စစ်တုရင် ကစားပွဲ

ငါက အဖြူရောင် နေ့တစ်နေ့ကို ရွှေ့တော့

သူက အနက်ရောင် နေ့တစ်နေ့ကို ရွှေ့တယ်

ငါက အိပ်မက်တစ်ခုနဲ့ ရှေ့ကို တိုးတော့

သူက စစ်ပွဲတစ်ခုအဖြစ် ဖန်တီးလိုက်တယ်လေ

သူက ငါ့ အဆုပ်တွေကို တိုက်ခိုက်လိုက်လို့

ငါထင်တယ်

ဆေးရုံမှာ တနှစ်လောက်များ ငါ နေရမလားပဲ

ငါက တောက်ပစုစည်းမှု တစ်ခု ဖန်တီးပြီး

အနက်ရောင် နေ့တစ်နေ့ကို နိုင်လိုက်တော့

သူက ကပ်ဘေး တစ်ခုနဲ့ ရွှေ့လိုက်တယ်

ဒါပေမယ့်

ငါက သူ့ရှေ့မှာ စာအုပ်တစ်အုပ် ချထားလိုက်တဲ့အခါ

သူက မလွှဲမရှောင်သာ နောက်ကိုတခါ ပြန်ဆုပ်သွားရတယ်

ငါက တစိပ်တပိုင်းလောက်လေး နိုင်လိုက်တဲ့အခါ

ကြည့်စမ်းပါဦး ငါ့ဘဝ တခြမ်းလုံး ရင်းလိုက်ရ

`အကယ်၍

မင်းကို ငါက စစ်ဆေးခွင့် ပြုလိုက်မယ်ဆိုရင်

မင်းရဲ့ အကောင်းမြင်ဝါဒကို မင်း မျက်ခြေပြတ် သွားလိမ့်မယ်´…လို့

သူက ပြောလိုက်တော့လည်း

` အရေးမပါပါဘူးကွာ

ငါ့ရဲ့ ခံစားချက်ကို မဖြစ်မနေ ငါ ထိန်းမှာပါ ´ လို့ပြောပြီး

ငါက ဟာသ လုပ်ပစ်လိုက်တယ်လေ။

ငါ့ နောက်မှာ

ငါ့ ဇနီး

ငါ့ သားသမီး

နေ

လ

ပြီးတော့ တခြား စေါင့်ကြည့်နေသူ အားလုံး

ငါ့ လုပ်သမျှ ငါ့ ကစားကွက်ဟူသမျှ

သောကနဲ့ စေါင့်ကြည့်နေကြလေရဲ့။

ငါ

စီးကရက်တစ်လိပ် မီးညှိတယ်

စစ်တုရင်ပွဲ ဆက်နွှဲလိုက်ဦးမယ်။    ။

ငြိမ်းဝေ

( An Anthology of Contemporary Romanian Poetry ကဗျာစာအုပ်တွင် ပါရှိသော ရူမေးနီးယားကဗျာဆရာ Marin Sorescu ရဲ့ Chess ကဗျာကို ဘာသာပြန်ဆိုပါတယ်။ )

လွန်ခဲ့တဲ့ သုံးရက်က နေ့သစ် ဘလော့မှာ ဒီကဗျာကို စန်ဒေဝီဦး ကလောင်အမည်နဲ့ တင်ခဲ့ပါတယ်။