November 30, 2009

နွေတည



(အခန်း ၁၇ အဆက်)
ယခုလည်း သူသည် အိပ်ရာထဲတွင် “ဒီမျက်လုံးကြီး ဖွင့်စမ်းပါ”ဟု တိုးတိုး ပြောပြီးရယ်နေလျက်။
ထိုရယ်မောရွှင်ပျသံ ကလေးသည် ဤ အိပ်ခန်းကလေးကို သာယာချမ်းမြေ့မှုအပေါင်းဖြင့် ဖုံးလွှမ်းပေးနေသည်။ သူသည်ပါးချင်းထိကပ်ထားရာမှ ခွာလိုက်ပြန်လျက် ကျနော့်မျက်နှာပေါ်တွင် နှာတံဖြင့် မထိတထိ ဖိကပ်ထားသည်။ ထို့နောက် နွေးထွေးသော သူ့နှုတ်ခမ်းဖြင့် ထိကပ်ထားပြန်သည်။


ယခုလည်းကျနော်သည် ဆုံးဖြတ်ထားသမျှကို ပစ်ပယ်လိုက်ပြီး သူ့ ကိုအလုံးစုံ ဖွင့်ပြောလိုက်ချင်သည့် ဆန္ဒများ ရင်ပြင်ထဲတွင် ပြည့်သိပ်လာနေပြန်သည်။ ထိုဆန္ဒများကို တောင့်၍တင်း၍ ရပ်ခံထား၏။ ဤအချိန်ကလေး၌ ခွဲကြရတော့မည် ဟူသော အသိသည် စိတ်နှလုံးကို နှိုးဆွပေးထားနေသည်။ တင်းထားသမျှ စိတ်များကို အဆုံးစွန်အထိ လျှော့ချလိုက်ရမည် ကဲ့သို့ ဖြစ်နေသည်။ ဤအချိန်ကလေး၌ သူ့အသံကို မကြားနိုင်တော့အောင် နှစ်နှစ်ခြိုက်ခြိုက် အိပ်မောကျနေလိုက်လျှင်မည်မျှကောင်းမည်နည်း။
နောက်ဆုံး၌ တင်းခံနေသမျှကို ရုတ်တရက် ဖြေချလိုက်ပြီး ကျနော်သည် သူ့ကိုယ်လုံးကျစ်ကျစ်ကလေးကို အတင်းအကျပ်ဆုံးပွေ့ဖက်လိုက်တော့သည်။ အရုပ်ကလေးလို ဖျစ်ညစ်ပစ်လိုက်လေသည်။ ဝေသည် ကျနော့်ရင်ခွင်ထဲတွင် ပျောက်ကွယ်သွားပြီး အသက်ရှုမရတော့အောင်ပင် မွန်းကျပ်နေသည်။ သူ့ပါးကို အထပ်ထပ် အပြန်ပြန်၊ အထပ်ထပ်အပြန်ပြန် နမ်းပစ်လိုက်သည်။ သူသည်လည်း ကျနော့် ကို အတင်းအကျပ်ပြန်ဖက်ထားသည်။ ဝေ့ အသက်ရှုသံမှာ မောပန်းလာသည်။ လရောင်ခြည်ထဲတွင် ဝေ့မျက်လုံးများမှ အရည်လဲ့ရွှန်းတောက်ပလာသည်။ သူ့မျက်နှာကလေးမှာ နီထွေးနေသည်။ ထိုအခါတွင် ဝမ်းနည်း ဆွေးမြေ့စိတ်များသည် ကျနော့်တကိုယ်လုံးကို အစိမ့်စိမ့် ဝါးမျိုနေသည်။

“ကိုကို၊ ကိုကို၊ လွှတ်အုံးကွယ်၊ နဲနဲ ရှော့ပေးပါအုံး၊ ဝေမနေတတ်တော့ဘူ၊ အသက်ရှုလို့လဲ မရတော့ဘူး”
ကျနော်သည် ဖြည်းဖြည်း ဖြေလျှော့ လွှတ်လိုက်သည်။ လှိုင်းလိပ်အိနေသော သူ့ဆံပင်များသည် ကျနော့် ပါးပြင်ကို ပွတ်တိုက်နေဆဲ။ သူ့အသက်ရှူငွေ့သည် ကျနော့် ပါးပြင်ကိုဖြတ်သန်းနေဆဲ။ နွေးအိသော သူ့နှုတ်ခမ်းသည် ထိကပ်ထားဆဲ။
သို့သော် ယခုအခါ၌ အာရုံခံစားစိတ်သည် ကျနော့် စိတ်နှလုံး၌ အလျင်းမရှိနိုင်တော့ပါ။ ယခုအခါ၌ ဖြစ်ပျက်နေမှုအပေါင်း၊ သူ့ကိုအလုံးစုံ ဖွင့်လှစ် ပြောပစ်လိုက်တော့မည်။ ထို့နောက် သူနှင့် ကျနော်သည် မြိုင်ကြီးမှလည်းကောင်း၊ သူနှင့် ကျနော့် အသိ အပေါင်းအသင်း ရှိသမျှနေရာ အပေါင်းမှလည်းကောင်း၊ ခိုးပြေးသလို ထွက်ပြေး သွား တော့မည်။ နောက်ထပ်ဘဝသစ်တခုကို တဖန်ဖန်ဆင်းယူမည်။ ဤအတိတ်၏ အမဲစက်အပေါင်းကို ချေဖျက်ပစ်တော့မည်။ ထိုအချိန်မှစ၍ သူ့ကို ကျနော့် အနားလေးတောင် အဝေးထက်ပို၍ ခွာခွင့်ပြုတော့မည် မဟုတ်။

“ ဟော လေးနာရီတောင် ထိုးသွားဘီကိုကို၊ မြင်းလှည်းမောင်းလာသံတောင် ကြားနေဘီ” ဟု သူသည် ပြောနေ၏။ “ထတော့ကွယ်၊ ဝေဒီတခါ ဟိုမယ် ဖောက်သည် ပေးခဲ့မယ်။ မြတ်ချင်သမျှမြတ်ပေါ့၊ ဟိုမယ် နှစ်ရက်ဘဲနေပြီး ပြန်ခဲ့မယ်၊ ကိုကိုနဲ့ မခွဲချင်တော့ဘူး၊ ကိုကိုနဲ့ ခွဲနေရတဲ့ရက်တွေ မနဲတော့ဘူးနော်၊ ဝေ သွားတောင် မသွားချင်တော့ဘူးကွယ်၊ ဝမ်းနည်းစရာကောင်းတာဘဲ၊ တော်ဘီ၊ ဒီတခေါက် အမေ့အတွက်လဲ စိတ်အေးရပီဘဲ၊ အိမ်မယ်ဘဲ မခွာဘဲ အ်ိမ်ဆိုင်ကလေး ဖွင့်ပီးရောင်းတော့မယ်၊ ထတော့ကွယ်”

သူ့ဝမ်းနည်းရိပ် ဝမ်းနည်းငွေ့ သန်းနေသော၊ တုန်ယင်လှိုက်လှဲနေသော အသံကလေးမှာ ဤ အိမ်ခန်းကို နောက်ဆုံးနှုတ်ဆက်နေသကဲ့ပင်။ သူ့မျက်နှာကလေးတွင် ဝမ်းနည်းရိပ်များ ရှက်သန်းနေသည်။ မေတ္တာစစ်စစ်တို့၏ အခိုးအရိပ်များသည်လည်း သူ့မျက်လုံးအိမ်ထဲတွင် ဖြတ်သန်းနေပြန်သည်။ ဝေသည် သူ့အလိုလိုပင် နောင်တတရား ရနေပြီထင်၏။ ယခုလရောင်ရိပ်ရိပ်ထဲတွင် တွေ့မြင်နေသည့် ဝေ့ မျက်နှာမှာ စပါးသယ် အလုပ်သမလေးမခင်ဝေ၏ မျက်နှာသော်လည်းကောင်း သမီးလေး စပယ်ခိုင်နှင့် ခွဲခွာပြီး ဟေမန်မှလာခဲ့စဉ်က ဝေ၏မျက်နှာကလေးအဖြစ်သို့ လည်းကောင်း ပြန်၍ ဖြစ်နေသည်။
ဖွင့်ပြောတော့မည့်ဆဲဆဲ အချိန်၌ပင် ကျနော့် စိတ်နှလုံးထဲတွင် မျိုသိပ်ထားသည့် အကျိတ်အခဲ အစိုင်အခဲများ၊ နာကျည်းမှုများ ပြန်၍ ပေါ်လာလေသည်။ အမဲစက်များအတွက် ရွံ့ရှာစက်ဆုပ်စိတ်အဆိပ်သည် ထိုအချိ်န်တွင် ကျနော့် တကိုယ်လုံးကို တဖျင်းဖျင်း ရစ်ပတ်နေသည်။ ပျော့ညံ့သော၊ သိမ်မွေ့သော၊ မပြတ်သားသော၊ အားလျော့သော ကျနော့်စိတ် အပေါင်းကို ထိုစိတ်တို့သည် ဘေးသို့ ပြတ်တောင်းစွာ လွှင့်ဖယ် ထုတ်ပစ်လေသည်။ ဘယ်မျှ ရွံ့ရှာဖွယ်ကောင်းသည့် ပြစ်မှုနည်း၊ ထိုပြစ်မှုအားကျူးလွန်ဖောက်ဖျက်ထားသူအား ဘာကြောင့် မိမိသည် ဤမျှ မေတ္တာထားနေရသနည်း။
အားလုံးကို ရုန်းကန် ဆန်တက်ပြီးနောက် ကျနော်သည် အေးဆေးတည်ငြိမ်သွားလေသည်။ စိတ်ထဲ၌ အသက်သေသည်အထိ ကြေကွဲရသည်ပင် ဖြစ်ပါစေတော့၊ ဆုံးဖြတ်ချက်အတိုင်း အတိအကျ လိုက်နာရမည်။

ကျနော်သည် သူ့ကို နောက်ဆုံးတကြိမ် ထပ်၍ ပွေ့ညှစ်ပစ်လိုက်ပြီး ဖြေလွှတ်လိုက်လျက် စက်ရုပ်တခုကဲ့သို့ အိပ်ရာမှ ထလိုက်လေသည်။ ထိုအချိန်တွင် မြင်းလှည်းလည်း အိမ်ခြံရှေ့ အပေါက်ဝမှ ကြာပွတ်ရိုက်ပြီး အချက်ပေးနေသည်.။ ထိုနောက်အိမ်ထဲမှ အထည်ထုပ်များကို တင်လိုက်ပြီး မြင်းလှည်းသည်ကုန်းပေါ်ပိုင်းမှ အဆင်း အကွေ့ ဖက်သို့ ဖြည်းဖြည်း နှေးနှေး ဆင်းသက်သွားလေသည်။
မြင်းလှည်းထွက်ခွာနေစဉ်တွင် ကျနော်သည် ဟေမန်၏နံနက်ဆည်းဆာအလှများကို ပြန်လည် တမ်းတနေသည်။ မြစ်ပြင်ထက်ဝယ် နှင်းမှုန်များ ရစ်ကိန်းနေတတ်သည့် ဟေမန်။ ယခုမြိုင်ကြီးသည် မလှုပ်မရှက် အိပ်မောကျနေဆဲပင်။ မြင်းလှည်းသည် ကားဂိတ်ဖက်သို့ ချိုးကွေ့နေလျက် မြင်းခွာသံ တချက်ကြားတိုင်း အိမ်မှ တလှမ်းကွာလာနေခဲ့ပြီကို ဝမ်းနည်းဖွယ်ရာပင် ကျနော်သည် ငြိမ်၍ တွေးနေ၏။ ထိုအခါတွင် မြင်းလှည်းကို အိမ်ဘက် ပြန်မောင်းနှင်သွားစေချင်သော ဆန္ဒကို ကျနော်သည် ပင်ပန်းလှစွာ ချေဖျက်နေရသည်။

လွန်ခဲ့သည့်တည၊ သူ့ကို သတ်ရန် ကြိုးစားခဲ့သည့် တညက သတ်ပစ်မိလျှင် ယခုလို ဖြစ်ပျက်နေမှုဖြင့် ကြုံတွေ့ရမည်မဟုတ်။ ယခုကား ဝေ့ ကိုအခြားတပါးသော ယောက်ျား တဦးနှင့်တွဲယှဉ် အိပ်စက်ရန် ကျနော်သည် လိုက်ပို့နေလျက်သား ဖြစ်နေသည်။
မြို့သစ်ကလေးမှ ဟေမန်သို့ ပြောင်းရန် မြင်းလှည်းဖြင့်ထွက်လာခဲ့စဉ်က မြင်းလှည်းပေါ်မှ သူ လိမ့်ကျပြီး တခါတည်းသေလွန်သွားခဲ့လျှင် မည်မျှကောင်းမည်းနည်း။ ထိုစဉ်ကဆိုလျှင် သူသည် အပြစ်ကင်းစင်နေသည့် မခင်ဝေသာလျှင် ဖြစ်လျက် ထိုစဉ်က သေလမ်းဖြင့် ခွဲခွာခဲ့ရလျှင် ယခုထက် အဆပေါင်းများစွာ သက်သာပေမည်။

မြင်းလှည်း ဖြတ်သန်းနေစဉ် လမ်းဘေး ဓာတ်မီးတိုင်များမှ အလင်းရောင်နှင့် ဝင်လုဆဲဆဲမှိန်ဖျော့ဖျော့လရောင်သည် တဖက်ဘေးမှ သူ့မျက်နှာပေါ်တွင် ထင်ဟပ်နေသည်။ အိပ်ရာမှ ထပြေးလာခဲ့ရသဖြင့် သူသည် မပြင်ဆင်ရသေးဘဲ ပကတိရိုးသားဖြူစင်သောအလှများနှင့် မခင်ဝေပင် ဖြစ်နေသည်။ သူ့ထမီမှာ ကပိုကရုိုဖြစ်နေသည်။ သူသည် အိပ်ရာထဲမှ ထလာခဲ့သော တွန့်ကြေနေသည့် အက်ျီကို ဆွဲဆန့်နေသည်။ သူ့ မျက်နှာပေါ်မှ မပီမသအပြုံးရိပ်ကို မြင်နေရသည်။ ဤ အချိန်၌ သံယောဇဉ် ကြိုးများသည် မြင်းခွာတချက်လှမ်းလိုက်တိုင်း တင်းကျပ်လာနေသည်။ နောက်ဆုံးတွင် ကျနော်သည် မာနအပေါင်းကို ဖြေလျော့လိုက်ပြီး မြင်းလှည်းကို နော်က်ပြန်၍ မောင်းခိုင်း ချင်သော ဆန္ဒ ပေါ်လာနေပြန်သည်။

“ ဝေဟိုမယ်နှစ်ရက်ဘဲ နေမယ်နော်ကိုကို။ ဝေမရှိရင် ကိုကို စားရေးသောက်ရေး ဒုက္ခရောက်နေရတာဘဲ၊ စီးပွားရေး လောဘတိုက်နေမိတာ ကိုကို့ကို ဒုက္ခ ပေးသလိုဘဲနော်၊ ကိုကိုစားဖို့ငါးသလောက်ပေါင်းယူလာခဲ့မယ်၊ သဘက်ခါပြန်လာမှာ၊ ဟိုကကုန် မယူလာခဲ့တော့ဘူး၊ တော်ဘီကွယ်၊ ကိုကို နဲနဲပိန်သွားသလားလို့၊ ဝေမရှိတုန်းများ ဖျားနေရင်ဒုက္ခ၊ ဝေ့ကို ကိုကိုသတိမရဘူးလား”
သူတိုးတိုးပြောလိုက်သံသည် တင်းခံမာကျောနေသမျှ တို့ကို ချေဖျက်ပစ်နေသလိုဖြစ်နေသည်။.
“ မရပါဘူး”
“ဘာ ကိုကို”
“အော်…. သတိမရပါဘူးဝေ”
“ဟင်…”
“ ဟုတ်ပါတယ်၊ ကိုယ့် အတွက် နေသားတကျ ဖြစ်နေပါပြီ၊ နေနေကျဖြစ်နေပြီဝေ၊ ကိုယ်တို့ဟာ ညားစ ဇနီးမောင်နှံမှ မဟုတ်တော့တာဘဲ၊ ပြီးတော့ ဝေ့ကို ကိုယ်က ဧည့်သည်လိုသဘောထားနေတယ်၊ ဟုတ်တယ်လေ၊ အဲဒီလိုမှသဘော မထားနိုင်ရင်လဲ၊ ဒီလိုနေလို့ ဘယ်ရနိုင်ပါ့မလဲ၊ ဝေ ကသုံးရက်လောက်လာနေပြီး ပြန်သွားလိုက်၊ အခုနေအခါမယ် ဒါကိုအသစ်အဆန်းလုပ်နေလို့ မဖြစ်ဖူးလေ၊ အိမ်ထောင်တခုရဲ့ အဓိက အကျဆုံး မဏ္ဍိုင်ဟာ စီးပွားရေးဘဲမှုတ်လား။ စီးပွားရေးလူအမြင် တင့်တယ်အောင် ဘယ်နည်းနဲ့ဖြစ်ဖြစ် စီးပွားရေးဘဲ လုပ်ရမယ်မှုတ်လား၊ “ဧည့်သည် ဖြစ်၍၊ အိမ်အိုးပစ်ခွာ၊ မနေသာပါ၊ သူ့ရွာသူ့ထံ ပြန်ပေတာဘဲ” ဆိုသလိုပေါ့လေ”

ဝေသည် သူ့ကိုယ်ကို ပို၍ တိုးညွတ်လိုက်ကာ ကျနော့်မျက်နှာကို ငေးကြည့်နေရင်း မျက်နှာမှာ မှိုင်းညှို့လာနေသည်။
“ ဒါဖြင့် မြင်းလှည်းပြန်မောင်းခိုင်းတော့မယ် ကိုကို”
မြင်းလှည်းသည်နောက်ဆုံးတွင် အကြောင်းအရာအပေါင်း၏ အဆုံးသတ်ရာဒေသဖြစ်မည့် ကားဂိတ်ဖက်သို့ ကွေ့ချိုး ဝင်လာနေသည်။ ကျနော်သည် မဟတဟ မပွင့်မလင်း တချက် ရယ်လိုက်၏။ ထိုရယ်သံထဲ၌ ရွံ့မုန်းမှု။ ခါးသီးမှု၊ စက်ဆုပ်မှု အပေါင်းသည် ပြည့်သိပ်ပါရှိသွားနေသည်။ ထိုအထဲတွင် ကြေကွဲမှု ဆို့နစ်မှုများပါ ရောနှောနေပြန်သည်။

“အထူးအဆန်းမဟုတ်ပါဘူးဝေရာ၊ မင်းအခု ရက်ပိုင်းမယ် ရုးများရုးနေသလား”

ကျနော်သည် ရယ်သံနှင့်ဆက်တိုက်ပြောလိုက်လေသည်။
နောက်ဆုံးတွင် ကျနော်သည် ကားဂိတ်၌ မြင်းလှည်းပေါ်မှ ခုန်ဆင်းလုိုက်ပြီး ကားလှဲမိုးပေါ်သို့ အထည်ထုပ်များ တင်ပေးနေသည်။ ဝေသည် ကားပေါ်သို့တက်သွားပြီး ခရီးသည်များနှင့်ရောနှောနေလေသည်။ ကျနော်သည် နှုတ်ဆက်ရန်ကားနံဘေးမှ သူရှိရာဘက်သို့ လျှောက်သွားခဲ့လေသည်။

ကျနော်သည် သူ့မျက်နှာကို မော့ကြည့်ပြီး “ ကိုယ်သွားတော့မယ်ဝေ”ဟု တိုးတိုးနှုတ်ဆက်လေသည်။
သည်တခါကျနော့် နှုတ်ဆက်သံမှာ အတိုးသက်ဆုံး၊ အညင်သာဆုံးနှင့် ဝေ့အပေါ်ထားရှိသမျှ မေတ္တာအပေါင်း၏ နူးညံ့သိမ်မွေ့မှု၊ နက်နဲမှဲုအပေါင်းကို ဖော်ပြနေသည်။
“ဟုတ်ကဲ့ ကိုကို”ဟု သူ၏ ချိုမြသော နှုတ်ဆက်သံမှာ ပြတ်တောက်ကုန်ပြီးသည့် သံယောဇဉ် ကြိုးအပေါင်းကို နောက်ဆုံးပြန်၍ဆက်ရန် အားအင်ကုန်ခန်း နွမ်းနယ်စွာမြှော်လင့်ချက်ကင်းမဲ့စွာ ကြိုးပမ်းလိုက်မှုတခုကဲ့သို့ ဖြစ်နေသည်။

ဤစက္ကန့်တို့မှာ နောက်ဆုံး စက္ကန့်များဖြစ်၏။ အခိုင်အမြဲတည်ဆောက်ခဲ့ဘူးသည့် အိမ်ထောင်ရေးတခု၏ နောက်ဆုံး၏ နောက်ဆုံးအချိန်ဖြစ်သော ဝမ်းနည်းကြေကွဲဖွယ်ရာ စက္ကန့်များဖြစ်လေသည်။
ဤသို့ဖြင့် ဝေနှင့် ဝေးသွားခဲ့ရပါပြီ။ သည်တခါ အဖြစ်အပျက်ကား အိပ်မက်မဟုတ်တော့ပါ။ လမ်းကြောင်း ပြောင်းလဲသွားသော အိမ်ထောင်းရေးမှာ နောက်ဆုံး၌ အရှိန်ကို ပြန်၍ မထိန်းနိုင်တော့ဘဲ ပြိုကွဲပျက်စီးသွားခဲ့လေပြီ။

နိုင်ဝင်းဆွေ

( အခန်း ၁၈ နိဂုံးပိုင်းကို မျှော်...)



November 29, 2009

ကဗျာ

ကျနော့်ဘဝမှာ ကျောင်းဆရာအမျိုးမျိုးလုပ်ခဲ့ဖူးတယ်။ ဆိုလိုတာက အစိုးရခန့် မူလတန်းပြကျောင်းဆရာ၊ စပါးနဲ့ ဒါမှမဟုတ်ကျောင်းသားမိဘတွေစုပေးတဲ့ ရွာငှါးကျောင်းဆရာ၊ စေတနာ အထက်တန်းညကျောင်းဆရာ၊တွဲဖက် အလယ်တန်းပြဆရာ၊ အဲဒီအထဲမှာ ကျနော်အစုံမက်ကြီးစုံမက်ပြီး တန်ဘိုးအထားးဆုံး ရွာငှါးကျောင်းဆရာဘဝ၊ ဒီလိုကျောင်းဆရာအမျိုးမျိုးရဲ့ ဘဝအမျိုးမျိုး ရှိခဲ့ဖူးပါတယ်။အခုလည်း နိုင်ငံပြင်ပ အထက်တန်းကျောင်းတကျောင်းမှ စေတနာ့ဝန်ထမ်း အထက်တန်းပြကျောင်းဆရာ..။ ကျနော်နဲ့ ကျောင်းဆရာဘဝနဲ့ က ကံကြမ္မာက ဘယ်လိုဖြတ်ဖြတ် ရေစက်က ပြတ်သွားတယ်ရယ်လို့ ကိုမရှိပါဘူး။
ဒီလို ကျောင်းဆရာဘဝတွေက်ို ဖြတ်သန်းတဲ့အခါ ကျနော်က သင်ကြားသူအဖြစ်ထက် သင်ယူသူအဖြစ်ကို ပိုပြီးလေးနက်ခဲ့မိတယ်။ ဥပမာ လွန်ခဲ့တဲ့ နှစ်(၃၀)ကျော်လောက်က ဟိုး ပဲခူးချောင်းဖျားက ရွာတရွာမှာ ကျောင်းဆရာလုပ်တော့ ကျောင်းသားတွေဆီကပဲ ကျနော် ပျိုးနှုတ်၊ထယ်ထိုး သင်ယူခဲ့ရတာပဲ။ ကျောင်းသားတွေရဲ့ဘဝတွေကို ကျနော့်မှာ မှတ်လို့ သားလို့ ကို မကုန်နိုင်ခဲ့ဘူး။ ကိုယ့်ကိုယ်ကို သတ်သေဖို့ ကြိုးစားတဲ့ကျောင်းသား၊ ကျောင်းရန်ပုံငွေအတွက် စပါးရိတ်ရင်း ပိုးထိလို့ ဆုံးပါးသွားရတဲ့ကျောင်းသား၊ ကျောင်းဆရာ ထမင်းချိုင့် အတွက် ချောင်းထဲမှာ ငါးရှာရင်း ရေနစ်သေဆုံးရတဲ့ကျောင်းသား၊ အို..ပြောရရင် ကုန်နိုင်ဘွယ်တောင်မရှိတဲ့ ဘဝတွေ..အလှတွေ..နာကျင်ခံစားရမှုတွေ...။

ဒီကနေ့ ကျနော် နှစ်သက်တဲ့ကဗျာလေးတပုဒ် လက်ဆောင်အနေနဲ့ တင်ပေးလိုက်ပါတယ်။
ကျောင်းဆရာတယောက်ရဲ့ ရင်ကို ထုတ်ချင်းခတ်သွားရလောက်အောင် ခံစားမှုပေးနိုင်တဲ့ ကဗျာလေးပါ။ ကျနော် ဘယ်တော့မှ မမေ့နိုင်တဲ့ ကဗျာလေး။ဖတ်ကြည့်ပါ။၁၉၉၉၊ နိုဝင်ဘာလထုတ် သရဖူမဂဇင်းမှာပါတဲ့ ဆရာ နေမျိုး ရဲ့ ကဗျာလေးပါ။

အစ်ကို

တစ်နေ့ ကျတော့
စာသင်ခန်းထဲမှ ဆရာမက
ကျောင်းသားတစ်ယောက်ကို ထခိုင်းပြီး
မေးခွန်တစ်ခု မေးတယ်
မင်းကြီးလာရင် ဘာဖြစ်ချင်သလဲ တဲ့။
ကျောင်းသားလေးက ထရပ်ပြီး
ဆရာမကို အကြာကြီး စိုက်ကြည့်နေတယ်။
ပြီးမှ လေသံ တိုးတိုးလေးနဲ့  ဖြေပြလိုက်ရဲ့။
(နားထောင်စမ်းပါ)
ကျွန်တော်ဟာ ခြေတစ်ဖက် ဆာနေတဲ့
ကောင်ကလေးတယောက် ဖြစ်ချင်ပါတယ်တဲ့။
ဆရာမက တအံ့တသြနဲ့ 
ကျောင်းသားလေးကို ကြည့်ကာ
ဘာဖြစ်လို့ လဲသားတဲ့၊ ထပ်ပြီး မေးလိုက်ပေါ့။
ဒီတော့ ကျောင်းသားလေးက
အရည်လဲ့နေတဲ့ မျက်လုံးအစုံကို ပုတ်ခတ်ပြီး
ဦးခေါင်းကို ငုံ့ ကာ
ဆရာမ ကြားနိုင်ရုံ တိုးတိုးလေး ပြောလိုက်တယ်
ကျွန်တော့ ညီမလေးက ခြေထောက်တစ်ဖက် မသန်ဘူးဆရာမတဲ့…။ ။

နေမျိုး
၁၉၉၉၊ နိုဝင်ဘာ၊ သရဖူ



November 27, 2009

နေတည


( ၁၇ )

ခပ်ဖြည်းဖြည်း ဖွင့်နေသော ဝေ့ မျက်လုံးများသည် ပြတင်းဝမှ ဝင်လာသည့် လရောင် ခြည်မျှင်တန်းများဖြင့် ထိတွေ့ပြီး တောက်ပသွားနေသည်။ ဝင်လုဆဲဆဲ လရောင်ခြည်များမှာ မှိန်ဖျော့နေပြီ။ အရုဏ်ပိုင်း၌တိုက်ခတ်သော လေပြေထဲတွင် တဖက်ခြံမှ သင်းမြသော စပယ်ရနံ့များ ပါလာနေဆဲပင်။


ကျနော်သည်သူမကြည့်မီ မျက်လုံးကိုပြန်၍ မှိတ်လိုက်သည်။ ထို့နောက်ဝေသည် သူ့ ကိုယ်ကိုကျနော့် ဖက်သို့ ခပ်ဖြည်းဖြည်းလူးလှိမ့်ပြီး တစောင်းလှည့်လိုက်လေသည်။ ထို့နောက်သူ့ လက်တဖက်ကို ကျနော့် ပခုံးစွန်းပေါ်သို့ ခပ်ဖြည်းဖြည်းတင်လျက် ဆုပ်ကိုင်ပြီး လှုပ်နိုးနေသည်။ ပူနွေးသောအတွေ့၊ နူးညံ့သောအတွေ့တို့ဖြင့် သူ့လက်ကလေးများသည် ကျနော့် ပခုံးသားထဲဝယ် နစ်မြုပ်နေလျက်။ သူ့ အသံသည် ဤအခန်းကိုရော၊ ကျနော့် ကိုရော၊ သူ့ကိုသူရော နှုတ်ဆက်နေသကဲ့သို့ ပျံလွင့်နေတော့သည်။

“ ကိုကို- ကိုကို”ဟု သူ၏ တိုးတိုးညင်ညင် ခေါ်နေသံသည် သူနှင့်ကျနော် နောက်ဆုံးကာလ၏ အဆုံးသတ်ပိုင်း အချိန်တိုကလေးမှာ ကုန်လွန်ခဲ့လေပြီဟု တပ်လှန့်သံ ဖြစ်နေသည်။
ဤအသံမှာ နောက်ဆုံးကြားရသောအသံ။

ဤအသံသည် ပင်လယ်ပြင်ကြီးထဲမှ လူးလှိမ့် တက်ပြေးလာပြီး ပင်လယ်ပြင်ကြီးထဲသို့ ပြန်၍ ဆင်းပြေး သွားကြတော့မည့် လှိုင်းလိပ်ကလေးများ၏ သဲသောင်ပြင်ကမ်းကို နှုတ်ဆက်နေသံနှင့်တူနေသည်။
လှိုင်းလိပ်ကလေးများသည် ပင်လယ်ကမ်းခြေနဖူးစ သဲပြင်ပေါ်သို့လာ၍ လွှမ်းသွားသည်။ ထို့နောက် ပင်လယ် ကမ်းစပ်ကို ထိခတ်ပြီး ပင်လယ်ပြင်ထဲသို့ တဖန် ပြန်၍ ဆော့မြူးပြေးဆင်းသွားပြန်သည်။ ထို့နောက် ပြန်ပြေး လာကြပြန်ပြီး ပင်လယ်ကမ်းနဖူးကို အကြိမ်ကြိမ် အဖန်ဖန် ထိခတ်နေသည်။
သို့သော် သည်အကြိမ်လာခြင်း ကား နောက်ဆုံးအကြိမ်။ နောက်တကြိမ်တဖန် သူ့ အသံကို ကြားရရန် အကြောင်းမရှိတော့။
လှိုင်းငယ်တို့သည် သဲပြင်သောင်စကို နောက်ဆုံး အကြိမ်လာ၍ နှုတ်ဆက်သွားပြီးနောက် မမြင်စွမ်းနိုင်အောင် ကျယ်ပြောလှသော ပင်လယ်ပြင်ကြီးထဲအတိုင်း အဆုံးအစ မရှိတော့သည်အထိ ပြေးသွားလျက်။
ပင်လယ်ကမ်ခြေသည်လည်း သူ့ မူရင်းနေရာ၌ မရှိတော့ဘဲ အဝေးကြီးဆီသို့ ထွက်ပြေး ပျောက်ကွယ်သွားတော့မည်။

