ချစ်စရာ့ ဟိုက္ကူကဗျာ

ဟိုက္ကူကဗျာကို ချစ်စရာဆိုတဲ့စကားလုံးလောက်နဲ့ ဖေါ်ပြရင်အဓိပ္ပါယ်မပြည့်စုံဘူးဆိုတာ ကျနော်သိပါတယ်။ဟိုိုက္ကူကဗျာရဲ့အ၀န်းအ၀ိုင်းဟာ အင်မတန်ကျယ်ဝန်းပါတယ်။ဒါပေမယ့် ဟိုက္ကူကဗျာတွေက ကျနော့်ကိုဘယ်ကဗျာနဲ့ မှမတူအောင် စိတ်လက်ပေါ့ပါးစေတာအမှန်ပါပဲ။ပြီးတော့ ကဗျာရဲ့ဖွဲ့ စည်းပုံကလည်း သိတဲ့အတိုင်းနည်းနည်းနဲ့ ကျဲကျဲဝိုင်းတဲ့သဘောဆိုတော့ ကျနော်က ချစ်စရာဆိုတဲ့စကားလုံးကိုပဲသုံးလိုက်မိတယ်။

သူ့ ရဲ့မူရင်းဂျပန်ကဗျာမှာက ပါဒသုံးကြောင်း၊စာလုံးရေ(၁၇)လုံး(၅-၇-၅)ပုံစံနဲ့ ဖွဲ့ စည်းစပ်ဆိုရတာဖြစ်ပေမယ့် မြန်မာဘာသာပြန်ဆိုတဲ့အခါ (၅-၇-၅)ပုံစံဝင်အောင်ကျနော်ကတော့ အတင်းလုပ်ယူတာကိုမနှစ်သက်ပါဘူး။ကိုယ်ကလည်းဝေါဟာရအားနည်းတာလည်းဖြစ်နိုင်ပါ တယ်။ဒါကြောင့်မို့  စကားလုံးအကန့် အသတ်မရှိယူလိုက်ပါတယ်။ကာရန်ကြတော့ မူရင်းဂျပန်
ဟိုက္ကူကဗျာမှာကတည်းက ကာရန်မဲ့ကဗျာဖြစ်တာမို့ မြန်မာဘာသာပြန်မှာကြတော့ ကာရန်ကိုဂရုမစိုက်တော့ပါဘူး။တခါတလေ ကါရန်ငြိတဲ့အခါငြိ မငြိတဲ့အခါမငြိပေါ့။

ဂျပန် ဟိုက္ကူကဗျာတွေဟာ ဈင်ဗု ဒ< ဘာသာကိုအခြေခံတဲ့ကိစ္စ၊အဓိပ္ပါယ်ကျယ်ဝန်းလှတဲ့ကိစ္စက တကယ့်ကိုကမ္ဘာကျော်စေပါတယ်။တခြားဆွေးနွေးပြောဆိုရမယ့်အချက်တွေလည်းရှိပါသေးတယ်။ဒီလိုပြောလို့  ကျနော်က ဂျပန် ဟိုက္ကူကဗျာကျွမ်းကျင်သူလို့ မထင်လိုက်ပါနဲ့ ။ကျနော်ကဟိုက္ကူကဗျာချစ်သူသက်သက်ပါ။ ဒီကနေ့ လည်း ဟိုက္ကူကဗျာ (၂)ပုဒ် လက်ဆောင်ပါးလိုက်ပါတယ်..။

အရာအားလုံး
ငါ... ငြင်သာစွာ ထိတွေ့ ခဲ့
အလိုလေးလေး
ဆူးတချောင်း စူးလိုက်သလိုပါပဲလား...။

EVERYTHING I TOUCH
WITH TENDERNESS
ALAS
PRICKS LIKE A BRAMBLE.

Issa

အို ဟေမန
္တ ငှက်တွေတိမ်တွေတောင်မှ
အိုစာလို့ သွားပြီပ။

AUTUMN –EVEN
BIRDS AND CLOUDS
LOOK OLD.

Basho

ငြိမ်းဝေ

ဟိုက္ကူကဗျာချစ်စရာ

ကျနော် တခါတလေ စိတ်ကျဉ်းကြပ်တဲ့အခါ ဂျပန်ဟိုက္ကူကဗျာတွေကို ဖတ်တတ်ပါတယ်။
ဒီကနေ့ တော့ချစ်မိတ်ဆွေများစိတ်အပမ်းဖြေနိုင်အောင်ဂျပန်ဟိုက္ကူကဗျာ(၂)ပုဒ်လက်ဆောင်ပေးလိုက်ပါတယ်။


ထလော့ လိပ်ပြာကလေး
အချိန်တွေ နှောင်းကုန်ပေါ့
မင်းနဲ့ ငါ အတူတကွ
ခရီးမိုင်များစွာ သွားရဦးမယ်ပ။

WAKE, BUTTERFLY-
IT'S LATE, WE'VE MILES
TO GO TOGETHER.
Basho

မျက်လုံးလေးတွေရေ
မင်း အရာအားလုံးကို မြင်ခဲ့ပြီးပြီပဲ
ပြန်လာခဲ့တော့
အဖြူရောင် ဂနမာပန်းတွေဆီ
ပြန်လာခဲ့တော့။

EYES, YOU HAVE SEEN ALL...
COME BACK NOW,
COME BACK TO THE WHITE
CHRYSANTHEMUM!
Eisho

ချစ်မိတ်ဆွေများ လွတ်လပ်ချမ်းမြေ့နိုင်ကြပါစေ..။

ငြိမ်းဝေ

စကားဝိုင်း ယဉ်ကျေးမှုသစ် ( သို့ မဟုတ် ) ၀န်ရိုးတခုပြောင်းလဲခြင်း

(က)
၁၉၉၃-ခု၊ …မယ်စာရင်းရန်းမှ သောလဲထရွာခရီး။ ထိုင်းနိူ်င်ငံ ။

“ ကိုခင်မောင်ဝင်း ” (ယခု - ဒု - ညွှန်မှူး၊ ဒီမိုကရက်တစ် မြန်မာ့အသံ )ပေးဖတ်ထားသည့် “ စာတမ်း ” ကို ကျနော် ဖတ်ကြည့်သည်။ စာရွက်များကို လက်ကကိုင်ထားရင်းက၊ ခန္ဓာကိုယ်ကို ကားဖင်ထိုင်ခုံပေါ်တွင် အလိုက်သင့် ယိမ်းခါထိန်းမတ် ရင်းက၊ စာလုံးများကို ဖတ်နိူင်အောင်ကြိုးစားနေရ၏။ သို့ သော် စာတွေကိုကောင်းစွာဖတ်လို့ မရ။ ကားက စမ်းချောင်းတခုထဲကိုပင် ကြိမ်ဖန်များစွာ ဖြတ်ကျော်နေခဲ့၏။ ကားဘီးများမှာ ချိုင့်များ၊ ခဲများကို တကျွီကျွီ တဂျောင်းဂျောင်းနှင့် ကြိတ်နင်းသွားနေခဲ့၏။ “ ကိုခင်မောင်ဝင်း ”ဆီက လိုလိုလားလားလှမ်းတောင်းပြီး ကားစီးရင်း ဖတ်ကြည့်မည်ဟု စိတ်ကူးခဲ့သမျှ ကျနော့်မှာ လက်လျှော့ရ မလိုဖြစ်လာရ၏။ အမှန်စင်စစ်၊ လမ်းကြမ်းပေါ် ကားစီးလိုက်ပါရင်း စာဖတ်လို့ မရနိူ်င်ခဲ့သည်ထက်၊ တချို့ စာမျက်နှာများ၊ တချို့  စာပိုဒ်များမှာ ကျနော် လုံးဝနားမလည်သော စာကြောင်းများ ဖြစ်နေ၏။ အင်္ဂလိပ်စာ အားနည်းလှသောကျနော့်မှာ အင်္ဂလိပ်လို ရေးထားသော “ ကိုခင်မောင်ဝင်း ” ၏စာတန်းကို လုံးစေ့ပတ်စေ့ ဘယ်လိုမျှ နားမလည်နိူင်ခဲ့။ လမ်းကြမ်းသဖြင့် စာဖတ်လို့ မရနိူင် ရသည့်အထဲ၊ စာတွေကလည်း ခက်ခဲလွန်းသောအခါ ကျနော့်မှာ “ ကိုခင်မောင်ဝင်း ” ၏စာတန်းကို အမြည်းသဘောသာ တို့ ထိ နိူင်ခဲ့လေသည်။

“ ကိုခင်မောင်ဝင်း ” ရေးခဲ့သောစာတမ်းမှာ “ သုညမဟုတ် ဂိမ်း ” ( Non - Zero – Sum Game ) ကို မိတ်ဆက်ထားခြင်း ဖြစ်သည်ဟုသာ ကျနော်နားလည်နိူ်င်ခဲ့လေသည်။


(ခ)
ကမ္ဘာ့ခေါင်းဆောင်များ အချင်းချင်းတွေ့ ဆုံစကားပြောကြသည့် အကြောင်းများကို ကျနော်ငယ်စဉ်ကတည်းက သဘော ကျခဲ့ဖူးပါသည်။ အထူးသဖြင့် အယူဝါဒချင်း ဆန့် ကျင်ဖက်ဖြစ်သူများဟု ကမ္ဘာက အသိအမှတ်ပြုထားသူများအချင်းချင်း တွေ့  ဆုံကြ၊ စကားပြောကြသည့် သတင်းများကိုကြားရစဉ်က၊ သူတို့ ဘယ်လိုများ စကားပြောကြပါလိမ့်၊ တယောက်၏ “ ဘာသာဗေဒ ” ကို နောက်တယေါက်က သဘောပေါက်နိူင်ပါ့မလား။ သူတို့ တတွေ စကားစစ်ထိုးနေကြမလား။ သူတို့ တတွေ စကားတွေနှိုက်ကြ မလား။ သူတို့ တတွေ သံတမန်ရေး ယဉ်ကျေးမှုအောက်ကနေပြီး သူ့ ဖက်ကိုယ့်ဖက် အကဲခတ်နေကြမလား။ တချိန်လုံးလိုလို ကျနော်စဉ်းစားနေခဲ့မိသည်။

၁၉၆၂-ခုနှစ်အတွင်းတုန်းက ဖြစ်သည်။ “ ကာရစ်ဘီယံပင်လယ်ကွေ ”့တွင် ရုရှတို့ က ဆမ်ဒုးံကျည် စခန်းလာချပြီးနောက်၊ ရုရှ နှင့် အမေရိကန်တို့  စကားပြောကြရ၏။ အမေရိကန်သမ္မတ “ ကနေဒ ” နှင့် ဆိုဗီယက်ရုရှသမ္မတ “ ခရူးရှော့ ” တို့  စကားပြော ကြ၏။ တယ်လီဖုံးထဲမှ တဆင့်ပြောကြခြင်းသာ ဖြစ်သည်။ သူတို့ နှစ်ဦး အခုလိုစကားမပြောခင်၊ ကမ္ဘာ့ကုလသမဂ္ဂအဖွဲ့  ချုပ်ကြီးရဲ့  အတွင်းရေးမှူးချုပ် “ ဦးသန့် ” သည်၊ နှစ်ဖက်သဘောထား၊ နှစ်ဖက်စကားများကို တဖက်နှင့်တဖက် နားလည်လွယ် စေရန် ကြားဝင်ဆောင်ရွက်ပေးခဲ့၏။ ထိုစဉ်က “ ဦးသန့် ” ၏ “ အမေရိကန် နှင့် ဆိုဗီယက် ” စကားပြောနိူင်ရေး ကြိုးပမ်းသည့် နည်းနာမှာ၊ ထိပ်တိုက်ရင်ဆိုင်ရေးကို အခြေမခံ။ တွေ့ ဆုံအဖြေရှာရေးကိုသာ အခြေခံ၏။ “ တတိယဘာသာ စကားအသစ်” ကို အသုံးပြု၏။ ထို့ ကြောင့် ဆိုဗီယက်တို့ က ဒုံးကျည်စခန်းများကို ရုပ်သိမ်းသွားပြီး အမေရိကန်တို့ က ကျူးဘားကို ပိတ်ဆို့ ထားမှု ရုပ်သိမ်းပေး ခဲ့၏။ ထိုစဉ်က ဦးသန့် သည် “ သုညမဟုတ်ဂိမ်း ” သီဝရီကို လက်တွေ့ အသုံးချခွင့် ကြုံခဲ့သည့်သဘောဟု ယူဆရမလို ရှိ၏။ သို့  သော် ထိုစဉ်ကမူ ကမ္ဘာကြီးပေါ်တွင် “ သုညမဟုတ်ဂိမ်း ” “ သီဝရီ ” မှာ “ သီဝရီ ” တခု၊ ( သို့ မဟုတ် ) “ ပြဿနာဖြေရှင်းရေး နည်းလမ်းတခု ” အဖြစ် တွင်ကျယ်ခြင်း အလျဉ်းမရှိသေး။

(ဂ)
“ ရာဇ၀င်တွင်မယ့် စကားဝိုင်းများ ” စာအုပ်တွင်၊ ကျနော်သည် “ မော်စီတုံး ” နှင့် “ နစ်ဆင် ” ပါဝင်သည့် စကားဝိုင်းများ ကို နှစ်သက်၏။ စာအုပ်၏နောက်ပိုင်း အရှေ့ အလယ်ပိုင်း ပြဿနာဖြေရှင်းရေး စကားဝိုင်းများကိုမူ ကျနော်သိတ်ပြီး ဘ၀င်မခိုက် လှပါ။ “ မော်စီတုံး ” နှင့် “ နစ်ဆင် ” တို့ ပါဝင်သည့် “ စကားဝိုင်း ” များမှာ “ ဒဿန ” အပေါ် အခြေခံသည့် “ စကားဝိုင်း ” များ ဖြစ်နေခဲ့၏။ သည်ကြားထဲကမှ “ နယ်ရုပ်များ ” ၊ “ ကွင်း ” များကို ကျနော်တို့  ဒေါင့်ဖြတ်သဘောတွေ့ လိုက်ရခြင်းသာ ဖြစ်သည်။

“ ခင်ဗျားတို့ နိူင်ငံရေးမှာ ကျနော်က လက်ဝဲကို မကြိုက်ဘူးဗျ၊ လက်ယါကို ပိုကြိုက်တယ် ”

သည်စကားမှာ တရုတ်ပြည်ကွန်မြူနစ်ပါတီ ဥက္ကဌကြီး “ မော် ” က အမေရိကန်သမ္မတကြီး “ နစ်ဆင် ” ကို ပြော လိုက်သောစကားဖြစ်၏။ ကွန်မြူနစ်တယောက်က လက်ယါပါတီတခုကို ကြိုက်သည်ဟု အခုလိုပြောလိုက်သည်မှာ မူအရမဟုတ်ပဲ၊ “ ဒဿန ”ကို အခြေခံခြင်းမဟုတ်ပဲ “ အကျိုးစီးပွား ”ကို အခြေခံပြီးမှ ပြောသည့်စကားဖြစ်၏။ ထိုစဉ်က အမေရိကန်လက်ဝဲများက တရုတ်နှင့် မသင့်မြတ်လှသည့် ဆိုဗီယက်တို့ ဖက်သို့  ယိမ်းနေသောကြောင့် ဖြစ်၏။ ထိုအခါ အကျိုးစီးပွားအရ၊ “ လက်ယါ ” သည်ပင် တရုတ်လက်ဝဲကွန်မြူနစ်တို့ အဖို့  “ မဟာမိတ် ” ဖြစ်လာရ၏။ “ ဟီးဂဲလ် ”၏ “နိူင်ငံရေးတွင် ထာဝရမိတ်ဆွေ၊ ထာဝရ ရန်သူဟူ၍ မရှိပဲ၊ ထာဝရအကျိုးစီးပွားသာ ရှိသည် ” ဟူစကားမှာ မှတ်သားဖွယ် ကောင်းလေသည်။

