ဆရာကြီးသခင်ကိုယ်တော်မှိုင်းရဲ့ မဟာကဗျာလေးချိုးကြီးတွေကို တစုတဝေးတည်း စာအုပ်အဖြစ်ထုတ်ဝေတာ နှစ်အုပ်ရှိပါတယ်။(အမှတ်အသားမှားရင်တော့ ထောက်ပြဖြည့်စွက်ပေးကြပါခင်ဗျား)တအုပ်က မောင်တင်ရွှေ ပြုစုတဲ့ “ဆရာကြီးသခင်ကိုယ်တော်မှိုင်း၊ လက်ရွေးစင်လေးချိုးတရာ ” ဖြစ်ပါတယ်။ ကျန်တအုပ်ကတော့ င်္ဟသာတစာပေဖြန့် ချိရေးကထုတ်ဝေတဲ့“ ဆရာကြီးသခင်ကိုယ်တော်မှိုင်း လေးချိုးပေါင်းချုပ် ” စာအုပ်ဖြစ်ပါတယ်။
ဒီဆောင်းပါးက ဆရာကြီးသခင်ကိုယ်တော်မှိုင်း လေးချိုးပေါင်းချုပ် စာအုပ်အပေါ်မူတည်ပြီးမှရေးတဲ့ဆောင်းပါးဖြစ်ပါတယ်။
ဆရာကြီးဟာ ကဗျာတွေအပြင် ပြဇာတ်တွေ ဋီကာတွေလည်းရေးပါတယ်။ ကျနော်တဦးတည်းရဲ့အမြင်အရ ပြောရရင် ဆရာကြီးဟာ ကဗျာမှာပို ပြီး အောင်မြင်ကျော်ကြားလှတယ်လို့ ယူဆပါတယ်။
ဆရာကြီးရဲ့ ဒီလေးချိုးပေါင်းချုပ်စာအုပ်မှာ ဆရာဇော်ဂျီက အမှာစာရေးပါတယ်။ ဒီအမှာစာဟာ ၁၉၆၄၊သြဂုတ်လ ၃ ရက်နေ့ ည ဆရာကြီးသခင်ကိုယတော်မှိုင်းဈာပနမဏပ်မှာ ဆရာဇော်ဂျီဟောပြောခဲ့တဲ့ စာတမ်းကို အမှာစာအဖြစ်ဖေါ်ပြထားတာပါ်။ ဆရာဇော်ဂျီရဲ့အမှာစာဟာ ဆရာကြီးသခင်ကိုယ်တော်မှိုင်းရဲ့ ကဗျာများအပေါ်စာဖတ်သူတွေပိုမိုသဘောပေါက်နားလည်နိုင်ဖို့ အတွက်အထောက်အကူပြုတာအမှန်ပါပဲ။
ဒီစာအုပ်မှာ လေးချိုးကြီးကဗျာများအပြင် တေးထပ် ၊ လေးချိုးလပ်၊ ဂါထာ များလည်းပါရှိတာတွေ့ ရပါတယ်။ စုစုပေါင်း ကဗျာပုဒ်ရေ (၁၁၈)ပုဒ်ပါရှိပါတယ်။
၂။
ဆရာကြီးသခင်ကိုယ်တော်မှိုင်းရဲံကဗျာတွေကို အကြောင်းအရာပိုင်းအရ၊ အတတ်ပညာပိုင်းအရဆိုပြီး နှစ်ပိုင်းခွဲပြီးလေ့လာသင့်ပါတယ်။ ဆရာကြီးဟာ ကဗျာဆရာလည်းဟုတ်တယ်၊ နိုင်ငံရေးခေါင်းဆောင်လည်းဖြစ်တာမို့ ဆရာကြီးရဲ့ကဗျာတွေကို အကြောင်းအရာအရလေ့လာရင်ပဲ ခမ်းနားမြင့်မားလှတဲ့နိုင်ငံရေးနောက်ခံများကိုတွေ့ ရနိုင်ပါတယ်။ ဆရာကြီးရဲ့ကဗျာတွေကို ဖတ်ရင် ဆရာကြီးရဲ့နိုင်ငံရေးရပ်တည်ချက်၊နိုင်ငံရေးအမြင်ထက်မြက်မှုတွေကို အထင်အရှားတွေ့ ရနိုင်ပါတယ်။ဒီဆောင်းပါးမှာတော့ အဲဒီဆရာကြီးရဲ့နိုင်ငံရေးအကြောင်းအရာနောက်ခံများကိုအဓိကမထားပဲ ဆရာကြီးရဲ့ ကဗျာအတတ်ပညာဆိုင်ရာအပ်ိုင်းကိုပဲ ဦးစားပေးဖေါ်ပြသွားမှာဖြစ်ပါတယ်။
