သစ္စာတရားနှင့် သတ္တိခွန်အား

ကျမတို့

ဟောဒီ လူပုဂ္ဂိုလ်တွေ

သေးငယ်ပြီး အထီးကျန်ဆန်လှတဲ့

ဂြိုလ်ကမ္ဘာပေါ်မှာ နေထိုင်ရင်း

သင်္ကေတ အားလုံးက ပြောပြနိုင်ရာ

ပန်းတိုင်တခုဆီ ဦးတည်ရင်း

သူစိမ်းဆံဆံ ကြယ်ကောင်းကင်အောက် ဖြတ်လာခဲ့ကြ

နေရောင်ခြည်များထဲ နမော်နမဲ့ဆံဆံ ဖြတ်လာခဲ့ကြ

အဲဒီပန်းတိုင်ဆိုတာ

ကျမတို့ လေ့လာသင်ယူဖို့

မဖြစ်မနေလိုအပ်ပြီး ဖြစ်နိုင်ဖွယ်လည်းရှိတဲ့

သူရသတ္တိနဲ့ အံ့မခန်း သစ္စာတရားတို့

တည်ရှိရာ နေရာပါပဲ။

မသိန်းရှင်ဆီ ပို့ပေးပါ

(၁၆)…နိဂုံးပိုင်း။

နောက်ဆုံးနေ့မှ နောက်ဆုံးမိနစ်များ
ထိုနေ့မှာ သူ ထန်းလျက်များ ပြန်တင်လာခဲ့သည့်နေ့ ဖြစ်သည်။
ထိုနေ့တနေ့လုံး သူသည် ကျနော့် ကို သူ့ အနားတွင် သူထိုင်သည့်ခုံပေါ်၌သာ ရှိစေချင်သည်။ တလက် မမျှဝေးသည်ကိုပင် သူ မနှစ်သက်။ လူကြားထဲတွင် ဖြစ်သောကြောင့် ဣနြေ္ဒကြီးနှင့် နေရသည်ကို သူသည် အကျဉ်းထောင်၌ အချုပ်အနှောင် ကျနေသလို ခံစားနေရပြန်သည်။

မသိန်းရှင်ဆီ ပို့ပေးပါ

(၁၅)
ချစ်သက် ခုနှစ်ရက်

လေးအိမ်ရွာ၌ ကျနော်တို့သည် ညားစ ဇနီး မောင်နှံဟု ပြောပြီး အပ်ချုပ်စက်ဝယ်ရင်း တည အိပ်ခဲ့ကြ၏။ ကျနော်တို့ ကိုယ်တိုင်ကလည်း ညားစ အခါဟု ယုံကြည်နေခဲ့သည်။ လေးအိမ်ရွာမှ နေ့ခင်းဖက် အပြင်သို့ ထွက်လာခဲ့လျှင် သူသည် ကျနော့် လက်မောင်းကို ညားစ လင်မယားလိုပင် မလွှတ်တမ်း ဆုပ်ကိုင် ဖက်တွယ်ထားခဲ့လေသည်။

“သူက သူများကို ညားနေကြပြီပြောတော့ ကိုသိန်းအောင်ကြီး ပြုံးနေတာ ရှက်လိုက်တာ” ဟု သူသည် ပြောလာခဲ့သည်။

မာနယ်ပလော

ငါကိုယ်တိုင်ရွေးချယ်ပြီး
ငါကိုယ်တိုင် တည်ဆောက်တဲ့ ဘူတာ
အဲဒီကနေပြီး
ငါတက်စီးခဲ့တဲ့ရထား
အဲဒါ “မာနယ်ပလော”။
(၁၉၉၂၊ဇွန်…)

ကွေ့ ချလိုက်တဲ့မြစ်တစ်စင်းပေါ်က သက်သေခံပစ္စည်းများ

နာကျင်ကိုက်ခဲလွန်းနေဆဲ နာဂစ်…။
နာဂစ်လေမုန်တိုင်းဒဏ်ခံခဲ့ကြရတဲ့ မြစ်ဝကျွန်းပေါ်က ကျနော်တို့ ညီအစ်ကိုသားချင်းတွေကို
အကူအညီပေးဖို့ ရံပုံငွေရှာတဲ့အနေနဲ့ မြန်မာကဗျာဆရာတွေက “မေရဲ့ပန်းပွင့် သို့ မဟုတ် ကမ်းပါးပေါ်က ကျွံကျသွားသော ”လို့ အမည်ပေးထားတဲ့ ကဗျာစာအုပ်တစ်ထုတ်ဝေခဲ့ပါတယ်။ ဒီစာအုပ်ကိုဖတ်တော့ ကျနော်ကလည်း နာဂစ်အထိမ်းအမှတ်ကဗျာတပုဒ်ရေးခဲ့တာ ပြန်ပြီး သတိရနေမိတယ်။ ပြည်တွင်းက ကဗျာဆရာတွေနဲ့ အတူတွဲပြီး အလုပ်လုပ်လိုက်ချင်တဲ့စိတ်တွေ ပေါ်ပေါက်လာရပါတယ်။ ဒီကြားထဲ ဒီကဗျာစာအုပ်နဲ့ တွဲပြီးပါလာတဲ့ ကဗျာရွတ်ထားတဲ့အခွေထဲမှာ နှစ်ပေါင်းများစွာ လူချင်းခွဲနေခဲ့ကြရတဲ့ ကျနော်ချစ်ခင်ရတဲ့ ကဗျာဆရာတချို့ ရဲ့ကိုယ်တိုင်ကဗျာရွတ်တဲ့အသံတွေကိုလည်းကြားရတော့ ကျနော့်အဖို့  အားလုံးကို လွမ်းရပြန်တာပေါ့။ အထူးသဖြင့် ညီမငယ်လေးလို ချစ်ခင်ခဲ့ရတဲ့ ကဗျာဆရာမ ဧဧသန်း၊ (ကို)အောင်ဇင်မင်း၊ ကိုခါးကြီး(ငခါး-ကွမ်းခြံကုန်း)တို့ ရဲ့အသံတွေကို နှစ်ပေါင်း(၂၅)နှစ်အတွင်း ဒါဟာ ပထမဦးဆုံးအကြိမ် ကျနော် ပြန်လည်ကြားခွင့်ကြုံလိုက်ရတာပါ။ သူတို့ ကတော့ ကျနော့်အသံကို လေလှိုင်းထဲကတဆင့် ကြားကောင်း ကြားနေနိုင်ကြမလား။ ဒီကနေ့ တော့ နာဂစ်အထိမ်းအမှတ် ကျနော်ရေးဖွဲ့ ခဲ့တဲ့ ဒီကဗျာရှည်ကိုပဲ ကျနော့် ဘလော့မှာ တတိယအကြိမ်အဖြစ်တင်လိုက်ပါတယ်။ သရုပ်ဖေါ်ပုံကတော့ “မေရဲ့ပန်းပွင့် သို့ မဟုတ် ကမ်းပါးပေါ်က ကျွံကျသွားသော” ကဗျာစာအုပ်ထဲက ဆရာ မင်းဝေအောင် ရဲ့ပန်းချီပုံကို စကင်ဖတ်ပြီးတင်လိုက်တာပါ။

