်ဖန်ဆင်းခြင်း

တခါတလေ...နိုင်ငံတကာကဗျာတွေကို လိုက်ဖတ်တဲ့အခါ ဌါနေတိုင်းရင်းသားလူမျိုး
စုတွေ၊ လူမျိုးစုတွေရဲ့ကဗျာတွေ သီချင်းတွေဟာ စိတ်ဝင်စားဖို့ အလွန်ကောင်းပါတယ်။ သူတို့ 
ကဗျာတွေ သီချင်းတွေထဲက သူတို့ ရဲ့ရင်ခုန်သံကို အကြည်လင်ဆုံးကြားရတတ်ပါတယ်။
ဥပမာ...တလောလေးတုန်းက အာဖရိက ကဗျာတပုဒ်ကိုဖတ်တော့ အဲဒီကဗျာထဲမှာ မုဆိုးမ
တယောက်က အိပ်မက်ထဲမှာ သေသွားတဲ့လင်ယောက်ျားနဲ့ သဘာဝအရဆက်ဆံပြီးမှသာ
နောက်ထပ်အိမ်ထောင်ပြုလို့ ရတယ်လို့ တွေ့ ရပါတယ်။ ဒါကဘာကိုပြသလဲဆိုတော့ သေသွား
တဲ့လင်ယောက်ျားအပေါ် လွယ်လွယ်နဲ့ သစ္စာမဖေါက်နိုင်အောင် ရိုးရာယဉ်ကျေးမှုက သူ့ နည်း
သူ့ ဟန်နဲ့ ထိန်းထားတာလို့ ပဲယူဆမိပါတယ်။ ဒါကတော့ ကျနော့်ရဲ့ပုဂ္ဂလအမြင်ပါ။
ဒါကြောင့်မို့  ဒီကနေ့ တော့ အာဖရိက အနောက်ပိုင်းဒေသ ဖူလာနီလို့ ခေါ်တဲ့ လူမျိုးစု
နွယ်များရဲ့ “ ဖန်ဆင်းခြင်း ↔ ဆိုတဲ့ကဗျာတပုဒ် ကျနော်မိတ်ဆက်ပေးလိုက်ပါတယ်။ ကျနော်
တို့ ဆီက “ဂျာအေး ↔လို သီချင်းကဗျာတပုဒ်ဖြစ်နေတာ တွေ့ ကြရပါလိမ့်မယ်။


အင်မတန်ကြီးမားတဲ့ နို့ ရည်တစက်က အစပြုခဲ့တာပေါ့
အဲဒီနောက် ဒွန်ဒါရီ ရောက်ရှိလာပြီး ကျောက်တုံးတခုကို ဖန်ဆင်းခဲ့
ကျောက်တုံးကတဖန် သံမဏိကို ဖန်ဆင်းခဲ့
သံမဏိကတဖန် မီးကိုဖန်ဆင်းခဲ့
မီးကတဖန် ရေကိုဖန်ဆင်းခဲ့
ရေကတဖန် လေကိုဖန်ဆင်းခဲ့
အဲဒီနောက်တဖန် ဒွန်ဒါရီဟာ ဒုတိယအကြိမ်မြောက်မွေးဖွားလာခဲ့
ပြီးတော့သူဟာ မဟာဘုတ်ကြီး ငါခုကိုယူပြီး
လူသားအဖြစ်ပုံသွင်းခဲ့
ဒါပေမယ့် လူသားက ဘ၀င်မြင့်ခဲ့
အဲဒီနောက် ဒွန်ဒါရီဟာ အမြင်ကန်းမှုကိုဖန်ဆင်းခဲ့
အမြင်ကန်းမှုက လူသားကိုနှိမ်နင်းခဲ့
ဒါပေမယ့် အမြင်ကန်းမှုက ဘ၀င်မြင့်လာတဲ့အခါ
ဒွန်ဒါရီဟာ အိပ်စက်ခြင်းကို ဖန်ဆင်းခဲ့
အိပ်စက်ခြင်းက အမြင်ကန်းမှုကို နှိမ်နင်းခဲ့
ဒါပေမယ့် အိပ်စက်ခြင်းက ဘ၀င်မြင့်လာတဲ့အခါ
ဒွန်ဒါရီဟာ သောကဗျာပါဒကို ဖန်ဆင်းခဲ့
သောကဗျာပါဒက အိပ်စက်ခြင်းကို နှိမ်နင်းခဲ့
ဒါပေမယ့် သောကဗျာပါဒက ဘ၀င်မြင့်လာတဲ့အခါ
ဒွန်ဒါရီဟာ အနိစ္စကိုဖန်ဆင်းခဲ့
အနိစ္စက သောကဗျာပါဒကို နှိမ်နင်းခဲ့
ဒါပေမယ့် အနိစ္စက ဘ၀င်မြင့်လာတဲ့အခါ
ဒွန်ဒါရီဟာ တတိယအကြိမ်မြောက် ပေါက်ဖွားဆင်းသက်လာခဲ့ပြီး
နိစ္စဓူဝ လို့ ခေါ်တဲ့ ဂူရင်နို ဖြစ်လာခဲ့
ဂူရင်နို ဟာ အနိစ္စကို နှိမ်နင်းခဲ့လေတယ်...။ ။

(ဂူရင်နို ဆိုတာ ဘာလဲ။ ကျနော်မသိပါဘူး။ နားလည်တဲ့မိတ်ဆွေတချို့ မေးကြည့်တော့လည်း မသိကြပါဘူး။ ကျနော့် အထင်အရတော့ ဂူရင်နိုဆိုတာ ကမာလောကကြီးကိုဖန်ဆင်းတယ်ဆို
တဲ့ပုဂ္ဂိုလ်တဦးဦးရဲ့ ကိုယ်စားလှယ်ဖြစ်တယ်လို့ တော့ ယူဆရပါတယ်..)

