(၁)
၁၉၆၀ နှင့် ၁၉၇၀ လွန် နှစ်ကာလများက မြန်မာစာပေနယ်ပယ်တွင် အထုပ`တ္တိဆိုင်ရာ စာအုပ်များ လှိုင် လှိုင်ထွက်ရှိခဲ့ဖူးသည်။ အထူးသဖြင့် အပြည်ပြည်ဆိုင်ရာနယ်ချဲ့ဆန့်ကျင်ရေး အမျိုးသားလွတ်မြောက်ရေး လှုပ်ရှားမှု ခေါင်းဆောင်များအကြောင်းရေးသားထားသည့် အထုပ`တ္တိစာအုပ်များမှာ စာဖတ်သူများကို ဆွဲဆောင်ဖမ်းစား ထားနိုင် ခဲ့ကြ၏။ဥပမာ တရုပ်ပြည်မှချူအင်လိုင်း၊ ကျူးဘားမှကပ်စထရို၊ ချီလီမှအာယန်ဒေး အစရှိသော စာ အုပ်များဖြစ်၏။
မြန်မာစာပေတွင် အထုပ`တ္တိစာပေအမျိုးအစား စတင်ပေါ်ပေါက်လာသည်မှာပင် ဘာမျှမကြာသေး။ လွတ် လပ် ရေးရပြီးနောက်ပိုင်းမှသာ စတင်၏။ အထူးသဖြင့် အထက်တွင်ဆိုခဲ့သည့် ၁၉၆၀ နှင့် ၁၉၇၀ ခုနှစ် ဝန်းကျင်လောက်ကျမှသာ မြန်မာစာပေနယ်ပယ်တွင် အထုပ`တ္တိဆိုင်ရာစာအုပ်များ အင်တိုက်အားတိုက် ထွက်ရှိလာခြင်းဖြစ်သည်။ သို့ သော် ဝမ်နည်းဖွယ်ကောင်းသည်မှာ ၁၉၈၀ လွန်နှစ်များမှစပြီး အထုပ`တ္တိဆိုင်ရာစာအုပ်များမှာ ပြန်လည် ငုတ် လျှိုး သွားရပြန်သည်။
၂၀၀၉ ခုနှစ် အောက်တိုဘာလထဲတွင်မူ ဆရာကြီးသခင်ကိုယ်တော်မှိုင်း အထု ပ`တ္တိ စာအုပ် တစ် အုပ် ထွက် လာ၏။ “ နယ်ချဲ့ ဆန့်ကျင်ရေး ငြိမ်းချမ်းရေးဖခင်ကြီး မျိုးချစ်စာဆို ဆရာကြီးသခင်ကိုယ်တော်မှိုင်း” စာအုပ်အမည်ဖြင့် ထွက်လာခြင်းဖြစ်သည်။ ရေးသားပြုစုသူမှာ “သန်းဝင်းလှိုင်” ဖြစ်သည်။ အထုပ`တ္တိဆိုင်ရာစာအုပ်ထုတ်ဝေမှုများ နည်းပါးလွန်းနေစဉ် ဤစာအုပ်ထွက်လာခြင်းက မြန်မာစာပေနယ်ပယ်ထဲက အိပ်မောကျလုနီးပါးဖြစ်နေသည့် အထုပ`တ္တိဆိုင်ရာစာပေနယ်ကို လှုပ်နှိုးလိုက်သလို ဖြစ်လေသည်။
(၂)
ဆရာကြီးသခင်ကိုယ်တော်မှိုင်းစာအုပ်တွင် ဆရာမင်းယုဝေနှင့် ဒေါက်တာခင်အေး(မောင်ခင်မင်-ဓနုဖြူ)တို့ ၏ အမှာစာများနှင့်အတူ အခန်းပေါင်း(၂၅)ခန်းဖြင့်ဖွဲ့ စည်းစီစဉ်ထားသည်ကို တွေ့ ရသည်။ အခန်း(၄)မှာ ဆရာကြီး သခင်ကိုယ်တော်မှိုင်း၏ဘဝဖြစ်စဉ် ရက်စွဲသမိုင်းကို ဖေါ်ပြထားသည်ကိုတွေ့ ရသည်။ ဆရာကြီးသခင်ကိုယ်တော်မှိုင်း အထုပတ္တဆိုင်ရာအကြောင်းအရာများကို ဤအခန်း(၄)မှ စတင်ဖေါ်ပြသည်ကိုတွေ့ ရသည်။အခန်း(၅)နှင့်(၆)တွင် ဆရာကြီးသခင်ကိုယ်တော်မှိုင်းရေးသားခဲ့သောစာအုပ်စာရင်းနှင့်ဆရာကြီးတည်းဖြတ်ထုတ်ဝေခဲ့သော စာအုပ်များ စာရင်းကို ဖေါ်ပြထား၏။ အခန်း(၇)မှာ စာအုပ်ရေးသားပြုစုသူ ဆရာသန်းဝင်းလှိုင်က ဆရာကြီး သခင် ကိုယ် တော်မှိုင်း၏ နိုင်ငံရေးနှင့် စာပေကြိုးပမ်းမှုများအပေါ် လေ့လာချက်အခန်းဖြစ်သည်။ အခန်း(၈)မှ အခန်း(၂၄) အထိမူ ဆရာကြီး၏ အထုပ`တ္တိကို ခေါင်းစဉ်များခွဲလျက် ရေးသားပြုစုထားသည့် အခန်းများဖြစ်သည်။ နောက် ဆုံး အခန်း(၂၅)မှာ ကိုးကားစာနယ်ဇင်းစာရင်းဖြစ်သည်။
၁၈၈၅ ခု၊ နိုင်ဝင်ဘာလ၊ ၂၉ ရက်နေ့ တွင် သီပေါမင်းနှင့်မိဘုရားစုဘုရားလတ်တို့သည် အင်္ဂလိပ်တို့ ၏ဖမ်းဆီးခေါ်ဆောင်ရာနောက် လိုက်ပါသွားခဲ့ကြရ၏။ ထိုစဉ်က နောင်အခါ သခင်ကိုယ်တော်မှိုင်းရယ်လို့ ဖြစ်လာမည့် အသက်ဆယ်နှစ်သားအရွယ် မောင်လွန်း မှာ စာတော်ဝန်ဦးခဲကျောင်း လက်ရန်းပေါ်မှနေ၍ လှမ်းမြင်ခဲ့ရ၏။ ဤမြင်ကွင်း ဤအဖြစ်အပျက်သည်ကား နောင်အခါ နယ်ချဲ့ ဆန့်ကျင်ရေး အမျိုးသားလွတ်မြောက်ရေးတိုက်ပွဲ ခေါင်းဆောင်၊ မျိုးချစ်စာပေပညာရှင်တစ်ဦးဖြစ်လာမည့် မောင်လွန်းကလေးကို ဘဝအလှည့်အပြောင်း အတွေး အခေါ်အလှည့်အပြောင်းဖြစ်စေသည့် မြင်ကွင်းနှင့် အဖြစ်အပျက်ဖြစ်စေခဲ့။
ထို့နောက် အသက်(၁၈)နှစ်အထိ အညာတခွင် နယ်တကာလှည့်ကာ ပညာရှာခဲ့သည်။ အင်္ဂလိပ်-မြန်မာ အစိုးရကျောင်း သတ္တမတန်းစာမေးပွဲအောင်သည်။ထို့ နောက် မော်လမြိုင်မြို့ သို့ ပြောင်းသည်။ ပုံနှိပ် တိုက်တွင်အလုပ်လုပ်သည်။ စာစီဘဝမှ အစပြုကာ အယ်ဒီတာအထိ အဆင့်ဆင့်တက်လှမ်းသည်။ရန်ကုန်မြို့ သို့ ပြောင်းသည်။