ဘယ်ဝယ် မြောက်တောင်

(က)
၁၉၉၅ ခု၊ ဇန်နဝါရီလ..၂၂ ရက်၊ တနင်္ဂနွေနေ့ ။
မနက်မိုးလင်းတော့ လက်နက်ကြီးပစ်သံများနှင့် မျက်နှာသစ်ရလိမ့်မည်ဟု ထင်မထားခဲ့မိသည့်အတွက် အနည်းငယ်တော့ စိတ်ပူသွားမိသည်။ သည်အတိုင်းဆိုလျင် အခြေအနေတွေက ဘယ်လိုဖြစ်လာလိမ့်ဦးမလဲ။ ကျနော် တကယ်မခန့် မှန်းတတ်ပါ။

ရေနဲ့ ငါး

(က)
ရေသိမ်ကလေးပေါ်တွင် သူတစ်ယောက်တည်း ထိုင်နေသည်။
အကာအရံမရှိသဖြင့် ရေသ်ိမ်ကလေးတဝိုက် ကွင်းအနှံ မြင်နေရ၏။ တွဲလောင်းချထားသည့် ခြေထောက် အောက်တွင် မြက်ရိုင်းများထလျက်။ ရေခန်းလျက်ရှိသည့် ရိုးကလေးမှာ ခတ်ဝေးဝေးအရောက်တွင် သောင်ပုရွာ ဖက်သို့ ချိုးကွေ့ လိုက်၏။ ငှက်ပျောတောတန်းထဲ ခေါင်းထိုးပြီးဝင်သွား၏။

ဝါးတံတားတခုက ရိုးအလယ်တွင်ဆောက်ထားသည့် ရေသိမ်ကလေးနှင့် ရိုးထိပ်ကမ်းပါးကို ဆက်သွယ်ထား ၏။ သူက ရေသိမ်ကလေးပေါ်တွင်ထိုင်ရင်း သူ့ စာသင်ကျောင်းကလေးအကြောင်းကို စဉ်းစားသည်။

မသိန်းရှင်ဆီ ပို့ ပေးပါ

(၁၄)

မိုးတွေက မှောင်နေသည်
ထိုနေ့က အင်တောကျယ် ဘူတာတွင် ခရမ်းချဉ်သီး ဖုံးထားသော သူ့ ထန်းလျက်သေတ္တာများကို တင်နေစဉ် ကတည်းက မိုးကောင်းကင်မှာ မှောင်ပိန်းလာနေသည်။
အမှောင်ရိပ်များအောက်၌ တောင်တန်းကြီးများ တဖြည်းဖြည်း ပျောက်ကွယ်သွား သည်။ ထန်းတောညိုကြီးများသည် ညစ်မှိုင်းသွားသည်။

ကဗျာဆရာ ငြိမ်းလူ ကွယ်လွန်ခြင်းနှင့် လွမ်းသူ့ ကဗျာပန်းခွေများ

ကျနော်တို့ ရဲ့ ချစ်ခင်လေးနက်ရပါသော တော်လှန်ရေးသမား ကဗျာဆရာ ငြိမ်းလူ(မောင်မောင်ငြိမ်း)
၂၉၊ ၄၊ ၂၀၁၀ နေ့ က မမျှော်လင့်ပဲ ကွယ်လွန်သွားခဲ့ပါတယ်။

တော်လှန်ရေးသမားလည်းဖြစ်၊ ကဗျာဆရာလည်းဖြစ်၊ လူတိုင်းချစ်ခင်ဖွယ်လည်း ဖြစ်ခဲ့တဲ့ ကဗျာဆရာငြိမ်းလူ ရဲ့ ရုပ်ကလပ်ကို မေလ ( ၁ ) ရက်နေ့ မှာ ဝမ်းနည်းခြင်း ဂုဏ်ပြုခြင်းအခမ်းအနားပြုလုပ်ပြီး မီးသဂြိုလ်ခဲ့ပါတယ်။
အဲဒီဈာပနအခမ်းအနားမှာ ကျနော်လည်းပဲ ကဗျာတပုဒ်ရွတ်ဆိုပြီး (ကို)ငြိမ်းလူ ကို ဂုဏ်ပြုလွမ်းသခဲ့ပါတယ်။ အဲဒီနေ့ က ကျနော်ရွတ်ဆိုခဲ့တဲ့ကဗျာဟာ (ကို) ငြိမ်းလူ နောက်ဆုံးရေးဖွဲ့ သွားခဲ့တဲ့ ကဗျာဖြစ်ပါတယ်။