မိုးလင်းတော့မည်။ ခွဲခွာ ကြရတော့မည်။ နောက်တဖန်ဝေနှင့် ပြန်၍ဆုံတွေ့ရန် ဝေ့ မျက်နှာကို တဖန် မြင်တွေ့ရန် ဝေ့အသံကို တဖန်ပြန်၍ ကြားနိုင်ရန် ဖြစ်သော အကြောင်းမှန်သမျှမှာ ဆုံးခန်းတိုင်ခဲ့ပါပြီ။

“ ကိုကို၊ ထကွယ်၊ လေးနာရီလောက်တောင် ရှိပြီမှုတ်လား၊ ကိုကို တမင်မြုံနေတာ၊ လူညစ်ပတ်ကြီး၊ မကောင်းဘူး” ဟုဝေ၏ ပြောနေသံမှာ ချိုလွင်နေလျက်။
သူ့လက်ချောင်းကလေးများ၏ အတွေ့မှာ နွေးနေလျက်။
သူ့ ကိုယ်လုံးကလေး၏ အတွေ့မှာ အိစက်နေလျက်။
သူ့ အသက်ရှူသံမှာ စွဲမက်ဖွယ်ရာ ဖိုလှိုက်မောသံ၊ မြှူချိုသံပါနေလျက်။
သူသည် ဖောင်းမို့နေသော ပါးဖြင့် ကျနော့်ပါးကိုတင်းကျပ်စွာ ထိကပ်ထားနေသည်။ ကျနော်သည် ငြိမ်နေမြဲပင်။ လူးလွန့်လှုပ်ရှားမှု အလျင်းမပြုသေး။ ဤအတိုင်းပင် အချိန်အပေါင်းမှာ ရပ်တန့် နားနေစေချင်သည်။ အချိန်ကား တားဆီး၍ ရနိုင်သော အရာမဟုတ်ပေ။

ယခုအချိန်မှာ သူနှင့်ကျနော် ခွဲခွာကြရတော့မည့် အချိန်ဖြစ်သည်ကို ဝေသည် အလျင်းမသိ၊ မရိပ်မိသေးပေ။ ဤကဲ့သို့ ဤနည်းဖြင့် ညင်သာလှစွာ၊ အေးငြိမ်းလှစွာ၊ စကားတလုံးမျှ အခြေအတင် မပြောကြဘဲအလွန်လှပစွာ သူနှင့် ကျနော်ကွဲကွာရလိမ့်မည်ဟူ၍ ဝေသည် ဘယ်စဉ်အခါကမျှ တွေးတောခဲ့မည်မဟုတ်။ ဤသို့ မခွဲခွာရရန်သူ့၌ ခုခံ ကာကွယ်ခွင့်ကလေးမျှပင်မရှိ။ အကြောင်းပြ တောင်းပန်ခွင့်ကလေးမျှပင် မရှိ၊ အသနားခံယူခွင့်ကလေးမျှပင် မရှိ။
မည်မျှလောက် အေးစက် တည်ငြိမ်တိကျမှန်ကန်ပါသနည်း။ ဤအိမ်ထောင်ရေး တရားခုံရုံးသည် ထုချေခွင့်ပြုသည့် တရားခုံရုံးမဟုတ်။ ကလ်ိန်ဥာဏ်ဆင်၍ လှည့်စားခွင့်ပြုသည့် တရားခုံရုံးမဟုတ်။
သူ့ ကို ကားဆိပ်သို့ လိုက်ပို့ပေးပြီး ကျနော် ပြန်လာ၊ အိမ်တံခါးပိတ်၊ အလုပ်ထွက်စာတင်၊ ဤမြို့ ကြီးမှ တခါတည်းအပြီးအပိုင် ထွက်သွား။

“ ဒီမျက်လုံးက တမင်မှိတ်ထားတာ၊ ဖွင့်စမ်းပါ ဆိုမှဘဲ ကိုကို မကောင်းတော့ဘူးကွယ်”

သူ့လက်ဖြင့် ကျနော့် မျက်ခွံကို ကိုင်ပြီး ဆွဲဖွင့်နေသည်။ ထို့နောက် သူ၏ ချိုလွင်သော တီးတိုးရယ်သံသည် ဤနောက်ဆုံး အိပ်ခန်းကလေးကို သာယာစွာ ရစ်ပတ်နေသည်။
ဤနောက်ဆုံး စက္ကန့်အချိန်ကလေးမှာ ကုန်ဆုံးနေပြီ။
ဤအချိန်ကလေး အတွင်းဝယ် ဒေါသစိတ်၊ ဝမ်းနည်းကြေကွဲ ဆွေးမြေ့စိတ်၊ ရင်ထုမနာ ဒေါမနဿ စေတသိတ်၊ ချစ်စိတ်၊ မေတ္တာ၊ သံယောဇဉ်စိတ်အားလုံးသည် ကျနော့်နှလုံးသားပေါ်ဝယ် ရောမွှေဖြစ်ပေါ်လျက်။ ထိုဖြစ်ပေါ်မှုကြောင့်ပင် နာကျင်ထုံထိုင်းနေပါပြီ။

မြို့ ကြီး၌ ကိုခင်ထွန်းကြီးစီးသွားသည့်ရထား ထွက်ခွာသွားပြီးနောက် ကျနော်သည် တယောက်တည်း တံတားကြီးဘက်သို့ လျှောက်သွားပြီး တညလုံးပင် တွေးတောလျက် ဤဆုံးဖြတ်ချက်ကို အခိုင်အမာချသည်။ ဤဆုံးဖြတ်ချက်သည် ပြောင်းလဲနိုင်တော့မည် မဟုတ်၊ ခိုင်မြဲ စွဲမြဲနေသည်။ အရုဏ်လာမှ ကျနော်သည် အမေ့အိမ်ဘက်သို့ ပြန်သွားခဲ့ပြီး အဖွား သဂြိုလ်ပြီးသည်အထိ မစေါင့်တော့ပဲ ချက်ချင်းဆုံးဖြတ်ချက်အတိုင်း ပြုမူရန်မြိုင်ကြီးသို့ ပြန်ပြေးခဲ့၏။ မြိုင်ကြီးသို့ ညနေခင်းပိုင်း ရောက်သွားပြီး ချက်ချင်းစားပွဲတွင်ထိုင်လျက် အလုပ်ထွက်စာကို ကောက်ရေးခဲ့လေသည်။ ဝေနှင့်ကျနော်သည် ပြန်၍တွေ့ ဆုံရန် မရှိတော့ဟူ၍ ထင်ခဲ့လေသည်။
ထိုသို့ ဖြစ်သော်လည်း ဝေနှင့်ကျနော်ကား ရေစက်ကြွင်းကျန်နေသေးလျက်ပင်။ အလုပ်ထွက်စာရေးနေ၍ တပိုင်းတဝက်အရောက်တွင် ခြံရှေ့ သို့ ဝေရောက်လာသည်။ ဝေသည် တပတ်ပြန်လှည့်လာခဲ့ပြန်လေသည်။ ပင်လယ်၏ကမ်းခြေက်ို နှုတ်ဆက်ရန် လှိုင်းလိပ်ကလေးများသည် တကျော့ပြန်၍ လူးလှိမ့်တက်လာပြန်လေသည်။ ထို့ နောက် ပင်လယ်ကမ်းခြေသောင်ပြင်ပေါ်သို့ တဖန်ပြန်၍ လွှမ်းမိုးပြန်လေသည်။


ထိုအချိန်တွင်ပင် ဝေသည် အိမ်ရှေ့ ၌ ဆိုက်ရပ်သော မြင်းလှည်းပေါ်မှ အိမ်ဘက်သို့ လှမ်းမျှော်ကြည့်လေသည်။
“ ကိုကိုရေ ကိုကိုရေ ” ဟု သူသည် လှမ်းအော်ပြီး မြင်းလှည်းပေါ်မှ ဆင်းသက်နေသည်။“ ဒီမယ် ကုန်တွေ လာချကူပေးပါအုံး၊ ဧည့်သည် လာတာလေ၊ ဘာငေးနေရတာလဲ ”

သူ၏ရယ်မောလိုက်သံမှာပျံ့ လွင့် လာပြန်သည်။ ခဏမျှ ကျနော်သည် ငေးမောနေ၏။ ထို့နောက်ရေးလက်စ တန်းလန်းအလုပ်ထွက်စာကို သိမ်းဆွေကြီး၏ စာသိမ်းထားရာ စာပွဲအံဆွဲကို ဖြည်းဖြည်း ဆွဲဖွင့်ပြီး အပေါ်မှ ထပ်ထည့်လိုက်ပြီး သော့ကို ပြန်ခတ်လိုက်သည်။
သည်အခါတွင်ကား ဝမ်းနည်းဖွယ်ရာ အမှန်ပင်။ သည်တကြိမ် သူပြန်ရောက်လာသည်မှာ အိမ်မက်ထဲတွင် ရောက်၍လာသကဲ့သို့ ကျနော်သည်လည်း အိပ်မက်တခုကို ကယောင်ကတမ်း မက်နေသကဲ့သို့။
ကျနော်သည် စာပွဲထိပ်မှ ထရပ်လိုက်ပြီး ခြံဝမှ သူကိုလှမ်းမျှော်ကြည့်နေသည်။ သူ့ မျက်နှာပေါ်မှ ဝေနေသော၊ လှနေသောအပြုံး၊ မြင်းလှည်းနံဘေးမှ သူရပ်နေပြီး လက်ယပ်လှမ်းခေါ်နေပုံကို အိပ်မက်ထဲ၌ မြင်တွေ့နေရသကဲ့သိုပင်။

“ လာပါဆိုမှဘဲကွယ်၊ ငေးနေလိုက်တာ”
သူနှင့်ကျနော်မှာ နှစ်ပေါင်းများစွာက ကွဲကွာလာခဲ့ပြီးသလိုပင် ထိုအခိုက်၌ ကျနော့် စိတ်ထဲ၌ ထင်နေသည်။ သူနှင့်ကျနော်သည် မည်သို့မျှ မပတ်သက်တော့။ သူသည် ဤကျနော့်အိမ်ထဲသို့ ဝင်လာနေသည့် လမ်းပေါ်မှ မိန်းမတဦးမျှသာဖြစ်၏။မနေ့တနေ့ကပင် သူသည် တည၌ ပွဲကြည့်အပြီး နံနက် နှစ်နာရီလောက် မီုးမလင်းသေးမီမှောင်ရိပ်လမ်းကို ဖြတ်ကာ သူ့အမေအိမ်သို့ အိပ်စက်ရန် သွားခဲ့သေးသည်။ သူ့ အမေအိမ်တွင် ထိုသူနှင့် သုံးရက်မျှအတူ အိပ်ခဲ့သေးသည်။ သိမ်းဆွေကြီးရှိရာ ဘူတာ၏ ကုန်တွဲများကြားတွင် လူတယောက်နှင့် နေရာအရှာ သွားခဲ့သေးသည်။ ခု သူသည် မြိုင်ကြီးတွင် ကျနော်နှင့်အတူ နှစ်ရက်တန်သည် သုံးရက်တန်သည် အိပ်စက်ရန် လာနေသည်။

မြို့သစ်ကလေးတွင် နေစဉ်ကသာဤအဖြစ်မျိုး ဖြစ်ခဲ့ပြီးယခုလို ပြန်မြင်လိုက်ရလျှင် ကျနော်သည် ပြေးထွက်သွားပြီး ရက်ရက်စက်စက် အပိုင်းပိုင်း အထစ်ထစ် ခုတ်သတ်ပစ်လိမ့်မည်။
ယခုမူ ဒေါသမရှိတော့သလိုပင် ကျနော်သည် တည်ငြိမ်နေ၏။ သူနှင့်ကျနော်ကား မပတ်သက်တော့သည်မှာ ကြာပြီ။ သူသည်ကျနော်ချစ်သော ဝေမဟုတ်တော့၊ ကျနော့် ထံမှ အခွင့်အရေးသို့မဟုတ် ငွေကြေးကို ရယူလိုပြီး သူ့ကိုလာ၍ ပေးအပ်အရောင်းအဝယ် ပြုနေသူ မ်ိန်းမတဦး၊ သူနှင့်မိမိသည် မည်သို့မျှ ပတ်သက်တော့သည်မဟုတ်၊ သူ့ဖာသာဖြစ်ချင်ရာဖြစ်၊ မိမိနှင့် မည်သို့မျှ မဆိုင်တော့ဟု ကျနော်သည် တွေးတောနေ၏။
“ လာလေ ” ဟုသူက ခေါ်လိုက်ပြန်သည်။
ကျနော်သည် စာပွဲမှ ဖြေးဖြေးလေးလေး ထလိုက်ပြီး အိမ်နိမ့်ကလေး၏ လှေကားထစ်များအတိုင်း လေးလေးလံလံ ဆင်းသက်သွားသည်။
နွေ၏ ညနေဆည်းဆာသည် ကျနော့် ငှက်ပျော ဥယျာဉ်ကလေးခြံဝနှင့်ခြံရှေ့ သီတာမြသားအပေါ်တွင် ကျနေသည်။ ငှက်ပျောဥယျာဉ်ကလေး၏ အလယ် အုတ်ခဲနီလမ်းမှ ကျနော်ဖြည်းလေးစွာ လျှောက်သွားနေသည့် အခိုက်တွင် ဝေသည် ကျနော့်ကို လှမ်းမျှော်ငေးမောကြည့်နေသည်။ ဝေ့ မျက်နှာပေါ်မှ ထာဝစဉ်တောက်ပပွင့်လန်းနေတတ်သော အပြုံးများမှာ မှိ်န်ဖျော့လာနေသည်။
ကျနော်သည် ခြံရှေ့ဝင်းဝ သူ့ရှေ့၌ရပ်လိုက်လျှက် “ ကိုယ်ခေါင်းတွေ သိပ်မူးနေလို့ဝေ ” ဟု တိုးသက်ညင်သာစွာပြောလိုက်လေသည်။
သူသည် မြင်းလှည်းသမားအကူအညီယူပြီး ငပိ ငခြောက် ခြင်းများကို အိမ်ရှေ့သို့သယ်ယူနေသည်။
ထို့နောက် သူသည် မြင်းလှည်းသမားအား ငွေပေး ချေနေပြီး “ မနက်ကျရင် စောစောလာခဲ့နော် ဦးလေး၊ ငါးနာရီခွဲ လောက်လာခဲ့ပါ ” ဟု ပြောနေသံမှာ ချိုလွင်နေလျက်။
မြင်းလှည်းသည် ခြံဝမှ သီတာမြသား၏ အကွေ့ဘက်သို့ မောင်းနှင်ပြေးသွားသည်။ မြင်းခွာသံများသည် ခြံရှေ့၌နှုတ်ဆက်နေသကဲ့သို့ပင် မေ့ကျန်ရစ် ခဲ့လေသည်။

ဝေသည် ကျနော်ရပ်နေရာခြံဝ ဘက်သို့ လှည့်ကြည့်လိုက်၏။ ငါးပိခြင်းများသယ်ရသဖြင့်ဝေ့နဖူးပြင်၌ ချွေးဥ ကလေးများ စီရီနေသည်။ သူ့ကိုယ်မှ ချွေး၏ရနံ့သည် ထိုအချိန်၌ ခြံဝတွင်စိုထိုင်းလျက် ရှိနေသည်။
ထိုအခိုက်အတန့် ကလေး၌ ကျနော်သည် ဝမ်းနည်းစွာဖြင့် သူ့ကို တခါကလိုက်အခေါ် သူစပါးသယ်နေခဲ့သည် ကိုအမှတ်ရသွားသည်။ ထိုအခါကလည်း သူ့ တွင်ဤကဲ့သို့ ချွေးဥကလေးများ စိုထိုင်းနေလျက် သူ့ မျက်နှာကလေးမှာ ချွေးများကြောင့် လန်းဆန်းနေသည်။ ထို့နောက် ဟေမန်တွင် ဈေးရောင်းနေစဉ်က သူဈေးကုန်များကို ချွေးတပြိုက်ပြိုက်နှင့် သယ်သည်ကို အမှတ်ရပြန်သည်။

သူသည် ကျနော့် မျက်နှာကိုမော့်ကြည့်ပြီး “ ကိုကိုနေမကောင်းလို့လား ” ဟုတိုးတိုးမေးလိုက်သံမှာ ဟေမန်တွင် နာမကျန်းစဉ်က မေးလိုက်သံနှင့် မခြား။
“ ကောင်းပါတယ် ဝေ၊ ခေါင်းထဲကနဲနဲမူးတာပါ ” ဟု ကျနော်ပြန်ပြောလိုက်သည်။
လမ်းကလေးထဲတွင်သူသည် ဘေးချင်း ယှဉ်ကပ်လျက် အိမ်ဘက်သို့ လျှောက်သွားသည်။ သူ့ကိုယ်ကလေးမှာ ကျနော့် ကိုတိုးဝှေ့နေသည်။ သူသည်ကျနော့် လက်ကို သွေးစမ်းကြည့်ရန်ဆုပ်ကိုင်လိုက်သည်။

“ မင်းနဲ့ကိုယ်နဲ့ခွဲကြရတော့မယ်ဝေ၊ ကိုယ်ဆုံးဖြတ်ပြီးပြီ၊ ပြင်လို့မရတော့ဘူး၊ မင်းက မင်းလမ်း မင်းသွား၊ ကိုယ်လဲ ကိုယ့်လမ်း ကိုသွား၊ ဒါပေမယ့် ဘာကြောင့်မင်းနဲ့ ကိုယ်နဲ့ခွဲရတော့မယ်ဆိုတာတေ့ာ ကိုယ်မပြောနိုင်ဘူး ဝေ ” ဟုပြောလိုက် လိုသောဆန္ဒပေါ်လာသည်။
ထိုသို့ ဖွင့်လှစ်ပြောလိုက်လျှင် အခြေအနေမှာ မထ်ိန်းသိမ်းနိုင်တော့လောက်အောင် ပေါက်ကွဲသွားနိုင်သည်။ ထို့နောက် သူက ဖက်၍ငိုယိုတောင်းပန်။ အမှားဝန်ခံလိုက်လျှင် ကျနော်သည်ဆုံးဖြတ်ချက်အတိုင်း မလိုက်နာနိုင်တော့ဘဲ ပျော့ညံ့စွာ အရှုံးပေးပစ်ချင် ပေးပစ်လိမ့်မည်။ မိမိကိုယ်ကို စိတ်မချ၊ မိမိ၏ ပျော့ညံ့သောစိတ်နှလုံးသားကို စိတ်မချနိုင်။

“ဒါဖြင့် ဝေနောက်တခေါက် တော်တော်နဲ့ မသွားသေးဘူးကိုကို၊ တော်ကြာကိုကိုတယောက်ထဲ နေမကောင်း ဖြစ်နေရင်ဒုက္ခ၊ ဒီတခါအထည်ကချည့်သုံးရာကျော်ကျော် မြတ်တယ် ကိုကို၊ တောဘက် ဆင်းရောင်းတာ၊ ဒီကရှေ့ တောတွေဖက်မယ်ဖောက်သည် ရထားလို့မြန်ပါဘီ၊ ဟိုမယ်ကြာလှရင် သုံးရက်ဘဲ၊ ဟုတ်တယ်လောဘကို နဲနဲပါးပါးတော့ လျော့ထားအုံးမှဘဲ၊ ဒီမယ် ကိုကိုတယောက်ထဲ ကိုယ့် ဖာသာချက်စား၊ ကိုယ့် ဖာသာ အဝတ်လျှော်ဖွပ်နေရတာ ဝေသနားလာဘီ”

ဤစကားများမှာမူဝေသည် သူ့ စေတနာ အရင်းအတိုင်းပြောနေခြင်းဖြစ်သည်ဟု ကျနော်တွေးနေမိသည်။ ဟေမန်တွင်နာမကျန်းစဉ်က ဝေသည် မိခင်တဦးနှင့်မခြားသော မေတ္တာဖြင့် ပြုစုခဲ့သည်ကို ပြန်အမှတ်ရနေသည်။ အလေးအပေါ့ သွားသည့်ကိစ္စကပါ မကျန်အောင် သူသည် ပြုစုခဲ့သည်ကို သတိရပြီး ရင်ထဲ၌ နာကျင်နေသည်။

“ မလိုပါဘူး ဝေ၊ ကိုယ်ပင်ပန်းတာ မဟုတ်ပါဘူး၊ ဝေ ဒီမယ် သုံးရက်လောက် ရောင်းရင် တင်လာတဲ့ကုန် ကုန်မယ်မဟုတ်လား၊ အလုပ်လုပ်စရာ ရှိတာသာလုပ်ပါ၊ ကိုယ်တို့က ညားစ လင်မယားမှ မဟုတ်တော့တာဘဲ ဝေ ”
“ ကိုကိုတခုခုဖြစ်နေသလိုဘဲ၊ အရင်တုန်းကတော့ ဝေသွားတော့မယ်ဆိုရင် ကိုကိုဘဲ ရက်တွေရွှေ့ရွှေ့ ခိုင်းတယ် ”
“ ကိုယ် အမှန်ပြောတာပါ၊ ကိုယ်တို့အတွက် အဓိက ထားရမှာက စီးပွားရေးဘဲ မှုတ်လား၊ ဝေပြောနေကျ စကားလေ၊ စီးပွားရေးမရှိရင် လူလူချင်း အနှိမ်ခံသတ္တဝါဖြစ်နေရတယ် ဆိုတာ၊ ဝေ့ မိသားစုကို လူအထင်သေးခံနေရတာ စီးပွားရေး ကြောင့် ဆို ဝေ၊ ကိုယ့်အမေက ဝေ့ကို အထင်သေးတာ စီးပွားရေးကြောင့်ဘဲဆို”
“ မဟုတ်ပါဘူး၊ ကိုကိုတခုခုပြောင်းလဲနေပါဘီ”
“ ဒါတော့ကိုယ်မပြောင်းလဲတတ်တဲ့လူဆိုတာ ကိုယ်တို့ခြောက်နှစ်ကျော်အောင် ပေါင်းလာခဲ့ပီဘဲ၊ ဝေ သိပါတယ်”

ဝေက ကျနော့်မျက်နှာကို တခုခုရှာဖွေနေသလို ကြည့်ခဲ့လေသည်။ ထိုအချိန်တွင် တတ်နိုင်လျှင်ကျနော်သည် အခါတိုင်းက အတိုင်းရယ်စရာ တခုခုပြောပြီး လွတ်လပ် ရွှင်လန်းစွာ ရယ်မောပစ်ဖို့ ကောင်းသည်ဟု တွေးနေ၏။ သို့သော် ရယ်၍ကား မရနိုင်ပေ၊ ကျနော်သည် လက်နှစ်ဖက်ဖြင့် နားထင်ကို နှိပ်ထားလျက် အိမ်ရှေ့ တန်းလျားတွင် ဝင်ထိုင်လိုက်ရသည်.။

ဤညနေနှင့်နောက်နေ့များတွင် မိမိ၏စိတ်နှလုံးဆုံးဖြတ်ချက်ကို မပြေလျှော့သွားရန် မည်ကဲ့သို့ တောင့်ခံ ထားရပါမည်နည်း။ ဤရက်များ၌ တခုခုဖြစ်တော့မည်ထင်ခဲ့သည်။ ရက်ပေါင်းများစွာက အံခဲကျိတ်မှိတ်ထားသမျှတို့ ရုတ်တရက် စုပြုံပေါက်ကွဲသွားမည်ကို စိုးရိမ်သည်။ ညအိပ်ပျော်နေစဉ်၌ သူ့ကို သွေးအေးအေးဖြင့် သတ်ပစ်ချင် သတ်ပစ်မိလိမ့်မည်.။ သို့မဟုတ်ပြဿနာများကို မျက်နှာချင်းဆိုင် ဖြေရှင်းလိုက်ပြီး ကျနော်သည် တဖန်စိတ်အား လျှော့ပြန်လျက် ဤငရဲတွင်း အိမ်ထောင်ရေး၌ သံသရာပြန်လည်ချင် လည်နေမည်။
သို့သော် ထိုလေးရက် အချိန်မှာ သိုသိုသိပ်သိပ် ကျစ်ကျစ်လစ်လစ်ဖြင့်ပင် ယခင်ရက်ပေါင်း များစွာက အတိုင်း အလွန်ညင်သာစွာ အေးငြိမ်းစွာဖြင့် ကုန်ုဆုံးလိုက်လာနေသည်.။
ထိုလေးရက်တာကာလ၌ အကြိမ်ကြိမ် ပေါက်ကွဲတော့မည် ကဲ့သို အကြိမ်ကြိမ်ကျနော် အရှုံးပေးတော့ မည်ကဲ့သို့ စိတ်ထဲ၌ ဖြစ်ပေါ်ခဲ့သော်လည်း ထ်ိန်းသိမ်းထားနိုင်ခဲ့သည်။
ထိုလေးရက်တာ ကာလ အဖြစ်အပျက် အကြောင်းအရာများကို ကျနော်သည် စက္ကန့်နှင့် ဖွဲ့တွက်၍ မှတ်မိနေသည်။ သူ ပြောခဲ့သည့်စကား၊ သူ့လှုပ်ရှားမှု၊ သူပြုံးလိုက်သည့်အပြုံးများ အားလုံးကိုပင် စိတ်ထဲ၌ စွဲထင်မှတ်မိနေသည်ဟု ထင်ရလေသည်။

မနေ့ညနေကမူ ကျနော် ပြတင်းဝတွင် ရပ်နေစဉ်၌သူသည် လူနေတော့မည် မဟုတ်သည့် ဤအိမ်ကလေး၏ ဧည့်ခန်း ကြမ်းပြင်ကို ဖယောင်းတုိုက်နေသည်။ မနက်ဖက်သွားရန် အတွက် သူအထည်များ ဝယ်ယူခဲ့ပြီးလျက် ငပ်ိ၊ ငါးခြောက်များ အားလုံး ရောင်းချခဲ့ပြီးပြီ။
သူသည် တခေါက်ပြန်လာပြီး ပြန်သွားတော့မည် ဆိုလျှင် ရုပ်ရှင်တကားကြည့်လေ့ ရှိသည့်အတိုင်း “ဘိုင်စကုပ် ကြည့်ရအောင်ကိုိုကို” ဟု ကြမ်းတိုက်နေရာမှ လှမ်းပြောခဲ့သည်။
ကျနော်သည် ခေါင်းယမ်းခါလိုက်လျက် “ကိုယ်ခေါင်းမူးနေတုန်းဘဲ”ဟု ပြောလိုက်လေသည်။
ဝေသည် ကြမ်းတိုက်အဝတ်ကို လက်မှကိုင်ပြီး ပြတင်းဝအနားသို့လာရပ်လေသည်။အခါတိုင်းကဲ့သို့ ရုပ်ရှင်မပြဘူးဟုဆိုသဖြင့် သူ့ မျက်နှာမှာ စိတ်ကောက်မှိုင်းညို့ သွားသည်။

“ကိုကို တကယ်ခေါင်းမူးနေတာလား ဝေမနက်ဖြန်ကာသွားဘို့ ကားကိုတောင် ချိန်းခဲ့ပီးဘီ၊ ဒုက္ခဘဲ၊ ဒါပေမယ့် ဟိုမှာ ဖေါက်သည်ပေးခဲ့ရမှာဆိုတော့ နှစ်ရက်ပဲ နေမှာပါ ကိုကို” ဟုပြောရင်း သူသည် ကျနော့်မျက်နှာကို မေါ့ကြည့်နေသည်။ ဝိုင်းဝိုင်းစက်စက် ဝေ့မျက်လုံးများမှာ ဆည်းဆာနေခြည်အောက်တွင် အရည်ရွှန်းလဲ့ တောက်ပနေသည်။
“ဝေ မနက်ဖြန်သွားတော့မှာဘဲ၊ အေးလေ သွားပေါ့”
“မသွားရသေးဘူးလား၊ အဲဒီလိုတော့ မပြောနဲ့ ကွယ်၊ ဝေ သွားချင်စိတ်တောင် မရှိတော့ဘူး၊ စိတ်မဖြောင့်တော့ဘူး၊ ကိုကို နေချင်သေးရင် နေအုံးမယ်လေ”
“ကို ဘယ်လိုပြောမိလို့ လဲ ဝေ”

သူသည် ကျနော့် လက်မောင်းတဖက်ကို ဆုပ်ကိုင်လိုက်ပြီး မျက်နှာကို ကျနော့်မျက်နှာနှင့် ထိကပ်ခမန်းတိုးကာ ကျနော့်မျက်နှာကို စေ့စေ့စပ်စပ်ကြည့်နေသည်။ အတွင်း၌ ဖုံးဖိကွယ်ဝှက်ထားသမျှကို ဝေ တွေ့ မြင်သွားပြီဟု ထင်ရသည်။ အလင်းရောင်ပျပျ၌ သူ့ နှုတ်ခမ်းမှာ ပွင့်ဟနေလျက် သူ့ ပါးကလေးမှာ နီထွေးနေကာ သူ့ နဖူးပြင်စပ်၌ ဆံညွန့် ကလေးများ လှပစွာ ကျနေသည်။ သူသည် အစဉ်အမြဲ လှပနေတတ်သော ချစ်စဖွယ်အရုပ်ကလေးတခုလို ဖြစ်နေပြန်သည်။