ဆရာကြီးသခင်ကိုယ်တော်မှိုင်း အင်တိုက်အားတိုက် စတင်ရေးသားသောစာပေမှာ ပြဇာတ်များဖြစ်သည်။ ရွှေတောင်မောင်လွမ်း၊ ရွှေတောင်မောင်လွန်းဟူ၍ မသတ်နှင့်နသတ် နှစ်မျိုးစလုံးကလောင်အမည်အသုံးပြုခဲ့ပြီး နောက်ပိုင်းတွင်မူ ဦးလွန်း၊ ဆရာလွန်းဟူ၍ သုံးစွဲရေးသားခဲ့သည်။ဆရာကြီးရေသားခဲ့သည့်ပြဇာတ်များမှာ (၈၀)ဝန်းကျင်ရှိသည်ဟုဆိုသည်။ စနစ်တကျအတိအကျမူ မည်သူမျှမသိ။ ထို့နောက်တဖန် မော်လမြိုင်မြို့ သို့ ပြောင်းသည်။ မြန်မာတိုင်းသတင်းစာတွင် ဝင်ရောက်အလုပ်လုပ်ကိုင်သည်။ ဆောင်းပါးများ ကဗျာများရေးသည်။ သတင်းစာဆရာဘဝသို့စတင်ခြေချသည်။ ထိုစဉ်ကမူ သမရိုးကျ ကဗျာများ ဆောင်းပါးများသာ ရေးသည်။
၁၉၁၁ ခုနှစ်နောက်ပိုင်း ရန်ကုန်မြို့ သူရိယ သတင်းစာတိုက်တွင် စာပြင်အယ်ဒီတာအဖြစ်အလုပ်လုပ်သည်။ သူရိယသတင်းစာတိုက်မှာ ထိုစဉ်က ဝိုင်အမ်ဘီအေ ဟုခေါ်သော ဗုဒ္ဒဘာသာကလျာဏယုဝအသင်းကြီး၏ လက်ကိုင် သတင်းစာဖြစ်သည်။ ထိုအချိန်မှစတင်ကာ နာမည်ကျော်မစ္စတာမောင်မှိုင်းကလောင်အမည်ဖြင့် စာပေ ပေါင်း စုံရေးသည်။ ဤကလောင်အမည်သည်ပင် ဆရာကြီး၏ နယ်ချဲ့ဆန့်ကျင်ရေးစိတ်ဓါတ်ကိုဖေါ်ပြသည့် အ မည် ဖြစ်စေခဲ့သည်။ “ဝန်စာရေးဦးကြီး”၏ “ချဉ်ပေါင်ရွက်သည် မောင်မှိုင်း”ဝတ္ထုထဲမှ ဇာတ်ကောင်“မောင်မှိုင်း”၏အမည်ကို ယူထားသည့် ကလောင်အမည်ဖြစ်သည်။ဤဝတ္ထုတွင် ချဉ်ပေါင်ရွက်သယ် မောင်မှိုင်းမှာ ကိုယ် ကျင့် တရားမကောင်းသည့် ကြာကူလီမောင်မှိုင်းအဖြစ်ပါဝင်၏။ ထိုစဉ်က မြန်မာပညာတတ်တချို့နှင့် နယ်ချဲ့ ကို အထင်ကြီးသည့်မြန်မာတချို့ က မိမိတို့ ၏အမည်ရှေ့ တွင် မစ္စတာအမည်တပ်ပြီး ဂုဏ် ယူဝံ့ကြွား နေတတ်သဖြင့်ဆရာကြီးက ကြာကူလီမောင်မှိုင်း၏ရှေ့ တွင် မစ္စတာတပ်ပြီး မစ္စတာမောင်မှိုင်းဟု ကလောင်အမည်တပ် စာတွေရေးသည့်အခါ နယ်ချဲ့ ကိုအထင်ကြီးသည့် မြန်မာများ အရှက်ရစေခဲ့၏။ မစ္စတာနာမည်များလည်း ပပျောက်သွားခဲ့ရ၏။ နောင်အခါ ဆရာကြီး၏စာပေလက်ရာများမှာ ဘဝ နိဂုံး ချုပ်သည့်အချိန်အထိ မြန်မာ့ နိုင်ငံရေးအခြေအနေများနှင့်ကင်းကွာသည်ဟူ၍မရှိတော့ချေ။
(၃)
