိုက်လျင် ပျက်ပြယ်သွားတော့မည်။
ဝေ ဆင်းသက် ပျောက်ကွယ်သွားတော့မည်။
ထို့ နောက် ဝေ့ အား ဘယ်အချိန် ဘယ်ကာလတွင်မှ တဖန်ပြန်လည်၍ တွေ့ ဆုံနိုင်တော့မည် မဟုတ်တော့။

ကျနော်သည် ခေါင်းကို ငုံ့ ထားလိုက်ကာ သက်ပြင်းချနေမိသည်။ ထိုအချိန်တွင် ဝေ့ မျက်လုံးများသည် သူ့ သမီးလေးမျက်နှာမှ ခွာသေးဘဲ ကလေး၏ပခုံးကို ကိုင်လှုပ်ပြီး တခုခုပြောနေ၏။

“ထူးလေ ၊ ရှင်လို့ ထူးစမ်းနော်၊ ကဲ ခေါ်မယ်၊ သမီးလေး၊ ရှင်လို့ ထူးလေ၊ ထူးကွယ်၊ လိမ္မာသားနဲ့ ၊ ရှင်လို့ ထူး၊ ပြန်ခေါ်မယ်နော်၊ ကဲ သမီးလေး”
ကလေးသည် အမှောင်ထဲ၌ သူ့ မေမေ မျက်နှာကို မော့ကြည့်နေသည်။
“သမီးလေး”
“ဆင်”
“ရှင်လို့ ပီအောင် ထူးလေ၊ ပြန်ခေါ်မယ်၊ သမီးလေး”
“ဆင်”
“သိပ်လိမ္မာတာဘဲ၊ မေ့သမီးလေးက သိပ်လိမ္မာတာဘဲ”

ဝေ ၏ သာယာရွှင်ပြစွာ ရယ်မောလိုက်သံမှာ ကြည်နူးစဖွယ်ဖြစ်လေသည်။ ယခုအခါ၌ ဝေ သည် သာယာကြည်နုးချမ်းမြေ့နေ၏။ ရှေ့ ဘူတာမှ မီးရောင်သည် ပို၍နီးကပ်လာနေသည်။ လယ်ကွင်းပြင်ကျယ်ကြီးမှာ အဆုံးသပ်သွားတော့မည်။ ကျနော်သည် ဝေ့ ကို နှုတ်ဆက်ရန် စိတ်လှုပ်ရှားလှစွာ၊ မောပမ်းနွမ်းနယ်စွာဖြင့် တွေးနေသည်။ ယခုအခါ၌ ကျနော်သည် မိမိ၏စိတ်ကို ကယောင်ချောက်ချား မနိုင်မနင်း ထိန်းချုပ်နေရလေသည်။ ဤနည်းဖြင့် အဟောင်းအမြင်းများကို ပြန်ကောက်ပြီး ဆက်စပ်လိုက်တော့မည်။

“ခိုင်စပယ်လေး”
“ဆင်”
“မေ့ သမီး ခိုင်စပယ်လေး”
“ဆင်”

ကျနော်သည် အမှောင်ထဲ၌ လှုပ်ရှားမှုပြင်းထန်လှစွာဖြင့် ရုတ်တရက် ဝေ့ဘက်သို့ ကိုယ်ကို တိုးညွတ်လိုက်၏။ ကလေးနှင့် ကျနော့်ကိုယ်မှာ ထိသွားသည်။ ဝေ့ မျက်နှာကို အမှောင်ထဲတွင် အလွန်နီးကပ်လှစွာ ကပ်ကြည့်နေမိပြန်သည်။ ဝေ့ ပါးပေါ်မှ သင်းမြမြ သနပ်ခါးရနံ့ မှာ စိတ်နှလုံးအာရုံကို ပိုမို တုန်လှုပ်ချောက်ချားနေစေသည်။ အမှောင်ထဲတွင် ဝေ ၏ ရယ်မောနေသံမှာ ရွှင်ပြနေသည်။ ဝေ့ မျက်နှာပေါ်မှ အပြုံးများကို မြင်နေရသည်ထင်၏။ အမှောင်ထဲ၌ ဝေသည် ကျနော့်ကို မှတ်မိသွားလိမ့်မည်။

ဝေ သည် ကျနော်တို့ ၏သမီးလေး စပယ်ခိုင် ၊ ကျနော် မှည့်ခေါ်ခဲ့သည့် စပယ်ခိုင် နာမည်ကိုယူ၍ သူ့ သမီးလေးကို ခိုင်စပယ် ဟုခေါ်ထား၏။

ဝေ သည် စပယ်ခိုင် လေးကို အစဉ် တမ်းတနေမည်။ စပယ်ခိုင် ၏ ဖေဖေ ကို မေ့မည်မဟုတ်။ စပယ်ခိုင်၏ ဖေဖေနှင့်အတူ နေခဲ့သည့် ခြောက်နှစ်ကျော်ကျော် အချိန်ကာလကို ပြန်၍ တမ်းတနေမည်။ ယခု သူ့ သမီးလေးကိုပင် ကျနော်နှင့်ရသည့်ခလေး အဖြစ် ‘ခိုင်စပယ်‛ ဟု သူ့ စိတ်ထဲမှ စွဲမှတ်နေသည်။ သူသည် ကျနော့်အပေါ်၌ ချစ်ရိပ်ချစ်ငွေ့ မပြယ်နိုင်သေး။ ဘယ်သောအခါမှလည်း ပြယ်နိုင်မည်မဟုတ်။
သို့ သော် သူနှင့်ကျနော့်ကြား၌ မည်သည့် အချိန်ကာလတွင်မှ ပြန်၍ ဆက်စပ်ရနိုင်တော့မည် မဟုတ်သည့် အတိတ်ကာလဆီမှ အစွန်းအထင်းကွက်တို့ သည် ကျနော့်ဆန္ဒ စိတ်တို့ ကို တားဆီးထားနေလေသည်။
ယခုအခါ၌ ကိုယ့်ဘဝသည် ငြိမ်းချမ်းနေပြီ ဝေ။ ဤအချိန်များ မြန်မြန်ကုန်ဆုံးပါစေတော့ဟု ကျနော်သည် အားအင်ကုန်ခန်းစွာဖြင့် နောက်ဆုံးတွင် ဆုတောင်းနေမိသည်။

“သမီးလေး”
“ဆင်”
“ခိုင်စပယ်လေးက သိပ်လိမ္မာတာဘဲ”
“ဆင်”
“အို ခေါ်တာမဟုတ်သေးဘူးလေ”

ဝေ က ထပ်၍ ရယ်မောနေပြီး ကလေးကို ကောက်ချီလိုက်ချိန်တွင် ရထားသည် အပြင် အလံတိုင်ကို ကျော်လွန်ပြီး အတွင်းပွိုင့်လမ်းခွဲသို့ ရောက်လုနီးနေပေပြီ။ သူသည် မတ်မတ်ထရပ်ပြီး ကလေးကို ခါးထစ်တွင် ချီလိုက်သည်။ အမှောင်ထဲ၌ သူ့ တဘက်နွမ်းကလေး ပခုံးပေါ် ကောက်တင်လိုက်လေသည်။ ထို့ နောက် ခုံတဖက်မှ ကျနော့်ကို လှမ်းကြည့်လိုက်လေသည်။

“ကျေးဇူးတင်ပါတယ်ရှင် ကျမဆင်းရမယ့်ဘူတာကို ရောက်ပါပြီ”

ဝေ က သူစိမ်းပြင်ပြင်ဖြစ်နေသော ကျနော့်ကို လှမ်း၍ နှုတ်ဆက်လိုက်သံမှာ ဆူညံသံများအကြားမှ ညင်သာစွာ တိုးဝှေ့ ထွက်ပေါ်လာသည်။
ထို့ နောက် ဝေ သည် ခုံတန်းလျားမှ တဖက်သို့ လျှောက်သွားပြီး အမှောင်ထဲဝယ် မှန်းဆ၍ပင် မမြင်နိုင်အောင် ပျောက်ကွယ်သွားလေသည်။ ရထားသည် ဘူတာပွိုင့်ကို ဖြတ်ကျော်နေပြီး ဘူတာမီးရောင်အောက်သို့ ရဲရဲစူးစူး တိုးဝင်ရပ်တန့် လိုက်သည်။
ကျနော့်ရှေ့ တွဲ အလယ်ပေါက်မှ ဝေ သည် ကလေးကိုချီလျက် သွက်လက်ဖြတ်လတ်စွာ ဆင်းသက်လိုက်၏။ ပလက်ဖေါင်း မီးရောင်များသည် ဝေ့ ကို ထွန်းညှိပြပေးနေ၏။

ခလေးကလေးကို ခါးစေါင်းတင် ချီမထားလျက်၊ တဘက်နွမ်းကလေးကို ပခုံးတွင် ရစ်ပတ်ထားလျက်၊ အပြာရောင်ထမီအဟောင်းကို တိုတို ဝတ်ထားလျက်၊ အင်္ကျီအနွမ်းကလေး၏ လက်မေါင်းစတို့ ကို လိပ်ခေါက်တင်ထားသော ဝေ ၏ ကိုယ်ကလေးကို နောက်မှ ကျနော်သည် ငေးမောကြည့်နေ၏။

ထိုခဏ၌ ဝေ ပြန်လှည့်ကြည့်လိုက်ပါစေဟု ကျနော်သည် စိတ်ကို အလောင်းအစားပြု၍ ဆုတောင်းနေသည်။ ဝေ လှည့်ကြည့်လိုက်လျင် ပလက်ဖေါင်း မီးရောင်အောက်သို့  ထွက်ပြူနေသော ကျနော့်မျက်နှာကို မြင်လိမ့်မည်။ ထိုအခါတွင် ဝေ သည် ပြန်၍ပြေးလာပြီး ရထားပေါ်သို့ ဇွတ်ပြန်၍ တွယ်ကပ်တက်လာတော့မည်။ ထိုအခါ၌ကား သူနှင့်ကျနော့်ကြား၌ ဖြတ်တောက်ခဲ့သော သံယောဇဉ်ကြိုးအပေါင်းကို မည်သည့်အရာကမျှ မည်သူကမျှ ဟန့် တားနိုင်တော့မည်မဟုတ်ဘဲ ပြန်၍ ဆက်စပ်ကုန်တော့မည်။ ထိုအတိုင်းပင် ဖြစ်ပါစေတော့။

နောက်တပိုင်းကို ဆက်ဖတ်ပါရန်...

နွေတည


( ၁၈ ) နိဂုံးပိုင်း

ဆည်းဆာမှာ ဖျော့မှိန် သွားလေသည်။ အနောက်ဖက်တောင်ကြော၊ သစ်တောနှင့်လယ်ကွင်းပြင်ကျယ်ကြီး အပေါ်ဝယ် တောက်ပနေသောဆည်းဆာ၏ အနီစွေးစွေး ရောင်ခြည်များကို တစတစရုပ်သိမ်းသွားသည်။ အရာရာကို အမှောင်ရိပ်များသည် ဝါးမျိုပစ်နေသည်။ ထို့နောက် လှသောဆည်းဆာမှာ အလျင်းကွယ်ပသွားကာ နွေပေါင်းမြောက်မြားစွာ၏ ညပေါင်းမြောက်မြားစွာအနက်ထဲမှ တခုသော နွေ၏ညတညကား ဆိုက်ရောက်လာနေတော့သည်။


ရထားပေါ်တွင် မီးပွင့်များလက်လာသော်လည်း ကျနော်ထိုင်နေရာ တွဲအလယ် ထိုင်ခုံများဘက်မှ မီးသီးနှစ်ခု ကျွမ်းနေသဖြင့် ထိုနေရာ၌ အမှောင်ရိပ်များ ရစ်ပတ်နေလျက်ပင်။ ထိုအမှောင်ထဲမှပင် ကျနော်သည် မမြင်ရတော့သည့် လယ်ကွင်းပြင်ကျယ်ကြီးကို စိတ်ဖြင့်မှန်းဆကြည့်နေသည်။ စိတ်နှလုံးသားထဲတွင် လှုပ်ရှားလှိုင်းထနေသည်။
ကျနော်သည် တဖက်ခုံအား အပေါ်သို့ လက်ဆွဲအိတ်ကို ပစ်တင်လိုက်သည့်ခဏ၌ အမေ့ အတွက် သောက တစွန်းတစ စိတ်နှလုံးသားထဲ ဝင်လာနေပြန်သည်။

အမေ နေမကောင်း၊
သား အမြန် ပြန်လာပါ။

မနေ့ကပင် ထိုကြေးနန်းဆိုက်ရောက်လာခဲ့၍ ကျနော်လည်းမှီရာရထားဖြင့် အမြန်ုဆုံးမြိုင်ကြီးသို့ပြေးလာနေပြီ။ အဖွားကိုပင် မသဂြိဟ်ဘဲနှင့် ပြန်သွား၊ အလုပ်မှထွက်၊ အိမ်ထောင်ရေးကိုဖျက်ဆီး စွန့်ခွာပစ်လိုက်ချိန်မှစပြီး အဆက်အသွယ် အားလုံးပြတ်တောက်ကုန်ကာ အမေနှင့် တကြိမ်မှပြန်၍ မတွေ့ရတော့။ အမေကား ကျအရွယ်ဖြစ်၍ တရိရိ အိုမင်းနေရှာလေပြီ။ ယခုအမေ့ကို အသက်နှင့် ကိုယ်နှင့် မှီမှမှီနိုင်ပါ့မလားဟု ကျနော်သည် စိုးရိမ်နေ၏။ အမေနှင့် ခဏဖြစ်ဖြစ် ပြန်၍ တွေ့ချင်သေးသည်။ ခလေးဘဝ တုန်းကလို အမေ့ရင်ခွင်ထဲ ခေါင်းကို ဝှက်ထားလိုက်ချင်သေးသည်။ သတ္တဝါမှန်လျှင် သေချိန်ရောက်ပါက သေဆုံးရ မည်ပင်တကား။ ငယ်သည် ကြီးသည်မဟူ သေခြင်းတရားကိုကား လွန်ဆန်နိုင်မည် မဟုတ်ပါတကား။

ကျနော်သည် အမှောင်ထဲ၌“ဟေမန်” ဟု မှန်းဆရသည့် ဘက်ကိုလှမ်းမျှော်ကြည့်နေမိကာ ထိုအခါတွင် သမီးလေးကို အမှတ်ရတမ်းတနေသည်။ ဤမှာဘက် လယ်ကွင်းပြင်ကြီးနှင့် သစ်တောကြီးကို ကျော်လွန်လိုက်လျှင် ဟေမန်သို့ရောက်ပါ လိမ့်မည်။ချစ်ဇနီးနှင့် အတူ တနှစ်ကျော်ကျော်နေခဲ့သော ဟေမန်။ ဒုက္ခရောက်နေသော်လည်း တူနှစ်ကိုယ် စိတ်ချမ်းမြေ့ခဲ့သောဟေမန်။ သမီးလေး၏ဇာတိ ဟေမန်။ သမီးကလေး နေရစ်ခဲ့သော ဟေမန်။

နောက်မိနစ် ၂၀။ ၇ - ၃၅ နာရီတွင် ဤရထားကား ဝေတို့မြို့သို့ ဆိုက်ရောက်တော့မည်။ ဝေတို့ မြို့၌ ရထားသည် ငါးမိနစ်မျှ ရပ်နားပေလိမ့်မည်။
ဘူတာရုံ၏ နောက်ဖက် စက်ခေါင်းရုံအနီးမှဖြတ်သန်း သွားသည့် လမ်းကလေးကို ကျနော်စိတ်လှုပ်ရှားစွာ ဆို့နင့် စွာဖြင့်သတိရနေပါသည်။ မိုးဖွဲ့ကလေးများ မှုန်နေသည့် တညဝယ် ကျနော်သည်ဝေအလာကို ထိုလမ်းမှ စောင့်မျှော်နေခဲ့ဘူးသည်။ ထိုညကချစ်စဖွယ်၊ ကြည်နူးစဖွယ်၊ ပျော်မြူးစဖွယ် ကောင်းပုံမျိုးကို နောက်ထပ်တဖန်ပြန်လည်ဖြစ်ပွားရန် မဖြစ်နိုင်တော့။
ထို့နောက် စပါးစက်ကြီးသို့ သွားရာ အမှောင် ကြားလမ်းမြှောင်ကလေး။ စပါးစက်။ ဝေ၏ မိသားစု နေခဲ့သည့်အလုပ်သမားတန်းလျား။ ချောင်း။ လက်ရန်းမဲ့ တံတားကလေး။ မှောင်ရီရီထဲဝယ် ထိုလက်ရမ်းမဲ့ တံတားကလေးပေါ်၌ ဝေနှင့် စကားပြောခဲ့သည်တုို့ကို တွေးနေ၊ အမှတ်ရနေ၊ တသနေပြန်သည်။
မြို့သစ်ကလေးသို့ ထွက်ခွာ လာသည့်နေ့။ မြို့သစ်ကလေးကိုလည်း ကျနော်သည် သတိရနေပြန်သည်။

မြို့သစ်ကလေးမှနောက်ဆုံး ထွက်ခွာလာပြီး ကတည်းက ဝေနှင့် ကျနော့် ကြားထဲဝယ် မုန်းတိုင်းတခု တိုးဝှေ့လာစ ပြုလေသည်။
ဤနည်းဖြင့် ဝေနှင့်ကျနော်တို့ ခွဲခွာသွားရလိမ့်မည်ဟု မည်သူ ကြိုတင်တွက်ဆနိုင်ပါမည်နည်း။ သို့သော်အချိန်၊ အခြေအနေ၊ ပတ်ဝန်းကျင်တို့သည် သက်ရှိသက်မဲ့တို့အား အစဉ်သဖြင့် ပြောင်းလဲစေလျက်ရှိသည်။ အိမ်ထောင်ရေးမှာ တစတစ လမ်းကြောင်း ပြောင်းသွားကာ နောက်ဆုံးအရှိန်ကို မထ်ိန်းနိုင်တော့ဘဲ ပြိုကွဲ ပျက်စီးရတော့သည်။ ဝေ့ကို စွန့်ပယ်လာခဲ့ရတော့သည်။
ထိုအချိန်မှစ၍ ဤမှာဘက် ငါးနှစ်တာ အချိန်၌ တကြိမ်တခါ တခဏကလေးမျှပင် ဝေနှင့်ပြန်လည် ဆုံတွေ့ရခြင်း မရှိတော့။

အိပ်ထောင်ပျက်ပြားခါစ ကာလကမူ “ဝေသည် တငိုငိုတရီရီဖြင့် ကျနော့်ကို လိုက်လံစုံစမ်းနေသည်။ အမေ့ထံ မြို့ကြီးသို့လည်း သွားရောက်ပြီး စုံစမ်းခိုင်းနေသည်ဆိုသော သတင်းများသည် တိတ်တဆိတ် ကျနော် ရှိရာသို့ပျံ့လွင့်လာနေသည်။ “မျက်နှာချင်း ခဏကလေး ပြန်ဆုံခွင့်ရရင်ကျေနပ်ပါဘီ၊ သူဘာပြုလို့ကျမကိုပစ်သွားတယ်ဆိုတာ သူ့ပါးစပ်က ပြောပြရုံကလေးပြောပြရင် ကျေနပ်ပါဘီ” ဟု အမေ့ ကို ဝေငိုယို ပြောခဲ့သည့် စကားသံများသည် ကျနော့်ထံသို့ ရောက်လာ နေသည်။ ထို့နောက်ဝေ့ သတင်းအတိုအစတို့သည် ခဏတာ ငုပ်လျို့း ကွယ်ပျောက်သွားပြန်ပြီး နောက်မှ ဝေအိမ်ထောင်သစ်တခု ထူထောင်လိုက်ပြီဟူသော သတင်းတခုရောက်လာသည်။ နောက်နှစ်နှစ်ကာလတွင် ထိုအိမ်ထောင်နှင့် တဖန်ကွဲကွာ ပျက်ပြားသွားပြီး ဝေတတိယအိမ်ထောင် ထူလိုက်ပြန်ပြီဆိုသည့် သတင်းရောက်လာသည်။ ယခုကား သူ့ သတင်းကို မကြား နိုင်တော့။ သူဘယ်ဆီရောက်နေပြီဆိုသည်ကိုလည်း မသိနိုင်တော့။ ဤ အခန်းတို့မှာ ကပြပြီးခဲ့သော ကန့်လန့်ကာ နောက်ကွယ်မှ အခန်းကဏ္ဍတို့ ဖြစ်ခဲ့လေပြီ။

