ချစ်သူတို့ ရဲ့ပွဲ

ချစ်သူတို့ ရဲ့ပွဲ

အပိုင်း (၆)
၂၆ ၊ ၃ ၊ ၂၀၁၀

မနက်မိုးလင်းလို့ မျက်နှာသစ်ပြီးတာနဲ့ တပြိုင်နက် အပြင်ဖက်စားပွဲမှာထိုင်ပြီး ကျနော် ဒီကနေ့ တင်မယ့်စာတမ်းလေးကို ဖတ်ပါတယ်။ ကျနော့်မှာ အကျင့်တခုရှိတယ်။ ကိုယ်ရေးထားတဲ့ စာမူကို အကြိမ်ကြိမ်ပြန်ဖတ်တတ်တဲ့ အကျင့်ဖြစ်ပါတယ်။ အထူးသဖြင့် ကဗျာဆိုရင် ပိုပြီးဖတ်တတ်ပါတယ်။ ဖတ်ရင်လည်း အနီးအနားမှာ လူသူမရှိဘူးဆိုရင် အသံထွက်ပြီးမှ ဖတ်ပါတယ်။
ဒီကနေ့ တင်မယ့်စာတမ်းလေးကို ကျနော်က အကြိမ်ကြိမ်ပြန်ဖတ်ပြီးပါပြီ။ ဒါပေမယ့် ပြန်ဖတ်ချင်တဲ့စိတ်က ရှိနေသေးလို့ ခတ်စေါစေါအိပ်ယာက နိုးတာနဲ့ တပြိုင်နက် ပြန်ဖတ်ဖို့ စားပွဲမှာ ထိုင်လိုက်တာပါ။ အမှန်အားဖြင့်ပြောရရင် ဒီစာတမ်းက ကျနော် နောက်မှထပ်ရေးတဲ့စာတမ်းပါ။ ဒီညီလာခံအတွက် ပထမ ရည်ရွယ်ထားတဲ့စာတမ်းက ဒီစာတမ်းမဟုတ်ပါဘူး။

ကျနော့်ရဲ့ နိုင်ငံပြင်ပရောက်ခဲ့ ရတဲ့သက်တမ်း ၁၈ နှစ်တာကာလအတွင်း ကျနော်တကယ်ခံစားခဲ့ရတဲ့ နာကျင်မှုတခုလို့ ပြောနိုင်တဲ့ကိစ္စကို စာတမ်းတင်ဖို့  ပထမ ရည်ရွယ်ခဲ့တာပါ။ စာတမ်းရဲ့အမည်ကိုတောင်မှ ရွေးချယ်ထားပြီးသားပါ။ ကျနော်နဲ့ ခင်တဲ့ မိတ်ဆွေတချို့ ကို “ကဗျာဆရာ့ကဖေး” မှာတွေ့ တိုင်း ဒီစာတမ်းကိုရေးမယ်ဗျာလို့ ပြောနေခဲ့တာပါ။ ဒါပေမယ့် ညီလာခံကျင်းပမယ့်ရက် နီးလာတော့ အခုရေးလာတဲ့စာတမ်းကိုပဲ ရေးဖြစ်သွားပါတယ်။ ပထမ ရေးဖို့ စဉ်းစားထားတဲ့စာတမ်းခေါင်းစဉ်က “ ပြည်ပ မြန်မာစာပေနယ်ပယ်ထဲက ရသစာပေ ခမ်းခြောက်မှု ” ဆိုတဲ့ ခေါင်းစဉ်ပါ။ ဒီခံစားနာကျင်မှုကြောင့်ပဲ ဘလော့လုပ်ဖို့ ဆုံးဖြတ်ခဲ့တာဖြစ်နိုင်ပါတယ်။ ကျနော့်ဘလော့မှာ ရသစာပေတွေ ကိုယ်ကိုယ်တိုင်ကလည်းရေး သူများရဲ့ ကိုယ်နှစ်သက်တဲ့စာတွေကိုလည်း တင်မယ်ပေါ့။ နောက်တော့ အကြောင်းအမျိုမျိုးကြောင့် အဲဒီစာတမ်း မရေးဖြစ်ခဲ့ဘူးဆိုပါတော့။ မိတ်ဆွေတချို့ ကလည်း “ ဒီခေါင်းစဉ်နဲ့ ဆိုရင် ခင်ဗျား ကပ်ကပ်သပ်သပ် ဝင်ရေးနေရတဲ့ ပလက်ဖေါင်းတခုတလေတောင် ခင်ဗျားစာမူတွေ ကန်းသွားနိုင်တယ်” လို့ ပြောတာလည်းရှိပါတယ်။ ကျနော်က မချိပြုံးတော့ ပြုံးမိတာပေါ့လေ။ သူပြောတာ ဟုတ်သလောက်လည်း ဟုတ်မယ်ထင်သလားပဲ။ ကျနော်ကိုယ်တိုင်ကလည်း ဝင်ရေးချင်ပြီး ကျနော့်ကို ဝင်ရေးခွင့်ပြုထားတဲ့ ပလက်ဖေါင်းဆိုတာ ဒီဖက်မှာ တကယ့်ကို လက်ငါးချောင်းပြည့်အောင်ရေလို့ မရသလောက်ပါပဲ။ ဒါတောင် အတော်လေးကို ညှိပြီး ကိုယ်ကလည်းဝင်ရေးချင်တဲ့ ပလက်ဖေါင်းတွေမို့ ပါ။ အခုတော့ အခြေအနေကမပေးဘူးလေ။ နိုင်ငံရေးအခြေအနေတွေက အခုတင်မယ့်စာတမ်းကို ပိုပြီးလိုအပ်မလားအထင်နဲ့ ဒီစာတမ်းကို ချရေးဖြစ်သွားတာပါ။ပြီးတော့ စာမူခပြဿနာကိုလည်း ပြောလိုက်ချင်သေးတာ။ ဒါတွေကိုပြောရင် ဒီလူ ဘာတွေလာပြောနေတာလဲဆိုပြီးပြောလာမယ်လည်းထင်လို့ ခဏ ရှိုခဲ့ရတယ်ဆိုပါတော့။ နောင် အခြေအနေပေးရင်တော့ ကျနော် ပြောရပါလိမ့်ဦးမယ်။

