ဆရာ လူထုစိန်ဝင်းရဲ့ ခေတ်သစ်ပုတ္တောဝါဒ

( ၁ )

ကျနော်ငယ်စဉ် အသက် ၁၅ နှစ်ဝန်းကျင်က ကျနော့်စိတ်ထဲဖြစ်ပေါ်လာတဲ့ အကြောင်းအရာတခုကို အခြေအနေနဲ့  အချိန်အခါက်ို ထည့်စဉ်းစားနိုင်စွမ်းမရှိပဲ ထုတ်ပြောမိလို့ အိမ်ပေါ်က မောင်းချတာ ခံခဲ့ရဖူးတယ်။
ဒီတုန်းက ကျနော်က မိဘများနဲ့ အတူ ပဲခူးမြို့ သွန်းဘုရားလမ်းထဲ နေထိုင်စဉ်တုန်းကဖြစ်ပါတယ်။ ကျနော်တို့ အိမ်မှာ တခါတလေ ရပ်ကွက်ထဲက တရားဝါသနာပါတဲ့ ဖခင်ရဲ့ မိတ်သင်္ဂဟတွေ အိမ်ကိုလာလည်ရင်း ဘုရားအကြောင်း တရားအကြောင်းဝိုင်းဖွဲ့ ပြီးပြောတတ်ကြပါတယ်။ ကျနော်က လူကြီးတွေပြောတဲ့စကားတချို့ ကို ဘေးဘီက ဝေယျာဝစ္စလေးတွေလုပ်ပေးရင်း နားစွင့်ထားတတ်ပါတယ်။ ဒီလို မသိမသာ ခိုးပြီးနားထောင်တာကို လူကြီးတယောက်က သိပါတယ်။ ဒါကြောင့်မို့ တနေ့ တော့ ကျနော့်ကို မင်း ဒီလို စိတ်ဝင်စားတယ်ဆိုရင် ဒီလိုနားထောင်နေရုံနဲ့ တော့ ဘယ်ဖြစ်မလဲပေါ့ မသိတာရှိရင် သိချင်တာရှိရင်လည်း ဝင်ပြီးမေးပေါ့လို့ ဘိတ်ခေါ်ပါတယ်။ ကျနော် တော်တော်လေးကို ပျော်သွားပါတယ်။ အဲဒီညက အိပ်လို့ တောင် မပျော်ပါဘူး။ နောက်တခါ အဲဒီဦးလေးကြီးတွေနဲ့ ဆုံရင် ငါသိချင်တာလေးတခုတော့ မေးလိုက်ဦးမယ်ပေါ့။
နောက်တခါ အဲဒီဦးလေးကြီးတွေ အိမ်မှာစုကြတဲ့အခါ ကျနော်က အဲဒီနေ့ ကြကာမှ ရေနွေးတွေဘာတွေတည်ဖို့ မပြောရအောင် လိုလေသေးမရှိပြင်ဆင်ပေးပါတယ်။ ရင်ထဲမှာလဲ ကြိတ်ပြီး ဝမ်းသာနေမိတယ်။ ဝမ်းသာနေမိတယ်ဆိုတာထက် ရင်တွေခုန်နေတယ်ဆိုရင် ပိုပြီးမှန်ပါလိမ့် မယ်။