ဟေမန်မှ ထွက်ခွာ လာပြီး ကျနော်တို့သည် မုန်တိုင်းရှိရာဘက်သို့ ကွေ့ချိုးလာခဲ့မိလေပြီ ထင်၏။ ဝေနှင့် ကျနော့်ကြား၌ ထိုမုန်တိုင်းသည် ညင်သာစွာ ဝှေ့တိုးနေရာမှ တစထက်တစ ထန်လာသည်။ ထို့နောက် ဝေနှင့် ကျနော်သည် တဖက်အစွန်းဆီသို့ လွင့်စဉ်ပြေးသွားခဲ့ရလေသည်။
အလုပ်နှင့် အားလုံးကို စွန့်ပယ်လာရသော နောက်ဆုံးနေ့၊ စိုက်ပျိုးစ ငှက်ပျောဥယာဉ်အတွင်း၊ အုတ်နီခဲ လမ်းမြှောင်ကလေးအတိုင်း လျှောက်လာရချိန်တွင် ကျနော့် ခြေထောက်များမှာ ဝန်လေးတခုချည်နှောင် ဒရွတ်ဆွဲလာရသကဲ့သို့လေးပင်နေသည်။ လူမနေတော့သောခြံကို သော့ခတ် နေစဉ်တွင် ကျနော့်လက်မှာ တဆတ်ဆတ်တုန်နေကာ အလုပ် ထွက်စာသည်ပင် လွတ်ကျသွားခမန်း ဖြစ်နေသည်။ အလုပ်ထွက်ခွင့်မကျမီ ကြားရက်ကာလများ၌ လစာမဲ့ ခွင့်ရက်ရှည်အဖြစ် ပေးထားပါရန် လျှောက်လွှာသည်လည်း လွတ်ကျခမန်းပင်။

နောက် နှစ်ရက် အကြာ၌ဝေ ပြန်လာမည်။ ဝေသည် မြင်းလှည်းပေါ်မှ ဆင်းပြီး နားမလည်နိုင်စွာ တွေ၍ ရပ်တန့်နေမည်။ ဝေသည်စိတ်လှုပ်ရှားစွာဖြင့် နံဘေး ပတ်ဝန်း ကျင်၌ လိုက်လံစုံစမ်း၍မရတော့သည့်အဆုံး ရုံးသို့ လိုက်သွားပြီး စုံစမ်းတော့မည်။
ရုံးမှ ကျနော့် မိတ်ဆွေတဦးက ဝေ့လက်ထဲ သော့ပေးအပ်လိုက်ပြီး “အလုပ်က ထွက်သွားတယ်ဗျာ၊ ဘယ်သွား မှာလဲမသိဘူး၊ တရုံးလုံး ဝိုင်းတားတာ လဲမရဘူး” ဟု ပြောလိုက်လိမ့်မည်။ ထိုအခါတွင် ပထမ၌ ဝေသည် မယုံနိုင်စွာ ငေးမောနေလိမ့်မည်။ အိမ်ပြန်ပြေးလာပြီး သည်းထန်စွာ ငိုကြွေးတော့မည်။ဤအိမ်ကလေးပေါ်ဝယ် ဝေ တပ်မက်သော ပစ္စည်း ပစ္စယ၊ ကျနော့် အဝတ်အစား သေတ္တာမှတပါး၊ ခြေရာမပျက်လက်ရာမပျက် အပျောက်အရှ အလျော့ တခုမျှမရှိဘဲ တွေ့လိမ့်မည်။ ထို့နောက် ဝေသည် ကျနော်ဘာကြောင့် ထွက်ခွာသွားလေမည်ကို ဝေ့ဖာသာ သိလာ လိမ့်မည်။ ထိုအခါ၌ကား ကျနော့် နှလုံးသားပြင်ထက်ဝယ် လောင်ကျွမ်းခဲ့ရသည့်မီးတောက် မီးလျှံ များသည် သူ့ကို ကူးစက်လောင်ကျွမ်းသွားပါလိမ့်မည်။

ရုံးမှ ဝိုင်းဝန်းကန့်ကွက် တားဆီးသော်လည်း သူတို့သည် အလုပ်ထွက်စာလက်ခံထားပြီးလစာမဲ့ ခွင့်ရက်ရှည်ကို ပေးလိုက်ရလေသည်။
နေ့လည် ရထားစီးရန်အတွက် ကျနော်သည် အိမ်ထောင်းရေး၏ ပျက်ယွင်းမှုကာလ အစပိုင်းကရောက်ရှိခဲ့ရာ မြိုင်ကြီးဘူတာသို့ တဖန်ရောက်ရပြန်သည်။
မြိုင်ကြီးမှရထားထွက်လာချိန်ဝယ် ကျနော်သည် ရထား၏တံခါးဝ၌ ရပ်တွေပါ လာခဲ့လေတော့သည်။ မီးရထားသည် တောင်ကုန်းကို ကွေ့၍ မြို့ဘက်သို့ လျှောဆင်း ပြေးသွားပြီး စပယ်ခြံများကို ဖြတ်လျက် ကုန်းပေါ်ပိုင်းအထက်မှ ဖြတ်သန်းသွားလေသည်။ သီတာမြသားမှ ဖြတ်သန်းသွားလေသည်။ သီတာမြသားမှ ကျနော်နှင့်ဝေ တို့နေခဲ့ရာ အုတ်ကြွပ်မိုး အိမ်ကလေးနှင့် အိမ်ရှေ့ စိမ်းစိုသော ငှက်ပျောခြံကလေးကို နောက်ဆုံးအဖြစ် ငေးကြည့်ခဲ့သည်။.

မြစ်သည် သွားရာလမ်းမှ သွေဖယ်ပြီး ကွေ့ တခုတွင် ဖြတ်ကျိုးပြီး အခြား မြစ်ကြောင်းတခုကို ဖန်ဆင်း သွားလေပြီ။ နံနက်က ဝေ့ကိုပွေ့ဖက်ခဲ့၊ စကားပြောခဲ့သည်တို့မှာ နေ့လည်နှင့်မပတ်သက်တော့။ နံနက်သည် အတိတ်ကာလဖြစ်သွားလေပြီ။
နံနက်နှင့် နေ့ လည်ကို သံကန့်လန့်ကာ တခုဖြင့် ပိုင်းခြားဆီးတားလိုက်လေသည်။
ထိုနောက် အချိန်ကာလပေါင်း များစွာသည် ကြားထဲ၌ ခြားသွားခဲ့လေပြီ။ ငါးနှစ်တာအချိန် ကြာညောင်း လာသောအခါ အတိတ်သည် မှေးမှိန် မှုန်ဝါးသော အိမ်မက်အတွင်း၌ ခဏတဖြုတ် မြင်တွေ့လိုက်ရသည့် ပန်းချီကားဟောင်း တချပ် အလားဖြစ်ခဲ့လေပြီ။
ကျနော်သည်ညကြည့်နာရီကို ငုံ့ကြည့်နေမိသည်။ အမှောင်ထဲတွင် မီးစုန်းများသည် ၄-၃၃ ရှိသွားပြီဟု ညွန်ပြနေသည်။ နောက် နှစ်မိနစ်အတွင်းတွင် ထိုဘူတာသို့ ရောက်ရတော့မည်။ ၇. ၃၅ အချိန်တွင် ဤရထားသည် ဝေနှင့် ကျနော်စတင် ဆုံစည်းရာ၊ ဟေမန်မှ နောက်ဆုံးစီးနင်းလာခဲ့ရာ ဘူတာသို့ ဆိုက်ရပ်တော့မည်။

ကျနော့် စိတ်နှလုံးမှာ ထိန်းထား၍မရနိုင်အောင် ကြွေကွဲလာနေသည်။ ဝေနှင့်ကျနော် ဟေမန်မှ ထွက်လာပြီး လျှောက်ခဲ့သည့်စင်္ကြံကိုနောက်ထပ်တဖန် မမြင်တွေ့လိုတော့ပေ။ ဘူတာကိုဖြတ်ကျော်နေစဉ်၌ အိပ်ပျော်နေချင်ပါသည်။ အိပ်လို့ကော ရနိုင်ပါ့မလား ဝေ။

(နောက်တပိုင်းကိုဆက်ပြီးဖတ်ပါခင်ဗျား...)

December 02, 2009

နွေတညရဲ့ ရင်ခုန်သံလှိုင်းဂယက်များကို စုစည်းခြင်း


ဆရာနိုင်ဝင်းဆွေရဲ့ နွေတည ဝတ္ထုအပေါ် အမေရိကမှာရောက်နေတဲ့ ကဗျာဆရာမကြီး (ဒေါ်)ကြည်အေး က၊သူ့ အနေနဲ့  ဒီဝတ္ထုကို ရုတ်တရက်မချီးကျူးချင်သေးဘူး၊ ဘာပြုလို့ လည်းဆိုတော့ ဒီဝတ္ထုဟာ နိုင်ဝင်းဆွေ ကိုယ်တိုင်ရေးဝတ္ထု ဟုတ်တယ်မဟုတ်ဘူးဆိုတာ မသေချာသေးလို့ ဖြစ်တယ်၊ပြင်သစ်ဝတ္ထုတချို့ နဲ့ တူနေသလားလို့ ဆိုပြီး ဆရာဒဂုန်တာရာဆီကို လှမ်းပြောခဲ့ဖူးတယ်။

နောက်ထပ်…စာရေးဆရာမ ဂျူး ကလည်း အင်တာဗျူးတခုမှာ သူ့ အနေနဲ့ မြန်မာဝတ္ထုထဲမှာ နွေတည ကို အကြိုက်ဆုံးမြန်မာဝတ္ထုတပုဒ်ဖြစ်တယ်လို့ သဘောထားပေးခဲ့ဖူးတယ်။

တခါ..ဒီဝတ္ထုကို ပြည်တွင်းမှာထပ်မံထုတ်ဝေဖို့ ခက်ခဲနေလို့ ကျနော့်ဘလော့မှာ အပိုင်းလိုက် စာရိုက်ပြီးတင်တော့လည်း မိတ်ဆွေတချို့  က သူတို့ အမြင်၊သူတို့ ခံစားချက်တချို့ ကို ဝင်ပြီးရေးခဲ့ကြပါတယ်။
အခုဆိုရင်…နွေတည ရဲ့နောက်ဆုံးတခန်း (၁၈) ကိုပဲ တင်ဖို့ ကျန်ပါတော့တယ်။

ဒီနောက်ဆုံးတခန်းကို တင်တဲ့အခါ
ကျနော့်ဘလော့မှာ မကြာခဏလာပြီး နွေတည အပေါ် သဘောထားပေးခဲ့ကြတဲ့
အောက်ပါချစ်မိတ်ဆွေများအနေနဲ့ ပဲ ဖြစ်ဖြစ်၊တခြား..ချစ်မိတ်ဆွေ မည်သူမဆို
မိမိတို့ ရဲ့ အမြင်၊ခံစားချက်၊ယူဆချက်တချို့ ကို ဝင်ရေးပေးကြဖို့ ကြိုတင်တောင်းဆိုအပ်ပါတယ်။

နွေတည နောက်ဆုံးအခန်းဖေါ်ပြပြီးတဲ့အခါ
“နွေတညရဲ့ ရင်ခုန်သံ လှိုင်းဂယက်များ”ဆိုတဲ့ ခေါင်းစဉ်အောက်မှာ သီးသန့် တစုတဝေးတည်း ဖေါ်ပြသွားချင်ပါတယ်။
နောင်အခါ နွေတည ဝတ္ထု (ပြည်တွင်းမှာပဲဖြစ်ဖြစ်၊ပြည်ပမှာပဲဖြစ်ဖြစ်) ထုတ်ဝေဖြစ်ခဲ့ရင်
ဒီ ခံစားမှု စာစုများကို တပါတည်းထည့်သွင်းဖေါ်ပြနိုင်ဖို့ ရည်ရွယ်ပြီး အခုလို တောင်းဆိုရခြင်းဖြစ်ပါတယ်။
အကူအညီပေးကြလိမ့်မယ်လို့ ကျနော် မျှော်လင့်ပါတယ်။

ှုဦးဇင်းတိက္ခ
ခင်မင်းဇော်
မမသီရိ
ဆရာ ခင်လွန်း
ကိုအောင်
ပြည့်စုံ
အိုင်လွယ်ပန်
တင်မင်းထက်
မယ်ကိုး
Wai
Vista
Khin Lay
ကိုပြာ
ညီဇေ
မိုးချိုသင်း
ကိုကျော်နိုင်

ငယ်နိုင်
မီးမီးချစ်
သူမ
Sint
Thetmar
Anon
Ko Ko


ချစ်မိတ်ဆွေများ ရွှင်လန်းချမ်းမြေ့နိုင်ကြပါစေ…
ငြိမ်းဝေ



November 30, 2009

နွေတည



(အခန်း ၁၇ အဆက်)
ယခုလည်း သူသည် အိပ်ရာထဲတွင် “ဒီမျက်လုံးကြီး ဖွင့်စမ်းပါ”ဟု တိုးတိုး ပြောပြီးရယ်နေလျက်။
ထိုရယ်မောရွှင်ပျသံ ကလေးသည် ဤ အိပ်ခန်းကလေးကို သာယာချမ်းမြေ့မှုအပေါင်းဖြင့် ဖုံးလွှမ်းပေးနေသည်။ သူသည်ပါးချင်းထိကပ်ထားရာမှ ခွာလိုက်ပြန်လျက် ကျနော့်မျက်နှာပေါ်တွင် နှာတံဖြင့် မထိတထိ ဖိကပ်ထားသည်။ ထို့နောက် နွေးထွေးသော သူ့နှုတ်ခမ်းဖြင့် ထိကပ်ထားပြန်သည်။


ယခုလည်းကျနော်သည် ဆုံးဖြတ်ထားသမျှကို ပစ်ပယ်လိုက်ပြီး သူ့ ကိုအလုံးစုံ ဖွင့်ပြောလိုက်ချင်သည့် ဆန္ဒများ ရင်ပြင်ထဲတွင် ပြည့်သိပ်လာနေပြန်သည်။ ထိုဆန္ဒများကို တောင့်၍တင်း၍ ရပ်ခံထား၏။ ဤအချိန်ကလေး၌ ခွဲကြရတော့မည် ဟူသော အသိသည် စိတ်နှလုံးကို နှိုးဆွပေးထားနေသည်။ တင်းထားသမျှ စိတ်များကို အဆုံးစွန်အထိ လျှော့ချလိုက်ရမည် ကဲ့သို့ ဖြစ်နေသည်။ ဤအချိန်ကလေး၌ သူ့အသံကို မကြားနိုင်တော့အောင် နှစ်နှစ်ခြိုက်ခြိုက် အိပ်မောကျနေလိုက်လျှင်မည်မျှကောင်းမည်နည်း။
နောက်ဆုံး၌ တင်းခံနေသမျှကို ရုတ်တရက် ဖြေချလိုက်ပြီး ကျနော်သည် သူ့ကိုယ်လုံးကျစ်ကျစ်ကလေးကို အတင်းအကျပ်ဆုံးပွေ့ဖက်လိုက်တော့သည်။ အရုပ်ကလေးလို ဖျစ်ညစ်ပစ်လိုက်လေသည်။ ဝေသည် ကျနော့်ရင်ခွင်ထဲတွင် ပျောက်ကွယ်သွားပြီး အသက်ရှုမရတော့အောင်ပင် မွန်းကျပ်နေသည်။ သူ့ပါးကို အထပ်ထပ် အပြန်ပြန်၊ အထပ်ထပ်အပြန်ပြန် နမ်းပစ်လိုက်သည်။ သူသည်လည်း ကျနော့် ကို အတင်းအကျပ်ပြန်ဖက်ထားသည်။ ဝေ့ အသက်ရှုသံမှာ မောပန်းလာသည်။ လရောင်ခြည်ထဲတွင် ဝေ့မျက်လုံးများမှ အရည်လဲ့ရွှန်းတောက်ပလာသည်။ သူ့မျက်နှာကလေးမှာ နီထွေးနေသည်။ ထိုအခါတွင် ဝမ်းနည်း ဆွေးမြေ့စိတ်များသည် ကျနော့်တကိုယ်လုံးကို အစိမ့်စိမ့် ဝါးမျိုနေသည်။

“ကိုကို၊ ကိုကို၊ လွှတ်အုံးကွယ်၊ နဲနဲ ရှော့ပေးပါအုံး၊ ဝေမနေတတ်တော့ဘူ၊ အသက်ရှုလို့လဲ မရတော့ဘူး”
ကျနော်သည် ဖြည်းဖြည်း ဖြေလျှော့ လွှတ်လိုက်သည်။ လှိုင်းလိပ်အိနေသော သူ့ဆံပင်များသည် ကျနော့် ပါးပြင်ကို ပွတ်တိုက်နေဆဲ။ သူ့အသက်ရှူငွေ့သည် ကျနော့် ပါးပြင်ကိုဖြတ်သန်းနေဆဲ။ နွေးအိသော သူ့နှုတ်ခမ်းသည် ထိကပ်ထားဆဲ။
သို့သော် ယခုအခါ၌ အာရုံခံစားစိတ်သည် ကျနော့် စိတ်နှလုံး၌ အလျင်းမရှိနိုင်တော့ပါ။ ယခုအခါ၌ ဖြစ်ပျက်နေမှုအပေါင်း၊ သူ့ကိုအလုံးစုံ ဖွင့်လှစ် ပြောပစ်လိုက်တော့မည်။ ထို့နောက် သူနှင့် ကျနော်သည် မြိုင်ကြီးမှလည်းကောင်း၊ သူနှင့် ကျနော့် အသိ အပေါင်းအသင်း ရှိသမျှနေရာ အပေါင်းမှလည်းကောင်း၊ ခိုးပြေးသလို ထွက်ပြေး သွား တော့မည်။ နောက်ထပ်ဘဝသစ်တခုကို တဖန်ဖန်ဆင်းယူမည်။ ဤအတိတ်၏ အမဲစက်အပေါင်းကို ချေဖျက်ပစ်တော့မည်။ ထိုအချိန်မှစ၍ သူ့ကို ကျနော့် အနားလေးတောင် အဝေးထက်ပို၍ ခွာခွင့်ပြုတော့မည် မဟုတ်။

“ ဟော လေးနာရီတောင် ထိုးသွားဘီကိုကို၊ မြင်းလှည်းမောင်းလာသံတောင် ကြားနေဘီ” ဟု သူသည် ပြောနေ၏။ “ထတော့ကွယ်၊ ဝေဒီတခါ ဟိုမယ် ဖောက်သည် ပေးခဲ့မယ်။ မြတ်ချင်သမျှမြတ်ပေါ့၊ ဟိုမယ် နှစ်ရက်ဘဲနေပြီး ပြန်ခဲ့မယ်၊ ကိုကိုနဲ့ မခွဲချင်တော့ဘူး၊ ကိုကိုနဲ့ ခွဲနေရတဲ့ရက်တွေ မနဲတော့ဘူးနော်၊ ဝေ သွားတောင် မသွားချင်တော့ဘူးကွယ်၊ ဝမ်းနည်းစရာကောင်းတာဘဲ၊ တော်ဘီ၊ ဒီတခေါက် အမေ့အတွက်လဲ စိတ်အေးရပီဘဲ၊ အိမ်မယ်ဘဲ မခွာဘဲ အ်ိမ်ဆိုင်ကလေး ဖွင့်ပီးရောင်းတော့မယ်၊ ထတော့ကွယ်”