ကျနော့်စာတမ်းလေးဖတ်နေတုန်း ဆရာနေမျိုးအေးနိုးလာပါတယ်။ သူနဲ့ ကျနော် အောက်ထပ်ကိုဆင်းလာတော့ အခန်းထဲမှာ လူသိတ်မရှိပါဘူး။ ကျနော်တို့ နှစ်ယောက်က ကျနော်တို့ ရဲ့စာတမ်းကို တက်တဲ့သူတိုင်း ဝေပေးစေချင်တာ။ ဒါမှ ကြိုဖတ်ထားပြီး မေးခွန်းမေးဖို့ ကျနော်တို့ စာတမ်းတွေကို ပိုပြီးနားလည်နိုင်ဖို့ ဖြစ်ပါတယ်။ ညီလာခံဦးစီးကျင်းပရတဲ့သူတွေရဲ့အခက်အခဲကို ကျနော်သိတယ်။ သူတို့ နဲ့ က အခုမှသိလာကြတာမှမဟုတ်တာပဲ။ ဒီညီလာခံဖြစ်ဖို့ သူတို့ ဘယ်လောက်အထိ ကျိုးပမ်းကြရသလဲဆိုတာ ကျနော်သိတယ်။ ဒီတော့ စာတမ်းတွေကို ကြိုတင်ပြီးဖြန့် ဝေဖို့ ကိစ္စလောက်ကတော့ အပူမကပ်တော့ပါဘူးလို့ တွေးထားခဲ့တာပါ။ ဟို လွန်ခဲ့တဲ့ သုံးနှစ် ကျနော်စာတမ်းတစေါင်တင်တုန်းကဆိုရင် ကျနော့်ဖါသာပဲ မဲဆောက်မှာကတည်းက လူ ၅၀ စာလောက် ကော်ပီကူးလာပြီးဖြန့် ဝေခဲ့တာပါ။ ဒီနှစ်ကျတော့ ဘယ်လိုကဘယ်လို အလုပ်တွေများပြီးမေ့သွားတယ်မသိပါဘူး။ မဲဆောက်ကမထွက်ခင် ညရောက်ခါမှ သတိရလို့ မိတ်ဆွေကော်ပီရာဆိုင်အတင်းအပူကပ်ပြီး ကိုယ်ဖတ်ဖို့ တကော်ပီပဲ ကူးခဲ့ရတယ်။

ကျနော်က ဆရာနေမျိုးအေးကို သတ်ိပေးရပြန်တယ်။ သူက အားနာတတ်လွန်းတဲ့သူ။ တော်ရုံအခက်အခဲကို ရုတ်တရက်ထုတ်မပြောတတ်တဲ့သူ။ ဒါနဲ့ ကျနော်က ခင်ဗျားဘယ်လိုလဲ ဖတ်ဖို့ စာတမ်းက ပရင့်ထုတ်ထားတာရှိသလား၊ အဆင်သင့်ပဲလား ဆိုတော့ အဲဒီတော့မှ သူ့ မှာ အဆင်သင့်မဖြစ်သေးဘူး ကိုလွမ်းဏီကို ပြောရအုန်းမယ် ကျနော်ကြိုပို့ ထားတဲ့ စာတမ်းကို ပရင့်ထုတ်ခိုင်းရမယ်လို့ ပြောလာတော့တာပဲ။ ဒီတော့မှ ကျနော်တို့ စိတ်ပူပြီး မောင်လွမ်းဏီဆီ ဖုံးဆက် ပြောပြ။ မောင်လွမ်းဏီက သူပြောပေးမယ်ပေါ့။ ခန်းမထဲရောက်ပြီး ကျနော့်စာတမ်းစာရွက်ကိုလည်း မောင်လွမ်းဏီက ကော်ပီတွေကူးပြီး ဖြန့် ခိုင်းမယ်ဆိုပြီးလာယူ။ ဒါပေမယ့်လည်း စာတမ်းဖတ်ဖို့ အချိန်လည်းနီးလာရော ကျနော်တို့ စာတမ်းတွေ ကြိုတင်ပြီးဖြန့် တာမတွေ့ ရပါဘူး။ အချိန်နီးကာမှပဲ မောင်လွမ်းဏီက ကျနော်ပေးလိုက်တဲ့ ကျနော့်စာတမ်းနဲ့ ဆရာနေမျိုအေးအတွက် ပရင့်ထုတ်လာတဲ့ စာတမ်းတစုံလာပေးတော့တာပါပဲ။ ဒါနဲ့ ပဲ ကျနော်တို့ ဒီအတိုင်း တက်ဖတ်လိုက်ကြတာပါပဲ။

ညီလာခံမစခင် ကိုယ့်အခန်းကို ခဏပြန်တက်ရင်း ကျနော်က မရောင်းလိုက်နိုင်တဲ့ ဆရာတင်မိုးရဲ့ လက်ကျန်ကဗျာစာအုပ်တွေကို ယူလာပြီး တွေ့ တဲ့ ပေးသင့်တယ်လို့ ယူဆမိတဲ့ပုဂ္ဂိုလ်တွေက်ို တယောက်တအုပ်စီ လိုက်ဝေလိုက်ပါတယ်။ နောက်တော့ပြန်စဉ်းစားကြည့်တာ မစ္စတာဘားမား ကိုတော့ သတိပြန်ရပါတယ်။

မစ္စတာဘားမားနဲ့ မတွေ့ တာလဲ ကျနော့်အထင် ၁၉၉၅ ကတည်းကပါပဲ။ ကျနော်နဲ့ သူ ဘန်ကောက်မှာစတွေ့ ဖူးကြတာပါ။ သူ့ ကို ကျနော်တို့ က တော်လှန်ရေးရဲ့ ကွန်ပျူတာ ပိုင်အိုနီယာလို့ တောင်မှ ခေါ်ကြပြောကြတာပါ။ ၈၈ နောက်ပိုင်း မြန်မာ့ဒီမိုကရေစီရေးကြိုးပမ်းမှုနယ်ပယ်မှာ ကွန်ပျူတာကို စပြီးကိုင်တာ မြန်မာဖေါင့်တွေ စပြီးထွင်တာ သူပါပဲ။ ဒါက ကျနော်သိထားတဲ့ကိစ္စ။ ဒါက မှားချင်လည်းမှားနိုင်ပါတယ်။ ဒါပေမယ့် တကယ့်ဒီမိုကရေစီရေးပြည်ပနယ်ပယ်မှာ ကွန်ပျူတာတွေစပြီးကိုင်တာ ကွန်ပျူတာနဲ့ ပတ်သက်တဲ့ကိစ္စတွေ စပြီးဆောင်ရွက်နိုင်သူကတော့ မစ္စတာဘားမား (ဆရာ ဝင်းထွန်း )ပါပဲ။ ကျနော့်အထင် မမှားဘူးဆိုရင် ခေတ်ပြိုင်စာစေါင်ကို စတင်ဆောင်ရွက်ကြတဲ့အထဲမှာ ဆရာဝင်းထွန်းရဲ့ကဏ္ဍဟာ ကြီးပါတယ်။ညီလာခံခန်းမအပြင်ဖက်မှာ သူနဲ့ ကျနော် နှုတ်ဆက်ရပါတယ်။ သူ့ ကို ကျနော်ကလည်း ရုတ်တရက်မမှတ်မိ။ သူကလည်း ကျနော့်ကို ရုတ်တရက်မမှတ်မိနိုင်အောင်ဖြစ်ကြရပါတယ်။ ကြာခဲ့ပြီလေ..။ ဆယ့်ငါးနှစ်ရှိခဲ့ပြီပဲ။ နှစ်ယောက်စလုံး ကံကောင်းတဲ့အချက်ကတော့ ကျနော်တို့ နှစ်ယောက် ဒီဧရိယာနယ်ပယ်ထဲက စင်ထွက်မသွားနိုင်ကြသေးဘူးဆိုတဲ့ အချက်ပါပဲ။