...ဒီကဗျာကို နိုင်ဂျီးရီးယားကဗျာဆရာကြီး ၀ိုးလ်ဆိုရင်ကာ တည်းဖြတ်ထုတ်ဝေတဲ့ Poems of Black Africa မှာ ပါရှိတဲ့ The Fulani Creation Story ကဗျာကို ဘာသာပြန်ဆိုထားတာပါ။

ငြိမ်းဝေ
၁၃ ၊ ၉ ၊၂၀၀၉

ဂန်တာဂရပ်စ် ရဲ့ကဗျာတို (၃) ပုဒ်

ဂျာမာန်ကဗျာဆရာ ဂန်တာဂရပ်စ် ရဲ့ကဗျာတွေကို ကျနော်ကြိုက်ပါတယ်။သူက
ပဥလက်သရုပ်မှန်နည်းနဲ့ ရေးတဲ့ကဗျာဆရာပါ။စာပေနိုဗယ်ဆုလည်းရထားပါတယ်။
မနှစ်တနှစ်တုန်းကတော့ သူငယ်စဉ်က ဟစ်တလာရဲ့ လူငယ့်လက်ရုံးတပ်ထဲပါဝင်ခဲ့တာ
လူသိထင်ရှားဖြစ်ပြီး ကမာ့စာပေနယ်ပယ်မှာ တော်တော်လေးဂယက်ရိုက်ခဲ့ပါသေးတယ်။
ဒီကနေ့ တော့ အဲဒီ ဂန်တာဂရပ်စ် ရဲ့ မြန်မာဘာသာပြန်ကဗျာတို (၃) ပုဒ်ကိုတင်လိုက်ပါ
တယ်။ဒီအထဲက တပုဒ်ကတော့ ဆရာ မောင်သစ်မင်း ဘာသာပြန်ထားတဲ့ကဗျာပါ။ ၁၉၉၉
ရနံ့ သစ်မဂဇင်းမှာပါရှိခဲ့တဲ့ကဗျာပါ။ကျန်တဲ့နှစ်ပုဒ်ကတော့ ကျနော်ဘာသာပြန်ထားတာပါ။
ဒီကဗျာတွေကို ဂျာမာန်ဘာသာကနေပြီး Michael Hamburger နဲ့ Christopher Middleton
တို့  အဂ်လိပ်ဘာသာ ပြန်ဆိုတာကိုမှ ကျနော်တို့ က မြန်မာဘာသာပြန်ခဲ့ကြတာပါ။
၁၉၈၀ ပင်ဂွင်းကထုတ်တဲ့ Gunter Grass:Selected Poems စာအုပ်မှဖြစ်ပါတယ်။


ညအခါ အားကစားရုံထဲမှာ

ဘော်လုံးက
ကောင်းကင်ထဲ တဖြေးဖြေးချင်း
မြင့်တက်လာခဲ့။
အခု
တစုံတယောက်က မြင်နိုင်ပါတယ်
ထိုင်ခုံတွေ ခေါက်သိမ်းထားပြီဆိုတာ။
ဂိုးပေါက်ဝမှာ
ကဗျာဆရာတယောက်ထဲရပ်နေ
ဒါပေမယ့်
ဒိုင်လူကြီးက ဆရာတုတ်လိုက်တယ်
ကွင်းအပြင်ဖက်ကနေပြီး။



မအောင်မြင်တဲ့အပိုင်စီးမှု

ဗုဒ္ဒဟူးနေ့ 
ဒုတိယတံခါးမရဲ့ ဘယ်ဖက်မှာရှိတဲ့
ခေါင်းလောင်းကိုသွားထိုးဖို့ 
ခြေလှမ်းဘယ်နှစ်လှမ်း လှမ်းရမယ်ဆိုတာ
လူတိုင်းသိတယ်။
သူတို့  အံဆွဲတွေကို ရိုက်ချိုးပစ်လိုက်ကြ
ဒါပေမယ့်
ဒီကနေ့ က တနင်္ဂနွေ
ငွေကိုင်က ဘုရားရှိခိုးကျောင်းမှာ...။


မိသားစုပြဿနာများ



တနင်္ဂနွေနေ့ တိုင်း ငါတို့ သွားနေကျ - ပြတိုက်မှာ
ပြခန်းအသစ်တစ်ခု ဖွင့်လိုက်တယ်။

ငါတို့ ရဲ့ ပျက်ကျတဲ့ ကလေးငယ်များ
ဖြူဖျော့၊ စိုးရိမ်ဖွယ်သန္ဒေလောင်းများ
ဖန်ဘူးပြောင်ချောချောထဲမှာထိုင်လို့ 
သူတို့ မိဘတွေ ရဲ့  အနာဂတ်အတွက် စိုးရိမ်နေကြရဲ့ ။ ။

မောင်သစ်မင်း ဘာသာပြန်ဆိုပါတယ်...

ကျနော့် ဖြတ်စညှပ်စ လရောင်များ

“ ဆစ်ပ်ဗီယာ ပလပ် ↔ က
“ လ ↔ကို “ ဥသေ ↔ လို့ စွပ်စွဲသွားခဲ့တယ်။
ဒါကြောင့်မို့ ထင်ပ
မီးဖိုချောင်ထဲ ဓါတ်ငွေ့ ပိုက်ရှူပြီးသေဆုံးတဲ့အခါ
လရောင်တွေရဲ့ ရယ်သံ
တလောကလုံး ဆူညံသွားဆိုပဲ။

တခါတုန်းက
ငါလည်းပဲ
လရောင်ကို ကောက်သင်းကောက်
လရောင်ကို လက်ချိုးရေ
တိုရေရှားရေ လရောင်မွဲ
တယောက်ထဲ တဖွဲ့ ဖွဲ့ ငိုခဲ့ဖူးတယ်။

လရောင်ဓါးချက်နဲ့ 
သွေးစက်စက်ကျ ဒီလိုအလှ
ငါချစ်လို့  မ၀ခဲ့ဘူး။

သေတဲ့အထိ
လရောင်ကို ရူးသွပ်ခဲ့သူ
“ လော်ရကာ ↔ ကတော့
“ငါသေရင် လသာဆောင်ကို ဖွင့်ထားပါလေ ↔ တဲ့။

“ ကိုယ့်ကိုကိုယ် သတ်သေခြင်းဟာ
လွတ်လပ်တဲ့ဆန္ဒ↔ တဲ့လား
ဒါဆိုရင်
ငါသေတဲ့အခါ
ဒီကမ္ဘာာလောကရဲ့ လရောင်ဟူသမျှ
အကုန်သတ်ပြီး
ငါနဲ့ အတူ နိဂုံးချုပ်လိုက်ကြ။

လရောင်ကို
ဘ၀ထက် မက်မေါခဲ့သူ
“ ပိုင်ချူယီ ↔ ကတော့
မြစ်ဝါမြစ်ထဲ ရဲရဲပဲ ခုန်ဆင်းလိုက်တယ်။

အို..ရှင်သေမင်း
လရောင်တွေသာ သယ်လာခဲ့
ငါကတော့ အဆင်သင့်ပဲ။ ။

ငြိမ်းဝေ
၁၁ ၊ ၉ ၊ ၂၀၀၉

မျှဝေခံစားခြင်း

ဂီတ

လမ်းဘေးမှာ အေးအေးဆေးဆေး အိပ်နေတဲ့ခွေး
ရုတ်တရက် ကားဖြတ်နင်းခံရ
ခြေထောက်နှစ်ချောင်း သွင်သွင်ကျိုး
နာလွန်းလို့  ခမျာမှာ
ဘယ်လို အော်ရမှန်းမသိ
သူ့ အသက်ရှူ ရေငင်ပုံးကလေး
ရေတွင်း နက်နက်ကြီးထဲ
ငင်ငင်နေတာ မြင်ရ..။