ဒါနဲ့ ပဲ ပြီးခဲ့တဲ့တကြိမ်တုန်းက ကျနော့်ကို စကားဝိုင်းထဲဝင်ဖို့ တံခါးဖွင့်ပေးခဲ့တဲ့ အဲဒီဦးလေးကြီးကပဲ ကျနော့်ကို မှတ်မှတ်ရရ မသိတာရှိရင်မေးလေကွာလို့ ကျေနပ်ကြည်နူးတဲ့မျက်နှာနဲ့ ဘိတ်ခေါ်ပြန်ပါတယ်။ ကျနော်က မေးခွန်းတခုကိုမေးပါတယ်။ ကျနော်မေးတဲ့မေးခွန်းက ဟိုး လွန်ခဲ့တဲ့ နှစ် ၃၀ ကျော်လောက်က သေဆုံးသွားပြီဖြစ်တဲ့ ဗိုလ်ချုပ်အောင်ဆန်းရဲ့မိန့် ခွန်းတွေဟာ အဲဒီတုန်းက အသံဖမ်းစက်တွေ ပေါ်ကာစဖြစ်တာတောင် အကုန်လုံးအသံမသွင်းနိုင်ခဲ့ဘူး။ ဗိုလ်ချုပ်ရဲ့မိန့် ခွန်းအများစုဟာ မှတ်တမ်းမတင်လိုက်နိုင်ဘူး။ ဒါဆိုရင် စာတို့ ပေတို့ မပေါ်သေးတဲ့ ဟိုးနှစ်ပေါင်း ၂၀၀၀ ကျော်လောက်က ဟောခဲ့ပြောခဲ့တဲ့ ဗုဒ္ဒရဲ့ တရားတွေဟာ စနစ်တကျမှတ်တမ်းတင်နိုင်ခဲ့တာမဟုတ်လို့ အခု ကျနော်တို့ ပြောနေတဲ့ တရားတော်တွေအားလုံးဟာ ဗုဒ္ဒရဲ့တရားတော်တွေ အကုန်လုံးအမှန်ဖြစ်တယ်လို့ ပြောလို့ ရနိုင်ပါ့မလား ဆိုတဲ့ မေးခွန်းကို စိတ်အားထက်သန်စွာနဲ့ ကို မေးလိုက်ပါတယ်။ ဒီတုန်းက ဘေးမှာထိုင်နေတဲ့ ကျနော့်ရဲ့ဖခင်ရဲ့တုန့် ပြန်မှုကလည်း လျင်မြန်ပါတယ်။ ကျနော့်ကို ဆွေးနွေးပွဲတံခါးဖွင့်ပေးခဲ့တဲ့ အဲဒီဦးလေးကြီးကလည်း နောက်နောင် ကျနော်နဲ့ လမ်းမှာတွေ့ ရင်တောင် မမြင်ချင်ယောင်ဆောင်တော့တာပါပဲ။ ဖခင်ကကျနော့်ကိုပြောလိုက်တဲ့စကားကလည်း ရှင်းပါတယ်။ နောက်နောင် မင်းဒီလိုစကားမျိုးပြောမယ်ဆိုရင် မင်းဒီအိမ်ပေါ်က ခေါင်းနဲ့ ဆင်းရမယ်သာမှတ် ဆိုတဲ့စကားပါပဲ။

အခု ကျနော် လူထုစိန်ဝင်း ရဲ့ လူထုရနံ့ စာအုပ်ကိုဖတ်တဲ့အခါ ဟိုတချိန်တုန်းက လမ်းမှာတွေ့ ရင် မျက်နှာချင်းမဆိုင်ပဲ မျက်နှာလွှဲသွားခဲ့တဲ့ ဦးလေးကြီးကို သတိရနေမိပါတယ်။ ဒီစာအုပ်ထဲမှာ ဆရာလူထုစိန်ဝင်းဆီကို မေးခွန်းတွေ လာလာမေးကြတဲ့ လူငယ်တွေဟာ ကျနော့်ထက်တော့ ကံကောင်းတယ်လို့ ဆိုနိုင်တာပေါ့။ ဘာပြုလို့ လည်းဆိုတော့  ဆရာလူထုစိန်ဝင်းက မသိတာလာမေးတဲ့လူငယ်တွေကို တစုံတရာမရှင်းလင်းလို့ စောဒကတက်တဲ့လူငယ်တွေကို မျက်နှာလွှဲမသွားပါဘူး။ မျက်နှာချင်းဆိုင်ထိုင်ပြီး သူသိသလောက် သူရှင်းလို့ ရသလောက် အကြေအလည်ပြန်လည်ရှင်းလင်းလိုက်တာမို့ သူ့ ဆီလာတဲ့လူငယ်တွေက ကျနော့်ထက် ကံကောင်းတယ်လို့ ကျနော် ဆိုလိုက်တာပါ။