ဆရာငြိမ်းလူ နောက်ဆုံးရေးဖွဲ့ သွားခဲ့တဲ့ အဲဒီကဗျာနဲ့ 
ကဗျာဆရာ မောင်လွမ်းဏီနဲ့ ကဗျာဆရာ အုပ်စိုးနိုင်တို့ ရဲ့ လွမ်းသူ့ ကဗျာ (၂)ပုဒ်ကိုလည်း ပူးတွဲဖေါ်ပြလိုက်ပါတယ်။

(ကို)ငြိမ်းလူရေ..၊ခင်ဗျားကတော့ပြောတာပဲ
“ကျနော်လိုချင်တာ နည်းနည်းလေးပါဗျာ
ဒါတောင်မှ
ဘယ်တုန်းကမှ မရခဲ့ပါဘူး↔တဲ့။
ဘယ်ဟုတ်မလဲ
ခင်ဗျား
အများကြီးရခဲ့တယ်
ခင်ဗျား
ဘဝကို အနိုင်နဲ့ ပိုင်းနိုင်ခဲ့တယ်
အထူးသဖြင့်
ကျနော်တို့  မရနိုင်သေးတဲ့ ဂုဏ်ဒြပ်ဟူသမျှ
ခင်ဗျား ရသွားခဲ့တယ်ဆိုတာ
ခင်ဗျားရဲ့ အသုဘအခမ်းအနားမှာ
လူတိုင်း သဘောပေါက်ခဲ့ကြတာပဲ
မြတ်သောသေခြင်းပါ ရဲဘော်..
ကျနော် တကယ်ပဲ ကြေကွဲရပါတယ်။

ငြိမ်းဝေ

ပြောင်းခင်းထဲက နေ (သို့) ရင့်မှည့်စေသော စာမျက်နှာ

ထားခဲ့ညနဲ့
သွားမဲ့ည
မှောင်တာ တူတာပဲလား။

ဖနောင့်မှာ
မနှုတ်ဖြစ်ခဲ့တဲ့ဆူးက
ပိုနက်သလား။

ထိတာနဲ့
ရုန်းဖို့လား
အနီလား
အစိမ်းလား။

ကမ်းပါးကိုမထိတဲ့ လှိုင်းဆိုတာကော
ရှိသလား။

ညကိုလမ်းလျှောက်
တောင်မြောက်ကို ကြည့်ခွင့်မရတာ
အပြစ်လား။

ဖုန်းဆိုးတောင်ယာ
တသီတတန်း
ဒီလမ်းကိုတော့ ကဗျာမဖွဲ့နဲ့ ။

တို့မှာ
တောင်တန်း
ကမ်းပါး
လမ်းသွားတွေရှိပါလျှက်
ဖြစ်ရရင်လေ
ရက်ရက်စက်စက်။

အရည်ပြားပေါ်မှာ
ထင်ကျန်နေတဲ့
အမဲစက်တစက်အတွက်
ခရီးမထွက်နဲ့လို့
ပြောပြသူတွေအတွက်တော့
မနက်ဖြန်မှာ
လ္ဘက်ရည်ဖန်ဖန်လေး
တခွက်…..
တိုက်လိုက်ပါ။

ဒါပြီးရင်လေ
သူတို့က
ပါရီကနံရံတွေအကြောင်း
ဇီမာလမ်းဆုံအကြောင်း
ခင်ဗျားကို ကောင်းကောင်း ပြောပြလိမ့်မယ်။

ဆေးရေးနှုတ်သွင်း
ချစ်ခြင်းသီဖွဲ့
ဗင်းနစ်ရဲ့ ပန်းခင်းလှေတွေအကြောင်း
မညောင်းတမ်းပေါ့။

မြင်းတစီး
ဓါးတလက်နဲ့
ဇောရိုးရဲ့ ရုပ်ရှင်ကို
မကြည့်ရစကောင်းလားလို့
စောင်းပါးရိပ်ခြေ
ပြောလေအုံးမယ်။

ပြီးတော့ စစ်တွေနဲ့ ညှပ်ထားတဲ့
ပါမုန့်တချပ်လက်ဆောင်
စကပ်တိုတိုပေါင်ပေါ် တင်ပေးလိုက်မယ်။

အဲဒီအချိန်မှာပဲ
အသံမကြားအောင်
ကြွေရေသုတ် ပန်းကန်တချပ်ကွဲ
ဟန်ဆောင်ပြီးထွက်ခွာသွားမြဲ…..။

ခင်ဗျားတို့ လေ့လာနေကြ
ကဗျာထဲက
နာရီမဲ့တဲ့ အိုကိုးရဲ့ဘ၀ထဲမှာ….
ကျနော်မွေးတုန်းကလည်း
လင်းကြက်တွန်စဲ
တောင်ယာပေါ်ချိန်ပဲနော်…….။ ။

ငြိမ်းလူ
Australian Burmese Community Journal အတွဲ (၁) အမှတ် (၁၀) မေလထုတ်အတွက် ကိုငြိမ်း (ကဗျာဆရာ ငြိမ်းလူ) ရေးပေးခဲ့တဲ့ ကဗျာပါ။ ဒါဟာ ဆရာငြိမ်းလူရဲ့ နောက်ဆုံးကဗျာလည်း ဖြစ်ပါတယ်။

ရိုးမပေါ်မှာ အိပ်ပါစေ

ကောဇာသက္ကရာဇ်၊ ခွန်နှစ်ဆယ်နှစ်
ခရစ်သက္ကရာဇ် နှစ်ထောင်တဆယ်
ရိုးမဆွယ်မှာ နေကွယ်ခဲ့တဲ့ အချိန်လား။