“ကိုကို စကားပြောတာ တမျိုးဖြစ်နေဘီနော်၊ ကိုကို တခုခု ဖြစ်နေပါဘီ၊ ဝေ့ ကို ပြောစမ်းကွယ်၊ ကိုကို ဘာဖြစ်နေသလဲ ဝေ့ကိုပြောစမ်း၊ ဝေ အခုလိုသွားလာနေတာ ကိုကိုမကြိုက်တော့ဘူးလား၊ ကိုကို မကြိုက်တော့ဘူးဆိုရင် ဝေ သွားကို မသွားတော့ပါဘူး၊ကိုကို အဲဒီလို အုံနွေးနွေးကြီးလုပ်နေတာ သိတ်ဆိုးတာ၊ ပြောစရာရှိတာ ဘယ်တော့မှ ပွင့်ပွင့်လင်းလင်းပြောတာမှုတ်ဘူး၊ အခု ဝေ ပေါင်ခဲ့တဲ့ရွှေတွေလဲ အကုန်ပြန်ရွေးပီးဘီ၊ အမေ့အိမ်ဆောက်နိုင်အောင်လဲ လုပ်ပေးပီးဘီ၊ ငွေ နဲနဲပါးပါးလဲ စုဆောင်းမိ အခြေတွယ်ထားပီးဘီ၊ အမှန်တော့ ဝေ ကိုကို့ တယောက်ထဲ ထားရစ်ခဲ့ပီး သွားသာ သွားရတာ သိပ်စိတ်မချမ်းသာဘူး၊ ကဲ…ဘယ်လိုလဲ ပြောလေ”

ထိုအခါ၌သူ့ ကို ကျနော့်ရင်ထဲ ခံစားနေရမှုများ အားလုံးဖွင့်၍ ပြောချင်သည့် ဆန္ဒများပေါ်ပေါက်လာနေသည်။ သူ့ ကို ကုန်အရောင်းအဝယ်မသွားပါနှင့်ဟု တားလိုက်ချင်၏။သို့ သော် ထိုစိတ်ထိုဆန္ဒတို့ ကို ဝမ်းနည်းစွာဖြင့် ချိုးနှိမ်ပစ်ရတော့သည်။
ယခုအခါတွင်မှ ထိုကဲ့သို့ ဆက်လက်နေထိုင်လျင်လည်း ပြီးခဲ့သော အမှားအယွင်းတို့ သည် သူနှင့်ကျနော့်ကြားဝယ် ရွံရှာစက်ဆုပ်ဖွယ်ရာများ အဖြစ်ဖြင့် အစဉ်အမြဲ ကြား၌ ခြားနေတော့မည်။ နောင်အခါ၌ သံသယတို့ ဖြင့် ထာဝစဉ်ရှုပ်ထွေး စိတ်မချမ်းသာရသော အိမ်ထောင်ရေးတခုသာလျင် ဖြစ်နေတော့မည်။ မှားခဲ့ပြီးသော အမှားဆိုသည်မှာ ပြန်လှည့်ကြည့် အချိန်မှန်သမျှ နောက်ပြန်ဆွဲ၍ရနိုင်သည်မဟုတ်။ စွန်းမိသော အမဲကွက်မှာ စွန်းထင်းနေမြဲသာ ရှိမည်။ ဤအမဲစက်သည် အိမ်ထောင်ရေး၌ အစဉ်သဖြင့် ရွံရှာဖွယ်ရာအဖြစ် ထာဝစဉ်နောက်ပြန် မြင်နေရလိမ့်မည်။

ကျနော်သည် မှောင်ရီရီထဲတွင် သူ့ လက်ဖဝါးကလေးတဖက်ကို လှမ်းဆုပ်ကိုင်ပြီး ဖြစ်ညှစ်လိုက်မိလေသည်။ ဟိုစဉ်က စပါးသယ်အလုပ်သမလေး ခင်ဝေ၏လက်မှာ အသားမာဘုများပင်ဖြစ်နေ၍ ကြမ်းထော်နေပြီး ယခု မခင်ဝေ၏ လက်ချောင်း သေးသေးမျှင်ကလေးများသည် နုညက်ပျော့ပျောင်းစွာ ကျနော့်လက်ဖဝါးပြင်ထဲတွင် နစ်မြုပ်ပျောက်ကွယ်နေသည်။ သူ့ ကိုခိုးပြေးလာသည့်ညက မိုးစက်မိုးမှုန်များထဲတွင် သူ့ လက်ကြမ်းကလေးကို ဆုပ်ကိုင်ထားမိသောအခါဝယ် အတွေ့ အာရုံအားဖြင့် နွေးထွေးနေပြီး ယခုကား ထိုနွေးထွေးမှု အတွေ့ အာရုံအစား ရင်ထဲတွင် ဝမ်းနည်ဆွေးမြေ့ဖွယ်ရာများသာ ပေါ်ပေါက်နေသည်။
သို့ သော် ထိုညကကဲ့သို့ ဝေ့ အသက်ရှူသံများမှာမူ မောလျနေသည်။

“ဘယ်လိုလဲ ပြောလေကိုကို၊ ကိုကို ဘာဖြစ်နေတာလဲဟင်၊ ကိုကိုဘယ်လိုဖြစ်နေတာလဲဟင်”ဟု သူ့ စကားပြောနေသံသည် ဤပြတင်းဝ၌ဆွတ်ပျံ့ ဖွယ်ရာဖြစ်နေသည်။ သူ့ မျုက်လုံးအိမ်ထဲတွင် မျက်ရည်များပြည့်သိပ်လာနေသည်ကိုပင် မြင်ရသည်။
“ကိုယ် ဘာမှမဖြစ်ပါဘူး ဝေ၊ မင်းစိတ်ထင်လို့ ပါ”
“မဟုတ်ဖူး၊ မဟုတ်ပါဘူး ကိုကို ဖွင့်ပြောစမ်းပါ၊ ဝေ တို့ မြိုင်ကြီးကိုရောက်လာရတာ မှားဘီထင်တယ်၊ သိပ်မှားဘီထင်တယ်”
“ဘယ်မှားမလဲ ၊ ကိုယ်တို့ စီးပွါးရေး ဘယ်လောက်တက်နေပလဲ၊ ဝေ့ အမေ တင့်တောင့်တင့်တယ်ဖြစ်သွားရတာ မြိုင်ကြီးကို ပြောင်းလာရလို့ မို့ လား၊ ကိုယ် ခေါင်းမူးနေလို့ ပါ၊တွေ့ လေရာတွေ ရှောက်တွေးမနေစမ်းပါနဲ့ ဝေ”

သူ့ မျက်လုံးအိမ်ထဲမှ မျက်ရည်များ ဖိတ်စင်ကျလာနေသည်။ ကျနော်သည် ပြတင်းဝတွင် နားထင်ကို လက်နှစ်ဖက်ဖြင့် နှိပ်ထားလိုက်သည်။ ဤအချိန်များ မြန်မြန် ကုန်ဆုံးစေချင်သည်။ ဤစိတ်နှလုံး ကြေကွဲဖွယ်ရာ အချိန်များ မြန်စွာ ဆုံးခန်းတိုင်ပါစေတော့။

အခန်း(၁၇) နောက်တပိုင်းကို …မျှော်


November 26, 2009

မုန်တိုင်းထဲက တစ်ရက်ဧပရယ်မှာ


တရက် ဧပရယ်ရဲ့ ညဥ့်ဦးယံကလေးမှာပေါ့
သူ့ ရဲ့ ငွေရောင်ဖေါင်းကြွစာလုံးလေးနဲ့ 
ညရဲ့….
ရင်ခုန်သံ တံခါးမကို တွန်းဖွင့်လိုက်လေရဲ့။

အဲဒီညရဲ့
ရယ်မော လှုပ်ခတ်သံလေးတွေက
လှလိုက်တာ
မနက်ဖန်ဟာ ငါတို့ အတွက်
မက်မောတွယ်တာစရာဆိုလို့ 
ဒီလို ညကလေးပါပဲ။

‘ကျနော်လေ လူဖြစ်သွားပြီ‛
သူ့ ရင်မှာ စူးနစ်နေတဲ့
နေရစ်ခဲ့ပါတော့ ‘၈၈‛ ဟာ
သူ့ ကိုယ်မှာ
ကျနော့်ကိုယ်မှာ
ကျနော်တို့ 
(သို့ မဟုတ်)
တော်လှန်ရေးထဲက
အနုပညာ မြတ်နိုးတပ်မက်တွယ်တာသူ
အနုပညာချစ်သူအပေါင်းရဲ့
နှလုံးသားမြစ်ထဲမှာ
နစ်ကျန်ရစ်လေရဲ့…။

တစ်ရက် ဧပရယ်ရဲ့ ညဥ့်ဦးယံကလေးမှာပေါ့
ကျနော့်ရဲ့
သူ့ ရဲ့
ကျနော်တို့ 
(သို့ မဟုတ်)
တော်လှန်ရေးထဲက
အနုပညာ မြတ်နိုးတပ်မက်တွယ်တာသူတို့ ရဲ့
ကိုယ်မှာ…
ရယ်မောလှုပ်ခတ်သံကလေးတွေကို
မြှုပ်နှံလို့ 
မုန်တိုင်းထဲကို ဖြတ်ထွက်သွားကြလေရဲ့။ ။

တိုက်အောင်
(၁ ၊ ၄ ၊ ၉၁ ဆရာနိုင်ဝင်းဆွေ၏ ကလောင်ငွေရတုနေ့ အမှတ်တရ ခံစားသည်။)

၁၉၉၂ ခုနှစ်ထဲမှာ မာနယ်ပလောမှာရှိတဲ့ ကဗျာရေးသူ (၁၈)ယောက်က ‘ဝီရ ကောင်းကင်‛ ဆိုပြီးအမည်ပေးထားတဲ့ ဖယောင်းပုံနှိပ်လက်ရေးကဗျာစာအုပ်ကလေးမှာ ကဗျာ ဝင်ပြီးရေးကြပါတယ်။ မျက်နှာဖုံးပန်းချီကို (ကို)ဒေါင်းနီက ဆွဲပေးပါတယ်။ ကျနော်က လက်ရေးနဲ့ ဝင်ရေးပေးခဲ့ပါတယ်။ဒီစာအုပ်မှာ ကဗျာဆရာ (ကို)တိုက်အောင်ကလည်း ဒီကဗျာကို ဝင်ရေးပေးခဲ့တယ်။ အခု သူမရှိတော့ပါဘူး။ သူကွယ်လွန်တာ (၁၅)နှစ်လောက်ရှိပါပြီ။တလောလေးတုန်းက မိတ်ဆွေကိုကျော်နိုင်က ကိုတိုက်အောင်ရဲ့ကဗျာရှိရင် တင်ပေးပါဆိုတာနဲ့ ပြီးတော့ဒီကဗျာကလည်း ဆရာနိုင်ကို ရည်ညွှန်းပြီးမှရေးထားတဲ့ကဗျာဖြစ်လို့့အမှတ်တရအနေနဲ့  ကျနော် ဒီကနေ့ တင်လိုက်တာပါ။ အခုတော့လည်း ကဗျာဆရာ တိုက်အောင် နဲ့ ဆရာနိုင်ဝင်းဆွေ နှစ်ယောက်စလုံး ကွယ်လွန်ခဲ့ကြပါပြီ။ သူတို့ နှစ်ဦးစလုံး ကောင်းရာသုဂတိလားပါစေလို့ ကျနော်ဆုတောင်းလိုက်ပါတယ်။



November 25, 2009

နွေတည


ဆရာနိုင်ဝင်းဆွေရဲ့ နွေတညဝတ္ထုကို ကျနော် တခန်းချင်းတင်ပေးခဲ့တာ အခန်း(၁၆) ရောက်ခဲ့ပါပြီ။တကယ့်ကို စုံမက်ရူးသွပ်တဲ့ ချစ်မက်စိတ်နဲ့ ဒီဝတ္ထုကို ကျနော့်ဘလော့မှာ တင်ခဲ့တာပါ။ (မှတ်ချက်။ ။ ကိုတင်မင်းထက်ရဲ့ အစစအကုအညီပေး မြှောက်ပေးတွန်းပေးတာမျိုးကလည်း ကျနော့်အတွက်တော့ အားဆေးတခုပါပဲ။)

ဒီဝတ္ထုက အခန်း(၁၈)ခန်းပဲ ပါတာဆိုတော့ အခုဆိုရင် (၂)ခန်းပဲ ကျန်ပါတော့တယ်။ ဒီ(၂)ခန်းကလည်း နည်းနည်းတော့ရှည်တယ်။ ဒါပေမယ့် စာဖတ်သူတွေ အရှိန်သိပ်မပျက်ရအောင် တတ်နိုင်သမျှ မြန်မြန်တင်နိုင်အောင် ကျနော်တို့ ကြိုးစားကြမှာပါ။

ကျနော် ဒီလိုစဉ်းစားထားတာရှိပါတယ်။

ဒီဝတ္ထုရဲ့နောက်ဆုံးအခန်းကိုဖေါ်ပြတဲ့အခါ ဒီဝတ္ထုအတွက် ဝိုင်းဝန်းအကူပေးခဲ့ကြသူတွေ၊ ပြီးတော့ ဒီဝတ္ထု ကျနော့်ဘလော့မှာ တင်ပေးနေတုန်း ကွန်းမန့် လာပေးသွားကြသူတွေ ဖြစ်နိုင်မယ်ဆိုရင် ဒီဝတ္ထုအပေါ် ထင်မြင်ချက်နည်းနည်းစီတော့ပေးကြဖို့  ကြိုတင်ပြီးမေတ္တာရပ်ခံထားချင်ပါတယ်။ ဥပမာ..ဒီဝတ္ထုမှာ ကိုကိုနဲ့ ခင်ဝေ ဘယ်သူ့ မှာအပြစ်ရှိသလဲ၊ခင်ဝေနဲ့ ကိုကို့ ကို ပေါင်းပေးသင့် မသင့် ဆိုတဲ့ သဘောထားမျိုးလောက်ပဲ ဖြစ်ဖြစ်ပေါ့။

ဒါပါပဲ။မကြာခဏ အခုလို ဝင်ဝင်ပြီး လျှာရှည်မိတဲ့ ကျနော့်ကို အမြင်များကပ်နေမလားပဲ။ အားလုံးကို ခွင့်လွှတ်ဖို့ ကျနော်တောင်းပန်လိုက်ပါတယ်။


အခန်း ( ၁၆ )

“မင်းကို ကိုယ်တွေ့ချင်တာနဲ့ဒီကို မင်းလာမယ်ဆိုပြီး တမင်စောင့်နေတာ၊ လာကွာ၊ ဒို့ မိုးအလင်း ဆိုင်ဘက် ရှောက်ကြရအောင်၊ ဒီနေ့ည စကားအေးအေးဆေးဆေး ပြောကြတာပေါ့၊ ကိုယ်မနက်ဖြန် အလုပ်ပြန်ဝင်ရတော့မယ်ဆိုတော့ အစောဆုံးရထားနဲ့ လိုက်ရမယ်”

ခင်ထွန်းကြီးသည် ခြံဝတွင် တွေ့လျှင် တွေ့ခြင်း ကျနော့်ပခုံးကို ကိုင်လှုပ်နေသည်။ ခြံထဲ၌မူ အဖွားဆုံးသဖြင့် ဓာတ်မီးများ လင်းထိန်နေအောင် ထွန်းညှိထားသည်။ မင်းသမီးတလက်အငြိမ့်သီချင်းဆိုသံ ဆိုင်းသံများသည် ခြံဝဘက်သို့ လျှံထွက်လာနေသည်။
အဖွားဆုံးပြီးဟု ကြေးနန်း ရလျှင်ရခြင်း ကျနော်လည်းမြိုင်ကြီးမှ ပြေးလွှားလာခဲ့သည်။ ကိုခင်ထွန်းကြီး နှုတ်ဆက်နေသည့်အခိုက်တွင် ဝေ့အမေငယ်စဉ်က အငြိမ့်ကခဲ့သည်ဆိုသည်ကို ကျနော်သည် ပြေးလွှားဆက်စပ် အမှတ် ရနေပြန်တော့သည်။ ဤရက်ပိုင်းအတွင်း၌ကား ကျနော့်အတွေးများမှာ ဝေနှင့်ပတ်သက်၍သာ နေတော့သည်။ ဝေနှင့်ပတ်သက်၍ မတွေးမိအောင် မည်သို့ နေနေ မရ။ ခုလို ခရီးထွက်လာရခြင်းသည်ပင် ကျနော့်အတွက် စိတ်အပြောင်းအလဲ ဖြစ်စေသည်။နေရာတခု၌ အတည်တကျ ငြိမ်မနေချင်တော့။

“ကျနော်လဲ အခု နလေးတင် ရောက်လာတာ၊ အမေ့ ကိုနှုတ်ဆက်ခဲ့ရရုံလေးဘဲ ရှိသေးတယ်၊ သွားမယ်လေ၊ ကျနော့်တို့ မိုးအလင်းဘက် မရောက်တာလဲ ကြာလှပြီ”

စင်စစ်တွင် ဤအမေ့ခြံသို့မရောက်ခဲ့သည်မှာပင် ကြာရှည်လှလေပြီ။ ဝေနှင့် တခေါက်လာလည်ပြီးကတည်းက မရောက်တော့။ ယခု ဝေနှင့်ခွဲခွာရခါနီးမှ ရောက်လာ ရပြန်သည်ဟုထင်နေ၏။ ယခုဝေနှင့် ခွဲခွာနီးအချိ်န်ဟု ကျနော်သည် စိတ်နှလုံးထဲမှ ပဲ့တင်ထပ်ရွတ်ဆိုနေသည်။
ကိုခင်ထွန်းကြီးကို ပြုံး နှုတ်ဆက်ရန် သတိရသော်လည်း မပြုံးနိုင်တော့ပေ။ စိတ်နှလုံးထဲ၌ ဤမျှ နာကျင်နေပါလျက် အဘယ်နည်းဖြင့် မျက်နှာက ပြုံးနိုင်မည်နည်း။ ကိုခင်ထွန်းနှင့် ကျနော်သည် ဓာတ်မီးတိုင် ကျဲကျဲမျှသာ ရှိသော လမ်းအတိုင်းလေးကန်စွာ လျှောက်လာကြသည်။
ဓာတ်မီးတိုင် အောက်မှ မှုန်ဝါးဝါး အလင်းရောင်အောက်တွင် သူနှင့် ကျနော် ယခုလိုပင် ဖြတ်လျှောက်ခဲ့သည်ကို ထိုအခါတွင် တွေးနေမိပြန်သည်။
ဤအတိုင်းပင် ဝေ့ ကို ခိုးသည့်ညကလည်း သူနှင့် ကျနော်သည် ဘူတာနောက်ဖက်ကမ်းမြှောင် မှောင်ရိပ်ရိပ်တွင် မိုးသားတဖွဲ့ဖွဲ့ကျနေဆဲ၌ ဖြတ်လျှောက်မိကြ၏။ စင်စစ် လွန်ခဲ့သော ကုန်ခမ်းခဲ့သော ခြောက်နှစ်က ထိုအိမ်ထောင်ဦး အစညမှာ ပျော်ရွှင်ဘွယ်ရာများဖြင့် ပြည့်နှက်နေသော မမေ့နိုင်ဘွယ်သော ညတညပင် ဖြစ်လေသည်။ သေသည့်ုတိ်ုင်အောင် တမ်းတသတိရမည့် ညတညပင် ဖြစ်ပေသည်။
ကျနော်တို့ မြို့သစ်ကလေးသို့ ရောက်ပြီး ကိုခင်ထွန်းကြီးဆီမှ စာတိုကလေးတစောင်ရပြီး ကိုခင်ထွန်းကြီးနှင့် အဆက်အသွယ် အလျင်းပြတ်တောက်သွားတော့သည်။
ကိုခင်ထွန်း၏ နောက်ဖက်မှ ခပ်ဖြည်းဖြည်း လျှောက်လိုက်နေရင်း ထိုစာတိုကလေးတစောင်ကို အမှတ်ရနေကာ ကျနော်သည် အစအဆုံးပြန်လည်၍ ရေရွတ်ကြည့်နေသည်။ ထိုစဉ်အခါကထိုစာကလေးတစောင်မှာ တုန်လှုပ်ချောက်ချားဘွယ်ရာ ဖြစ်ခဲ့သော်လည်း ယခုအခါတွင်မူ မေ့မေ့ ပျောက်ပျောက် အသေးအဖွဲ့ကလေးမျှသာ ဖြစ်နေတော့သည်။ အချိ်န်ပေါင်းများစွာသည် ထိုစာကလေးကို မေ့မေ့ ပျောက်ပျောက်ဖြစ်သွားရန် ဖျောက်ပေးထားသည်။
ထို့ အတူပင် သိမ်းဆွေကြီးဆီမှ စာကိုလည်း အချိန်ပေါင်းများစွာကြာလျှင် မေ့ပျောက်သွားနိုင်မည် ထင်မိပြန်လေသည်။
ကျနော့် စိတ်ထဲတွင် သိမ်းဆွေစာ၏ နောက်ကွယ်မှအရိပ်အစွန်းတို့သည် ဂယက်ရိုက်နေ၏။ မြို့င်ကြီးဘူတာရုံမှ အဖြစ်အပျက်။
ယခုအခါတွင် ဝေ့ ကို ချစ်သည့် စိတ်သည်လည်း မိမိ၏ပျော့ညံ့ သော စိတ်နှလုံးသားထဲဝယ် ဝမ်းနည်းကြေကွဲဘွယ်ရာ အမြစ်တွယ်နေသေးဆဲ ဖြစ်သည်ကိုလည်း သိနေပါသည်။ ယခုအခါ၌ မိမိ၏ စိတ်နှလုံးသားထဲတွင် မပြတ်မသား မပီမသ ဆုံးဖြတ်ချက်များသာလျှင် ရောထွေးနေသည်။ ဤအတိုင်းမှိတ်ကျိတ်မျိုသိပ် ထားလိုက်ပြီး ဝေ့ကို တဖန်ပြန်၍ ပြုပြင်လိုက်လျှင် ကြာသော် ဤမှောက်မှောက်မှားမှား အဖြစ်အပျက်အပေါင်းကို ကျနော် မေ့ သွားနိုင်မည်ဟု ထင်နေပြန်သည်။ သိမ်းဆွေ၏စာသည် အလျင်း ပျောက်ပျက်သွားပြီး သာယာချမ်းမြေ့ဘွယ် အိမ်ထောင်ရေး ကခု အသစ်တဖန် ဖြစ်လာနိုင်ဦးမည်ဟု ထင်နေသည်။
ကျနော်နှင့် ယှဉ်လျှောက်နေရင်း ကိုခင်ထွန်းသည် ခေါင်းကိုငုံ့ထား၏။ သူလည်း တခုခုကို တွေးရင်း နစ်မျောသလိုပင်။ ကျနော်တို့သည် လေးငါးခြောက်နှစ် ကင်းကွာ သွားသော လမ်း၌ပြန်လျှောက်နေသည်။ ဈေးထောင့်ဘက်သို့ ရောက်သောအခါတွင်မှ သူသည် ခေါင်းကို ပြန်မော့လိုက်ပြီး ကျနော့် ကိုလှည့်ကြည့်လေသည်။

“ မင်း ဘယ်တော့ ပြန်မှာလဲ” ဟုသူကမေးသည်။
“ကျနော်လဲ မနက်ဖြန်ပြန်မှာဘဲ ကိုခင်ထွန်း ခွင့်တို့ ဘာတို့တောင် ယူလာခဲ့တာ မဟုတ်ဖူး၊ လစ်ပြေးလာခဲ့တာ”
“ဒို့ က နှစ်ယောက်စလုံး သုတ်သုတ်ချည်းပါဘဲလား၊ ဒို့ ပြန်မတွေ့ကြရတာ ခြောက်နှစ်ကျော်လာပြီနော် ကိုကို”
“ခုနစ်နှစ်ထဲ ရောက်နေပြီ”
“မင်း အရက်ဖြတ်လိုက်ပြီဆို”
“ဖြတ်ပစ်တာကြာပြီ၊ အိမ်ထောင်ကျကထဲက ဖြတ်လိုက်တာဘဲ”
“ဒါနဲ့ အရွှေဆုံးသွားတာ မင်း မသိသေးဘူးနော် ကိုကို။ သထုံမှာဘဲ ဆုံးရှာတယ်၊ သုံးလလောက် ရှိသွားပြီ”

ဈေးရှေ့ဘက် အရောက်၌ ထိုစကားကို ခပ်တိုးတိုးပြောလေသည်။ ကျနော်တို့သည် လမ်းလျှောက်ပို၍ လေးပင် နှေးကွေးသွားကြလေသည်။ ငြိမ်သက်နေသော ဈေးလမ်းထိပ်တွင် နွေည၏ ချစ်စဖွယ် လေပြေအေးများ သုတ်ဖြူး လာနေသည်။ လေတို့သည် ခပ်ဝေးဝေးဘက်မှ မြစ်ပြင်ကို ကျော်ဖြတ်တိုက်ခတ်လာကြ၏။ ဤလမ်း၌ မြစ်ပြင်မှ လေများ တိုက်ခတ် လာနေသည်ကား မည်သည့်အခါတွင်မဆို တိုက်ခတ် နေပါမည်။ ကျနော်တို့ ငယ်စဉ်က ယခုလို နွေညများတွင် ကိုခင်ထွန်း၊ သိမ်းဆွေတို့နှင့် အတူ လျှောက်ခဲ့ကြ၏။ ထိုအခါက ကိုခင်ထွန်းမှာ နောက်ပြောင်တတ် ပျော်ရွှင်တတ်သည်။ ယခု ကိုခင်ထွန်း၌ကား ထိုပျော်ရွှင်တတ်မှုများ ရှိပုံမရတော့ပေ။
ကျနော်သည် မရွှေကို တမ်းတသတိရနေ၏။ ကိုခင်ထွန်းကြီးနှင့်အကြောင်းပါသောအခါ မရွှေသည် သုံးခုလပ်မျှ ဖြစ်လေသည်။ မရွှေသည်လည်း ပြောင်နောက်ပျော်ရွှင်တတ်၏။ ဝေနှင့်ကျနော့် ကို ဖူးစာစုံဖက်ပေးသူမှာ မရွှေဖြစ်လေသည်။ ဝေ့ကို ခိုးစညက မရွှေ၏ပြုံးစပ်စပ်မျက်နှာကို သတိရနေပြန်သည်။
ယခုလည်း ဝေသာ မရွှေလို ကွယ်လွန်သွားပြီး ကျနော်တို့ချင်းကွဲကွာသွားရလျှင် စိတ်ချမ်းသာဘွယ်ရာ ဖြစ်လိမ့်ဦးမည်ဟု တွေးနေမိပြန်သည်။ ယခုကဲ့သို့ ရှင်ကွဲ့ကွဲကြရသော အဖြစ်ထက်သေကွဲ ကွဲရသောအဖြစ်မှာ ဖြေသာပေသည်။ ကျနော်သည် မတွေးချင်တော့သော ဝေနှင့်ပတ်သက်သမျှတို့ကိုသာ တွေးနေမိ၍ အမှတ်မရချင်သော ဝေနှင့် ပတ်သက်နေသည် တို့ကိုသာ အမှတ်ရနေသည်။
ဘူတာရုံတွင်နေခဲ့ရသော ဝေ့မိတ်ဆွေနှင့် အဖေါ် တဦးသည် နောက်ရက်၌ ကျနော့် အိမ်ကလေးသို့ လာ၍ လည်ပတ်သွားခဲ့သေးသည်။ အိမ်ပေါ်တွင် သူတို့၏ ဟားတိုက် ရယ်မောသံများဖြင့် အိမ်ကလေးမှာ ဂုဏ်သိက္ခာအပေါင်းကျဆင်းသွားခဲ့ရသေးသည်။ စကား ပေါ့ပေ့ါရှပ်ရှပ် ပြောဆိုသံ၊ ပေါ့ပေါ့ရှပ်ရှပ် ရယ်မောသံများသည် အ်ိမ်ထောင်ကလေး၏ သာယာချမ်းမြေ့မှုတို့ကို အစအဆုံး ဖျတ်ဆီးလိုက်သကဲ့သို့ပင်။ သို့သော်ထိုညနေက ကျနော်သည် ဟန်မပျက် ရယ်မောနိုင်ခဲ့သေးသည်။ က္ကုနြေ္ဒမပျက် စကားဝင်ပြောခဲ့သေး၏။ နေဝင်ချိန်တွင်မှ သူတို့ပြန်သွားခဲ့ကြသည်။

“တံတားကြီးဘက် သွားထိုင်ကြရအောင်ကွာ၊ ဒို့ ဟိုတုန်းက ထိုင်နေကျနေရာကို မရောက်တော့တာ ဆယ်နှစ်တောင် ကျော်သွားဘီ”

ကျနော်တို့သည် ဈေးထောင့် နာရီစင်ကြီး အောက်မှဖြတ်ကျော်ရင်းလျှောက်သွားနေသည်။ မြို့ကြီးဈေးမှာ ညအခါတွင် တိတ်ဆိတ်ငြိမ်သက်နေ၏။ လရောင်၊ ကြယ်ရောင် ဓာတ်မီးအရောင်တို့ဖြင့် ဈေးမှာလင်းနေသည်။

“ကျနော်တို့ဟိုတုန်းက ဒီမယ်လမ်းလျှောက်ခဲ့တာ အမှတ်ရတယ်”
“အဲဒီတုန်းကတော့ သိပ်လွတ်လပ်တာ ပျော်တာဘဲလေ၊ သောကဆိုတာ ဘာမှန်းကို မသိကြရသေးဘူးမှုတ်လား ကိုကို”
“ဟုတ်တယ်၊ သောကဆိုတာဘာမှန်း မသိကြရသေးဘူး”

ကျနော်သည် ဖြေးဖြေး လျှောက်နေရင်းမှ ကျနော့် အိမ်ထောင်းရေးကို၊ အိမ်ထောင်းရေး၏ ပြင်းထန်သော မုန်တိုင်းလှိုင်းဂယက်များ အကြောင်းကို ကိုခင်ထွန်းကြီးအား ပြောပြချင်နေသည်။ ရင်ထဲတင်းကျပ်ခံနေရသည်တို့ကို ထိုကဲ့သို့ ဖွင့်အန်ပစ်လိုက်ရလျှင် သက်သာ ပြေပျောက်သွားမည်ထင်သည်။
နောက်ဆုံးဝေကုန်ရောင်းမသွားမီ အိမ်၌နေခဲ့သော ငါးရက်မှာ စိတ်ကိုထိန်းချုပ်ထားရသော၊ ဟန်ဆောင်ဖုံးကွယ် ထားရသော၊ အံခဲကျိတ်မှိတ် မျိုသိပ်နေရသော ငါးရက်ပင်။
ဤငါးရက်တာအတွင်း၌ ဝေ့ကို သတ်ပစ်ရန်ပင် တည၌ကျနော်သည် ကြံစည်ခဲ့သေးလျက်၊ စိတ်ကို မနည်းပြန်၍ ပြုပြင်တည့်မတ်ယူခဲ့ရသည်။ဤငါးရက်အတွင်း၌ ပွင့်အန်တော့မည်ကဲ့သို့ အဖန်ဖန် အကြိမ်ကြိမ်ဖြစ်ခဲ့သေး၏။ သူ့ ကိုထုတ်၍ မေးလိုက်လျှင် သူကဖြေးရှင်းစရာ အကြောင်းတခုခုရှာပြပြီး လိုက်၍ ထိုဖြေရှင်းမှုကို လက်ခံယုံကြည်ပြီးအိမ်ထောင်ကလေး၏ စိတ်မချမ်းသာမှု အပေါင်းကို ရှင်းလင်းနိုင်ခဲ့လျှင်ိ မည်မျှကောင်းမည်နည်းဟူ၍လည်း တွေးမိပြန်ပါသည်။
သူကုန်ရောင်းအပြီး သွားတော့မည့်ညက ရုပ်ရှင်ရုံမှ အပြန်သီတာမြသား၏ တံတားထိပ် အကွေ့၌သူပြောခဲ့သည့် စကားကို ကျနော်သည် စိတ်ထဲတွင် ပြန်၍ သတိရပြန်သည်။