ဒီခရီးသွားဆောင်းပါးထဲမှာ တခုတ်တရထည့်ရေးရမယ့် အမျိုးသမီးလေးတယောက်ရှိပါသေးတယ်။ မြန်မာအမျိုသမီးသမဂ္ဂ က “ဘုတ်ဘုတ်↔ ဆိုတဲ့ ခလေးမလေးပါပဲ။ ခလေးမလေးလို့ သုံးနှုန်းလိုက်တာက မလေးစားမခန့် ငြားလို့ သုံးလိုက်တာတော့မဟုတ်ပါဘူး။ သူ က ကိုယ့်သားသမီးအရွယ်လည်းဖြစ်ပြန် ညီလာခံမှာ အဖွဲ့ အစည်းတခုရဲ့ ကိုယ်စား လာတက်တဲ့ ပုဂ္ဂိုလ်လည်းဖြစ်တာမို့ ခင်မင်မှုနဲ့ ဒီစကားလုံး သုံးလိုက်တာပါ။ လေးနက်မှုနဲ့ သုံးကြည့်လိုက်တာပါ။ သူနဲ့ ကျနော် အရင်က တခါမှ မတွေ့ ဖူးသေးဘူးလို့ ကျနော်ထင်မိတယ်။ တွေ့ ဖူးရင်လည်း တေ့တေ့ဆိုင်ဆိုင်တွေ့ ပြီး အသိအကျွမ်းဖြစ်ခဲ့တာမဟုတ်ဘူးဆိုတာ သေချာတယ်။ အင်မတန်ငယ်တဲ့ လူငယ်တယောက်ဆိုတော့ ကျနော်တို့ လို အသက်ကြီးတဲ့သူတွေအဖို့ အမှတ်အသားအားနည်းလို့ မမှတ်မိတာလည်း ဖြစ်ကောင်းဖြစ်မယ်။ အဲ သူတို့ ရဲ့အမကြီး ကဗျာဆရာမ မိဆူးပွင့် ဆိုရင် ဘယ်မသိပဲရှိမလဲ။ တောထဲမှာကတည်းက အတူတူနေခဲ့ကြတာပဲ။ကျနော်က သူတို့ အဖွဲ့ က ထုတ်တဲ့ ချိုးလင်းပြာစါစေါင်မှာ တခါတလေ စာဝင်ရေးခဲ့တာ ကြာပြီပဲ။ နောက်ပိုင်းမှာ စာမူကိစ္စ စာမူခကိစ္စတွေကို ဘုတ်ဘုတ်ဆိုတဲ့ မိန်းခလေးနဲ့ ပဲ ဖုံးထဲမှာ အီးမေးထဲမှာပြောခဲ့ရပါတယ်။
ညီလာခံ ပထမနေ့ တုန်းက ခန်းမဆောင်ကြီးရဲ့ အပေါက်ဝမှာ ညီလာခံကဝေပေးတဲ့ စာရွက်စာတမ်းတွေနဲ့ ရင်ထိုးတံဆိပ်တွေ လက်မှတ်ထိုးပြီးထုတ်ပေးနေတဲ့ကောင်တာမှာ မိန်းခလေးတယောက်က ကျနော့်ကိုကြည့်ပြီးပြုံးပြပါတယ်။ ကျနော်က ကျနော့်နာမည်ကိုပြောပြီး စာရင်းစာရွက်ထဲ ကိုယ့်နာမည်ရှာနေတဲ့အချိန်မှာ အဲဒီကလေးမလေးက ကျနော့်ကိုပြုံးပြနှုတ်ဆက်တယ်လို့ ထင်လိုက်တာပါ။ကျနော့်စိတ်ထဲ ညီလာခံလာတက်တဲ့ လူကြီးတွေကို ခင်မင်လေးစားမှုနဲ့ ပြုံးပြလိုက်တာပဲလို့ ထင်လိုက်တာပါ။ တော်တော်လေးကြာမှ ကျနော်နဲ့ မောင်လွမ်းဏီ ထိုင်ပြီးစကားပြောနေတဲ့ နေရာကို အဲဒီမိန်းခလေးလျောက်လာပြီး သူက ဘုတ်ဘုတ်ပါလို့ မိတ်ဆက်တော့မှ ကျနော်လည်း သဘောပေါက်သွားရတော့တာပေါ့။ ဒီတော့မှ သူကလည်း ကျနော့်ဆီကို ဘဏ်ကတဆင့် စာမူခ ဘတ် ၅၀၀ လွှဲလိုက်တာရရဲ့လားလို့ မေးပါတယ်။ တခါ ကျနော်ကလည်း လဆန်းရက်က ကျနော့် ဘဏ်အကောင့်ထဲ ငွေ ၅၀၀ ဝင်နေတာ ဘယ်သူက မှားပို့ လိုက်တာပါလိမ့် ဆိုပြီး ထုတ်သာသုံးလိုက်ရတယ် နောက်ဆံတင်းနေတုန်း သူပြောပြမှပဲ အဖြစ်မှန်သိရပါတော့တယ်။ ဒါနဲ့ ပဲ အဲဒီမနက် ညီလာခံမစခင် သူ့ ကို ကဗျာစာအုပ်လက်ဆောင်ပေးဖို့ ရှာကြည့်ပါသေးတယ်။ မတွေ့ လို့ မပေးခဲ့ရပါဘူး။

ညီလာခံစတော့ ကျနော်တို့ သုံးယောက်က တန်းစီပြီးထိုင်ကြပြန်ပါတယ်။ ဒီသုံးယောက်အနက်က ကျနော်က စကားအများဆုံး။ ဆရာစိုးနေလင်းနဲ့ ဆရာနေမျိုးအေးတို့ က လူအေးတွေ။ ကျနော်က ညီလာခံမှာ လူတွေ သိသ်ိသာသာ နည်းသွားတာကိုကြည့်ပြီး ဒီအတိုင်းဆိုရင် ကျနော်တို့ စာတမ်းတွေ တယောက်တခုစီ ဝေပေးလိုက်ကြတာပဲကောင်းတယ် မဖတ်တော့ပါဘူး ကိုယ့်ဖါသာကိုယ် အိမ်မှာဖတ်ကြပါတော့လို့ ပြောလိုက်ရရင်ကောင်းမလားလို့ ရယ်ပွဲဖွဲ့ ပြောလိုက်မိပါတယ်။ သူတို့ နှစ်ယောက်စလုံးကလည်း သဘောတူကြောင်း ခေါင်းညိမ့်ပြကြပါတယ်။ တတိယနေ့  ညီလာခံမနက်ပိုင်းတောင်မှ လူတွေ ဒီလောက်ပျောက်သွားတာ ညနေပိုင်း ကျနော်တို့ အလှည့်ကြရင်တော့ လူတွေ ကျန်မှ ကျန်ပါဦးမလားပေါ့။
ဒါနဲ့ ပတ်သက်ပြီး ပြည်တွင်းမှာနေတုန်းက အပြောအဟောကောင်းတဲ့စာရေးဆရာတယောက် စာဆိုတော်နေ့ အခန်းအနားတခုမှာ ပြောဖူးတဲ့စကား ပြန်ပြီးတွေးမိသေးတယ်။ ဟောပြောပွဲတခုမှာ အဲဒီစာရေးဆရာ ဟောဖို့ ပြောဖို့ အလှည့်ကျလို့ စင်ရှေ့ ကိုကြည့်တော့ လူ ဆယ်ယောက်လောက်ပဲ ဇွဲနဲ့ ထိုင်နားထောင်နေတာ တွေ့ ရပါတယ်တဲ့။ ဒါနဲ့ ပဲ ဒီလူတွေ ဒီလောင်ဇွဲကောင်းမှတော့ ငါလည်း ကျကျနနပဲ ဟောလိုက်မှဖြစ်မယ်ဆိုပြီး ကျကျနနဟောပါတယ်တဲ့။ ဟောလို့ ပြောလို့ ပြီးလို့ စင်ပေါ်ကဆင်းတော့ သူက ထိုင်နားထောင်တဲ့သူတွေဆီသွားပြီး နှုတ်ဆက်ပါတယ်တဲ့။ ခင်ဗျားတို့ ကျုပ်ဟောတာပြောတာကို အခုလို ဇွဲကောင်းကောင်းနဲ့ ထိုင်နားထောင်ကြတာ ကျနော်တကယ်ကျေးဇူလည်းတင် လေးလည်းလေးစားပါတယ်ပေါ့။ ဒီတော့ ထိုင်နားထောင်နေကြသူတွေက သူ့ ကို ဘာပြန်ပြောသလဲဆိုတော့ မဟုတ်ပါဘူးဆရာ ကျနော်တို့ က ဆရာဟောပြောလို့ ပြီးရင် ခုံတွေသိမ်းရမှာမို့ ထိုင်စေါင့်နေကြတာပါ...တဲ့။