လဇူလိုင်ကို
မင်း မပိုင်တော့ဘူးလို့ 
ငါ မပြောနိုင်ဘူး
မင်းက ရဲဝံ့သူကြီး တယောက်ပါ။

ငုယင်ဗန်ထရွိုင်း
သမိုင်းပုံရိပ် ၊ အိပ်မက်ရှည်လျား
တံတားအောက်မှာ မင်းရပ်စောင့်တယ်။

ငှက်ဖျားအဆိပ်၊ ကြိတ်မှိတ်အာခံ
တိတ်ဆိတ်ညယံ၊ နွေမီးလျှံ၌
မောင်းပြန်တိုက်ချွက်နေဆဲလား။

ဒေါင်းအိုးဝေ မီးကျည်
ရိုးမပေါ်က ကြယ်နီ
ဒီလှိုင်းတွေ မြင့်သစ်တဲ့ ရာသီ
ငါ့ဆီလာခဲ့အုန်းလေကွာ။

ကွမ်းတယာညက်၊ အရက်တလုံး
ပြည်ဖုံးကားချ။ သေတမ်းကဗျာ
ဖွေရှာထုဆစ်နေစဉ်မှာ၊

သင့်ရဲဘော်တို့ ၊ ကဗျာအလံ
တ၀က်ထူလွှင့်နေပြီကော။ ။

(ရဲဘော်ရေးဖော်ငြိမ်းလူသို့ )
မောင်လွမ်းဏီ
၂၈ - ၄- ၂၀၁၀

အလွမ်းစာ

ပြောလို့ မှမဆုံးသေး
မာနယ်ပလောကို လွမ်းတယ်
ထားဝယ်ခရိုင်ကလေးကို လွမ်းတယ်
စခန်းသစ်ရွာကလေးကို လွမ်းတယ်
မယ်တုကွီချောင်းကလေးကို လွမ်းတယ်
လွမ်းတယ် လွမ်းတယ် လွမ်းတယ်
လွမ်းစရာတွေများနေတုန်း
အလွမ်းဗုံး နောက်တလုံး
(၀ုန်း) ကနဲ ကွဲသွားပြန်ပါပကော ...

ခင်ဗျားက ..
ရဲဘော်တွေကိုချစ်တယ်
တော်လှန်ရေးကိုချစ်တယ်
ဗိုလ်မှူးကြီး စိန်မြကိုချစ်တယ်
ရေးဘော် ရေးဘက် တွေကိုချစ်တယ်
မိချမ်းလွန်ကိုလဲ ချစ်ခဲ့တယ်

“ကျနော်လိုချင်ခဲ့တာနဲနဲလေးပါဗျာ
ဒါပေမဲ့ ..
ဘယ်တုန်းကမှ မရခဲ့ပါဘူး↔တဲ့
ဒဏ်ရာဗလပွနဲ့ 
ခင်ဗျားဘ၀ တစွန်းတစ
ကြားခဲ့ရဖူးပါရဲ့ 
တခါတုန်းက စခန်းသစ်ညများမှာ ...

“သွားကြ သွားကြ
ခင်းဗျားတို့  အကုန်လုံးသွားကြ
လကမ္ဘာရောက်အောင်သွားလိုက်ကြ
ကျုပ်ကတော့
တော်လှန်ရေးထဲမှာပဲ နေမယ်
တော်လှန်ရေးထဲမှာပဲ သေမယ်”တဲ့
သစ္စာ မြဲသူကြီးရဲ့ စကား
နိမိတ်များဖတ်ခဲ့လေသလား ဗျာ ...

လှေခွက်ချည်း ကျန်ရင်တောင်
အလံထောင်နေဦးမယ့် မောင်ငြိမ်း
“မိုက်လို့ သောက်တာမဟုတ်
ကြိုက်လို့ ကို သောက်တာတဲ့”

ဘယ်သူ့ ဆီကမှ
ဘာအခွင့်အရေးမှ မယူခဲ့တဲ့
တောပျော်ကြီးရေ ..
မြို့ မှာနေရတာ
အသက်ရှူရ ကြပ်သတဲ့
န- ၀ - တ ပြီးရင်
ထိုင်းပုလိပ်ကိုအမုန်းဆုံးဆိုတဲ့လူ
မြို့ ပြရဲ့ အပူရောင်တွေကြားမှာ
ခုတော့လဲ ..
ဘယ်သူ့ ကိုမှ ဒုက္ခမပေးဘဲ
လမ်းခွဲလို့ သွားခဲ့ပါပကော ...

လွမ်းလို့ ကောင်းနေတုန်းပါဘဲ ကိုငြိမ်းရေ ...
ကျုပ်ကလဲ
လူတိုင်းကို လွမ်းနေရတဲ့ကောင်
အမှတ်ရစရာလေးတွေက ဟိုရောက် ဒီရောက်
ကြေကွဲပွင့်ကြီးတွေကလဲ တောင်လိုပေါက်
ဟိုအရင်တုန်းကလိုဘဲ
ကျနော့်ကဗျာ တခွက်နှစ်ခွက်လောက်
ခင်ဗျားထ လို့ သောက်ကြည့်ပါဦးလားဗျာ...။