“ မော် ” နှင့် “ နစ်ဆင် ” တို့  ပါဝင်သော “ စကားဝိုင်း ” များမှာ၊ အကျိုးစီးပွားနှင့် ယှဉ်သောစကားဝိုင်းများ ဖြစ်၏။ နှစ်ဖက် စလုံး အကျိုးရှိမည့် “ ဘုံအကျိုးစီးပွား ” ကို ရအောင် ရှာယူရင်း၊ သီးခြားအကျိုးစီးပွားများကို အကာအကွယ်ပေးဖို့  ကြိုးစားခဲ့ကြ၏။ အပေးအယူရှိ၏။ အလျှော့အတင်းရှိ၏။ အသေမဟုတ်။

“ စကားဝိုင်း ” တခု စတော့မည်ဆိုလျင် “ အဓိက ပြဿနာတွေက စရမလား၊ သာမည ပြဿနာတွေက စရမလား၊ ဒါမှ မဟုတ် အဓိက ပြဿနာအပေါ် အခြေခံပြီးမှ သာမညပြဿနာကို စဉ်းစားကြမလား၊ ဒါမှမဟုတ် နှစ်ဖက်စလုံး အကျိုးမရှိသည်ကို တွေ့ အောင်ရှာ၊ နှစ်ဖက်စလုံး အကျိုးရှိမည့်နေရာအထိ ရှေ့ တိုးလုပ်ကြမလား၊ “ စကားဝိုင်း ” လုပ်ရင် နှစ်ဖက်စလုံးမရှုံးဘူး၊ နှစ်ဖက်စလုံး မနိူင်ဘူးဆိုတာ တကယ်ပဲလား---။ “ ရာဇ၀င်တွင်ရစ်မယ့် စကားဝိုင်းများ ” စာအုပ်က ကျနော့်ခေါင်းထဲကို ကြွက်တကောင် ထည့်ပေးလိုက်လေသည်။

(ဃ)
ယနေ့ တွင်မတော့ “ စကားဝိုင်းယဉ်ကျေးမှု ” သည်၊ ကမ္ဘာ့နိူင်ငံရေး အပြောင်းအလဲဖြစ်စဉ်၏ ၀န်ရိုးသစ် ဖြစ်လာခဲ့ပြီလော ဟု မေးခွန်းထုတ်စရာ ဖြစ်လာခဲ့ပြီ။ “ စကားဝိုင်းယဉ်ကျေးမှုသစ် ” ဟူသော စကားသည်ပင် ရှိလာခဲ့ပြီ။

ကျနော်တို့ သည် “ စကားဝိုင်းယဉ်ကျေးမှု ” ဒီရေလှိုင်းကိုစီးကာ၊ ၂၁-ရာစုအတွင်း ၀င်လာခဲ့ကြပြီ။ ယင်းဒီရေလှိုင်း ပေါ်တွင် တချို့ မှာ လှိုင်းမူးလျက်။ တချို့  လှိုင်းထိပ်တွင်ရပ်လျက်။ တချို့ လှိုင်းနှင့် ဝေးရာ။ တချို့ လှိုင်းအောက်-----။

မည်သို့ ပင်ဖြစ်စေ “ စကားဝိုင်းယဉ်ကျေးမှုသစ် ” က၊ ကျနော်တို့ ကို ဖိတ်ခေါ်လျက်ရှိသည်ဟုတော့ အခိုင်အမာ ယုံကြည် နေမိ၏။

ပန်းခင်းလမ်း

ဆ၇ာမလေး ပန်ဒို၇ာကိုအားကျလို့ ဒီဓါတ်ပုံလေးကို ပို့စ်အသစ်တင်လိုက်ပါတယ်။တခါတုန်းက ပန်းရိုင်းပွင့်တွေကို ဓါတ်ပုံလို်က်ရိုက်ရင်းက မမျှေုာ်လင့်ပဲဒီသဘာဝဓါတ်ပုံလေးကို ရခဲ့တာပါ။လမ်းကလေးပေါ်မှာပန်းတွေအလိုလိုပေါက်လာတဲ့နောက် လူတွေကဒီလမ်းကလေးကို သည်အတိုင်းပဲထားလိုက်ပါတော့တယ်...။

တောင်းပန်စကား

ဒီကနေ့ ပို့အသစ်တင်ရင်းက စာတွေဓါတ်ပုံတွေပျောက်ကုန်ပါတယ်။နောက်ထပ်တင်လိုက်ပါတယ်။

အရိုင်းပန်း

တခါတုန်းက
လမ်းဘေးမှာ အလေ့ကျပေါက်တဲ့
ပန်းရိုင်းပန်းတွေကို
ကျနော် ဓါတ်ပုံရိုက်ခဲ့ဖူးပါတယ်။
ဒီအထဲက ပုံတစ်ပုံကို
ဝေမျှခံစားကြည့်စေလိုပါတယ်။

ငြိမ်းဝေ

နွေဦး အဘယ့်ကြောင့် နောက်ကျနေပါလိမ့်

(က)

ကျနော်တို့ ရဲ့ 
ငတ်မွတ်ခြင်း
အစေါ်ကားခံရခြင်း
အနှိမ်ခံရခြင်းများအတွက်
အိမ်အပြင်ဖက်ကိုထွက်ခဲ့ကြ...။
(၈.၈.၈၈)

လေထဲမှာ
လွင့်ပျံဖြာထွက်လာတဲ့ ဓါတ်စက်သံဟာ
အိပ်မေါကျနေတဲ့ ကမ္ဘာကြီးကို
ရိုက်ပုတ်ပြီးနှိုးလိုက်တယ်။

မသိနားမလည်မှုနဲ့ 
ကြောက်ရွံ့ ခြင်းအဖုံဖုံကို သံပုံးတီးလွှတ်ကြ။

လူနဲ့ လူချင်း
လှပစွာ ကျွန်ုဇာတ်သွင်းထားတဲ့
စနစ်ဟောင်းရဲ့ မကောင်းဆိုးဝါးမှုကို
မောင်းထုပြီး စစ်ကြေညာကြ။
( မိမိကိုယ်ပေါ်တွင်သစ်တပင်စိုက်ပျိုးခြင်း...ကဗျာမှ )



စစ်တောင်းမြစ်ဆိပ် ကုန်းထိပ်တွင် ခြေစုံရပ်ရင်းက သူ့ စိတ်တွေအပြင်းအထန်လှုပ်ရှားနေသည်။ အတန်ကြာအောင်မလှုပ်မရှက်ရပ်နေရင်း ကမ်းပါးအောက်က စက်လှေနှစ်စီးကို ငုံ့ ကြည့်နေမိသည်။ ကမ်းစပ်တွင်မူ လူတ ယောက်မျှမတွေ့ ရ။
ကုန်းပေါ်က ဈေးဆိုင်တန်းဆီ ပြန်လျှောက်လာခဲ့သည်။စက်လှေသမား ̔“ကိုကျော်ဝင်း” ကိုလိုက်ရှာသည် ။ဈေးဆိုင်များကိုကျော်လာသည်အထိ “ကိုကျော်ဝင်း” ကိုမတွေ့ ။ ဈေးဆိုင်တန်းလမ်းမပေါ်တွင် လူသူကြဲပါးနေ သည်ကို သူသတိပြုမိသည်။

“ဟော...ခင်ဗျားက ဒီိ်ရောက်နေတာကိုးဗျ၊ ကျုပ်က လှေဆိပ်မှာကော၊ ဈေးဆိုင်တန်းမှာကောလိုက်ရှာနေ တာ”

စက်လှေသမား “ကိုကျော်ဝင်း” က သူ့  ကို အပြုံးတ၀က်နှင့်နှုတ်ဆက်သည်။ တစုံတရာ စူးစမ်းလို စိတ်မျက်လုံးများကို “ ကိုကျော်ဝင်း ” ၏မျက်နှာပေါ်၌ အထင်အရှားတွေ့ ရ၏။ သူက ပြောမည့်စကားကို ချီတုံချတုံစဉ်းစားနေရပြန်သည်။ “ကိုကျော်ဝင်း” သည် ရေအိုးစဉ်ကျေးရွာအုပ်စု၏ “ ကောင်းစီစာရေး” ဖြစ်သည်။ သူ့ ဦးလေးမှာ “ ပါတီစိပ်မှူး ” ဖြစ်သည်။ သူပြောပြသမျှကို လက်ခံသဘောတူရန်မှာ ဆယ်လေးတလေး မျှသာရှိသည်။ သို့ သော် သူ့ မှာ တခြားရွေးချယ်စရာနည်းလမ်းမရှိ။ ရေအိုးစဉ်ကျေးရွာ တစ်အုပ်စုလုံးတွင် စက်လှေ ( ၃ )စီးရှိသည့်အနက်၊ သည်ကနေ့ တော့ “ကိုကျော်ဝင်း” ၏စက်လှေတစီးတည်းသာထွက်သည်ကို သူစုံစမ်းသိရှိထားပြီးဖြစ်သည်။ ထို့ ကြောင့် “ ကိုကျော်ဝင်း ” ကို အကူအညီတောင်းယုံမျှအပ တခြားနည်းလမ်း သူ့ တွင်မရှိ။

“ ကဲ၊ ပြော...ဆရာလေး၊ ဘာကိစ္စရှိလို့  လဲ၊ ရွာပြန်လိုက်မလို့ လား”
“အေးဗျ၊ ခင်ဗျားစက်လှေနဲ့ ပဲလိုက်ရမှာပဲ၊ လာဗျာ၊ ကမ်းနားဖက်ခဏလျောက်ရအောင်၊ ကျနော် ခင်ဗျား ဆီက အကူအညီတောင်းစရာရှိလို့ ပါ”

ကျနော်တို့ နှစ်ဦး မြင်းလှည်းဆိပ်အနီးမှ ခွာလာခဲ့ကြ၏။မြစ်ဆိပ်ကမ်းနားမဆင်းခင်မှာပင် “ ကိုကျော်ဝင်း ” ကို သူဖွင့်ပြောပြလိုက်သည်။ ဒီကနေ့ ကစပြီး စစ်တောင်းမြစ်ဘေး ကမ်းနားရွာ ( ၁၀ ) ရွာ၏ဆနပြပွဲကိုစတင်တော့မှာ ဖြစ်ကြောင်း၊ ဒီကနေ့ တနေ့ လည်လုံး စစ်တောင်းမြစ်ထဲ အစုန်အဆန်သွားကာ၊ “ ဓါတ်စက်လော်စပီင်္ကာ ” ဖြင့်စည်းရုံးလှုံ့ ဆော်မှာဖြစ်ကြောင်း။ သည်လို လုပ်နိုင်ဖို့ အတွက် “ ကိုကျော်ဝင်း ” ၏စက်လှေကို ငှါးရမ်းလိုကြောင်း...။

တဖြေးဖြေးချင်းရှင်းပြနေသည့် သူ့ စကားများကို “ကိုကျော်ဝင်း” က ခေါင်းငိုက်စိုက်ချကာနားထောင်၏။ သူ့ စကားဆုံးသည်အထိ စကားဖြတ်မပြောပဲနားထောင်၏။ တစုံတရာ ထူးခြားသည့် အမူအယါမပြပဲ၊ ပြောသမျှစကားကိုသာ ခေါင်းငုံ့ ပြီးနားထောင်နေသည့် “ကိုကျော်ဝင်း” ကို သူစိုးရိမ်သွားရသည်။

“ ဘယ်လိုလည်း ကိုကျောင်ဝင်း၊ ဒီကနေ့ တော့ စက်လှေအနည်းဆုံး နှစ်ခေါက်တော့ကျော့ရမှာပေါ့ဗျာ၊
ကျသင့်တဲ့ ပိုက်ဆံကျနော်ပေးပါ့မယ်၊ဘယ်လို လည်း၊ ဖြစ်နိုင်မလား”
“ဖြစ်ပါတယ်ဆရာလေး၊ ဘာလို့ မဖြစ်နိုင်ရမလဲ၊ ပိုက်ဆံလည်းပေးဖို့မလိုပါဘူး”

မျှော်လင့်ချက်ရာခိုင်နှုန်းနည်းပါးနေသည်ြ့ကားက “ ကိုကျော်ဝင်း ” ၏အဖြေစကားကိုကြားတော့ သူ့ ခြေလှမ်းများမှာ တန့် ကနဲရပ်သွားရ၏။

“ဆရာလေးတို့ က ဘယ်နှစ်ယောက်လဲ၊ ကျနော့်မှာ ခရီးသည် နှစ်ယောက်ရထားသေးတယ်၊ ဆရာလေး တို့  လူများမယ်ဆိုရင် ကျနော်ရထားတဲ့ခရီင်္းသည်ကို တခြားစက်လှေ လွှဲပေးလိုက်မယ်”
“မလိုပါဘူး၊ ကျနော်တယောက်တည်းပါ၊ ခရီးသည်တွေလိုက်မယ်ဆိုရင် ခေါ်ခဲ့ပေါ့”
“မြို့ ကဟောမယ့်၊ပြောမယ့်သူ ...တယောက်လောက်တောင်ခေါ်မလာဘူးလားဆရာလေး”
“သူ့ တို့ လည်း တယောက်မှမအားကြဘူးဗျ၊ ရပါတယ်၊ ကျနော်ပြောတတ်ပါတယ်၊ ခင်ဗျား လိုက်မယ်ဆိုရင် အခုပဲထွက်ကြရအောင်ဗျာ၊ အခုပဲ ( ၉ )နာရီထိုးနေပြီ”
“ဒါနဲ့ ၊ဓါတ်စက်ငှါးပြီးပြီလားဆရာလေး၊ ကျွဲပွဲက ငှါးလာတာလား၊ကျနော်တို့ နှစ်ယောက် သွားထမ်းကြမယ်”
“မြို ဆိုးမှာပဲ ငှါးလိုက်တာပါ၊ ကျွဲပွဲမှာ ဓါတ်စက်တွေအားလုံး အသိမ်းခံထားရတယ်၊ ငှါးလို့ မရခဲ့ ဘူး၊ လာဗျာ...ဟိုမှာ၊ မနှင်းကြည်မုန့် ဟင်းခါးဆိုင်ရှေ့ မှာ ဓါတ်စက်သေတ္တာနှစ်လုံး ကျနော်ချထားတယ်”

မနှင်းကြည်မုန့်ဟင်းခါးဆိုင်ရှေ့ ရောက်တော့ ဓါတ်စက်သေတ္တာနှစ်လုံးကို သူ့နှင့် “ ကိုကျော်ဝင်း ” တို့ တခုစီ မကြထမ်းကြ၏။