ကျနော်က သုံးယောက်ထဲမှာ နောက်ဆုံးမှ စာတမ်းဖတ်ရမယ့်သူ။ ပြီး ညီလာခံကြီးရဲ့ အစီစဉ်တွေ အားလုံးတွေထဲမှာမှ နောက်ဆုံးအစီစဉ်။ ဒီတော့ ခုံသိမ်းးဖို့ စေါင့်နေတဲ့ သူတွေနဲ့ တော့ ဒက်ထိတိုးမှာသေချာပြီပေါ့လို့ ကိုယ့်ကိုယ်ကို မနာကျင်ရအောင် အားပေးနေရတော့တာပေါ့။( ဟဲ ဟဲ ကျနော့်စာတမ်းရဲ့ ခေါင်းစဉ်က မြန်မာကဗျာနာကျင်မှု လေ...။)

ဒီကနေ့ ဟောကြပြောကြသူတွေထဲမှာ ကျနော်စိတ်င်စားစွာ နားထောင်မိသူက နှစ်ယောက်ထဲပါပဲ။ ဇင်ဘာဘွေရွေးကောက်ပွဲသတင်းပို့ အတွေ့ အကြုံကိုပြောတဲ့ အမျိုးသမီးတွေနဲ့ မဇ္ဈိမက ဆရာကိုစိန်ဝင်း ဖြစ်ပါတယ်။ ဇင်ဘာဘွေရွေးကောက်ပွဲအကြောင်းနားထောင်ရင်းက ကျနော်ငယ်စဉ် ဇင်ဘာဘွေကဗျာတချို့ ဘာသာပြန်ခဲ့ဖူးတာ ပြန်သတိရတယ်။ ဒီတုန်းက ဇင်ဘာဘွေတွေ လွတ်မြောက်ရေးအတွက် လက်နိုင်ကိုင်ပြီးတိုက်နေရတုန်း။ အခု ဇင်ဘာဘွေသမ္မတ မူဂါဘီဆိုရင် တော်လှန်ရေးသမားခေါင်းဆောင်တယောက်။ ခုတော့ အာဏာရှင်ပေါ့။ သူတို့ ရွေးကောက်ပွဲအတွေ့ အကြုံဟာ ကျနော်တို့ မလွဲမသွေလေ့ လာရမယ့် အတွေ့ အကြုံဖြစ်တာမို့ သူတို့ ပြောသွားတာတွေကိုလည်း ကျနော်သဘောကျပါတယ်။

မဇ္ဈိ်မက ဆရာ ကိုစိန်ဝင်းကတော့ လူထုအခွင့်အရေးကို အကာအကွယ်ပေးနိုင်သည့် မီဒီယာရဲ့စွမ်းရည်ဆိုတဲ့ခေါင်းစဉ်နဲ့ ပြောသွားတာပါ။ ဥပမာတွေနဲ့ အားလုံးနားလည်အောင်ပြောသွားခဲ့တာပါ။ ဒီညီလာခံမှာ ဟောကြပြောကြတဲ့အခါ သူတို့ ဟောကြပြောကြတာကို နားထောင်ရင် တချို့ က စနစ်တကျ ကြိုတင်ပြင်ဆင်ြ့ပီးမှ လာခဲ့ကြတယ်ဆိုတာ သိသာပါတယ်။ တချို့ ကြတော့ စံနစ်တကျ ကြိုတင်ပြင်ဆင်လာတာမဟုတ်ဘူးဆိုတာ သိသိသာသာပေါ်လွင်နေတဲ့အပြင် ပြောရမယ့်ခေါင်းစဉ်နဲ့ တခါတလေ အများကြီးလွဲချော်နေတာတွေလည်းကြားခဲ့ရပါတယ်။ တခါတလေ သူကိုယ်တိုင်က စိတ်ထဲပေါ်ရာ လိုက်ပြောရင်းက ဘယ်ရောက်လို့ ဘယ်ပေါက်မှန်းတောင်မသိလောက်အောင် ပညာရှိသတိဖြစ်ခဲ ဖြစ်သွားတဲ့ သူတွေကိုလည်း တွေ့ ခဲ့ရပါတယ်။ ဒီလိုပြောလို့  ညီလာခံမှာ တက်ပြီးစာတမ်းတင်တဲ့သူ ဟောတဲ့ပြောတဲ့သူအချင်းချင်း ဒီလိုမပြောသင့်ဘူးဆိုတာ ကျနော်သိပါတယ်။ ကျနော်ဆိုလိုတာ ကျနော်လိုချင်တာက ပေးထားတဲ့ခေါင်းစဉ်အောက်မှာ ကျနော်တို့ အတွက် ဘာ ပေးနိုင်မလဲဆိုတာကိုပဲ တောင့်တခဲ့တာပါ။ ကျနော်တို့ ကို ဘယ်လို လေးမြှားထွင်နိုင်မလဲ ဆိုတဲ့နည်းလမ်းတွေကိုသာ မျှော်လင့်ခဲ့တာပါ။