ဆရာသခင်ကိုယ်တော်မှိုင်း၏ကြီးမြတ်မြင့်မားသည့် ဂုဏ်ပုဒ်များမှာ များပြားလှပါသည်။ တချို့ အဖြစ်အပျက်များမှာ မှတ်သားဖွယ်လည်းဖြစ်ပါသည်။ အထူးသဖြင့် နယ်ချဲ့ အင်္ဂလိပ်အစိုးရ၏လျှို့ဝှက် ပုလိပ်မှတ်တမ်း ရန်သူတော်စာရင်း၌ နံပါတ်(၁) စာရင်းဝင်ဖြစ်သူ၊ (နံပါတ် ၂ မှာသခင်ဗဟိန်း၊ နံပါတ် ၅ မှာ သခင် အောင် ဆန်းဖြစ်သည်။)အင်္ဂလန်နိုင်ငံရဲ့ အိမ်ရှေ့ စံမင်းသား မြန်မာပြည်လာရောက်စဉ် ဘုန်းတော်ဘွဲ့ ရေးသားရန် ငွေ ပေးကမ်းလှမ်းခဲ့သည်ကို ငြင်းပယ်သူ၊ နယ်ချဲ့ ဆန့် ကျင်ရေးခေတ်ဦးကာလများအတွင်း ပေါ် ပေါက်ခဲ့ သမျှအရေးတော်ပုံတိုင်းတွင် ကဗျာလင်္ကာနှင့်ဆောင်းပါးများရေးလျက် အတိအလင်း ထောက်ခံ အားပေးခဲ့သူ။ (ထိုစဉ်က စာပေနယ် သတင်းစာနယ်ပယ်တွင် နယ်ချဲ့ တော်လှန်ရေးအရေးတော်ပုံများအပေါ် ဆရာကြီးလို အတိအလင်းထောက်ခံရေးသားသည့် သတင်းစာနှင့် စာပေသမားများ ရှားပါးလွန်းခဲ့၏။) ပြည်သူအများ ဆုံးဖြတ်ရခက်ခဲသော သမိုင်းဆိုင်ရာနိုင်ငံရေးဘေးကြပ်နံကြပ်ကာလများ၌ ဆရာကြီးသည် မှန်ကန်ထက်မြက်စွာ ရပ်တည်ဆုံးဖြတ်နိုင်သူ၊ အမျိုးသားသစ္စာဖေါက်များအပေါ် မထောက်မညှာဝေဖန်ရှုံ့ချဖို့ ရာ ဝန်မလေးသူ၊ အင်္ဂလိပ်နယ်ချဲ့အစိုးရက ဖမ်းဆီးကာ အိန္ဒိယသို့ အဓမ္မခေါ်ဆောင်မည့်အရေးကြောင့် တောရွာများတွင် လှည့်လည်ရှောင်တိမ်းခဲ့ရသူ၊ ဖက်ဆစ်ဂျပန်လက်ထက်တွင်လည်း ဂျပန်များက ဖမ်းဆီးနှိပ်စက်မည့်ရန်ကြောင့် ပုန်းအောင်းနေထိုင်ခဲ့ရသူ၊ ပုသိမ်ဘူတာကြီးတွင် သခင်ဗစိန်၏စေခိုင်းချက်အရ ဆိုက်ကားသမား သန်းစိန်ဆိုသူက တုတ်ဖြင့်ရိုက်သဖြင့် ဒဏ်ရာရခဲ့ဖူးသူ၊ပြည်တွင်းငြိမ်းချမ်းရေး ကမ္ဘာ့ငြိမ်းချမ်းရေးကိစ္စများကို စွမ်းစွမ်း တမန် ဦးဆောင် သူ…အစရှိသည့်ဂုဏ်ပုဒ်များမှာ ဆရာကြီးသခင်ကိုယ်တော်မှိုင်း၏ ထင်းပြက်ဝင်းလက်လွန်းသည့် ဂုဏ်ပုဒ် များ ပင်ဖြစ်သည်။
ဆရာကြီးကိုယ်တိုင်ရေးသားထုတ်ဝေခဲ့သောစာအုပ်များမှာ(၄၄)အုပ်၊ ဆရာကြီး တည်းဖြတ် ထုတ်ဝေ ခဲ့သည့်စာအုပ်မှာ (၁၅) အုပ်ဖြစ်သည်။ စာပေအမျိုးအစားအားဖြင့် ဋီကာ၊ဂ¿ိ၊ပြဇာတ်၊ သရော်စာ၊ ငိုချင်း၊ ဝတ္ထုနှင့် လေးချိုးကြီးများဖြစ်သည်။ လူကြိုက်အများဆုံးနှင့် အောင်မြင်မှုအရှိဆုံးမှာ မဟာကဗျာလေးချိုးကြီးများဖြစ်သည်။