အုပ်စိုးနိုင်

မသိန်းရှင်ဆီ ပို့ ပေးပါ

(၁၃)
နောက်ပိုင်းနေ့ရက်များ

“ဘာလိုလိုနဲ့ နော် မိုးတွေတောင် ရွာလာဘီ↔

နောက်ပိုင်းနေ့ရက်များ၌ ညိုညိုသည် ထို စကားစုကို အမှတ်မဲ့ ပြောနေတတ်သည်။
သူသည် သူ့ လက်ကို ရထားပြတင်း အပြင်ဖက်သို့ ဆန့်ထုတ်ထားသည်။ သူ့ လက်ဖဝါးပြင်ပေါ်၌ မိုးပေါက်များ သည် တဖြောက်ဖြောက် ကြွေကျနေ၏။ မိုးစက်များသည် ရထားပြတင်းဘောင်မှတဆင့် သူ့မျက်နှာပေါ်သို့ လွင့် စဉ်နေ သည်။
“ဘယ်တော့များ သူများတို့ အတူ နေကြရမှာလဲ... ဟင်” ဟု သူ့ စိတ်တွင်းမှ မေးနေသံကို ကျနော့် စိတ်အာ ရုံဖြင့် ကြားနေရသည်။
သူ ထိုသို့ တကယ် ဖွင့်ဟမေးလိုက်လျှင် မည်သို့ ဖြေရမည်ကို မသိ။
မှောင်လာလျှင် သူသည် သူ့ လက်တဖက်ကို ကျနော့် လက်ဖဝါးထဲ လာထည့်သည်။
ကျနော်သည် နွေးနေသည့် သူ့ လက်ကလေးကို ဆုပ်ကိုင်နေရင်း.... ဤ ရက်များအတွင်း၌ သူ့ အမေ ကျန်းမာရေး ချို့တဲ့လာနေသည်ကိုလည်း တွေးနေမိ၏။
သူ့ ကုန်များ မကြာမကြာ အဖမ်း ခံနေရသည်ကိုလည်း တွေးမိသည်။

ကိုရွှေယောက်ကြီး ပြထားသည့် အိမ်သာအမိုး၌ အပေါက်ပါသော ရထားတွဲမှာလည်း မြစ်ငယ် တွဲပြင်ရုံသို့ ပို့လိုက်ပြီဖြစ်သဖြင့် ညိုညို့ ထန်းလျက်များကို ခိုးဝှက်တင်ရန် နေရာ မရှိတော့သည်ကိုလည်း တွေးနေမိသည်။
ထွန်းမောင်အပါအဝင် မီးရထားရဲသားအချို့နှင့်မညွန့်ရီတို့ မသင့်တင့်ကြသဖြင့် ခုရက်ပိုင်း၌ တောင် တွင်းကြီး ဘူတာမှ အဖမ်း အဆီးများ ပို၍ထူပြောနေသည်ကိုလည်း တွေးနေမိသည်။

မကြာမီကပင် မီးရထားပေါ်မှ ဆင်းသက် ပျောက်ကွယ်သွားကြသည့် ကိုစိုးမောင်နှင့်မအေးသွယ်တို့ကိုလည်း သတိရနေမိပြန်သည်။
ကိုစိုးမောင်သည် စစ်သားဟောင်းလည်း ဖြစ်၏။ တောခိုရဲဘော်လည်း ဖြစ်ဖူးသည်။ ထောင်လည်း ကျဘူး သည်။
သူသည် စကားပြော ချိုသာသည်။
ထန်းလျက်များကို ကျောက်ပန်းတောင်းအထိ လိုက်မတင်။
အတာစန်းကုန်းမှ ထန်းလျက်များကို တင်သည်။
ထန်လျက်များ တင်ပြီးလျှင် သူသည် ကျနော်ရှိရာ ဂါတ်တွဲပေါ်သို့ တက်လာသည်။

“ညီရေ့ ... ဒီနေ့တော့ ဆယ့်ငါးဘဲ ပါတယ်၊ ညီ ပိုက်ဆံယူအုံးမလား၊ မယူတော့ဘူး မှုတ်လား ညီရာ...”
သူသည် ဆေးတံကိုဖွာရှိုက်ရင်း ပြုံးပြီး ပြောတတ်သည်။
“သုံးကျပ်တော့ ပေးအုံးဗျာ”
“တော်ပလား”
“ထပ်ပေးအုံးမလို့လား”
“တော်ဘီပြောမလားလို့ မေးတာပါကွာ”

သူသည် ရယ်မောရင်း ကျပ်တန်သုံးရွက်ကို ထုတ်ပေးတတ်သည်။
တခါတရံ၌ သူနှင့် ကျနော်သည် စကားကောင်းနေတတ်၏။

“အကိုက ညီ့ကို တကယ့်ညီလေးလို ယုံတယ်” ဟု ပြောတတ်သည်။
သူသည် မအေးသွယ်ကို သူ အတည်တကျ ပေါင်းသင်းချင်သည့် အကြောင်းများလည်း ပြောပြသည်။

“ဟိုတုန်းက အကို့မှာ သမီးတယောက်ရှိဖူးတယ်၊ အကိုထောင်ကျနေတုန်း မိန်းမလဲ နောက်ယောင်္ကျား ယူတာပေါ့၊ အကို့ သမီးလေး ဆုံးသွားတယ်၊ အဲတာ မအေးသွယ့်သမီးလေးကို အကို့ သမီးလို့ ယုံနေတယ်ကွာ၊ စိတ်ဆိုတာ စွဲလန်းမိရာဘဲ၊ တကယ်ကိုယုံနေတာ၊ ခလေးက နှစ်ခါလည်လောက်ရှိသေးတာမှုတ်လား၊ အမှန်တော့ မအေးသွယ်ကိုယ်တိုင်ကကို ဒီခလေးဟာ ဘယ်သူနဲ့ရလိုက်တဲ့ ခလေးမှန်း မသိဘူး၊ ဒါပိုကောင်းတာပေါ့ကွာ၊ ခလေးကလဲ အကို့ကို သူ့အဖေ အရင်းလို့ ယုံမှာ၊ အကို မအေးသွယ်ကို မကြိုက်လှပါဘူး၊ ချစ်တော့ ချစ်တယ်၊ သနားတာလို့ ပြောရမှာပေါ့၊ ဒီ မိန်းကလေးက မိဖမဲ့ မှုတ်လား၊ ဒါကြောင့် အကာအကွယ်မဲ့တဲ့ လူကျော်တန်တား ဖြစ်နေရတာပေါ့၊ အတည်ယူမယ့် ယောကျာ်းရှိရင် တကယ့်တည်တည်တံ့တံ့ မိန်းကလေး နေမှာ၊ သူ့ မျက်လုံးတွေ ကြည့်ပါလား၊ စိတ်ထား ဘယ်လောက်ဖြူစင်တယ်ဆိုတာ၊ ဒါတွေ ထားတော့ကွာ၊ အကိုက မဖြူဥလေးကို အိပ်မက် မက်မက်နေတယ်၊ ဒ်ီခလေးလေးကို ဘာလို့ ဒါလောက် စွဲလန်းနေမိမှန်း မသိပါဘူး”