“ဝေ သမီးလေးတယောက်လောက် လိုချင်တယ် ကိုကိုရယ်၊ ဝေ့ သမီးလေးကို သိပ်သတိရတာဘဲ၊ သမီးလေးရှိရင် အခုဆို အခါလည်ဘဲနော်ကိုကို၊ အိပ်ပေါ်မယ် ဆွဲမနိုင်အောင် ဖေဖေ မေမေ ခေါ်တတ်နေမှာဘဲ” ဟု ဝေက နောက်ဆုံးစကားအဖြစ်ဖြင့် တမ်းတခဲ့သည်။

ဈေး၏တဖက်ထိပ်မှ မယ်ဒလင်တီးပြီး သီချင်းအော် ဆို၍ လူငယ်တစုသည် နာရီစင်ကြီးကို ကျော်ဖြတ်ပြီး လာနေသည်။ သူတို့၏ ပျော်ရွှင်လန်းဆန်းသော မျက်နှာများကို အဝေးမှပင် လှမ်းမြင်နေရလေသည်။

“ ဒို့တုန်းကလဲ သိမ်းဆွေကြီးက ဘာဂျာ မှုတ်ပြီး ဒီင်္လိုလျှောက်ခဲ့တာဘဲ” ဟု ကိုခင်ထွန်းက ပြောပြီး တခုခုကိုသတိရသွားသလို ရယ်လိုက်လေသည်။

ကျနော်ကမူ ဤဈေးသို့ မြို့ကြီးတွင် ဝေနှင့်ဆယ့်ငါးရက်လာလည်နေစဉ်က နေ့တိုင်း လာခဲ့သည်ကို အမှတ်ရ၊ ဝေ့ကို စက်ဘီးတိုးမိပြီး ဝေက ခလေးကလေး တယောက် ကဲ့သို့ပင် ငိုခဲ့သည်တို့ကို သတိရနေတော့သည်။ ဝေ့ ကို ချော့မော့၍ပင်မရဘဲ ရယ်ရအခက် စိတ်ဆိုးရအခက် ဖြစ်နေခဲ့သည်။ ထိုအခါကမူ ဝေသည် စပါးသယ် အလုပ်သမလေး မခင်ဝေသာ ဖြစ်သည်။ ဤလမ်းမကြီး ပေါ်၌ ဝေ၏ ကလေးဆံစွာ ငိုသံမှာ လူရယ်စရာ ဖြစ်ခဲ့သည်။ ယခုမူထိုအဖြစ်အပျက် အပေါင်းမှာ မက်ခဲ့ပြီးသော အိမ်မက်ဟောင်းကလေး တခုမျှသာ ဖြစ်နေတော့သည်။

“မနေ့က ကြီးကြီးကပြောတယ်၊ မင်းရာထူးကျတာကြီးကြီးတို့ ဘာမှမသိရဘူးဆိုပါလားကိုကို၊ မင်းဟေမန် လိုက်နေတယ်ဆို၊ ကိုယ်လဲ ဘာမှကိုမသိရတော့ဘူး၊ နောက်မှ သိမ်းဆွေကြီးစာလှမ်းရေးလို့သိရတာ၊ သိမ်းဆွေကြီးကို သတိ ရတယ်ကွာ၊ ဒီကောင်ကြီး ဘာဂျာသံကိုသတိရတယ်၊ ဒို့တုန်းကလဲ ဒီအချိန်လမ်းတာနှံ့ အောင် ပတ်နေကြတာဘဲ၊ ကိုယ်မိုးအလင်း လဖက်ရည်ဆိုင်ဖက်သွားချင်တာက ဟိုတုန်းကလို ပျော်ပျော်ရွှင်ရွှင်စိတ်ဆန္ဒများ ပြန်ပေါ်လာမလားလို့၊ ဒို့ခလေးတုန်းက မုဆိုးဖိုကြီုးဆိုလို့ဘယ်လိုသတ္တဝါကြီးလဲလို့ ချောင်းကြည့်ခဲ့ကြတာမင်းသတိရသေးလား၊ အခုတော့မုဆိုးဖိုကြီးဆိုတာ ဇာတ်ထဲက မင်းသားတွေကိုင်တဲ့ လေးကိုင်းလိုလို လူလိုလိုဟာဘဲလို့ ကိုယ်တော့သိလာတယ်”

သူသည် ဈေးလမ်း၏ မီးရောင်ကြောင့် ကတ္တရာ အခင်းပေါ်၌ ကျနေသည့် သူ့အရိပ် အရပ်ရှည်ရှည် ခါးကွေးကွေးကို ပြန်လှည့်ကြည့်လေသည်။

“ ဟုတ်တယ် မပြောခဲ့ဘူး၊ အမေတို့ စိတ်ဆင်းရဲမှာစိုးလို့၊ လုံးလုံး မတတ်သာ တော့မှဘဲ အသိ ပေးတော့မယ် လို့ဘဲ ကိုခင်ထွန်း”
“မဟုတ်ပါဘူး မောင်ရင့်ဝေက မောင်ရင့် မိဖတွေဆီ လိုက်မနေချင်ပါဘူးလို့ ငိုပြီးပြောလို့ မှုတ်လားကွာ၊ မင်းဟေမန်မယ် ဘူးသီးအကြော် မြစ်ဆိပ်မှာ ရောင်းခဲ့သေးတယ်ဆို”
“ဟုတ်ပါတယ်၊ ကျနော် ဟေမန်မယ် အတော်ကြာအောင် နေခဲ့ရသေးတယ်၊ ဟိုမယ် သမီးလေးတယောက်တောင်မှရသေးတယ်၊ ဒါပေမယ့် အဖတ်မတင်ရှာဘူးဗျာ”
“တော်ကွာ စိတ်မချမ်းသာစရာကို မပြောနဲ့၊ စိတ်ချမ်းသာရမယ့် စကားမျိုးဘဲ ကိုယ်တော့ကြားချင်တယ်၊ ဒီနေ့ည ဒို့နှစ်ယောက် ပြန်ဆုံကြတဲ့ညမှာ အလဲအကွဲ မူးပစ်လိုက် ပျော်ပစ်လိုက်ချင်တယ်၊ ဒါပေမယ့် စိတ်မချမ်းသာစရာ စကားကတော့ တနည်းမဟုတ်တနည်းပြောလာမိကြမှာဘဲထင်တယ်၊ ဒို့က ဟိုတုန်းက ဒို့နဲ့ သိပ်သိသိသာသာ ကွာနေပြီကို ကိုကို၊ စိတ်မချမ်းသာစရာကို ရှောင်လို့တော့ ရမှာမဟုတ်ဖူးထင်တယ်”
“ရှောင်လို့ မရနိုင်ဘူးဟုတ်လား ကိုခင်ထွန်း”
“ ဟုတ်တယ်”
“ဟုတ်တယ် ကိုခင်ထွန်းကြီး၊ ရှောင်လို့မရဘူး၊ဘာပြုလို့လဲဆိုတော့ ကျနော်အခုတောင် ခင်ဗျားကို စိတ်မချမ်းသာစရာစကားပြောတော့မလို့ စဉ်းစားနေဘီ။ ဒါပေမယ့် ကျနော့် ပါးစပ်ကလဲဖွင့်မပြောချင်ဘူး၊ ခင်ဗျားက ကျနော်တို့ အထဲမယ်အသက် အကြီးဆုံးဆိုတော့ ကျနော်တို့ အမြဲတမ်း ပုဏားတိုင်လုပ်ခဲ့ကြတာ အမှတ်ရတယ်”
“အေးပါလေ ဒါပေမယ့် မင်းပြောတော့မယ့် စကားကိုသိပြီးသလောက်ဘဲ၊ မင်းကိုယ်နဲ့နှစ်ယောက်ထဲ ပြောချင်တဲ့ စကား၊ သိပ်လျှို့ဝှက်ရမယ့် စကားမျိုးမှုတ်လား၊ တံတားပေါ်မယ် သွားထိုင်ပြီးမှ အေးအေးဆေးဆေး ပြောကြတာပေါ့ကွယ်၊ လလဲသာပါတယ်”

မြစ်ကူးတံတားကြီးကို လရောင်အောက်တွင်လှမ်း၍ မြင်ရလေသည်။ တံတားကြီးဘက်အတက်ကို တက်နေစဉ်၌ မြစ်ရေလှိုင်းသံသဲ့သဲ့ ကိုကြားရစ ပြုလာသည်။ တံတားကြီးသည် လရောင်မှုန်မှုန်အောက်တွင် အေးငြိမ်းငြိမ်သက်နေသည်။
ကျနော်တို့သည် တန်းတားကြီး၏ လက်ရန်းများ ပေါ်တွင်ဟိုစဉ်ကထိုင်ကြသည့်အတိုင်းပင် မြစ်ရေကို မျက်နှာပြု၍ ထိုင်လိုက်ကြလေသည်။
ရေသားပြင်၏လှိုင်းတွန့်ကလေးများသည် လရောင် အောက်တွင် နေရာမှမရွေ့ မလျှား ငြိမ်သက်နေသည်ဟု ထင်မှတ်ရသည်။မြစ်ရေပြင်ထက်တွင် ဆောင်းကြွင်းဆောင်းကျန် နှင်းများ ဆိုင်းနေသည်မှာ ကြေကွဲဘွယ်ရာတခုကို ပြန်လည်သတိရ နေသည်နှင့်တူနေသည်။ဤညင်သာစွာ စီးဆင်းနေသော မြစ်ရေ အတိုင်း မျှောလိုက်သွားလျှင် ဤမြစ်ကွေ့ တနေရာရှိ ဟေမန်၏ သဲသောင်စ သို့ ရောက်သွားလိမ့်မည်။ ဤမြစ်ရေတို့သည် ကျနော်တို့အကြော်တဲဟောင်းကလေးရှိသည့် သဲသောင်ပြင် နံဘေးသို့ ရောက်သွားလိမ့်မည်။
တခုခု အမှတ်ရလိုက်လျှင် ဝေနှင့်သာ ပတ်သက်နေတော့သည်။ နေရာတကာ၌ ဝေ့ အသံနှင့် မကင်းလွတ်။ ဝေ့ မျက်နှာပေါ်မှ တောက်ပသောအပြုံးနှင့် ကင်းဝေးမည့် နေရာကားမရှိနိုင်။
ဝေကား ယခုနောက်ဆုံး အခေါက် ကုန်ရောင်းကုန်ဝယ်ထွက်သွားခဲ့သည်မှာ ဆယ်ရက်မျှရှိနေပါပြီ။ ဝေသည် သာယာသော အသိုက်အမြုံ၏ အပြင်ဘက်သို့လွတ်လပ်စွာ ပျံသန်းသွားနေပါသည်။ ခုအချိန်၌ ဒိဗ္ဗစက္ခုဖြင့် ဝေဘယ်ဆီတွင် နေသည်၊ ဘာလုပ်နေသည်ကို လှမ်း၍ကြည့်ချင်ပါသည်။
အမေ့ အိမ်တွင် လာနေသည့် ဆယ့်ငါးရက်တာ အချိန်အတွင်း တညနေ၌ ဝေနှင့် ကျနော်သည် ဤတံတာုးကြီးပေါ်သို့ လာ၍ ထိုင်ခဲ့ကြဘူးလေသည်။ ထိုအခါက မြစ်ရေပြင်ပေါ်တွင် ထင်နေသော ညနေဆည်းဆာသည် ဝေ့မျက်နှာလိုပင် လှပနေ၍ ဝေ့ မျက်နှာသည်လည်း ဤမြစ်ပြင်ထက်ဝယ် ထင်ဟပ်နေသော ညနေဆည်းဆာကဲ့သို့ပင် လှနေသည်။ ဝေက “ကို ကိုတို့ အမေနဲ့ခင်ဝေ မနေနိုင်တော့ဘူး၊စိတ်ညစ်လှပါဘီ၊ ပြန်ပါရစေတော့” ဟု ငိုယိုခမန်းပြောခဲ့၍ ထိုစဉ်ကဝေ့ မျက်နှာကလေးမှာ ငိုလိုက်တော့မည့်အတုိုင်း ညှိုးလျော်နေသည်။

“ကဲ ကိုကို မင်းပြောချင်တာ ခင်ဝေ့ အကြောင်းဘဲထင်တယ်၊ ဟုတ်လား” ဟု ကိုခင်ထွန်းက မေးနေသည်။
“ ဟုတ်ပါတယ်”
“ဘယ်လိုလဲ ပြောလေ ဘာလဲ”
“ ကျနော် မြို့သစ်ကလေးမယ် နေတုန်းက ခင်ဗျားစာတို ကလေးတစောင် ရေးလိုက်တာ အမှတ်ရသေးသလား၊ အဲဒါ ကျနော် ခင်ဗျားကို တောင်းပန်မလို့၊ ထားပါတော့လေ၊ အခုပြီးခဲ့တဲ့ အရက်နှစ်ဆယ်လောက်က သိမ်းဆွေကြီးဆီက စာတစောင်ရတာကိုလဲ ခင်ဗျားကို ပြောမလို့”
“ကိုယ်ပေးတဲ့ စာနဲ့ပတ်သက်လို့တော့ ကိုယ်က ဘယ်တေ့ာမှ မမေ့ဘူး ကိုကို၊ ဟိုတုန်းကတဲက တနေ့ကျရင် မင်းနားလည်လာပါလိမ့်မယ်လို့ ကိုယ်တော့ တွေးထား တွက်ထားပြီးသားဘဲ၊ မင်းက ကောင်မလေးကို တကယ်ချစ်တာဆိုတာလဲ ကိုယ်တို့ သိတယ်၊ ဒါကြောင့် မင်းတို့အိမ်ထောင်ရေးကို ဘယ်နည်းဘယ်ပုံ ထိန်းသိမ်းသင့်တယ်လို့ ကိုယ်ရေးတာ၊ ဟိုတုန်းက အခြေအနေကတော့ အခြေအနေဟာ ကြည့်မကောင်းတာ ကလေးဘဲရှိသေးတာဘဲ ကိုကို၊ အဲဒီတုန်းက ကိုယ်မရေးမိတာ တခုက မင့်ဝေကို သူ့ အမေနဲ့ အတူတူ မထားမိဖို့၊ သူ့ အမေဆီက အတုမြင်လို့ အတတ်သင်သွားမှာကို သတိမပေးမိတာဘဲ၊ ဒါပေမယ့် အဲဒီ သတိပေးစကားမျိုးဟိုတုန်းက ကိုယ်ပြောခဲ့မိ ဘူးတယ်တော့ထင်တယ်၊ တခါတရံ ကျတော့ ကြိုတင်ပြင်ဆင် ကာကွယ်မူဟာ ပေါ့ပေါ့ဆဆကလေး ရယ်စရာ မောစရာကလေးလောက် ထင်တတ်တာ သိပ်ဆိုးတယ်၊ ကိုယ် အဲဒီ သတိပေးစကားကို ပြောတုန်းက ပေါ့ပေါ့ဆဆ ရယ်စရာ မောစရာကလေးလောက်ထားပြီး ပြောမိတယ်ထင်တယ်၊ မင်းဝေကို ခိုးတဲ့ ညကလဲ မှတ်မိသေးလား၊ အမှန်ပြောရရင် ဒီစာမျိုးတစောင် ရေးရတာဟာ လူသတ်မှုတမှုလောက်ကို ဆင်ခြင်နှိုင်းစာပြီးမှ ရေးရတယ် ကိုကို၊ ဒို့ ကနှစ်ကိုယ့်တစိတ်လို နေလာခဲ့ကြတဲ့ ကျောင်းနေဖက် သူငယ်ချင်းတွေမို့လဲ ကိုယ် အဲဒီလောက် ရေးဝံ့တာဘဲ၊ ဒါတောင်မှ အထပ်ထပ် အပြန်ပြန်အလှန်လှန် တွေးဆခဲ့ရတယ်၊အေး သိမ်းဆွေကြီး စာအကြောင်း မင်း ကိုယ့်ကို ပြောတော့မလို့လား၊ သူလဲ ဒီလိုဘဲ၊ မင်းဆီ သူပို့ လိုက်တဲ့ စာကို ကော်ပီကိုယ့်ဆီ ပို့လိုက်တယ်၊ ရှင်းလင်းချက် တခုလဲ ရေးလုိုက်သေးတယ်၊ အဲဒီ စာအကြောင်းနဲ့ ပတ်သက်ရင် မင်းထက် ကိုယ်က ပိုသိတယ်”
“ကျနော် ဘာလုပ်သင့်သလဲ ကိုခင်ထွန်း”
“ပြောဘို့ခက်သားဘဲကွာ၊ ဘာပြုလို့လဲဆိုတော့ မင်းဟာငါ မဟုတ်လို့၊ ပြီးတော့ မင်းဝေကို ချစ်တာနဲ့ ကိုယ်မရွှေကို ချစ်တာနဲ့ တူတာမှမှုတ်ဘဲ ”
“ကျနော် ဆုံးဖြတ်ဖို့တော့ တခုထဲဘဲ ရှိတယ်ထင်တယ်၊ ကျနော် သူ့ကိုစွန့်ပစ်လိုက်ရမှာဘဲ၊ ဒါဘဲမှုတ်လား၊ အမှန်ပြောရရင် ကျနော် သူ့ကို စွန့်ပစ်လိုက်ရမယ်လို့ ဆုံးဖြတ်နေတယ်၊ ဒါပေမယ့် ကျနော်အားနဲနေသလိုဘဲ၊ ခင်ဗျားကစွန့်ပစ်သင့်တယ်လို့ ထင်တယ်လို့ တခွန်းပြောလိုက်ရင် ကျနော် တိတိကျကျ ဆုံးဖြတ်ပြီးသားဖြစ်မှာဘဲ ”
“ ကိုယ်တို့ ဒီစကားမျိုး မပြောရဘူးဆိုရင် သိပ်ကောင်းမှာဘဲ ”

သူ၏ ညည်းညူနေသံသည် မြစ်ရေများ တံတားတိုင်ကို တိုးဝှေ့ နေသံများထဲ၌ ရောနှောပျောက်ကွယ်နေသည်။ ထိုအချိန်၌ ကျနော်သည် ဝေ့ကိုစွန့်ပယ်ပစ်ရမည်ဟု ဆုံးဖြတ်ချက်ကို ခိုင်ခိုင်မာမာ ချနေသည်။

“ ဟုတ်တယ် ဒါဘဲရှိတယ်၊ ကျနော် သူ့ကို စွန့်ပစ်မယ်ဗျာ၊ သူနဲ့ မျက်နှာချင်းကို ပြန်မဆိုင်တော့ဘူး၊ ဒီကရောက်ပြီးရင် လုပ်စရာရှိတာ အကုန်လုပ်ပစ်မယ်။ ဒီနေ့ ညတွင်းချင်းဘဲ ပြန်မယ်”
“ မင်း သေသေချာချာ စဉ်းစားပြီးပလားကိုကို”
“ ဟုတ်တယ်၊ စဉ်းစားပြီးပြီ”
“ ဒါပေမယ့် သံယောဇဉ်ဆိုတာ ခက်သားဘဲ”
“ ဒါတော့ ဘယ်တတ်နိုင်မှာလဲ ကျနော့်မှာလဲ ကျနော့် မာနကတော့ ရှိရအုံးမှာဘဲပေါ့ ကိုခင်ထွန်း”

ကိုခင်ထွန်းသည် ကျနော့် ပခုံးပေါ်သို့လက်တဖက်ကို တင်လိုက်လေသည်။ ထို့နောက် ကျနော့် မျက်နှာကို ငုံ့ကြည့်နေသည်။

“ကိုယ် ဒီနေ့ ညရထားနဲ့ ဘဲ ပြန်မယ်၊ အချိန်တောင် သိပ်မရတော့ဘူးထင်တယ်၊ မင်းကို ပြောစရာရှိတာ ပြောပစ်ခဲ့မှာဘဲ။ အရင် ငါးရက်က မင့်ဝေ ကို တွေ့ခဲ့ရတယ်ကိုကို၊ အဲဒါကို ပြောမလို့ဘဲ” ဟု သူသည် ပြောနေ၏။

ကျနော် မြို့သစ်ကလေးသို့ ပြောင်းပြီး မကြာမီသူသည်လည်း သထုံသို့ပြောင်းရွှေ့  သွားရလေသည်။ သထုံ၌ မရွှေ ကွယ်လွန်ခဲ့ပြီး၊ လွန်ခဲ့သော နှစ်လကမှ သူသည် ပြန်၍ ပြောင်းရွှေ့ လာရသည်။ လွန်ခဲ့သော ငါးရက်ကမူ သူသည် ပွဲဈေးတန်းမှသံလမ်းတလျှောက် ဖြတ်သန်းပြီး သူ့အိမ်ဖက်သို့ လျှောက်လာခဲ့လေသည်။
သူသည် ဝေ့ကိုတခါမျှ ပြန်မတွေ့ဘူးသေး၊ ဝေရောက်နေသည်ဟူ၍လည်း မကြားမိသေး။ ထိုညကမူ သံလမ်းနှင့်ယှဉ်လျက်လမ်းမှ လရောင်ရိပ်ရိပ်တွင် ဝေနှင့်အတူ လူတယောက်ကပွဲခင်းဘက်မှ လျှောက်လာကြသည်ကို တွေ့ရ လေတော့သည်။ ညနှစ်နာရီအချိန်။ သူတို့နှစ်ဦးသည် တဦးနှင့်တဦး ကိုယ်ချင်းပူးကပ်လျက် လမ်း၏ အမှောင်ရိပ်ဘက်မှ ကပ်ပြီး လျှောက်လာသည်။ အမျိုးသားမှာ လော်ရီကားပိုင်ရှင်တဦး ဖြစ်၍ ကားသမားသည် ဝေ့ အမေအိမ်တွင် သုံးရက် သုံးညမျှ တည်းခိုသွားခဲ့၏။ ဝေ့ အမေနှင့် ဆွေမျိုး စပ်ဟပ် တော်သည်ဟု ဘေးပတ်ဝန်းကျင်၌ အကြောင်းပြချက်ပြုထားသည်။
ကိုခင်ထွန်းသည် ထိုစကားများကို အလွန်အေးအေး ငြိမ်သက်စွာ တလုံးချင်းပြောနေသည်။ဤအဖြစ်အပျက် အပေါင်းမှာ ကျနော့် တာဝန်ချည်း ဖြစ်သည်ဟူ၍ ကိုခင်ထွန်းသည် အပြစ်တင်နေ၏။ ကျနော်က အလို လိုက်လွန်းသောကြောင့်သာ ကလေးမလေး ထိုသို့ ဖြစ်ရရှာသည်ဟု ဆို၏။ ဤအခြေအနေ ဤပတ်ဝန်းကျင်မျိုးသို့ရောက်လျှင် မည်သည့်မိန်းမမဆို ဤအတိုင်းဖြစ်ပျက်ရမည်ဆို၏။
ရင်ထဲတွင် ဒေါသ။ နာကျည်းမှုတခုမှ မဖြစ်တော့ဟု ထင်နေရပေသည်။ သို့သော် ထုံကျဉ်ခြင်းမျှသာ ဖြစ်လေသည်။ ယခုအခါ၌ ဤထက်အဆတရာဆိုးဝါးသောဝေ၏ ဖေါက်ပြန်မှုတို့ကို ပြောပြသော်လည်း ကျနော်သည် လှုပ်ရှားတော့မည် မဟုတ်။ ယခုဝေ၏ အခြေအနေကား ဖေါက်ပြန်မှုတွင် အဆုံးသို့ စွန်းနေပေပြီ။ ဤအခါတွင်ကား ဝေ့ ဘက်မှ လျှောက်လဲကာကွယ်၍ ရနိုင်တော့မည်မဟုတ်။ ထိုသို့ တွေးရသည်မှာ ဝမ်းနည်းဘွယ်ရာ ဖြစ်နေပါသည်။
“ ကျနော်တို့သွားကြရအောင် ကိုခင်ထွန်း” ဟု ကျနော်သည် အသံမှန်မှန်အေးအေး တည်တည် ငြိမ်ငြိမ်ပြောလေသည်။
ထို့နောက် သူနှင့်ကျနော်သည် သံလက်ရန်းများ ပေါ်မှဆင်းလိုက်ကြပြီး တံတားအတိုင်း လျှောက်လာခဲ့ကြလေသည်။ ည၏ လရောင်အောက်တွင် ရေလှိုင်း တဖျတ်ဖျတ် ခတ်နေသည့် မြစ်ရေပြင်မှာ စီးမြဲအတိုင်း ငြိမ်သက် က္ကုနြေ္ဒရစွာပင် စီးနေပေသည်။ ကျနော်သည် ကိုခင်ထွန်းနှင့် ယှဉ်မိအောင် လျှောက်လိုက်လေသည်။

“ ကျနော်ခင်ဗျားကို ကျေးဇူး သိပ်တင်ပါတယ် ကိုခင်ထွန်း၊ ဘာပြုလို့လဲဆိုတော့ ကျနော်မတင်မကျဖြစ်နေသမျှတွေ အားလုံးရှင်းလင်းသွားပြီ၊ ကျနော် အကုန် သိသွားပြီ၊ ဝေ ဖေါက်ပြန် ပျက်စီးနေဘီ ဆိုတာ အရင်း အတိုင်း သိသွားပြီ၊ ဒါပေမယ့် ကျနော်အခု စိတ်အေးအေး ချမ်းချမ်းငြိမ်းငြိမ်းနဲ့ တွေးနေတယ်၊ ဝေ့ ကိုစွန့်ခွာသွားဘို့ရယ် မသွားဘို့ရယ် ဒီနှစ်ခုအနက် တခုခုဘဲ ရွေးချယ်ရတော့မယ် လမ်းဆုံ ရောက်နေပြီ၊ အစောက သူ့ ကိုပစ်သွားဘို့ တွေးခဲ့ဆုံးဖြတ်ခဲ့ပေမယ့် အခုတော့ ကျနော့်စိတ်ထဲမယ် တမျိုးဖြစ်သွားပြီ၊ အခု တကယ်တမ်းခွဲကြဘို့ တွေးတော့ ကျနော် သူ့အပေါ် ဘယ်လောက်သံယောဇဉ် တွယ်တာတယ်ဆိုတာ တိုင်းတာလိုက်သလိုဘဲသိလာတယ်။
သူနဲ့ကျနော်ပေါင်းလာတာ ခုနစ်နှစ်ထဲ ရောက်နေပြီနော် ကိုခင်ထွန်း၊ ဟေမန်မယ်နေခဲ့ရတဲ့ တနှစ် ကျော်ကျော် အချိန်ကလေးကိုမမေ့ဘူး၊ ပြီးတော့ သူ့ကို ကျနော် စွန့်ပစ်သွားရင် ဒီစာရိတ္တအခြေအနေအတိုင်းဆိုရင် နောက်တဆင့် ဖာအတန်းအစားလောက်ကိုဖြစ်ဖို့ ကျန်တော့တာဘဲ၊ အဲဒီ အခြေအနေတော့ ကျနော့် ကွယ်ရာမယ် မရောက်စေချင်တော့ဘူး၊ သူ့ကို ကျနော်ပြန်ထိန်းသိမ်းမယ်ဗျာ၊ ပြန်ပြုပြင်လို့ မရနိုင်ဘူးလားလို့ ကျနော်အခုတွေးနေတယ်။ အိမ်ထောင်မှုဘုရားတည်ဆိုတာက်ို ကျနော်အခုမှသဘောပေါက်တယ်၊ နက်နက်နဲနဲ သဘောပေါက်လာတာ ကို ပြောတာ၊ ကျနော်တို့ ဘယ်လောက် မှား ယွင်းလာခဲ့ကြသလဲ”

ကိုခင်ထွန်းသည် တံတားထိပ်၌ ရပ်တန့်လိုက်လေသည်။

“ ကိုယ် ကိုယ်ချင်းစာပါတယ်၊ မရွှေဟာ သုံးခုလပ်နော်၊ နောက်ကြောင်းသိပ်ရှင်းလှတာတော့ မှုတ်ဖူး၊ ဒါပေမယ့် ကိုယ်နဲ့ အိမ်ထောင်ကျပြီး သူသေသွားတဲ့ အထိ ကမ္ဘာပေါ်မယ်ကို အကျင့်စာရိတ္တအကောင်းဆုံး မိန်းမတယောက်လို့ ကိုယ်တော့ ယူဆ လိုက်တယ်၊ ဘာပြုလို့လဲ ဆိုတော့ ဒိပြင် မိန်းမတွေလို အနည်းဆုံး စိတ်ကူးကလေးနဲ့ ဖောက်ပြန် တတ်တဲံ သဘောတောင်မှ မရွှေမယ် မရှိတော့လို့ဘဲ ဖြစ်နေတယ်၊ သံယောဇဉ်ဆိုတာ ကိုယ်လဲမင်းလိုဘဲ သိတဲ့ လူဘဲကိုကို။ အေးလူ့ ဘဝ သက်တမ်းတာ အတိုကလေး၊ လူ့ သက်တမ်း အတိုကလေးမှာ ကိုယ်စိတ် ချမ်းသာနိုင်ဘို့တခုထဲကိုဘဲ ကြည့်ပြီး ဆုံးဖြတ် လုပ်ကိုင်ရမယ်၊ မင်းဆုံးဖြတ်ချင်သလို ဆုံးဖြတ်၊ လုပ်ချင်သလို လုပ်တာသာ အမှန်ဆုံးဖြစ်မှာဘဲ၊ ဝေကိုခွဲဘို့ စွန့်ပစ်ဘို့ ဆုံးဖြတ်ရင်လဲ အမှားတွေကို အမှားတွေမှန်းသိထားပြီး စိတ်ထဲက လုံးလုံး ဖျောက်ပယ်ထားနိုင်ရမယ်၊ ဒို့မိုးအလင်းဘက်တောင် သွားချိန်မရတော့ဘူးထင်တယ်ကိုကို၊ ဘူတာဘက်လျှောက်ရအောင်၊ ရထားချိန်နီးလာဘီထင်တယ်”