“ ဟင် ဓါတ်စက်ဆရာကော ဆရာလေး”
“ ဓါတ်စက်ဆရာက ဓါတ်စက်ပဲ ငှါးလိုက်တယ်၊ လူတော့မလိုက်ရဲဘူးတဲ့ဗျ၊ ရပါတယ်၊ ကျနော်ဖွင့်တတ်ပါတယ်”

“ ကိုကျော်ဝင်း” နှင့်ကျနော်၊ ဓါတ်စက်သေတ္တာများကို စက်လှေပေါ်တင်ကြ၏။ ကိုကျော်ဝင်း ကကုန်း ပေါ်ခဏဟုဆိုကာ ပြန်တက်သွား၏။ ခဏကြာတော့ပြန်ဆင်းလာခဲ့သည်။

“ ကဲ...ဆရာလေးရေ...ကျနော်တို့ နှစ်ယောက်ပဲသွားတော့မယ်၊ ခရီးသည်တွေက မလိုက်ရဲလို့ ခေါ်လို့ မရဘူးဗျ၊ ဒါလည်းကောင်းပါတယ်”

သူက “ ကိုကျော်ဝင်းကို ” ကိုကျေးဇူးတင်သည့်အပြုံးနှင့်ခေါင်းညှိမ့် ပြလိုက်သည်။ ကိုကျော်ဝင်း က စက် လှေနှိုးသည့်ကြိုးကိုဆွဲတော့ သူက ဓါတ်စက်သေတ္တာများကို ဖွင့်ကာပြင်ဆင်၏။ သူ့ ခေါင်းထဲ၌ ပြောမည့်ဆိုမည့် စကားများကို အစီစဉ် တကျနေရာချနေရပြန်သည်။ စက်လှေက မြို့ ဆိုးရွာအောက် ရောက်လာခဲ့သည်။ သရက်တော ရွာထိပ်ကိုကပ်လာသည်။

“ ခတ်ဖြေးဖြေးလေးပဲ မောင်းပေးပါလား ကိုကျော်ဝင်း၊ အစုန်ဆိုတော့ ဒီအတိုင်းထိမ်းပြီးပဲ မျှောကြည့်ပါလား”

သူက အသံချဲ့ စက် “ ဟွန်း ” ကိုသရက်တောရွာဖက်လှည့်ပြီး ထောင်ထားလိုက်၏။

“ လေးစားအပ်တဲ့ သရက်တောရွာ တောင်သူလယ်သမားအပေါင်းတို့ ခင်ဗျား၊ လေးစားအပ်တဲ့...သရက်တောရွာ အဖိနှိပ်ခံ တောင်သူလယ်သမားရဲဘော်အပေါင်းတို့ ခင်ဗျား၊ ဒီကနေ့ ဒီအချိန်ကစပြီး စစ်တောင်းမြစ်ကမ်း နှစ်ဖက်မှာရှိတဲ့ ကျေးရွာတွေအားလုံးဟာ ( ၂၆ )နှစ်တာ ကျနော်တို့ ကြောပေါ် ဖိနင်းထားတဲ့ မဆလတပါတီ အာဏာရှင်စနစ်ကို တွန်းလှန်ချလိုက်ကြပြီဖြစ်ပါတယ်၊ ဒီကနေ့ ကစပြီး ( ၂၆ )နှစ်တာကာလ တလျှောက်လုံး နည်းမျိုးစုံ ဖိနှိပ်သွေးစုပ်ခံခဲ့ကြရတဲ့၊ မတရား ချုပ်ချယ်ခံခဲ့ကြရတဲ့ တောင်သူလယ်သမားအားလုံး၊ လွတ်မြောက် သွားပြီဖြစ်ပါတယ်။ ဒီကနေ့ ဒီအချိန်ကစပြီး သက်ဆိုင်ရာကျေးရွာ အသီးသီးမှာရှိတဲ့ ပါတီ၊ ကောင်စီများရဲ့  အမိန့် သြဇာအာဏာကို သပိတ်ကော်မီတီမှ သိ်မ်းယူလိုက်ကြပြီဖြစ်ပါတယ်၊ မတရားဖိနှိပ်ချုပ်ချယ်အုပ်ချုပ်လာခဲ့တဲ့ ပါတီကောင်စီ များရဲ့ အမိန့် သြဇာများကိုလည်း ဒီကနေ့ ကစပြီး လိုက်နာဖို့ မလို့ တော့ပါဘူး...”


ဓါတ်စက်သံက သရက်တောရွာထိပ်ကို ကျော်ပြီး ရွာနောက်ဖေးလယ်ကွင်းများဆီ အထိပြေးဝင်သွားနေ ၏။ သူက ဓါတ်စက်ထဲက တဆင့်ကြားရသည့် သူ့ အသံကို ဂရုတစိုက်နားထောင်ရင်းက ပြောလက်စကားကို ဆက်ပြောသည်။

အ“ အခုလို သပိတ်ကော်မီတီရဲ့ ကြေညာချက်ကိုထောက်ခံကြတယ်ဆိုရင် ဒီကနေ့ ည ( ၈ )နာရီတိတိ အချိန်မှာ၊ ၂၆ နှစ်တာ ကျနော်တို့ အပေါ်ဖိနှိပ်အုပ်ချုပ်လာခဲ့တဲ့ တပါတီအာဏာရှင် စနစ်ဆိုးကို မောင်းထုတ်တဲ့ အနေနဲ့ ၊ အိမ်တိုင်းအိမ်တိုင်း၊ ကျေးရွာတိုင်းကျေရွာတိုင်းက သံပုံးတီးပြီး သဘောထားပေးကြပါရန် လေးစားစွာ နှိုးဆော်ဘိတ်ခေါ်အပ်ပါတယ် ခင်ဗျား”

စက်လှေက သရက်တောရွာ လည်မရှိတရှိသို့ ရောက်သောအခါ မြစ်ကမ်းပါးထိပ်သို့  ရွာသားတချို့ ထွက်ကြည့်ကြ၏။ သရက်တောရွာအောက်ပိုင်းကို ရောက်တော့ကမ်းပါးပေါ်တွင် လူတွေနေရာမလပ်တန်းစီင်္ပြီး ရပ်နေကြသည်ကိုတွေ့ ရတော့၏။
လူတချို့ က တစုံတရာအော်ဟစ်ကာ၊ လက်သီးလက်မောင်းတန်းကာ ကျနော်တို့ ကိုတုန့် ပြန်နှုတ်ဆက် လိုက်ကြ၏။ “ကိုကျော်ဝင်း” ကစစ်တောင်းမြစ် ဒီဖက်ကမ်း ကျိန်တောမြောင် ရွာဖက်ဆီကို စက်လှေဦးလှည့် လိုက်၏။

( ခ )
ကျိန်တောမြောင်ရွာဖက်ဆီ စက်လှေဦးလှည့်နေစဉ့် ဓါတ်စက်ဖြင့် လိုက်လံနှိုး ဆော်ရမည့် အလုပ်ကို ပြန်လည်စဉ်းစားနေမိသေးသည်။ စစ်တောင်းမြစ်၏ အနောက်ဖက်ကမ်း ရေအိုးစဉ်ကျေးရွာ အုပ်စုတွင် ကျေးရွာ ( ၅ )ရွာရှိ၏။ သူက ယင်းကျေးရွာ အုပ်စုဝင် သောင်ပုရွာ တွင်ကျောင်းဆရာလုပ်၏။ ရေအိုး စဉ်ကျေးရွာအုပ်စုမှာ အုတ်တွင်းမြို့ နယ်အတွင်းတွင်ရှိပြီး၊အနောက်ဖက်ကမ်းနား အတိုင်းဆင်းလျင် ဖြူးမြို့ နယ် နှင့်သွားပြီးထိစပ်၏။ သူကဖြူးမြို့ နယ်အစပ်ကျေးရွာ( ၂ ) ရွာအထိ ဆင်းမည်ဟုဆုံးဖြတ်သည်။ တခါ...ဒီဖက်ကမ်း စစ်တောင်းမြစ် အရှေ့ ဖက်ကမ်းတွင် ကျိန်တောမြောင်ကျေးရွာအုပ်စုရှိ၏။ ကျေးရွာ ( ၆ )ရွာ ကမ်းနားအတိုင်းတန်းစီ ပြီးရှိ၏။ဤကျေးရွာအုပ်စုမှာထန်းတပင်မြို့ နယ်အတွင်းက ကျေးရွာများဖြစ်၏။ သူက စစ်တောင်းမြစ်ဟိုဖက်ကမ်း သည်ဖက်ကမ်း၊ မျက်နှာချင်းဆိုင်ကျေးရွာအုပ်စုဝင်ရွာ( ၁၀ )ရွာကျော်ကို လိုက်လံနှိုးဆော်ရန်ဆုံးဖြတ်ထားခဲ့၏။

“ ဆရာလေး၊ ကျိန်တောမြောင်ရွာထိပ်တော့ သိပ်ကပ်လို့ မကောင်းဘူးနဲ့ တူတယ်၊ ရွာထိပ်မှာ စစ်တပ် ဂိတ်ရှိတယ်ဆရာလေး”

ကြိုတင်တွက်ဆပြီး သိထားပြီးသည့်တိုင် “ ကိုကျော်ဝင်း ” ၏စကားကိုကြားတော့ သူ့ ရင်ထဲတွင်စိုးရိမ် သွားရ၏။ သို့ သော်သူက ဓါတ်စက်ဟွန်းကို ရွာထိပ်ဆီလှည့်ပြီးတည့်လိုက်၏။

“ ကျိန်တောမြောင်ကျေးရွာ...တောင်သူလယ်သမား ရဲဘော်အပေါင်းတို ...့”

သူ၏ပြောလက်စ စကားမှာတ၀က်တပျက်နှင့် ရပ်သွားရ၏။ ကျည်ဖူးတခု ရွှီကနဲမြည်ကာ စက်လှေပေါ် မှကျော်သွား၏။ သေနတ်သံတချက်ကို ဆက်တိုက်ကြားလိုက်ရ၏။

“ ဟာ...ဆရာလေး၊ ပစ်နေပြီဆရာလေး၊ နောက်ပြန်ဆုပ်မှဖြစ်မယ်”

“ စက်ရှိန်သပ်ပြီး အသာလေးမျှောသာမျှောချထားဗျာ၊ ဒီကောင်တွေကျုပ်တို့ ကိုတကယ် ပစ်ချင်ရင် အပေါ်ကျော်ပြီး ဘယ်ပစ်ပါ့မလဲ၊ တည့်တည့်ပစ်မှာပေါ့၊ ကိစ္စမရှိပါဘူး၊ စက်ရှိန်တော့သပ်ထားလိုက်”

သူက ဓါတ်စက်စကားပြောခွက်ကို ပါးစပ်ပေါက်ဝတွင်ပြန်ကပ်လိုက်သည်။ သူ့ ရင်ပြင်တခုလုံးနေရာလပ် မရှိအောင်သွေးများဆူပွက်လာရ၏။ ဓါတ်စက်ဟွန်းကိုလည်း သေနတ်သံတွေပေါ်လာရာ စစ်တပ်ဂိတ် တည့်တည့် ဆီလှည့်ထားလိုက်၏။

“ ချစ်ခင်လေးစားအပ်တဲ့ ပြည်သူချစ်သော ပြည့်သူ့ သားကောင်းတပ်မတော်သားရဲဘော် အပေါင်းတို့ ခင်ဗျား...ချစ်ခင်လေးစားအပ်တဲ့ ပြည်သူ့ တပ်မတောသား ရဲဘော်များခင်ဗျား...ဒီကနေ့  ဒီအချိန်မှာ မြန်မာတနိုင်ငံလုံးက တောင်သူလယ်သမားအားလုံး၊ အလုပ်သမားအားလုံး၊ ကျောင်းသားကျောင်သူအားလုံး၊ ရုံးဝန်တမ်းအားလုံးဟာ မိမိတို့ ရဲ့  ဆန္ဒကိုလွတ်လပ်ရဲရင့်စွာ ထုတ်ဖေါ်ပြသနေကြတဲ့ အချိန်ဖြစ်ပါတယ်။ ဒီလိုပြသရတဲ့ ကိစ္စဟာ ပြည်သူထဲကပေါက်ဖွားလာကြရတဲ့ ပြည့်သူ့ တပ်မတော်သားများ ရဲ့ မိသားစုများအပါအ၀င် လူထုကြီးတရပ်လုံး ဘ၀လွတ်မြောက်ဖို့ အတွက် ဆန္ဒထုတ်ဖေါ်ကြတာဖြစ်ပါတယ်။ တပ်မတော်သားရဲဘော်တို့ ဟာ တမိသားစုအတွင်းက မိသားစုဝင် ညီအစ်ကိုမောင်နှမများဖြစ်ကြပါတယ်။ ဒီကနေ့ အခုလို ကျနော်တို့ တတွေ ဆန္ဒထုတ်ဖေါ်ကြတာဟာ တပ်မတော်ကြီးတခုလုံးကို ဆန့် ကျင်ကန့် ကွက်ကြတဲ့ သဘော မဟုတ်ပါဘူး၊ တပ်မတော်ကြီးကို ကိုယ့်အကျိုးစီးပွား၊ ကိုယ့်အာဏာတည်မြဲဖို့ အတွက် ခုတုံးလုပ်အုပ်ချုပ်နေကြ တဲ့၊ ပြည်သူလူထုကို အလုပ်အကျွေးပြုရမယ့်၊ ကာကွယ်မှုပြုကြရမယ့်တပ်မတော်ကို၊ မ်ိမိအာဏာတည်မြဲရေးနဲ့ ဖိနှိပ်သွေးစုပ်အုပ်ချုပ်ဖို့ အတွက် ခုတုံးလုပ်အသုံးချနေကြတဲ့ အာဏာရှင်လူတစုကိုသာဦးတည်ပြီး ဆန့် ကျင်ကန့် ကွက်နေကြတာဖြစ်ပါတယ်....”