သူသည် ရထားခုတ်မောင်းသံကို ကျော်လွန်ရန် အော်ပြောနေရသည်။ သူ့ နဖူး၌ ဝဲကျနေသော ဆံပင်များကို သပ်တင်နေရင်း သူ့ မျက်နှာမှာ ကြည်နူးချမ်းမြေ့နေခဲ့သည်။

“အကိုက တကယ်ယူမည်ဆိုတာ သူ မယုံဘူးကွာ၊ လေးငါးခါပြောတော့ အကို့ကို ဖက်ငိုတာ၊ ဒို့ ဒီက ဝေးတဲ့နေရာကိုသွားကြမယ်၊ ဘယ်ကို သွားရမယ်ဆိုတာတော့ တွေးမရသေးဘူး” ဟု သူသည် ရယ်သံဖြင့် ပြောနေတတ်သည်။
သူ၏ အစီစဉ်မှာ ဖြေးဖြေးအေးအေးမှဟု ထင်ခဲ့သည်။ ထို အစီအစဉ်အတိုင်းမှာ စိတ်ချမ်းသာဖွယ်ရာချည်း ဖြစ်လာတော့မည်ဟု တွေးခဲ့ရသည်။
သို့သော် သူသည် အမြန်ဆုံး စီစဉ်ဆုံးဖြတ်ခဲ့ရသည်။

သူတို့ မထွက်ခွါမီ တရက်က အတာစန်းကုန်းဘူတာမှ တက်လာခဲ့ပြီး သူသည် ကျနော့်ကို နှုတ်ဆက်သွား၏။
ထိုနေ့မှာ မိုးဖွဲ့များ စတင်ကျသောနေ့ ဖြစ်သည်ကို ကျနော်သည် မည်သည့်အခါတွင်မှ မေ့နိုင်မည် မဟုတ်ပေ။
အတာစန်းကုန် ဘူတာမှ ရထားထွက်လာခဲ့သောအခါ သူနှင့်ကျနော်သည် ဂါတ်တွဲပက်လက်၏ နောက်ဖက် ဝရံတာ၌ မိုးဖွဲ့ကလေးများကြားတွင် ရပ်လာခဲ့ကြသည်။ သူသည် ထန်းလျက် အကြောင်းလည်းမပြောတော့ပေ။ ကျနော့် ကို ငွေ သုံးကျပ်ပေးလှူရန်လည်း မေ့နေသည်။
မိုးများသည် အရပ်ရှစ်မျက်နှာ၌ ငိုနေသလို ညှို့ဆိုင်းနေသည်။ အပြာရောင်များ ဖုံးလွှမ်းနေသည်။ မိုးစက် မှုန်များသည် ကျနော်တို့ မျက်နှာများ ပေါ်သို့ ကျနေသည်။

“ဒီညဘဲ အကို မအေးသွယ်ကို ယူလိုက်တော့မယ် ညီရာ”

သူသည် ရထားသံကို ကျော်လွန်စေရန် အော်ပြောနေသည်။
သူ့မျက်နှာမှာ မဲပုပ် နေသည်။ သူ့ မေးကျောကြီးများ တင်းလာနေသည်။ မျက်လုံးများ နီရဲ လာနေသည်။ သူသည် စိတ်လှုပ်ရှားစွာဖြင့် သူ့ ဆံပင်များကို သပ်တင်နေသည်။

“မအေးသွယ်ဟာ မိန်းမပျက်ပေါ့၊ ဟုတ်လား၊ ဒါ လူတိုင်းသိပါတယ်၊ သူနဲ့ မအိပ်ဖူးတဲ့ လက်မှတ်စစ်မရှိဘူး၊ မညားဖူးတဲ့ရဲ မရှိဘူး၊ ဂါတ်ဗိုလ် မရှိဘူး၊ ရုံပိုင် မရှိဘူး၊ ကွာ... ပေါ်တာ... ဂျမဒါက အစ၊ ဒါပေမယ့် အကို အတည်အကျယူတော့မယ် ဆိုတာ လူတိုင်းကို ကြော်ငြာပြီးသား၊ ဒီ အချိန်မျိုးမှာ အမဲမဖျက်သင့်တော့ဘူး မှုတ်လား...