ထို့နောက် ကျနော်တို့သည် ဤတံတားကြီးဘက်မှ ငြိမ်သက်စွာ၊ ဖြေးလေးစွာ လျှောက်လာကြ လေသည်။ ဘူတာရုံဘက်သွားသည့် လမ်းတို့မှာ ဟိုစဉ်ကကဲ့သို့ မဟုတ်တော့ဘဲ မမှတ်မိနိုင်တော့လောက်အောင်ပင် ပြောင်းလဲနေကြ လေပြီ။ကျုံးဟောင်းကို ဖြတ်ကျော်ပြီးမှ မြို့ကြီး၏ မီးရောင်ထိန်ထ်ိန်နီနေသည့် ဘူတာရုံကို လှမ်းမြင်ရ လေသည်။ မြေပြင်မှ မီးရောင်များသည် အေးငြိမ်းသော ကောင်းကင် အဇဋာ နက်ပြာထဲသို့ ထွင်းဖေါက် တိုးဝင် သွားရန် ကြိုးပမ်း နေကြသည်။

November 20, 2009

နွေတည



အခန်း(၁၅)မှ အဆက်ဖြစ်ပါတယ်…

ညနေပိုင်း၌ ဝေနှင့်ကျနော်သည် ဘူတာရုံသို့ ကုန်ယူရန်အတူအကွ ထွက်လာခဲ့ကြပြန်သည်။

“အမေလည်း ဆေးလိပ်ခုံ ထောင်တော့မယ် ကိုကို၊ ဆေးလိပ်တံဆိပ်တောင် ရိုက်ပီးကုန်ဘီ၊ ဒို့မြိုင်ကြီးကို ပြောင်းလာရတာဟန်ကျတာဘဲနော်၊ အခုကုန်တခေါက်ကို မကျန်ဘူးဆိုရင် လေးရာကျော်ကျော် အသာလေးကျန်တယ်၊ အမေ့ အိမ်ဆောက်နေတာလဲ အကြမ်းထည်တောင်ပီးနေဘီ၊ ကိုက်ို လ်ိုက်ကြည့်ဖို့ကောင်းတယ်၊ ကိုကိုအလုပ်က ရာထူးကျသွားတာတောင် ကုသိုလ်ကံ အကျိုးပေးကောင်းလာတယ်လို့ ဆိုမလားဘဲ”


ဝေသည် ဘူတာရုံဘက်သွားရာ၊ ဤတောင်ကုန်း အကွေ့စပယ်ခြံလမ်း၌ မြင်းလှည်း လိမ့်တက်နေစဉ်တွင်း ရယ်မောသံတဝက်ဖြင့် စကားပြောနေသည်။ကျနော်သည်လည်း မျက်နှာကို အတွင်းဘက်သို့ပြန် လှည့်လိုက်လေသည်။ ထို့နောက် ဝေ၏ မျက်နှာကလေးနှင့် မျက်နှာချင်း ဆိုင်သွားလေသည်။ မြင်းလှည်းလှုပ်သောအခါ သူ့ခေါင်းမှ ဆံပင်အုံမှာ ရေလှိုင်းအိသို့  လှုပ်ခါသွားနေလျက်၊ လည်ပင်းမှ ပတ္တမြားသွေး ကျောက်ဘယက်အနီသည် ယိမ်းခါနေလျက် ပါးချိုင့်နှစ်ဖက် အထက်၌နီလာရောင် ကျောက်ပြာလဲ့လဲ့နားဆွဲသည် ယိမ်းထိုးနေသည်။ ပြောင်လက်သောသူ့ထမီမှာ တင်းကျပ်နေသဖြင့် ဝေ၏တပ်မက်ဖွယ်ရာ ကိုယ်လုံးအလှမှာလည်း ပေါ်လွင်လာသည်၊ မိတ်ကပ်ကြောင့် နီနေကာ ဖောင်းအိနေသော ပါးပြင်နှစ်ဖက်၊ ပွင့်ဖူးနေသော နှုတ်ခမ်း၊ ဝေသည်စကားပြောရင်း ခေါင်းတဖက်ကို ကိုယ်ဟန်ပြသနေသလို မသိမသာ ကလေးမျှသာ ယ်ိမ်းငဲ့ထားသည်။ ဤအသစ်အဆန်း အမွမ်းအမံတို့သည် ဝေ့ပင်ကိုယ် အလှနှင့် ပေါင်းစပ်ရှက်ဖြာသွားနေသည်။

“ဒါနဲ့ အသွားတုန်းက ကိုသိမ်းဆွေကြီးဆီတောင် ဝင်တွေ့လာခဲ့သေးတယ်ကိုကို၊ သူ့ ဆီမယ် ကုန်ဈေးနှုန်းတန်ဆာခ တွက်ကြည့်ရသေးတယ်။ ကိုသိမ်းေ ဆွကြီးလဲ အလုပ် သိပ်များနေတာဘဲ၊ ကိုကို့ကိုတောင် အပြစ်တင်နေသေးတယ်၊ ဒီကောင်ကြီး သိပ်ရိုင်းတာဘဲ၊ စာတစောင်မှတောင် မရေးဘူးတဲ့ ဝေ့ကိုတောင် အဖော်ပါလား၊ ဘာလား၊ ညာလားနဲ့ စစ်ဆေးမေးမြန်းလားလုပ်နေသေးတယ်၊ တယောက်ထဲ ဘယ်တော့မှ မသွားနဲ့လို့ ဆုံးမလွှတ်လိုက်သေးတယ်၊ သူကိုကို့ဆီ စာရေးအုံး မလို့ဆိုလားဘဲ ပြောသေးတယ်”

“အလကား အကောင်ပါဝေရာ၊ သူကမှ စာမရေးတာ၊ စာရေးဘို့ သိပ်ပျင်းတဲ့ လူစားမျိုး၊ သိမ်းဆွေကြီးဆီတော့တခေါက်လောက် သွားလယ်ရအုံးမယ်၊ ဒီတခါများ ကြုံကြို့က်လို့ တွေ့ရင်ပြောလိုက်ပါအုံးဝေ၊ ကိုကို လာလယ်မယ်လို့ မှာလိုက်တယ်လို့လေ”

ဘူတာရုံသည် မြို့၏ အစွန်ဘက် ကျလွန်းနေ၏။ ကားလမ်းသည် တောင်ကုန်းကို ကွေ့ဆင်းသွားလျက် မြင်းလှည်းမှာ မြန်လာနေပြန်သည်။ ဝေ အနေအထိုင် မတတ်သောကြောင့် သိမ်းဆွေကြီး အထင်မှားနေခြင်းမျှသာ ဖြစ်ပါစေတော့ဟု ကျနော့် စ်ိတ်နှလုံးများက ဆုတောင်းနေသည်။ သို့မဟုတ် သိမ်းဆွေကြီးနောက်ပြောင်ကျီစယ်ခြင်းမျှသာ ဖြစ်လျှင် မည်မျှ စိတ်ချမ်းမြေ့ဘွယ် ကောင်းပါ့မလဲဝေ။ ဤအဖြစ်အပျက်တို့မှာ ဝတ္တုတပုဒ်၏ လှည့်ကွက်တခုမျှသာ ဖြစ်နေလျှင် မည်မျှပျော်ရွှင်ဘွယ်ကောင်းလိုက်ပါမည်နည်း။
စင်စစ်မှာမူ ဝေ၏ ပြောင်းလွဲလာမှုတို့ကား ဟိုစဉ်ကနှင့် နှိုင်းယှဉ်ကြည့်လေလျှင် မယုံကြည်နိုင်ဘွယ်ရာ ဖြစ်နေသည်။ အစစ အရာရာကား ကပြောင်းကပြန်ပြောင်းလဲ ခဲ့လေပြီ။ နောက်ကို ပြန်ဆုပ်၍မရအောင် ကုန်လွန်ခဲ့ပြီးပြီ။ ဝေက သူ့ကိုယ်သူ“ခင်ဝေ”ဟုသုံးနေရာမှ ဘယ်အချိန်တွင်“ဝေ”ဟုပြောင်းလဲသုံးနှုန်းလိုက်သည်ကိုပင် မသိနိုင်တော့။

“အခု ငါးပိနဲ့ ငါးခြောက်ပါတာ နှစ်ရာ့ကိုးဆယ် ဆိုတော့ ဝေ ဒီဈေးမယ် ခြောက်ရက်လောက်တော့ ရောင်းရမှာဘဲ ထင်တယ်”
“ဖောက်သည် တဝက်ပေးမယ်လို့တောင် စိတ်ကူးနေတယ် ကိုကို”
“ဒါပေမယ့် ရောက်တဲ့ပေါက်တဲ့ အခါကျတော့ သုံးလေးရက် ဖြင့်နေသွားပါအုံး ဝေရယ်၊ တခါတရံမှ ရောက်ရတာ မှုတ်ဖူးလား”
“မစနဲ့နော် ကိုကို”
“မစပါဘူး၊ ကို အမှန်တကယ် ပြောနေတာပါ”

ဝေသည် ကိုယ်ကို ခပ်ကြော့ကြော့ လှန်လိုက်ပြီးမြင်းလှည်းနောက်မှီအပေါ်၌ အရုပ်ကလေးတခုလို မှီလိုက်ပြန်သည်။ ဘူတာရုံနောက်ဖက် မြင်းလှည်းဆိပ်တွင် မြင်းလှည်း ရပ်သောအခါ ဝေသည် မြင်းလှည်းပေါ်မှ ကနွဲ့ကရ ဆင်းသက်လေသည်။

“ဒီက ခဏကလေးစောင့်အုံးနော်၊ ကုန်တင်မလို့”

ဝေသည် ဘူတာရုံဘက်သို့ ကျနော့် ရှေ့မှ လျှောက်သွားသည်။
ကုန်ရွေးပြီး စင်္ကြံအတိုင်း ပြန်လျှောက် လာသောအခါ “ဒီနေ့ ဘိုင်စကုပ် ကြည့်ရအောင်နော်” ဟု ဝေက ပြောသည်။
ဝေသည် ကျနော့် နံဘေးမှ ယှဉ်လိုက်လာ၏။လက်ကိုင်အိတ်ကို လွှဲပြီး ဝေ လမ်းလျှောက်လာပုံမှာ ကြွရွသော ဒေါင်းမလေးတကောင်ကဲ့သို့ အလှများ ဝေနေသော ဟန်ဖြစ်သည်။
ဟေမန်မှ ထွက်လာစဉ် သူနှင့် ကျနော် ဘူတာရုံ စင်္ကြံ၌ လမ်းအတူ လျှောက်ခဲ့သည်ကိုလည်း သတိရနေသည်။ ထိုအခါက ဝေ့မျက်နှာကလေးမှာ သမီးလေးစိတ်ဖြင့် ရီဝေ နေသည်။ ကျနော့် နောက်မှ ခေါင်းငုံ့ကာ လိုက်လာခဲ့ပါသည်။
သူ့ ကို ခိုးပြေးစဉ်ကလည်း သူနှင့် ကျနော် မိုးဖွဲ့ကလေးများ ကျနေသည့် ဘောလုံးကွင်းဟောင်း ကြီးအလယ်မှ မှောင်ထဲဝယ် စမ်းလျှောက်ခဲ့ဘူးသည်။ ထိုအခါက စပါးသယ် အလုပ်သမလေး မခင်ဝေ၏ ခြေထောက်၌ ဂျပန်ဖိနပ် အဟောင်းကလေးမျှသာ စီးထားခဲ့သည်။ မခင်ဝေ၏ လမ်းလျှောက်ဟန်မှာ ခေါင်းတဆစ်ချိုး ငုံ့ထားခဲ့သည်။

“ငပိက အနည်းဆုံးတော့ လေးကျပ်ခွဲတော့ ရောင်းရမှာဘဲ ကိုကိုရဲ့၊ ဒီအတိုင်းဆိုရင် ကိုကို့လစာကို သုံးရက်နဲ့မှီတယ်နော်၊ ကိုကို အလုပ်က ထွက်လိုက်ပါလားဟင်”

မှောင်လာသဖြင့် ပလက်ဖောင်း မီးများ ပွင့်လာသည်။ ကျနော်သည် ဝေ့မျက်နှာကို မီးရောင်အောက်၌ ဖျတ်ကနဲလှမ်းကြည့်လိုက်လေသည်။
ဤအစဉ်းစားအဆင့်ခြင်မဲ့ သော၊ ပလွှားလွန်းသော စကားအပြောတခုကြောင့် ပဋိပက္ခမှာ အချိန်မကျမီ ပေါက်ကွဲသွားတော့မည်ထင်သည်။ လင်သား၏ အလုပ်အကိုင်ကိုပင် ဝေသည် အထင်သေးသွားလေပြီ။ ကျနော်သည်ဝမ်းနည်းစွာ နာကျည်းသွား၏။ သို့သော် ယခုအခါ၌ ထိုစိတ်ထားမှာ အသေးအဖွဲ့ကလေး ၊ အသေးအဖွဲ ရက်စက် စော်ကားမှုကလေး မျှသာဖြစ်နေသည်။ ထိုထက် အဆပေါင်းများစွာ ဆိုးဝါးရက်စက်မှုများကိုပင် မိမိသည် မျိုသိပ် ကျိတ်မှိတ် ထားနိုင်သေးသည်ဟု ဆင်ခြင်လိုက်သည်။

“ကောင်းသားဘဲ၊ ကောင်းပါတယ်”ဟု ကျနော်က တိုးတိုးပြောလျက် ရယ်စရာမဟုတ်ဘဲ မရယ်ချင်ဘဲနှင့် ရယ်လိုက်သည်။
“ကောင်းတာပေါ့ဝေ၊ ဘာပြုလို့လဲ ဆိုတော့၊ မင်းက ကုန်သည်ဖြစ်မှ ကိုယ်လဲ လိုက်ဖြစ်ရတော့မှာပေါ့”
“ဝေ အကောင်းပြောတာကိုကို”
“ကိုလဲ အကောင်းပြောတာပါဘဲ”
“မဟုတ်ပါဘူး၊ ကိုကို လှောင်တာဘဲ”
“အခုတလောဝေကိုယ့် ကို အပြစ်တွေချည့်ဘဲ မြင်နေတယ်ထင်တယ်၊ ကိုရယ်မိတာလဲ အပြစ် ဖြစ်နေသေးသလား”

ထိုအခိုက်တွင် ဘူတာရုံ၏ စားသောက်ဆိုင် အရှေ့ဘက်သို့ အသားဖြူဖြူ၊ အရပ်မြင့်မြင့်၊ ကိုယ်ဟန် တောင့်တောင့်တင်းတင်းလက်မှတ်စစ် တဦး လျှောက်လာသည်။ သူ လျှောက်လာပုံမှာ တင်းတင်းရင်းရင်း ရှိပြီး ရင်ဘတ်ပေါ်မှ လည်စည်း အစိမ်းစသည် ယမ်းနေ၏။ သူသည် ကျနော် ရယ်မောနေစဉ်၌ဆိုင်ရှေ့မီးရောင်အောက်တွင် အဝေးကြီးမှ နေပြီး ဝေ့ကို လှမ်းပြုံးကြည့်နေသည်။
ထို့နောက် ကျနော်တို့နှင့် မျက်နှာချင်းဆိုင်တွင် သူသည် ကိုယ်ဟန်ကို တောင့်တောင့်ထား၍ ရပ်လိုက်လျက် “မခင်ခင်ဝေ”ဟု ခေါ်လိုက်၊ နှုတ်ဆက်လိုက်လေတော့သည်။

မခင်ခင်ဝေ မခင်ခင်ဝေ၊ မခင်ခင်ဝေ…

ဝေ၏ ထိုနာမည်သစ်ကို ကျနော်မသိရှိခဲ့ရသေး။ မည်သည့်အခါက၊ မည်သည့်အချိန်က မည်သည့်နေရာတွင် မည်သူခေါ်ရန် ပြောင်းလဲလိုက်သည့် သီးသန့် နာမည်ပါနည်း။ ကျနော်တို့သည် ရပ်တန့်နေကြ၏။ ထိုနာမည်သစ်ကြောင့် ကျနော်သည် ခဏမျှ ကြောင်ငေးပြီးမှ စိတ်လှုပ်ရှား သွားပြန်လေသည်။ သို့သော်ချက်ခြင်းပင်ကျနော်သည်လှုပ်ရှားသောစိတ်တို့ကို အသာအယာငြိမ်းပစ်လိုက်၏။ စပါးသယ် အလုပ်ကြမ်းသမလေး မခင်ဝေ၏ ယခု နောက်ဆုံး နာမည်မှာ မခင်ခင်ဝေ ဖြစ်ေ်နသည်။
ဝေ့ မျက်နှာ လျှပ်တပြတ်မျှ ဖျတ်ကနဲ နီရဲသွားလေသည်။ ဝေ့ မျက်နှာပေါ်မှ လျှပ်တပြက် ဖြတ်သန်း ပြေးလွှားသောတုန်လှုပ် ချောက်ချားမှုမှာ ထင်ရှား သိသာလွန်းသည်။ ထိုလျှပ်တပြတ်၌ မူမမှန်မှုအပေါင်းကို စကားလုံးပေါင်းသ်ိန်းသန်းနှင့် ချီ၍ တိတိကျကျ ပြောပြသည်ထက် အဆပေါင်းများစွာ ပိုမိုလေးနက်နေသည်။
ထိုလျှပ်တပြက်အချိန်မှာ ငရဲတွင်း၏ ချောင်းကြည့်ပေါက်ငယ်ကို ခဏမျှ ဖွင့်လှစ်ပြလိုက်သောအချိ်န်။ အားလုံးသော ဖုံးကွယ်ရာ အရာရာဝတ္တုအပေါင်းကို အရင်းအတိုင်းကြည့်မြင်ခွင့် ရလိုက်သောအချိန်။ အားလုံး၏ အဆုံးအဖြတ်တို့ကို ပေးအပ်လိုက်သည့် အချိ်န်။

ထိုခဏ၌ ငြိမ်သက်နေသောပင်လယ်ပြင်ပေါ်တွင် ရုတ်တရက်မုန်တိုင်းကျလိုက်လေသည်။ လှုပ်ရှားမှု အပေါင်းဖြင့် ခဏမျှကျနော်သည် မခံမရပ်နိုင်တော့အောင် ဖြစ်သွားနေသည်။ သို့သော် ရင်ပြင်တခုလုံးသို့ထို အချိ်န်၌ပင် ယောကျာ်းတယောက်၏ အတ္တမာနတရားသည် ပြည့်လျှံလာနေသည်။ ဘာကိုဂရုမစိုက်ရမလဲ၊ မိမိကဲ့သို့ သစ္စာတရား ရှေ့ရှုတတ်သော ယောက်ျားကောင်းတဦးက ဤကဲ့သို့ ပေါ့ပြက်နေသောမ်ိန်းမ တဦးအတွက် မျက်နှာပျက်နေဘို့ ဘာလိုအပ်သလဲ။ ပေါ့ပြက်နေသော မိန်းမတဦးအတွက် တုန်လှုပ်ချောက်ချားနေဘို့ ဘာလိုသလဲ။

“ကိုသန်းဆွေတို့ ဒီမှာ တာဝန်ကျသလား”

ဝေ၏ မေးလိုက်သံမှာတုန်ယင်နေသည် ထင်သည်။ ထိုအသံသည် လှုပ်ရှားဆူညံနေသော အသံ အပေါင်းထဲတွင် အားနည်းဖျော့လျစွာ ပေါ်လာနေသည်။

“ဟုတ်တယ်၊ တပတ်တာဝန်ကျတယ်၊ ကျနော်တို့ လာလည်အုံးမယ်လေ အမ၊ ထမင်းတော့ ကျွေးမယ်မှုတ်လား၊ အခု ညစာကို ကျွေးမယ်ဆိုရင် လိုက်စားမယ်”

ကိုသန်းဆွေက ရယ်လေသည်။ ကျနော်သည် မီးရောင်အောက်၌ ငြိမ်သက်စွာ ပြုံးနေ၏။
မိမိပြုံးခဲ့ဘူးသော အကြိမ်ပေါင်းများစွာအနက်သည်တကြိမ်ပြုံးနိုင်မှုလောက် ဂုဏ်ယူဖွယ်ကောင်းသော အပြုံးများမပြုံးဘူးခဲ့ဟုထင်သည်။ အလွန်အတ္တမာနလွန်ကဲစွာဖြင့်ပြုံးနေသည့်အပြုံး၊ အလွန်အေးစက်မာကြောသည့် အပြုံး၊ အလွန်နာကျင် ပင်ပန်းနေသည့်အပြုံး။
ဝေသည် သူ့လက်ကလေးကို ကျနော့် လက်မောင်းအားမသိမသာထိကပ်ပြီး တုန်ယင်နေမှုတို့ကို ထ်ိန်းကာ ဆုပ်ကိုင်ထားသည်။ ဝေ၏ ကြောက်ရွံ့တုန်လှုပ်ချောက်ချားမှုတို့ကို သူ့လက်ကလေးမှတဆင့် ကျနော်သည် သိနေရ၏။ ဝေ့မျက်နှာပေါ်မှ သွေးရောင် ပ်ိန်းနေသော အပြုံး မှာ အပြုံးပီပီသသ မဟုတ်နိုင်တော့။

“သူပေါ့ကိုကို၊ ဝေ့ကိုအမြဲကူညီတာ၊ ကိုကိုကဝေ့ အိမ်သားလေ ကိုသန်းဆွေ”

ဝေက တိုးတိုးမိတ်ဆက်ပေးနေသည်။

“ကျေးဇူးတင်ပါတယ်ဗျာ၊ ကျနော်မရိုင်းတတ်ပါဘူး၊ အိမ်ကိုအမြဲတမ်းလာလည်ပါ၊ ကျနော်က သစ်တော ဋ္ဌနဘက်ကလေ၊ ဒီကိုပြောင်းလာတာ သိပ်မကြာလှသေးတော့ မ်ိတ်ဆွေနည်းပါးတယ်ခင်ဗျ၊ ကျနော့် အိမ်က ဧည့်သည် နည်းပါးတဲ့အိမ် ဆိုတော့ ဧည့်သည်တယောက်လာရင် ဝမ်းသာစရာဘဲ၊ တံခါး မရှိ ဓါးမရှိ၊ လာလယ်ပါကိုသန်းဆွေ”

သူသည် ကျနော့် ကို လက်ကမ်းပေးလျက် သူ့ မျက်နှာမှတခုခုမှာ လျင်မြန်စွာ ပြောင်းလဲသွားသည်။ သို့သော် သူသည် ပြုံမြဲပင် ဆက်၍ပြုံနေသည်။
ထိုအချိ်န်တိုကလေး၌ ကျနော်သည် စကားကို သွက်သွက်ပြောနေရင်းမှာ ဆုံးဖြတ်ချက်အပေါင်းကို ချမှတ်နေသည်။ ဤကိစ္စရပ် အပေါင်းကို မည်သို့အဆုံးသတ်ရတော့မည်ကို စိတ်အေးအေးနှင့် တွက်ချက်နေသည်။ အလွန်အံ့အားသင့်ဖွယ်ရာ ကောင်းအောင် ကျနော့် စိတ်နှလုံးသားများမှာ ငြိမ်းချမ်း ငြိမ်သက်နေသည်။

“ကျနော့် ကိုလဲ မိတ်ဆွေရင်းချာလိုဘဲ သဘော ထားပါ ကိုသန်းဆွေ၊ ကျနော့််နာမယ် ကိုကိုလို့ခေါ်ပါတယ်၊ ဝေကတော့ ဒီလမ်းနဲ့ဒီခရီးကို ကားတလှဲ့ ရထားတလှဲ့ အမြဲတမ်း သွားလာနေတာဘဲလေ၊ အခုခေတ်ကလဲရတဲ့လစာလေးနဲ့ အိမ်ထောင်တခုကို ထ်ိန်းသိမ်းထားဘို့ ဆိုိတာ အသက်ရှူ မောတဲ့အချိန်ဘဲလေ၊ ဝေကပြောပါတယ်၊ သူ့ကို ကိုသန်းဆွေက အမြဲတမ်းအကူအညီပေးပါတယ်လို့ပြောပါတယ်၊ ကျေးဇူး တင်ပါတယ်ဗျာ၊ ကျနော်တို့ကုန်းပေါ်ပိုင်းဘက်မှာ နေပါတယ်၊ လိပ်စာမှတ်ထားပါအုံး၊ ကုန်းပေါ်ပိုင်း သီတာမြသားလမ်းကွေ့ အိမ်နံပတ်နှစ်ဆယ့်ခွန်၊ ကျနော့်အိမ်ကကိုယ့်ဝင်းကိုယ့် ခြံနဲ့သီးသီးသန့်သန့် လွတ်လွတ်လပ်လပ် ပါဘဲ၊ မျက်နှာချင်းဆိုင် ခြံက စပယ်ခြံကြီးလေ၊ စပယ်တွေဒီအချိန်ဆိုရင် ဖွေးဖွေး၊ လှုပ်အောင်ပွင့်နေတာပေါ့၊ ကျနော်ခြံရှေ့မှာတောင် ငှက်ပျောဥယျာဉ် ကိုစပျိုးထားပြီ၊ အပင်ကလေးတွေ နဲနဲတော့ နိမ့်သေးတယ်၊ ကျနော်ကစိုက်ပျိုးရေးလဲ့ ဝါသနာပါတယ်၊ ဒါကြောင့်များသစ်တောဋ္ဌာနဘက် ရောက်လာတာထင်ပါရဲ့၊ ကျနော်ကူညီနိုင်တဲ့ ဘက်က လိုအပ်တဲ့အကူအညီရှိရင် အမြဲတောင်းပါ၊ ကျနော့် ဝေကျတော့လဲ ကုန်အရောင်းအဝယ် ဝါသနာ ပါတယ်၊ဒါကြောင့် လဲ ရထားတို့ ကားတို့နဲ့ အဆက်အဆံ ဖြစ်တာပေါ့လေ”

ထို့ နောက် ကျနော်သည် ရွှင်လန်းစွာပြုံးနေလျက်ပင် လက်ကိုပြန်၍ ရုပ်သိမ်းလိုက်လေသည်။

“ကျနော်လဲ စိုက်ပျိုးရေး ဝါသနာပါ ပါတယ်”
“ဒါဖြင့် ဝါသနာတူချင်း တွေ့ ကြတာကိုး၊ လာလည်ဖြစ်အောင် လာလယ်အုံးဗျာ”

သူသည် နှုတ်ဆက်လျက် ပလက်ဖေါင်းတဖက်အစွန်းလျှောက်သွားသည်။ ကျနော်တို့ သည်လည်း ဘူတာအလယ်ပေါက်ဖက်သို့ လျှောက်လာလျက်။ ထိုအခါ ကျနော်သည် ဝေ့လက်ကလေးကို တင်းတင်းကျပ်ကျပ် ဆုပ်ကိုင်ထားသည်။ အပြင်ဖက်တွင် အလုပ်သမားများသည် ငါးပိခြင်းများကို မြင်းလှည်းပေါ်သို့ တင်ထားပြီးနေသည်။ ကျနော်တို့ သည် အမှောင်ပျိုးစအချိန်၌ အခြားမြင်းလှည်းအလွတ်တစီးကို စီးလျက် ဘူတာရုံဖက်မှ ပြန်လည်ထွက်ခွါလာလေသည်။
မြင်းလှည်းသည် ဘူတာရုံတောင်ကုန်းကွေ့ ကို ပတ်တက်သွားပြီးနောက် ဆင်းလိုက်တက်လိုက်ဖြင့် မြိုင်ကြီးမြို့ ၏ စိုက်ပျိုးခြံများကို ဖြတ်သန်းကာ စပယ်ခြံလမ်းဘက်သို့ ရောက်လာပြန်လေသည်။ မြင်းလှည်း၏တဖက်ခုံမှ ဝေ့မျက်နှာမှာ အလင်းရောင်မှုန်မှုန်ထဲတွင်ပြန်လည်၍ တောက်ပစွာ ပြုံးနေသည်။ ဝေကား အခက်အခဲတခုကို ပင်ပမ်းလှစွာ ကျော်လွန်ခဲ့ပြီးလေပြီ။
လမ်းဘေး မီးတိုင်များကို ငေးကြည့်လာရင်း ကျနော့်စိတ်ထဲ၌ သမီးလေးစပယ်ခိုင်ကို ကြေကွဲစွာသတိရနေပါသည်။ သမီးလေးသည် ဖေဖေနှင့် မေမေကြား၌ တင်းကြပ်စွာ ချည်ထားသော ကြိုးကလေးဖြစ်သည်။သမီးလေးသာ ရှိနေလျင် ဝေသည် ကုန်သည်တပိုင်းဘဝကို ရောက်မည်မဟုတ်။ ဤကြေကွဲစွာအကြောင်းများဖြစ်ပေါ်လာမည်မဟုတ်။

“ကိုသန်းဆွေကြီးက သ်ိပ်ရီရတယ်၊ သိပ်နောက်တတ် ပျော်တတ်တဲ့လူကြီး၊ တော်ကြာကိုကိုနဲ့ရင်နှီးလာရင် သူနောက်တတ်ပျော်တတ်တာ တွေ့လာလ်ိမ့်မယ်၊ ဝေ တခါလက်မှတ်ဝယ်စီးမိလို့ ဒီလူကြီးစိတ်ဆိုးလိုက်တာလေ”