စက်လှေက ရေစီးကိုကန့် လန့် ခံကာ၊ စက်ရှိန်ကိုသပ်ကာ မြစ်ကြောင်းအတိုင်းဆင်းချလာခဲ့၏။ စစ်တပ်ဂိတ်ဆီက မည်သည့်အသံမျှထပ်ပြီး မကြားရတော့။ နောက်ကြောဖက် သရက်တောရွာဆီက လူသံများ ကြားရသဖြင့်လှည့်ကြည့်ရပြန်သည်။ သရက်တော တရွာလုံးကမ်းလုံးညွှတ်မျှ လူတွေတန်းစီပြီးရပ်နေကြ၏။

ရုတ်တရက် ကြွေးကြော်အော်ဟစ်သံများ အနီးကပ်ပြီးကြားရပြန်သည်။ သူက ကျိန်တောမြောင်ရွာ ကမ်းပါးပေါ်မေါ့ပြီးကြည့်ရပြန်သည်။ ကမ်းပါးပေါ်တွင် လူတွေသူ့ ထက်ငါတွန်းထိုးရင်း စက်လှေနှင့်ယှဉ်ကာ ကုန်းပေါ်မှပြေးလိုက်လာနေကြ၏။ လူ့ တချို့ ကနေရာတွင်ပင်ရပ်ကာ ခလေးတွဲလွဲ၊ ခွေးတွဲလွဲနှင့် အော်ဟစ်ကခုန် နေကြ၏။

လူတချို့ ကမ်းပါးအောက်သို့ ပြေးဆင်းလာကြသည်။ ကျနော်တို့ စက်လှေကို လက်ပြပြီးတားကြ၏။ သူက စက်လှေကိုကပ်ပေးခိုင်းလိုက်၏။ စက်လှေပေါ်သို့ ကျိန်တောမြောင်ရွာသား ( ၁၀ ) ဦးခန့် တက်ကြ၏။ အားလုံးလိုလိုမှာ သူစာသင်ပေးခဲ့ဖူးသည့် ကျောင်းသားဟောင်းများ ဖြစ်နေသည်ကိုတွေ့ ရ၏။ သူ့ မျက်လုံးအိမ်များ ထဲ၌ မျက်ရည်များရုတ်တရက်သိုင်းဖွဲ့ လာခဲ့ရ၏။ ကျိန်တောမြောင်ရွာ ဆိပ်ကမ်းမှ စက်လှေခွါသည်နှင့်တပြိုင်နက် ကြွေးကြော်သံများ ကမ်းပါးထိပ်မှထွက်ပေါ်လာလေသည်။

“ ပါတီ၊ ကောင်စီစနစ်ဆိုး...အလိုမရှိ၊ အလိုမရှိ ”
“ တပါတီ အာဏာရှင်စနစ် ကျဆုံးပါစေ...ကျဆုံးပါစေ ”
“ အရေးတော်ပုံ...ောင်ရမည် ”

( ဂ )

လယ်သမားတွေက
“ တာဝန်ကြေစပါး ” “ တာဝန်ကြေစပါး ” ဆိုတဲ့
ခါးသီးတဲ့အတိတ်ဇာတ်ကို
မြေမြှုပ်သဂြိုလ်ဖို့ တောင်းဆိုကြတယ်။

အလုပ်သမားတွေက
“ လုပ်အားပေးစနစ် ”ဆိုတဲ့
ခေတ်သစ်ကျေးကျွန် “ ဗျူရိုကရေစီ ” ကို
“ ဒီမိုကရေစီ ” နဲ့ ဖြိုချကြတယ်။

အကြိမ်ကြိမ်စိမ်ခေါ်
အလီလီတိုက်ပွဲဝင်ခဲ့ကြတဲ့
စာသင်ခန်းထဲက ကျောင်းသားတွေက
“ ကမ္ဘာမကျေဘူး ” သီချင်းဆိုကြတယ်။

သမဂမြေကျောင်းတော်က
တဖြောင်းဖြာင်းရိုက်ခတ်လိုက်တဲ့
“ ခွပ်ဒေါင်း ” ရဲ့ တောင်ပံခတ်သံဟာ
ကမ္ဘာတလွှားမှာရှိတဲ့
“ အာဏာရှင် ”ဟူသမျထံ ရာဇသံပေးလိုက်တယ်။
( မိမိကိုယ်ပေါ်တွင် သစ်တပင်စိုက်ပျိုးခြင်း...ကဗျာမှ)

“ ခင်ဗျားတို့ လည်းကြားတဲ့လူကြားကြမှာပဲ၊ တောင်ငူ၊ အုတ်တွင်း၊ ကျွဲပွဲ၊ ဖြူး၊ ညောင်းခြေထောက်...မြို့ တွေအကုန်လုံး ဒီကနေ့ ဆန္ဒပြကြတယ်၊ ဒီင်္ကနေ့ ကတော့ တတိုင်းတပြည်လုံး တညီတညွှတ်ထဲ ဆန္ဒပြဖို့ နှိုး ဆော်ထားတယ်၊ ကျနော်မနက်က ကျွဲပွဲမှာရှိတယ်၊ ဟိုမှာ တမြို့ လုံးလမ်းပေါ်ထွက်ပြီးဆန္ဒပြနေပြီ၊ ကျနော်တို့ နေ ရာက မြို့ နဲ့ ဝေးတာမှန်တယ်၊ လုံခြုံရေးအတွက် စိတ်ပူရတာမှန်တယ်၊ ဒါပေမယ့် ဒီကနေ့ တော့ ဆန္ဒမပြလို့ ကို မဖြစ်ဘူး၊ ဒါကြောင့်မို့ တိုင်ပင်သင့်တဲ့သူတချို့ နဲ့ တိုင်ပင်ပြီး ကျနော်အခုလို့လိုက်ပြီး နှိုးဆော်တာပဲ၊ အရေးအကြီင်္း ဆုံးက ည ( ဂ )နာရီမှာ အိမ်ပေါက်စေ့သံပုံးတီးကြ၊ မနက်ဖြန်မနက်ကြရင် သောင်တန်းရွာကိုချီတက်ကြ၊ ဒီကြားထဲ ဘာတခုမှ စိတ်လိုက်မာန်ပါမလုပ်ကြနဲ့ ၊ စည်းစည်းလုံးလုံးညီညီညွတ်ညွတ် စည်းကမ်းရှိရှိသာ နေကြ လုပ်ကြပါ၊ အထူးသဖြင့် ရပ်ရွာလုံခြုံရေးကို တိုင်ပင်ညှိနှိုင်းပြီး အသိရှိရှိ တာဝန်ယူကြပါ... အခုတော့လုံခြုံရေး အရ လူစုခွဲကြပါ၊ မဖြစ်မနေလုပ်ရမယ့် အလုပ်တချို့ လုပ်ဖို့ အတွက် ပြောဆိုထားတဲ့ လူတချို့ ပဲဒီမှာနေခဲ့ကြပါ..”


တညနေခင်းလုံး “ သူ့  ” မှာအလုပ်တွေနှင့်ပိနေခဲ့သည်။ အထူးသဖြင့်မနက်ဖြန်မနက် “ သပိတ်စခန်း ” ဖွင့်နိုင်ရေးအတွက် ကျေးရွာအသီးသီးမှ၊ ရောက်လာသည့် တက်ကြွလှုပ်ရှားသူများနှင့်တိုင်ပင်ရသည်။ လုံခြုံရေးအတွက် ပြည်သူ့ စစ်အဖွဲ့ များ စစ်တပ်ဂိတ်များကို မျက်ခြေမပြတ်စေါင့်ကြည့်ဖို့  တာဝန်ခွဲကြရသည်။ ကျေးရွာပါတီ၊ ကောင်စီလူကြီးများ အခြေအနေကို အကဲခတ်ကြရသည်။

“ မဒေ၀ီ ” က သူ နှင့်ဧည့်သည်များအတွက် ရေးနွေးကြမ်းအိုး၊ တအိုးပြီးတအိုးလာချပေးနေခဲ့၏။ ဆန္ဒပြပွဲ ကိစ္စများနှင့်အလုပ်ရှုပ်နေခဲ့သဖြင့် “ မဒေ၀ီ ” နှင့်လူမမယ်သားသုံးယောက်က်ို သူမေ့နေခဲ့သည်။ အိမ်ရှေ့ ပိန္နဲပင် အောက်တွင် ဖျားများခင်းကာ လူတွေဝိုင်းစုဖွဲ့ ထိုင်နေစဉ် “ သူ ”က ဆန္ဒပြပွဲအတွက် သူ့ အစ်ီစဉ်များကို တတ်အားသ ရွေ့ ရှင်းပြ၏။ လွန်ခဲ့သော ( ၃ )ရက်ကတည်းက သူကိုယ်တိုင် သွားရောက်လေ့လာထားခဲ့သည့် တောင်ငူမြို့ ၊ အုတ်တွင်းမြို့ ၊ဖြူးမြို့  ဆန္ဒပြပွဲအတွေ့ အကြုံများကို ပြန်လည်ဖေါက်သယ်ချရ၏။ တညနေ ခင်းလုံးအလုပ်ရှုပ်နေ ရင်းက သတိရလို့ အိမ်ဲဖက်ကိုလှမ်းကြည့်တော့ “ မဒေ၀ီ ” နှင့်လူမမယ်သား ( ၃ ) ယောက်၊ အိမ်ပေါက်ဝတွင် တန်းစီပြီးထိုင်နေသည်ကို သူ တွေ့ ရသည်။ ထိုအခါကြမှ သူ့ မှာ ရင်ထဲ၌ စူးစူးနင့်နင့် ခံစားလိုက်ရသည်။

ဓါတ်စက်တလုံးကို စက်လှေတစီးပေါ်တင်ကာ စစ်တောင်းမြစ်အတွင်း အစုန်အဆန်သွားနေခဲ့စဉ်က အိမ်တွင်ကျန်ရစ်သည့် မဒေ၀ီ တို့ မိသားစုကိုသူမေ့နေခဲ့သည်။ စက်လှေပေါ်ကဆင်းပြီး အိမ်ကိုပြန်ရောက်တော့ လည်းအိမ်ရှေ့့တွင်ရောက်နှင့်နေသော လူအုပ်နှင့်ပြောဆိုညှိနှိုင်းရင်း အလုပ်ရှုပ်နေခဲ့သဖြင့် “ မဒေ၀ီ ”ကိုသူမေ့နေ ခဲ့၏။ လူအုပ်အတွင်း မကြာခဏ ရေနွေးကြမ်းအိုးလာချပေးနေသည့် မဒေ၀ီကိုသူသတိမမူမိ။ သတိရလို့ အိမ်ဆီကို လှမ်းကြည့်မှငြိမ်ချက်သားကောင်းစွာ လူချင်းပူးကပ်ပြီးထိုင်နေကြသည့် မဒေ၀ီ တို့ သားအမိတစုကို သူတွေ့ ရခြင်းဖြစ်သည်။

“ ဒီလိုလုပ်တာ ကောင်းပါတယ်၊ ကျမသဘောတူတယ်၊ ထောက်ခံတယ်၊ ဒီကိစ္စက အရင်ကတည်းက ကျမထောက်ခံခဲ့တာပဲ၊ သဘောတူရမှာပေါ့၊ ဒါက လုပ်ကိုလုပ်ရမယ့်အလုပ်၊ ဒါပေမယ့် ကျမတို့ မှာစွန့် လွှတ်ရ တာတွေများပြီ၊ ဒီင်္သားလေးသုံးယောက်ကိုတော့ ကျမထပ်ပြီးမစွန့် လွှတ်နိုင်ဘူး၊ မောင်က မောင်လုပ်သင့်လုပ်ထိုက်တာလုပ်ပါ၊ ကျမကတော့ သားလေးသုံးယောက်ဘေးမှာ ရှိနေရလိမ့်မယ်၊ မောင့်ကိုကျမနားလည် သလို ကျမကိုလည်း မောင်ကနားလည်ပေးရလိမ့်မယ်”

မဒေ၀ီ ရဲ့ မျက်လုံးတွေထဲက အဓိပ္ပ္ပာယ်များကို သူ ကောင်းစွာဖတ်ရှုလိုက်နိုင်သည်။ ထိုအခါကြမှ သူ က စက်လှေတစင်းပေါ်ကတဆင့် စစ်တောင်းမြစ်ကမ်းတလျှောက် ဆန္ဒပြကြဖို့ စည်းရုံးလှုံ့ ဆော်နေစဉ်အချိန်...“ မဒေ၀ီ ” ကဈေးတောင်းတလုံးခေါင်းပေါ်ရွက်ကာ ရွာစဉ်လျှောက်ပြီး ဈေးရောင်းထွက်နေ ခဲ့မည်ကို သူတွေးမိလာရသည်။

“ အခုလို ဒီအလုပ်တွေ လုပ်နေတယ်ဆိုတာကလည်း သူတို့ လေးတွေအတွက်ပါပဲ၊ အခုဆိုရင် မိုးကုန်တော့မယ် မိုးကုန်ရင် ဆောင်းရောက်လာအုန်းမယ် ဆောင်းကုန်ရင်တော့ မောင်တို့ မျှော်မှန်းတဲ့ နွေဦးဆိုတာ အသေအချာ ရောက်လာပါလိမ့်မယ်...”

သူ့ ရင်ထဲက စကားများကိုလည်း မဒေ၀ီ တယောက် ကောင်းစွာ ဖတ်ရှုနိုင်လ်ိမ့်မည်ဟု သူ အခိုင်အမာ နားလည်ထားလိုက်၏။

“ ကဲ...ဒ်ါဆိုရင်...ကျနော်တို့ အားလုံး လူစုခွဲကြရအောင်၊ ညကြမှ ဒီမှာခဏပြန်လာပြီးစုကြတာပေါ့၊ အားလုံးသတိဝီရိယနဲ့့နေကြလုပ်ကြတာပေါ့ဗျာ ”

ရွာသားတွေ လူစုကွဲတော့ နေ၀င်စပြုပြီဖြစ်သည်။ မဒေ၀ီက စားရေးစာပွဲခုံလည်းဟုတ်၊ ထမင်းစားခုံလည်းဖြစ်သည့် သစ်သားစာပွဲခုံကလေးကိုချကာ ထမင်းဝိုင်းပြင်သည်။ သူက စာအုပ်စာတန်းများကိုအိမ်ခေါင်းရင်းဖက်တွင်သွားပြီ်းချထားလိုက်သည်။ မဒေ၀ီကို ကူညီပြီးထမင်းဝိုင်းပြင်သည်။

အိမ်ပေါက်ဝတွင်ထိုင်ကာ ငြိ်မ်ချက်သားကောင်းနေကြသည့် သားသုံးယောက်ကို တချက်ငဲ့ကြည့်ရင်းက သူစဉ်းစားသည်။ အငယ်ဆုံးသားက( ဂ )နှစ်၊ အကြီးဆုံးသားကမှ (၁၁ )နှစ်၊ ဖခင်ဖြစ်သူဘာတွေလုပ်နေသည်၊ ရွာတွင် ဘာတွေဖြစ်နေသည်ကို ခရေစေ့တွင်းကျနားလည်နိုင်ကြမည့်အရွယ်မဟုတ်ကြ။လူကြီးတွေ၏အရိပ်အကဲ ကိုကြည့်ကာ တစုံတရာထိတ်လန့် စိုးရိမ်နေကြပုံကိုတွေ့ တော့ သူ့ မှာစိတ်မကောင်းဖြစ်ရ၏။

သူတို့ မိသားစု ထမင်းဝိုင်းထိုင်နေစဉ်...နေရောင်ခြည်များမှာ သောင်ပုရွာ ပေါ်မှ အလျှင်အမြန်ဆုပ်ခွါ သွားနေလေသည်။

( ဃ )
သားအမိသားအဖ ( ၅ )ယောက်...။ အိမ်ပေါက်ဝတွင်ထိုင်နေကြသည်။ သူကော မဒေ၀ီပါ စကားသိတ်ပြီး မပြောဖြစ်ကြ။ ကလေးတွေသည်ပင် လူကြီးများ၏အရိပ်အကဲကို ကြည့်ကာငြိမ်ချက်သားကောင်းနေကြ၏။ သူတို့ မိသားစုတွင်သာမဟုတ် သောင်ပုရွာတရွာလုံးပင် ထူးထူးခြားခြား ငြိမ်ချက်သားကောင်းနေသလားဟု သူထင်မိ သည်။