“တနေ့က ဟိုကောင်...ဟိုကောင် ဆိုရင် ညီသိပါတယ်၊ ကောင်မလေးကိုထန်းညက်ကော လူကောဖမ်းမယ်လုပ်တယ်ကွာ၊ ကောင်မလေးကလဲ ခု နေတော့ ထောင် မကျချင်တော့ဘူးမှုတ်လား၊ အဲတော့ ခေါ်ရာလိုက်သွားရတယ်၊ မထူးတော့ဘူးလေ၊ ပျဉ်းမနားခေါ်သွားတယ်၊ အဲတာ ဟိုကောင်က သူ့ အပေါင်း အသင်းတွေကို ကောင်မလေးနဲ့ဧည့်ခံတာ၊ လူ လေးဆယ်လောက်၊ ကုန်တွဲပေါ်မှာပေါ့ကွာ၊ ကောင်မလေး သတိလစ်သွားမှ ပစ်ထားခဲ့ကြတာ၊ ခု ကောင်မလေးကို ဆေးကျိတ်ကုနေတယ်....
“ညီ.... အကို လူတွေအများကြီး သတ်ဖူးပါတယ်၊ စစ်တပ်ထဲမှာရော တောထဲမှာရော တာဝန်ပေးလို့ သတ်ဖူး ပါတယ်၊ ခုတော့ လူမသတ်ချင်တော့ဘူး၊ အကို ထောင်ထဲဝင်ရင် ကောင်မလေး ပိုဒုက္ခရောက်မှာပေါ့ကွာ၊ မနက်ဖြန်ကာ ကောင်မလေး အိပ်ရာ ထနိုင်ပါဘီ၊ အကို ဒီနေ့ညဘဲ တရားဝင် လက်ထပ်မယ်၊ မနက်ဖြန်ကာ ခေါ်သွားမယ်၊ ဘယ်ကို သွားရမယ်ဆိုတာတော့ မသိသေးဘူး၊ ဒီက ထွက်သွားဖို့ဘဲ အရေးကြီးတာ၊ အဲတာ ညီ့ ကို အကိုနှုတ်ဆက်တာ”

နောက်ရက်မှစ၍ သူတို့ကို မတွေ့မြင်နိုင်တော့ပေ။
သူတို့ ဘယ်ဆီထွက်ခွါသွားကြပြီကို မည်သူမျှ သိနိုင်ကြမည် မဟုတ်ပေ။
ကျနော့် နားထဲတွင်ကား ကိုစိုးမောင်၏ စကားသံများသည် ပဲ့တင်ရိုက်ခတ်နေရစ်ခဲ့၏။ ထိုစကားလုံးများသည် မအေးသွယ် တယောက်တည်းကို ကွက်၍ ထွန်းညှိပြသည်ကား မဟုတ်။

ညိုညိုသည်လည်း သူတို့လိုပင် ရထားကြီးကို အပြီးတိုင် စွန့်ပယ် ထွက်ခွါသွားရလိမ့်မည် ဟူ၍ကား ကျနော်သည် မတွေးဘူးခဲ့။
စင်စစ်၌ ဤနေ့ရက်များမှာ ညိုညို ရထားပေါ်၌ နောက်ဆုံးလိုက်ပါနေသည့် နေ့များဖြစ်သည်ကို အကယ်၍ ကြိုတင် သိရှိနိုင်ခဲ့လျှင်လည်း အတူသွား အတူနေရစဉ်၌ ဖြစ်ပေါ်ခဲ့ရသည့် ခဏတာ ကြည်နူးမှုကလေးများသည် ရှိနိုင်မည် မဟုတ်တော့ပေ။

ညဦးပိုင်းများ၌ တောင်တွင်းကြီးတွင် ရထား ဆိုက်ရပ်လျှင် ညိုညိုသည် မြင်းလှည်းပေါ်သို့ ထန်းလျက်တောင်းများ တင်ပေးလွှတ်လိုက်ပြီး ကျနော်နှင့်အတူ မိုးရွာကြီးထဲ၌ မြို့ထဲသို့ ခြေလျင်လျှောက်ကြသည်။်
မိုးများ တဝေါဝေါသွန်းချနေစဉ်၌ ကျနော်တို့ နှစ်ယောက်စလုံးသည် လွတ်လပ်ပျော်ရွှင်နေခဲ့ကြ၏။
ကျနော်တို့သည် ရေ ပင်လယ်ဝေနေသည့် လမ်းပေါ်၌ ထီးတလက်တည်း အတူဆောင်းကာ လျှောက် သွားကြ၏။ သူ့ ပခုံးတဖက်နှင့် ကျနော့်ပခုံးတဖက်မှာမိုးရေများနစ်နေသည်။ မိုးရွာသံသည် ဆူညံနေ၏။ အမှောင်ရိပ်များ အုပ်ဆိုင်းနေသည်။
ကျနော်တို့ နံဘေး လမ်းမပေါ်မှ မြင်းလှည်းများဖြတ်မောင်းသွားနေကြသည်။
ကျနော့် စိတ်ထဲ၌ သူနှင့်ကျနော်မှာ ညားစ ဇနီးမောင်နှံလို ထင်နေပြန်သည်။
ကျနော်သည် သူ့ ခါးကိုသိမ်းပွေ့လိုက်၏။ သူသည် ကျနော့်လက်ကို အတင်းဖြုတ်နေ၏။ မရသောအခါ ပေါက်ပြဲ သွားအောင် ဆိတ်ဆွဲလိုက်လေသည်။ ကျနော့် လက်ကို ဖြေလွှတ် လိုက်ရသော်လည်း ကျနော်သည် သူ့ ကို လမ်းလျှောက်နေရင်း နမ်းပစ်လိုက်ပြန်သည်။

“သိပ်ကဲတယ်.... မုန်းစရာ ကောင်းလိုက်တာ”
သူက ပြောလိုက်သည်။
“ချစ်စရာကြီးပါ”
“အမယ်.... ဒီပုံလား ချစ်စရာကြီး”
“သေသေချာချာကြည့်ရင် ချစ်စရာ တွေ့လာမှာပေါ့”