(၄)
မြန်မာစာပေသမိုင်း၌ ဆရာကြီးသခင်ကိုယ်တော်မှိုင်းလို ပြည်သူကတခဲနက်လေးစားကြည်ညိုမှုခံယူနိုင်သူ စာရေးဆရာ၊သတင်းစာဆရာ၊ ကဗျာဆရာဟူ၍ တစ်ဦးတစ်ယောက်မျှ မရှိသေး မပေါ်ပေါက်သေးပါ။ သည်လိုပုဂ္ဂိုလ်မျိုး၏ အထုပတ္တိစာအုပ် ရေးသားပြုစုသူ ဆရာသန်းဝင်းလှိုင်ကို စာဖတ်သူများက ကျေးဇူးတင်ရမည်မှာ ငြင်းလို့ မရနိုင်ပါ။ အထူးသဖြင့် ဆရာကြီး၏ စာအုပ်များစာရင်း၊ ဆရာကြီး၏ ဘဝဖြစ်စဉ်အဆင့်ဆင့်ကိုဖေါ်ပြရာ၌ ဆရာကြီး၏ အခြားအထုပတ္တိစာအုပ်များထက် ပိုမိုစနစ်ကျပြည့်စုံသည်ကိုတွေ့ ရ၏။ဥပမာ ဤစာအုပ်တွင် ဆရာကြီးသခင်ကိုယ်တော်မှိုင်း၏ ရက်စွဲသမိုင်းကို ထည့်သွင်းဖေါ်ပြထားသည့်အချက်မှာ ရှေ့ ကထွက်ခဲ့ဖူးသော ဆရာကြီးအထုပတ္တိစာအုပ်များထက်ပိုမိုထူးခြားလေးနက်ပြည့်စုံသောအချက်ဖြစ်သည်ကို တွေ့ရပါသည်။ ဤ အချက်မှာ အရင်ကထုတ်ဝေခဲ့ဖူးသော ဆရာကြီးအထုပတ္တိစာအုပ်များ၏လစ်ဟာချက်ကို ပြည့်စုံအောင်ဖြည့်ပေးလိုက်သလိုပင်ဖြစ်သည်။
ဆရာကြီး၏ အထုပတ္တိကို တိုင်းပြည်က သိဖို့ လိုအပ်သည်မှာ အမှန်ပင်ဖြစ်သည်။ အထူးသဖြင့် လူငယ်များအဖို့ ပိုပြီး သိဖို့ လိုအပ်ပါသည်။ အဘယ်ကြောင့်ဆိုသော် ဆရာကြီးသခင်ကိုယ်တော်မှိုင်း၏ဘဝဖြစ်စဉ်မှာ မိမိတိုင်းပြည်၏ လွတ်လပ်ရေးကျိုးပမ်းမှုသမိုင်း၊ ပြည်တွင်းငြိမ်းချမ်းရေးလှုပ်ရှားမှုသမိုင်းနှင့် အလွန်နီးကပ်စွာဆက်စပ်နေသောကြောင့်ဖြစ်သည်။ ဤနှစ်ခုမှာ ခွဲ၍မရပါ။ ထို့ ကြောင့် ဆရာကြီးသခင်ကိုယ်တော်မှိုင်း၏သမိုင်းကိုလေ့လာခြင်းဖြင့် လွတ်လပ်ရေးကျိုးပမ်းမှုသမိုင်းနှင့်ပြည်တွင်းငြိမ်းချမ်းရေးသမိုင်းကိုပါ အလိုအလျောက်လေ့လာမိစေမည်ဖြစ်သည်။