“ နေ့ လည်ကတည်းက၊ ဟိုဖက်ကမ်း ဒီဖက်ကမ်း စစ်တပ်ဂိတ်ကစစ်သားတွေ တယောက်မှမတွေ့ ရတော့ ဘူးတဲ့၊ တပ်တွေပြန်ရုပ်သွားပြီ်တဲ့ ”
“ သောင်တန်းရွာ ပြည်သူ့ စစ်ခေါင်းဆောင် ကိုတင်အုံးက၊ သူတို့ ကိုင်တဲ့သေနတ်တွေအားလုံး မနက်ကြ ရင် သပိတ်စခန်းမှာ လာအပ်မယ်လို့ ပြောတယ်ဆိုပဲ ”
“သရက်တောရွာ ပြည်သူ့ စစ်အဖွဲဝင်တွေကတော့ သေနတ်တွေမအပ်ဘူးတဲ့၊ စစ်တပ်ကလာသိမ်းမှပြန် အပ်မယ်လို့ ပြောနေကြတယ် ”
“ လူကြီးတွေ ပြာယာခတ်နေကြတယ်၊ တချို့ သူတို့ မိသားစုတွေလုံခြုံရေးအတွက်စိတ်ပူနေကြတယ်၊ ငိုတဲ့မ်ိန်းမတွေငိုကြတယ်တဲ့၊ ညတွင်းချင်းများမြို့ ပေါ်ထွက်ပြေးကြမလားမသိဘူး ”
“ ကျနော်တို့ လည်းလုံခြုံရေးအတွက် ဒီင်္ညကစပြီး စီစဉ်သင့်တယ်၊ မြို့ နဲ့ လည်းဝေး စစ်တပ်ဂိတ်တွေ ကလည်းမရှိတော့ဘူးဆိုတော့ မသမာတဲ့သူတွေ ပေါ်လာနိုင်တယ် ”
“ ဒီိလိုလုပ်ပါ၊ ဒီကနေ့ ညရှစ်နာရီကျော်ပြီးတဲ့အခါ အခြေအနေကြည့်ပြီး စီစဉ်ကြတာပေါ့၊ လောလော ဆယ်မတော့ ည ရှစ်နာရီအဖြေကိုပဲ ကျနော်တို့  စေါင့်ကြည့်ရအုန်းမယ်ထင်တယ် ”

ထမင်းစာပွဲခုံလေးပ်ါက လက်ပတ်နာရီကို “ သူ ” ငုံ့ ပြီးကြည့်သည်။ ရေနံဆီမီးခွက်မီးရောင်က နာရီဒိုင် ခွက်ကိုကောင်းစွာ မမြင်ရ၊ အသေအချာငုံ့ ကြည့်မှ ရှစ်နာရီထိုးကာနီး ပြီဆိုသည်ကို “ သူ ” တွေ့ ရသည်။

“ မဒေ၀ီ ” က “ သူ့  ” ကိုလှည့်မကြည်ပဲ အကဲခတ်ဟန်တူသည်။ သားသုံးယောက်အနက်အငယ်ဆုံး သားက သူ့ ရင်ခွင်ထဲတိုးဝှေ့ ပြီးဝင်ထိုင်၏။ လရောင်လိုလို၊ ကြယ်ရောင်လိုလို အလင်းရောင် မှိန်ပြပြက အိမ့်ရှေ့ ပိန္နဲ ပင်ပေါ်ရောက်နေသည်။ သူ့ စိတ်ထဲ ရှစ် နာရီထိုးကာနီးပြီဖြစ်သဖြင့် ဒန်အိုးဖုံးတခုကိုသွားယူလာကာ တုတ်ချောင်းနှင့်ရိုက်ပြီးအသံပြုရန် ဆုံးဖြတ်လိုက်၏။ တိတ်ဆိတ်ငြိမ်သက်လွန်းသည့် လောကကြီးကို သူတယောက်ထဲ၏ ဒန်အိုးဖုံးခေါက်သံက ထိုးဖေါက်သွားနိုင်ပါမည်လား။ သူ ... မသိမသာ..တုန်လှုပ်နေမိသည်။

ထိုစဉ်မှာပင်...ခန့် မှန်းရခက်သည့်တနေရာမှ မိုးချိမ်းသံများကိုကြားလိုက်ရ၏။ စိတ်လှုပ်းရှားစွာ အသေ အချာနားစိုက်ထောင်တော့ သံပုံးတီးသံများကို မည်သည့်ဖက်ကမှန်းမသိ အသေအချာကြားလိုက်ရ၏။ ရုတ်တရက်ဆိုသလို အိမ်နားနီးချင်းအိမ်များဆီက သံပုံးတီးသံများ ထွက်ပေါ်လာခဲ့သည်။ “ မဒေ၀ီ ” ကသူ့ လက် ထဲမှ ဒန်းအိုးကိုရုတ်တရက် ဆွဲယူကာ တုတ်တချောင်းနှင့် အဆက်မပြတ်ရိုက်တော့၏။ သူက အိမ်ပေါ်မှ ဆင်းလာခဲ့သည်။ အ်ိမ်ရှေ့ ပိန္နဲပင်ဘေးတွင် ထွက်ပြီးရပ်လိုက်သည်။
သံပုံးတီးသံများမှာ တရွာလုံးကိုကိုင်လှုပ်လျက်ရှိ၏။ လူတချို့ က တဝေးဝေး တဟေးဟေးနှင့်လိုက်အော်နေ ကြသည်ဟု သူထင်သည်။ သံပုံးတီးသံများမှာ ရေးလှိုင်းများလို ဆင့်ကဲဆင့်ကဲ နီးလာနေရင်းမှ တဖြေးဖြေး ဝေးသွားကြတော့၏။ ။

ငြိမ်းဝေ

ထွက်ပေါက်တခုရဲ့ လားရာကိုရှာဖွေခြင်း သို့ မဟုတ် တောင်ပြုန်းပွဲယဉ်ကျေးမှု

(က)

မသီတာတို့ တိုက်ခန်းကိုမရောက်ခင် ဓါတ်ရထားမှတ်တိုင်တတိုင်အကွာတွင် တရားရုံးချုပ်အဆောက်အဦးတခုရှိ၏။ ထိုနေ့ က တရားရုံးရှေ့ တွင် လူ (၅၀)ခန့် စုရုန်းနေကြ၏။ ဓါတ်ရထားက တရားရုံးရှေ့ တွင်ရပ်လိုက်သည်။ ကျနော်ထိုင်နေရာဖက် ခြမ်းမှာ တရားရုံးကို ရှင်းရှင်းလင်းလင်းမြင်ရသည့်ဖက်ဖြစ်၏။ တရားရုံးရှေ့ တွင်ရှိသည့်လူအုပ်မှာ ပျော်ရွင်နေကြပုံရ၏။ ၀တ်ကောင်း စားလှများကိုယ်စီဝတ်ထားကြ၏။ (အမှန်အားဖြင့်ဆိုလျင် အော်စလိုမြို့ လူထုမှာ ၀တ်ကောင်းစားလှများကို ၀တ်ဆင်သွားလာလေ့ မရှိကြပါ။ အနောက်တိုင်းဝတ်စုံပြည့်ဝတ်ပြီး အမျိုးသမီးများမှာလည်း သစ်လွင်သည့်အ၀တ်အစားများဝတ်ကာ၊ ချယ်ကာသကာ သွားလေ့မရှိလှပါ။ အများစုမှာ သာမာန်အ၀တ်အစားများဖြင့်သာ သွားလေ့ရှိ၏ ) ကျနော်က တရားရုံးရှေ့ ကလူအုပ်ကို အနည်းငယ် စိတ်ဝင်စားသွားရလေသည်။


“ ဦးငြိမ်း ၊ အဲဒါ မင်္ဂလာဆောင်လေ၊ ရုံးမှာလာပြီးလက်မှတ်ထိုးကြတာ ”
“ အော်…အေး၊ ဟုတ်မယ် ”
“ ဒီမင်္ဂလာဆေါင်က ထူးတယ်ဦးငြိမ်းရ၊ ယောင်္ကျားချင်းမင်္ဂလာဆောင်ကြတာလေ ”
“ ဘာ ”

ပထမတုန်းက ဘယ်လိုမှသိတ်ပြီးစိတ်ထဲတွင် မ၀င်စားခဲ့မိပေမယ့် ဒုတိယစကားကိုကြားတော့ ကျနော့်ကြောမှာ အလိုလို ဆန့် သွားရ၏။

“ ဟုတ်တယ်လေ၊ ယောင်္ကျားချင်းမင်္ဂလာဆောင်ကြတာ ”
“ ဟုတ်ရဲ့ လား မသီတာရယ် ”
“ အော်…ဟုတ်ပါတယ်ဆို၊ နော်ဝေးနိူင်ငံမှာ မနှစ်ကနဲ့တူတယ်၊ လိင်တူချင်းအချစ်တော်ထားခွင့်၊ လက်ထပ်ခွင့်ကို ဥကဒေပြဌါန်းပြီးခွင့်ပြုခဲ့တာ၊ အဲဒီ မင်္ဂလာဆောင်ကို သီတာ့အသိတယောက်လည်း သွားတက်တယ်လေ၊ သီတာတောင် ဒီဗွီဘီအတွက် သတင်းသွားယူမလား စဉ်းစားသေးတယ်၊ အလုပ်မအားတာနဲ့  ”

တရားရုံးရှေ့ ကလူအုပ်ကို ကမန်းကတန်း ကျနော်လိုက်ကြည့်သည်။ ထိုစဉ်…ဓါတ်ရထားက ထွက်ခွါလာခဲ့၏။ ကျနော့် မြင်ကွင်းထဲ မင်္ဂလာဆောင်ကြသူ သတို့ သား၊ သတို့ သမီးစုံတွဲကို မြင်ရလိုမြင်ရငြား လိုက်ကြည့်မိသေး၏။
ကျနော် အံ့သြသွားရသည်။ ငေးငိုင်သွားရသည်။ လျှော့ဖြစ်သွားရသည်။

(ခ)

၁၉၈၄-ခုနှစ်လောက်ဖြစ်သည်။ ကျနော်နှင့်ကိုတင်ဦး ( မာန်သစ်စာပေ၊ ဖြူး ) တို့  အင်းစိန်လမ်းဆုံတွင် “ ရိုးမအရှေ့ ” ကား ကို စေါင့်စီးကြ၏။ ညကတည်းက ကားလက်မှတ်ကြိုဖြတ်ထားပြီး၊ မနက် ( ၄း ၃၀ ) အင်းစ်ိန်လမ်းဆုံမှ ကားစေါင့်စီး ကြခြင်းဖြစ်သည်။
( ၄း ၃၀ )တွင် “ရိုးမအရှေ့ ” ကားကို မီးရောင်တ၀င်းဝင်းနှင့် လှမ်းတွေ့ ရသဖြင့် ကျနော်တို့ နှစ်ယောက် လက်ပြပြီး တားကြ၏။ “ ရိုးမအရှေ့ ” ကားက ကျနော်တို့ ကိုကျော်ကာ ၀ါးတရိုက်နှစ်ရိုက်အကွာတွင် လမ်းဘေးသို့ ထိုးရပ်လေသည်။ ကျနော်နှင့်ကိုတင်ဦးတို့  ကားရှိရာပြေးသွားကြ၏။ ကျနော်က ကားရှေ့ အပေါက်ကတက်ပြီး ကိုတင်ဦးက ကားနောက်တံခါးမှ တက်လေသည်။ ကျနော်တို့ နှစ်ဦး အမေါတကောနှင့်ကားခြေနင်းပေါ်ရောက်ရောက်ချင်း ကားတံခါးများအလိုအလျောက် ပြန်ပိတ် သွားကြ၏။ ကားတစင်းလုံး မီးများအပြည့်ဖွင့်ထားသဖြင့် ခရီးသည်အားလုံးကို အထင်အရှားပင်တွေ့ ရ၏။ ခရီးသည်အားလုံး ကလည်း ခေါင်းကိုယ်စီဆန့် ကာ ကျနော်တို့ ကိုလှမ်းကြည့်နေလေသည်။

“ ဟိုက် ”

ကျနော်တို့ နှစ်ယောက်စလုံး ပါးစပ်ကပြိုင်တူလိုလို ဘာတွေ အသံထွက်လိုက်မှန်းပင်မသိ။ ထိုင်နေသည့်ခရီးသည်များကို ကျော်ကာ တယောက်နှင့်တယောက်မျက်လုံးချင်းစကားပြောလိုက်ကြ၏။ ကားမှားပြီးတော့ တားစီးမိသည်အထင်နှင့် အောက်ကို ပြန်ဆင်းဖို့  ဟန်ပြင်ပြန်တော့ ကားကအရှိန်ပြင်းနေပြီ။ တခါးတွေပိတ်ထားပြီ။ ကားဆရာကိုကြည့်တော့ ကားဆရာက ကားမောင်း ရင်း ပြုံးလျက်။

“ လာပါ၊ ကိုယ့်နေရာကို လာထိုင်ကြပါ ”
“ နေ…နေ…နေပါစေ၊ ဒီလိုပဲလိုက်လို့ ရပါတယ် ”
“ မဟုတ်ဘူးလေ၊ ဖြူးအထိ စီးကြမှာမို့ လား၊ နွဲ့ တို့ က ကားတစီးလုံးငှါးလာကြတာလေ၊ ရှင်တို့ နှစ်ယောက်ပဲ တခြားလူ ဖြစ်နေတာ၊ ရှင်တို့ က ဒီကားကိုကြိုပြီး လက်မှတ်ဖြတ်ထားတာ၊ လာပါ…လာထိုင်ကြပါ။ မကြောက်ပါနဲ့ …ဟင်း…ဟင်း၊ ကိုက်မစားပါဘူး ရှင်တို့ ရယ်…ဟင်း…ဟင်း…ဟင်း ”

ကားတစင်းလုံးရယ်သံများလွှမ်းမိုးသွားခဲ့၏။ ကျနော်တို့ နှစ်ယောက်မှာ ကြံရာမရဖြစ်နေကြ။ ပြေးပေါက်ကို မသိမသာ ရှာနေကြစဲ။

“ ကဲ၊ ဒီလိုလုပ် ကိုယ်တော်တို့ က ဟောဒီကားဆရာဘေးကခုံမှာ အတူတူလာထိုင်ကြ။ ကျမတို့ က ရှင်တို့ နေရာမှာပြောင်း ထိုင်မယ်၊ ကဲ…ဒါဆိုရင် အဆင်ပြေသွားမှာပါ ဟင်း…ဟင်း…ဟင်း ”

ကျနော်တို့  နေရာချင်းလဲထိုင်လိုက်ကြသည်။ ကားဆရာကမူ အပြုံးကို မရုပ်သိမ်းသေး။ ကျနော်နှင့်ကိုတင်ဦး နာရီဝက် နီးပါးမျှ စကားမပြောနိူင်ကြ။ ဘေးဘီကိုမကြည့်ရဲကြ။ ကားတစင်းလုံး စကားပြောသံ၊ သီချင်းသံများလွှမ်းမိုးလျက်။