မောင်ချောနွယ်

(နော်ဝေ ပန်းချီဆရာ“ အက်ဗတ် မွန့် ခ်↔က “ အော်သံ “ ပန်းချီကားနဲ့ လူသားတွေရဲ့ အော်သံဟူသမျှကို စုစည်းပုံဖေါ်နိုင်ခဲ့သလို မြန်မာ ကဗျာဆရာ မောင်ချောနွယ်ကလည်း
ဒီကဗျာတပုဒ်ထဲနဲ့ လူသားအားလုံးရဲ့ နာကျင်ခံစားမှုဟူသမျှကို စုစည်းဖေါ်ပြနိုင်ခဲ့ပါတယ်။)

ရေသေကျွန်း

ရေသေကျွန်း

ဒီကနေ့ လည်း
ငါ ငှက်ကြည့်ထွက်ခဲ့ရ
ကွင်းစပ်မှာ ရပ်နေမိပြန်
တဘ၀လုံး
ဘယ်တော့မှ ငါ့အနားကဖြတ်မပျံဘူးတဲ့
ငှက်တွေ
ငါ ငေးနေမိ။

“ ငှက်တကောင်ရဲ့ခြေရာနောက်
တကောက်ကောက် လိုက်ပါရင်း
ဘွားကနဲ
အထီးကျန် ကျွန်းကလေးတခုကိုတွေ့ ရတယ် ” ဆိုတဲ့
“ ဗရှိုး ↔ရဲ့ ရင်ခုန်သံ
ငါ မခံစားနိုင်ဘူး။

ငါက
ငှက်ကြည့်ရုံသက်သက်
ငှက်တွေနောက် စိတ်ကူးနဲ့ ရောက်ရုံသက်သက်။

ငါက
ငှက်တွေနောက်လိုက်ပြီး
အိမ်အပြန် လမ်းပျောက်တဲ့ငှက်တကောင်
မဖြစ်ချင်ဘူး
ငှက်တွေနောက်လိုက်ပြီး
ငှက်အုပ်နဲ့့ကွဲ
တကောင်ထဲ ကျန်ရစ်တဲ့ငှက်တကောင်
မဖြစ်ချင်ဘူး
ကွင်းတွေရဲ့ ဟိုဖက်ထဲ
လေးသံမြှားသံ မစဲ
ငါ ဖြတ်ပြီးမပျံရဲဘူး။

ဒီလိုနဲ့ 
ငှက်ကြည့်သူအဖြစ်
နှစ်ပေါင်းများစွာ။

ငှက်တွေလေ
အခုအချိန်ထိ
ငါနဲ့ အဝေးဆုံးတနေရာ
အုပ်ဖွဲ့ ပြီး ပျံ
ကွင်းစပ်မှာ
ငါတယောက်ထဲ ရပ်ုကည့်နေဆဲ။ ။

( နှစ်ပေါင်းများစွာ ကဗျာနှင့်ကင်းကွာခဲ့ရတဲ့ နာကျည်းဖွယ်နေ့ ရက်များသို့ ...)

ငြိမ်းဝေ
၉ ၊ ၉ ၊၂၀၀၉

အော်လ်တာနေးတစ် ငြိမ်းဝေ

မနက်မိုးလင်း
ကျနော် အိပ်ယာကနိုးတော့
ငြိမ်းဝေက မရှိတော့ဘူး။
ကျနော် ပြောတယ်
မင်း ဘယ်မှမသွားရဘူး
မင်း ဘာမှမလုပ်ရဘူး ပေါ့
ဒါ မအိပ်ခင်
သူ့ ကို ထိန်းချုပ် စက်ခလုပ်ကိုပြ
မှာထားတဲ့စကား။

ဒီကောင့်အကြောင်း
ကျနော် ကောင်းကောင်းသိတာပေါ့
ပထမ
လဘက်ရည်ဆိုင်
ဒုတိယ
ကြောင်နှစ်ကောင် စာအုပ်ဆိုင်
တတိယ
ပန်းချီဆရာမလေး စိန်စိန်လင်း
စတုတ္ထ
မာနယ်ပလော..။

ကျနော်
လဘက်ရည်ဆိုင်ရောက်တော့
ငြိမ်းဝေကို
“ ဂန်တာဂရပ်စ်” နဲ့ 
တစားပွဲထဲ ထိုင်နေတာ တွေ့ ရတော့တာပဲ
ထုံးစံအတိုင်း
ဒီကောင်က ဆောင့်ကြွားကြွား
ကျနော့်ကို
တခါမှမမြင်ဘူးသလို ကြည့်
ကျနော်
အားနာတယ်လေ
“ ဂန်တာဂရပ်စ် ” ဆိုတာ
ကမ္ဘာာကျော် ဂျာမာန်ကဗျာဆရာပဲ
ဒါနဲ့ 
စိတ်ကို လျော့
ဒေါသကို ထိန်း
လက်ထဲက ထိန်းချုပ်စက်ခလုပ်ကိုပြ
မင်း မြန်မြန်ပြန်လာခဲ့ပေါ့
လှည့်ပြန်မယ်အလုပ်
“ ဂန်တာဂရပ်စ် ”ကိုကြည့်တော့
“ ဂန်တာဂရပ်စ် ” က
သူ့ ရဲ့ ဆယ့်တချောင်းမြောက်
လက်ချောင်းကလေးနဲ့ စားပွဲကိုခေါက်နေတာ
တွေ့ ခဲ့ရတယ်။

အိမ်ပြန်ရောက်
တနာရီ နှစ်နာရီ
ငနဲက ပေါက်မလာသေးဘူး
ဒါနဲ့ 
စာအုပ်ဆိုင်ဆီ ချီရပြန်တာပေါ့
ဆိုင်ထဲမှာ
“ အောင်ချိမ့် ” “ဖေါ်ဝေး ”
ငြိမ်းဝေနဲ့  ဘာတွေ ဆွေးနွေးနေကြ
ဆိုင်ထဲအ၀င်
ငြ်ိမ်းဝေက နေပြည်တော်မာနယ်ပလောဆိုလား
နားစွန်နားဖျား ကြားလိုက်ရ
ကျနော်
အားနာတယ်လေ
သူ့ ဘေးကလူတွေက မြန်မာကျော်ကဗျာဆရာတွေပဲ
ဒါနဲ့ ပဲ
စက်ခလုပ်ကိုပြ
မင်း မြန်မြန်ပြန်လာခဲ့ပေါ့
လှည့်ပြန်မယ်အလုပ်
ဆိုင်ထဲကိုကြည့်တော့
မျက်လုံးသုံးလုံးနဲ့  “အောင်ချိမ့် ”
နားသုံးဖက်နဲ့  “ဖေါ်ဝေး ”
ကျနော် တွေးလို့ မရခဲ့ဘူး။