ဝေကား ဂုဏ်ယူစွာပြောလေသည်။ ထိုစကားတို့မှာ လင်သားဖြစ်သူ၏နှလုံးသားတို့ ကိုဓားဖြင့်ပါးပါးလှီးပစ်လိုက်သည်နှင့်တူနေမည်ကို ဝေမတွေး။ ဝေ့အကျင့် စာရိတ္တတို့မှာ ဆုံးခန်းတိုင်အောင် ပျက်စီးယိုယွင်းခဲ့ရှာပြီ။ ဝေသည် ဤလမ်း ဤခရီးများကို လက်မှတ်ပင်ယူမစီးဘဲ အောက်တန်းကျလှစွာ သွားနေခဲ့ပါပြီး။ ဤအဖြစ်အပျက် တို့ကို ကြို၍မသိ၊ မတွေးခဲ့သော မိမိကိုယ်ကိုပင် ပြန်၍အပြစ်တင်ရတော့မလား။
စင်စစ်၌ကျနော်သည် အစဉ်းစားအဆင်ခြင် ကင်းမဲ့လှစွာ ဝေလိုလှသောမိန်းကလေးကို တယောက်တည်း အရပ်တပါးသို့ ညအိပ်ညနေ လွတ်လပ်စွာ လွှတ်ခဲ့၏။ မည်သူတွေ မည်သို့ ဖြစ်စေ၊ ဝေကား မည်သို့ မျှဖြစ်မည်မဟုတ်ဟု ယုံခဲ့၏။
မကြာမီက ပိတ်ပင်ရန်သတိရပါလျက် မပိတ်ပင်ခဲ့မိ။ ထိုစဉ်ကသာ ပိတ်ပင်တားမြစ်ခဲ့လျှင် ဤကြေကွဲဘွယ်ရာ အဖြစ်အပျက်တို့ ကို တားဆီးနိုင်ခဲ့လိမ့်မည်။
ကျနော့်ရင်ထဲ၌ ဒေါသများကား မရှိတော့ပြီ။ ဝမ်းနည်းဆုတ်နစ်မှုတို့ သည် ဒေါသများအပေါ်၌ ဖုံးလွှမ်းနေသည်။ မည်သို့ ပင်ဖြစ်စေ ဝေနှင့် ကျနော်တို့ ၏အိမ်ထောင်ရေးမှာ အဆုံးသတ်ပါတော့မည်။
ဝေကမူ မသိနားမလည်စွာ ပြုံးနေလျက်။ ဝေ့မျက်နှာပေါ်မှ အပြုံးရိပ်များမှာ မှောင်ရီရီထဲ၌ မထင်မရှား ပေါ်လာနေလျက်ပင်။ ။

November 19, 2009

နွေတည


နိုင်ဝင်းဆွေ ရဲ့ နွေတည ဝတ္ထုရှည်ကို ကျနော့်ဘလော့မှာ တခန်းချင်းရိုက်ပြီး တင်ပေးခဲ့တာ အခုဆိုရင် အခန်း(၁၄)ခန်းရှိပါပြီ။ ဒီဝတ္ထုကို အခုလို တပုဒ်လုံးရိုက်ပြီး တင်ပေးဖို့ ရာ စကားစပ်မိတာကတော့ ဘလော့ဂါ ကဗျာဆရာလေး ညိမ်းညိုနဲ့ ပါ။လွန်ခဲ့တဲ့ (၄)လလောက်ကပါ။ ဒါပေမယ့် စာကူရိုက်ပေးမယ့်သူ အခက်အခဲရှိလို့ တော်တော်နဲ့ မတင်ဖြစ်ပါဘူး။ နောက်တော့ဒီအခက်အခဲကို ကိုညိမ်းညို က သူလည်းဝင်ကူပြီးရိုက်ပေးမယ်ဆိုလို့ သူ့ ဆီကို ပထမ အခန်း(၁)နဲ့ (၂)ကို စကင်ဖတ်ပြီးပို့ ၊သူက စာရိုက်ပြီး ကျနော့်ဆီပြန်ပို့ ။ ဒီလိုနဲ့ ဒီဝတ္ထု စပြီးတင်နိုင်ခဲ့တာပါ။ ကံကောင်းချင်တော့ ဒုက္ခသည်စခန်းထဲက ခေတ္တပြန်ရောက်လာတဲ့ တူမလေးရဲ့အကူအညီနဲ့ ဆက်ပြီး ဆက်တိုက်တင်ခဲ့တာ အခုအထိပါပဲ။အမှန်အတိုင်းပြောရရင် ကိုညိမ်းညိုတို့ တူမလေးတို့ ကို ကျနော်က ဒီဝတ္ထုအကြောင်းတော်တော်အမွှန်းတင်ထားတော့ သူတို့့ ကလည်းတကယ့်ကို တလေးတစား ဝင်ကူပြီးလုပ်ပေးကြတာပါ။
ဒီရက်အတောအတွင်း အခန်(၁၅)ကို ဆက်မတင်ပဲရပ်ထားခဲ့တာက ကျနော် ခရီးလွန်နေလို့ ပါ။ တယ်လီဖုံး လက်လှမ်းမမှီတဲ့ ထိုင်းမြန်မာနယ်စပ်တနေရာကို ရောက်နေခဲ့လို့ ပါ။ ကျနော်က တူမလေးရိုက်ပြီးတဲ့စာမူကို ကျနော်ကိုယ်တိုင်ပြန်ပြီး မစစ်ဆေးပဲ ဘယ်တော့မှ စိတ်ချလက်ချ ဘလော့မှာ မတင်ပါဘူး။ ဒါကြောင့်မို့့ ဒီရက်တွေအတွင်း အခန်း(၁၅)ကို မတင်နိုင်ခဲ့ဘူး။ ဒိအတွက် အားလုံးကို တောင်းပန်လိုက်ပါတယ်။
အခု နိုင်ဝင်းဆွေ အခန်းခွဲထားတဲ့အတိုင်း အခန်း(၁၅) ပထမပိုင်းကိုတင်လိုက်ပါတယ်။


(၁၅ )

တစွန်းတစအရိပ်

ဝေ့ မျက်နှာပေါ်မှ ချိုမြသောအပြုံး၊ ဝေ့မျက်နှာပေါ်မှ သင်းမြသောအပြုံးသည် ခပ်သိမ်းသောအရာ အပေါင်းကို လွှမ်းမိုးထားသည်။ ကုန်းအတက်ဖြစ်၍ မြင်းခွာသံကျဲကျဲနှင့် မြင်းလှည်းလိမ့်တက်နေသည်။ လမ်းနှစ်ဖက် နွေ၏ ညနေဆည်းဆာရောင်ခြည်များသည် လှည်းလမ်းပေါ်သို့ တဖိတ်ဖိတ် လက်အောင်ကျနေပြီး ပါးမို့နှီနီ၊ နှုတ်ခမ်းနီနီနှင့် ဝေ့ မျက်နှာ ပေါ်မှ အပြုံးများကို ပို၍လှပအောင် ဆေးရောင်ခြယ်ပေး ထားသည်နှင့်တူနေသည်။ ထိုအချိ်န်၌ ကျနော်သည် မျက်နှာကို အပြင်ဖက်လှည့်ထားပြီး စိတ်နှလုံးကို အေးဆေး ငြိမ်သက်နေရန် စိတ်နှလုံးထဲမှ ပြင်းထန်စွာ လှုပ်ရှားနေမှုများကို အခိုးသေစေရန် ငြိမ်းသတ်နေသည်။

ဝေနှင့်ကျနော်ကား ဤတကြိမ်၌မူ အမှန်တကယ်ပင်တောင်နှင့်မြောက်၊ အရှေ့ နှင့် အနောက် ခြားနားခဲ့လေပြီ။ ကျနော်သည်အတွင်းတွင် လှိုက်စားနေသော အတွင်းကျိတ်အနာတို့ကို အပြင်ဘက်သို့ ကန်ထွက်မလာရန် မျိုသိပ်ထားနေလျှက် ကျနော့် မျက်နှာမှာမူ မည်သို့ မျှ မပြောင်းလဲဘဲ တည်ကြည်ငြိမ်သက် အေးစက်နေလျက်ပင်။ ခါးသီးမှု၊ စက်ဆုပ် ရွံ့မုန်းမှု ဒေါမနဿတို့ သည် အသဲနှလုံးအောက်ခြေ၌ ကျစ်လစ် သိပ်သည်းစွာ တခုပေါ်တခုထပ်နေလျက် ငြိမ်သက်နေသည်။ ပေါက်ကွဲလုလု မီးတောင်၏ အပြင်ဖက်မှ တိတ်ဆိတ် ငြိ်မ်သက် နေမှုမျိုးပင်။

သိမ်းဆွေထံမှစာကို ကျနော်သည် တရက်မျှမေ့ထား၍ မရနိုင်တော့ပေ။ ထိုစာ၏ ဂယက်သည် စိတ်နှလုံးသားပြင်ဝယ် ရိုက်ခတ်နေသည်။ ပင်လယ်ပြင်ကျယ်ကြီးပေါ်သို့ လေပြင်းမုန်တိုင်းကြီး ကျလာသောအခါ အစောပိုင်းက ငြိမ်သက် ငြိမ်းချမ်းနေခဲ့သည့် ပင်လယ်ပြင်၌ လှိုင်းမုန်တိုင်းကြီးများ ကြောက်ဖွယ်လိလိ ဖြစ်ပေါ်လာနေသကဲ့သို့ပင်။ ဤ မုန်တိုင်းကြီးအား ကျနော် ထိန်းသိမ်းမထားနိုင်တော့ဟု ထင်သည်။ သိမ်းဆွေ၏ ထိုစာမှာ လွန်ခဲ့သော ငါးရက်ကပင် ကျနော့်ထံသို့ ရောက်လာခဲ့တော့သည်။ သိမ်းဆွေကား မီးရထားဘူတာရုံကြီးတခု၌ ကုန်စာရေးကြီးလုပ်နေသည်။ ဝေ့ ကိုကျနော် ခိုးလာပြီး မြို့သစ်ကလေးသို့ ပြောင်းရွေ့သွားစဉ်က လမ်းတွင် သူ့အိမ်၌ဆင်းပြီး ခဏဝင်ခဲ့သေးသည်။
“ကိုယ့် လူကြီးတော့ အိမ်ထောင်တွေဘာတွေ ကျပလား”ဟု သူသည် ယခင် ကျောင်းနေစဉ်ကလိုပင် နောက်ပြောင်ခဲ့သေးသည်။ သူ့ စာရောက်လာချိန်က ဝေသည် ကုန်ရောင်းထွက်နေဆဲပင်။ စာအိတ်ကို ဖောက်ပြီး စာကို တလုံးဆီဖတ်နေဆဲ၌ ကျနော့်လက်များသည် တဆတ်ဆတ် တုန်ယင်နေသည်။ မီးရထား စာတမ်းရိုက်ထားသည့် စာရေးစက္ကူ အဖြူမှာ လက်ထဲတွင် တဆတ်ဆတ်ခါနေသည်။ သည်တခါတွင်ကား ဝေနှင့်ကျနော်တို့ အဆုံးသတ်ခဲ့ကြလေပြီ။ အဖြစ်အပျက်၏ နောက်ဆုံး အဆုံးသတ် အပိုင်းကို ရှောင်ကွင်းထား၍ မရတော့။ လှည့်စားလိမ်ညာထား၍ မရနိုင်တော့။

သူငယ်ချင်းကိုကို
ဒီစာကို ကိုယ်မရေးချင်ဆုံးဘဲ။ ဒါပေမယ့် မင်းနဲ့ ကိုယ်ဟာ ညီအကို တော်သေးတာလဲ တကြောင်း၊ ကိုယ့်အချစ်ဆုံး သူငယ်ချင်း ဖြစ်နေတာလဲ တကြောင်းကြောင့် ကိုယ့်မှာ ဒီစာရေးဖို့ တာဝန်ရှိလာပြီလို့ယူဆတယ် သူငယ်ချင်း။ ဒီစာဖတ်ပြီးရင် မင်းစိတ်ချမ်းသာတာ စိတ်ချမ်းမြေ့ တာ၊ ပျော်ရွှင်ခဲ့တာ မှန်သမျှ အကုန်ပျောက်ပျက်ကုန်မှာဘဲ။
ဒါပေမယ့် အမျိုးမျိုးက လှည့်တွေးတော့လဲ ရေုးကိုရေးရတော့မယ်လို့ ဘဲ ဆုံးဖြတ်ရတယ်။ နောက်ဆုံးအချိန်ဆွဲထားနေရင်းက ရေးကို ရေးတော့မယ်လို့  ဆုံးဖြတ်လိုက်တယ်။ ဘာကြောင့်လဲဆိုတော့ မင်းကိုယ်စား ကိုယ် သိပ် အခံရ ခက်လို့ဘဲ ကိုကို။
စင်စစ် မင်းမိုက်တာ၊ မင်းတာဝန်ချည်းဘဲ။ ဘာအကြောင်းကြောင့် မင်းဟာ ကိုယ့်မ်ိန်မတယောက်ထဲကို ခရီးဝေးကြီး ညအိပ် ညနေ အမြဲလွတ်လွတ်လပ်လပ် သွားခွင့်ပြုရတာလဲ။ ကိုယ် နားမလည်နိုင်တော့ဘူး။ ဘာကိုမှ ယုံကြည်ရတယ်ဆိုတဲ့ အရာကိစ္စဟာ မရှိဘူး သူငယ်ချင်း။ ပြီးတော့ မောင်ရင့် သူငယ်မလေးဟာ အရှည်အဝေးကို တွေးတောတတ်တာလဲ မဟုတ်ဖူး၊ သူကောင်းတယ် ထင်ရင် ရုတ်တရက် ကောက်လုပ်တတ်တာဘဲ။ မနေ့က ကုန်ရုံက ကိုယ် ထွက်အလာမယ်၊ မင်းကောင်မလေးနဲ့ ကိုယ်မပြောပြလိုတဲ့ လူတယောက် တွဲတွေ ကြားထဲက ဖြတ်လျှောက်သွားတာ တွေ့တယ်၊ ကောင်မလေးက ကိုယ့်ကို လှမ်းမြင်တော့ ကုန်ရုံဘက်ပြန်လျှောက်လာတယ်။ သူ ငါးပိ တင်မလို့  ဆိုလား၊ ကိုယ့်ကို ကုန်နှုန်းထား လာမေးပြီး စကားလာပြောတယ်။ ဆိုလိုတာက သူတို့ဟာ ရိုးရိုးသားသားပါ ဆိုတာ ပြတာပေါ့ သူငယ်ချင်း။ ဒါပေမယ့် ဒါဟာဆင်သေကို ဆိတ်ရေနဲ့ ဖုံးတာဘဲ။
ကိုယ်တော့ သိပ်ခါး သိပ်ရွံသွားတယ်။ ဘာပြုလို့လဲဆိုတော့ အဲ့ ဒီလူဟာ ဘယ်လိုလူလဲ၊ ကိုယ်တို့ကတော့ သေသေချာချာ သိတာပေါ့ကိုကို။
ဒါဘဲ သူငယ်ချင်း။ ကောင်းမလေးကို မင်းဒီအတိုင်းတော့ဖြင့် လွှတ်မထားနဲ့ တော့။ ဒီအတိုင်း ကြာကြာတွေ့မိရင် ကိုယ်တော့ မောင်ရင့်ကို လာသတ်မိတော့မယ်ထင်တယ်။

ချစ်စွာသော
သိမ်းဆွေ

ထို့နောက် ကျနော်သည် သိမ်းဆွေ၏ စာကို လက်ထဲ၌ ကျစ်ကျစ်ပါအောင် ဆုပ်ထားလေသည်။ မျက်လုံးထဲတွင် ဘူတာကြီး၏ ကုန်ရုံနောက်ဖက်၌ ဝေနှင့်အခြားသူတဦး ရယ်မောရင်း ဖြတ်လျှောက်သွားသည်ကို မြင်နေသည်။ ဝေ့ စကားသံတိုးတိုးမှာ ထိုနေရာ၌ အသံပင်မထွက်သကဲ့သို့ ရှိနေသည်။ တွဲကြားကွေ့ တွင် ထိုသူသည် ဝေ့ ခါးကလေးကို သိမ်းကြုံးဖွေ့ ညှစ်ပစ်၏။ ဝေ့ မျက်နှာ၌ နီရဲနေလျက် ဝေ့ဆံပင် အသိုက်မှာ လှိုင်းတွန့် နေလျက်။ ဝေသည် မပီမသပြုံးနေလျက်၊ ဝေ့မျက်တောင်များမှာ မှေးစင်းနေလျက်။

ကျနော်သည် စားပွဲ၌ ငြိမ်သက်စွာထိုင်နေရင်း လက်သီးကို ကျစ်ကျစ်ပါအောင်ဆုပ်ထားသည်။ တခုခုကို လုပ်ပစ်လိုက်မှ ဖြစ်တော့မည်ကဲ့သို့ ထင်နေသည်။ ရင်ထဲ၌ အချိန်ကြာမြင့်လာနေလေလေ ဒေါသ၊နာကျည်းမှု၊ ခါးသီးမှုသည် ပြည့်သိပ်လာနေလေလေ၊ ယခုအခါ၌ ဝေ့နောက် ဤရွံရှာစက်ဆုပ်ဖွယ်ကောင်းသောမိန်းမ၏ နောက်တွင် အရိပ်မဲများသည် တခုနှင့်တခု ကွင်းဆက်လိုက်၍ ဆက်နေသည်။
ဝေ့ကိုခိုးပြေးလာပြီး ဆယ့်နှစ်ရက်တွင် ဝေနှင့် ဈေးလယ်ခေါင်၌ ရပ်တန့် စကားပြောသူ၊ ဝေ့ ဦးလေးတော်စပ်သေးသူဟုဆိုသူ၊ ကိုခင်ထွန်း၏စာ။

ယခုတလော၌ ဝေ၏ ဆင်ယဉ်ထုံးဖွဲ့ မှု၊ ပြောင်းလဲလာသော ဝေ၏ဟန်၊ ဝေ၏စကား၊ ဝေ၏နေထိုင်မှု။ “အသားကို အသားနဲ့ ထိတာ ဘယ်သူက နာတယ်သာတယ် မဖြစ်နိုင်ပါဘူး၊ သူလဲတမျိုး ကိုယ်လဲတမျိုးဘဲ၊ ဒီတော့ မျက်လုံးကိုမှိတ်ပြီး မသိချင်ဟန်ဆောင်ပြီး အသာကလေးမျှောပြီး ငြိမ်နေလိုက်တာပေါ့”ဟု သူ့ စကားပြောသံ။ စကားပြောနေစဉ်၌ တကယ်ပင် မျက်လုံးကို မှေးမှိတ်ပြနေဟန်တို့ ကို ပြန်ပြီးမြင်နေသည်။
တညနေခင်းလုံးလုံး ကျနော်သည် စားပွဲမှ မထတော့ပေ။ ဤအမှားအယွင်းတို့ မှာ မိမိ၏အမှားအယွင်းလည်းဖြစ်၏။ ဝေသည် အလွယ်တကူ ကြွေကျခဲ့သော မှည့်ရွင်းနေသည့် သစ်သီးမှည့်ကလေးဖြစ်၏။ အလွန်လွယ်ကူစွာ ကြွေကျခဲ့၏။ မထိမတို့ မကိုင်မတွယ်ပဲနှင့် ကြွေကျခဲ့လေသည်။
ကျနော်သည် သိမ်းဆွေ၏စာအတိုင်း အမှန်တကယ် ဖြစ်ပျက်ခဲ့သည်မဟုတ်ဟု စိတ်သက်သာအောင် အမျိုးမျိုး လှည့်ပတ်တွေးခဲ့ပါသည်။ ဝေသည် ကလေးလိုနေတတ်၊ ပြောတတ်၊ ဆက်ဆံတတ်၏။ ထိုအနေအထိုင်မှာ ဘေးမှကြည့်နေလျင် အထင်မှားဘွယ်ရာ ဖြစ်နိုင်သည်။ သိမ်းဆွေကြီး အထင်အမြင်လွဲမှားခဲ့ခြင်းသာ ဖြစ်ပါလိမ့်မည်။ ဝေသည် မိမိအပေါ်၌ အကယ်ပင် ချစ်ခင်မြတ်နိုးတွယ်တာခဲ့လေသည်။ ဟေမန်၌နေစဉ်က မြို့ကြီးသို့ နှစ်ရက် သုံးရက်သွားခွင့်ပင်မပြုခဲ့ဘဲ ကျနော်နှင့် ကွဲသွားမည်ကို စိုးရိမ်ခဲ့၏။ ဝေသည် သံယောဇဉ် ကြီးမားတတ်သူလည်း ဖြစ်လေသည်။ ဝေသည် ဤကဲ့သို့ မှောက်မှောက်မှားမှားကို ပြုရက်မည့်သူ၊ ဖောက်ပြန်ရက်မည့်သူကား မဟုတ်ပေ။ အကယ်၍ ဝေ့အပေါ်၌ ဆုံးဖြတ်ချက်မှာ လွဲလွဲမှားမှား တိမ်းတိမ်းစောင်းစောင်း ဖြစ်ခဲ့လျှင် သနားစဖွယ်ပင် ဖြစ်နေတော့မည်။ ကျနော်၏ စိတ်နှလုံးထဲ၌ ယခုထက် တိုင်အောင်လည်း ယုံကြည်မှု အပေါင်းသည် လွှမ်းမိုးနေဆဲပင်။ သံယောဇဉ် စိတ်တို့သည် တင်းကျပ်စွာဖြင့်ပင် ထိုယုံကြည်မှု တို့ ကို ဖန်ဆင်းပေးနေသည်။ လှည့်စားပေးနေပါသည်။
ပို၍သေချာတိကျလာသည်အထိ စောင့်ကြည့်နေရန် ကိုသာကျနော်သည် တွေးတောနေ၏။ အသေအချာ ဖြစ်လာသော၊ အတိအကျ ဖြစ်လာသောအခါတွင်မှ မည်ကဲ့သို့ပြုရမည်ကို တွေးတွေးဆဆနှင့် ဆုံးဖြတ်ရမည်။ အေးအေး ငြိမ်ငြိမ်ကလေးနှင့် ဆုံးဖြတ်ရမည်။ နောက်ဆုံးသူ့ကိုသတ်ပစ်ရန်ဆုံးဖြတ်သည်အထိ ငြိမ်ငြိမ်သက်သက်ကလေး ဆုံးဖြတ်ပြီး ငြိမ်ငြိမ်သက်သက် သွေးအေးအေးနှင့် အပြီးသတ်သွားရမည်။
အကယ်၍ ထိုအတိုင်းဖြစ်လာသည်ဆိုလျှင် သူ့ကို သတ်ပစ်ရန် ဆုံးဖြတ်လိုက်ရမလား။ ရက်စက်လှစွာ ထိုအတိုင်း ပြုမူလိုက်ရမလား။
သို့သော် ဤကဲ့သို့ ဖေါက်ပြန်နေသော တန်ဘိုး ကင်းမဲ့သော မ်ိန်းမတဦးအတွက်နှင့် ထောင်ကျ ကြိုးအပေးခံရခြင်းမှာ မိမိ၌ အတ္တမာနမရှိရာကျနေမည်။ ဘာ့ကြောင့် ထိုသို့ အဖြစ်ခံရမည်နည်း။
ဤအဖြစ်အပျက်တို့ ဖြစ်ပျက်ခဲ့သည်ဟု မြက်မြင်ဒိဋ္ဌလောက်မသေချာသေးမီ၌ မိမိသည် ဟန်မပျက် နေထိုင်လျက်၊ ပြောနေကျအတိုင်းပြော၊ ရယ်နေကျ အတို်င်း ရယ်လျက် မျက်နှာတချက်မျှမပျက်ယွင်းဘဲ နေနိုင်ရမည်။ ဤကိစ္စကို သူ့ကို အသိပေးထုတ်ဖော်စစ်ဆေး၍မဖြစ်။ သူသည် ကာကွယ်နိုင်ရန် အသင့်ပြင်ဆင်ပြီးဖြစ်လိမ့်မည်။ သို့မဟုတ် အရှက်ကင်းမဲ့စွာ အော်ဟစ်ဆူညံပြီးနောက် မဆုံးဖြတ်ရသေးမီ၌ပင် လူသတ်မှု တမှုဖြစ်ပေါ်သွားနိုင်သည်။ သူသည် အော်ဟစ် ဆူညံခြင်းမပြုဟုပြော၍လည်းမရ။ ဈေးထဲ၌အမဲသည်နှင့် ဆဲဆိုရန်ဖြစ်ဝံ့သူ၊ ဈေးလယ်ခေါင်၌ အော်ဟစ်ပြီး မိမိယောကျားနှင့် မ်ိန်းမတဦးကို စွပ်စွဲဝံ့သူ၊ အရှက်အကြောက် ကင်းမဲ့သူ။

ကျနော်သည် သိမ်းဆွေ၏စာကိုိ ဖြန့်ပြီး သေသေသပ်သပ်ပြန်ခေါက်နေသည်.။ ထို့နောက် စာကို စာပွဲအံဆွဲထဲ ထည့်လျက်သော့ကိုအသေအချာ ပိတ်ခဲ့သည်။
ဤစာရောက်ပြီး သုံးရက်တ်ိတိ ကျနော်သည် အိမ်ပေါ်၌ပင်ငြိမ်ငြိမ်သက်သက်နေခဲ့သည်။ သုံးရက်တိတိဤစာသည် စိတ်နှလုံးသားထဲ၌ လှိုင်းရိုက်ခတ်နေခဲ့သည်။ ထိုရိုက်ခတ်သော လှိုင်းတို့ကို ငြိမ်သက်ရန် မကြိုးစားနိုင်တော့။ မနေ့ညနေခင်းပိုင်းက ဝေသည် ယခင်ကရောက်လာနေကြအတိုင်းပင် ကုန်အရောင်းမှပြန်လာခဲ့လေသည်။ ဝေပြန်ရောက်လာနေချိ်န်၌အပြင်ဘက်တွင် ပြောင်းလဲမှုတခုမျှမရှိခဲ့။ အားလုံးမှာ ယခင်က ရှိမြဲအတိုင်းနေမြဲအတိုင်းရှိနေခဲ့လေသည်။
မနေ့ညနေက ဝေသည် အခါတိုင်း ပြန်ရောက်နေကျအတိုင်းပင် ခြံဝ၌ မြင်းလှည်းတင်္စီးဖြင့် ပြန်ရောက် လာခဲ့တော့သည်။
“အိမ်ရှင်တို့မရှိကြဘူးလားရှင်၊ ဒီမယ် ဧည့်သည်အစစ်လာနေပါတယ်”ဟု ဝေသည် ခြံဝမှလှမ်းအော်ခဲ့သည်။
ဝေသည် လက်ဆွဲအိတ်အနက်ကို ယမ်းခါလျက်ခြံရှေ့ ငှက်ပျောပင်များကြားထဲ လမ်းအတိုင်း လျှောက်လာ လေသည်။ ဝေ့ မျက်နှာပေါ်ဝယ် ယခင်ကအတိုင်းပင် အပြုံးမှာ ဝေနေလျက်။ ဝေ၏ဆန်းသစ်သော ကနွဲ့ ကယ လမ်းလျှောက်ဟန်မှာ ဝေ့အလှအပေါင်းတို့ကို ဖေါ်ကြူးထားသကဲ့သို့ဖြစ်နေလျက်။
ကျနော်သည်လည်း အိမ်ပေါက်ဝမှ သူ့ကို ဆီးကြို့နိုင်ခဲ့သည်။
မျက်နှာပေါ်၌ပြုံးရယ်၍ မထားနိုင်သော်လည်း “ဒီတခါတော့ ကိုယ့်ဧည့်သည်အလာ မြန်လှချည့်လား၊ဆယ်ရက်ဘဲ ကြာသေးတယ်” ဟုပြောနိုင်ခဲ့လေသည်။
“ကုန်တော့ပါမလာဘူး၊ ရထားနဲ့တင်လိုက်တယ် ကိုကို၊ မနက်ဖြန်မှ ရောက်မယ်ထင်တယ်၊ကိုယ့်အိမ်သားကို ကြိုတာပြုံးပြုံးရယ်ရယ်နဲ့ကြိုစမ်းပါ” ပြောပြီး ဝေသည် လှပစွာ ရယ်မောခဲ့သေးသည်။
ညကလည်း ဝေ့ကို ယခင်ကကဲ့သို့ ကြင်ကြင်နာနာ ဆက်ဆံပြောဆို နိုင်ခဲ့သည်။ ယခင်က သူပြန်လာစဉ် အချိ်န်များအတိုင်းပင် အားလုံးမှာ သေသပ် ပိရိနေခဲ့သည်။ ရယ်စရာ မောစရာ စကားများကို ပြောဆိုပြီး ရယ်မောပစ်ခဲ့နိုင်သေးသည်။ သူငါးခြောက်လုပ်သည့်နေရာသို့ လိုက်လည်ဦးမည်ဟုပင် ရယ်မောပြီးပြောခဲ့သေးသည်။ သည့်နေ့မိုးလင်းလာသော အခါတွင်လည်း ယခင်ကအတိုင်းပင်။ ဝေသည် ဤအိမ်ကလေးကို သန့်ရှင်းအောင် ရှင်းလင်းနေလျက် ကျနော်သည်လည်း အခါတိုင်းကလိုပင် ရယ်စရာမောစရာပြောဆိုနေ ရယ်မောနေခဲ့သေးသည်။ အားလုံးမှာ ပိရိသေသပ် လှပနေလျက်ပင်။ သို့သော် စိတ်နှလုံးသားထဲ၌မူ သိမ်းဆွေ၏စာသည် ဂယက်ရိုက်ခတ်နေသည်။


November 14, 2009

အဖြူရောင် ည


၁၉၉၂ ခု၊မာနယ်ပလောမှာဖြစ်ပါတယ်။

တာဝန်ရှိလူကြီးတချို့ က စာဆိုတော်နေ့ အခမ်းအနားကို ပြည်တွင်းမှာလုပ်သလို စာရေးဆရာတွေက စင်ပေါ်ကဟော၊စာပေချစ်သူတွေက စင်အောက်ကနားထောင်။ ကျနော်တို့ က အဲသလိုမဖြစ်ချင်ဘူး။ စာရေးဆရာတွေနဲ့ စာဖတ်သူနဲ့ တိုက်ရိုက်တွေ့ ခွင့်ရတုန်း စာဖတ်သူနဲ့ စာရေးသူ တွေ့ ဆုံဆွေးနွေးတဲ့ ရေးသူဖတ်သူဆွေးနွေးပွဲမျိုးကို ဦးစားပေးပြီးလုပ်ချင်ကြတယ်။ ဒါပေမယ့် လုပ်ဖို့ အတွက် အခြေအနေက မပေးခဲ့ဘူး။ ဒီတော့ စာပေဝါသနာရှင်တချို့ နဲ့ တိုင်ပင်ပြီး စာဆိုတော်နေ့  နောက်တနေ့ ညမှာ ကျနော်တို့ က ကဗျာဆွေးနွေးပွဲလေးနဲ့ ကဗျာရွတ်ပွဲလေးလုပ်ဖို့ စီစဉ်လိုက်ကြတယ်ဆိုပါတော့။