“ ကားဆရာရေ…ပဲခူးကြရင် စားစရာဆင်းဝယ်မယ်၊ ကားဆရာအတွက်တော့ ကျမတာဝန်ယူတယ်၊ ဟို…နှစ်ယောက် အတွက်တော့ ဘယ်သူတာဝန်ယူမှာလဲဟေ့ ”
“ ကိုယ်ယူမယ်…ကျမယူမယ် ၊ အိုင် ယူမယ် ”

ကားပေါ်တွင် ရယ်သံများထွက်ပေါ်လာရပြန်သည်။ ကျနော်နှင့်ကိုတင်ဦးမှာ ပေါက်သည့်နဖူးမထူးတော့ပြီဟု တွေးကာ၊ သည်အတိုင်းငြိမ်ပြီး ပေခံနေကြရ၏။ ထိုနေ့ က ကံအားလျော်စွာ လမ်းတွင် သားရေစာဖိုး၊ ထမင်းဖိုး၊ မကုန်ခဲ့ကြပါ။ ကားပေါ်တွင် အတူပါလာသည့် “ မိန်းမလျှာ ” များက သူ့ ထက်ငါဝယ်ကျွေးသွားကြသဖြင့် ကျနော်တို့ နှစ်ဦးစလုံး တွက်ခြေကိုက်ခဲ့ကြ၏။ မိန်းမလျာများမှာ “ တော်ပြုန်းပွဲ ” သို့ ချီတက်ကြမည့် နတ်ကတော်များအဖွဲ့ ဖြစ်လေသည်။

ဖြူးမြို့ ကားဂိတ်တွင် ကျနော်နှင့်ကိုတင်ဦး၊ ကားပေါ်ကဆင်းသောအခါ နတ်ကတော်မိန်းမလျာများက အော်ဟစ်လက်ပြ နှုတ်ဆက်ရင်း ခရီးဆက်ကြလေသည်။

(ဂ)

နုနုရည် အင်းဝ၏ “ ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ ” ၀တ္ထုကိုဖတ်တော့ မိမိဘ၀ ထဲက “ မိန်းမလျှာ ” များနှင့်ပါတ်သက်သည့် အတွေ့ အကြုံတချို့ ကို ပြန်တွေးမိသည်။ တဦးတည် ပြုံးမိ၏။
ယခုတော့ “ မိန်းမလျှာ ” နှင့် ပတ်သက်သည့် မိမိ၏အယူအဆမှာ ယခင်ကလို့ မဟုတ်တော့ပါ။ မိန်းမလျှာအပေါ် လူတွေထားရှိသည့် သဘောထားတချို့ မှာ ပြောင်းလဲစပြုပြီဟုထင်ရ၏။ “ မိန်းမလျှာ ” များသည် လူ့ အခွင့်အရေးနယ်ပယ်၌ တထောင့်တနေရာဝင်ယူလာခဲ့ကြပြီလောဟု တွေးမိသည်။

“ ပြုံး၍လည်း ကန်တော့ခံတော်မူပါ၊ ရယ်၍လည်း ကန်တော့ခံတော်မူပါ ” ၀တ္ထုမှာ “ တောင်ပြုန်းပွဲတော် ” နောက်ခံနှင့် နတ်ကတော်မိန်းမလျှာများ၏ဘ၀ကို အသေးစိပ်ရေးထားခြင်း ဖြစ်သည်။ ၀တ္ထုတပုဒ်ဖြစ်စေရန်အတွက်ကိုမူ နတ်ကတော်မိန်းမလျှာ “ ဒေစီဂျိန်း ” ၊ဒေစီဂျိန်း၏လင်ယောင်္ကျား “ မင်းမင်း ” နှင့် မင်းမင်း၏ချစ်သူ သူတောင်းစားမလေး “ ပန်းညို ” တို့ သုံးပွင့်ဆိုင် မေတ္တာဘွဲ့ ကို ဖွဲ့ စည်းတည်ဆောက်ထား၏။ အမှန်အားဖြင့် ၀တ္တုတပုဒ်လုံး အသားပေးဖေါ်ပြသည်မှာ “ တောင်ပြုန်းပွဲ ” ယဉ်ကျေးမှုကို စနစ်တကျ၊ အဆင့်လိုက်အသေးစိပ်ရေးထားခြင်းသာဖြစ်သည်။ မျက်မှောက်ခေတ်မြန်မာ့လူ့ အဖွဲ့ အစည်းအတွင်း နက်ရှိုင်းစွာတည်ရှိနေသည့် နတ်ကိုးကွယ်ပသခြင်း ယဉ်ကျေးမှုကို အပြည့်အစုံသတင်းအချက်အလက်ပေးခြင်းသာဖြစ်၏။ နှစ်စဉ် ၀ါခေါင်လဆန်း (၈)ရက်နေ့ မှ ၀ါခေါင်လဆန်း (၁၅)ရက်အထိ၊ ကျင်းပပြုလုပ်သည့် တော်ပြုန်းပွဲယဉ်ကျေးမှုကို ကိုယ်ကိုယ်တိုင် ရောက်ရှိနွှဲပျော်နေရသလို ဆွဲဆေါင်မှုအားကောင်းလှသည့် ၀တ္တုဖြစ်၏။

သည်ဝတ္တုထဲမှ ကျနော်နှို်က်ယူရရှိသည့်အချက်တချို့ ရှိပါသည်။ တောင်ပြုန်းပွဲဘာ့ကြောင့် တနှစ်ထက်တနှစ် ပို၍ပို၍ စည်ကားသိုက်မြိုက်လာနေရသနည်း။ တောင်ပြုန်းပွဲ စည်ကားသထက်စည်ကားလာစေရန် မည်သည့်အကြောင်းအရာများက တွန်းပို့ နေသနည်း။ ၀ါခေါင်လဆန်း (၁၃)ရက်နေ့ တွင်ပြုလုပ်သည့် “ ယုန်ထိုး ” ပွဲအကြောင်းရေးထားသည့် စာမျက်နှာများမှာ စိတ်ဝင်စားစရာ…။ “ ဒီနယ် မြေဟာ မင်းနှစ်ပါးက ဖန်းဆင်းပေးထားတဲ့စိတ်လွတ်လပ်မှုနယ်မြေ ” ဟု ဆို၏။ “ လူတွေရဲ့ စိတ်ကလေးတွေဟာ သနားစရာ ကောင်းလောက်အောင် သိပ်ကို မွန်းကြပ်ပိတ်လှောင်ခံထားရတာ။ ကဲ…အဲဒီစိတ်ကလေးတွေကို လွှတ်ပေးလိုက်ကြစမ်း ” …။ ပညာတတ် နတ်မင်းသားလေး မိန်းမလျှာသင်းသင်းကြိုင်ရဲ့ စကား ။

လူတွေ တောင်ပြုန်းပွဲတွင် စိတ်လွတ်ကိုယ်လွတ် အပျော်ကျူးကြသည့်သတင်းမှာ မည်သူမဆိုကြားဖူးပြီးဖြစ်သည့် သတင်း ပင်ဖြစ်သည်။
ဝတ္တုတပုဒ်လုံးမှာ၊ အတိုချုပ်ပြီးလွယ်လွယ်နဲ့ ပြောလို့ ရသည့် ဇာတ်လမ်းဖြစ်၏။ သက်ကြီးရွယ်အို နတ်ကတော်မိန်းမလျှာ “ ဒေစီဂျိန်း ” သည် ငယ်ရွယ်နုပျိုသူ “ မင်းမင်း ” ဆိုသည့်ဆင်းရဲသားလူငယ်တဦးနှင့် လင်မယါးအဖြစ်နေထိုင်ခဲ့ရင်းက “ မင်းမင်း ” က သူနှင့်ရွယ်တူ သူတောင်းစားမလေး “ ပန်းညို ” နှင့် ချစ်ကြိုက်မိသွား၏။ နောက်ဆုံးတွင် “ မင်းမင်း ” မှာ နတ်ကတော်မိန်းမလျှာ “ ဒေစီဂျိန်း ” ၏ ရင်ခွင်တွင်သာ မူးမေ့လဲလျောင်းရင်း ၀တ္တုကိုနိဂုံးချုပ်ထားလေသည်။

လူတို့ ၏ မွန်းကြပ်ပိတ်လှောင်နေသောစိတ်ကို ထွက်ပေါက်ပေးပို့ ရန်ကိစ္စမှာ အမှန်တကယ် လိုအပ်ပါသည်။ “ တောင်ပြုန်းပွဲ ” သည် လူတချို့ အတွက် စိတ်ထွက်ပေါက်ပေးရာ အပေါက်တပေါက်ဖြစ်သည်ဟု ဆို၏။ ဗမာတပြည်လုံးကလူတွေ တနှစ်တခါ တောင်ပြုန်းပွဲတက်ကာ စ်ိတ်ထွက်ပေါက်ပေးကြ၏။ ထွက်ပေါက်ရှာကြ၏။

ကျနော်တို့ သည် မွန်းကြပ်ပိတ်လှောင်နေသောစ်ိတ်ကို ထွက်ပေါက်ပေးရန် မုချလိုအပ်သည်မှာ အမှန်ပင်ဖြစ်သည်။ သို့  သော်…ယင်း ထွက်ပေါက်မှာ ယါယီထွက်ပေါက်၊ ဘေးထွက်ပေါက်၊ ထွက်ပေါက်အမှားဖြစ်လျှင်မူ မကောင်း။

မည်သို့ ပင်ဖြစ်စေ…၊ ၀တ္တုတပုဒ်ကိုဖတ်ကာ၊ စိတ်ထွက်ပေါက်ပေးခြင်းကိစ္စ အလိုလိုဆက်စပ်တွေးမိလာအောင် ဖြစ်စေသည့်စာရေးဆရာ နုနုရည်အင်းဝ၏ စာပေဒါနကိုမူ ကျေးဇူးတင်ရမည်ပင်ဖြစ်သည်။ သာဓုခေါ်ရမည်ဖြစ်သည်။

( ပန်းချီ သရုပ်ဖော်ပုံမှာ ပန်းချီထိန်လင်းရဲ့ လက်ရာ ဖြစ်ပါတယ်ခင်ဗျား )

ဗိုလ်ချုပ်အောင်ဆန်း၏ စာပေအယူအဆနှင့် စာပေအနုပညာ

(က)

၁၉၇၀ - ခုနှစ်တ၀ိုက်တုန်းကဖြစ်သည်။ကျနော်တို့ ငယ်စဉ်အသက်(၂၀) ၀န်းကျင်အရွယ်စာအုပ် စာတမ်းများ ကိုအရုးအမူးဖတ်ကာစအချိန်။ ကမ္ဘာ့ ခေါင်းဆောင်များ၏ အထုပတ္တိများကိုဖတ်ကာ စိတ်ကူးစိတ်သန်းများ ယှက်ဖြာခဲ့ကြဖူး၏။ အထူးသဖြင့် လူထုခေါင်းဆောင်များ၊ နိုင်ငံ့ခေါင်းများထဲတွင် တဖက်ကနိုင်ငံ့အရေးကို ဆောင် ရွက်ရင်း တဖက်ကလည်း စာပေကိစ္စများကို ဆောင်ရွက်ကြသည့် ခေါင်းဆောင်များကို တခှုတ်တရရွေးချယ်ပြီးမှ လေ့လာမှတ်သား အလေးအနက်ထားခဲ့ကြဖူးသည်။ ဥပမာ အနေနှင့် ဗီယက်နမ်က ဟိုချီမင်း၊ တရုတ်ပြည်က မော်စီတုံး၊ အိနိယက ပဏစ်နေရုး...စသည်တို့ ဖြစ်ကြ၏။ ဟိုချီမင်းနှင့်မော်စီတုံးက ကဗျာတွေရေးခဲ့ကြပြီး နေရုးကမု စကားပြေများကိုရေး၏။



ထိုစဉ်က ကျနော်တို့ တတွေ အလေးအနက်ထားလေ့လာမှတ်သားခဲ့ရသည့် ခေါင်းဆောင်များထဲတွင် ကျနော်တို့ နိုင်ငံ၏ အမျိုးသားခေါင်းဆောင်ကြီး“ ဗိုလ်ချုပ်အောင်ဆန်း” လည်းပါဝင်ခဲ့၏။ ဗိုလ်ချုပ်အောင်ဆန်း သည်နိုင်ငံရေးကိစ္စများကို တဖက်ကဆောင်ရွက်ရင်း မအားလပ်သည့်ကြားက၊ ဆောင်းပါးနှင့် ကိုယ်တိုင်ရေး အထုပ္ပတ္တိတချို့ ရေးသားချန်ရစ်နိုင်သည့်ခေါင်းဆောင်ကြီးတဦးဖြစ်၏။ အထူးသဖြင့် တက္ကသိုလ်ကျောင်းသား ဘ၀မှာကတည်းက ဗြိတိသျှကဗျာဆရာ“ အားနက်စ် ဟင်နလေ” ရဲ့ “ အနိုင်မခံ ” ကဗျာကို မြန်မာဘာသာပြန်ဆိုခဲ့ သည့်အချက်မှာ ကျနော်တို့ ရဲ့ နှလုံးသားကို ဆွဲဆောင်ကိုင်လှုပ်နိုင်ခဲ့၏။ ထို့နောက်ဗိုလ်ချုပ်၏ “ ကျောင်းသားဝတ္တရား” ဆောင်းပါး၊ “နိုင်ငံရေးအမျိုးမျိုး” ဆောင်းပါးများကိုလည်း ကျနော်တို့ ငြိတွယ်ခဲ့ကြ၏။ သို့  သော် ထိုအချိန်က ဗိုလ်ချုပ်၏ စာပေလက်ရာများမှာ ရှာရဖွေရခက်ခဲလှ၏။ တစုတဝေးတည်းထုပ်ထုပ်သိမ်းသိမ်း ပြုလုပ်ထုပ်ဝေသည့် စာအုပ်စာတန်းအနေနှင့်မရှိသေး။ ထို့ ကြောင့် ကျနော်တို့ မှာ ဗိုလ်ချုပ်၏စာပေလက်ရာများ ကို စိတ်အားထက်သန်သလောက် ပြည့်ဝအောင်ရှာဖွေမဖတ်ရှုနိုင်ခဲ့။

၁၉၉၈ - ခုနှစ်ထဲတွင်မူ ကျနော်တို့ တတွေအနှစ်နှစ်အလလက တောင့်တခဲ့ရသည့်ဆနတခု မှာမမျှော်လင့်ပဲပြည့်ဝလာခဲ့ရ၏။ ယင်းနှစ်ထဲတွင် “ ဗိုလ်ချုပ်အောင်ဆန်း၏စာပေလက်ရာများ ” စာအုပ်ထွက်ရှိ လာသောကြောင့်ဖြစ်၏။ ဗိုလ်ချုပ်အောင်ဆန်း၏စာပေလက်ရာများကို ယ္ခုလိုတလုံးတစည်းတည်းစာအုပ်တအုပ် အနေနှင့်စုဆောင်းကြိုပမ်းခဲ့သည့်ပုဂ္ဂိုလ်မှာ ဆရာ ‘ မြဟန် ’ ဖြစ်၏။ ( တက္ကသိုလ်များသမိုင်းသုတေသနဌါနအ ကြီးတန်းသုတေသနမှူး)