အိမ်ပြန်ရောက်
တနာရီ နှစ်နာရီ
ဒီကောင် ပြန်မလာ
ဒါနဲ့ 
ပန်းချီဆရာမလေး “စိန်စိန်လင်း ” ဆီ
သွားရပြန်တာပေါ့
ဒီကောင်လေ ပီဘိ ကလေးတယောက်လို
ယိုကျိုးနေလိုက်တာ
ဆရာမလေးက အိပ်ဇစ်ဆိုလား လိပ်ဖြစ်ဆိုလား ဆာရီယယ်လစ်ဆိုလား
ပြောနေ ဟောနေ
ကျနော်
အားနာတယ်လေ
ဆရာမလေးဆီမှာ တခါတရံ
ကျနော်
ထမင်းဝင်စားခဲ့ဖူးတယ်မို့ လား
ဒါနဲ့ ပဲ
စက်ခလုပ်ကို ငနဲမြင်သာအောင် ထပ်ပြပြီး
အိမ်ပြန်မယ်အလုပ်
အိမ်ထဲကို သေသေချာချာကြည့်တော့
ပန်းချီဆရာမလေးက
လက်သုံးဖက်နဲ့  ပန်းချီဆွဲနေတာ တွေ့ ခဲ့
ကျနော်
နဝေတိမ်တောင် ဖြစ်ပြန်ရ။

အိမ်ပြန်ရောက်
တနာရီ နှစ်နာရီ
ဒီကောင် ရောက်မလာပြန်ဘူး
ဒါနဲ့ 
“ မာနယ်ပလော ” ဖက် ထွက်ခဲ့ရ
တွေ့ ပါတယ်
ဒီကောင် ပြေးမလွတ်ပါဘူး
ဒါပေမယ့်
သူ့ ဘေးမှာ ဘယ်သူတွေလဲ
“ ဦးဝင်းတင် ” များလား
“မောင်သော်က ” များလား
“ မောင်လေးအောင် ” များလား
ခေါင်းပေါင်းစ တလူလူနဲ့ 
လူတွေ
တွေ့ ပါပြီ
ငြိမ်းဝေလေ ငြိမ်းဝေ
အောင်မယ်လေး..
သူက ရုံးလုလင်ကုလားထိုင်မှာထိုင်
ပြီးတော့
ကဗျာဆရာဆိုတာ
စင်ပြိုင်အစိုးရဆိုလား
ဖင်ထိုင်အစိုးရဆိုလား
အော်လား ဟစ်လား
သူ့ ဘေးကလူတွေအားလုံး
ခေါင်းနှစ်လုံးကိုယ်စီ
ဘုရား ဘုရား
ဒီကောင်က ဒီလိုထိုင်
ဘာဆိုင်လို့ တုန်း
ဒါပေမယ့် ကျနော်
အိမ်ပြန်လာခဲ့
သူ့ ဘေးကလူတွေ ကျနော်အားနာ
သူ့ ကိုပဲ စက်ခလုပ်ကိုမြှောက်ပြ
ပြန်လာခဲ့ရ။

နေစေါင်းတော့
ခေါင်းငုံ့ ပြီ့း
အိမ်ပြန်လာတဲ့ ငြိမ်းဝေ
အိမ်အ၀င်ဝမှာ
ခြေထောက်သုံးချောင်းနဲ့့ရပ်နေတာတွေ့ ရ
ဒါနဲ့ ပဲ
သူ့ ကိုထိန်းချုပ်
စက်ခလုပ်
ဝက်အူပြုပ်နေတာ ပြန်တပ်လိုက်ရတယ်။ ။

မှတ်ချက်။ ။( ၁ ) ဂျာမာန်ကဗျာဆရာ “ ဂန်တာဂရပ်စ် ” က “ဆယ့်တချောင်းမြောက် လက်ချောင်းကလေး ” ဆိုပြီး ကဗျာတပုဒ် ရေးခဲ့ဖူးပါတယ်။
(၂) “မာနယ်ပလော ” ဆိုတာ တချိန်က တော်လှန်ရေးဌါနချူပ် ဖြစ်ခဲ့တဲ့နေရာဖြစ်ပါတယ်။


ငြိမ်းဝေ
၇ ၊ ၉ ၊ ၂၀၀၉

ဥရောပမဲဇာ အခန်း [ ၃ ]

မေပယ်လ်ရွက် ဘယ်ရီသီးအပြာ နှင့် ဥရောပ ကျေးလက် [ ၄ ]

အိပ်ခန်းကလေးကို တခါမက၊ အကြိမ်ကြိမ် အခါခါလှည့်ပတ်ပြီး ကြည့်သည်။ အ်ိပ်ရာခင်းအဖြူပေါ်တွင် နီညိုရောင်နှင်းဆီ ပွင့်များ ကြဲပက်ထား၏။ အဖြူရောင် ခေါင်းအုံးစွပ်ကို ပန်းနုရောင်ပန်းပွင့်များနှင့် အနားကွပ်လျှက်။ ခြုံစောင်မှာ အစိမ်းရောင် ဖျော့ဖျော့။ ကုတင်ပေါ်တွင် ထိုင်ကြည့်သည်။ စားပွဲခုံဘေးက ကုလားထိုင်တွင် ထိုင်သည်။တံခါးပေါက်တွင်ရပ်ကာ ခန်းဆီး ပြူတင်း ပေါက်ကို ကြည့်သည်။ လုံခြုံအေးချမ်းနွေးထွေးသည့် အခန်းကလေး။ နော်ဝေးနိုင်ငံတွင် နေထိုင်စဉ် အော်စလို၏ တထောင့်တည ပုံပြင်များသည် ဤအခန်းကလေးမှာပင် အစပြုခဲ့ပြီဆိုသည်ကို ကျနော်သတိမပြုနိုင်ခဲ့။