ပထမဦးဆုံးကျနော်သတိပြုမိတဲ့အချက်ကတော့ မဟာကဗျာလေးချိုးကြီးများရဲ့ထူးခြားလှတဲ့ ကဗျာပုံစံဖြစ်ပါတယ်။ဒီကဗျာပုံစံဟာ လေးချိုးကဗျာပုံသဏာန်ဟောင်းကို ဆရာကြီးက ထပ်မံချဲ့ ထွင်ထားတဲ့ ကဗျာပုံသဏ္ဍာန်သစ်ဖြစ်ပါတယ်။
ဆရာကြီးက သူပြောချင်တဲ့ အကြောင်းအရာကို မဟာကဗျာလေးချိုးကြီးဆိုတဲ့ သူကိုယ်တိုင်တီထွင်ထားတဲ့ “ ကဗျာပုံစံ ” နဲ့ ရေးဖွဲ့ ပြောဆိုခဲ့တာပါ။ ဒီကဗျာပုံစံဟာ၊ ယ္ခင်ရှိပြီးသားလေးချိုးကဗျာရဲ့ အကန့် အသတ်တချို့ ကို ဖျက်ပြီး အဲဒီအကန့် အသတ်ထက်ပိုပြီးကျယ်တဲ့ ကဗျာပုံစံကိုယူလိုက်တာပါ။ လေးပိုဒ်ကဗျာပုံသဏာန်ရဲ့ တစုံတရာတင်းကြပ်မှုကို ဖြေချလိုက်တဲ့သဘောပါပဲ။ ဒီ လို ဆန့် ထုတ်ဖြေချရခြင်းရည်ရွယ်ချက်ကလည်း တချိန်က “ ပျို့ ” တွေ၊ “ ရတု ” တွေမှာသာ ရေးဖွဲ့ လေ့ရှိတဲ့ အကြောင်းအရာမျိုးတွေကို ဆရာကြီးက မဟာကဗျာလေးချိုးကြီးထဲမှာ ထည့်ရေးနိုင်တယ်ဆိုတာ နားလည်းထားလို့ ပါပဲ။ ကဗျာတ ခေတ်မှာ ကဗျာသစ်ထွင်တဲ့ အလုပ်ဟာ တကယ်တော့ တော်လှန်စွန့် စားရတဲ့ အလုပ်ဖြစ်ပါတယ်။ အဟောင်းကိုတော်လှန်ရပါတယ်။ အဟောင်းသမားနဲ့ ရင်ဆိုင်ရပါတယ်။ ဒါကြောင့်မို့ လည်း “ အမယ်မင်း၊ တေးမျိုးအပြီး မသာမယာကိုမှ လေးချိုးကြီးမဟာကဗျာရယ်လို့ ခေါ်ရက်လေခြင်း ” ဆိုပြီး ၊ ငိုချင်းချကန့် ကွက်သူတွေရှိခဲ့တာပေါ့။ ဒါပေမယ့် ဆရာကြီးက ကဗျာပုံသဏာန်သစ်ကိုပဲ ရဲရင့် တက်ကြွစွာကိုင်ဆွဲခဲ့ပါတယ်။
တချိန်တုန်းက လေးချိုးစာကြောင်းတကြောင်းမှာ၊ စာလုံးရေ ( ၉ ) လုံးအထိလောက်ပဲရှိတာကို ၊ ဆရာကြီးကတော့ စာလုံးရေအကန့် အသတ်မရှိ ထားချင်သလောက်ထားပြီးရေးတာတွေ့ ရပါတယ်။ ပြီးတော့ ကဗျာပိုဒ်ရေ ( ၄ ) ပိုဒ်၊ တချိန်တုန်းက ( ၁၆ ) ချိုး၊ စာမျက်နှာ ( ၂ ) မျက်နှာ ( ၃ ) မျက်နာရှိရာက၊ ဆရာကြီးကတော့ ( ၁၀ ) မျက်နှာလောက်အထိ ဆန့် ထုတ်ချဲ့ ထွင်လိုက်တာတွေ့ ရပါတယ်။ ဒီနေရာမှာ ဆရာကြီးဟာ ယ္ခင်လေးချိုးပုံသဏာန်ရဲ့ “ ထု ” နဲ့  “ စေါက် ” ကိုချဲ့ ထွင်လိုက်တဲ့သဘောပါပဲ။ ဒါကတော့ ဆရာကြီးရဲ့ ကိုယ်ပိုင်မဟာ ကဗျာလေးချိုးကြီး ပုံသဏာန်ရဲ့ ထူးခြားမှုပါပဲ။