သူ့ဝမ်းနည်းရိပ် ဝမ်းနည်းငွေ့ သန်းနေသော၊ တုန်ယင်လှိုက်လှဲနေသော အသံကလေးမှာ ဤ အိမ်ခန်းကို နောက်ဆုံးနှုတ်ဆက်နေသကဲ့ပင်။ သူ့မျက်နှာကလေးတွင် ဝမ်းနည်းရိပ်များ ရှက်သန်းနေသည်။ မေတ္တာစစ်စစ်တို့၏ အခိုးအရိပ်များသည်လည်း သူ့မျက်လုံးအိမ်ထဲတွင် ဖြတ်သန်းနေပြန်သည်။ ဝေသည် သူ့အလိုလိုပင် နောင်တတရား ရနေပြီထင်၏။ ယခုလရောင်ရိပ်ရိပ်ထဲတွင် တွေ့မြင်နေသည့် ဝေ့ မျက်နှာမှာ စပါးသယ် အလုပ်သမလေးမခင်ဝေ၏ မျက်နှာသော်လည်းကောင်း သမီးလေး စပယ်ခိုင်နှင့် ခွဲခွာပြီး ဟေမန်မှလာခဲ့စဉ်က ဝေ၏မျက်နှာကလေးအဖြစ်သို့ လည်းကောင်း ပြန်၍ ဖြစ်နေသည်။
ဖွင့်ပြောတော့မည့်ဆဲဆဲ အချိန်၌ပင် ကျနော့် စိတ်နှလုံးထဲတွင် မျိုသိပ်ထားသည့် အကျိတ်အခဲ အစိုင်အခဲများ၊ နာကျည်းမှုများ ပြန်၍ ပေါ်လာလေသည်။ အမဲစက်များအတွက် ရွံ့ရှာစက်ဆုပ်စိတ်အဆိပ်သည် ထိုအချိ်န်တွင် ကျနော့် တကိုယ်လုံးကို တဖျင်းဖျင်း ရစ်ပတ်နေသည်။ ပျော့ညံ့သော၊ သိမ်မွေ့သော၊ မပြတ်သားသော၊ အားလျော့သော ကျနော့်စိတ် အပေါင်းကို ထိုစိတ်တို့သည် ဘေးသို့ ပြတ်တောင်းစွာ လွှင့်ဖယ် ထုတ်ပစ်လေသည်။ ဘယ်မျှ ရွံ့ရှာဖွယ်ကောင်းသည့် ပြစ်မှုနည်း၊ ထိုပြစ်မှုအားကျူးလွန်ဖောက်ဖျက်ထားသူအား ဘာကြောင့် မိမိသည် ဤမျှ မေတ္တာထားနေရသနည်း။
အားလုံးကို ရုန်းကန် ဆန်တက်ပြီးနောက် ကျနော်သည် အေးဆေးတည်ငြိမ်သွားလေသည်။ စိတ်ထဲ၌ အသက်သေသည်အထိ ကြေကွဲရသည်ပင် ဖြစ်ပါစေတော့၊ ဆုံးဖြတ်ချက်အတိုင်း အတိအကျ လိုက်နာရမည်။

ကျနော်သည် သူ့ကို နောက်ဆုံးတကြိမ် ထပ်၍ ပွေ့ညှစ်ပစ်လိုက်ပြီး ဖြေလွှတ်လိုက်လျက် စက်ရုပ်တခုကဲ့သို့ အိပ်ရာမှ ထလိုက်လေသည်။ ထိုအချိန်တွင် မြင်းလှည်းလည်း အိမ်ခြံရှေ့ အပေါက်ဝမှ ကြာပွတ်ရိုက်ပြီး အချက်ပေးနေသည်.။ ထိုနောက်အိမ်ထဲမှ အထည်ထုပ်များကို တင်လိုက်ပြီး မြင်းလှည်းသည်ကုန်းပေါ်ပိုင်းမှ အဆင်း အကွေ့ ဖက်သို့ ဖြည်းဖြည်း နှေးနှေး ဆင်းသက်သွားလေသည်။
မြင်းလှည်းထွက်ခွာနေစဉ်တွင် ကျနော်သည် ဟေမန်၏နံနက်ဆည်းဆာအလှများကို ပြန်လည် တမ်းတနေသည်။ မြစ်ပြင်ထက်ဝယ် နှင်းမှုန်များ ရစ်ကိန်းနေတတ်သည့် ဟေမန်။ ယခုမြိုင်ကြီးသည် မလှုပ်မရှက် အိပ်မောကျနေဆဲပင်။ မြင်းလှည်းသည် ကားဂိတ်ဖက်သို့ ချိုးကွေ့နေလျက် မြင်းခွာသံ တချက်ကြားတိုင်း အိမ်မှ တလှမ်းကွာလာနေခဲ့ပြီကို ဝမ်းနည်းဖွယ်ရာပင် ကျနော်သည် ငြိမ်၍ တွေးနေ၏။ ထိုအခါတွင် မြင်းလှည်းကို အိမ်ဘက် ပြန်မောင်းနှင်သွားစေချင်သော ဆန္ဒကို ကျနော်သည် ပင်ပန်းလှစွာ ချေဖျက်နေရသည်။

လွန်ခဲ့သည့်တည၊ သူ့ကို သတ်ရန် ကြိုးစားခဲ့သည့် တညက သတ်ပစ်မိလျှင် ယခုလို ဖြစ်ပျက်နေမှုဖြင့် ကြုံတွေ့ရမည်မဟုတ်။ ယခုကား ဝေ့ ကိုအခြားတပါးသော ယောက်ျား တဦးနှင့်တွဲယှဉ် အိပ်စက်ရန် ကျနော်သည် လိုက်ပို့နေလျက်သား ဖြစ်နေသည်။
မြို့သစ်ကလေးမှ ဟေမန်သို့ ပြောင်းရန် မြင်းလှည်းဖြင့်ထွက်လာခဲ့စဉ်က မြင်းလှည်းပေါ်မှ သူ လိမ့်ကျပြီး တခါတည်းသေလွန်သွားခဲ့လျှင် မည်မျှကောင်းမည်းနည်း။ ထိုစဉ်ကဆိုလျှင် သူသည် အပြစ်ကင်းစင်နေသည့် မခင်ဝေသာလျှင် ဖြစ်လျက် ထိုစဉ်က သေလမ်းဖြင့် ခွဲခွာခဲ့ရလျှင် ယခုထက် အဆပေါင်းများစွာ သက်သာပေမည်။

မြင်းလှည်း ဖြတ်သန်းနေစဉ် လမ်းဘေး ဓာတ်မီးတိုင်များမှ အလင်းရောင်နှင့် ဝင်လုဆဲဆဲမှိန်ဖျော့ဖျော့လရောင်သည် တဖက်ဘေးမှ သူ့မျက်နှာပေါ်တွင် ထင်ဟပ်နေသည်။ အိပ်ရာမှ ထပြေးလာခဲ့ရသဖြင့် သူသည် မပြင်ဆင်ရသေးဘဲ ပကတိရိုးသားဖြူစင်သောအလှများနှင့် မခင်ဝေပင် ဖြစ်နေသည်။ သူ့ထမီမှာ ကပိုကရုိုဖြစ်နေသည်။ သူသည် အိပ်ရာထဲမှ ထလာခဲ့သော တွန့်ကြေနေသည့် အက်ျီကို ဆွဲဆန့်နေသည်။ သူ့ မျက်နှာပေါ်မှ မပီမသအပြုံးရိပ်ကို မြင်နေရသည်။ ဤ အချိန်၌ သံယောဇဉ် ကြိုးများသည် မြင်းခွာတချက်လှမ်းလိုက်တိုင်း တင်းကျပ်လာနေသည်။ နောက်ဆုံးတွင် ကျနော်သည် မာနအပေါင်းကို ဖြေလျော့လိုက်ပြီး မြင်းလှည်းကို နော်က်ပြန်၍ မောင်းခိုင်း ချင်သော ဆန္ဒ ပေါ်လာနေပြန်သည်။

“ ဝေဟိုမယ်နှစ်ရက်ဘဲ နေမယ်နော်ကိုကို။ ဝေမရှိရင် ကိုကို စားရေးသောက်ရေး ဒုက္ခရောက်နေရတာဘဲ၊ စီးပွားရေး လောဘတိုက်နေမိတာ ကိုကို့ကို ဒုက္ခ ပေးသလိုဘဲနော်၊ ကိုကိုစားဖို့ငါးသလောက်ပေါင်းယူလာခဲ့မယ်၊ သဘက်ခါပြန်လာမှာ၊ ဟိုကကုန် မယူလာခဲ့တော့ဘူး၊ တော်ဘီကွယ်၊ ကိုကို နဲနဲပိန်သွားသလားလို့၊ ဝေမရှိတုန်းများ ဖျားနေရင်ဒုက္ခ၊ ဝေ့ကို ကိုကိုသတိမရဘူးလား”
သူတိုးတိုးပြောလိုက်သံသည် တင်းခံမာကျောနေသမျှ တို့ကို ချေဖျက်ပစ်နေသလိုဖြစ်နေသည်။.
“ မရပါဘူး”
“ဘာ ကိုကို”
“အော်…. သတိမရပါဘူးဝေ”
“ဟင်…”
“ ဟုတ်ပါတယ်၊ ကိုယ့် အတွက် နေသားတကျ ဖြစ်နေပါပြီ၊ နေနေကျဖြစ်နေပြီဝေ၊ ကိုယ်တို့ဟာ ညားစ ဇနီးမောင်နှံမှ မဟုတ်တော့တာဘဲ၊ ပြီးတော့ ဝေ့ကို ကိုယ်က ဧည့်သည်လိုသဘောထားနေတယ်၊ ဟုတ်တယ်လေ၊ အဲဒီလိုမှသဘော မထားနိုင်ရင်လဲ၊ ဒီလိုနေလို့ ဘယ်ရနိုင်ပါ့မလဲ၊ ဝေ ကသုံးရက်လောက်လာနေပြီး ပြန်သွားလိုက်၊ အခုနေအခါမယ် ဒါကိုအသစ်အဆန်းလုပ်နေလို့ မဖြစ်ဖူးလေ၊ အိမ်ထောင်တခုရဲ့ အဓိက အကျဆုံး မဏ္ဍိုင်ဟာ စီးပွားရေးဘဲမှုတ်လား။ စီးပွားရေးလူအမြင် တင့်တယ်အောင် ဘယ်နည်းနဲ့ဖြစ်ဖြစ် စီးပွားရေးဘဲ လုပ်ရမယ်မှုတ်လား၊ “ဧည့်သည် ဖြစ်၍၊ အိမ်အိုးပစ်ခွာ၊ မနေသာပါ၊ သူ့ရွာသူ့ထံ ပြန်ပေတာဘဲ” ဆိုသလိုပေါ့လေ”

ဝေသည် သူ့ကိုယ်ကို ပို၍ တိုးညွတ်လိုက်ကာ ကျနော့်မျက်နှာကို ငေးကြည့်နေရင်း မျက်နှာမှာ မှိုင်းညှို့လာနေသည်။
“ ဒါဖြင့် မြင်းလှည်းပြန်မောင်းခိုင်းတော့မယ် ကိုကို”
မြင်းလှည်းသည်နောက်ဆုံးတွင် အကြောင်းအရာအပေါင်း၏ အဆုံးသတ်ရာဒေသဖြစ်မည့် ကားဂိတ်ဖက်သို့ ကွေ့ချိုး ဝင်လာနေသည်။ ကျနော်သည် မဟတဟ မပွင့်မလင်း တချက် ရယ်လိုက်၏။ ထိုရယ်သံထဲ၌ ရွံ့မုန်းမှု။ ခါးသီးမှု၊ စက်ဆုပ်မှု အပေါင်းသည် ပြည့်သိပ်ပါရှိသွားနေသည်။ ထိုအထဲတွင် ကြေကွဲမှု ဆို့နစ်မှုများပါ ရောနှောနေပြန်သည်။

“အထူးအဆန်းမဟုတ်ပါဘူးဝေရာ၊ မင်းအခု ရက်ပိုင်းမယ် ရုးများရုးနေသလား”

ကျနော်သည် ရယ်သံနှင့်ဆက်တိုက်ပြောလိုက်လေသည်။
နောက်ဆုံးတွင် ကျနော်သည် ကားဂိတ်၌ မြင်းလှည်းပေါ်မှ ခုန်ဆင်းလုိုက်ပြီး ကားလှဲမိုးပေါ်သို့ အထည်ထုပ်များ တင်ပေးနေသည်။ ဝေသည် ကားပေါ်သို့တက်သွားပြီး ခရီးသည်များနှင့်ရောနှောနေလေသည်။ ကျနော်သည် နှုတ်ဆက်ရန်ကားနံဘေးမှ သူရှိရာဘက်သို့ လျှောက်သွားခဲ့လေသည်။

ကျနော်သည် သူ့မျက်နှာကို မော့ကြည့်ပြီး “ ကိုယ်သွားတော့မယ်ဝေ”ဟု တိုးတိုးနှုတ်ဆက်လေသည်။
သည်တခါကျနော့် နှုတ်ဆက်သံမှာ အတိုးသက်ဆုံး၊ အညင်သာဆုံးနှင့် ဝေ့အပေါ်ထားရှိသမျှ မေတ္တာအပေါင်း၏ နူးညံ့သိမ်မွေ့မှု၊ နက်နဲမှဲုအပေါင်းကို ဖော်ပြနေသည်။
“ဟုတ်ကဲ့ ကိုကို”ဟု သူ၏ ချိုမြသော နှုတ်ဆက်သံမှာ ပြတ်တောက်ကုန်ပြီးသည့် သံယောဇဉ် ကြိုးအပေါင်းကို နောက်ဆုံးပြန်၍ဆက်ရန် အားအင်ကုန်ခန်း နွမ်းနယ်စွာမြှော်လင့်ချက်ကင်းမဲ့စွာ ကြိုးပမ်းလိုက်မှုတခုကဲ့သို့ ဖြစ်နေသည်။

ဤစက္ကန့်တို့မှာ နောက်ဆုံး စက္ကန့်များဖြစ်၏။ အခိုင်အမြဲတည်ဆောက်ခဲ့ဘူးသည့် အိမ်ထောင်ရေးတခု၏ နောက်ဆုံး၏ နောက်ဆုံးအချိန်ဖြစ်သော ဝမ်းနည်းကြေကွဲဖွယ်ရာ စက္ကန့်များဖြစ်လေသည်။
ဤသို့ဖြင့် ဝေနှင့် ဝေးသွားခဲ့ရပါပြီ။ သည်တခါ အဖြစ်အပျက်ကား အိပ်မက်မဟုတ်တော့ပါ။ လမ်းကြောင်း ပြောင်းလဲသွားသော အိမ်ထောင်းရေးမှာ နောက်ဆုံး၌ အရှိန်ကို ပြန်၍ မထိန်းနိုင်တော့ဘဲ ပြိုကွဲပျက်စီးသွားခဲ့လေပြီ။

နိုင်ဝင်းဆွေ

( အခန်း ၁၈ နိဂုံးပိုင်းကို မျှော်...)



November 29, 2009

ကဗျာ

ကျနော့်ဘဝမှာ ကျောင်းဆရာအမျိုးမျိုးလုပ်ခဲ့ဖူးတယ်။ ဆိုလိုတာက အစိုးရခန့် မူလတန်းပြကျောင်းဆရာ၊ စပါးနဲ့ ဒါမှမဟုတ်ကျောင်းသားမိဘတွေစုပေးတဲ့ ရွာငှါးကျောင်းဆရာ၊ စေတနာ အထက်တန်းညကျောင်းဆရာ၊တွဲဖက် အလယ်တန်းပြဆရာ၊ အဲဒီအထဲမှာ ကျနော်အစုံမက်ကြီးစုံမက်ပြီး တန်ဘိုးအထားးဆုံး ရွာငှါးကျောင်းဆရာဘဝ၊ ဒီလိုကျောင်းဆရာအမျိုးမျိုးရဲ့ ဘဝအမျိုးမျိုး ရှိခဲ့ဖူးပါတယ်။အခုလည်း နိုင်ငံပြင်ပ အထက်တန်းကျောင်းတကျောင်းမှ စေတနာ့ဝန်ထမ်း အထက်တန်းပြကျောင်းဆရာ..။ ကျနော်နဲ့ ကျောင်းဆရာဘဝနဲ့ က ကံကြမ္မာက ဘယ်လိုဖြတ်ဖြတ် ရေစက်က ပြတ်သွားတယ်ရယ်လို့ ကိုမရှိပါဘူး။
ဒီလို ကျောင်းဆရာဘဝတွေက်ို ဖြတ်သန်းတဲ့အခါ ကျနော်က သင်ကြားသူအဖြစ်ထက် သင်ယူသူအဖြစ်ကို ပိုပြီးလေးနက်ခဲ့မိတယ်။ ဥပမာ လွန်ခဲ့တဲ့ နှစ်(၃၀)ကျော်လောက်က ဟိုး ပဲခူးချောင်းဖျားက ရွာတရွာမှာ ကျောင်းဆရာလုပ်တော့ ကျောင်းသားတွေဆီကပဲ ကျနော် ပျိုးနှုတ်၊ထယ်ထိုး သင်ယူခဲ့ရတာပဲ။ ကျောင်းသားတွေရဲ့ဘဝတွေကို ကျနော့်မှာ မှတ်လို့ သားလို့ ကို မကုန်နိုင်ခဲ့ဘူး။ ကိုယ့်ကိုယ်ကို သတ်သေဖို့ ကြိုးစားတဲ့ကျောင်းသား၊ ကျောင်းရန်ပုံငွေအတွက် စပါးရိတ်ရင်း ပိုးထိလို့ ဆုံးပါးသွားရတဲ့ကျောင်းသား၊ ကျောင်းဆရာ ထမင်းချိုင့် အတွက် ချောင်းထဲမှာ ငါးရှာရင်း ရေနစ်သေဆုံးရတဲ့ကျောင်းသား၊ အို..ပြောရရင် ကုန်နိုင်ဘွယ်တောင်မရှိတဲ့ ဘဝတွေ..အလှတွေ..နာကျင်ခံစားရမှုတွေ...။

ဒီကနေ့ ကျနော် နှစ်သက်တဲ့ကဗျာလေးတပုဒ် လက်ဆောင်အနေနဲ့ တင်ပေးလိုက်ပါတယ်။
ကျောင်းဆရာတယောက်ရဲ့ ရင်ကို ထုတ်ချင်းခတ်သွားရလောက်အောင် ခံစားမှုပေးနိုင်တဲ့ ကဗျာလေးပါ။ ကျနော် ဘယ်တော့မှ မမေ့နိုင်တဲ့ ကဗျာလေး။ဖတ်ကြည့်ပါ။၁၉၉၉၊ နိုဝင်ဘာလထုတ် သရဖူမဂဇင်းမှာပါတဲ့ ဆရာ နေမျိုး ရဲ့ ကဗျာလေးပါ။