အခန်းကလေးမှာ တိုက်ခန်းများ၏ ကျောဘက်တွင်ရှိနေသဖြင့် တိုက်၏မျက်နှာစာကိုမူ မမြင်နိုင်ပါ။ တိုက်၏နောက်ဖေး ဘက်၊ အခြားတိုက်ခန်းများ၏ နောက်ဖေးဆောင်များနှင့် တိုက်ခန်းများ၏ အလယ်မြေကွက်လပ်ကြီးကိုသာ မြင်နေရလေသည်။ တိုက်ခန်းအချို့ ၏ ၀ရန်တာတွင် စောင်နှင့် အ၀တ်အစားများ နေပူလှန်းထားသည်ကို တွေ့ နေရဆဲ။ နာရီကိုကြည့်တော့ ည (၉း၀၀) နာရီကျော်နေပြီ။ နေရောင်တွေကို တွေ့ နေရသည်။ နော်ဝေးနိုင်ငံ၏ ထူးခြားဆန်းကျယ်လှသည့် ရာသီဥတု ပဉ္စလက်ခန်းဆီးစကို ကျနော်ဆွဲကိုင်မိပြီလို့  ဆိုရမလားဘဲ။ သည်အကြောင်းကို အိပ်ရာမ၀င်ခင်၊ ဧည့်ခန်းတွင်စကားစပ်မိတော့ “ မနက်(၄း၀၀)နာရီ ကတည်းက နေထွက်နေတာဗျ။ ကျုပ်တို့ ဆီက (၈)နာရီ၊ (၉)နာရီလောက်ဖြစ်နေတဲ့သဘောပဲ ” ဟု ကိုမွန်းအောင်က(တေးသံရှင်မွန်းအောင်) ပြောခဲ့၏။ ကျနော် အံ့သြသွားရသည်။ ဗိုက်ကင်းတို့ ၏ နွေဥတုက နေ့ တာရှည်လွန်းပေစွဟု မှတ်ချက်ချမိသည်။ ထို့ ကြောင့် အော်စလိုသို့  ရောက်စရက်များတွင် ကျနော့်အဖို့  အိပ်ချိန်၊ ထချိန်များ တစုံတရာ တလွဲတချော် ဖြစ်ကောင်းဖြစ်လိမ့်မည်ဟု ၀ိုင်းပြီး ပြောခဲ့ကြ ၏။ ကျနော့်အဖို့ တော့ လေထဲတွင် ပေါလောမျောကာ၊ လမ်းလျှောက်နေသူတဦးလို ခံစားနေရသည်။ တချို့ အရာဝတ္ထုများ၊ ကျနော် နှင့် ဝေးသထက် ဝေးသွားနေစဉ် တချို့ က ကျနော့်ဆီ ပြေးလာနေကြ၏။ ကျနော်မြင်ခဲ့သမျှ။ ကျနော်ထိတွေ့ ခဲ့သမျှ မြင်ကွင်းများ၊ အရာဝတ္ထုများမှာ တချို့ မှုန်ဝါး၊ တချို့ ပြတ်သား၊ ကျနော့်မှာ အိမ်မက်ထဲတွင် စတင်လမ်းလျှောက်နေရသူပမာ…သည်လိုနှင့် ကျနော့်စိတ်တွေ…။ ဥရောပမြေပုံပေါ် ကျော်လာနေကြပြန်သည်။ အရှေ့ အလယ်ပိုင်းဒေသကို ကျော်လာရပြန်သည်။ ဟိမ၀န္တာ တောင်တန်းကြီးကို ကျော်ရပြန်သည်။ ထိ်ုင်း--မြန်မာ နှစ်နိုင်ငံနယ်စပ်၊ သောင်ရင်းမြစ်ကမ်းပေါ် ပြန်ရောက်လာခဲ့ပြီ။ မာနယ်ပလော၊ အမျိုးသားဒီမိုကရေစီအဖွဲ့ ချုပ် (လွတ်မြောက်နယ်မြေ) ဗဟိုဌာနာချုပ်၊ ရုံးခန်း၏ နောက်ဖေး၊ အဆွယ်လေးအောက်က ကျနော် နေထိုင်အိပ်စက်ခဲ့သည့် အိပ်စင်ကလေး…။ ၁၉၉၃ ခု…။