ဒီပွဲလေးအတွက် ကျနော်က လ္ဘက်သုပ်နဲ့ ရေနွေးကြမ်းတာဝန်ယူ၊လူ့ ဘောင်သစ်ဒီမိုကရက်တစ်ပါတီက ကိုထွဋ်ဦးလှိုင်က ထင်းတာဝန်ယူ၊ ကျနော်တို့ သောင်ရင်းမြစ် သောင်စပ်မှာ ကဗျာရွတ်ပွဲလေး လုပ်ခဲ့ကြပါတယ်။ ဒီတုန်းက မှတ်မှတ်ရရ အခုနော်ဝေနိုင်ငံမှာရောက်နေတဲ့ တေးသံရှင်မွန်းအောင်က ငြိမ်းချမ်းရေးတိုက်ပွဲသီချင်းကို သူကိုယ်တိုင် ဆိုတီးပြီး အခမ်းအနားကို ဖွင့်ပေးခဲ့ပါတယ်။ တက်ရောက်လာကြတဲ့လူတွေထဲက လူတိုင်းလိုလိုက ကိုယ်နှစ်သက်ရာ ကဗျာ ရွတ်ဆိုကြပါတယ်။ ကျနော်ရယ်၊ ပန်းချီဆရာ (ကို)ဒေါင်းနီ၊ ၁၉၉၅ခုနှစ်ထဲတုန်းက ကိုယ့်ကိုယ်ကို အဆုံးစီရင်သွားတဲ့ ကဗျာဆရာ တိ်ိုက်အောင်၊ ဆရာ ထွဋ်ဦးလှိုင်တို့ ကတော့ ကိုယ်ပိုင်ကဗျာတွေ ရွတ်ဆိုခဲ့ကြပါတယ်။ကျနော်တို့ ရဲ့ ကဗျာဆွေးနွေးပွဲ ကဗျာရွတ်ပွဲကို ဥရောပသူနှစ်ဦးကလည်း တက်ရောက်ခံစားသွားခဲ့ပါသေးတယ်။

ဒီပွဲလေးဟာ ကျနော်တို့ အတွက်တော့ အမှတ်တရပွဲလေးပါပဲ။တော်လှန်ရေးဌါနချူပ်၊သောင်ရင်းမြစ်ကမ်း ကဗျာရွတ်ပွဲလေးဆိုပါတော့။ မနှစ်ကမှ လုပ်ကြံခံရတဲ့ ကေအမ်ယူခေါင်းဆောင် ပဒိုမန်းရှာရဲ့အိမ်နဲ့့ အနီးဆုံးသောင်ပြင်၊လူ့ ဘောင်သစ်ဒီမိုကရက်တစ်ပါတီ ဌါနချုပ်ရုံးနဲ့ လှမ်းမြင်နေရတဲ့ သောင်ရင်းမြစ်သောင်စပ်မှာ ကျနော်တို့ ကဗျာတွေရွတ်ကြ ငြင်းကြခုန်ကြပေါ့။ ဒေါင်းနီ၊တိုက်အောင်၊ထွဋ်ဦးလှိုင်နဲ့ ငြိမ်းဝေတို့ လေးယောက် မနက်လေးနာရီအထိ အဲဒီသောင်စပ်မှာပဲ ကဗျာအကြောင်း စာအကြောင်းပြောကြတာ နှင်းထုကြီးအောက်မှာ တကယ့်ကို လွမ်းစရာပါပဲ။ထပ်ထည့်စရာ ထင်းမရှိတော့မှပဲ ကျနော်တို့ လေးယောက် သောင်စပ်က ထပြန်ခဲ့ကြတာပါ။

အဲဒီ ပွဲလေးမှာ ကျနော်ကဗျာတပုဒ်ရွတ်ပါတယ်။ ဒီကဗျာက ကျနော့်ဘလော့မှာတင်ခဲ့ပြီးပါပြီ။ ဒါပေမယ့် ဒီကနေ့့ တော့ထပ်ပြီးတင်လိုက်မိပါတယ်။အခုတော့ နှစ်တွေ ကြာခဲ့ပြီလေ။ အခု...ဆောင်းဝင်လာပြီဆိုတော့ အဲဒီကဗျာရွတ်ပွဲလေးကို လွမ်းမိလို့ …။

အဖြူရောင် ည

(က)
အချစ်ဆုံးသံလွင်ရဲ့ နှလုံးသားပေါ်
ကြယ်ရောင်ပျော်ကျ လရောင်ပွက်ထ။

ညအရိပ်ခို
တိတ်ဆိတ်စွာ နုပျိုတဲ့
သံလွင်ရဲ့ ရင်ခုန်သံများ
ကမ်းပါးယံတချို့ ကို ထိမှန်သွားခဲ့။

ငှက်ခါးရောင် တောင်တန်းတချို့ ကလည်း
လရောင်လျှပ်စီးနဲ့ ဓါတ်မီးတွေသွယ်ကြ။

ငါ
ဒီညမှာ
တကိုယ်တော် ကဗျာရွတ်ဆိုခြင်း
ခံစားမှုတလင်း တင်းနေအောင် ခေါက်ခဲ့။

ငါ
ဒီညမှာ
‘အောင်ချိမ့်‛ရဲ့ ‘ရွေးချယ်ပေါင်းသင်းအပ်သူများ‛
ဆေးဝါးဗူးစို့ ကို ဖေါက်
ကဗျာတခွက် သောက်ခဲ့။

ငါ
ဒီညမှာ
‘ယူဂျင်း ပေါ်တီရဲ‛ရဲ့
‘လူမျိုးစုံ ချစ်ကြည်ရေး တေး‛
နှလုံးသွေးနဲ့ ကူးရေးခဲ့။

ငါ
ဒီညမှာ
ဒေါနတောင်ပေါ်က
တတိုင်းမွှေး ပန်းကြွေပွင့်
ရင်နင့်အောင် မွှေးခဲ့။

ငါ
ဒီညမှာ
ဒေဝီမရဲ့
ခြေချသံ ပြင်းပြင်း
သီချင်းဆိုသံ ကွဲကွဲ
စွဲနင့် ဝေမူး
သူမရဲ့
<ပဲပြုပ်တောင်းထဲက>
အလှပွင့်ဦး ပန်းဖူးတငုံ
ရင်ခုန်ခဲ့။

ငါ
ဒီညမှာ
‘ဂါဗရီရယ် အိုဂါရာ‛ရဲ့
ပဉ္စလက်ဗုံသံ
နာခံတက်ကြွ ကခုန်ခဲ့။

ငါ
ဒီညမှာ
ကဗျာတဆစ် ရေးခြစ်လိုက်ရာ
ခေတ်ပြိုင်ခံစားမှု ဗဟုဝါဒ
အဖြူရောင်တည ခံစားလို့ ရခဲ့။

(ခ)
အို
အချစ်ဆုံး သံလွင်
သင်နဲ့ ငါ
ဒီညမှာ
ကဗျာတပုဒ်
အချစ်ဖြင့် သွန်းထုလုပ်
ပြီးတော့
ခံစားမှု လက်ခုပ်နဲ့ 
<လရောင်ကို>
ပခြုပ်တွင်း သွင်းထားလိုက်ကြတာပေါ့။ ။

ငြိမ်းဝေ

ယူဂျင်းပေါ်တီရဲ။ ။ပြင်သစ်သီချင်းရေးဆရာ
ဂါဗရီရယ် အိုဂါရာ။ ။နိုင်ဂျီးရီးယား ကဗျာဆရာ
ဓါတ်ပုံလေးကတော့ ဂူဂယ်မှ ရယူထားတာပါ။


November 11, 2009

ဥထဲမှာနဲ့ ဗိုက်ထဲမှာ


(၁)
ခေတ်ပေါ်ကဗျာဟာ ဘယ်ခေတ်နဲ့ မှ မတူတဲ့ အငြင်းအပွားရဆုံး ကဗျာပါပဲ။ သူက အတိဇာတသားလည်းဖြစ်ပြန် အမိအဘကလည်း တကယ့်ကို ဆွေကြီးမျိုးကြီး မျက်နှာကြီးတွေဖြစ်နေပြန်တော့ ခေတ်ပေါ်ကဗျာရဲ့ အရှိန်အဟုန်ဟာ ကောင်းသထက်ကောင်းနေတော့ပြန်တာပေါ့။


ကျနော်မှတ်မိသေးတယ်။ ၁၉၇၀ တဝိုက်ဆီတုန်းက ငွေတာရီ၊ မြဝတီ၊ စစ်ပြန်၊ သွေးသောက်နဲ့ အခြား မဆလအစိုးရနဲ့ မကင်းတဲ့ ဒါမှမဟုတ် မဆလ သြစာ အောက်မှာရှိတဲ့မဂဇင်းတွေမှာ အမျိုးသားယဉ်ကျေးမှုထိမ်းသိမ်းဘို့ ဆိုတဲ့ခေါင်းစဉ်နဲ့ ဂန္တဝင်ကဗျာရေးဟန်တွေကို တခန်းတကဏ္ဍထားပြီးအားပေးခဲ့တာ၊ ရွေးချယ်ရင်လည်း တျာချင်းတို့ ၊လေးချိုး ဒွေးချိုးပုံသဏ္ဍာန်နဲ့ ရေးတဲ့ကဗျာတွေကိုမှ ရွေးပြီးဖေါ်ပြတာမျိုးတွေ အင်တိုက်အားတိုက် လုပ်ကြတာပဲ။
ဒီတုန်းကများ မိုးဝေမဂဇင်းတခုထဲမှာပဲ ခေတ်ပေါ်ကဗျာကို အားလုံးနဲ့ ဆန့် ကျင်ပြီ့း ဖေါ်ပြခဲ့ပါတယ်။နောက်တော့လည်း အားလုံးသိကြတဲ့အတိုင်း ခေတ်ပေါ်ကဗျာဟာ မျက်မှောက်ခေတ်မြန်မာကဗျာရေစီးကြောင်းရဲ့ ရေစီးအားအကောင်းဆုံး ကဗျာရေစီးကြောင်းတခုဖြစ်လာခဲ့ပါတယ်။
ကျနော်အထက်က ပြောခဲ့တဲ့စကားထဲမှာ ခေတ်ပေါ်ကဗျာဟာ အတိဇာတသားဖြစ်တာရယ်၊ အမိအဘက ဆွေကြီးမျိုးကြီးဖြစ်တယ်ဆိုတဲ့အချက်နှစ်ချက်ကို ကျနော်ပြန်ကောက်ပါ့မယ်။ပထမ အတိဇာကသားကိစ္စ ပြောရမယ်ဆိုရင် ခေတ်ပေါ်ကဗျာရဲ့ ဖြစ်ပေါ်တိုးတက်မှုက ကဗျာသမိုင်းကို ချိုးဖေါက်ပြီးထွက်လာရတဲ့သဘောရှိပါတယ်။အစဉ်အလာ ကဗျာ့ဥပဒေသအတော်များများကို ဆန့် ကျင်ချိုးဖျက်ပြီးမှ ပုံသဏ္ဍာန်သစ်ကိုယူလိုက်တဲ့ကိစ္စဟာ အမိဝမ်းကြာဗိုက်ကို ခွဲထွက်ပြီးမှထွက်လာရတဲ့သဘောပါပဲ။ အထင်ရှားဆုံးဥပမာကတော့ နှစ်ပေါင်း ( ၉၀၀) ကျော်ခိုင်မာစွာရပ်တည်လာခဲ့တဲ့ လေးလုံးစပ်အခြေခံကို လုံးလုံးကြီးစွန့် လွှတ်လိုက်တဲ့ကိစ္စနဲ့ ကာရန်စနစ်ကို ဖျက်ပစ်လိုက်တဲ့ကိစ္စဖြစ်ပါတယ်။ ပြီးတော့ ခေတ်ပေါ်ကဗျာရဲ့အမိအဘက ဆွေကြီးမျိုးကြီးဖြစ်တယ်ဆိုတဲ့ကိစ္စကတော့ ခေတ်ပေါ်ကဗျာရဲ့အကြောင်းအရာအားဖြင့်ခြေကုတ်ယူတဲ့နေရာက လူထုဖြစ်ပါတယ်။ခေတ်ပေါ်ကဗျာက လူထုရဲ့ရင်ခုန်သံကို လူထုသုံးဝေါဟာရတွေ လူထုသုံးစကားပြောလေသံတွေကိုအသုံးပြုပြီးမှ ကဗျာဖြစ်အောင် တီထွင်ထားတာဖြစ်ပါတယ်။ လူထုထက်ပိုပြီးကျယ်ပြန့် တဲ့နေရာ၊လူထုထက်ပိုပြီးခန့့်ငြားထည်ဝါတဲ့မိဘဆိုတာကော ရှိနိုင်ပါအုံးမလား။ခေတ်ပေါ်ကဗျာဟာ လူတွေအကြောင်းကို လူတွေ နေ့ စဉ်ပြောဆိုနေကြစကားလုံးတွေ လေသံတွေနဲ့ ပဲ အသုံးပြုဖေါ်ပြတာမို့ ကျမ်းဟောင်းထဲကလှမ်းကြည့်ရင် ခေတ်ပေါ်ကဗျာကို ကဗျာလို့ တောင်မှ အသိအမှတ်ပြုလို့ မရနိုင်အောင် ဖြစ်တဲ့သူလည်းရှိကောင်းရှိနိုင်ပါတယ်။ ဒီနေရာမှာ တင်ပြပုံးတင်ပြနည်းဆင်တူလွန်းတဲ့ ခေတ်ပေါ်ကဗျာနှစ်ပုဒ်ကို ကျနော်ဖေါ်ပြလိုက်ပါတယ်။တပုဒ်က ဥရောပက ဂျာမာန်ခေတ်ပေါ်ကဗျာတပုဒ်၊ နောက်တပုဒ်က မြန်မာခေတ်ပေါ်ကဗျာတပုဒ်ဖြစ်ပါတယ်။ ဒီကဗျာနှစ်ပုဒ်ရဲ့ တူညီတဲ့အကြောင်းအရာက လူတွေ ကတ္တားဘဝကလျောကျရတဲ့အဖြစ်၊ လူဟာ လူတစု၊လူတယောက်၊ ဒါမှမဟုတ် စနစ်တခု၊ ဒါမှမဟုတ် သဘာဝတရားရဲ့ ကြိုးကိုင်စီမံရာခံရတဲ့ဘဝအနေအထားကို ရေးတဲ့အကြောင်းအရာပါပဲ။ ကိုယ့်ဘဝကို ကိုယ်မပိုင်တဲ့ အပြုခံသတ္တဝါများဖြစ်ကြရပုံအကြောင်း ပါပဲ။ ဒါပေမယ့် ထူးခြားတဲ့အချက်က ကဗျာနှစ်ပုဒ်စလုံးမှာ အညံ့ခံအရှုံးမပေးလိုတဲ့ မဟာလူသားစိတ်ဓါတ်ကို ထင်ဟပ်တဲ့ ကဗျာစာကြောင်းတွေ ပါရှိတာ လည်း တွေ့ ကြရပါလိမ့်မယ်။ နှိုင်းယှဉ်ခံစားနိုင်ဖို့ အတွက် ကဗျာနှစ်ပုဒ်စလုံးကို ဖေါ်ပြပေးလိုက်ပါတယ်။ဂျာမာန်ကဗျာကတော့ နာမည်ကျော် စာပေနိုဗယ်ဆုရှင် ဂန်တာဂရပ်စ် ရဲ့ကဗျာဖြစ်ပါတယ်။နောက်တပုဒ်ကတော့ မြန်မာကဗျာဆရာ မိုဃ်းဇော် ရဲ့ ကဗျာဖြစ်ပါတယ်။

ဥထဲမှာ

ကျွန်ုပ်တို့သည် ဥထဲ၌ နေကြသည်။
ဥခွံ၏အတွင်းနံရံတပြင်လုံးပေါ်၌
ညစ်ပတ်သောပုံများနှင့်
ကျွန်ုပ်တို့၏ ရန်သူအမည်များ
ရေးဆွဲထားကြသည်။
ကျွန်ုပ်တို့ကို သားဖေါက်နေသည်။

ကျွန်ုပ်တို့အား သားဖေါက်နေသူသည်
ကျွန်ုပ်တို့၏ ခဲတံများကိုလည်း
သားဖေါက်နေသည်။
ဥမှတနေ့ လွတ်လွတ်လာချင်း
ကျွန်ုပ်တို့အား သားဖေါက်နေသူ၏
ပုံကို ကျွန်ုပ်တို့ရေးဆွဲမည်။

ကျွန်ုပ်တို့အား သားဖေါက်နေသည်ဟု
ကျွန်ုပ်တို့လက်ခံထားကြသည်။
သဘောကောင်းသောကြက်တစ်ကောင်ဟု
စိတ်ကူးပြီး
ထိုကြက်မ၏ အရောင်နှင့်အမျိုးကို
ကျောင်းသား စာစီစာကုံးများ
ကျွန်ုပ်တို့ရေးကြသည်။

ဘယ်တော့မှ ကျွန်ုပ်တို့ ဖေါက်ထွက်ကြမလဲ
ဥထဲမှ ကျွန်ုပ်တို့၏ ပရောဟိတ်များက
အလယ်အလတ်လစာလေးအတွက်
“X”ဟုခေါ်သောနေ့တနေ့ကို
တင်ပြလာကြရဲ့။
ပျင်းရိသောကြောင့်အပြင်
အမှန်တကယ်လိုအပ်သောကြောင့်
ကျွန်ုပ်တို့
သားဖေါက်စက်များ တီထွင်ပြီးခဲပြီ
ဥထဲရှိ ကျွန်ုပ်တို့ ၏ရင်သွေးများအတွက်
ကျွန်ုပ်တို့ အလွန်စိုးရိမ်နေကြပါသည်။
ကျွန်ုပ်တို့၏ စက်များကို အသုံးပြုရန်
ကျွန်ုပ်တို့အား စေါက်ရှောက်နေသော
သူမအား အကြံပြုလိုပါသည်။

သို့သော် ကျွန်ုပ်တို့၏ ခေါင်းပေါ် အမိုးရှိပါသည်။
အိုမင်းနေတဲ့ ကြက်ပေါက်စတွေ
ဘာသာစကားစုံ သနွေသားတွေ
တနေကုန်
အကြောင်းအရာမရှိ ပြောဆိုကြပါသည်
၎င်းတို့၏အိပ်မက်များကိုပင်
ဆွေးနွေးကြပါသည်။

နို့
ကျွန်ုပ်တို့အား သားဖေါက်နေတာ
မဟုတ်ရင်ကော
အကယ်၍ ဒီဥခွံဟာ
ဘယ်သောအခါမှ မကွဲရင်ကော
အကယ်၍ ကျွန်ုပ်တို့ရဲ့  မိုးကုတ်စက်ဝိုင်းဟာ
ကျွန်ုပ်တို့ရေးခြစ်ရာတွေသာဖြစ်ပြီး
အဲသလိုသာအမြဲ ဖြစ်နေရင်ကော
ကျွန်ုပ်တို့အား သားဖေါက်နေသည်ဟု
ကျွန်ုပ်တို့ မျှော်လင့်ရပါသည်။

သားဖေါက်နေခြင်းအကြောင်းသာ
ကျွန်ုပ်တို့ ပြောဆိုနေသည့်တိုင်
ဥခွံပြင်ပရှိ တဦင်္းဦး
ဗိုက်ဆာနေမည်ကို ထိတ်လန့်ရပါသည်။
ကျွန်ုပ်တို့ကို ဒယ်အိုးထဲ ခွဲပြီး
ဆားဖြူးလိုက်ရင်ကော
အဲဒီအချိန်မှာ ဘာလုပ်ကြမလဲ
ဥထဲက
ကျွန်ုပ်တို့ ညီနောင်ရေ….။

(ဂျာမာန်ကဗျာဆရာ Gunter Grass ရဲ့ In the Egg ကဗျာက်ို စေါဟန်သိုက် ဘာသာပြန်ဆိုထားခြင်းဖြစ်ပါတယ်။)

ဗိုက်ပူ

အတောင်ပံပါတဲ့ငှက်တွေလို
အိပ်တန်းဆီ အလွယ်တကူ မပြန်နိုင်ပေမယ့်
သာမန်ပြည်သူတွေနဲ့ အတူ
ဘတ်စ်ကားစီးပြီးပြန်ခဲ့တယ်။

ဒီ ဘတ်စ်ကားကြီးကို
“ဗိုက်ပူ ”လို့လည်း ခေါ်ကြတယ်။

ဗိုက်ပူရဲ့  ဗိုက်ထဲမှာ
ခင်ဗျားတို့လည်း ခင်ဗျားတို့ အရေး ခင်ဗျားတို့တွေးလို့
ကျွန်တော်လည်း ကျွန်တော့်အရေး ကျွန်တော်တွေးလို့
ရွေးချယ်စရာမရှိတဲ့ ဒီလမ်းမှာ
( လူ့ ဘဝဆိုတာလည်း ချိန်းဆိုမထားဘဲ ဆုံခဲ့ကြတာပါပဲလေ)
ခင်ဗျားတို့ တစ်သက်လုံး
ဗိုက်ပူနဲ့ နပမ်းလုံးခဲ့ရသလို
ကျွန်တော့် တစ်သက်လုံးလည်း
ဗိုက်ပူနဲ့ နပမ်းလုံးခဲ့ရပါတယ်။

ဗိုက်ပူရဲ့  ဗိုက်ထဲမှာပဲ
ကျွန်တော်တို့ ဘဝတွေ ငါးပိသိပ် ငါးချဉ်သိပ်
တစ်ဦးအပေါ်တစ်ဦး ထိတ်လန့်လို့
တစ်ဦးအပေါ်တစ်ဦး ဖိတ်စဉ်ခဲ့ကြတယ်။

တကယ်တော့ ဗိုက်ပူဟာ
ကျွန်တော်တို့ အသက်တွေကို မောင်းနေတဲ့
ကျွန်တော်တို့ ဘဝတွေကို မောင်းနေတဲ့
ကျွန်တော်တို့ အချိန်တွေကို မောင်းနေတဲ့
အမျိုးအမည်မသိ မော်တော်ကားတစ်စင်းပါပဲ။

ကျွန်တော်ဆင်းရမယ့်
“ဒုက္ခ”လမ်းမထက်က
“သုခ”မှတ်တိုင်ရောက်တော့
ဗိုက်ပူပေါ်က ဆင်းပြီး
ရပ်ကွက်လမ်းကျဉ်းကလေးထဲ ဝင်လိုက်တယ်။
ကျွန်တော့်ရှေ့ ကိုက်(၁၀၀)မှာ
ကလေးတွေ ဆော့ကစားနေတာ မြင်လိုက်ရ
မကြာခင်ဆို
နွေဦးပေါက်တော့မယ်“အမေ”။ ။

( ဒါကတော့ မိုဃ်းဇော် ရဲ့ ကဗျာဖြစ်ပါတယ်။ )
(ကဗျာသရုပ်ဖေါ်ပုံက ပန်းချီထိန်လင်းရဲ့ ပန်းချီကားဖြစ်ပါတယ်)

ငြိမ်းဝေ
ကိုးကား။ ။မိုးဃ်းဇော် ရဲ့  သေတမ်းစာ ကဗျာစာအုပ်
။၁၉၉၂၊ ဒီဇင်ဘာလ၊ ပင်လယ်မဂဇင်း


November 10, 2009

နွေတည


( ၁၄ )
တဆစ်ချိုးသည့်လမ်း

မြိုင်ကြီးမြို့သို့ရောက်ပြီး ကုန်းပေါ်ပိုင်း သီတာမြသားလမ်း အိမ်တွင်နေစရက်များက ဝေသည် အချိန်စက္ကန့် ပိုင်း တိုင်းတွင် သမီးလေးကိုသတိရကာ အဆွေးကြီးဆွေးခဲ့ရသည်။
ထိုရက်များတွင်တောင်ခြေ မြို့ ကလေးဖြစ်သော မြိုင်ကြီး၌ မိုးသည်လည်း အဆက်မပြတ် ရွာနေခဲ့၏။ တောင်တန်းကြီးများပေါ်မှ မိုးလုံး မိုးခဲကြီးများသည် လေနှင့်အတူ ကောင်းကင်မှပြေးလာကြပြီး မြိုင်ကြီးမြို့ ကလေးပေါ်သို့ ရောက်လျှင် တဝုန်းဝုန်းပြုတ်ကျနေကြသည်။ အိမ်ရှေ့ပြတင်းဝဖွင့်လိုက်လျှင် မိုးရေများသည် သီတာမြသားလမ်းပေါ်ဝယ် ချောင်းငယ်ကလေးတခုအသွင်ဖြင့် တဝေါဝေါ် ပြေးဆင်းနေသည်ကို တွေ့ရမည်။


ဤအချိန်မျိုးတွင် ပြတင်းဝမှာ အကြာကြီး ငိုင်ရပ်နေသော ဝေသည်လည်း သမီးလေးအတွက် စိတ္တဇစိတ်ဖြင့် မျက်ရည်များတသွင်သွင် စီးကျနေတတ်သည်။
တခါတရံ ကျနော်အလုပ်မှ ပြန်လာချိန်တွင် ဝေပြတင်းဝရပ်ကာ ငေးငိုင်နေသည်ကို တွေ့မြင်ရလျှင် ကျနော့် စိတ်၌ပင်ထိခိုက်လာသည်။ ကျနော် သူ့အနား သွားရပ်လျှင်လည်း သူသည် ကျနော်ရောက်လာသည်ကို မသိသလိုပင် လှည့်၍မျှမကြည့်တတ်။ သူ့နှုတ်မှသာ သမီးလေးနှင့် ပတ်သက်သော စကားများကို တမျိုးမဟုတ်တမျိုး ပြောနေတတ်သည်။

“မိုးတွေကရွာလိုက်တာနော်၊ အခုဆိုရင် သမီးလေးမြေပုံလဲ မိုးရေတွေနစ်နေတော့မှာဘဲ၊ ညက ခင်ဝေ အိပ်မက်မက်တယ်၊ သမီးကပြောတယ်၊ သူရေနစ်လို့ ကယ်ပါအုံးတဲ့၊ ဟေမန်မှာလဲ မိုး တွေတအားရွာနေတာဘဲတဲ့၊ ခင်ဝေတို့ ထွက်လာတဲ့ နောက်နေ့ကစရွာတာ ဒီနေ့အထိဘဲတဲ့၊ တရက်မှမပြတ်သေးဘူး၊ တနာရီတောင်မပြတ်သေးဘူးတဲ့၊ မြစ်ရေတွေ လျှံလာတာတမန်ကြီးကို ကျော်တော့မယ်တဲ့၊ ငှက်ပျောခြံကြီးလဲ ရေထဲမြုပ်သွားဘီ၊ တမန်ကြီးကျိုးတော့မယ်တဲ့၊ဲသမီးလေးလေ ချမ်းလို့ ခိုက်ခိုက် တုန်နေတာဘဲ၊ နှုတ်ခမ်းတွေပြာလို့၊ ပြောလိုက်တဲ့ စကားတွေကလဲသွက်လိုက်တာလေ။ သမီးအသံက ကိုကို့အသံနဲ့ နဲနဲဆင်တယ်၊ သမီးအသံကို ကိုကိုကြားစေ့ချင်လိုက်တာ”

ကျနော်လည်း ဝေ့အနားတွင်ရပ်ကာ ရေများတဝေါဝေါစီင်္းနေသည့် သီတာမြသား လမ်းအပေါ်သို့ ငေးကြည့်နေမိစဉ်၌ သမီးလေးကို သတိရလာကာ သူ၏ ခြေကားယား လက်ကားယား ဖြစ်နေပုံကို တွေးနေမိကာ ရင်ထဲတွင် ဆို့နင့်နာကျင်လာ နေရပြန်သည်။
ဤရက်ပေါင်းများစွာ၌ ဝေ့ကို စိတ္တဇပင် စွဲကပ်မည်ပင် စိုးလာရသည်။ သူသည် အဝတ်လျှော်ရင်းလည်း အဝတ်များ၊ ဆပ်ပျာများကို ပစ်ချထားပြီး ကြာရှည်ကြာမြင့် ငိုင်ချင်ငိုင်နေသည်။ ထမင်းချက်ရင်းလည်း ထမင်းအိုးကြီး ပွက်ပွက်ဆူနေသည်ကို သူသည် ငေးကြည့်ချင် ကြည့်နေသည်။
ညအိပ်ရာများထဲတွင်လည်း သူသည် တလူးလူး တလှိမ့်လှိမ့် ဖြစ်နေတတ်၏။ တခါတရံ “သမီးရေ” ဟု သူသည် ကယောင်ကတမ်းဖြင့် မြှူချင်ြမှူနေတတ်၏။ သူအိပ်မက် ထရောင်နေသည်ကိုကြည့်ရင်း ကျနော်ပင်စိတ်ထိခိုက်ခဲ့ရပြန်သည်။
သူသည် ခေါင်းအုံးကို ပွေ့ပိုက်ပြီး “သမီး သမီးကသိပ်လိမ္မာတာနော်”ဟု ပြောချင်ပြောသည်။ ခေါင်းအုံးကို လွှင့်ပစ်ကာ ပြန်အိပ်သွားသည်။
မြိုင်ကြီး၌မိုးပါးစ ပြုလာသောညများတွင် ကောင်းကင်၌ လရောင်များ ကြယ်ရောင်များပြိုးပြက်လာခဲ့သည်။ စပယ်များလည်း လှိုင်လှိုင် ပွင့်လာပြီဖြစ်၍ ညများ၌ စပယ်ရနံ့များ သင်းမြလာသည်။ ထိုရက်များအတွင်းက ညညတွင် ဝေသည်နှစ်ခြိုက်စွာ အိပ်သည်ဟူမရှိခဲ့။ သူသည်နှလုံးသား မငြိမ်၊ လှုပ်ရှားနေကာအ်ိပ်ယာထဲတွင် ခဏလှဲအိပ်လိုက်၊ အိပ်ရာမှထပြီး အိမ်သာသို့ သွားလိုက်နှင့် အိမ်သာနှင့်အိပ်ရာ အသွားအပြန် လှုပ်လှုပ်ရှားရှား ဖြစ်နေခဲ့သည်။
“မေ့ပစ်လိုက်မှပေါ့ကွာ၊ မမေ့ရင်ဒုက္ခဖြစ်မယ်” ဟု ကျနော်အကြိမ်ကြိမ်ပြောသည်ကိုလည်း သူသည် နားဝင်ပုံမရတော့။
တခါတရံ ကျနော့်ကို အတင်းလှုပ်နှိုးပြီး “ ကိုကိုသမီးလေး၊ မေမေတို့လွမ်းလို့ လိုက်လာခဲ့ချင်တယ်လို့ ပြောနေတယ်၊ ငိုပြောတာ၊ ရှိုက်လိုက်တာလေ၊ သမီးမကျွတ်ပါဘူးကိုကို၊အဲဒါအဲဒါ ဘာလုပ်ကြမလဲဟင်၊ ဆွမ်းသွတ်မှဖြစ်မှာ၊ ဒုက္ခဘဲ၊ ပိုက်ဆံလဲတပြားမှ မရှိဘူး” ပြောချင်ပြောနေသည်။
ဝေ့ အသားများမှာ တဆတ်ဆတ်တုန်နေရှာသည်။ ကျနော်လည်း အတတ်နိုင်ဆုံး နှစ်သိမ့် ပေးနေရ၏။
ညနေ နေညိုလာလျှင် သမီးလေးအသက်ကုန်ချိန် ဖြစ်သောကြောင့် သူသည် ပို၍စိတ်လှုပ်ရှားလာတတ်သည်။ သူ့ကို ရုပ်ရှင်မပြတ်ပြ၏။သူသည် ပိတ်ကားပေါ်၌ အရုပ်များလှုပ်ရှား နေကြသည်ကို ကြည့်ပြီး ငိုစရာမဟုတ်ဘဲနှင့်လည်းမျက်ရည်များ တဝေဝေကျလာသည်။