အစ်ကို

တစ်နေ့ ကျတော့
စာသင်ခန်းထဲမှ ဆရာမက
ကျောင်းသားတစ်ယောက်ကို ထခိုင်းပြီး
မေးခွန်တစ်ခု မေးတယ်
မင်းကြီးလာရင် ဘာဖြစ်ချင်သလဲ တဲ့။
ကျောင်းသားလေးက ထရပ်ပြီး
ဆရာမကို အကြာကြီး စိုက်ကြည့်နေတယ်။
ပြီးမှ လေသံ တိုးတိုးလေးနဲ့  ဖြေပြလိုက်ရဲ့။
(နားထောင်စမ်းပါ)
ကျွန်တော်ဟာ ခြေတစ်ဖက် ဆာနေတဲ့
ကောင်ကလေးတယောက် ဖြစ်ချင်ပါတယ်တဲ့။
ဆရာမက တအံ့တသြနဲ့ 
ကျောင်းသားလေးကို ကြည့်ကာ
ဘာဖြစ်လို့ လဲသားတဲ့၊ ထပ်ပြီး မေးလိုက်ပေါ့။
ဒီတော့ ကျောင်းသားလေးက
အရည်လဲ့နေတဲ့ မျက်လုံးအစုံကို ပုတ်ခတ်ပြီး
ဦးခေါင်းကို ငုံ့ ကာ
ဆရာမ ကြားနိုင်ရုံ တိုးတိုးလေး ပြောလိုက်တယ်
ကျွန်တော့ ညီမလေးက ခြေထောက်တစ်ဖက် မသန်ဘူးဆရာမတဲ့…။ ။

နေမျိုး
၁၉၉၉၊ နိုဝင်ဘာ၊ သရဖူ



November 27, 2009

နေတည


( ၁၇ )

ခပ်ဖြည်းဖြည်း ဖွင့်နေသော ဝေ့ မျက်လုံးများသည် ပြတင်းဝမှ ဝင်လာသည့် လရောင် ခြည်မျှင်တန်းများဖြင့် ထိတွေ့ပြီး တောက်ပသွားနေသည်။ ဝင်လုဆဲဆဲ လရောင်ခြည်များမှာ မှိန်ဖျော့နေပြီ။ အရုဏ်ပိုင်း၌တိုက်ခတ်သော လေပြေထဲတွင် တဖက်ခြံမှ သင်းမြသော စပယ်ရနံ့များ ပါလာနေဆဲပင်။


ကျနော်သည်သူမကြည့်မီ မျက်လုံးကိုပြန်၍ မှိတ်လိုက်သည်။ ထို့နောက်ဝေသည် သူ့ ကိုယ်ကိုကျနော့် ဖက်သို့ ခပ်ဖြည်းဖြည်းလူးလှိမ့်ပြီး တစောင်းလှည့်လိုက်လေသည်။ ထို့နောက်သူ့ လက်တဖက်ကို ကျနော့် ပခုံးစွန်းပေါ်သို့ ခပ်ဖြည်းဖြည်းတင်လျက် ဆုပ်ကိုင်ပြီး လှုပ်နိုးနေသည်။ ပူနွေးသောအတွေ့၊ နူးညံ့သောအတွေ့တို့ဖြင့် သူ့လက်ကလေးများသည် ကျနော့် ပခုံးသားထဲဝယ် နစ်မြုပ်နေလျက်။ သူ့ အသံသည် ဤအခန်းကိုရော၊ ကျနော့် ကိုရော၊ သူ့ကိုသူရော နှုတ်ဆက်နေသကဲ့သို့ ပျံလွင့်နေတော့သည်။

“ ကိုကို- ကိုကို”ဟု သူ၏ တိုးတိုးညင်ညင် ခေါ်နေသံသည် သူနှင့်ကျနော် နောက်ဆုံးကာလ၏ အဆုံးသတ်ပိုင်း အချိန်တိုကလေးမှာ ကုန်လွန်ခဲ့လေပြီဟု တပ်လှန့်သံ ဖြစ်နေသည်။
ဤအသံမှာ နောက်ဆုံးကြားရသောအသံ။

ဤအသံသည် ပင်လယ်ပြင်ကြီးထဲမှ လူးလှိမ့် တက်ပြေးလာပြီး ပင်လယ်ပြင်ကြီးထဲသို့ ပြန်၍ ဆင်းပြေး သွားကြတော့မည့် လှိုင်းလိပ်ကလေးများ၏ သဲသောင်ပြင်ကမ်းကို နှုတ်ဆက်နေသံနှင့်တူနေသည်။
လှိုင်းလိပ်ကလေးများသည် ပင်လယ်ကမ်းခြေနဖူးစ သဲပြင်ပေါ်သို့လာ၍ လွှမ်းသွားသည်။ ထို့နောက် ပင်လယ် ကမ်းစပ်ကို ထိခတ်ပြီး ပင်လယ်ပြင်ထဲသို့ တဖန် ပြန်၍ ဆော့မြူးပြေးဆင်းသွားပြန်သည်။ ထို့နောက် ပြန်ပြေး လာကြပြန်ပြီး ပင်လယ်ကမ်းနဖူးကို အကြိမ်ကြိမ် အဖန်ဖန် ထိခတ်နေသည်။
သို့သော် သည်အကြိမ်လာခြင်း ကား နောက်ဆုံးအကြိမ်။ နောက်တကြိမ်တဖန် သူ့ အသံကို ကြားရရန် အကြောင်းမရှိတော့။
လှိုင်းငယ်တို့သည် သဲပြင်သောင်စကို နောက်ဆုံး အကြိမ်လာ၍ နှုတ်ဆက်သွားပြီးနောက် မမြင်စွမ်းနိုင်အောင် ကျယ်ပြောလှသော ပင်လယ်ပြင်ကြီးထဲအတိုင်း အဆုံးအစ မရှိတော့သည်အထိ ပြေးသွားလျက်။
ပင်လယ်ကမ်ခြေသည်လည်း သူ့ မူရင်းနေရာ၌ မရှိတော့ဘဲ အဝေးကြီးဆီသို့ ထွက်ပြေး ပျောက်ကွယ်သွားတော့မည်။

မိုးလင်းတော့မည်။ ခွဲခွာ ကြရတော့မည်။ နောက်တဖန်ဝေနှင့် ပြန်၍ဆုံတွေ့ရန် ဝေ့ မျက်နှာကို တဖန် မြင်တွေ့ရန် ဝေ့အသံကို တဖန်ပြန်၍ ကြားနိုင်ရန် ဖြစ်သော အကြောင်းမှန်သမျှမှာ ဆုံးခန်းတိုင်ခဲ့ပါပြီ။

“ ကိုကို၊ ထကွယ်၊ လေးနာရီလောက်တောင် ရှိပြီမှုတ်လား၊ ကိုကို တမင်မြုံနေတာ၊ လူညစ်ပတ်ကြီး၊ မကောင်းဘူး” ဟုဝေ၏ ပြောနေသံမှာ ချိုလွင်နေလျက်။
သူ့လက်ချောင်းကလေးများ၏ အတွေ့မှာ နွေးနေလျက်။
သူ့ ကိုယ်လုံးကလေး၏ အတွေ့မှာ အိစက်နေလျက်။
သူ့ အသက်ရှူသံမှာ စွဲမက်ဖွယ်ရာ ဖိုလှိုက်မောသံ၊ မြှူချိုသံပါနေလျက်။
သူသည် ဖောင်းမို့နေသော ပါးဖြင့် ကျနော့်ပါးကိုတင်းကျပ်စွာ ထိကပ်ထားနေသည်။ ကျနော်သည် ငြိမ်နေမြဲပင်။ လူးလွန့်လှုပ်ရှားမှု အလျင်းမပြုသေး။ ဤအတိုင်းပင် အချိန်အပေါင်းမှာ ရပ်တန့် နားနေစေချင်သည်။ အချိန်ကား တားဆီး၍ ရနိုင်သော အရာမဟုတ်ပေ။

ယခုအချိန်မှာ သူနှင့်ကျနော် ခွဲခွာကြရတော့မည့် အချိန်ဖြစ်သည်ကို ဝေသည် အလျင်းမသိ၊ မရိပ်မိသေးပေ။ ဤကဲ့သို့ ဤနည်းဖြင့် ညင်သာလှစွာ၊ အေးငြိမ်းလှစွာ၊ စကားတလုံးမျှ အခြေအတင် မပြောကြဘဲအလွန်လှပစွာ သူနှင့် ကျနော်ကွဲကွာရလိမ့်မည်ဟူ၍ ဝေသည် ဘယ်စဉ်အခါကမျှ တွေးတောခဲ့မည်မဟုတ်။ ဤသို့ မခွဲခွာရရန်သူ့၌ ခုခံ ကာကွယ်ခွင့်ကလေးမျှပင်မရှိ။ အကြောင်းပြ တောင်းပန်ခွင့်ကလေးမျှပင် မရှိ၊ အသနားခံယူခွင့်ကလေးမျှပင် မရှိ။
မည်မျှလောက် အေးစက် တည်ငြိမ်တိကျမှန်ကန်ပါသနည်း။ ဤအိမ်ထောင်ရေး တရားခုံရုံးသည် ထုချေခွင့်ပြုသည့် တရားခုံရုံးမဟုတ်။ ကလ်ိန်ဥာဏ်ဆင်၍ လှည့်စားခွင့်ပြုသည့် တရားခုံရုံးမဟုတ်။
သူ့ ကို ကားဆိပ်သို့ လိုက်ပို့ပေးပြီး ကျနော် ပြန်လာ၊ အိမ်တံခါးပိတ်၊ အလုပ်ထွက်စာတင်၊ ဤမြို့ ကြီးမှ တခါတည်းအပြီးအပိုင် ထွက်သွား။

“ ဒီမျက်လုံးက တမင်မှိတ်ထားတာ၊ ဖွင့်စမ်းပါ ဆိုမှဘဲ ကိုကို မကောင်းတော့ဘူးကွယ်”

သူ့လက်ဖြင့် ကျနော့် မျက်ခွံကို ကိုင်ပြီး ဆွဲဖွင့်နေသည်။ ထို့နောက် သူ၏ ချိုလွင်သော တီးတိုးရယ်သံသည် ဤနောက်ဆုံး အိပ်ခန်းကလေးကို သာယာစွာ ရစ်ပတ်နေသည်။
ဤနောက်ဆုံး စက္ကန့်အချိန်ကလေးမှာ ကုန်ဆုံးနေပြီ။
ဤအချိန်ကလေး အတွင်းဝယ် ဒေါသစိတ်၊ ဝမ်းနည်းကြေကွဲ ဆွေးမြေ့စိတ်၊ ရင်ထုမနာ ဒေါမနဿ စေတသိတ်၊ ချစ်စိတ်၊ မေတ္တာ၊ သံယောဇဉ်စိတ်အားလုံးသည် ကျနော့်နှလုံးသားပေါ်ဝယ် ရောမွှေဖြစ်ပေါ်လျက်။ ထိုဖြစ်ပေါ်မှုကြောင့်ပင် နာကျင်ထုံထိုင်းနေပါပြီ။

မြို့ ကြီး၌ ကိုခင်ထွန်းကြီးစီးသွားသည့်ရထား ထွက်ခွာသွားပြီးနောက် ကျနော်သည် တယောက်တည်း တံတားကြီးဘက်သို့ လျှောက်သွားပြီး တညလုံးပင် တွေးတောလျက် ဤဆုံးဖြတ်ချက်ကို အခိုင်အမာချသည်။ ဤဆုံးဖြတ်ချက်သည် ပြောင်းလဲနိုင်တော့မည် မဟုတ်၊ ခိုင်မြဲ စွဲမြဲနေသည်။ အရုဏ်လာမှ ကျနော်သည် အမေ့အိမ်ဘက်သို့ ပြန်သွားခဲ့ပြီး အဖွား သဂြိုလ်ပြီးသည်အထိ မစေါင့်တော့ပဲ ချက်ချင်းဆုံးဖြတ်ချက်အတိုင်း ပြုမူရန်မြိုင်ကြီးသို့ ပြန်ပြေးခဲ့၏။ မြိုင်ကြီးသို့ ညနေခင်းပိုင်း ရောက်သွားပြီး ချက်ချင်းစားပွဲတွင်ထိုင်လျက် အလုပ်ထွက်စာကို ကောက်ရေးခဲ့လေသည်။ ဝေနှင့်ကျနော်သည် ပြန်၍တွေ့ ဆုံရန် မရှိတော့ဟူ၍ ထင်ခဲ့လေသည်။
ထိုသို့ ဖြစ်သော်လည်း ဝေနှင့်ကျနော်ကား ရေစက်ကြွင်းကျန်နေသေးလျက်ပင်။ အလုပ်ထွက်စာရေးနေ၍ တပိုင်းတဝက်အရောက်တွင် ခြံရှေ့ သို့ ဝေရောက်လာသည်။ ဝေသည် တပတ်ပြန်လှည့်လာခဲ့ပြန်လေသည်။ ပင်လယ်၏ကမ်းခြေက်ို နှုတ်ဆက်ရန် လှိုင်းလိပ်ကလေးများသည် တကျော့ပြန်၍ လူးလှိမ့်တက်လာပြန်လေသည်။ ထို့ နောက် ပင်လယ်ကမ်းခြေသောင်ပြင်ပေါ်သို့ တဖန်ပြန်၍ လွှမ်းမိုးပြန်လေသည်။


ထိုအချိန်တွင်ပင် ဝေသည် အိမ်ရှေ့ ၌ ဆိုက်ရပ်သော မြင်းလှည်းပေါ်မှ အိမ်ဘက်သို့ လှမ်းမျှော်ကြည့်လေသည်။
“ ကိုကိုရေ ကိုကိုရေ ” ဟု သူသည် လှမ်းအော်ပြီး မြင်းလှည်းပေါ်မှ ဆင်းသက်နေသည်။“ ဒီမယ် ကုန်တွေ လာချကူပေးပါအုံး၊ ဧည့်သည် လာတာလေ၊ ဘာငေးနေရတာလဲ ”

သူ၏ရယ်မောလိုက်သံမှာပျံ့ လွင့် လာပြန်သည်။ ခဏမျှ ကျနော်သည် ငေးမောနေ၏။ ထို့နောက်ရေးလက်စ တန်းလန်းအလုပ်ထွက်စာကို သိမ်းဆွေကြီး၏ စာသိမ်းထားရာ စာပွဲအံဆွဲကို ဖြည်းဖြည်း ဆွဲဖွင့်ပြီး အပေါ်မှ ထပ်ထည့်လိုက်ပြီး သော့ကို ပြန်ခတ်လိုက်သည်။
သည်အခါတွင်ကား ဝမ်းနည်းဖွယ်ရာ အမှန်ပင်။ သည်တကြိမ် သူပြန်ရောက်လာသည်မှာ အိမ်မက်ထဲတွင် ရောက်၍လာသကဲ့သို့ ကျနော်သည်လည်း အိပ်မက်တခုကို ကယောင်ကတမ်း မက်နေသကဲ့သို့။
ကျနော်သည် စာပွဲထိပ်မှ ထရပ်လိုက်ပြီး ခြံဝမှ သူကိုလှမ်းမျှော်ကြည့်နေသည်။ သူ့ မျက်နှာပေါ်မှ ဝေနေသော၊ လှနေသောအပြုံး၊ မြင်းလှည်းနံဘေးမှ သူရပ်နေပြီး လက်ယပ်လှမ်းခေါ်နေပုံကို အိပ်မက်ထဲ၌ မြင်တွေ့နေရသကဲ့သိုပင်။

“ လာပါဆိုမှဘဲကွယ်၊ ငေးနေလိုက်တာ”
သူနှင့်ကျနော်မှာ နှစ်ပေါင်းများစွာက ကွဲကွာလာခဲ့ပြီးသလိုပင် ထိုအခိုက်၌ ကျနော့် စိတ်ထဲ၌ ထင်နေသည်။ သူနှင့်ကျနော်သည် မည်သို့မျှ မပတ်သက်တော့။ သူသည် ဤကျနော့်အိမ်ထဲသို့ ဝင်လာနေသည့် လမ်းပေါ်မှ မိန်းမတဦးမျှသာဖြစ်၏။မနေ့တနေ့ကပင် သူသည် တည၌ ပွဲကြည့်အပြီး နံနက် နှစ်နာရီလောက် မီုးမလင်းသေးမီမှောင်ရိပ်လမ်းကို ဖြတ်ကာ သူ့အမေအိမ်သို့ အိပ်စက်ရန် သွားခဲ့သေးသည်။ သူ့ အမေအိမ်တွင် ထိုသူနှင့် သုံးရက်မျှအတူ အိပ်ခဲ့သေးသည်။ သိမ်းဆွေကြီးရှိရာ ဘူတာ၏ ကုန်တွဲများကြားတွင် လူတယောက်နှင့် နေရာအရှာ သွားခဲ့သေးသည်။ ခု သူသည် မြိုင်ကြီးတွင် ကျနော်နှင့်အတူ နှစ်ရက်တန်သည် သုံးရက်တန်သည် အိပ်စက်ရန် လာနေသည်။

မြို့သစ်ကလေးတွင် နေစဉ်ကသာဤအဖြစ်မျိုး ဖြစ်ခဲ့ပြီးယခုလို ပြန်မြင်လိုက်ရလျှင် ကျနော်သည် ပြေးထွက်သွားပြီး ရက်ရက်စက်စက် အပိုင်းပိုင်း အထစ်ထစ် ခုတ်သတ်ပစ်လိမ့်မည်။
ယခုမူ ဒေါသမရှိတော့သလိုပင် ကျနော်သည် တည်ငြိမ်နေ၏။ သူနှင့်ကျနော်ကား မပတ်သက်တော့သည်မှာ ကြာပြီ။ သူသည်ကျနော်ချစ်သော ဝေမဟုတ်တော့၊ ကျနော့် ထံမှ အခွင့်အရေးသို့မဟုတ် ငွေကြေးကို ရယူလိုပြီး သူ့ကိုလာ၍ ပေးအပ်အရောင်းအဝယ် ပြုနေသူ မ်ိန်းမတဦး၊ သူနှင့်မိမိသည် မည်သို့မျှ ပတ်သက်တော့သည်မဟုတ်၊ သူ့ဖာသာဖြစ်ချင်ရာဖြစ်၊ မိမိနှင့် မည်သို့မျှ မဆိုင်တော့ဟု ကျနော်သည် တွေးတောနေ၏။
“ လာလေ ” ဟုသူက ခေါ်လိုက်ပြန်သည်။
ကျနော်သည် စာပွဲမှ ဖြေးဖြေးလေးလေး ထလိုက်ပြီး အိမ်နိမ့်ကလေး၏ လှေကားထစ်များအတိုင်း လေးလေးလံလံ ဆင်းသက်သွားသည်။
နွေ၏ ညနေဆည်းဆာသည် ကျနော့် ငှက်ပျော ဥယျာဉ်ကလေးခြံဝနှင့်ခြံရှေ့ သီတာမြသားအပေါ်တွင် ကျနေသည်။ ငှက်ပျောဥယျာဉ်ကလေး၏ အလယ် အုတ်ခဲနီလမ်းမှ ကျနော်ဖြည်းလေးစွာ လျှောက်သွားနေသည့် အခိုက်တွင် ဝေသည် ကျနော့်ကို လှမ်းမျှော်ငေးမောကြည့်နေသည်။ ဝေ့ မျက်နှာပေါ်မှ ထာဝစဉ်တောက်ပပွင့်လန်းနေတတ်သော အပြုံးများမှာ မှိ်န်ဖျော့လာနေသည်။
ကျနော်သည် ခြံရှေ့ဝင်းဝ သူ့ရှေ့၌ရပ်လိုက်လျှက် “ ကိုယ်ခေါင်းတွေ သိပ်မူးနေလို့ဝေ ” ဟု တိုးသက်ညင်သာစွာပြောလိုက်လေသည်။
သူသည် မြင်းလှည်းသမားအကူအညီယူပြီး ငပိ ငခြောက် ခြင်းများကို အိမ်ရှေ့သို့သယ်ယူနေသည်။
ထို့နောက် သူသည် မြင်းလှည်းသမားအား ငွေပေး ချေနေပြီး “ မနက်ကျရင် စောစောလာခဲ့နော် ဦးလေး၊ ငါးနာရီခွဲ လောက်လာခဲ့ပါ ” ဟု ပြောနေသံမှာ ချိုလွင်နေလျက်။
မြင်းလှည်းသည် ခြံဝမှ သီတာမြသား၏ အကွေ့ဘက်သို့ မောင်းနှင်ပြေးသွားသည်။ မြင်းခွာသံများသည် ခြံရှေ့၌နှုတ်ဆက်နေသကဲ့သို့ပင် မေ့ကျန်ရစ် ခဲ့လေသည်။