အိပ်စင်ကလေးပေါ်ကဆင်းပြီး ရုံးခန်းအမိုးစွန်းကို ခေါင်းငုံ့ ရှောင်ကာ၊ အပြင်ဘက်ကိုထွက်ပြီး ရပ်လိုက်သည်။ ကျနော့်ရှေ့  တလှမ်းသာသာတွင် မယ်တုက္ခီစမ်း ချောင်းကမ်းပါးစွန်း ရှိနေ၏။ စမ်းချောင်းရေစီးသံကို အတိုင်းသား ကြားနေရလေသည်။ ကျနော် က၊ ရုံးခန်းနှင့် ဗဟိုခန်းမဆောင်ကြား လူသွားလမ်းထိပ်က သစ်ခွပန်းများ ချိတ်ဆွဲထားသည့် သစ်ပင်သစ်ရိပ်တွင် သွားထိုင်လိုက် သည်။့် ဤသစ်ပင်သစ်ရိပ်အောက်တွင်၊ ၀ါးတန်းလျားလေးတခု၊ ကျနော်ကိုယ်တိုင် ခုတ်ဖြတ်တည်ဆောက် ကာ ချထားခဲ့သည့် ထိုတန်းလျားကလေးတွင် ထိုင်ကာ မယ်တုက္ခီ စမ်းချောင်းရေစီးသံကို ကျနော်နားထောင်သည်။ ကမ်းပါးအစွန်း ခြုံပုတ်များကြားက နှံပြည်စုတ်ငှက်ကလေး တကောင်၏ အော်မြည်သံကို နားစွင့်သည်။
ဝါးတန်းလျားကလေးတွင် နေ့ စဉ်ထိုင်ကာ စမ်းချောင်းရေစီးသံကို နားထောင်ခဲ့သော်ငြားလည်း အစပထမတွင် နှံပြည် စုတ်ငှက်ကလေးကို ကျနော်သတိမထားခဲ့မိပါ။ အမှတ်တမဲ့ ထိုင်ရာက ထကာ အိပ်စင်ကလေးဖက် ထွက်လိုက်ကာမှ ခြှုံပုတ်ထဲက ရုတ်တရက် ထပျံ်သွားသည့် သူ့ ကို ကျနော်သတိပြှုမိသွားခြင်းဖြစ်သည်။ သူသည် ဘယ်အချိန်ကတည်းက ကျနော့်ကို အစာ တောင်းနေခဲ့သည်မသိ။ ကျနော်က စားစရာတချို့ ကို ခြှုံပုတ်အစပ်တွင် ဖက်တရွက်ခင်းပြီး ချပေးလိုက်သည်။ ၀ါးတန်းလျားတွင် ပြန်ထိုင်လိုက်သည်။ ခဏကြာတော့ မာကျစ်ကျစ် အသံကလေးများကို ဆက်ကာဆက်ကာ အော်မြည်ရင်း သူပြန်ရောက်လာခဲ့သည်။ ကျနော်က မသိချင်ယောင် ဆောင်နေလိုက်ရ၏။ သူသည် အချိန်အတန်ကြာကြာ အော်မြည်စားသောက်ပြီးနောက် ခြှုံပုတ်ကလေး ဆီမှ ပျံထွက်သွားလေသည်။ ကျနော် ကောင်းကောင်းသိပါသည်။ မနက်ဖြန် မနက်ခင်းတွင်လည်း အချိန်မှန်မှန် သူရောက်လာပေ လိမ့်ဦးမည်။
တခါတရံ ငှက်ဖျားတက်ပြီး အိပ်ရာက စောစောမထနိုင်သည့် ကျနော့်ကို သူသည် ခြှုံပုတ်ကလေးထဲကတဆင့် တကျစ် ကျစ် အသံပေးနေခဲ့၏။ ခှုံပုတ်ကလေးထဲက အရဲစွန့် ထွက်လာကာ လူသွားလမ်းထိပ် သစ်ပင်သစ်ကိုင်းများပေါ် ရောက်လာခဲ့၏။ ကျနော့် အိပ်စင်ကလေး၏ ရှေ့ မှဖြတ်ပျံပေတော့မည်။ ထိုအခါ ကျနော့်မှာ အိပ်ယာမှ လူးလဲထကာ သူ့ ကို ကိုယ်ယောင်ပြရတော့ သည်။ အစာတချို့  ချကျွေးလိုက်ရသည်။ ထိုသို့ သော အချိန်မျိုးတွင် သူ့ အသံ မာကျစ်ကျစ်ကလေးများသည် တမျိုးတဖုံ အသံ ပြောင်းနေသလားဟု ကျနော်ထင်မိသည်။ ကျနော့်ရင်ထဲ ဘာကြောင့်ရယ်တော့မသိ ကြေကွဲနေမိ၏။
နှံပြည်စုတ်ကလေးနှင့် ကျနော်၏ ဆက်ဆံရေးအခြေအနေကို စာရေးဆရာနိုင်ဝင်းဆွေနှင့် တွေ့ ဆုံသည့်အချိန်တိုင်း ကျနော်ပြောပြခဲ့ဖူးသည်။ နိုင်ဝင်းဆွေက ကျနော့်စကားများကို လေးလေးနက်နက်ထားပြီး နားထောင်ခဲ့၏။ ပြီးတော့မှ ကျနော်နှင့် နှံပြည်စုတ်ကလေး၏ ကြားတွင်ရှိနေသည့် မမြင်ရသည့် သံယောဇဉ်ကြှိုးမျှင်ကို သူကထောက်ပြလေသည်။ လူနှင့် တိရိစ္ဆာန်တို့ ၏ ကြားက ထူးဆန်းလှသည့် “မေတ္တာ”ကို သူ့ အနေနှင့် ထိတွေ့ နားလည်နိုင်စွမ်းရှိကြောင်း ဆိုလာလေသည်။ ကျနော် သူ့ ကိုစူးစိုက်ပြီး ကြည့်မိသည်။ ၁၉၇၈ ခုနှစ် ၀န်းကျင်…။ ‘ လူတန်းစားမေတ္တာ ’ ကလွဲ၍၊ မည်သည့်မေတ္တာအမျိုးအစားကိုမျှ မယုံကြည်နိုင်ဟု ဆိုခဲ့ဖူး သည့် စာရေးဆရာနိုင်ဝင်းဆွေက၊ လူသားနှင့် တိရိစ္ဆာန်တို့ ၏ကြားက မမြင်ရသည့် မေတ္တာကြိုးမျှင်၏အစကို ဆွဲထုတ်ကိုင်တွယ်ပြခဲ့ ပါပြီကော။ နိုင်ဝင်းဆွေ၏ ပြောင်းလဲတိမ်းညွှတ်မှုကြီးပေလော…။ ကျနော် အံ့သြသွားရ၏။

အော်စလိုမြို့  ကျနော်နေထိုင်ခွင့်ရသည့် အခန်းကလေးကိုကြည့်ကာ မာနယ်ပလောမှာကျန်နေရစ်သည့် ကျနော့် ၀ါးအိပ်စင်လေးကို လွမ်းနေမိပြန်သည်။

ငြိမ်းဝေ

ချစ်သူ ရဲဘော်များခင်ဗျား...
ကျနော့်ဘလေါ့မှာ ကျနော့်ရဲ့ တော်လှန်ရေးရှေ့ တန်းခရီးအတွေ့ အကြုံများနဲ့ ဥရောပခရီးသွားအတွေ့ အကြုံများကို အဆငိပြေသလို ဖေါ်ပြသွားချင်ပါတယ်။ဒီတခါတော့ ဥရောပ ခရီးသွားဆောင်းပါးတပုဒ်တင်လိုက်ပါတယ်။ဒီဆောင်းပါးတွေကတော့
ဥရောပမဲဇာ ဆိုတဲ့ခေါင်းစဉ်ကြီးအောက်က ခေါင်းစဉ်ငယ်တခုဖြစ်တဲ့ မေပယ်လ်ရွက် ဘယ်ရီသီးအပြာနှင့်ဥရောပကျေးလက် ခေါင်းစဉ်ခွဲ(၄)အနေနဲ့ ဖေါ်ပြလ်ိုက်တာပါ။

ငွေ ရွှေ ရတု

၁၉၇၀နဲ့ ၁၉၈၀..ဆယ်စုနှစ်တခုအတွင်းမှာ စကားပြေဘုရားဆိုပြီးထင်ရှားခဲ့တဲ့ စာရေးဆရာ
နိုင်ဝင်းဆွေ က၊၁၉၉၁(မာနယ်ပလော)မှာကလောင်သက် နှစ်ဆယ့်ငါးနှစ်မြောက်အထိမ်းအမှတ်အနေနဲ့  ကဗျာစာအုပ်လေးထုတ်ပါတယ်။လက်ရေးကျောက်ပုံနှိပ်ကဗျာစာအုပ်လေးပါ။်
ဒီစာအုပ်လေးမှာ မျက်နှာဖုံးပန်းချီကို (ကို)ဒေါင်းနီ ကဆွဲပြီး၊ကဗျာဆရာ တိုက်အောင် က လက်ရေးနဲ့ ရေးပေးခဲ့တယ်လို့ သိရပါတယ်။
ဒီတုန်းက မာနယ်ပလောကို ကျနော်မရောက်သေးပါဘူး။ဒါပေမယ့် ဒီစာအုပ်လေးကို ကျနော်သိမ်းထားခဲ့မိပါတယ်။ဆရာနိုင်က ကိုသီရိညွန့် အတွက် လက်မှတ်ထိုးပြီးပေးထားတာပါ။ဘယ်လိုလုပ်ပြီး ကျနော့်ဆီရောက်နေခဲ့တယ်ဆိုတာလည့်းမမှတ်မိတော့ပါဘူး။စာအုပ်မျက်နှာဖုံးပုံကို စကင်ဖတ်ပြီးတင်တာ တင်လို့ မရလို့ ကဗျာကိုပဲတင်လိုက်ရပါတယ်..။