ညီလာခံမှာ ကျနော်တို့ ဧရာဝတီသတင်းစာတိုက်နဲ့ စာအုပ်ဆိုင်တွေဆီ သွားနေလို့ နားမထောင်လိုက်ရပေမယ့် ညီလာခံရဲ့ လူအများစု စိတ်ဝင်စားမှု အရဆုံးအစီစဉ်ကတော့ VOA က ဦးကျော်ဇံသာ ဦးစီးပြုလုပ်တဲ့ အသံလွှင့်စကားဝိုင်း အကြောင်း အခုထက်ထိ လူတွေပြောနေဆိုနေတာကို ကြားနေရဆဲပါပဲ။ ကျနော်က နားထောင်ဖို့ စိတ်မဝင်စားတာတော့မဟုတ်ပါဘူး။ စစ်အစိုးရလုပ်မယ့် ရွေးကောက်ပွဲအပေါ် ကိုယ့်ခံယူချက် ကိုယ့်ပိုင်းဖြတ်ချက်နဲ့ ကိုယ် အခိုင်အမာရှိထားပြီးသားဖြစ်တယ်လို့ ကိုယ့်ဖါသာကိုယ် ယူဆထားပြီးဖြစ်လို့ နားမထောင်ဖြစ်ခဲ့တာပါ။ ကျနော်ကတော့ အဲဒီရွေးကောက်ပွဲနဲ့ အဲဒီဖွဲ့ စည်းပုံဆိုတာ အချိန်တန်ရင် နေ့ ချင်းညချင်းပျက်သွားမယ့်ကိစ္စလို့ ပဲ မြင်နေမိတာမို့ ဒီအချိန်ကျမှတော့ ဒါကို အခြေအတင်ငြင်းမနေချင်တော့တာလည်းပါပါတယ်။ပြီးတော့ ကျနော်တို့ က စစ်အစိုးရလုပ်မယ့် သူတို့ ရဲ့ဖွဲ့ စည်းပုံပေါ်မူတည်တဲ့ အဲဒီရွေးကောက်ပွဲကို မူအားဖြင့်ကိုယ်၌က သဘောမတူပါဘူး။ ဒီအပေါ်မှာ ငြင်းဖို့ ခုန်ဖို့ မလိုလောက်အောင်ကိုပဲ ရှင်းပြီးသားပါ။ ရွေးကောက်ပွဲဆိုတာ နည်းပရိယါယ်အရသာ ကျနော်တို့ စကားပြောချင်တာပါ။ သူ့ လက်နက် ကိုယ့်လက်နက်ဖြစ်အောင်လုပ်လို့ ရမယ်ထင်တဲ့သူရှိရင်လည်း လုပ်ကြပေါ့။ ပြီးတော့ ရွေးကောက်ပွဲဆိုတာက ပြဿနာတွေ အားလုံးကိုဖြေရှင်းနိုင်တဲ့ ပြီးသွားနိုင်တဲ့ အလှည့်အပြောင်းတခုမှမဟုတ်တာပဲ။ အဲ အလှည့်အပြောင်းကိစ္စတောင်မှ မဟုတ်ပါဘူးလေ။

VOA က ဦးကျော်ဇံသာ ပြောပုံဆွေးနွေးပုံ ကျနော်ကြိုက်ပါတယ်။ အသံလွှင့်သမားတယောက်ရဲ့မလွဲမသွေရှိရမယ့်အသံလုံးအသံထား အားလုံးအတုယူဖို့ ကောင်းအောင်ကိုပဲ ကောင်းပါတယ်။ သူယုံကြည်ရာကို တည့်တိုးပြောတတ်တဲ့အတွက်လည်း နာမည်ကြီးတာပါ။ဒါပေမယ့် သူတယောက်ထဲပြောသွားတဲ့အချက်ထဲမှာ စစ်အစိုးရ ဝါဒဖြန့် ချိတဲ့ အနုပညာရေးကိစ္စတွေမှာပါဝင်မိလို့ လူတွေက နားလည်မှုမပေးနိုင်တာဟာ တကယ်တော့ လူတွေမှာ ဖေါက်ထွက်တွေးနိုင်မှုနဲ့ ပြုလွယ်ပြင်လွယ်တဲ့အယူအဆ အားနည်းလို့ ဖြစ်တာပါ ဆိုတဲ့စကားကိုတော့ ကျနော်သဘောမတူပါဘူး။ ကျနော်တို့ က ရပ်တည်ချက်မှားတဲ့သူ ရွေးချယ်မှုမှားတဲ့သူတွေအပေါ် ပြည်သူတွေက ကန့် ကွက်ဆန့် ကျင်တာ မှန်တယ်လို့ ပဲ မြင်ပါတယ်။ ဒါက အတွေးအခေါ်အရ ခြောက်သယောင်းတာ ဖေါက်ထွက်ပြီးမတွေးနိုင်တာ ဆိုတာနဲ့ မဆိုင်ပါဘူး။ ဒီကနေ့ ဦးကျော်ဇံသာက စစ်အစိုးရရဲ့ လုပ်ရပ်တွေကို မှန်တယ်လို့ မြင်ပြီး စစ်အစိုးရဖက်ကလိုက်ပြီး ဝါဒဖြန့် မယ်ဆိုရင် ကျနော်ကတော့ ပြည်သူတယောက်အနေနဲ့ ဦးကျော်ဇံသာကို ဆန့် ကျင်ကန့် ကွက်ပြီး အကယ်၍ ဦးကျော်ဇံသာက စစ်အစိုးရဝါဒဖြန့် အနုပညာရှင်ဖြစ်တယ်ဆိုရင်လည်း ကျနော်ကတော့ ပြည်သူတယောက်အနေနဲ့ ဦးကျော်ဇံသာရဲ့အနုပညာကို လက်မခံပဲနေလိုက်မှာ သေချာပါတယ်။ ဘာပြုလို့ လည်းဆိုတော့ စစ်အစိုးရဟာ တရားအရကိုယ်၌က မှားယွင်းနေတဲ့အစိုးရဖြစ်လို့ ပါပဲ။

ပြီးတော့ မီဒီယာသမားဟာ ဒေါင်ဒေါင်မြည် နိုင်ငံရေးသမားဖြစ်မယ်ဆိုရင် အဲဒီမီဒီယာလုပ်ငန်းဟာ ပျက်ကရော ဆိုတာကိုလည်း ကျနော်သဘောမတူပါဘူး။ ကျနော်က ထပြီးကန့် ကွက်ဦးမလို့ ပါပဲ။ အချိန်မရှိတာရယ် အခြေအနေက အကြေအလည်ပြောဖို့ အခြေအနေမပေးတာရယ်ကြောင့် ဝင်ပြီးမပြောခဲ့ပါဘူး။ ဒါပေမယ့် ညနေပိုင်းမှာ ဘီဘီစီမြန်မာဌါနမှူး ဒေါ်တင်ထားဆွေ ဝင်ရောက်ဆွေးနွေးလိုက်တဲ့အချက်ကလည်း ကောင်းသွားပါတယ်။ ဦးကျော်ဇံသာရဲ့ပြောဆိုချက်က မီဒီယာသမားဟာ နိုင်ငံရေးခံယူချက်မရှိရဘူးသဘောဖြစ်တယ်ဆိုရင် အဲဒါသူ လက်မခံတဲ့အကြောင်း မှားတယ်လို့ ယူဆကြောင်း ၊ မီဒီယာသမားမှာ နိုင်ငံရေးအမြင် နိုင်ငံရေးခံယူချက်မရှိရင် မဖြစ်တဲ့အကြောင်းပြန်လည်ဖြည့်စွက်ဆွေးနွေးသွားတာနဲ့ ကျနော်လည်း ကျေနပ်ခဲ့ပါတယ်။ တကယ်တော့ လူတယောက် ဒေါင်ဒေါင်မြည်နိုင်ငံရေးအမြင် ဒေါင်ဒေါင်မြည်နိုင်ငံရေးခံယူချက်မရှိဘူးဆိုရင် သူပစ်သမျှမြှားတွေအားလုံး ပစ်မှတ်နဲ့ လွဲနေမှာပဲ ဖြစ်ပါတယ်။ အဲအဆိုးဆုံးအကျိုးသက်ရောက်မှုက ကိုယ့်ရင်ဘတ်ကိုတောင် ပြန်ပြီးမြှားဝင်စိုက်သွားနိုင်တဲ့အထိ ပစ်မှတ်လွဲသွားတာမျိုးတွေလည်း ရှိပါတယ်။အရေးကြီးတာက သူက မီဒီယာလုပ်ငန်းလုပ်တဲ့အခါ သူ့ ရဲ့နိုင်ငံရေးပယောဂတွေကို အတတ်နိုင်ဆုံးထိန်းချုပ်ထားဖို့ ပါပဲ။ သူ့ ရဲ့ နိုင်ငံရေးအတ္တနောမတိစိတ်ကို သတ်ထားဖို့ သာအဓိကပါပဲ။ ဒီနေရာမှာ ပြောပုံဆိုပုံအရ နိုင်ငံရေးသမားတွေကို မလိုလားတဲ့သဘော နိုင်ငံရေးသမားတွေကို နှိမ့်ချချင်တဲ့လေသံတွေ ပါသွားခဲ့မယ်ဆိုရင်တော့ မကောင်းဘူးပေါ့လေ။ နိုင်ငံရေးသမားဆိုတာ သူများတွေထက် ပိုပြီးပေးဆပ်ရတာတွေက အထင်အရှားရှိနေတာပဲ မို့ လား။

