July 02, 2010

ငါ ရှိနေတာ လ,ရောင်တွေကြောင့်


ငါ့ကိုယ်ပေါ်မှာ လရောင်တွေ လင်းပနေတဲ့အခိုက်
ငါ့ကိုငါ တွေ့ရှိခဲ့တယ်။
တွေ့ရှိတဲ့ အခိုက်အတန့်လေးမှာပဲ
ငါ ရှိနေကြောင်း သေချာခဲ့တာပေါ့။

ငါဟာ
လရောင်တွေကို
မုန်းတယ်။
ဘာပြုလို့လည်းဆိုတော့
လရောင်တွေက
ငါ့ကို ဖွင့်ပြ
လရောင်တွေက
ငါ့ကို ရေးပြ
လရောင်တွေက
ငါ့ကို လက်ညှိုးထိုးပြ။

ငါဟာ 
ငါရှိနေကြောင်း
လရောင်တွေ ရှိနေသေးလို့သာ
သိနေခဲ့တာ။

ဒါကြောင့်မို့
လရောင်တွေကို
ရန်သူမရှိတဲ့ အမုန်းမျိုးနဲ့ မုန်းမိပေါ့။

တသက်လုံးပဲ..ဆိုပါတော့လေ။

ငြိမ်းဝေ
၂၊၇၊၂၀၁၀

No comments:

Post a Comment