“ ဗိုလ်ချုပ်အောင်ဆန်း၏စာပေလက်ရာများ ” စာအုပ်တွင် တက္ကသိုလ်များသမိုင်းသုတေသန ဌါန၊ ညွန်ကြားရေးမှူး ‘ ဒေါ်နီိနီမြင့် ’ ကဥယျောဇဉ်ရေး၏။ နိဒါန်းစာကိုမူ ဆရာ ‘ မြဟန် ’ ကရေး၏။ ဤစာအုပ်တွင် “ ဗိုလ်ချုပ်အောင်ဆန်း၏စာရေးဝါသနာ ” ၊ “ ဆောင်းပါးအနှစ်ချုပ်များ ” နှင့် “ ဗိုလ်ချုပ်အောင်ဆန်းပြောသော ဗိုလ်ချုပ်အောင်ဆန်း၏ရုပ်ပုံလွှာ ” ဆောင်းပါး( ၃ ) ပုဒ်မှာမူ ရေးသူအမည်မပါရှိပဲ ဖေါ်ပြထားသည်ကိုတွေ့ ရ၏။ သို့ သော်ဤဆောင်းပါး( ၃ )ပုဒ်တွင်ပါရှိသည့် အတွင်းစာသားတချို့ အပေါ်မူတည်ကာ၊ ဤစာအုပ်ကိုကြိုးပမ်းစု စည်းသူ ဆရာ‘ မြဟန် ’ ကိုယ်တိုင်ပင်ဖြစ်မည်ဟုပင်ယူဆရ၏။သို့ သော်စာရေးသူအမည် မဖေါ်ပြသည့်ဆောင်းပါး များဖြစ်သည့်တိုင် ဤဆောင်းပါးများမှာ ဗိုလ်ချုပ်အောင်ဆန်းနှင့်ဗိုလ်ချုပ်အောင်ဆန်း၏စာပေလက်ရာများအပေါ်၊ စာဖတ်သူများပိုမိုနားလည်ခံစား နိုင်ရန်အထောက်အကူပြုသည့်အတွက်ကိုမူ ကျေးဇူးတင်ရမည်ဖြစ်၏။

( ခ )
“ ဗိုလ်ချုပ်အောင်ဆန်း၏စာပေလက်ရာများ” စာအုပ်တွင် ဗိုလ်ချုပ်အောင်ဆန်း၏ “ အယူအဆရေးရာကိစ္စများ”ကိုတွေ့ ရသည်။ ထိုအယူအဆရေးရာကိစ္စများမှာ ကျောင်းသားများ တူညီဝတ်စုံဝတ်သင့်၊ မသင့်ကိစ္စမှအစ ...၊ဘ၀လမ်းညွန်အယူအဆကိစ္စအထိ ကျယ်ကျယ်ပြန့်  ပြန့် ပါဝင်၏။ ဥပမာ “ ဗိုလ်ချုပ်အောင်ဆန်း ” အင်္ဂလိပ်လိုရေးသားသည့် Freedom 0f Dress in School ဆောင်းပါး နှစ်ပုဒ်တွင် ဦးသန့် ၏ “ဂန္တလောက” မဂဇင်းတွင် ရေးသည့် “ Fron my School Window ” ဆောင်းပါး အပေါ်ပြန်လည်ချေပရေးသားသည့်ဆောင်းပါးဖြစ်သည်။ ကျောင်းသားများ တူညီဝတ်စုံဝတ်စေသည့် ကိစ္စမှာ လွတ်လပ်မှုမရှိခြင်းကိုပြဆိုခြင်းမဟုတ်ပဲ၊ စည်းလုံးမှုနှင့်ချစ် ခင်ရင်းနှီးမှုစိတ်ဓါတ်တို့ ကိုပွားစေကြောင်း ချေပသည့်ဆောင်းပါးဖြစ်၏။ နောက်ထပ်ဥပမာတ ခုမှာ ...၊ ဗိုလ်ချုပ်၏နာမည်ကျော်ဆောင်းပါး “ Burma and Buddhism” ဖြစ်သည်။ အင်္ဂလိပ် လို ရေးသားသည့်ဆောင်းပါးဖြစ်၏။ ဤ ဆောင်းပါးမှာ ၁၉၃၅ ခုနှစ်ဧပြီလထုတ်၊ ဂန္တလောက မဂဇင်းတွင်ပါဝင်သည့်ဆောင်းပါးဖြစ်၏။ ဗိုလ်ချုပ်အောင်ဆန်းတက္ကသိုလ်ကျောင်းသားဘ၀က ရေးသည့် ဆောင်းပါးဖြစ်၏။ ထိုစဉ်က ဗိုလ်ချုပ်မှာ အသက် ( ၂၀ ) အရွယ်သာရှိသေး၏။ အခြေခံသည့်အကြောင်းအရာမှာမြင့်၏။ အမျိုးသားဓလေ့ထုံးစံအယူအဆများအပေါ် လူငယ် များမည်ကဲ့သို့  ခံယူကျင့်သုံးသင့်ကြောင်း တင်ပြဆွေးနွေးသည့်ဆောင်းပါးဖြစ်သည်။ စိတ်ဝင် စားဖွယ်ကောင်းလှသည့်အချက်မှာ ဤ ဆောင်းပါးY “ဗုဒ္ဓ” ၏“ ကာလမသုတ္တန်” လာအယူအ ဆကိုအလေးအနက်ထားတင်ပြဆွေးနွေးသည့်အချက်ဖြစ်၏။ ယင်းအယူအဆမှာ “ ၀ိဘဇ္ဖ၀ါဒ ” ဖြစ်၏။ “ဗုဒ္ဒ၀ါဒ ” ၏အနှစ်ဖြစ်၏။ အယူဝါဒတစ်ခု၏အမှားအမှန်ကိုဝေဖန်ပိုင်းခြားပြီးမှသာ၊လက်ခံ ကျင့်သုံးသင့်ကြောင်းထောက်ပြသည့်ဆောင်းပါးဖြစ်၏။

“ ဗိုလ်ချုပ်အောင်ဆန်း၏စာပေလက်ရာများ ”ကို ဖတ်ပြီးဗိုလ်ချုပ်၏အယူအဆရေးရာအ တိုင်းအဆအတိမ်အနက်ကိုခန့် မှန်းလို့ ရသည့် နောက်ထပ်ဥပမာရှိပါသေးသည်။ ဥပမာ “ကျောင်းသားဝတ္တရား ” ဆောင်းပါးဖြစ်၏။ ဤ ဆောင်းပါး၏အနှစ်သာရမှာ ( ၂ ) ချက်ရှိ၏။( ၁ ) အချက်မှာ ပညာရေး၏သဘောသကန်ကိုဖွင့်ဆိုခြင်းဖြစ်ပြီး နောက်ထပ်( ၁ ) ချက်မှာကျောင်းသား များထားရှိရမည့် ပညာသင်ကြားရေးဆိုင်ရာအလုပ်လမ်းညွှန်ဖြစ်၏။ အထမ အချက် ( ၁ )အ ရ၊ပညာရေး၏သဘောသကန်ကိုဖွင့်ဆိုရာY “ ပညာစစ် ” ဆိုသည်မှာ ပညာသင်ကြားရေးလွတ် လပ်ခွင့် ( Academic Freedom ) ရှိမှသာစစ်မှန်သည့်ပညာရေးဖြစ်ကြောင်းဖွင့်ဆိုချက်ဖြစ်၏။ နောက်ထပ်( ၁) အချက်မှာ၊ ကျောင်းသားများဝတ္တရားမှာအတန်းစာကျက်၍ စာမေးပွဲအောင် ရုံမျှနှင့်တာဝန်ကျေပွန်သည်မဟုတ်။ လောကရေး၊ ဓမ္မရေးနှင့်ပြသနာအရပ်ရပ်တို့ ကိုစိစစ်ဝေ ဖန်ဖြေရှင်းတတ်သောပညာမျိုးကိုရအောင်ဆည်းပူးကြရမည် “ဟူသည့်အလုပ်လမ်းညွှန်အယူ အဆဖြစ်၏။ တနည်းအားဖြင့်ဆိုလျင်” ကျောင်းသားဟူသည်မှာ ပညာရေးတွင်မက၊ လောက ရေးကိုပါလေ့လာပါဝင်ဆင်ခြင်လုပ်ကိုင်ရမည့် ၀တ္တရားရှိသည် ဟူသည့်အယူအဆပင်ဖြစ် သည်။ အမှန်စင်စစ်...ဗိုလ်ချုပ်အောင်ဆန်းသည် “ကျောင်းးသားများ....နိုင်ငံရေးနှင့်မသက် ဆိုင်၊ ပညာရေးသက်သက်သာလေ့လာပါဝင်ရမည်” ဟူသည့်အယူအဆကို လက်မခံခဲ့ကြောင်း အထင်အရှားတွေ့ ရသည့်ဆောင်းပါးဖြစ်၏။

အယူအဆရေးရာအရ နောက်ထပ်ဥပမာတခုရှိပါသေးသည်။ “ နိုင်ငံရေးအမျိုးမျိုး”ဆောင်းပါးဖြစ်၏။ ဤဆောင်းပါးတွင် အဓိကအားဖြင့်အချက်( ၂ )ချက်ကိုတွေ့ ရ၏။ ပထမအချက်မှာ “ နိုင်ငံရေးဆိုသည်မှာ လူမှုသူမှုကိစ္စအားလုံးပင်ဖြစ်၏ ” ဟုဗိုလ်ချုပ်ကယူဆ၏။ ထိုစဉ်က နိုင်ငံရေးခေါင်းဆောင်တချို့ နိုင်ငံရေးလုပ်ရင်း နိုင်ငံရေးအရှုပ်အထွေးများကြားညပ်နေသည့်အခါ “ နိုင်ငံရေးဆိုသည်မှာ ညစ်ပတ်သည့်အလုပ်ဖြစ်သည်၊ကုသိုလ် တပဲ ငရဲတပိဿာအလုပ်ဖြစ်သည် ” ဟူသောစကားပြောကြသည်ကို ဗိုလ်ချုပ်က ကန့် ကွက်၏။“ နိုင်ငံရေးသည် လောကီရေးပင်ဖြစ်၏။ လူတွေသည်ပြုပြင်လို့ ရ၏။ ပြုပြင်လို၏။ တိုးတက်လို၏။ ဤအချက်မှာ ထင်ရှားနေပေပြီ။စင်စစ်နိုင်ငံရေးမှာ ထိုပြုပြင်တိုးတက်လိုသည့်ပင်မတရာကြီးတရပ်ပင်ဖြစ်၏” ဟုအခိုင်အမာ မြုင့်တင်ရေးသားလိုက်၏။
ဗိုလ်ချုပ်အောင်ဆန်း၏ အယူအဆရေးရာကိုသိရှိနိုင်သည့်နောက်ဆုံးဥပမာမှာ “ စာပေရေးရာအယူ အဆ ” ဖြစ်၏။ ဗိုလ်ချုပ်သည် စာပေရေးရာအယူအဆကို ဖေါ်ပြသည့်ဆောင်းပါးတပုဒ်ကိုရေးခဲ့သည်ကားမှန်၏။ သို့ သော်ထိုဆောင်းပါးကို မည်သည့်နေရာဌါနတွင် ဖေါ်ပြခဲ့သည်ကိုလည်းကောင်း၊ေ ဆာင်းပါ၏ ခေါင်းစဉ်အမည် ကိုလည်း ကောင်းမှတ်တမ်း မှတ်ရာအရ မရှိနိုင်ခဲ့ပါ။ ဗိုလ်မှူးကြီး‘ ဘို ’ ဆိုသူက ၁၉၄၉ ခုနှစ်တွင်ထုတ်ဝေသည့် ‘ အိုးဝေမဂဇင်း ’Y ၊ ဗိုလ်ချုပ်အောင်ဆန်း၏ စာပေအယူအဆဆိုင်ရာဆောင်းပါးကို ဖေါ်ပြခဲ့ပေးခဲ့သဖြင့်သာလူအများ ဖတ်ကြရခြင်းဖြစ်၏။ ဤဆောင်းပါးတွင် ဗိုလ်ချုပ်အောင်ဆန်း၏ စာပေအယူအဆမှာ “ မိမိရေးလိုက်သည့်စာပေသည် အမြဲတန်းရှင်သန်နေရမည်၊ အဖျက်သဘောမပါဘဲ အဖြစ်သဘောနှင့် အပြုသဘောပါစေရမည်၊ ခေတ်မီ၍ ပြုပြင်ဖန်တီးခြင်းသဘော ပါစေရမည်၊ ရှိရင်းစွဲအရာတစ်ခုကို ပျက်မသွားစေဘဲ ညံ့မသွားစေဘဲ ပို၍ ကောင်းမွန်လာစေရမည်၊ ခေတ်အလိုက် လူ့ လောကတိုးတက်ရေးကို အားပေးသည့် စာပေမျိုး ဖြစ်စေရမည်၊စာဖတ်ပရိသတ် အားလုံးအား တစ်နေ့ ထက်တစ်နေ့  တိုးတက်ကြီးပွားစေမေည့် စာပေမျိုး ဖြစ်ရမည် ” ဟုရေးသားခဲ့၏။

ဤသည်တို့ မှာ “ ဗိုလ်ချုပ်အောင်ဆန်း၏စာပေလက်ရာများ” စာအုပ်မှရရှိသည့် ဗိုလ်ချုပ်အောင်ဆန်း၏ အယူအဆရေးရာအပိုင်း ဥပမာတချို့ ပင်ဖြစ်သည်။


( * )
“ ဗိုလ်ချုပ်အောင်ဆန်း၏စာပေလက်ရာများ ” စာအုပ်ကိုဖတ်လျင် ဗိုလ်ချုပ်၏် အတွေးအခေါ်အယူအဆပိုင်းအခြေနေကိုကျနော်တို့ လေ့လာလို့ ရနိုင်၏။ ထ့ိုပြင် ဗိုလ်ချုပ်အောင်ဆန်း၏စာရေးနည်းအတတ်ပညာအခြေနေကိုလည်း လေ့လာ လို့ ရနိုင်၏။ တနည်းအားဖြင့်ဆိုလျင်အကြောင်းအရာနှင့်အတတ်ပညာနှစ်ခုစလုံးလေ့လာခွင့်ရနိုင်၏။

“ ဗိုလ်ချုပ်အောင်ဆန်း၏စာပေလက်ရာများ” စာအုပ်ထဲမှ၊ ဗိုလ်ချုပ်၏အယူအဆရေးရာပိုင်းကို ကျနော် အထက်တွင်တင်ပြခဲ့ပြီးဖြစ်သည်။ ဤ နေရာတွင်မူ ဗိုလ်ချုပ်အောင်ဆန်း၏ စာရေးနည်းအတတ်ပညာအခြေအနေကို လေ့လာကြည့်မိသည်။
ဗိုလ်ချုပ်အောင်ဆန်း၏ စာရေးနည်းအတတ်ပညာ ( ၀ါ ) ဗိုလ်ချုပ်အောင်ဆန်း၏ စာရေးနည်းအတတ် ပညာကြွယ်ဝမှု၊ မကြွယ်ဝမှုကိုလေ့လာလိုလျှင်“ ဗိုလ်ချုပ်အောင်ဆန်း၏စာပေလက်ရာများ” စာအုပ်ထဲတွင်ပါရှိသည့် “ဗိုလ်ချုပ်အောင်းဆန်း၏ကိုယ်ရေးအထု ပ္ပတ္တိ ” ဆောင်းပါးကိုကျနော်ညွှန်းရပါလိမ့်မည်။ ဤ ဆောင်းပါးမှာ ဗိုလ်ချုပ် အောင်ဆန်းကသူ့ အထုပ္ပတ္တိကိုသူကိုယ်တိုင်ပြန်းရေးခဲ့သည့် အထုပ္ပတ္တိဆောင်းပါးဖြစ်သည်။