ဦးကျော်ဇံသာနဲ့ ကျနော် လူချင်းတော့မတွေ့ ဖူးပါဘူး။ ဒါပေမယ့် ၁၉၉၉ ခုနှစ်ထဲမှာ ကျနော် ဘီဘီစီက အလင်္ကာပန်းခင်းနဲ့ စာအုပ်စင်ကဏ္ဍရှိတုန်းက သူက ဘီဘီစီမှာ ရှိနေပါတယ်။ ကျနော်က အဲဒီကဏ္ဍမှာ တကြိမ်နှစ်ကြိမ်လောက် ဝင်ပြီးရေးခဲ့ဖူးပါတယ်။ စာအုပ်စင်ကဏ္ဍမှာဆိုရင် တကြိမ် ကိုယ့်အသံနဲ့ ကိုယ် ဝင်ပြီးအသံလွှင့်ခဲ့ဖူးပါတယ်။ ဒီတုန်းကမှတ်မှတ်ရရ ဂျာမာန်ကဗျာဆရာ ဂန်တာဂရပ်စ် ရဲ့ ကဗျာစာအုပ်အကြောင်းရေးခဲ့တာပါ။ ဂန်တာဂရပ်စ်က အဲဒီနှစ်ထဲမှာပဲ စာပေနိုဗယ်ဆုရသွားတာပါ။ ဒီတုန်းက အဲဒီကဏ္ဍတွေကို ဆရာဦးကျော်ဇံသာ တာဝန်ယူထုတ်လွှင့်နေတယ်လို့ ယူဆမိပါတယ်။ တကြိမ်မှာဆိုရင် ကျနော့်ရဲ့ “လရောင်ကို ကောက်သင်းကောက်ခြင်း ↔ ကဗျာကို ဆရာဦးကျော်ဇံသာ ကိုယ်တိုင်ရွတ်ပေးသွားတာ ကြားခဲ့ရပါတယ်။ သူကဗျာရွတ်တာကိုနားထောင်ပြီး သူဟာ ကဗျာကိုလည်း ဝါသနာကြီးပုံရတယ်လို့ ကျနော့်စိတ်ထဲ ယူဆခဲ့ဖူးပါတယ်။ ဖြစ်နိုင်ရင် ကျနော့်ကဗျာကို ကျနော်ကိုယ်တိုင်ရွတ်ချင်ရွတ် ဒါမှမဟုတ် ဦးကျော်ဇံသာရွတ်ပေးရင်ကောင်းမှာလို့ ဆုတောင်းနေခဲ့တာပါ။ ကျနော့်ဆုတောင်းပြည့်သွားလို့ ကျေနပ်ခဲ့ပါတယ်။ ကျနော်မှတ်မိသလောက်ဆိုရင် ဒီတုန်းက စာအုပ်စင်ကဏ္ဍမှာ ကျနော့်ဆောင်းပါးနဲ့ အတူ ပြည်တွင်းက စာရေးဆရာမ ဂျူနီယာဝင်း ရဲ့ဆောင်းပါး အသံလွှင့်သွားခဲ့တာပါ။ ဒီတုန်းက ဘီဘီစီရဲ့စာအုပ်စင်ကဏ္ဍမှာ တကြိမ်မှာ စာအုပ်နှစ်အုပ်အကြောင်းအသံလွှင့်ပေးတာပါ။ ကျနော်က ကျနော့်ရဲ့ နာမည်ရင်း မျိုးတင့်နိုင်အနေနဲ့ စာမူတွေပို့ ခဲ့တာပါ။

အခုလို ဦးကျော်ဇံသာနဲ့ လူချင်းတွေ့ တုန်း မိတ်ဆက်ချင်ပေမယ့် သူ့ မှာက မိတ်ဆက်တဲ့သူတွေက များတယ်လေ။ ဒါနဲ့ ပဲ လူတွေကြားထဲ သွားပြီးမိတ်မဆက်မိတော့ပါဘုး။ တကယ်လို့ လူကြားထဲသွားပြီး အဲဒါတွေပြောပြမိတ်ဆက်မိလို့ သူက အလုပ်တွေအများကြီးလုပ်နေရတဲ့သူ ကျနော်ပြောပြတာ မမှတ်မိလို့ ဇဝေဇဝါနဲ့ အားနာနာတုန့် ပြန်တာမျိုးဖြစ်နေရင် ခက်မယ်ဆိုတဲ့စိတ်နဲ့ သွားပြီးမနှုတ်ဆက်ခဲ့ရပါဘူး။ ညီလာခံပထမနေ့ တုန်းက ကိုသန်းလွင်ထွန်းနဲ့ အတူ VOA ကပုဂ္ဂိုလ်တွေ ဝင်းခင်းပြီးထိုင်နေတုန်းက ခတ်ပြုံးပြုံးလုပ်ပြီးထိုင်နေတဲ့ အသားညိုညိုပုဂ္ဂိုလ်ဟာ ဦးကျော်ဇံသာပဲဆိုတာ ပြန်တွေးမိပါတယ်။

ကံကောင်းချင်တော့ ညီလာခံကျင်းပနေတုန်း အောက်ထပ်မှာရှိတဲ့ သန့် စင်ခန်းကိုအသွား သန့် စင်ခန်းအပြင်ဖက်မှာ မမျှော်လင့်ပဲ ဦးကျော်ဇံသာနဲ့ ကျနော်တွေ့ ပါတယ်။ ဒီတုန်းက တခြားလူတွေလည်းမရှိပြန် ဒီလို လူချင်းတွေ့ တော့လည်း ကိုယ်လေးစားရတဲ့သူနဲ့ နှုတ်မဆက်ပဲမနေနိုင်လို့ သူ့ ကို ကျနော်က ကျနော်မျိုးတင့်နိုင်ပါလို့ ဟိုတုန်းက ဘီဘီစီမှာ ကျနော်စာဝင်ရေးခဲ့တာပြောပြီး မိတ်ဆက်ပါတယ်။ သူကလည်း နည်းနည်းမှတ်မိဟန်တူပါတယ်။ ပြီးတော့မှ ကျနော်အခု ကဗျာနဲ့ ပတ်သက်တဲ့စာတမ်းတင်မယ့်အကြောင်း အာအက်ဖ်အေမှာ ကဗျာအိုးဝေကဏ္ဍလုပ်နေတဲ့ ငြိမ်းဝေဆိုတာ ကျနော်ဖြစ်တဲ့အကြောင်းပြောပြလိုက်ပါတယ်။ ဒီတော့လည်း အဲဒီငြိမ်းဝေဆိုမှ ကျနော်သိတာပေါ့လို့ ရွှုင်လန်းခင်မင်စွာ ပြန်ပြီးနှုတ်ဆက်ပါတယ်။