နောက်ထပ်ထူးခြားတဲ့အချက်တွေရှိပါတယ်။ ဆရာကြီးဟာ အဲဒီမဟာကဗျာလေးချိုးကြီးတွေကို အရပ်သုံးလေသံတွေ၊ လူထုသုံးဝေါဟာရတွေ၊ အင်္ဂလိပ်စကားလုံးအသံထွက်တွေ၊ ဝေါဟာရအသစ်တွေနဲ့ ဖွဲ့ စည်းတည်ဆောက်ထားတဲ့အချက်ဟာ အင်မတန်ထူးခြားတဲ့အချက်ပါပဲ။ ဒီလိုရေးဖွဲ့ တယ်ဆိုတာ လွယ်ကူတဲ့အလုပ်မဟုတ်ပါဘူး။ တော်ရုံတန်ရုံကဗျာဆရာတွေ စိတ်ကူးမိ စိတ်ကူးရဲတဲ့ကိစ္စမဟုတ်ပါဘူး။ အင်မတန်ရဲရင့်ထက်မြက်တတ်သိတဲ့ကဗျာဆရာများသာ ကိုင်တွယ်ရဲတဲ့ကိစဖြစ်ပါတယ်။ ဆရာကြီးဟာ အဲဒီ စကားလုံးတွေ ဝေါဟာရတွေကို ဆရာကြီးအင်မတန်ကျွမ်းကျင်လိမ်မာတဲ့“ မကျီးရွက်သပ် နဘေထပ ”်စပ်နည်းနဲ့ ရေးတဲ့အတွက် ဆရာကြီးရဲ့ကဗျာတွေဟာ လူတွေနဲ့ ပိုမိုနီးစပ်နိုင်ခဲ့ပါတယ်။
ဒီနေရာကစပြီး ဆရာကြီးအသုံးပြုခဲ့တဲ့ ဝေါဟာရသစ်၊ လူထုသုံးစကားလုံး၊အင်္ဂလိပ်စကားလုံးတွေကို အနည်းငယ်မျှစီ ဖေါ်ပြသွားပါ့မယ်။
စကားလုံးသစ်များ
မယ်သီလရှင် = ဘန်းမဒီ
ဖက်ဆစ် = ကမာဒမြ“
ဖြူစင်တဲ့အကျင့် = ဗျိုင်းအကျင့်
မကြည်ညိုဖွယ်ဘုရင်= ဘုရင်တကောင်
နွားလို့မိုက်တဲ့ လူနှစ်ယောက် = လူတရှင်း
ဒကာမနှစ်ယောက် = နှစ်ဒဂမ
မြေပတ်ကြားပထဗျာထိ = မြေမျို
အလွန်လွမ်းဆွေးခြင်း = လွမ်းတောင်ပေါက်
အင်္ဂလိပ်စကားလုံးများသုံးစွဲပုံ
ကောလိပ်၊ ကင်းဂျော့၊ ကောင်စီ၊ ကွန်မြူနစ်၊ ကွန်ဖရင့်၊ ဆေးလဗားဂျူဗလီ၊ ဒိုင်အာခီ၊ ဒယ်လီဂိတ်၊ ပါဝါ၊ ပေါ်လစ်တစ်၊ နေရှင်နယ်ဒေး ...အစရှိတဲ့ စကားလုံးတွေပါပဲ။ အပြည့်အစုံဖေါ်ပြမယ်ဆိုရင်တော့ သည့်ထက်တပုံတပင်ကြီးရှိပါသေးတယ်။
ကျနော်စိတ်ဝင်းစားပြီး အထူးခြားဆုံးအသုံးအနှုန်းတွေကတော့ လူထူသုံး ဘန်းစကားလုံးတွေပါပဲ။
လူထုသုံးဝေါဟာရများ