ဆရာသန်းဝင်းလှိုင်၏ “နယ်ချဲ့ ဆန့် ကျင်ရေး ငြိမ်းချမ်းရေးဖခင်ကြီး မျိုးချစ်စာဆို ဆရာကြီးသခင်ကိုယ်တော်မှိုင်း” စာအုပ်ကို ဖြည့်စွက်အကြံပြုရန် ရှိပါသည်။ ဆရာကြီးသည် တိုင်းပြည်က လေးစားရသည့် စာဆိုကြီးဖြစ်ဖို့ ရန် နိုင်ငံရေးကြိုးပမ်းမှုများသည် အရေးပါသည်မှန်သော်ငြားလည်း ဆရာကြီး၏ မြန်မာစာပေဖွံ့ ဖြိုးတိုးတက်စေရေးကျိုးပမ်းမှုသည်လည်း အရေးပါသည့်ကျိုးပမ်းမှုကြီးတခုဖြစ်ပါသည်။ ဆရာကြီး၏ မဟာကဗျာလေးချိုးကြီးများ တီထွင်စပ်ဆိုမှု၊ ပြဇာတ်များတွင် စကားပြေတဝက်၊ လင်္ကာတဝက်နည်းကိုအသုံးပြုခြင်း၊ အထူးသဖြင့် လူထုသုံးစကားလုံးဝေါဟာရများကို အဓိကထားအသုံးပြုခြင်း အစရှိသည့် စာပေကျိုးပမ်းမှုများကိုလည်း တခမ်းတနား အသေးစိပ်ဖေါ်ပြစုစည်းပေးနိုင်လျင် ဤစာအုပ်မှာ ပိုမိုပြည့်စုံမည်ဟု ယူဆမိပါသည်။
အရေးမပါဘူးဟုယူဆလျင်ရသော်လည်း ပြောစရာတချက်တော့ရှိပါသေးသည်။ ဆရာသန်းဝင်းလှိုင်က ဤစာအုပ်၏ အဖွင့်စာမျက်နှာများတွင် အမှာစာများနှင့်နည်းတူ သူ၏ ထုတ်ဝေပြီးစာအုပ်စာရင်း၊ ဆက်လက်ထုတ်ဝေမည့်စာအုပ်စာရင်းနှင့် အထုပတ္တိကို အခန်း(၁)၊အခန်း(၂) နှင့် အခန်း(၃)တို့ တွင် ဦးစွာပထမဖေါ်ပြပြီးမှသာ ဆရာကြီးသခင်ကိုယ်တော်မှိုင်း၏ အထုပတ္တိဆိုင်ရာကဏ္ဍများကို အခန်း(၄)ကျမှ စတင်ဖေါ်ပြသည်ကို တွေ့ ရပါသည်။ အမှန်အားဖြင့်ဆိုလျင် ဤအကြောင်းအရာများမှာ ဆရာ ကြီးသခင်ကိုယ်တော်မှိုင်း အထုပတ္တိနှင့် သက်ဆိုင်ခြင်းမရှိသည့်အကြောင်းအရာများသာဖြစ်သည်ဟုယူဆပါသည်။ အများအားဖြင့် ဤအကြောင်းအရာဤအချက်အလက်မျိုးမှာ စာအုပ်၏နောက်ပိုင်းတွင်မှာသာ ထည့် သွင်းဖေါ်ပြရိုးထုံးစံလည်း ရှိပါသည်။ဆရာသန်းဝင်းလှိုင်၏အထုပတ္တိ၊ ထုတ်ဝေပြီးစာအုပ်နှင့် ဆက် လက် ထုတ်ဝေမည့်စာအုပ်များကို ဤစာအုပ်၏ရှေ့ ပိုင်းတွင်ထည့်သွင်းဖေါ်ပြခြင်းထက် စာအုပ် ၏ နောက်ပိုင်းတွင်သာဖေါ်ပြသင့်သည်ဟု ယူဆမိပါသည်။
(၅)