မနေ့ တုန်းက မြန်မာဘလော့ဂါများနဲ့ မြန်မာမီဒီယာ ဆိုတဲ့ခေါင်းစဉ်နဲ့ ပြောတဲ့ ဘလော့ဂါ (ကို) မင်းဒင်ကိုလည်း ကျနော်စိတ်ဝင်စားခဲ့ပါတယ်။ အထူးသဖြင့် သူက ကဗျာတပုဒ် ကာရန်နဲ့ ရေးတဲ့ကဗျာ ဖတ်သွားတာကြားရတော့ ကျနော့်မျက်လုံးတွေချက်ချင်းပြူးကျယ်ပြီး ဝမ်းသာသွားရပါတယ်။ သူပြောတဲ့အချက်တွေထဲမှာ ခေတ်ပေါ်ကဗျာနဲ့ ပတ်သက်ပြီး ကိုယုပိုင်ရဲ့စကားကိုကိုးကားပြီးပြောသွားတာလည်း ကြားရပါတယ်။ သူပြောပြီးတော့ စိတ်ထဲမရှင်းတာ ထမေးဖို့ စဉ်းစားပါသေးတယ်။ စာပေသမားချင်း အားပေးတဲ့သဘောလည်းဖြစ်စေ ကိုယ့်စိတ်ထဲ မရှင်းတာလဲရှင်းသွားအောင်ဆိုပြီး ထမေးဖို့ စဉ်းစားခဲ့တာပါ။
ဆရာမင်းဒင်ပြောသွားတဲ့အထဲမှာ ခေတ်ပေါ်ကဗျာကို အဓိပ္ပါယ်ဖွင့်တာ နည်းနည်းလိုသွားသလားလို့ ပါ။ ခေတ်ပေါ်ကဗျာဟာ တယောက်တမျိုး ကိုယ်ကြိုက်သလို ရေးရင်ဖြစ်တယ် တယောက်နဲ့ တယောက်တူဖို့ လည်းမလို တူလည်းတူမှာမဟုတ်ဘူးဆိုတဲ့သဘော ပြောသွားတာမှာ နားထောင်သူတွေက ခေတ်ပေါ်ကဗျာအပေါ် အဓိပ္ပါယ်ကောက်လွဲသွားနိုင်တယ်လို့ ကျနော်ခံစားလိုက်ရတယ်။

ကျနော့်အထင် ခေတ်ပေါ်ကဗျာဟာ သူ့ အရင်ပေါ်ခဲ့တဲ့ကဗျာတွေလိုပဲ ခက်ခဲတဲ့ကဗျာအမျိုးအစားပါပဲ။ သူက ပုံသဏ္ဍာန်မဲ့ပုံသဏ္ဍာန်နဲ့ ရေးတာဆိုတော့ သာမာန်အားဖြင့်ဆိုရင် လွယ်တယ် ကိုယ်ကြိုက်သလိုချရေး ဘယ်သူပဲရေးရေး ဖြစ်တယ်ဆိုတာမျိုး ယူဆနေကြတာလည်းရှိတယ်။ ကျနော်က အဲသလိုအဓိပ္ပါယ်ဖက် နည်းနည်းရောက်သွားတယ်လို့ ထင်တယ်။ ခေတ်ပေါ်ကဗျာမှာ စည်းကမ်းတွေနည်းလမ်းတွေရှိပါတယ်။ ခက်ပါတယ်။ နက်ပါတယ်။ ကျနော့်အထင် သူ့ အရင်ပေါ်ခဲ့တဲ့ကဗျာအမျိုးအစားတွေထက် ပိုပြီးသစ် ပိုပြီးကျစ်ပါတယ်။ ပြောရရင်တော့အများကြီးပေါ့လေ။ ဒါပေမယ့်လည်း ကိုယ်မေးတာက ဆရာမင်းဒင်ကို ခင်ဗျားပြောတာ မှားနေပြီဆိုတာမျိုးလည်းမဖြစ်စေချင်တာရယ် အချိန်မရပဲ ဒီကိစ္စပြောရင် မပြည့်မစုံနဲ့ မသိတဲ့သူတွေ ခေတ်ပေါ်ကဗျာအပေါ် အဓိပ္ပါယ်ပေါက် ပိုပြီးမှားကုန်သွားမှာရယ်ကို တွေးမိပြီး မမေးခဲ့ရပါဘူး။ပြီးတော့ သူပြောနေတဲ့အချိန် လူတွေကဆူနေတယ်လေ။ ကျနော် ကောင်းကောင်းမကြားလိုက်တာတွေလည်း ရှိတယ်။ ဒီတော့ ကိုယ်ကိုယ်တိုင်မရှင်းလင်းပဲ သေသေချာချာနားမထောင်လိုက်ရပဲ ထမမေးတာကောင်းပါတယ်လို့ လည်းတွေးမိခဲ့လို့ ပါ။ ဒါကြောင့်မ်ို့ သူ့ ဟောပြောချက်ကို ကြိုတင်ပြီးဝေပေးထားရင် ကောင်းမှာလို့ လည်း တောင့်တမိတယ်။

ဘလော့ဂါမင်းဒင်ရဲ့ဟောပြောမှုကိုနားထောင်ရင်းကျနော်တွေးမိတာက ဘီအမ်စီညီလာခံအဆက်ဆက်မှာ ဒီတကြိမ်တော့ ဘလော့ဂါတွေကို တော်တော်လေး အလေးထားစကားပြောလာတာ တွေ့ ရတဲ့ကိစ္စပါ။ ဒါဟာကောင်းပါတယ်။

မနက်ပိုင်း ဟောပြောသူတွေထဲမှာ မြန်မာအမျိုးသမီးသမဂ္ဂ က ဒေါ်တင်တင်ညို ပြောတာတွေလည်း စိတ်ဝင်စားဖို့ ကောင်းပါတယ်။ ဒါလည်း ကျနော်လိုရာဆွဲပြောရရင် နာကျင်မှုတခုပါပဲ။ မဟာဖိုဝါဒရဲ့အောက်မှာ အမျိုးသမီးတွေ ဘယ်လောက်အထိနာကျင်ခံစားနေရသလဲဆိုတဲ့ နာကျင်မှုအသံကို တိတ်ခွေဖွင့်ပြလိုက်သလိုပါပဲ။ ကျနော်က မြန်မာအမျိုးသမီးအဖွဲ့ က ရဲဘော်တွေကို လေးစားမိတယ်။ သူတို့ ဟောတာပြောတာတချို့ ကျနော် မကြာခဏ ကြားဖူးတယ်။ သူတို့ က သူတို့ ပြောချင်တဲ့အကြောင်းအရာနဲ့ ပတ်သက်ပြီး အချက်အလက်တွေကို ရေပက်မဝင်အောင်စုနိုင်တယ်။ ပြောနိုင်တယ်။ သူတို့ ဘာသာရပ်နဲ့ ပတ်သက်ရင် တကယ့် ဝဲလ်ထရိန်းတွေပဲ။ ပရိသတ်က ဒေါ်တင်တင်ညို ပြောတာဟောတာကို သဘောကျခဲ့ကြပါတယ်။