ဗိုလ်ချုပ်အောင်ဆန်း၏ကိုယ်ရေးအထုပ္ပတ္တိဆောင်းပါးအစမှာ... ဗိုလ်ချုပ်အောင်ဆန်းကသူမွေးဖွာခဲ့ သည့် နတ်မောံမြို့ ( ဗိုလ်ချုပ်အောင်ဆန်း၏စာလုံးပေါင်းသတ်ပုံအတိုင်းရေးပါသည်) အိ်မ်ကြီးတအိမ်၏နောက် ဘေး အဆောင်ငယ်ကလေးအကြောင်းကိုရေး၏။ ရေးပုံရေးနည်းကဆန်းသည်။ ပထမဦးစွာနတ်မောံမြို့ ၏ဖွဲ့ စည်း ပုံကိုရေး၏။ မီးရထားဘူတာရုံတခုကိုရေး၏။ ထို့ နောက်ဘူတာ၏၀ဲယာပတ်လည်မှ မြေပဲခင်းနှမ်းခင်းများဆီ ရောက်၏။ထိုမှတဖန်တောရကမ္မဌါန်းကျောင်း၊ ထိုမှ ခပေါင်းကုန်း (သို့ ) နကျားထူးရွာစု၊ ထို့ နောက်နောက်ထပ် ရွာစု (၂ )ခု ၊ ထို့ နာက်လောကဓါတ်မြန်မာအထက်တန်းကျောင်း၊ ထို့ နောက်ငါးရက်တဈေး၊ ပုလိပ်ဂိတ်တန်းလျား ၊ စာတိုက်၊ မြို့ အုပ်ရိုး အစရှိသည်တို့ ကိုတဆင့်ပြီးတဆင့်ရေးသွားခဲ့၏။ နောက်ဆုံးတွင်မြို့ ရွာမကြီးထဲက ဧရာမ အိမ်ကြီးတအိမ်ကိုဆိုက်၏။ ဗိုလ်ချုပ်အောင်ဆန်းသည်ကား ထိုအိမ်ကြီး၏နောက်ဘေး အဆောင်ငယ်တွင်မွေးဖွား ခဲ့လေသည်။
ဗိုလ်ချုပ်အောင်ဆန်းသည် သူမွေးဖွားခဲ့ရာ အိမ်အိုကြီး၏နောက်ဖေးအဆောင်လေးဆီရောက်အောင် စာဖတ်သူများကိုတဆင့်ပြီးတဆင့်လမ်းညွှန်ခေါ်ဆောင်သွားသလိုရေးလေသည်။ စာဖတ်သူမှာ တနေရာပြီးတနေရာ ဗိုလ်ချုပ်အောင်ဆန်းဦးဆောင်ခေါ်ငင်ရာနောက် တကောက်ကောက်လိုက်ခဲ့ရ၏။ စာဖတ်သူမှာ ကိုယ်တိုင်လမ်း လျှောက်ပြီးလိုက်လာခဲ့ရသလို ယာခင်းများကိုဖြတ်ခဲ့ရ၏။ ရွာစုတချို့ ကိုဖြတ်ရ၏။ ပလိပ်တန်းလျား၊ စာတိုက်တို့  ရှေ့ မှဖြတ်ရ၏။ နောက်ဆုံး စာပိုဒ်ဆုံးကာနီးကြမှ အိမ်ကြီးတအိမ်၏နောက်ဘေးအခန်းငယ်ဆီရောက်လာလေ သည်။
ဗိုလ်ချုပ်အောင်ဆန်း၏ စာရေးနည်းအတတ်ပညာအားကောင်းမှုကြောင့် နတ်မောံမြို့ ကလေးကို မျက်စေ့ထဲတွင် ထင်ထင်ရှားရှားမြင်လာရလေသည်။ ဤရေးဟန် အဖွဲ့ အနွဲ့ မှာ သဘာဝပတ်ဝန်းကျင်အနေ အနေ အထားကို ဖေါ်ပြသောရေးနည်းရေးဟန်ဖြစ်၏။

ဤ ကိုယ်တိုင်ရေးအထုပ္ပတ္တိထဲမှာပင် ဇာတ်ကောင်စရိုက်အဖွဲ့ အနွဲ့ တချို့ ကိုလည်းထင်းထင်းပြက်ပြက် တွေ့ ရ၏။ ဥပမာ ဗိုလ်ချုပ်အောင်ဆန်းက သူ၏ငယ်စဉ်ဘ၀ စိတ်နေစိတ်ထားနှင့် စရိုက်ကိုဖေါ်ပြရာY တခြား ဇာတ်ကောင်တဦးနှင့် နှိုင်းယှဉ်တွဲဖက်ပြီးမှ ဖေါ်ပြ၏။ အထူးသဖြင့် သူ၏စိတ်ထား စရိုက်နှင့်ဆန့် ကျင်ဖက် သဏ္ကာန်ဖြစ်သည့် တခြားဇတ်ကောင်းတဦးနှင့်ယှဉ်တွဲ့ှဖေါ်ပြခြင်းဖြင့်သူ၏စရိုက်ကိုပေါ်လွင်စေခဲ့၏။ ဗိုလ်ချုပ်အောင်ဆန်းက သူ၏ငယ်စဉ်ဘ၀ အခြေအနေကို အခုလိုရေးခဲ့လေသည်။
“ ကျွန်တော်၏ အထက်အစ်ကို ကိုအောင်သန်းနှင့် ကျွန်တော်မှာ အသက် ၃ နှစ်ခွဲ ၄ နှစ်မျှကွာ၏ ။ သူနှင့် ကျွန်တော်ကား ငယ်ငယ်က ရန်ဖြစ်ဘက်ဖြစ်၏ ။ သူကား လက်မြန်၏ ။ ကျွန်တော်ကား အားကြီး၏ ။ မချိန်မဆ လက်လွတ်စပယ်လုပ်တတ်၏ ။ သူကား နု၏ ။မင်းသားကျချင်၏ ။ ကျွန်တော်က ကြမ်း၏ ။ သူသည် အစားအသောံ အနေထိုင်မှစ၍ သပ်ရပ်၏ ။ အစားဆိုလည် အစားတိုင်းမစား ၊ စားသောံနေသည့်အခါ အစာမြေကြီးပေါ်သို့  ကျသွားလျှင် သူသည် မစားတော့၊ ကျွန်တော်ကဖုတ်ဘတ်ခါ၍ စားနိုင်လျှင်စား၏ ။ သူကား အ၀တ်များကို သပ်သပ်ရပ်ရပ် ၀တ်တတ်၏ ။ ကျွန်တော်ကား မ၀တ်တတ် ။ မြန်မြန်ညစ်အောင် ၀တ်တတ်၏ ။ သူသည် မြေကြီးကြမ်းများပေါ်တွင် မည်သည့်အခါမှ တုံးလုံးမလှဲ၊ ကျွန်တော်ကား ကြိမ်ဖန်များစွာ လှဲဘူး၏ ။ သူကား ပါး၏ လျှင်၏ ။ ကျွန်တော်ကား ထူ၏ အေး၏ ။ ” ဟုရေးလေသည်။

ဤ ဆောင်းပါးထဲ’Y ဗိုလ်ချုပ်အောင်ဆန်း၏ နှလုံးသားကို အထင်ရှားဆုံး ဖေါ်ပြနိုင်သည့် စာကြောင်းတကြောင်းကို တွေ့ ရ၏ ။ “ စိမ်းလန်း စိုပြေ ကျယ်ပြန့် သော ရေမြေရိုင်းပေါ်တွင် လက်ပမ်းပေါ်က်ခတ်၍ လွတ်လွတ်လပ်လပ် မြူးထူးအော်ဟစ်နေလိုသည်။ ” ဟူသောစာကြောင်းဖြစ်၏ ။

“ဗိုလ်ချုပ်အောင်ဆန်း၏စာပေလက်ရာများ” စာအုပ်ကိုဖတ်ပြီးနောက် ဗိုလ်ချုပ်သည်ကား “အတွေး ကောင်း၊အ ရေးကောင်သူ” တဦးဖြစ်သည်ကို ကျနော်မငြင်းနိုင်တော့။

( ဃ )
“ ဗိုလ်ချုပ်အောင်ဆန်း၏စာပေလက်ရာများ” စာအုပ်မှာ အကျိုးကျေးဇူးကြီးမားလှသည်ကို ကျနော် ၀န်ခံသည်။ စာအုပ်တအုပ်ဖြစ်မြောက်အောင် ဆောက်ရွက်ခဲ့ကြသည့်ပုဂိုလ်များအပေါ်လေးစားမိသည်။ ထိုပုဂ္ဂိုလ် များ၏ ‘စေတနာ ’ ကိုကျနော်တန်ဘိုးထား၏။ သို့ သော်ဖြည့်စွက်အကြံပြုလိုသည့် အချက်တချက်တော့ရှိပါသည် ။
ဗိုလ်ချုပ်အောင်ဆန်းသည် တက္ကသိုလ်ကျောင်းသားဘ၀က ကဗျာတပုဒ်ကိုမြန်မာဘာသာပြန်ဆိုခဲ့ဖူး၏။ လူအတော်များများသိထားကြပြီးဖြစ်ပါသည်။ ဗြိတိသျှကဗျာဆရာ ‘ အားနက်စ် ဟင်နလေ ’ ရဲ “့ အနိုင်မခံ ” ကဗျာဖြစ်၏။ယင်းဘာသာပြန်ကဗျာကိုလည်း ဗိုလ်ချုပ်အောင်ဆန်း၏စာပေလက်ရာတခုအဖြစ်ထည့်သွင်းဖေါ်ပြ သင့်သည်ဟုကျနော်ယူဆမိသည်။ အမှန်စင်စစ်ဘာသာပြန်အတတ်ပညာမှာလည်းအနုစာပေရေးရာ ကိစ္စတခု သာဖြစ်သည်ဟုကျနော်ယူဆမိသည်။ မူရင်းမှာ ဘာသာပြန်သူနှင့်မသက်ဆိုင်သော်ငြားလည်းဘာသာပြန်ဆို ရသူ၏အရည်အချင်းပေါ်မူတည်ပြီး အောင်မြင်သောစာပေလက်ရာတခုဖြစ်လာနိုင်သည်ကိုမူ သတိပြုရမည် ဖြစ်သလို ဘာသာပြန်ဆရာများကြောင့် လူမျိုးများအချင်းချင်း ယဉ်ကျေးမှုပေါင်းကူးယှက်နွယ်တိုးတက်လာစေ သည်ကိုလည်း အသိအမှတ်ပြုကြရမည်ဖြစ်၏။

ဤစာအုပ်ဖြစ်မြောက်အောင်ဆောင်ရွက်ခဲ့ကြသည်ပုဂ္ဂိုလ် “ ဗိုလ်ချုပ်အောင်ဆန်း၏စာပေလက်ရာများ ” စာအုပ်ထဲတွင် ‘အနိုင်မခံ ’ ဘာသာပြန်ကဗျာကို မူရင်းဖန်တီးသူမဟုတ်ဟူသောအယူအဆဖြင့် တမင်ချန်ထားခဲ့သည်လော၊ သို့ တည်းမဟုတ် ပညာရှိသတိဖြစ်ခဲဆိုသလို မေ့လျော့ချန်းထားခဲ့သည်လောကျနော်မသိ။ ကျနော်ကတော့ သည်ဘာသာပြန်ကဗျာကိုလည်း ဗိုလ်ချုပ်အောင်ဆန်း၏စာပေလက်ရာတခုအဖြစ်ထည့်သွင်းဖေါ်ပြစေချင်၏။

“ ဗိုလ်ချုပ်အောင်ဆန်း၏စာပေလက်ရာများ ” စာအုပ်ကိုဖတ်ပြီးနောက် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ အတွေးအခေါ်အယူအဆနှင့်စာပေအတတ်ပညာရပ်များကို တစုံတရာလေ့လာတွေ့ ထိ နိုင်သည့်အတွက်ကြေနပ်ဂုဏ်ယူရသည်မှာမှန်၏။ သို့ သော်တပြိုင်နက်တည်းဆိုသလို ကြေကွဲဝမ်းနည်းမိသည့် အချက်တချက်လည်းရှိပါသေးသည်။

ဗိုလ်ချုပ်အောင်ဆန်းသည်နောင်တချိန်ချိန်တွင် နိုင်ငံရေးနယ်ပယ်မှ ထွက်ကာ စာရေးဆရာတဦးအနေ နှင့်ဘ၀နိဂုံးချုပ်ချင်သည့် စိတ်ဆနပြင်းပြခဲ့သူဖြစ်၏။ သူ၏ ဤစိတ်ဆနကို အသိမိတ်ဆွေများအား မကြာခဏ ထုတ်ဖေါ်ပြောဆိုခဲ့သူဖြစ်၏။ သို့ သော် ဗိုလ်ချုပ်အောင်ဆန်း၏ကြီးမာလေးနက်လှသည့်ဤပုဂ္ဂ လိက စိတ်ဆနုမှာမူ မပြည့်ဝနိုင်ခဲ့ရှာပါ။ ၁၉၄၇ - ခု၊ ဇူလိုင်လ ( ၁၉ )ရက်၊ သူအသက် ( ၃၂ ) နှစ် အရွယ်တွင် မသမာသူတို့ ၏လုပ်ကြံသတ်ဖြတ်မှုကိုခံခဲ့ရ၏။ တိုင်းပြည်လွတ်လပ်ရေးကိုပင်မြင်တွေ့ ခွင့်မရခဲ့ရှာပါ။
အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏စာပေလက်ရာများမှာအရေအတွက်နည်းပါး၏။ ကြီးမားများမြောင်လှသည့်နိုင်ငံ့လွတ်လပ်ရေးကိစ္စများကြားမှပင်ဤအရေအတွက်နည်းပါလှသည့် စာပေလက်ရာတချို့ ကို ကြိုးစားဖန်တီးခဲ့ရရှာ သည့် ဗိုလ်ချုပ်အောင်ဆန်းအားကျနော်လေးစားမိသည်။ ထို့ အပြင်ဘ၀ကိုစာရေးသူတဦး၏ဘ၀နှင့်သာနိဂုံးချုပ် ဖို့ ရန် စိတ်အားထတ်သန်ခဲ့သူ အမျိုးသာခေါင်းဆောင်ကြီး၏ နှလုံးသားကိုမူ ပိုပြီးလေနက်မိပေ၏။
ငြိမ်းဝေ