ဝေသည် ကျနော်ရပ်နေရာခြံဝ ဘက်သို့ လှည့်ကြည့်လိုက်၏။ ငါးပိခြင်းများသယ်ရသဖြင့်ဝေ့နဖူးပြင်၌ ချွေးဥ ကလေးများ စီရီနေသည်။ သူ့ကိုယ်မှ ချွေး၏ရနံ့သည် ထိုအချိန်၌ ခြံဝတွင်စိုထိုင်းလျက် ရှိနေသည်။
ထိုအခိုက်အတန့် ကလေး၌ ကျနော်သည် ဝမ်းနည်းစွာဖြင့် သူ့ကို တခါကလိုက်အခေါ် သူစပါးသယ်နေခဲ့သည် ကိုအမှတ်ရသွားသည်။ ထိုအခါကလည်း သူ့ တွင်ဤကဲ့သို့ ချွေးဥကလေးများ စိုထိုင်းနေလျက် သူ့ မျက်နှာကလေးမှာ ချွေးများကြောင့် လန်းဆန်းနေသည်။ ထို့နောက် ဟေမန်တွင် ဈေးရောင်းနေစဉ်က သူဈေးကုန်များကို ချွေးတပြိုက်ပြိုက်နှင့် သယ်သည်ကို အမှတ်ရပြန်သည်။

သူသည် ကျနော့် မျက်နှာကိုမော့်ကြည့်ပြီး “ ကိုကိုနေမကောင်းလို့လား ” ဟုတိုးတိုးမေးလိုက်သံမှာ ဟေမန်တွင် နာမကျန်းစဉ်က မေးလိုက်သံနှင့် မခြား။
“ ကောင်းပါတယ် ဝေ၊ ခေါင်းထဲကနဲနဲမူးတာပါ ” ဟု ကျနော်ပြန်ပြောလိုက်သည်။
လမ်းကလေးထဲတွင်သူသည် ဘေးချင်း ယှဉ်ကပ်လျက် အိမ်ဘက်သို့ လျှောက်သွားသည်။ သူ့ကိုယ်ကလေးမှာ ကျနော့် ကိုတိုးဝှေ့နေသည်။ သူသည်ကျနော့် လက်ကို သွေးစမ်းကြည့်ရန်ဆုပ်ကိုင်လိုက်သည်။

“ မင်းနဲ့ကိုယ်နဲ့ခွဲကြရတော့မယ်ဝေ၊ ကိုယ်ဆုံးဖြတ်ပြီးပြီ၊ ပြင်လို့မရတော့ဘူး၊ မင်းက မင်းလမ်း မင်းသွား၊ ကိုယ်လဲ ကိုယ့်လမ်း ကိုသွား၊ ဒါပေမယ့် ဘာကြောင့်မင်းနဲ့ ကိုယ်နဲ့ခွဲရတော့မယ်ဆိုတာတေ့ာ ကိုယ်မပြောနိုင်ဘူး ဝေ ” ဟုပြောလိုက် လိုသောဆန္ဒပေါ်လာသည်။
ထိုသို့ ဖွင့်လှစ်ပြောလိုက်လျှင် အခြေအနေမှာ မထ်ိန်းသိမ်းနိုင်တော့လောက်အောင် ပေါက်ကွဲသွားနိုင်သည်။ ထို့နောက် သူက ဖက်၍ငိုယိုတောင်းပန်။ အမှားဝန်ခံလိုက်လျှင် ကျနော်သည်ဆုံးဖြတ်ချက်အတိုင်း မလိုက်နာနိုင်တော့ဘဲ ပျော့ညံ့စွာ အရှုံးပေးပစ်ချင် ပေးပစ်လိမ့်မည်။ မိမိကိုယ်ကို စိတ်မချ၊ မိမိ၏ ပျော့ညံ့သောစိတ်နှလုံးသားကို စိတ်မချနိုင်။

“ဒါဖြင့် ဝေနောက်တခေါက် တော်တော်နဲ့ မသွားသေးဘူးကိုကို၊ တော်ကြာကိုကိုတယောက်ထဲ နေမကောင်း ဖြစ်နေရင်ဒုက္ခ၊ ဒီတခါအထည်ကချည့်သုံးရာကျော်ကျော် မြတ်တယ် ကိုကို၊ တောဘက် ဆင်းရောင်းတာ၊ ဒီကရှေ့ တောတွေဖက်မယ်ဖောက်သည် ရထားလို့မြန်ပါဘီ၊ ဟိုမယ်ကြာလှရင် သုံးရက်ဘဲ၊ ဟုတ်တယ်လောဘကို နဲနဲပါးပါးတော့ လျော့ထားအုံးမှဘဲ၊ ဒီမယ် ကိုကိုတယောက်ထဲ ကိုယ့် ဖာသာချက်စား၊ ကိုယ့် ဖာသာ အဝတ်လျှော်ဖွပ်နေရတာ ဝေသနားလာဘီ”

ဤစကားများမှာမူဝေသည် သူ့ စေတနာ အရင်းအတိုင်းပြောနေခြင်းဖြစ်သည်ဟု ကျနော်တွေးနေမိသည်။ ဟေမန်တွင်နာမကျန်းစဉ်က ဝေသည် မိခင်တဦးနှင့်မခြားသော မေတ္တာဖြင့် ပြုစုခဲ့သည်ကို ပြန်အမှတ်ရနေသည်။ အလေးအပေါ့ သွားသည့်ကိစ္စကပါ မကျန်အောင် သူသည် ပြုစုခဲ့သည်ကို သတိရပြီး ရင်ထဲ၌ နာကျင်နေသည်။

“ မလိုပါဘူး ဝေ၊ ကိုယ်ပင်ပန်းတာ မဟုတ်ပါဘူး၊ ဝေ ဒီမယ် သုံးရက်လောက် ရောင်းရင် တင်လာတဲ့ကုန် ကုန်မယ်မဟုတ်လား၊ အလုပ်လုပ်စရာ ရှိတာသာလုပ်ပါ၊ ကိုယ်တို့က ညားစ လင်မယားမှ မဟုတ်တော့တာဘဲ ဝေ ”
“ ကိုကိုတခုခုဖြစ်နေသလိုဘဲ၊ အရင်တုန်းကတော့ ဝေသွားတော့မယ်ဆိုရင် ကိုကိုဘဲ ရက်တွေရွှေ့ရွှေ့ ခိုင်းတယ် ”
“ ကိုယ် အမှန်ပြောတာပါ၊ ကိုယ်တို့အတွက် အဓိက ထားရမှာက စီးပွားရေးဘဲ မှုတ်လား၊ ဝေပြောနေကျ စကားလေ၊ စီးပွားရေးမရှိရင် လူလူချင်း အနှိမ်ခံသတ္တဝါဖြစ်နေရတယ် ဆိုတာ၊ ဝေ့ မိသားစုကို လူအထင်သေးခံနေရတာ စီးပွားရေး ကြောင့် ဆို ဝေ၊ ကိုယ့်အမေက ဝေ့ကို အထင်သေးတာ စီးပွားရေးကြောင့်ဘဲဆို”
“ မဟုတ်ပါဘူး၊ ကိုကိုတခုခုပြောင်းလဲနေပါဘီ”
“ ဒါတော့ကိုယ်မပြောင်းလဲတတ်တဲ့လူဆိုတာ ကိုယ်တို့ခြောက်နှစ်ကျော်အောင် ပေါင်းလာခဲ့ပီဘဲ၊ ဝေ သိပါတယ်”

ဝေက ကျနော့်မျက်နှာကို တခုခုရှာဖွေနေသလို ကြည့်ခဲ့လေသည်။ ထိုအချိန်တွင် တတ်နိုင်လျှင်ကျနော်သည် အခါတိုင်းက အတိုင်းရယ်စရာ တခုခုပြောပြီး လွတ်လပ် ရွှင်လန်းစွာ ရယ်မောပစ်ဖို့ ကောင်းသည်ဟု တွေးနေ၏။ သို့သော် ရယ်၍ကား မရနိုင်ပေ၊ ကျနော်သည် လက်နှစ်ဖက်ဖြင့် နားထင်ကို နှိပ်ထားလျက် အိမ်ရှေ့ တန်းလျားတွင် ဝင်ထိုင်လိုက်ရသည်.။

ဤညနေနှင့်နောက်နေ့များတွင် မိမိ၏စိတ်နှလုံးဆုံးဖြတ်ချက်ကို မပြေလျှော့သွားရန် မည်ကဲ့သို့ တောင့်ခံ ထားရပါမည်နည်း။ ဤရက်များ၌ တခုခုဖြစ်တော့မည်ထင်ခဲ့သည်။ ရက်ပေါင်းများစွာက အံခဲကျိတ်မှိတ်ထားသမျှတို့ ရုတ်တရက် စုပြုံပေါက်ကွဲသွားမည်ကို စိုးရိမ်သည်။ ညအိပ်ပျော်နေစဉ်၌ သူ့ကို သွေးအေးအေးဖြင့် သတ်ပစ်ချင် သတ်ပစ်မိလိမ့်မည်.။ သို့မဟုတ်ပြဿနာများကို မျက်နှာချင်းဆိုင် ဖြေရှင်းလိုက်ပြီး ကျနော်သည် တဖန်စိတ်အား လျှော့ပြန်လျက် ဤငရဲတွင်း အိမ်ထောင်ရေး၌ သံသရာပြန်လည်ချင် လည်နေမည်။
သို့သော် ထိုလေးရက် အချိန်မှာ သိုသိုသိပ်သိပ် ကျစ်ကျစ်လစ်လစ်ဖြင့်ပင် ယခင်ရက်ပေါင်း များစွာက အတိုင်း အလွန်ညင်သာစွာ အေးငြိမ်းစွာဖြင့် ကုန်ုဆုံးလိုက်လာနေသည်.။
ထိုလေးရက်တာကာလ၌ အကြိမ်ကြိမ် ပေါက်ကွဲတော့မည် ကဲ့သို အကြိမ်ကြိမ်ကျနော် အရှုံးပေးတော့ မည်ကဲ့သို့ စိတ်ထဲ၌ ဖြစ်ပေါ်ခဲ့သော်လည်း ထ်ိန်းသိမ်းထားနိုင်ခဲ့သည်။
ထိုလေးရက်တာ ကာလ အဖြစ်အပျက် အကြောင်းအရာများကို ကျနော်သည် စက္ကန့်နှင့် ဖွဲ့တွက်၍ မှတ်မိနေသည်။ သူ ပြောခဲ့သည့်စကား၊ သူ့လှုပ်ရှားမှု၊ သူပြုံးလိုက်သည့်အပြုံးများ အားလုံးကိုပင် စိတ်ထဲ၌ စွဲထင်မှတ်မိနေသည်ဟု ထင်ရလေသည်။

မနေ့ညနေကမူ ကျနော် ပြတင်းဝတွင် ရပ်နေစဉ်၌သူသည် လူနေတော့မည် မဟုတ်သည့် ဤအိမ်ကလေး၏ ဧည့်ခန်း ကြမ်းပြင်ကို ဖယောင်းတုိုက်နေသည်။ မနက်ဖက်သွားရန် အတွက် သူအထည်များ ဝယ်ယူခဲ့ပြီးလျက် ငပ်ိ၊ ငါးခြောက်များ အားလုံး ရောင်းချခဲ့ပြီးပြီ။
သူသည် တခေါက်ပြန်လာပြီး ပြန်သွားတော့မည် ဆိုလျှင် ရုပ်ရှင်တကားကြည့်လေ့ ရှိသည့်အတိုင်း “ဘိုင်စကုပ် ကြည့်ရအောင်ကိုိုကို” ဟု ကြမ်းတိုက်နေရာမှ လှမ်းပြောခဲ့သည်။
ကျနော်သည် ခေါင်းယမ်းခါလိုက်လျက် “ကိုယ်ခေါင်းမူးနေတုန်းဘဲ”ဟု ပြောလိုက်လေသည်။
ဝေသည် ကြမ်းတိုက်အဝတ်ကို လက်မှကိုင်ပြီး ပြတင်းဝအနားသို့လာရပ်လေသည်။အခါတိုင်းကဲ့သို့ ရုပ်ရှင်မပြဘူးဟုဆိုသဖြင့် သူ့ မျက်နှာမှာ စိတ်ကောက်မှိုင်းညို့ သွားသည်။

“ကိုကို တကယ်ခေါင်းမူးနေတာလား ဝေမနက်ဖြန်ကာသွားဘို့ ကားကိုတောင် ချိန်းခဲ့ပီးဘီ၊ ဒုက္ခဘဲ၊ ဒါပေမယ့် ဟိုမှာ ဖေါက်သည်ပေးခဲ့ရမှာဆိုတော့ နှစ်ရက်ပဲ နေမှာပါ ကိုကို” ဟုပြောရင်း သူသည် ကျနော့်မျက်နှာကို မေါ့ကြည့်နေသည်။ ဝိုင်းဝိုင်းစက်စက် ဝေ့မျက်လုံးများမှာ ဆည်းဆာနေခြည်အောက်တွင် အရည်ရွှန်းလဲ့ တောက်ပနေသည်။
“ဝေ မနက်ဖြန်သွားတော့မှာဘဲ၊ အေးလေ သွားပေါ့”
“မသွားရသေးဘူးလား၊ အဲဒီလိုတော့ မပြောနဲ့ ကွယ်၊ ဝေ သွားချင်စိတ်တောင် မရှိတော့ဘူး၊ စိတ်မဖြောင့်တော့ဘူး၊ ကိုကို နေချင်သေးရင် နေအုံးမယ်လေ”
“ကို ဘယ်လိုပြောမိလို့ လဲ ဝေ”

သူသည် ကျနော့် လက်မောင်းတဖက်ကို ဆုပ်ကိုင်လိုက်ပြီး မျက်နှာကို ကျနော့်မျက်နှာနှင့် ထိကပ်ခမန်းတိုးကာ ကျနော့်မျက်နှာကို စေ့စေ့စပ်စပ်ကြည့်နေသည်။ အတွင်း၌ ဖုံးဖိကွယ်ဝှက်ထားသမျှကို ဝေ တွေ့ မြင်သွားပြီဟု ထင်ရသည်။ အလင်းရောင်ပျပျ၌ သူ့ နှုတ်ခမ်းမှာ ပွင့်ဟနေလျက် သူ့ ပါးကလေးမှာ နီထွေးနေကာ သူ့ နဖူးပြင်စပ်၌ ဆံညွန့် ကလေးများ လှပစွာ ကျနေသည်။ သူသည် အစဉ်အမြဲ လှပနေတတ်သော ချစ်စဖွယ်အရုပ်ကလေးတခုလို ဖြစ်နေပြန်သည်။

“ကိုကို စကားပြောတာ တမျိုးဖြစ်နေဘီနော်၊ ကိုကို တခုခု ဖြစ်နေပါဘီ၊ ဝေ့ ကို ပြောစမ်းကွယ်၊ ကိုကို ဘာဖြစ်နေသလဲ ဝေ့ကိုပြောစမ်း၊ ဝေ အခုလိုသွားလာနေတာ ကိုကိုမကြိုက်တော့ဘူးလား၊ ကိုကို မကြိုက်တော့ဘူးဆိုရင် ဝေ သွားကို မသွားတော့ပါဘူး၊ကိုကို အဲဒီလို အုံနွေးနွေးကြီးလုပ်နေတာ သိတ်ဆိုးတာ၊ ပြောစရာရှိတာ ဘယ်တော့မှ ပွင့်ပွင့်လင်းလင်းပြောတာမှုတ်ဘူး၊ အခု ဝေ ပေါင်ခဲ့တဲ့ရွှေတွေလဲ အကုန်ပြန်ရွေးပီးဘီ၊ အမေ့အိမ်ဆောက်နိုင်အောင်လဲ လုပ်ပေးပီးဘီ၊ ငွေ နဲနဲပါးပါးလဲ စုဆောင်းမိ အခြေတွယ်ထားပီးဘီ၊ အမှန်တော့ ဝေ ကိုကို့ တယောက်ထဲ ထားရစ်ခဲ့ပီး သွားသာ သွားရတာ သိပ်စိတ်မချမ်းသာဘူး၊ ကဲ…ဘယ်လိုလဲ ပြောလေ”

ထိုအခါ၌သူ့ ကို ကျနော့်ရင်ထဲ ခံစားနေရမှုများ အားလုံးဖွင့်၍ ပြောချင်သည့် ဆန္ဒများပေါ်ပေါက်လာနေသည်။ သူ့ ကို ကုန်အရောင်းအဝယ်မသွားပါနှင့်ဟု တားလိုက်ချင်၏။သို့ သော် ထိုစိတ်ထိုဆန္ဒတို့ ကို ဝမ်းနည်းစွာဖြင့် ချိုးနှိမ်ပစ်ရတော့သည်။
ယခုအခါတွင်မှ ထိုကဲ့သို့ ဆက်လက်နေထိုင်လျင်လည်း ပြီးခဲ့သော အမှားအယွင်းတို့ သည် သူနှင့်ကျနော့်ကြားဝယ် ရွံရှာစက်ဆုပ်ဖွယ်ရာများ အဖြစ်ဖြင့် အစဉ်အမြဲ ကြား၌ ခြားနေတော့မည်။ နောင်အခါ၌ သံသယတို့ ဖြင့် ထာဝစဉ်ရှုပ်ထွေး စိတ်မချမ်းသာရသော အိမ်ထောင်ရေးတခုသာလျင် ဖြစ်နေတော့မည်။ မှားခဲ့ပြီးသော အမှားဆိုသည်မှာ ပြန်လှည့်ကြည့် အချိန်မှန်သမျှ နောက်ပြန်ဆွဲ၍ရနိုင်သည်မဟုတ်။ စွန်းမိသော အမဲကွက်မှာ စွန်းထင်းနေမြဲသာ ရှိမည်။ ဤအမဲစက်သည် အိမ်ထောင်ရေး၌ အစဉ်သဖြင့် ရွံရှာဖွယ်ရာအဖြစ် ထာဝစဉ်နောက်ပြန် မြင်နေရလိမ့်မည်။

ကျနော်သည် မှောင်ရီရီထဲတွင် သူ့ လက်ဖဝါးကလေးတဖက်ကို လှမ်းဆုပ်ကိုင်ပြီး ဖြစ်ညှစ်လိုက်မိလေသည်။ ဟိုစဉ်က စပါးသယ်အလုပ်သမလေး ခင်ဝေ၏လက်မှာ အသားမာဘုများပင်ဖြစ်နေ၍ ကြမ်းထော်နေပြီး ယခု မခင်ဝေ၏ လက်ချောင်း သေးသေးမျှင်ကလေးများသည် နုညက်ပျော့ပျောင်းစွာ ကျနော့်လက်ဖဝါးပြင်ထဲတွင် နစ်မြုပ်ပျောက်ကွယ်နေသည်။ သူ့ ကိုခိုးပြေးလာသည့်ညက မိုးစက်မိုးမှုန်များထဲတွင် သူ့ လက်ကြမ်းကလေးကို ဆုပ်ကိုင်ထားမိသောအခါဝယ် အတွေ့ အာရုံအားဖြင့် နွေးထွေးနေပြီး ယခုကား ထိုနွေးထွေးမှု အတွေ့ အာရုံအစား ရင်ထဲတွင် ဝမ်းနည်ဆွေးမြေ့ဖွယ်ရာများသာ ပေါ်ပေါက်နေသည်။
သို့ သော် ထိုညကကဲ့သို့ ဝေ့ အသက်ရှူသံများမှာမူ မောလျနေသည်။