ဆရာနိုင်ရဲ့ “ ငွေ ရွှေ ရတု ” ကဗျာကို တင်လိုက်ပါတယ်။







ငွေ ရွှေ ရတု

အရွယ်
ပြည့်ဝန်းတဲ့ နှစ်လေးဆယ်မှာ
တေးလေးတဖဲ့
အမှတ်တရနဲ့  ကျနော်
ရေးဖွဲ့ ခဲ့ဘူးရဲ့  ။

အဲသည်တုန်းက
ပီးတော့လဲ အမှတ်တမဲ့နဲ့ ဖဲ
ပျောက်လဲ ပျောက်ကွယ် သွားဦးမယ့်
အချစ်မီးလေးတခဲ
ရင်ထဲမှာ စွဲငြိဆဲလေæ

အချစ်ကိုချစ်
အလှကိုချစ်
အနုပညာကို ချစ်သူရဲ ။့

“ အမြဲတမ်းမြူနှင်းတွေ
မှိုင်းပြဝေနေတဲ့ ကာဝိုင်းတောင်မကြီးထိပ်က
ဝ ” ဒိုင်နယ်ရုံးကလေး ရှေ့ မှာ
က ” မြူး ခုန်ပေါက်နေတဲ့
အမွေးဖွား ခွေးကလေးနဲ့့
ဆော့ကစားနေတဲ့ ကျနော်လေæ ”

“ အနုပညာကိုချစ်
ယုံကြည်ချက်ကိုချစ်
သစ္စာတရားကိုချစ်
လောကကို ငါချစ်တယ်
အချစ်ကြောင့်ဖဲ ကွန်မြူနှစ်လဲ ဖြစ်လာတယ်” ။

အဲသည် တေးလေးတဖဲ့
ကျနော် ရေးဖွဲ့ ခဲ့ဖူးရဲ့ ။
၁၉၈၆
ကလောင်နှစ် နှစ်နှစ်ဆယ်
ပထမအရွယ်နေ့ 
ကျနော့် ရွှံ့ အိမ်ဖြူလေးရဲ့  နံရံထက်မှာ
ကျနော်က
ဟင့်အင်းæ ညီအကိုတို့ 
“ အာဏာ
ငွေ
ကျော်ဇောခြင်းနှင့်
ရောင်းဝယ်ခြင်း မပြုမှသာ
“ အနုပညာရဲ့  တြိသီလတရား” လို့ 
ကျနော် ကိုယ်းကွယ်ထားတယ် ။

ဟုတ်တယ်æ ညီအကိုတို့ 
တဂိုးရဲ့ တရား တဂိုးရဲ့ စကား တဂိုးရဲ့ အနုပညာနှလုံးသား
ကျနော်ကိုယ်းကွယ်ထားတယ် ။

ဘင်္ဂလားပြည်ရဲ့  ခေါင်းဆောင်သစ်
ငါမဖြစ်ချင်ဘူးတဲ့။

ဟုတ်တယ်æ ညီအကိုတို့ 
တကယ်လို့  နောင်ဘ၀မှာ
လူပြန်လာဖြစ်ခဲ့ရင်လဲ
ကျနော် လဲလေæ
လုံမလေးတွေ ထောပတ်မွှေရာ
ဘရိန္တာ တောအုပ်ထဲက
သော်ကပင်ရိပ် အောက်မှာ
ပုလွေကြူအေး
လောကအတွက်တေး
သီကုံးပေးနေတဲ့
နွားကျောင်းသားလေးဖဲ ဖြစ်ချင်တယ် ။

မနှစ်ကတော့
ဖလံတောင်ဝှေးများ ဖြစ်ထွန်းရာ တိုင်းပြည်မှာ
မာနယ်ပလောရဲ့  သောင်းရင်း မြစ်ကမ်းမှာ
နွားကျောင်းသားလေးများ ဖွားသန့် စင်ရာ
စာသဘင်တေးကို သီကျွေးတဲ့အခါ
တေးလေးတပိုဒ်
ကျနော် ရေးလိုက်ဖူးရဲ့  ။

သဲကန္တာရ မုန်တိုင်းထဲမှာ
နိုင်ငံရေးသမားအိုဟာ
တောင်ဝှေးကိုထောက်ကိုင်လို့ 
ဖယိုဖရဲ အပြိုပြို အကွဲကွဲ လူအုပ်ကြီးကို

{ တချို့ က နောက်ပြန်ပြေးနေရဲ့ 
တချို့ က လူးလှိမ့် ငိုကျွေးရင်း မြေပြင်ပေါ်မှာ
တချို့ က ခိုလို ညည်းတွားလို့ 
တချို့ က မျက်စိစုံ မှိတ်ရင်း
အားတင်း သီချင်းအော်ဟစ်လို့ 
တချို့ က ဒေါသ ပေါက်ကွဲနေ
တချို့ က တချို့ ကို အတင်းဆွဲထူ
တချို့ က တချို့ ကို အားပေး
ကိုယ့်ကို ကိုယ်လဲ အားပေးလို့ 
တည်ငြိမ်ရင့်ကျက်တဲ့သူရဲကောင်းတွေလည်း များစွာပါရဲ့  ။ }

သူတို့ ကို တဖြေးဖြေး စောင့်ခေါ်ရင်း
အဖိုးအိုဟာ မောပန်း နွမ်းလျ နေလေရဲ့ 
မုန်တိုင်းထဲမှာæ

အဲသည် အခိုက် မှာ
ဓါးဝင့်လိုက်တဲ့ တကိုယ်တော်သမားဟာ
သူ့ မြင်းကို ဇက်ကုန်လွှတ် ကစုန်စိုင်းလို့ 
လူတွေ မမြင်တွေ့  နိုင်သေးတဲ့
ဟိုးအဝေးက အနာဂတ်ဆီ
ဖြတ်ချီသွားလေရဲ့ æ
ရှေ့ ဆုံးများရဲ့  ရှေ့ ဆုံးကလူ
သူ အနုပညာသမား ပေါ့ ။

အနုပညာ ဘုံမှာ
သေခြင်းကင်းစွာ ဇရာမရှိ
ထာဝရနုပျို
စိမ်းစိုနေတဲ့ အလှနဲ့ သစ္စာ
ပရမတÎ အချစ် နဲ့ ရွှန်းသစ်မှု æ
အော် æ
ကျနော်ရဲ့ အနုပညာတောင်မှ ငွေရတုမြောက်ခဲ့ရပါပေါ့။