မြိုင်ကြီး၌ဆောင်းပေါက်လာလျှင် ပွဲများမကြာ မကြာ ပြသရာကျနော်သည် သူ့ ကိုပွဲကြည့်ခိုင်း၏။ သူသည် လူပြက်ြပက်လုံးများ၌အများရယ်ကြသော်လည်း မရယ်နိုင်ဘဲ လူပြက်ကြီးများကိုသာ ငေးကြည့်နေ၏။ အတော်ကြာလာလျှင်
“ပြန်ကြရအောင်ပတ်မထုတာကြီး နားမထောင်ချင်တော့ဘူ။ ရင်ထဲ လှိုက်လှိုက်ပီးတုန်သွားတာဘဲ” ဟုပြောတတ်လေသည်။
အိမ်အပြန်တွင် နှင်းမှုန်ရောသော လရောင်ထဲ၌ သူ့မျက်နှာမှာငေးနေတတ်ပြန်သည်။ ကျနော် လမ်းလျှောက် မြန်လျှင် သူသည် ကျနော့်ကို ဖမ်းကိုင်ထားသည်။
“ဖြေးဖြေးသွားကွယ်၊ ဘာပြုလို့ဒါလောက် လောရတာလဲ”ဟုပြောကာ သူသည် ငေးတွေရင်း ဖြည်းဖြည်း လျှောက်လေသည်။
ဝေသည် တနေရာရာသို့ ထွက်သွားလိုကြောင်း မကြာမကြာ ပြောခဲ့၏။ သူ့စိတ်နှလုံး မငြိမ်နိုင်တော့ပြီကို သိသော်လည်း ငွေကြေးအခက်အခဲကြောင့် ကျနော်သည် မလိုက်လျောနိုင်ခဲ့။ ထိုအတွက် စိတ်မကောင်း ဖြစ်နေစဉ်၌ ဝေ့အမေရောက်လာသောအခါ ကျနော်သည် ကျေနပ် ဝမ်းသာခဲ့ရလေသည်။

ဝေ့ အမေသည် ယောက်ျား နောက်မယားယူသွားသဖြင့် လင်မယားချင်း ကွဲလာပြီး ယခု သူတို့မြို့တွင် သူ့ညီမ ဝမ်းကွဲတယောက်နှင့် အတူနေကာ ဝါးကုန် ကူးနေသည်။
အစက ငွေရင်းအနည်းငယ်မျှဖြင့် ကုန်စိမ်း ကောက်ရောင်းနေခဲ့ရာမှ ထိုမှတဆင့် ငရုတ်သီး၊ ကြက်သွန်၊ ငါးပိ၊ ငါးခြောက်များ၊ ထို့နောက် ဝါးနှင့်သက်ငယ်များ လုပ်ကိုင်လာရာယခုမူ ဝေ၏ မိခင်သည် သူတို့မြို့၌ အတန်အသင့် ခွန်အားရှိသော ကုန်သည်ပေါက်စတဦး ဖြစ်နေခဲ့ပေပြီ။ သူသည် ဝါးများကို ရထားတွဲလိုက် မှာယူရောင်းချနေသူ ဖြစ်နေခဲ့ပေပြီ။
ကျနော်သည် ယခု ဝေ့အမေ ရောက်လာပြီး ဟိုစဉ်က ဆက်ဆံရပုံနှင့် ခြားနားနေခဲ့သည်ကို သတိထားခဲ့မိသည်။ စပါးစက် ဝင်းအတွင်းရှိ တန်းလျားတခုတွင် နေထိုင် ခဲ့ကြစဉ်ကနှင့်မူ ဘာမျှမတူတော့ပေ။ အပေါ်ယံ အဝတ်အစား အပြောအဆို၊ အနေအထိုင်တို့မျှသာ မဟုတ်၊ ဝေ့အမေ၏ အတွင်းစိတ်ထား များပါ ပြောင်းလဲ နေခဲ့ပေပြီ။

ဝေ့ အမေ အပြန်တွင် ဝေ စိတ်ပြေလက်ပျောက် ဖြစ်စေရန်တကြောင်း၊ ကျနော်တို့၏ စားဝတ်နေရေးမှာလည်း တောခေါင်း လစာကလေးဖြင့် ပိုလျှံ သည် မရှိသောကြောင့် ဝေ့ ရွှေများ ပေါင်ထားသည်ကို ရွေးလိုသောကြောင့် တကြောင်း ဝေ့ ကိုထည့်လွှတ်လိုက်ရသည်။
ထိုမှ ဝေပြန်လာသောအခါ ငါးပိ ငါးခြောက်များ တောင်းကြီးတောင်းငယ်နှင့် သယ်ဆောင်လာခဲ့၏။ ဝေ ပြန်သွားသောအခါ အထည်လိပ်များ ပါသွားပြန်သည်။
ဝေ့ အတွက် စိတ်ဝင်စားဖွယ်ရာ အလုပ်တခုလည်း ရလာခြင်းကြောင့် ဝေ့ စိတ်သည်လည်း တည်ငြိမ်လာခဲ့သည်။ သမီးလေးကိုချည်း သတိရ မနေအားတော့ဘဲ သူ့ အမြတ် အစွန်းများကို တွက်ချက်ရာ၌ အာရုံ ဝင်စားလာတော့သည်။ သူတခေါက် ပြန်လာပြီးတိုင်း ရွှေတခုခုကို ပြန်ရွေးသည်။ သူနှင့် ကျနော့် အတွက် အဝတ်အစားများလည်း ဝယ်ခြမ်းသည်။
ထိုမှတဆင့် ဝေသည်လည်း သူ့အမေ၏ ဝါးလုပ်ငန်း၌ အရင်းအနှီးများ ထည့်ဝင် မြုပ်နှံလာနိုင်ခဲ့သည်။
ဝေသည် အိမ်ပြန်ရောက်လာသည့် အချိန်များတွင် ကျနော့်ကို င်္သချာ၊ အရေး၊ အပေါင်း၊ အနှုတ်များကို သင်ခိုင်းသည်။ သူ စိတ်ပါဝင်စားလှသဖြင့် သင်ကြားရသည်မှာလည်း သိပ်မကြာလိုက်ပေ။ မကြာမီပင် ဝေသည် ကျင်လည်စွာ ရေး၊ ဖတ် တွက်တတ်လာသည်။
ဝေ စက်ဘီး အစီးသင်လိုသည် ဆို၍လည်း သင်ပေးခဲ့ရ၏။ စက်ဘီး အစီးတတ်သွားပြီးနောက် မြိုင်ကြီးမြို့ အပြင်ဘက်တောလမ်းများတွင် နှစ်ယောက်သား စက်ဘီးလျှောက်စီးရသည်ကို ဝေသည် နှစ်သက်ခဲ့၏။ ကုန်းအဆင်းများတွင် စက်ဘီးလွှတ်စီးရသည်ကို ဝေ သည် နှစ်ခြိုက်နေခဲ့၏။

အချိန်ကာလ အတန်ကြာသည့်တိုင်အောင် ကျနော်သည်ဝေ၏ တစတစ ပြောင်းလဲသွားမှုများကို သတ်ိမထားခဲ့။ ဝေ၏ ခေါင်းမှ ဆံပင်များမှ ယခင်ကလို တပတ်လျှို ဆံထုံးမဟုတ်တော့ဘဲ လှုိုင်းတွန့် လှိုင်းလိပ်ကြီးများ ဖြစ်လာကြခြင်း သည်လည်းကောင်း၊ ဝေ ဆိုးသည့် နှုတ်ခမ်း ဆိုးဆေးများမှာ အဖိုးတန် နှုတ်ခမ်းဆိုးဆေးများအဖြစ်သို့ ပြောင်းလဲလာကြခြင်းသည်လည်းကောင်း၊ ဝေ၏ ဝတ်စားဆင်ယင်မှုများပို၍ ခေတ်ဆံလာခြင်းသည်လည်းကောင်း၊ ဝေ၏ စကားပြောဟန် သွားဟန်လာဟန်များ တစထက်တစ သဘင် ဆံလာခြင်းသည်လည်းကောင်း ကြီးမားသော ပြောင်းလဲမှုများ မဟုတ်ကြပေ။ အပြင်အပ ပြောင်းလဲခြင်းမျှသာ ဖြစ်ပေသည်။ တကယ့်ပြောင်းလဲခြင်းကား အတွင်းစိတ်နှလုံး ပြောင်းလဲခြင်း ဖြစ်သည်။ ဝေ၏ အတွင်းစိတ်၌ နက်ရှိုင်းစွာ ပြောင်းလဲခဲ့ပြီကိုမူ ဝေကိုယ်တိုင်ပင် သိနိုင်မည်မဟုတ်။

တခါတွင်မူ ဝေမြိုင်ကြီးသို့ ပြန်လာပြီး ကျနော်နှင့် ရုပ်ရှင်ကြည့်ပြီး ပြန်အလာ စပယ်ခြံ လမ်းထောင့်တွင် ဝေ ပြောခဲ့သော စကားများကြားလာရမှ ကျနော်လည်း ဝေ၏ ပြောင်းလဲနေမှုများက်ို တွေးမိစ ပြုခဲ့သည်။
ဝေသည် သူ့ ကုန်များ မြတ်စွန်းပုံကို အားရစွာ တွက်ချက်ပြလာရင်း…

“ဟုတ်တယ်နော် ကိုကို၊ တကယ်တော့ ငွေကို ငွေနဲ့ရှာရင်အလွယ်ကလေးဘဲ၊ ကြည့်လေ ဝေ ရောင်းတဲ့ အထဲက သူတို့ ပြားငါးဆယ်ဘိုးဝယ်ရင် ဝေ့ အတွက် ပြားနှစ်ဆယ်ကျန်ခဲ့ရော တနေ့ ဆယ်ပိဿာဘဲ ရောင်းရရင်တောင် နှစ်ဆယ်အစိတ်တော့ အသာကလေး ကျန်ခဲ့တာ၊ ဟိုတုန်းက ဝေတို့စက်ထဲ အလုပ်လုပ်ခဲ့တာ သိပ်ညံ့လို့ပေါ့နော်၊ ဖွဲသယ်ရတာ စပါးသယ်ရတာပင်ပန်းလိုက်တာ၊ တနေကုန် ခါးချိုးပီး လုပ်ရတာမှ နှစ်ကျပ်သုံးကျပ်ရတာ၊ မသေရုံစား မအားရုံနေ”

ထိုအခါက ကျနော်သည် လမ်းလျှောက်လာရင်း ဓာတ်မီးတိုင် အလင်းရောင် မှိန်မှိ်န်အောက်တွင် ဝေ့ မျက်နှာကလေးကို ငေးကြည့်နေခဲ့၏။ ဤ တခဏတွင်ကား ကျနော်သည် ဝေ့ကို စက်ထဲမှ စပါးသယ် အလုပ်သမလေး ခင်ဝေဟုမမြင်တော့ပေ။သူသည် ခင်ဝေ မဟုတ်တော့ပြီ။

ဝေသည် သူ့ကိုယ်သူ“ဝေ” ဟု သုံးနှုန်းနေခဲ့လေပြီ။
ထိုသို့ ဖြစ်သော်လည်း ခင်ဝေ ၏ ရိုးသားဖြူစင်မှုကလေးများမှာမူ ပွင့်လန်းနေဆဲဟု စိတ်၌ ယုံကြည်နေခဲ့၏။ ဤရုိုးသားစင်ကြယ်မှုကလေးများ အပေါ်တွင်မူ မည်သည့် အခါတွင်မှ သံသယ ဖြစ်ရမည်မဟုတ်ဟု တွေးနေခဲ့၏။
အမှန်တွင်ကား ဝေသည် တဆစ်ချိုးကွေ့ သည် လမ်းချိုးသို့ ရောက်နေခဲ့ပါပြီ။ ဝေ့နှလုံးသား၌ လေဘတရားများဖြင့် အညစ်အကြေး ထူထပ် နေခဲ့ပါပြီ။ ထို လောဘတရားသည် မတရားလောဘဖြစ်၏။ ဤမှတဆင့် ဝေသည် ငွေအတွက်ဘာမဆို လုပ်မည်ဟူသော ငွေကိုသာ ပဓါန ထားတွက်မည့်သူအဖြစ်သို့ မပြောင်းလဲဟု ဆိုနိုင်မည်မဟုတ်သည်ကို ကျနော်ကားမတွေးခဲ့။

ဝေသည် မြိုင်ကြီးသို့ ပြန်ရောက်လာတိုင်း သူ့ကိုရုပ်ရှင်လိုက်ပြပါဟု ပူဆာတတ်၏။ ကျနော်ကား သူပြန်လာသည့် ရက်ပိုင်းကလေးတွင် သူနှင့်အတူ အိမ်တွင်ဘဲနေချင်သည်။ သို့သော်လည်း သူက အတင်းပူဆာသော အခါတွင်မူ လိုက်ပြရသည် ချည်းပင်။

“ဒီနေ့ည ဘိုင်စကုပ်လိုက်ပြမလား၊ မပြဘူးလား” ဟု သူသည် ညနေခင်းများ၌ စပယ်ခြံများရှေ့တွင် စက်ဘီး အတူစီးလာကြရင်း မေးနေတတ်၏။
“ ကို လိုက်မပြရင် ဝေ့ တယောက်ထဲ သွားကြည့်မလို့ မေးတာလား”
“ ဒီပြင်နည်းလမ်းကော ရှိသေးလို့လားကိုကိုရယ်”
“ဒါဖြင့် ဘိုင်စကုပ်ရုံထဲမှာ မင်းအနား တယောက်ယောက် လာထိုင်ပီး မီးလဲ ဖျတ်ကနဲပိတ်လိုက်ရော”
သူသည် ရွှင်လန်းစွာ ရယ်မောရင်း “တော်ဘီ၊ ဒါလောက် ပြောရင် ရိပ်မိဘီ၊ အဲဒီလိုဆိုရင်လေ အသာကလေး ငြိမ်နေလိုက်တာပေါ့”ဟု ရယ်သံများ ရောထွေးကာ ပြောတတ်သည်။
“အို ဝေသိပ်ပီး တိုးတက်လာပါပေါ့လား”
“ဒါပေါ့၊ ဒါဘာဆန်းသလဲလို့၊ ကိုကိုဘဲသင်ထားတာမို့လားဆန်းပါဘူး၊ ကိုကိုပြောသလို အသားကို အသားနဲ့ ထိကြတာဘဲဟာ၊ ဘယ်သူက သာတယ်နာတယ် ဆိုတာ ဖြစ်နိုင်ပါ့ မလားကွယ်၊ သူလဲတမျိုး ကိုလဲတမျိုး အတူတူဘဲလေ၊ ဒီတော့ မျက်လုံးမှေးပီး မသိချင်ယောင် ဆောင်ပီး အသာကလေး မျှောပီးငြိမ်နေလိုက်တာပေါ့”
“ဒါ မင်း တကယ်ပြောနေတာ”
“တကယ်ပြောနေတာမှန်း ကိုကိုသိတယ် မှုတ်လား၊ ဒါဖြင့် ကိုကိုလဲ တော်တော် တိုးတက်နေတာဘဲ”

ကျနော်နှင့်ဝေသည် မြို့အပြင်ဘက် တောင်ကုန်းများပေါ်မှ စက်ဘီးမနင်းဘဲနှင့် လျှောဆင်းနေစဉ်တွင် ပြိုင်တူ ရယ်နေမိကြသည်။ ဝေ့မျက်လုံးများသည် မြူးကြွလာကာ တလက်လက် တောက်ပနေကြ၏။ ဝေသည်ကိုယ်ကို သိမ့်သိမ့်လှုပ်ကာ သူအတု ခိုးလာသော ဟန်သစ်တခုဖြင့် ရယ်နေခဲ့သည်။

ဝေထွက်ခွာသွားသည့် နံနက်များ၌မူ ဝေ့ကို လိုက်ပို့ရာ တောင်ကုန်းမြင့်ပေါ်၌ ရှိသည့် ဘူတာရုံမှ ဖြစ်စေ၊ မြို့ အစွန်ရှိအဝေးပြေးမော်တော်ယာဉ်ဂိတ်မှ ဖြစ်စေ၊ ပြန်လာခဲ့တိုင်း ကျနော့် စိတ်၌“ ဝေဟာ ဧည့်သည်”ဟု အမှတ် မထင် တွေးလာခဲ့မိသည်။
ထိုအတွေးသည် ရေတပွက်အကြာမျှသာခံပြီး ဖျတ်ကနဲ ပြန်ပျောက်သွားရ၏။ ဝေ၏စီးပွားရေး အလုပ်ကြောင့်သာ ဝေ့ ရွှေ ကလေးများကို ပြန်ရွေးနိုင်သည်ကို မတွေး၍ မရ။ ဝေ ကား ငယ်ရွယ်သူ၊ လှပသူဖြစ်သည့်အတိုင်း ဝတ်ချင်စားချင်ရှာမည်။ ကျနော်၏ တောခေါင်းလစာကလေးမျှဖြင့်ကား ဆင်နိုင်မည် မဟုတ်။ ကျနော်ကား အမှုဖြစ်ဖူးကာ မျက်စိ ဒေါက်ထောက် အကြည့်ခံနေရသူဖြစ်၍ အပြင်ဝင်ငွေကိုလည်း မစားဝံ့။ ထို့ အပြင်လည်း ဝေသည် သူ့အမေနှင့်အတူ အလုပ်ကို ဖက်စပ်လုပ်နေခဲ့ရာ သူ့ အမေအတွက်လည်း ကြည့်ရှုရပေမည်။ သူ့ အမေသည် အိမ်တလုံးဆောက်နေ၏။ ဆေးလိပ်ခုံလည်း ထောင်နေ၏။ စင်စစ်တွင်မူ ဝေ့အမေကို ကျနော်သာလျှင် တာဝန်ယူ လုပ်ကိုင် ကျွေးမွေးသင့်ပေသည်။
ထိုသို့ ဖြစ်သော်လည်း ရံဖန်ရံခါတွင်မူ ဝေ အိမ်ပြန် လာသည့်အခိုက်၌ ညနေခင်းများတွင် အိမ်ရှေ့ဘက်နေရိပ်တန်းလျားပေါ်တွင် ကျနော်နှင့်ဝေသည် အတူထိုင်ရင်း စကား စမြည်များပြောတတ်ပေရာ ကျနော်သည်ဝေ့ ကို ငေးကြည့်ရင်း “ဝေလဲ ဧည့်သယ်ဖြစ်မှန်းမသိ ဖြစ်နေဘီ” ဟု စိတ်၌ ခံစားနေရသည် တို့ကို ဖွင့်ပြောမိသည့် အခါများလည်း ရှိပေသည်။

“ခု ငါလလောက်မယ် ဝေအိမမှာနေရက်စုစုပေါင်း အရက် နှစ်ဆယ်ထဲရှိတယ်၊ ဝေလာလိုက်တာ တခါတရံ ကို့ စိတ်ထဲမှာ ဧည့်သည်တယောက်လာလိုက်သလိုဘဲ၊ အခုတခေါက် ဒီညကုန်မှ ဝေနေတာ လေးရက် လေးညနော်”
“ကို့ ဆရာကလဲ ချွဲတတ်လာဘီ”ဟု ပြောကာ သူသည် ရွှန်းလက်တောက်ပစွာ ပြုံးရယ်ခဲ့၏။

ကျနော့် စိတ်တွင် သူ၏ပြောင်းလဲ နေမှုကို သတိထားမိ ပြန်သည်း။“ ကို့ ဆရာ ကို့ လူ” စသည့် စကားလုံးများကို ဝေသည် သုံးစွဲနေ၏။ ထိုသုံးနှုန်းတတ်မှုကို ဝေဘယ်လို ဆီက ရလာခဲ့သနည်း၊ ထိုစကားလုံးများကို မိန်းကလေးများသုံးစွဲလျှင် ပေါ့ပြက်ပြက် အသုံးအနှုန်း ဖြစ်လာခဲ့၏။ ဝေ့ ကျနော့် ကို ပြောသည့်စကားမှာလည်း များစွာ ပေါ့ပြက်နေသည်ဟု ခံစားနေရပြန်သည်။

“မနက်ဖြန်ကာ သွားရမှာ မင်းပျော်နေ သလား”ဟူ၍ ကျနော်သည် မေးချလိုက်ချင်သော်လည်း မမေးခဲ့မိ။
တချိန်မဟုတ် တချိန်တွင်ကား ထိုမေခွန်းမျိုး မေးရမည်မှာ စိတ်ထိခိုက်ဖွယ်ရာ ဖြစ်နေပေလိမ့်မည်။
ဝေမရှိ၍ ကုန်းပေါ်ပိုင်း အိမ်ပေါ်တွင် တယောက် တည်းကျန်ရစ်ခဲ့သည့်အချိန်များတွင်ကား ကျနော်သည် ဝေခုဆိုဘယ်ရောက်နေသည်ကို ထိုင်တွေးနေမိသည်.။ တခါတရံတွင်မူ ဝေ၏ ယောက်ျားမိန်းမ မခွဲခြား အရောတဝင် နေတတ်သော အမူအကျင့်များကို တွေးမိကာ ရင်ထဲ၌မကောင်းသော စိတ်များ ပေါက်ဖွားလာတတ်ပေသည်။ ထိုသို့ဖြစ်လျှင် ထိုမလျော်သည့် အတွေးများကို ချက်ချင်းချေဖျက်ပစ်ရ၏။
ဝန်တိုတတ်ခြင်းကား ယောကျာ်း မပီသခြင်း ဖြစ်သည်ဟု တွေးသည်။

ဝေ ပြန်ရောက်လာသောညများ၌ အတူယှဉ်အိပ်နေရင်း ထိုဝန်တိုတတ်သော ယောကျာ်းမပီသသည့် စိတ်သည် ရင်ထဲတွင် မသိမသာ ဖြစ်ပေါ်လာတတ်ပြန်သည်။
ခြင်ထောင်ထဲရှိမီးရောင်မှိန်ပျပျအောက်တွင် ဝေသည် ခေတ်ဆံလှစွာဖြင့် တပ်မက်ဖွယ်ရာ လှပနေတတ်ပေရာ သူ့ အလှကြောင့် စိုးရိမ်စိတ်များလည်း တမျှင်းမျှင်း ပေါ်လာနေတတ်၏။ တခါတရံ၌ထိုဝန်တိုစိတ်များကို မျိုသိပ်ထားနေရာမှပင် သူ့ကို ဖွင့်ပြောမိသည့် အခါများလည်းရှိခဲ့ပြန်သည်။

“ကို့ စိတ်ထဲမှာ တမျိုးကြီးဖြစ်နေတယ်၊ ဝေ မရှိတုန်း ဆိုရင် တခါတလေ အဆုံးမရှိအောင် ရှောက်တွေးတယ်၊ သိပ်လှလှပပလဲတွေးတယ်၊ အရုပ်ဆိုး အကျည်းတန်တာတွေလဲ တွေးမိတယ်၊ အကျည်းတန်တဲ့ အဖြစ်အပျက်တွေဖြစ်ခဲ့ကြတဲ့ သာဓကတွေလဲအများကြီးရှိတာဘဲ မှုတ်လားဝေ၊ ဒါပေမယ့် ဒို့ များ အိမ်ထောင်မှာတော့ ဘာမှဖြစ်မှာမဟုတ်ဖူးလို့ ယုံထားတယ်၊ တခါတလေတော့လဲ အဲဒီလိုယုံကြည်မယ့်သာယုံကြည်နေတာ၊ ယုံကြည်ရအောင် ခိုင်မာ တယ်ဆုိုတာ အမြဲတမ်းရှိနေမှာ မဟုတ်ဖူးလို့လဲ တွေးတယ်”

ကျနော်သည် သူ့ကိုထိုစကားများ ပြောနေမိစဉ် အခါ၌သူ၏မေတ္တာတရားကို သက်သေအခိုင်အမာ ထူပြခဲ့ပြီး ဖြစ်သောရက်ပေါင်းများစွာ ကိုလည်း သတိရနေပြန်ပါသည်။ ဥပမာ ကျနော်အလုပ်ရာထူးမှ ထုတ်ပယ်ခံထားရစဉ် ရက်များ၊ ဥပမာ ကျနော် ကျောက်ရောဂါဖြင့် နာမကျန်း ဖြစ်ခဲ့ရစဉ်ရက်များ။ ထိုနေ့ထိုရက်များသည် အခိုင်အမာပင်တည်ရှိခဲ့ဘူး၏။ ထိုအခါများက ဒုက္ခများ ပြွမ်းတည်း နေခဲ့သည် မှန်သော်လည်း မေတ္တာတရားဖြင့် အခိုင်အမာဖွဲ့စည်းခဲ့၏။

“ကိုကိုဘာပြောတာလဲ၊ နားလည်အောင် ရှင်းရှင်း ပြေစမ်းပါ”ဟု ဝေသည် ပြန်မေးကာ သူ့မျက်လွှာကြီးကို ပင့်ပြီးကျနော့်ကိုရိုးသားစွာ၊ နားမလည်စွာ ကြည့်နေလျှင် ကျနော်သည် စကားကိုဆက်မပြောမိဘဲ အတန်ကြာ ငေးတွေးနေမိပြန်သည်။

အတန်ကြာမှကျနော်သည် ရင်ထဲ၌ဖြစ်နေသည့် ဝန်တိုစိတ်များကို ဖြေဖျောက် ထုတ်ပယ်သလို သက်ပြင်းချမိသည်။

“ကိုပြောတာက အခုအတိုင်းဆိုရင် ဒို့ဟာလင်ရယ် မယားရယ်တောင်မှ ဟုတ်ကြသေးရဲ့လားလို့ မေးရမလို ဖြစ်နေတာကို ပြောချင်တာ၊ တညနှစ်ညချိန်းတွေ့နေကြတဲ့ သမီးရည်းစားလိုဘဲ၊ မျက်နှာချင်း ဆိုင်နေကြတုန်းမှာသာ မင်းကို ကိုယ်ပိုင် ကိုယ့်ကို မင်းပိုင်တယ် ထင်ရပေမယ့် မျက်နှာချင်း ခွာလိုက်ရင် မင်းနဲ့ကိုယ်နဲ့ ဘယ်သူ့ကိုမှ ဘယ်သူကမှ မပိုင်ကြတော့ဘူးလိုဘဲဝေရယ်၊ မျက်စိအောက်ကခွာလိုက်ရင် သီးသီးသန့်သန့် ဖြစ်သွားရသလိုဘဲ၊ မင်းကိုယ့်သမီးလေးကို မမေ့နိုင်သေးဘူး မို့လား၊ ကိုယ်တော့ ကိုယ့်သမီးလေးက်ို ကိုယ့်သွေးဆိုတော့ ဘယ်တော့မှ မမေ့နိုင်ဘူး၊ကိုယ့်သမီးအရွယ်ရောက်လာရင် ဝေ့ လိုဘဲ နေမယ်၊ ဝေ့ အတိုင်းနေမှာဘဲလို့ ကိုယ်ယုံတယ်။ ကိုယ်လေဝေ့ ကိုတခါတရံတော့ ကို့ သမီးလေး စပယ်ခိုင်လို့ စိတ်ထဲမှာ ထင်ချင်ထင်နေတယ်၊ ဝေ့ ကို သမီးလေးကိုယ်စားပါ ကိုသံယောဇဉ်ကြီးတယ်၊ ဒို့များ အိမ်ထောင်သက် လေးငါးခြောက်နှစ်ကျမှ ဒီစကားမျိုးပြောရတာ ပါးစပ်ရွံစရာဘဲ၊ ဒါပေမယ့် အဲဒါကို မင်းသိထားမှ ဖြစ်မယ်လို့ကို ယုံနေတယ်ဝေ၊ ဘာပြုလို့လဲဆိုတော့”

ကျနော်သည် ဝေ့ မျက်နှာကို စိုက်ကြည့်နေမိ၏။ ထိုအခါတွင်ကား ဝေသည် ကျနော့် ဖက်မျက်နှာလှည့်ကာ ကျနော့်လည်ပင်းကို တင်းကျပ်စွာဖက်ပြီး ကျနော့်ပါးကို အထပ်ထပ်နမ်းရင်း မျက်ရည်များ ကျလာပြန်သည်။ ပူနွေးသော သူ့မျက်ရည်များသည် ကျနော့် ပါးစပ်၌ စိုစွတ်နေ၏။
“ကိုကို ကိုကို”ဟု သူသည် လှိုက်လှဲစွာတုန်ယင်စွာ အော်နေပြန်သည်။
“ကိုကို အေးတိအေးစက်ကြီးနေတတ်လို့ ဝေ့ ကိုမချစ်ဖူးလို့ ထင်တာသိလား၊ အခုမှ ကိုကိုဝေ့ ကိုဘယ်လောက်ချစ်တယ်ဆိုတာသိရတယ်၊ ကိုကိုဝေ့ ကိုယုံထားပါနော်၊ ဝေ လေ အိမ်က တဖဝါးမှမခွာချင်ဘူးဆိုတာ ကိုကို အသိနော်။ ဒါပေမယ့်…”
ဝေ က သူ့ရွှေကလေးများရွေး၊ သူ့ အမေ အိမ်ဆောက်ပြီးလျှင် အိမ်မှ တဖဝါးမှ မခွာတော့ပါဟု တတွတ်တွတ် ပြောနေစဉ်တွင် ကျနော်သည်လည်း မိုးမလင်းမီ ဝေ အိမ်ကို စွန့်ခွာကာ ကုန်ရောင်းကုန်ဝယ်အတွက် အဝေးသို့ သွားရတော့မည် ကိုသာ အဆက်မပြတ်တွေးနေမိသည်။

နိုင်ဝင်းဆွေ