“ဘယ်လိုလဲ ပြောလေကိုကို၊ ကိုကို ဘာဖြစ်နေတာလဲဟင်၊ ကိုကိုဘယ်လိုဖြစ်နေတာလဲဟင်”ဟု သူ့ စကားပြောနေသံသည် ဤပြတင်းဝ၌ဆွတ်ပျံ့ ဖွယ်ရာဖြစ်နေသည်။ သူ့ မျုက်လုံးအိမ်ထဲတွင် မျက်ရည်များပြည့်သိပ်လာနေသည်ကိုပင် မြင်ရသည်။
“ကိုယ် ဘာမှမဖြစ်ပါဘူး ဝေ၊ မင်းစိတ်ထင်လို့ ပါ”
“မဟုတ်ဖူး၊ မဟုတ်ပါဘူး ကိုကို ဖွင့်ပြောစမ်းပါ၊ ဝေ တို့ မြိုင်ကြီးကိုရောက်လာရတာ မှားဘီထင်တယ်၊ သိပ်မှားဘီထင်တယ်”
“ဘယ်မှားမလဲ ၊ ကိုယ်တို့ စီးပွါးရေး ဘယ်လောက်တက်နေပလဲ၊ ဝေ့ အမေ တင့်တောင့်တင့်တယ်ဖြစ်သွားရတာ မြိုင်ကြီးကို ပြောင်းလာရလို့ မို့ လား၊ ကိုယ် ခေါင်းမူးနေလို့ ပါ၊တွေ့ လေရာတွေ ရှောက်တွေးမနေစမ်းပါနဲ့ ဝေ”

သူ့ မျက်လုံးအိမ်ထဲမှ မျက်ရည်များ ဖိတ်စင်ကျလာနေသည်။ ကျနော်သည် ပြတင်းဝတွင် နားထင်ကို လက်နှစ်ဖက်ဖြင့် နှိပ်ထားလိုက်သည်။ ဤအချိန်များ မြန်မြန် ကုန်ဆုံးစေချင်သည်။ ဤစိတ်နှလုံး ကြေကွဲဖွယ်ရာ အချိန်များ မြန်စွာ ဆုံးခန်းတိုင်ပါစေတော့။

အခန်း(၁၇) နောက်တပိုင်းကို …မျှော်


November 26, 2009

မုန်တိုင်းထဲက တစ်ရက်ဧပရယ်မှာ


တရက် ဧပရယ်ရဲ့ ညဥ့်ဦးယံကလေးမှာပေါ့
သူ့ ရဲ့ ငွေရောင်ဖေါင်းကြွစာလုံးလေးနဲ့ 
ညရဲ့….
ရင်ခုန်သံ တံခါးမကို တွန်းဖွင့်လိုက်လေရဲ့။

အဲဒီညရဲ့
ရယ်မော လှုပ်ခတ်သံလေးတွေက
လှလိုက်တာ
မနက်ဖန်ဟာ ငါတို့ အတွက်
မက်မောတွယ်တာစရာဆိုလို့ 
ဒီလို ညကလေးပါပဲ။

‘ကျနော်လေ လူဖြစ်သွားပြီ‛
သူ့ ရင်မှာ စူးနစ်နေတဲ့
နေရစ်ခဲ့ပါတော့ ‘၈၈‛ ဟာ
သူ့ ကိုယ်မှာ
ကျနော့်ကိုယ်မှာ
ကျနော်တို့ 
(သို့ မဟုတ်)
တော်လှန်ရေးထဲက
အနုပညာ မြတ်နိုးတပ်မက်တွယ်တာသူ
အနုပညာချစ်သူအပေါင်းရဲ့
နှလုံးသားမြစ်ထဲမှာ
နစ်ကျန်ရစ်လေရဲ့…။

တစ်ရက် ဧပရယ်ရဲ့ ညဥ့်ဦးယံကလေးမှာပေါ့
ကျနော့်ရဲ့
သူ့ ရဲ့
ကျနော်တို့ 
(သို့ မဟုတ်)
တော်လှန်ရေးထဲက
အနုပညာ မြတ်နိုးတပ်မက်တွယ်တာသူတို့ ရဲ့
ကိုယ်မှာ…
ရယ်မောလှုပ်ခတ်သံကလေးတွေကို
မြှုပ်နှံလို့ 
မုန်တိုင်းထဲကို ဖြတ်ထွက်သွားကြလေရဲ့။ ။

တိုက်အောင်
(၁ ၊ ၄ ၊ ၉၁ ဆရာနိုင်ဝင်းဆွေ၏ ကလောင်ငွေရတုနေ့ အမှတ်တရ ခံစားသည်။)

၁၉၉၂ ခုနှစ်ထဲမှာ မာနယ်ပလောမှာရှိတဲ့ ကဗျာရေးသူ (၁၈)ယောက်က ‘ဝီရ ကောင်းကင်‛ ဆိုပြီးအမည်ပေးထားတဲ့ ဖယောင်းပုံနှိပ်လက်ရေးကဗျာစာအုပ်ကလေးမှာ ကဗျာ ဝင်ပြီးရေးကြပါတယ်။ မျက်နှာဖုံးပန်းချီကို (ကို)ဒေါင်းနီက ဆွဲပေးပါတယ်။ ကျနော်က လက်ရေးနဲ့ ဝင်ရေးပေးခဲ့ပါတယ်။ဒီစာအုပ်မှာ ကဗျာဆရာ (ကို)တိုက်အောင်ကလည်း ဒီကဗျာကို ဝင်ရေးပေးခဲ့တယ်။ အခု သူမရှိတော့ပါဘူး။ သူကွယ်လွန်တာ (၁၅)နှစ်လောက်ရှိပါပြီ။တလောလေးတုန်းက မိတ်ဆွေကိုကျော်နိုင်က ကိုတိုက်အောင်ရဲ့ကဗျာရှိရင် တင်ပေးပါဆိုတာနဲ့ ပြီးတော့ဒီကဗျာကလည်း ဆရာနိုင်ကို ရည်ညွှန်းပြီးမှရေးထားတဲ့ကဗျာဖြစ်လို့့အမှတ်တရအနေနဲ့  ကျနော် ဒီကနေ့ တင်လိုက်တာပါ။ အခုတော့လည်း ကဗျာဆရာ တိုက်အောင် နဲ့ ဆရာနိုင်ဝင်းဆွေ နှစ်ယောက်စလုံး ကွယ်လွန်ခဲ့ကြပါပြီ။ သူတို့ နှစ်ဦးစလုံး ကောင်းရာသုဂတိလားပါစေလို့ ကျနော်ဆုတောင်းလိုက်ပါတယ်။



November 25, 2009

နွေတည


ဆရာနိုင်ဝင်းဆွေရဲ့ နွေတညဝတ္ထုကို ကျနော် တခန်းချင်းတင်ပေးခဲ့တာ အခန်း(၁၆) ရောက်ခဲ့ပါပြီ။တကယ့်ကို စုံမက်ရူးသွပ်တဲ့ ချစ်မက်စိတ်နဲ့ ဒီဝတ္ထုကို ကျနော့်ဘလော့မှာ တင်ခဲ့တာပါ။ (မှတ်ချက်။ ။ ကိုတင်မင်းထက်ရဲ့ အစစအကုအညီပေး မြှောက်ပေးတွန်းပေးတာမျိုးကလည်း ကျနော့်အတွက်တော့ အားဆေးတခုပါပဲ။)

ဒီဝတ္ထုက အခန်း(၁၈)ခန်းပဲ ပါတာဆိုတော့ အခုဆိုရင် (၂)ခန်းပဲ ကျန်ပါတော့တယ်။ ဒီ(၂)ခန်းကလည်း နည်းနည်းတော့ရှည်တယ်။ ဒါပေမယ့် စာဖတ်သူတွေ အရှိန်သိပ်မပျက်ရအောင် တတ်နိုင်သမျှ မြန်မြန်တင်နိုင်အောင် ကျနော်တို့ ကြိုးစားကြမှာပါ။

ကျနော် ဒီလိုစဉ်းစားထားတာရှိပါတယ်။

ဒီဝတ္ထုရဲ့နောက်ဆုံးအခန်းကိုဖေါ်ပြတဲ့အခါ ဒီဝတ္ထုအတွက် ဝိုင်းဝန်းအကူပေးခဲ့ကြသူတွေ၊ ပြီးတော့ ဒီဝတ္ထု ကျနော့်ဘလော့မှာ တင်ပေးနေတုန်း ကွန်းမန့် လာပေးသွားကြသူတွေ ဖြစ်နိုင်မယ်ဆိုရင် ဒီဝတ္ထုအပေါ် ထင်မြင်ချက်နည်းနည်းစီတော့ပေးကြဖို့  ကြိုတင်ပြီးမေတ္တာရပ်ခံထားချင်ပါတယ်။ ဥပမာ..ဒီဝတ္ထုမှာ ကိုကိုနဲ့ ခင်ဝေ ဘယ်သူ့ မှာအပြစ်ရှိသလဲ၊ခင်ဝေနဲ့ ကိုကို့ ကို ပေါင်းပေးသင့် မသင့် ဆိုတဲ့ သဘောထားမျိုးလောက်ပဲ ဖြစ်ဖြစ်ပေါ့။

ဒါပါပဲ။မကြာခဏ အခုလို ဝင်ဝင်ပြီး လျှာရှည်မိတဲ့ ကျနော့်ကို အမြင်များကပ်နေမလားပဲ။ အားလုံးကို ခွင့်လွှတ်ဖို့ ကျနော်တောင်းပန်လိုက်ပါတယ်။


အခန်း ( ၁၆ )

“မင်းကို ကိုယ်တွေ့ချင်တာနဲ့ဒီကို မင်းလာမယ်ဆိုပြီး တမင်စောင့်နေတာ၊ လာကွာ၊ ဒို့ မိုးအလင်း ဆိုင်ဘက် ရှောက်ကြရအောင်၊ ဒီနေ့ည စကားအေးအေးဆေးဆေး ပြောကြတာပေါ့၊ ကိုယ်မနက်ဖြန် အလုပ်ပြန်ဝင်ရတော့မယ်ဆိုတော့ အစောဆုံးရထားနဲ့ လိုက်ရမယ်”

ခင်ထွန်းကြီးသည် ခြံဝတွင် တွေ့လျှင် တွေ့ခြင်း ကျနော့်ပခုံးကို ကိုင်လှုပ်နေသည်။ ခြံထဲ၌မူ အဖွားဆုံးသဖြင့် ဓာတ်မီးများ လင်းထိန်နေအောင် ထွန်းညှိထားသည်။ မင်းသမီးတလက်အငြိမ့်သီချင်းဆိုသံ ဆိုင်းသံများသည် ခြံဝဘက်သို့ လျှံထွက်လာနေသည်။
အဖွားဆုံးပြီးဟု ကြေးနန်း ရလျှင်ရခြင်း ကျနော်လည်းမြိုင်ကြီးမှ ပြေးလွှားလာခဲ့သည်။ ကိုခင်ထွန်းကြီး နှုတ်ဆက်နေသည့်အခိုက်တွင် ဝေ့အမေငယ်စဉ်က အငြိမ့်ကခဲ့သည်ဆိုသည်ကို ကျနော်သည် ပြေးလွှားဆက်စပ် အမှတ် ရနေပြန်တော့သည်။ ဤရက်ပိုင်းအတွင်း၌ကား ကျနော့်အတွေးများမှာ ဝေနှင့်ပတ်သက်၍သာ နေတော့သည်။ ဝေနှင့်ပတ်သက်၍ မတွေးမိအောင် မည်သို့ နေနေ မရ။ ခုလို ခရီးထွက်လာရခြင်းသည်ပင် ကျနော့်အတွက် စိတ်အပြောင်းအလဲ ဖြစ်စေသည်။နေရာတခု၌ အတည်တကျ ငြိမ်မနေချင်တော့။

“ကျနော်လဲ အခု နလေးတင် ရောက်လာတာ၊ အမေ့ ကိုနှုတ်ဆက်ခဲ့ရရုံလေးဘဲ ရှိသေးတယ်၊ သွားမယ်လေ၊ ကျနော့်တို့ မိုးအလင်းဘက် မရောက်တာလဲ ကြာလှပြီ”

စင်စစ်တွင် ဤအမေ့ခြံသို့မရောက်ခဲ့သည်မှာပင် ကြာရှည်လှလေပြီ။ ဝေနှင့် တခေါက်လာလည်ပြီးကတည်းက မရောက်တော့။ ယခု ဝေနှင့်ခွဲခွာရခါနီးမှ ရောက်လာ ရပြန်သည်ဟုထင်နေ၏။ ယခုဝေနှင့် ခွဲခွာနီးအချိ်န်ဟု ကျနော်သည် စိတ်နှလုံးထဲမှ ပဲ့တင်ထပ်ရွတ်ဆိုနေသည်။
ကိုခင်ထွန်းကြီးကို ပြုံး နှုတ်ဆက်ရန် သတိရသော်လည်း မပြုံးနိုင်တော့ပေ။ စိတ်နှလုံးထဲ၌ ဤမျှ နာကျင်နေပါလျက် အဘယ်နည်းဖြင့် မျက်နှာက ပြုံးနိုင်မည်နည်း။ ကိုခင်ထွန်းနှင့် ကျနော်သည် ဓာတ်မီးတိုင် ကျဲကျဲမျှသာ ရှိသော လမ်းအတိုင်းလေးကန်စွာ လျှောက်လာကြသည်။
ဓာတ်မီးတိုင် အောက်မှ မှုန်ဝါးဝါး အလင်းရောင်အောက်တွင် သူနှင့် ကျနော် ယခုလိုပင် ဖြတ်လျှောက်ခဲ့သည်ကို ထိုအခါတွင် တွေးနေမိပြန်သည်။
ဤအတိုင်းပင် ဝေ့ ကို ခိုးသည့်ညကလည်း သူနှင့် ကျနော်သည် ဘူတာနောက်ဖက်ကမ်းမြှောင် မှောင်ရိပ်ရိပ်တွင် မိုးသားတဖွဲ့ဖွဲ့ကျနေဆဲ၌ ဖြတ်လျှောက်မိကြ၏။ စင်စစ် လွန်ခဲ့သော ကုန်ခမ်းခဲ့သော ခြောက်နှစ်က ထိုအိမ်ထောင်ဦး အစညမှာ ပျော်ရွှင်ဘွယ်ရာများဖြင့် ပြည့်နှက်နေသော မမေ့နိုင်ဘွယ်သော ညတညပင် ဖြစ်လေသည်။ သေသည့်ုတိ်ုင်အောင် တမ်းတသတိရမည့် ညတညပင် ဖြစ်ပေသည်။
ကျနော်တို့ မြို့သစ်ကလေးသို့ ရောက်ပြီး ကိုခင်ထွန်းကြီးဆီမှ စာတိုကလေးတစောင်ရပြီး ကိုခင်ထွန်းကြီးနှင့် အဆက်အသွယ် အလျင်းပြတ်တောက်သွားတော့သည်။
ကိုခင်ထွန်း၏ နောက်ဖက်မှ ခပ်ဖြည်းဖြည်း လျှောက်လိုက်နေရင်း ထိုစာတိုကလေးတစောင်ကို အမှတ်ရနေကာ ကျနော်သည် အစအဆုံးပြန်လည်၍ ရေရွတ်ကြည့်နေသည်။ ထိုစဉ်အခါကထိုစာကလေးတစောင်မှာ တုန်လှုပ်ချောက်ချားဘွယ်ရာ ဖြစ်ခဲ့သော်လည်း ယခုအခါတွင်မူ မေ့မေ့ ပျောက်ပျောက် အသေးအဖွဲ့ကလေးမျှသာ ဖြစ်နေတော့သည်။ အချိ်န်ပေါင်းများစွာသည် ထိုစာကလေးကို မေ့မေ့ ပျောက်ပျောက်ဖြစ်သွားရန် ဖျောက်ပေးထားသည်။
ထို့ အတူပင် သိမ်းဆွေကြီးဆီမှ စာကိုလည်း အချိန်ပေါင်းများစွာကြာလျှင် မေ့ပျောက်သွားနိုင်မည် ထင်မိပြန်လေသည်။
ကျနော့် စိတ်ထဲတွင် သိမ်းဆွေစာ၏ နောက်ကွယ်မှအရိပ်အစွန်းတို့သည် ဂယက်ရိုက်နေ၏။ မြို့င်ကြီးဘူတာရုံမှ အဖြစ်အပျက်။
ယခုအခါတွင် ဝေ့ ကို ချစ်သည့် စိတ်သည်လည်း မိမိ၏ပျော့ညံ့ သော စိတ်နှလုံးသားထဲဝယ် ဝမ်းနည်းကြေကွဲဘွယ်ရာ အမြစ်တွယ်နေသေးဆဲ ဖြစ်သည်ကိုလည်း သိနေပါသည်။ ယခုအခါ၌ မိမိ၏ စိတ်နှလုံးသားထဲတွင် မပြတ်မသား မပီမသ ဆုံးဖြတ်ချက်များသာလျှင် ရောထွေးနေသည်။ ဤအတိုင်းမှိတ်ကျိတ်မျိုသိပ် ထားလိုက်ပြီး ဝေ့ကို တဖန်ပြန်၍ ပြုပြင်လိုက်လျှင် ကြာသော် ဤမှောက်မှောက်မှားမှား အဖြစ်အပျက်အပေါင်းကို ကျနော် မေ့ သွားနိုင်မည်ဟု ထင်နေပြန်သည်။ သိမ်းဆွေ၏စာသည် အလျင်း ပျောက်ပျက်သွားပြီး သာယာချမ်းမြေ့ဘွယ် အိမ်ထောင်ရေး ကခု အသစ်တဖန် ဖြစ်လာနိုင်ဦးမည်ဟု ထင်နေသည်။
ကျနော်နှင့် ယှဉ်လျှောက်နေရင်း ကိုခင်ထွန်းသည် ခေါင်းကိုငုံ့ထား၏။ သူလည်း တခုခုကို တွေးရင်း နစ်မျောသလိုပင်။ ကျနော်တို့သည် လေးငါးခြောက်နှစ် ကင်းကွာ သွားသော လမ်း၌ပြန်လျှောက်နေသည်။ ဈေးထောင့်ဘက်သို့ ရောက်သောအခါတွင်မှ သူသည် ခေါင်းကို ပြန်မော့လိုက်ပြီး ကျနော့် ကိုလှည့်ကြည့်လေသည်။

“ မင်း ဘယ်တော့ ပြန်မှာလဲ” ဟုသူကမေးသည်။
“ကျနော်လဲ မနက်ဖြန်ပြန်မှာဘဲ ကိုခင်ထွန်း ခွင့်တို့ ဘာတို့တောင် ယူလာခဲ့တာ မဟုတ်ဖူး၊ လစ်ပြေးလာခဲ့တာ”
“ဒို့ က နှစ်ယောက်စလုံး သုတ်သုတ်ချည်းပါဘဲလား၊ ဒို့ ပြန်မတွေ့ကြရတာ ခြောက်နှစ်ကျော်လာပြီနော် ကိုကို”
“ခုနစ်နှစ်ထဲ ရောက်နေပြီ”
“မင်း အရက်ဖြတ်လိုက်ပြီဆို”
“ဖြတ်ပစ်တာကြာပြီ၊ အိမ်ထောင်ကျကထဲက ဖြတ်လိုက်တာဘဲ”
“ဒါနဲ့ အရွှေဆုံးသွားတာ မင်း မသိသေးဘူးနော် ကိုကို။ သထုံမှာဘဲ ဆုံးရှာတယ်၊ သုံးလလောက် ရှိသွားပြီ”