သည်နေ့ မှာ æ
“ သန်းဆွေ ၊ ခင်နှင်းယု
မင်းသုဝဏ် ၊ မင်းဏီ
မမလေး (ဂျာနယ်ကျော်)
ကျနော့်ရဲ့  တေးသမားဘ၀ကို
မွေးဖွား သန့် စင် ပေးခဲ့သူ
ဆရာအဆူဆူ နဲ့ ဟဲမင်းဝေး အား
နှလုံးသားမှ မြတ်နိုး
ရိုကျိုး မာန်လျှော့
ကျနော် ကန်တော့၏ ။

အော် æ
ကျနော်တောင်မှဖဲလေ
ရတု မြစ်ရဲ့  ပျိုမြစ်စိမ်းလန်းမှု
ငွေသားထု ပြင်ကျယ်ထက်မှာ
{ဘယ်လောက်များ လှပ တောက်ပ နေလိုက်ပါသလဲ? }
အရွယ်ရဲ့  ငြိမ်သက်မြဲမြံမှု
ရွှေနေခြည်များ ဆွတ်ဖျန်းထားလိုက်ပေါ့ ။ ။

နိုင်ဝင်းဆွေ

သုညတွေပဲကြွင်းတဲ့မြို့ ကလေး

အစွန်အဖျားကျတဲ့ မြို့ ကလေးတမြို့ ရဲ့
အစွန်အဖျားပေါ်မှာ
ငါ
ထိုင်နေမိတယ်။

ငါ့ခေါင်းပေါ်က
အလျားလိုက်ခုတ်မောင်းသွားတဲ့ ̔ခေါ်သံ̓ တွေထဲမှာ
ငါ့ ခေါ်သံ
ငါကိုယ်တိုင်ပြန်ပြီးမကြားနိုင်အောင်
ကြားနေရတယ်။

ငါ့ဘေးက
ဒရွတ်တိုက်ဆွဲသွားတဲ့̔ ရင်ခုန်သံ ̔ံတွေထဲမှာ
ငါ့ ̒ရင်ခုန်သံ̓
ငါကိုယ်တိုင်ပြန်ပြီး မခံစားနိုင်အောင်
ခံစားနေရတယ်။

ချစ်ခြင်းမေတ္တာက
ငါ့ကို
မီးနဲ့ ဆေးကြော
အမုန်းတရားက
ငါ့ကို
ငယ်ပေါင်းကြီးဖေါ်လို ပေါင်းဖေါ်
ဟောဒီမြို့ ကလေးလေ
ငုဝါတွေ လှိုင်လှိုင်ပွင့်တာက လွဲရင်ပေါ့။

မြို့ ကလေး
မင်းက ငါ့ဆီက ခွန်အားကို
လက်ကါးနှုန်းနဲ့ လုယူနေတဲ့အချိန်
ငါကတော့
မင်းရဲ့အရိပ်ကို လက်လီနှုန်းနဲ့ ဆွတ်ချူခဲ့ရတယ်။

မြို့ ကလေး
မင်းဟာ
ငါ့အတွက် ခြေတု လက်တု။

မြို့ ကလေး
မင်းဟာ
ငါ့အတွက်
ဝှက်ဖဲ၊ အံဆွဲ၊ ကဲလား..။

ဒါပေမယ့်လည်း
မင်းရဲ့ အမဲလိုက်ခွေးတကောင်ဟာလည်း
ငါပါပဲ။

သေချာပြီ
ငါဟာ
မိုးမရွာတဲ့ဘက်မှာ ထီးဖွင့်ဆောင်းပြီး
နေပူတဲ့ဘက်မှာ စေါင်ထူထူခြုံမိတဲ့အဖြစ်။

တခါတလေတော့လည်း
ငါ့ကိုယ်ငါ
ငါကိုယ်တိုင် ရွာပြန်ပို့ မိတာ
အခါခါ။
တခါတလေတော့လည်း
ငါ့ကိုယ်ငါ
ရွာကနေ ငါကိုယ်တိုင်
ပြန်ခေါ်လာခဲ့ရတာ
အခါခါ။

မြို့့ကလေး
မင်းရဲ့နောက်ဖေးလမ်းကြားတွေထဲမှာ
တိတိကျကျ ဖြန်းသန်းပြီး
ဆင်ကိုစမ်းတဲ့ ပုဏားတချို့ နဲ့ လည်း
လ္ဘက်ရည်ဆိုင် ထိုင်ခဲ့ဖူးပြီ။

အကျအပေါက်များတဲ့သူတွေထဲမှာ
အကျအရှုံးများတဲ့သူလည်း ဖြစ်ခဲ့ဖူးပြီ။

လရောင်တွေ
နေရောင်တွေ
ရေသောက်ဆင်းလုနိုးနဲ့ 
မျှော်ကိုးရင်း အိမ်မက်တွေ မြိုချခဲ့ဖူးပြီ။

ရေတိမ် မနစ်တနစ်မှာ
တိမ်တွေကိုလည်း
ကြိုးပစ်လို့ ဖမ်းခဲ့ဖူးပြီ။

ဒီလိုနဲ့ ပဲ
ငါက
အနာဂါတ်ကို ကော်ပတ်နဲ့ ပါးနေတုန်း
မြို့့ကလေးက
ငါ့ကို ကျားလျာနဲ့ စားခဲ့ပြီ။

မြို့့ကလေးက
ငါ့အပေါ် အုပ်ချလိုက်တဲ့ပိုက်ကွန်
ငါ့ပါးစပ်ထဲ ထိုးသွင်းလိုက်တဲ့ငါးမျှားချိပ်
ဒါ အဆိပ်ဆိုပဲ
အဲဒီအဆိပ်တွေလောက် အမူးခိုင်တာ
ဘယ်အရက်မှ မရှိဘူး။

မြို့ ကလေးရေ
တို့ အဖြစ်က
မူတည်ကိန်း ဘယ်လောက်ပဲရင်းရင်း
သုညတွေပဲ ကြွင်းခဲ့ပြီလား။

မြို့့ကလေး
မင်းရဲ့
ညှော်နံ့ တွေထည့်ပြီးချိပ်ထားတဲ့̒ဒရစ်ပိုက်̓ ကို
ငါ့လက်ပေါ်က ဖယ်လိုက်ပါတော့။ ။

မှတ်ချက်။ ။ ထိုင်းနိုင်ငံ မဲ့ဆောက်မြို့့ရဲ့  အဓိပ္ပါယ် ဟာ ̒ အစွန်အဖျားကျတဲ့ မြို့့̓ လို့ ဆိုပါတယ်။
သရုပ်ဖေါ်ပန်းချီပုံက ဆရာ ထိန်လင်း ရဲ့ လက်ရာဖြစ်ပါတယ်။

ငြိမ်းဝေ