ကလော်တုတ်၊ ကလိန်ဘုကျ၊ ကလချာ ကလချွတ်၊ ဂိုက်မသေး၊ ငနဲ၊ ငို့ ဘကောင်၊ ဘိုင်ကောင်၊ ဟော်တယ်မယ်၊ မသာလောင်း၊ သေချင်းဆိုး၊ အနုတ်စုတ် ဂုတ်စုတ်၊ ပလူး၊ ဗလဗွေဗလဖြစ်၊ ဘလချီဘလရွတ်၊ မဟားဒယား၊ အကြံနိုပ်....၊ သည့်ထက် စကားလုံးတွေ အများကြီးရှိပါသေးတယ်။ ဒါကတော့ နမူနာသဘောပဲ ဖေါ်ပြလိုက်တာပါ။
နောက်ထပ်ထူးခြားတဲ့အချက်ရှိပါသေးတယ်။ ဆရာကြီးဟာ စကားလုံးပေါင်းဂန္တ၀င်စည်းကမ်းတွေကို ရဲရဲပဲချိုးဖေါက်လိုက်တာတွေ့ ရပါတယ်။ ကဗျာမှာ လူထုသုံးဝေါဟာရနဲ့ စကားပြောလေသံကိုအသုံးပြုမယ်ဆိုရင် ဂန၀င်စည်းကမ်းတွေဟာအဟန့် အတားဖြစ်စေတတ်ပါတယ်။ ဒီနေရာမှာတော့ ဂန္တ၀င်စည်းကမ်းတွေက ဆရာကြီးရဲ့တီထွင်ရဲတဲ့စိတ်ကို မဟန့် နိုင်ပါဘူး။ ဒါကိုလည်း ဥပမာအနည်းငယ်ဖေါ်ပြလိုက်ပါတယ်။
ဓါးမရှည် ဓါးမတို = ဒမရှေ ဒမတို
ဓါးပြ = ဒမြ
ခေါင်းကုတ် =ဂေါင်းကုတ်
နွားထိုင်း နွားပျက် နွားနီ နွားပြာ = နထိုင်း နပျက် နနီ နပြာ
ထမင်းရည်= ထမရေ
ဝါးတော ၀ါးရုံ=၀တော ၀ရုံ
မြေးတကာမ = မြီးဒဂမ
တန်ဆာ = ဓဆာ
၃။
“ ဆရာကြီး သခင်ကိုယ်တော်မှိုင်း၊လေးချိုးပေါင်းချုပ် ” စာအုပ်ကိုဖတ်ပြီး ကျနော်တွေ့ ရှိတဲ့ ဆရာကြီးရဲ့ ကဗျာဆိုင်ရာ အတတ်ပညာများကို အနည်းငယ် တင်ပြခဲ့တာဖြစ်ပါတယ်။အခုတော့ ဆရာကြီးသခင်ကိုယ်တော်မှိုင်း ကွယ်လွန်တာ (၄၅)နှစ်ပြည့်ခဲ့ပါပြီ။ဆရာကြီးကွယ်လွန်တဲ့အခါ ကဗျာလောကမှာ မဟာကဗျာလေးချိုးကြီးခေတ်ဟာလည်း နိဂုံးချုပ်သလိုဖြစ်ခဲ့ပါတယ်။ဒါကတော့ နှောင်းလူတွေက နောက်ထပ်ကဗျာသစ်တွေထပ်ပြီးဖေါ်ကြတာလည်းပါ၊ ဆရာကြီးထက်ကျော်ပြီး ဘယ်ကဗျာဆရာမှ မဟာကဗျာလေးချိုးကြီးတွေ မရေးစပ်နိုင်တာလည်း ပါလိမ့်မယ်ထင်ပါတယ်။
ဒီဆောင်းပါးမှာ ဆရာကြီးရဲ့ ကဗျာအတတ်ပညာဆိုင်ရာ နည်းနာတွေကို အနည်းငယ်မျှသာ ဖေါ်ပြနိုင်ကြောင်း ၀န်ခံပါတယ်။စာဖတ်သူများ ဖြည့်စွက် ဆက်လက်လေ့လာနိုင်ဖို့ အတွက်သာ ရည်ရွယ်ပြီးရေးခဲ့ခြင်းဖြစ်ပါတယ်။ ။
ငြိမ်းဝေ
မှီငြမ်း။ ။ဆရာမောင်စွမ်းရည် ရဲ့ “ ဆရာကြီးသခင်ကိုယ်တော်မှိုင်းရဲ့ ကဗျာဟန်တကွက် ”
ဆောင်းပါး။ (စာပေအင်အား...စာအုပ်မှ )
အဲဒီ စာအုပ်တွေ ၀ယ်လို့ရနိုင်ပါသလား ဆရာ
ReplyDelete