ဈေးရှေ့ဘက် အရောက်၌ ထိုစကားကို ခပ်တိုးတိုးပြောလေသည်။ ကျနော်တို့သည် လမ်းလျှောက်ပို၍ လေးပင် နှေးကွေးသွားကြလေသည်။ ငြိမ်သက်နေသော ဈေးလမ်းထိပ်တွင် နွေည၏ ချစ်စဖွယ် လေပြေအေးများ သုတ်ဖြူး လာနေသည်။ လေတို့သည် ခပ်ဝေးဝေးဘက်မှ မြစ်ပြင်ကို ကျော်ဖြတ်တိုက်ခတ်လာကြ၏။ ဤလမ်း၌ မြစ်ပြင်မှ လေများ တိုက်ခတ် လာနေသည်ကား မည်သည့်အခါတွင်မဆို တိုက်ခတ် နေပါမည်။ ကျနော်တို့ ငယ်စဉ်က ယခုလို နွေညများတွင် ကိုခင်ထွန်း၊ သိမ်းဆွေတို့နှင့် အတူ လျှောက်ခဲ့ကြ၏။ ထိုအခါက ကိုခင်ထွန်းမှာ နောက်ပြောင်တတ် ပျော်ရွှင်တတ်သည်။ ယခု ကိုခင်ထွန်း၌ကား ထိုပျော်ရွှင်တတ်မှုများ ရှိပုံမရတော့ပေ။
ကျနော်သည် မရွှေကို တမ်းတသတိရနေ၏။ ကိုခင်ထွန်းကြီးနှင့်အကြောင်းပါသောအခါ မရွှေသည် သုံးခုလပ်မျှ ဖြစ်လေသည်။ မရွှေသည်လည်း ပြောင်နောက်ပျော်ရွှင်တတ်၏။ ဝေနှင့်ကျနော့် ကို ဖူးစာစုံဖက်ပေးသူမှာ မရွှေဖြစ်လေသည်။ ဝေ့ကို ခိုးစညက မရွှေ၏ပြုံးစပ်စပ်မျက်နှာကို သတိရနေပြန်သည်။
ယခုလည်း ဝေသာ မရွှေလို ကွယ်လွန်သွားပြီး ကျနော်တို့ချင်းကွဲကွာသွားရလျှင် စိတ်ချမ်းသာဘွယ်ရာ ဖြစ်လိမ့်ဦးမည်ဟု တွေးနေမိပြန်သည်။ ယခုကဲ့သို့ ရှင်ကွဲ့ကွဲကြရသော အဖြစ်ထက်သေကွဲ ကွဲရသောအဖြစ်မှာ ဖြေသာပေသည်။ ကျနော်သည် မတွေးချင်တော့သော ဝေနှင့်ပတ်သက်သမျှတို့ကိုသာ တွေးနေမိ၍ အမှတ်မရချင်သော ဝေနှင့် ပတ်သက်နေသည် တို့ကိုသာ အမှတ်ရနေသည်။
ဘူတာရုံတွင်နေခဲ့ရသော ဝေ့မိတ်ဆွေနှင့် အဖေါ် တဦးသည် နောက်ရက်၌ ကျနော့် အိမ်ကလေးသို့ လာ၍ လည်ပတ်သွားခဲ့သေးသည်။ အိမ်ပေါ်တွင် သူတို့၏ ဟားတိုက် ရယ်မောသံများဖြင့် အိမ်ကလေးမှာ ဂုဏ်သိက္ခာအပေါင်းကျဆင်းသွားခဲ့ရသေးသည်။ စကား ပေါ့ပေ့ါရှပ်ရှပ် ပြောဆိုသံ၊ ပေါ့ပေါ့ရှပ်ရှပ် ရယ်မောသံများသည် အ်ိမ်ထောင်ကလေး၏ သာယာချမ်းမြေ့မှုတို့ကို အစအဆုံး ဖျတ်ဆီးလိုက်သကဲ့သို့ပင်။ သို့သော်ထိုညနေက ကျနော်သည် ဟန်မပျက် ရယ်မောနိုင်ခဲ့သေးသည်။ က္ကုနြေ္ဒမပျက် စကားဝင်ပြောခဲ့သေး၏။ နေဝင်ချိန်တွင်မှ သူတို့ပြန်သွားခဲ့ကြသည်။

“တံတားကြီးဘက် သွားထိုင်ကြရအောင်ကွာ၊ ဒို့ ဟိုတုန်းက ထိုင်နေကျနေရာကို မရောက်တော့တာ ဆယ်နှစ်တောင် ကျော်သွားဘီ”

ကျနော်တို့သည် ဈေးထောင့် နာရီစင်ကြီး အောက်မှဖြတ်ကျော်ရင်းလျှောက်သွားနေသည်။ မြို့ကြီးဈေးမှာ ညအခါတွင် တိတ်ဆိတ်ငြိမ်သက်နေ၏။ လရောင်၊ ကြယ်ရောင် ဓာတ်မီးအရောင်တို့ဖြင့် ဈေးမှာလင်းနေသည်။

“ကျနော်တို့ဟိုတုန်းက ဒီမယ်လမ်းလျှောက်ခဲ့တာ အမှတ်ရတယ်”
“အဲဒီတုန်းကတော့ သိပ်လွတ်လပ်တာ ပျော်တာဘဲလေ၊ သောကဆိုတာ ဘာမှန်းကို မသိကြရသေးဘူးမှုတ်လား ကိုကို”
“ဟုတ်တယ်၊ သောကဆိုတာဘာမှန်း မသိကြရသေးဘူး”

ကျနော်သည် ဖြေးဖြေး လျှောက်နေရင်းမှ ကျနော့် အိမ်ထောင်းရေးကို၊ အိမ်ထောင်းရေး၏ ပြင်းထန်သော မုန်တိုင်းလှိုင်းဂယက်များ အကြောင်းကို ကိုခင်ထွန်းကြီးအား ပြောပြချင်နေသည်။ ရင်ထဲတင်းကျပ်ခံနေရသည်တို့ကို ထိုကဲ့သို့ ဖွင့်အန်ပစ်လိုက်ရလျှင် သက်သာ ပြေပျောက်သွားမည်ထင်သည်။
နောက်ဆုံးဝေကုန်ရောင်းမသွားမီ အိမ်၌နေခဲ့သော ငါးရက်မှာ စိတ်ကိုထိန်းချုပ်ထားရသော၊ ဟန်ဆောင်ဖုံးကွယ် ထားရသော၊ အံခဲကျိတ်မှိတ် မျိုသိပ်နေရသော ငါးရက်ပင်။
ဤငါးရက်တာအတွင်း၌ ဝေ့ကို သတ်ပစ်ရန်ပင် တည၌ကျနော်သည် ကြံစည်ခဲ့သေးလျက်၊ စိတ်ကို မနည်းပြန်၍ ပြုပြင်တည့်မတ်ယူခဲ့ရသည်။ဤငါးရက်အတွင်း၌ ပွင့်အန်တော့မည်ကဲ့သို့ အဖန်ဖန် အကြိမ်ကြိမ်ဖြစ်ခဲ့သေး၏။ သူ့ ကိုထုတ်၍ မေးလိုက်လျှင် သူကဖြေးရှင်းစရာ အကြောင်းတခုခုရှာပြပြီး လိုက်၍ ထိုဖြေရှင်းမှုကို လက်ခံယုံကြည်ပြီးအိမ်ထောင်ကလေး၏ စိတ်မချမ်းသာမှု အပေါင်းကို ရှင်းလင်းနိုင်ခဲ့လျှင်ိ မည်မျှကောင်းမည်နည်းဟူ၍လည်း တွေးမိပြန်ပါသည်။
သူကုန်ရောင်းအပြီး သွားတော့မည့်ညက ရုပ်ရှင်ရုံမှ အပြန်သီတာမြသား၏ တံတားထိပ် အကွေ့၌သူပြောခဲ့သည့် စကားကို ကျနော်သည် စိတ်ထဲတွင် ပြန်၍ သတိရပြန်သည်။

“ဝေ သမီးလေးတယောက်လောက် လိုချင်တယ် ကိုကိုရယ်၊ ဝေ့ သမီးလေးကို သိပ်သတိရတာဘဲ၊ သမီးလေးရှိရင် အခုဆို အခါလည်ဘဲနော်ကိုကို၊ အိပ်ပေါ်မယ် ဆွဲမနိုင်အောင် ဖေဖေ မေမေ ခေါ်တတ်နေမှာဘဲ” ဟု ဝေက နောက်ဆုံးစကားအဖြစ်ဖြင့် တမ်းတခဲ့သည်။

ဈေး၏တဖက်ထိပ်မှ မယ်ဒလင်တီးပြီး သီချင်းအော် ဆို၍ လူငယ်တစုသည် နာရီစင်ကြီးကို ကျော်ဖြတ်ပြီး လာနေသည်။ သူတို့၏ ပျော်ရွှင်လန်းဆန်းသော မျက်နှာများကို အဝေးမှပင် လှမ်းမြင်နေရလေသည်။

“ ဒို့တုန်းကလဲ သိမ်းဆွေကြီးက ဘာဂျာ မှုတ်ပြီး ဒီင်္လိုလျှောက်ခဲ့တာဘဲ” ဟု ကိုခင်ထွန်းက ပြောပြီး တခုခုကိုသတိရသွားသလို ရယ်လိုက်လေသည်။

ကျနော်ကမူ ဤဈေးသို့ မြို့ကြီးတွင် ဝေနှင့်ဆယ့်ငါးရက်လာလည်နေစဉ်က နေ့တိုင်း လာခဲ့သည်ကို အမှတ်ရ၊ ဝေ့ကို စက်ဘီးတိုးမိပြီး ဝေက ခလေးကလေး တယောက် ကဲ့သို့ပင် ငိုခဲ့သည်တို့ကို သတိရနေတော့သည်။ ဝေ့ ကို ချော့မော့၍ပင်မရဘဲ ရယ်ရအခက် စိတ်ဆိုးရအခက် ဖြစ်နေခဲ့သည်။ ထိုအခါကမူ ဝေသည် စပါးသယ် အလုပ်သမလေး မခင်ဝေသာ ဖြစ်သည်။ ဤလမ်းမကြီး ပေါ်၌ ဝေ၏ ကလေးဆံစွာ ငိုသံမှာ လူရယ်စရာ ဖြစ်ခဲ့သည်။ ယခုမူထိုအဖြစ်အပျက် အပေါင်းမှာ မက်ခဲ့ပြီးသော အိမ်မက်ဟောင်းကလေး တခုမျှသာ ဖြစ်နေတော့သည်။

“မနေ့က ကြီးကြီးကပြောတယ်၊ မင်းရာထူးကျတာကြီးကြီးတို့ ဘာမှမသိရဘူးဆိုပါလားကိုကို၊ မင်းဟေမန် လိုက်နေတယ်ဆို၊ ကိုယ်လဲ ဘာမှကိုမသိရတော့ဘူး၊ နောက်မှ သိမ်းဆွေကြီးစာလှမ်းရေးလို့သိရတာ၊ သိမ်းဆွေကြီးကို သတိ ရတယ်ကွာ၊ ဒီကောင်ကြီး ဘာဂျာသံကိုသတိရတယ်၊ ဒို့တုန်းကလဲ ဒီအချိန်လမ်းတာနှံ့ အောင် ပတ်နေကြတာဘဲ၊ ကိုယ်မိုးအလင်း လဖက်ရည်ဆိုင်ဖက်သွားချင်တာက ဟိုတုန်းကလို ပျော်ပျော်ရွှင်ရွှင်စိတ်ဆန္ဒများ ပြန်ပေါ်လာမလားလို့၊ ဒို့ခလေးတုန်းက မုဆိုးဖိုကြီုးဆိုလို့ဘယ်လိုသတ္တဝါကြီးလဲလို့ ချောင်းကြည့်ခဲ့ကြတာမင်းသတိရသေးလား၊ အခုတော့မုဆိုးဖိုကြီးဆိုတာ ဇာတ်ထဲက မင်းသားတွေကိုင်တဲ့ လေးကိုင်းလိုလို လူလိုလိုဟာဘဲလို့ ကိုယ်တော့သိလာတယ်”

သူသည် ဈေးလမ်း၏ မီးရောင်ကြောင့် ကတ္တရာ အခင်းပေါ်၌ ကျနေသည့် သူ့အရိပ် အရပ်ရှည်ရှည် ခါးကွေးကွေးကို ပြန်လှည့်ကြည့်လေသည်။

“ ဟုတ်တယ် မပြောခဲ့ဘူး၊ အမေတို့ စိတ်ဆင်းရဲမှာစိုးလို့၊ လုံးလုံး မတတ်သာ တော့မှဘဲ အသိ ပေးတော့မယ် လို့ဘဲ ကိုခင်ထွန်း”
“မဟုတ်ပါဘူး မောင်ရင့်ဝေက မောင်ရင့် မိဖတွေဆီ လိုက်မနေချင်ပါဘူးလို့ ငိုပြီးပြောလို့ မှုတ်လားကွာ၊ မင်းဟေမန်မယ် ဘူးသီးအကြော် မြစ်ဆိပ်မှာ ရောင်းခဲ့သေးတယ်ဆို”
“ဟုတ်ပါတယ်၊ ကျနော် ဟေမန်မယ် အတော်ကြာအောင် နေခဲ့ရသေးတယ်၊ ဟိုမယ် သမီးလေးတယောက်တောင်မှရသေးတယ်၊ ဒါပေမယ့် အဖတ်မတင်ရှာဘူးဗျာ”
“တော်ကွာ စိတ်မချမ်းသာစရာကို မပြောနဲ့၊ စိတ်ချမ်းသာရမယ့် စကားမျိုးဘဲ ကိုယ်တော့ကြားချင်တယ်၊ ဒီနေ့ည ဒို့နှစ်ယောက် ပြန်ဆုံကြတဲ့ညမှာ အလဲအကွဲ မူးပစ်လိုက် ပျော်ပစ်လိုက်ချင်တယ်၊ ဒါပေမယ့် စိတ်မချမ်းသာစရာ စကားကတော့ တနည်းမဟုတ်တနည်းပြောလာမိကြမှာဘဲထင်တယ်၊ ဒို့က ဟိုတုန်းက ဒို့နဲ့ သိပ်သိသိသာသာ ကွာနေပြီကို ကိုကို၊ စိတ်မချမ်းသာစရာကို ရှောင်လို့တော့ ရမှာမဟုတ်ဖူးထင်တယ်”
“ရှောင်လို့ မရနိုင်ဘူးဟုတ်လား ကိုခင်ထွန်း”
“ ဟုတ်တယ်”
“ဟုတ်တယ် ကိုခင်ထွန်းကြီး၊ ရှောင်လို့မရဘူး၊ဘာပြုလို့လဲဆိုတော့ ကျနော်အခုတောင် ခင်ဗျားကို စိတ်မချမ်းသာစရာစကားပြောတော့မလို့ စဉ်းစားနေဘီ။ ဒါပေမယ့် ကျနော့် ပါးစပ်ကလဲဖွင့်မပြောချင်ဘူး၊ ခင်ဗျားက ကျနော်တို့ အထဲမယ်အသက် အကြီးဆုံးဆိုတော့ ကျနော်တို့ အမြဲတမ်း ပုဏားတိုင်လုပ်ခဲ့ကြတာ အမှတ်ရတယ်”
“အေးပါလေ ဒါပေမယ့် မင်းပြောတော့မယ့် စကားကိုသိပြီးသလောက်ဘဲ၊ မင်းကိုယ်နဲ့နှစ်ယောက်ထဲ ပြောချင်တဲ့ စကား၊ သိပ်လျှို့ဝှက်ရမယ့် စကားမျိုးမှုတ်လား၊ တံတားပေါ်မယ် သွားထိုင်ပြီးမှ အေးအေးဆေးဆေး ပြောကြတာပေါ့ကွယ်၊ လလဲသာပါတယ်”

မြစ်ကူးတံတားကြီးကို လရောင်အောက်တွင်လှမ်း၍ မြင်ရလေသည်။ တံတားကြီးဘက်အတက်ကို တက်နေစဉ်၌ မြစ်ရေလှိုင်းသံသဲ့သဲ့ ကိုကြားရစ ပြုလာသည်။ တံတားကြီးသည် လရောင်မှုန်မှုန်အောက်တွင် အေးငြိမ်းငြိမ်သက်နေသည်။
ကျနော်တို့သည် တန်းတားကြီး၏ လက်ရန်းများ ပေါ်တွင်ဟိုစဉ်ကထိုင်ကြသည့်အတိုင်းပင် မြစ်ရေကို မျက်နှာပြု၍ ထိုင်လိုက်ကြလေသည်။
ရေသားပြင်၏လှိုင်းတွန့်ကလေးများသည် လရောင် အောက်တွင် နေရာမှမရွေ့ မလျှား ငြိမ်သက်နေသည်ဟု ထင်မှတ်ရသည်။မြစ်ရေပြင်ထက်တွင် ဆောင်းကြွင်းဆောင်းကျန် နှင်းများ ဆိုင်းနေသည်မှာ ကြေကွဲဘွယ်ရာတခုကို ပြန်လည်သတိရ နေသည်နှင့်တူနေသည်။ဤညင်သာစွာ စီးဆင်းနေသော မြစ်ရေ အတိုင်း မျှောလိုက်သွားလျှင် ဤမြစ်ကွေ့ တနေရာရှိ ဟေမန်၏ သဲသောင်စ သို့ ရောက်သွားလိမ့်မည်။ ဤမြစ်ရေတို့သည် ကျနော်တို့အကြော်တဲဟောင်းကလေးရှိသည့် သဲသောင်ပြင် နံဘေးသို့ ရောက်သွားလိမ့်မည်။
တခုခု အမှတ်ရလိုက်လျှင် ဝေနှင့်သာ ပတ်သက်နေတော့သည်။ နေရာတကာ၌ ဝေ့ အသံနှင့် မကင်းလွတ်။ ဝေ့ မျက်နှာပေါ်မှ တောက်ပသောအပြုံးနှင့် ကင်းဝေးမည့် နေရာကားမရှိနိုင်။
ဝေကား ယခုနောက်ဆုံး အခေါက် ကုန်ရောင်းကုန်ဝယ်ထွက်သွားခဲ့သည်မှာ ဆယ်ရက်မျှရှိနေပါပြီ။ ဝေသည် သာယာသော အသိုက်အမြုံ၏ အပြင်ဘက်သို့လွတ်လပ်စွာ ပျံသန်းသွားနေပါသည်။ ခုအချိန်၌ ဒိဗ္ဗစက္ခုဖြင့် ဝေဘယ်ဆီတွင် နေသည်၊ ဘာလုပ်နေသည်ကို လှမ်း၍ကြည့်ချင်ပါသည်။
အမေ့ အိမ်တွင် လာနေသည့် ဆယ့်ငါးရက်တာ အချိန်အတွင်း တညနေ၌ ဝေနှင့် ကျနော်သည် ဤတံတာုးကြီးပေါ်သို့ လာ၍ ထိုင်ခဲ့ကြဘူးလေသည်။ ထိုအခါက မြစ်ရေပြင်ပေါ်တွင် ထင်နေသော ညနေဆည်းဆာသည် ဝေ့မျက်နှာလိုပင် လှပနေ၍ ဝေ့ မျက်နှာသည်လည်း ဤမြစ်ပြင်ထက်ဝယ် ထင်ဟပ်နေသော ညနေဆည်းဆာကဲ့သို့ပင် လှနေသည်။ ဝေက “ကို ကိုတို့ အမေနဲ့ခင်ဝေ မနေနိုင်တော့ဘူး၊စိတ်ညစ်လှပါဘီ၊ ပြန်ပါရစေတော့” ဟု ငိုယိုခမန်းပြောခဲ့၍ ထိုစဉ်ကဝေ့ မျက်နှာကလေးမှာ ငိုလိုက်တော့မည့်အတုိုင်း ညှိုးလျော်နေသည်။