“သခင်ကိုယ်တော်မှိုင်းဋီကာ”စာအုပ်ကို ရေးသားပြုစုခဲ့သူ ဆရာဇော်ဂျီက ယင်းစာအုပ်တွင် အခုလို ရေးခဲ့ဖူးပါသည်။ “အိန္ဒိယလွတ်လပ်ရေးကို နေရုးသည် လောလောဆယ်အားဖြင့်ယူပေးခဲ့သည်မှာ မှန်၏။သို့ ရာတွင် တိုင်းပြည်၏ဆန္ဒအင်အားကို တဂိုးက စည်းရုံးပေးနိုင်ခဲ့သောကြောင့်ဖြစ်သည်။ တရုပ်ပြည်သစ်ထူထောင်ရေးကို မော်စီတုံးသည် လောလောဆယ်အားဖြင့် ယူပေးခဲ့သည်မှန်၏။ သို့ ရာတွင် တိုင်းပြည်၏ဆန္ဒအင်အားကို လူရွှန်းက စည်းရုံးပေးခဲ့သောကြောင့်ဖြစ်၏။ ထိုနည်းတူစွာ မြန်မာနိုင်ငံလွတ်လပ်ရေးကို ဗိုလ်ချုပ်အောင်ဆန်းသည် လောလောဆယ်ယူပေးခဲ့သည် မှန်၏။ သို့ ရာတွင် တိုင်းပြည်၏ဆန္ဒအင်အားကို သခင်ကိုယ်တော်မှိုင်းက စည်းရုံးပေးခဲ့သောကြောင့်ဖြစ်သည်ဟု ယူဆပါသတည်း” ဟု ရေးခဲ့ဖူး၏။
တချို့ သော စာပေပညာရှင်များကလည်း အခုလိုပြောခဲ့ဖူးပါသည်။ “ ရုရှပြည်အကြောင်းပြောလျင် ဗေါ်လ်ဂါမြစ်ကြီးနှင့် စာရေးဆရာကြီး ဂေါ်ဂီ အကြောင်း ချန်လှပ်ထားလို့ မဖြစ်။ တရုပ်ပြည်ကြီးအကြောင်းပြောလျင် ယန်စီမြစ်ကြီးနှင့် ကဗျာဆရာကြီး လူရွှန်းအကြောင်း ချန်လှပ်ထားလို့ မဖြစ်။ မြန်မာပြည်အကြောင်းပြောလျင် ဧရာဝတီမြစ်ကြီးနှင့် ဆရာကြီးသခင်ကိုယ်တော်မှိုင်းကို ချန်လှပ်ထားလို့ မဖြစ်” ဟူသည့် စကားဖြစ်ပါသည်။
ကျနော်တို့ တိုင်းပြည်၊ ကျနော်တို့ လူမျိုးများ၏ ဤမျှအရေးပါသော လူပုဂ္ဂိုလ်တစ်ဦးဖြစ်သည့် ဆရာကြီးသခင်ကိုယ်တော်မှိုင်း၏ အထုပတ္တိကို ကျနော်တို့ ဖတ်ခွင့်ကြုံရ၏။ ထိုအခါ မိမိလူမျိုး မိမိတိုင်းပြည်၏ ဇာတိပုည ဂုဏ်မာနကိုလည်း ထိတွေ့ ခွင့် ရလိုက်၏။ ထို့ ကြောင့် အထုပတ္တိဆိုင်ရာစာအုပ်များ သည့်ထက်ထုတ်ဝေနိုင်မည့် ခေတ်ကို ကျနော် မျှော်လင့်နေမိ၏။ ။
ငြိမ်းဝေ
(၂၅၊ ၁၂၊ ၂၀၀၉)
(ကျနော့် ကီးဘုတ်မှာ အထုပတ္တိကိုစာရိုက်ရာမှာ ပစေါက် နှစ်လုံးဆင့်ကို ရိုက်လို့ မရခဲ့ပါခင်ဗျား။)
စာအုပ်အမည်။ ။နယ်ချဲ့ဆန့်ကျင်ရေး ငြိမ်းချမ်းရေးဖခင်ကြီး မျိုးချစ်စာဆို ဆရာကြီးသခင်ကိုယ်တော်မှိုင်း
ပြုစုသူ။ ။ သန်းဝင်းလှိုင်
ထုတ်ဝေခုနှစ်။ ။ ၂၀၀၉ ခု၊ အောက်တိုဘာလ
ထုတ်ဝေသူ။ ။ဦးသန်းမြင့်(လင်းလင်းစာပေ)