ညနေပိုင်း နောက်ဆုံးအချိန်ကြတော့ ကျနော်တို့ Magnificent 3 ရဲ့ပွဲပေါ့။ အားလုံး မဲဆောက်က စာရေးတဲ့သူတွေချည်း။ အားလုံး တယောက်မှ ဘာလက်မှတ်မှမရှိတဲ့ တကယ့် Migrant Writer တွေချည်းပဲပေါ့။

ကျနော်တို့ အရိုးသားဆုံးနဲ့ အလေးစားဆုံးထားပြီး ကျနော်တို့ ရဲ့စာတမ်းတွေကို ဖတ်ခဲ့ကြတာပါ။ကျနော်တို့ တာဝန်ယူမှု တာဝန်သိမှုအပြည့်နဲ့ စာတမ်းတွေဖတ်ခဲ့ကြတာပါ။ ကျနော်က စာတမ်းဖတ်ပြီးလို့ ရှေ့ ကိုကြည့်တော့ ပရိသတ်က လူနှစ်ဆယ်လောက်တောင်မရှိချင်တော့ပါဘူး။ ဟဲ ဟဲ ကျနော်ဖြင့် တကယ့်ကို နာကျင်သွားရတယ်ဆိုပါတော့။ (ကျနော့်စာတမ်းရဲ့ခေါင်းစဉ်က မြန်မာကဗျာနာကျင်မှု ၊ အခုတော့ ကဗျာဆရာနာကျင်မှုလို့ အစကတည်းက ခေါင်းစဉ်တပ်ခဲ့ရရင်အကောင်းသား)။ ဒါပေမယ့် ရှေ့ မှာထိုင်နေတဲ့သူတွေဟာ ခုံသိမ်းဖို့ စေါင့်နေတဲ့သူတွေ မဟုတ်ဘူးဆိုတာတော့ ကျနော် အသေအချာအခိုင်အမာပြောနိုင်ပါတယ်။

ကျေးဇူးတင်ရမယ့်သူတွေရှိပါတယ်။ တကယ့်ကို ကျေးဇူးတင်မိတယ်။ ဘီဘီစီမြန်မာဌါနမှူး ဒေါ်တင်ထားဆွေဆိုရင် ညီလာခံအစကအဆုံးအထိ ထိုင်သွားတဲ့သူတွေထဲမှာ ထိပ်ဆုံးကပါပဲ။ ကျနော်တို့ စာတမ်းတွေဖတ်နေတဲ့တချိန်လုံး စိတ်ဝင်တစားထိုင်ရာမထ နားထောင်နေခဲ့တာတွေ့ ရပါတယ်။ (ထိုင်နားထောင်တဲ့သူ မရှိမှာစိုးလို့ အားနာပြီးထိုင်နေတာတော့ မဟုတ်တန်ကောင်းပါဘူးနော်)ပြီးတော့ ကိုယ့်လူတွေ အားငယ်နေမယ်ဆိုပြီး မေးခွန်းတွေထမေးဖို့ တိုက်တွန်းခဲ့တယ်ဆိုတဲ့ ဆရာမောင်သာမည ကိုလည်း ကျေးဇူးတင်စကား မပြောပဲထားခဲ့လို့ ဘယ်ဖြစ်မှာလဲ။

အော် ပြောဖို့ ကျန်နေပါသေးတယ်။ ကျနော်တို့ သုံးယောက် စာတမ်းဖတ်တဲ့အခါကြတော့ စာပေသမားချင်း ရိုင်းပင်းအားပေးတဲ့သဘောနဲ့ ကဗျာဆရာမောင်လွမ်းဏီက ကျနော်တို့ အစီစဉ်ကြကာမှ အခန်းအနားမှူးလုပ်ပေးသွားတာကို လည်း ကျနော်တို့ ကျေးဇူးစကား ပါးရပါလိမ့်ဦးမယ်။

ဟောတဲ့ပြောတဲ့အစီစဉ်တွေပြီးတော့ ဘီအမ်အေအတွင်းရေးမှူးရဲ့ အစီရင်ခံစာနဲ့ ဘီအမ်အေအဖွဲ့ ဝင်များချည်းပြုလုပ်တဲ့ အစည်းအဝေးကို ကျနော်နဲ့ မောင်လွမ်းဏီ တက်ရပါသေးတယ်။ လိုအပ်တယ်ထင်တာတချို့ တင်ပြဆွေနွေး။ အရေးအကြီးဆုံး ဆုံးဖြတ်ချက်ကတော့ အမှုဆောင်ကော်မီတီအသစ် ရွေးချယ်တဲ့ကိစ္စ သုံးလအတွင်း အဖွဲ့ ဝင်တွေထံ အီးမေးလ်နဲ့ ဆန္ဒတောင်းပြီး ပြန်လည်ပြင်ဆင်ဖွဲ့ စည်းဖို့ ဆုံးဖြတ်တဲ့အချက်ပါပဲ။

အခန်းကိုပြန်ရောက်တော့ ဆရာနေမျိုးအေးက ကုတင်ပေါ်မှာမှိန်းပြီး အနားယူနေပါပြီ။ ဟိုဖက်ခန်းက ကိုသီဟမောင်မောင်ကတော့ ရေကူးကန်မှာ ရေသွားကူးနေပါတယ်။ ဟိုဖက်ခန်းက ဖုံးခေါ်သံကြားလို့ အမှတ်မထင် နားထောင်လိုက်မိပါတယ်။ အခန်းထဲမှာကျန်နေတဲ့ ကိုဈာန်က “ ကောင်မလေးတွေနဲ့ ရေသွားကူးနေတယ် ” ဆိုတဲ့ အော်ပြောသံကိုလည်း ကြားလိုက်ရပါတယ်။ ကိုသီဟတယောက် ရေချိုးပြီးလို့ အခန်းကို ပြန်ရောက်လာတဲ့အခါ ဖုံးခေါ်သံထပ်ခေါ်တာကြားရပြီး ကိုသီဟရဲ့ လေသံတိုးတိုးနဲ့ တောင်းပန်တိုးရှိုးနေတဲ့အသံကိုကြားနေရလို့ သူတို့ အခန်းဘက်ခေါင်းပြူပြီးသွားကြည့်တော့ ကိုဈာန်က ဖုံးစကားပြောနေတဲ့ ကိုသီဟမောင်မောင်မောင်ကို ပြုံးပြုံးကြီးကြည့်နေတာ တွေ့ လိုက်ရပါတယ်။ ။

ပုံ (၁) ဦးကျော်ဇံသာ ဦးစီးတဲ့ ရေဒီယိုတော့
ပုံ (၂) ဦးကျော်ဇံသာနဲ့ ဒေါသကုမ္မာရီလေး ခင်မင်းဇော်
ပုံ (၃) အခန်းအနားမှူးလုပ်ပေးနေတဲ့ မောင်လွမ်းဏီ
ပုံ (၄) ဆရာစိုးနေလင်း၊ ဆရာ နေမျိုးအေး၊ ငြိမ်းဝေ (ဘယ်သူ အနုပျိုဆုံးလို့ ထင်နိုင်ပါသလဲ)


နောက်တပိုင်းဆက်ဖတ်ပါရန်...