“ကဲ ကိုကို မင်းပြောချင်တာ ခင်ဝေ့ အကြောင်းဘဲထင်တယ်၊ ဟုတ်လား” ဟု ကိုခင်ထွန်းက မေးနေသည်။
“ ဟုတ်ပါတယ်”
“ဘယ်လိုလဲ ပြောလေ ဘာလဲ”
“ ကျနော် မြို့သစ်ကလေးမယ် နေတုန်းက ခင်ဗျားစာတို ကလေးတစောင် ရေးလိုက်တာ အမှတ်ရသေးသလား၊ အဲဒါ ကျနော် ခင်ဗျားကို တောင်းပန်မလို့၊ ထားပါတော့လေ၊ အခုပြီးခဲ့တဲ့ အရက်နှစ်ဆယ်လောက်က သိမ်းဆွေကြီးဆီက စာတစောင်ရတာကိုလဲ ခင်ဗျားကို ပြောမလို့”
“ကိုယ်ပေးတဲ့ စာနဲ့ပတ်သက်လို့တော့ ကိုယ်က ဘယ်တေ့ာမှ မမေ့ဘူး ကိုကို၊ ဟိုတုန်းကတဲက တနေ့ကျရင် မင်းနားလည်လာပါလိမ့်မယ်လို့ ကိုယ်တော့ တွေးထား တွက်ထားပြီးသားဘဲ၊ မင်းက ကောင်မလေးကို တကယ်ချစ်တာဆိုတာလဲ ကိုယ်တို့ သိတယ်၊ ဒါကြောင့် မင်းတို့အိမ်ထောင်ရေးကို ဘယ်နည်းဘယ်ပုံ ထိန်းသိမ်းသင့်တယ်လို့ ကိုယ်ရေးတာ၊ ဟိုတုန်းက အခြေအနေကတော့ အခြေအနေဟာ ကြည့်မကောင်းတာ ကလေးဘဲရှိသေးတာဘဲ ကိုကို၊ အဲဒီတုန်းက ကိုယ်မရေးမိတာ တခုက မင့်ဝေကို သူ့ အမေနဲ့ အတူတူ မထားမိဖို့၊ သူ့ အမေဆီက အတုမြင်လို့ အတတ်သင်သွားမှာကို သတိမပေးမိတာဘဲ၊ ဒါပေမယ့် အဲဒီ သတိပေးစကားမျိုးဟိုတုန်းက ကိုယ်ပြောခဲ့မိ ဘူးတယ်တော့ထင်တယ်၊ တခါတရံ ကျတော့ ကြိုတင်ပြင်ဆင် ကာကွယ်မူဟာ ပေါ့ပေါ့ဆဆကလေး ရယ်စရာ မောစရာကလေးလောက် ထင်တတ်တာ သိပ်ဆိုးတယ်၊ ကိုယ် အဲဒီ သတိပေးစကားကို ပြောတုန်းက ပေါ့ပေါ့ဆဆ ရယ်စရာ မောစရာကလေးလောက်ထားပြီး ပြောမိတယ်ထင်တယ်၊ မင်းဝေကို ခိုးတဲ့ ညကလဲ မှတ်မိသေးလား၊ အမှန်ပြောရရင် ဒီစာမျိုးတစောင် ရေးရတာဟာ လူသတ်မှုတမှုလောက်ကို ဆင်ခြင်နှိုင်းစာပြီးမှ ရေးရတယ် ကိုကို၊ ဒို့ ကနှစ်ကိုယ့်တစိတ်လို နေလာခဲ့ကြတဲ့ ကျောင်းနေဖက် သူငယ်ချင်းတွေမို့လဲ ကိုယ် အဲဒီလောက် ရေးဝံ့တာဘဲ၊ ဒါတောင်မှ အထပ်ထပ် အပြန်ပြန်အလှန်လှန် တွေးဆခဲ့ရတယ်၊အေး သိမ်းဆွေကြီး စာအကြောင်း မင်း ကိုယ့်ကို ပြောတော့မလို့လား၊ သူလဲ ဒီလိုဘဲ၊ မင်းဆီ သူပို့ လိုက်တဲ့ စာကို ကော်ပီကိုယ့်ဆီ ပို့လိုက်တယ်၊ ရှင်းလင်းချက် တခုလဲ ရေးလုိုက်သေးတယ်၊ အဲဒီ စာအကြောင်းနဲ့ ပတ်သက်ရင် မင်းထက် ကိုယ်က ပိုသိတယ်”
“ကျနော် ဘာလုပ်သင့်သလဲ ကိုခင်ထွန်း”
“ပြောဘို့ခက်သားဘဲကွာ၊ ဘာပြုလို့လဲဆိုတော့ မင်းဟာငါ မဟုတ်လို့၊ ပြီးတော့ မင်းဝေကို ချစ်တာနဲ့ ကိုယ်မရွှေကို ချစ်တာနဲ့ တူတာမှမှုတ်ဘဲ ”
“ကျနော် ဆုံးဖြတ်ဖို့တော့ တခုထဲဘဲ ရှိတယ်ထင်တယ်၊ ကျနော် သူ့ကိုစွန့်ပစ်လိုက်ရမှာဘဲ၊ ဒါဘဲမှုတ်လား၊ အမှန်ပြောရရင် ကျနော် သူ့ကို စွန့်ပစ်လိုက်ရမယ်လို့ ဆုံးဖြတ်နေတယ်၊ ဒါပေမယ့် ကျနော်အားနဲနေသလိုဘဲ၊ ခင်ဗျားကစွန့်ပစ်သင့်တယ်လို့ ထင်တယ်လို့ တခွန်းပြောလိုက်ရင် ကျနော် တိတိကျကျ ဆုံးဖြတ်ပြီးသားဖြစ်မှာဘဲ ”
“ ကိုယ်တို့ ဒီစကားမျိုး မပြောရဘူးဆိုရင် သိပ်ကောင်းမှာဘဲ ”

သူ၏ ညည်းညူနေသံသည် မြစ်ရေများ တံတားတိုင်ကို တိုးဝှေ့ နေသံများထဲ၌ ရောနှောပျောက်ကွယ်နေသည်။ ထိုအချိန်၌ ကျနော်သည် ဝေ့ကိုစွန့်ပယ်ပစ်ရမည်ဟု ဆုံးဖြတ်ချက်ကို ခိုင်ခိုင်မာမာ ချနေသည်။

“ ဟုတ်တယ် ဒါဘဲရှိတယ်၊ ကျနော် သူ့ကို စွန့်ပစ်မယ်ဗျာ၊ သူနဲ့ မျက်နှာချင်းကို ပြန်မဆိုင်တော့ဘူး၊ ဒီကရောက်ပြီးရင် လုပ်စရာရှိတာ အကုန်လုပ်ပစ်မယ်။ ဒီနေ့ ညတွင်းချင်းဘဲ ပြန်မယ်”
“ မင်း သေသေချာချာ စဉ်းစားပြီးပလားကိုကို”
“ ဟုတ်တယ်၊ စဉ်းစားပြီးပြီ”
“ ဒါပေမယ့် သံယောဇဉ်ဆိုတာ ခက်သားဘဲ”
“ ဒါတော့ ဘယ်တတ်နိုင်မှာလဲ ကျနော့်မှာလဲ ကျနော့် မာနကတော့ ရှိရအုံးမှာဘဲပေါ့ ကိုခင်ထွန်း”

ကိုခင်ထွန်းသည် ကျနော့် ပခုံးပေါ်သို့လက်တဖက်ကို တင်လိုက်လေသည်။ ထို့နောက် ကျနော့် မျက်နှာကို ငုံ့ကြည့်နေသည်။

“ကိုယ် ဒီနေ့ ညရထားနဲ့ ဘဲ ပြန်မယ်၊ အချိန်တောင် သိပ်မရတော့ဘူးထင်တယ်၊ မင်းကို ပြောစရာရှိတာ ပြောပစ်ခဲ့မှာဘဲ။ အရင် ငါးရက်က မင့်ဝေ ကို တွေ့ခဲ့ရတယ်ကိုကို၊ အဲဒါကို ပြောမလို့ဘဲ” ဟု သူသည် ပြောနေ၏။

ကျနော် မြို့သစ်ကလေးသို့ ပြောင်းပြီး မကြာမီသူသည်လည်း သထုံသို့ပြောင်းရွှေ့  သွားရလေသည်။ သထုံ၌ မရွှေ ကွယ်လွန်ခဲ့ပြီး၊ လွန်ခဲ့သော နှစ်လကမှ သူသည် ပြန်၍ ပြောင်းရွှေ့ လာရသည်။ လွန်ခဲ့သော ငါးရက်ကမူ သူသည် ပွဲဈေးတန်းမှသံလမ်းတလျှောက် ဖြတ်သန်းပြီး သူ့အိမ်ဖက်သို့ လျှောက်လာခဲ့လေသည်။
သူသည် ဝေ့ကိုတခါမျှ ပြန်မတွေ့ဘူးသေး၊ ဝေရောက်နေသည်ဟူ၍လည်း မကြားမိသေး။ ထိုညကမူ သံလမ်းနှင့်ယှဉ်လျက်လမ်းမှ လရောင်ရိပ်ရိပ်တွင် ဝေနှင့်အတူ လူတယောက်ကပွဲခင်းဘက်မှ လျှောက်လာကြသည်ကို တွေ့ရ လေတော့သည်။ ညနှစ်နာရီအချိန်။ သူတို့နှစ်ဦးသည် တဦးနှင့်တဦး ကိုယ်ချင်းပူးကပ်လျက် လမ်း၏ အမှောင်ရိပ်ဘက်မှ ကပ်ပြီး လျှောက်လာသည်။ အမျိုးသားမှာ လော်ရီကားပိုင်ရှင်တဦး ဖြစ်၍ ကားသမားသည် ဝေ့ အမေအိမ်တွင် သုံးရက် သုံးညမျှ တည်းခိုသွားခဲ့၏။ ဝေ့ အမေနှင့် ဆွေမျိုး စပ်ဟပ် တော်သည်ဟု ဘေးပတ်ဝန်းကျင်၌ အကြောင်းပြချက်ပြုထားသည်။
ကိုခင်ထွန်းသည် ထိုစကားများကို အလွန်အေးအေး ငြိမ်သက်စွာ တလုံးချင်းပြောနေသည်။ဤအဖြစ်အပျက် အပေါင်းမှာ ကျနော့် တာဝန်ချည်း ဖြစ်သည်ဟူ၍ ကိုခင်ထွန်းသည် အပြစ်တင်နေ၏။ ကျနော်က အလို လိုက်လွန်းသောကြောင့်သာ ကလေးမလေး ထိုသို့ ဖြစ်ရရှာသည်ဟု ဆို၏။ ဤအခြေအနေ ဤပတ်ဝန်းကျင်မျိုးသို့ရောက်လျှင် မည်သည့်မိန်းမမဆို ဤအတိုင်းဖြစ်ပျက်ရမည်ဆို၏။
ရင်ထဲတွင် ဒေါသ။ နာကျည်းမှုတခုမှ မဖြစ်တော့ဟု ထင်နေရပေသည်။ သို့သော် ထုံကျဉ်ခြင်းမျှသာ ဖြစ်လေသည်။ ယခုအခါ၌ ဤထက်အဆတရာဆိုးဝါးသောဝေ၏ ဖေါက်ပြန်မှုတို့ကို ပြောပြသော်လည်း ကျနော်သည် လှုပ်ရှားတော့မည် မဟုတ်။ ယခုဝေ၏ အခြေအနေကား ဖေါက်ပြန်မှုတွင် အဆုံးသို့ စွန်းနေပေပြီ။ ဤအခါတွင်ကား ဝေ့ ဘက်မှ လျှောက်လဲကာကွယ်၍ ရနိုင်တော့မည်မဟုတ်။ ထိုသို့ တွေးရသည်မှာ ဝမ်းနည်းဘွယ်ရာ ဖြစ်နေပါသည်။
“ ကျနော်တို့သွားကြရအောင် ကိုခင်ထွန်း” ဟု ကျနော်သည် အသံမှန်မှန်အေးအေး တည်တည် ငြိမ်ငြိမ်ပြောလေသည်။
ထို့နောက် သူနှင့်ကျနော်သည် သံလက်ရန်းများ ပေါ်မှဆင်းလိုက်ကြပြီး တံတားအတိုင်း လျှောက်လာခဲ့ကြလေသည်။ ည၏ လရောင်အောက်တွင် ရေလှိုင်း တဖျတ်ဖျတ် ခတ်နေသည့် မြစ်ရေပြင်မှာ စီးမြဲအတိုင်း ငြိမ်သက် က္ကုနြေ္ဒရစွာပင် စီးနေပေသည်။ ကျနော်သည် ကိုခင်ထွန်းနှင့် ယှဉ်မိအောင် လျှောက်လိုက်လေသည်။

“ ကျနော်ခင်ဗျားကို ကျေးဇူး သိပ်တင်ပါတယ် ကိုခင်ထွန်း၊ ဘာပြုလို့လဲဆိုတော့ ကျနော်မတင်မကျဖြစ်နေသမျှတွေ အားလုံးရှင်းလင်းသွားပြီ၊ ကျနော် အကုန် သိသွားပြီ၊ ဝေ ဖေါက်ပြန် ပျက်စီးနေဘီ ဆိုတာ အရင်း အတိုင်း သိသွားပြီ၊ ဒါပေမယ့် ကျနော်အခု စိတ်အေးအေး ချမ်းချမ်းငြိမ်းငြိမ်းနဲ့ တွေးနေတယ်၊ ဝေ့ ကိုစွန့်ခွာသွားဘို့ရယ် မသွားဘို့ရယ် ဒီနှစ်ခုအနက် တခုခုဘဲ ရွေးချယ်ရတော့မယ် လမ်းဆုံ ရောက်နေပြီ၊ အစောက သူ့ ကိုပစ်သွားဘို့ တွေးခဲ့ဆုံးဖြတ်ခဲ့ပေမယ့် အခုတော့ ကျနော့်စိတ်ထဲမယ် တမျိုးဖြစ်သွားပြီ၊ အခု တကယ်တမ်းခွဲကြဘို့ တွေးတော့ ကျနော် သူ့အပေါ် ဘယ်လောက်သံယောဇဉ် တွယ်တာတယ်ဆိုတာ တိုင်းတာလိုက်သလိုဘဲသိလာတယ်။
သူနဲ့ကျနော်ပေါင်းလာတာ ခုနစ်နှစ်ထဲ ရောက်နေပြီနော် ကိုခင်ထွန်း၊ ဟေမန်မယ်နေခဲ့ရတဲ့ တနှစ် ကျော်ကျော် အချိန်ကလေးကိုမမေ့ဘူး၊ ပြီးတော့ သူ့ကို ကျနော် စွန့်ပစ်သွားရင် ဒီစာရိတ္တအခြေအနေအတိုင်းဆိုရင် နောက်တဆင့် ဖာအတန်းအစားလောက်ကိုဖြစ်ဖို့ ကျန်တော့တာဘဲ၊ အဲဒီ အခြေအနေတော့ ကျနော့် ကွယ်ရာမယ် မရောက်စေချင်တော့ဘူး၊ သူ့ကို ကျနော်ပြန်ထိန်းသိမ်းမယ်ဗျာ၊ ပြန်ပြုပြင်လို့ မရနိုင်ဘူးလားလို့ ကျနော်အခုတွေးနေတယ်။ အိမ်ထောင်မှုဘုရားတည်ဆိုတာက်ို ကျနော်အခုမှသဘောပေါက်တယ်၊ နက်နက်နဲနဲ သဘောပေါက်လာတာ ကို ပြောတာ၊ ကျနော်တို့ ဘယ်လောက် မှား ယွင်းလာခဲ့ကြသလဲ”

ကိုခင်ထွန်းသည် တံတားထိပ်၌ ရပ်တန့်လိုက်လေသည်။

“ ကိုယ် ကိုယ်ချင်းစာပါတယ်၊ မရွှေဟာ သုံးခုလပ်နော်၊ နောက်ကြောင်းသိပ်ရှင်းလှတာတော့ မှုတ်ဖူး၊ ဒါပေမယ့် ကိုယ်နဲ့ အိမ်ထောင်ကျပြီး သူသေသွားတဲ့ အထိ ကမ္ဘာပေါ်မယ်ကို အကျင့်စာရိတ္တအကောင်းဆုံး မိန်းမတယောက်လို့ ကိုယ်တော့ ယူဆ လိုက်တယ်၊ ဘာပြုလို့လဲ ဆိုတော့ ဒိပြင် မိန်းမတွေလို အနည်းဆုံး စိတ်ကူးကလေးနဲ့ ဖောက်ပြန် တတ်တဲံ သဘောတောင်မှ မရွှေမယ် မရှိတော့လို့ဘဲ ဖြစ်နေတယ်၊ သံယောဇဉ်ဆိုတာ ကိုယ်လဲမင်းလိုဘဲ သိတဲ့ လူဘဲကိုကို။ အေးလူ့ ဘဝ သက်တမ်းတာ အတိုကလေး၊ လူ့ သက်တမ်း အတိုကလေးမှာ ကိုယ်စိတ် ချမ်းသာနိုင်ဘို့တခုထဲကိုဘဲ ကြည့်ပြီး ဆုံးဖြတ် လုပ်ကိုင်ရမယ်၊ မင်းဆုံးဖြတ်ချင်သလို ဆုံးဖြတ်၊ လုပ်ချင်သလို လုပ်တာသာ အမှန်ဆုံးဖြစ်မှာဘဲ၊ ဝေကိုခွဲဘို့ စွန့်ပစ်ဘို့ ဆုံးဖြတ်ရင်လဲ အမှားတွေကို အမှားတွေမှန်းသိထားပြီး စိတ်ထဲက လုံးလုံး ဖျောက်ပယ်ထားနိုင်ရမယ်၊ ဒို့မိုးအလင်းဘက်တောင် သွားချိန်မရတော့ဘူးထင်တယ်ကိုကို၊ ဘူတာဘက်လျှောက်ရအောင်၊ ရထားချိန်နီးလာဘီထင်တယ်”

ထို့နောက် ကျနော်တို့သည် ဤတံတားကြီးဘက်မှ ငြိမ်သက်စွာ၊ ဖြေးလေးစွာ လျှောက်လာကြ လေသည်။ ဘူတာရုံဘက်သွားသည့် လမ်းတို့မှာ ဟိုစဉ်ကကဲ့သို့ မဟုတ်တော့ဘဲ မမှတ်မိနိုင်တော့လောက်အောင်ပင် ပြောင်းလဲနေကြ လေပြီ။ကျုံးဟောင်းကို ဖြတ်ကျော်ပြီးမှ မြို့ကြီး၏ မီးရောင်ထိန်ထ်ိန်နီနေသည့် ဘူတာရုံကို လှမ်းမြင်ရ လေသည်။ မြေပြင်မှ မီးရောင်များသည် အေးငြိမ်းသော ကောင်းကင် အဇဋာ နက်ပြာထဲသို့ ထွင်းဖေါက် တိုးဝင် သွားရန် ကြိုးပမ်း နေကြသည်။