သူသည် ခပ်တိုးတိုးရယ်သည်။ ကျနော့် လက်ကို လိန်ဆွဲလိုက်ပြန်သည်။
သူနှင့် ကျနော်သည် တတ်နိုင်သမျှ အနှေးဆုံး လမ်းလျှောက်နေကြ၏။ ကျနော်မြန်သွားလျှင် သူသည် ကျနော့် လက်ကိုဖမ်းဆွဲထား၏။ မင်္ဂလာလမ်းထိပ် ရောက်လျှင် သူက ရှေ့ဆက်သွားပြီး ကျနော် ထမင်းဆိုင်အတွင်းဝင်နေခဲ့ကာ လမ်းခွဲသွားရလိမ့်မည်။
ထိုအခိုက်အတန့်၌ကား နှစ်ဦးစလုံးပင် လမ်းကို သည်ထက်ပို၍ ရှည်စေချင်ကြသည်။ နှစ်ယောက်စလုံးပင် ကိုစိုးမောင်နှင့် မအေးသွယ်တို့ ခု အချိန်၌ ဘယ်ဆီ ရောက်နေကြမည်ကို တွေးနေမိကြ၏။ ထိုအတွေးကို သူ သည် လည်း ဖြတ်တောက်ပစ်ချင်လာပုံရသည်။

“ပင်းချောင်း ရဲတွေ နယ်ပြောင်းသွားရတာ သူ များတို့ မေတ္တာပို့လို့နေမှာ”

သူသည် စကားကို မဆီမဆိုင်ပြောရင်း ရယ်နေပြန်သည်။ ခုရက်များ၌ ပင်းချောင်းမှ အဖမ်းအဆီးများ လွတ် ကင်းနေပြန်ပြီ။ သို့သော် တောင်တွင်းကြီး၌ကား ပို၍ အဖမ်းအဆီးထူထပ်နေသည်ကို ကျနော်သတိရလာပြန်သည်။ ညိုညိုသည်လည်း ထန်းလျက် တဆယ်ထက်ပို၍ မတင်ဝံ့။ သူ့ အမေ၏ ပန်းနာမှာ ဆေးမဝယ်နိုင်သဖြင့် ပို၍ ဆိုးနေသည်ဟု သင်းသင်းပြောသည်ကို သတိရလာပြန်သည်။
ကျနော်သည် သူ့ အခက်အခဲအတွက် တကြိမ် ထပ်၍ ဖြေရှင်းရန် တွေးလာမိသည်။
ဤနည်းမှာ ခဏတာ လွတ်မြောက်ခွင့် ရသော နည်းဖြစ်သည်။ ကြာရှည် လွတ်မြောက်ခွင့် ရရန်မှာမူ သူ့ မိဖများ၊ ကျနော့် မိဖများကို ပစ်ပယ်ကာ ဇွတ်အိမ်ထောင်ပြုလိုက်ကြရန်၊ သို့မဟုတ် မအေးသွယ်နှင့်ကိုစိုးမောင်တို့လို အားလုးံကို စွန့်ပစ်ထွက်ပြေးကြရန် ဖြစ်သည်။ သူတို့ကား ကျနော်တို့ထက် ပို၍ ကံကောင်းထောက်မပေသည်။
ညိုညို၏ အတွေးများမှာလည်း မအေးသွယ်တို့ထံ ရောက်သွားပြန်သည်။

“ခုနေ မအေးသွယ်တို့ ဘယ်ဆီများ ရောက်နေကြမလဲ မသိဘူးနော်....”

သူက အသံ တိုးတိမ်စွာ ပြောနေသည်။်

“ကိုစိုးမောင်ကြီးက မအေးသွယ့် ခလေးကို သိပ်ချစ်တာဘဲတဲ့၊ သူတို့ ပျော်နေကြမှာဘဲနော်၊ သူတို့ကျတော့လဲ ဘယ်သူမှ မိဖတွေ ငဲ့စရာရှိတာမှ မဟုတ်တာနော်”

သူ့ အသံများမှာ မိုးရွာသွန်းနေသံများ အောက်၌ နစ်မြုပ်သွားနေသည်။
ကျနော်သည် မိုးရေစိုရွှဲနေသော သူ့ လက်ကလေးကို တင်းကျပ်စွာ ဆုပ်ကိုင်ထားနေသည်။
ဒို့လဲ ဇွတ်ယူလိုက်ကြမယ်လေ၊ ဘာဖြစ်ဖြစ်ပေါ့၊ ဒီလိုတော့ မင်းမလုပ်ရက်ဖူးမှုတ်လား၊ ဒို့ ဒီလိုချည့်တော့ အမြဲ နေသွားရမှာ မဟုတ်ပါဘူး၊ ညရှိရင် နေ့ရှိတာပေါ့၊ မိုးရွာရင် မိုးတိတ်တာရှိတာပေါ့၊ ဒို့ဟာ ကမ္ဘာခြားနေကြတာမှ မ ဟုတ်ဖဲ၊ ဒီလိုပေါ့ကွယ်၊ နေ့မှာ တယောက်မျက်နှာတယောက်မြင်ရတာ၊ ညကျတော့ မင်းမျက်နှာကို ပြန် တွေးကြည့်မယ်၊ မင်းအသံ ပြန်နားထောင်ကြည့်နေမယ်၊ ခုနေ ကို သာ မိုက်မိုက်ကန်းကန်း ထန်းညက်တွေ လှိမ့်တင် ခိုင်းလိုက်ရင် ငွေတွေ ဖြစ်လာနိုင်တယ်၊ ဒါတော့ မလုပ်ဖူး၊ အန္တရာယ်ကြီးတယ်၊ တနေ့တော့ မြှော်လင့်ချက် ရှိလာမှာ ပေါ့။
ကျနော့် ထိုအတွေးများကို သူ သိနေမည်ဟု ထင်မိပြန်သည်။

နိုင်ဝင်းဆွေ

အပိုင်း(၁၄)သို့ ဆက်လက်ဖတ်ရှုပါရန်...