( ၂ )
ဆရာ လူထုစိန်ဝင်းဟာ စာတွေအများကြီး ရေးနိုင်တဲ့သူပါ။ အထူးသဖြင့် ကျန်းမာရေးအကောင်းပကတိ လူငယ်တွေတောင် လုပ်နိုင်ခဲတဲ့အလုပ်ကို အောက်ဆီဂျင်ပိုက်ရှူပြီးမှ အသက်ရှင်ရသူ လူမမာတဦးအနေနဲ့ လုပ်ပြနိုင်စွမ်းရှိတာ တခုထဲနဲ့ တင် လူငယ်တွေအတွက် စံပြပုဂိုလ်ဖြစ်စေပါတယ်။ သူဟာမြန်မာစာနယ်ဇင်းလောကမှာ လူငယ်တွေအပေါ် အလေးအနက်အထားဆုံး၊ လူငယ်တွေအပေါ် နားလည်နိုင်အောင် အကြိုးစားဆုံး၊ လူငယ်တွေအပေါ် ယုံကြည်မျှော်လင့်မှု အရှိဆုံးပုဂိုလ်ဖြစ်တယ်ဆိုတာ ဘယ်သူမှ မငြင်းနိုင်အောင် သူ့ စာတွေက သက်သေဖြစ်စေခဲ့ပါတယ်။
တစ်လတစ်လ သူရေးပေးနေခဲ့တဲ့ ဆောင်းပါးပေါင်းစုံအရေအတွက်ဟာ ၁၀၀ ကျော်မှာရှိတယ်လို့ ဆိုပါတယ်။ ဒါဟာ လာတွေ့ သမျှလူငယ်တွေနဲ့ ထိုင်ပြီးပြောပြ ရှင်းပြနေခဲ့တဲ့အလုပ်တွေပါထည့်တွက်ရင် လူမမာတဦးအနေနဲ့ ဘယ်လိုမှ စိတ်ကူးယဉ်လို့ မရနိုင်တဲ့ အလုပ်တွေပါပဲ။ ဒါပေမယ့် ဆရာ လူထုစိန်ဝင်းကတော့ အသေအချာကို စိတ်ကူးယဉ်တဲ့သူပါ။ စိတ်ကူးယဉ်နိုင်စွမ်းတဲ့ အာဂပုဂိုလ်ပါ။

လူငယ်တွေအပေါ်စိတ်ဝင်စားခြင်းဟာ အနာဂါတ်အတွက်ဖြစ်ပါတယ်။ လူငယ်တွေကိုယုံကြည်ခြင်းဟာ အနာဂါတ်ကို ယုံကြည်ခြင်းပါပဲ။ သူ့ ရဲ့ ဒီသဘောထား ဒီယုံကြည်မှုကို ဖေါ်ပြနိုင်တဲ့ စာအုပ်တွေထဲမှာ လူထုရနံ့ စာစုများ စာအုပ်ဟာ လောလောဆယ်မှာတော့အပြည့်စုံဆုံးစာအုပ်ဖြစ်ပါတယ်။ ဒီစာအုပ်မှာ ဆောင်းပါး (၅၅)ပုဒ်ပါရှိတဲ့အနက် (၂၂ )ပုဒ်ဟာ လူငယ်တွေကိုချည်း ရည်ညွှန်းရေးသားတဲ့ဆောင်းပါးများပဲဖြစ်ပါတယ်။ ကျန်တဲ့ဆောင်းပါးတွေကတော့ လူကြီးတွေကိုရည်ညွှန်းတာလည်းရှိ ဂျာနယ်လောကသားတွေနဲ့ သူ့ ကိုယ်သူ ရည်ညွှန်းရေးသားတဲ့ ဆေင်းပါးများဖြစ်ပါတယ်။ ဒီစာအုပ်ထဲက လူငယ်တွေနဲ့ ပတ်သက်တဲ့ဆောင်းပါးအားလုံးဟာ
ု့ ဆောင်းပါးတွေက သမိုင်းမှာ သခါန်းစာယူစရာကိစ္စတွေက်ိုကြည့်ပြီး ဒီလိုအမှားမျိုး နောက် မမှားမိစေဖို့ ။ ဥပမာ သတင်းစာသမား ဂျာနယ်သမားလူငယ်တွေကို ဆရာက သူရိယနဲ့ မြန်မာ့အလင်း သတင်းစာကြီး နှစ်ခုရဲ့အဖြစ်ကိုပြောပြီး သခါန်းစာယူစေပါတယ်။ သူရိယသတင်းစာကြီးဟာ ဆရာကြီးသခင်ကိုယ်တော်မှိုင်း၊ ဆရာကြီး ရွှေဥဒေါင်းနဲ့ ဆရာကြီး ပီမိုးနင်းတို့ လိုပုဂိုလ်တွေ လုပ်ကိုင်ခဲ့ကြတဲ့ တကယ့် လူရော ရှင်ပါ ရိုသေလေးစား သြစာတက္ကမကြီးမားတဲ့ သတင်းစာကြီးဖြစ်တယ်။ ဒါပေမယ့် နောက်ပိုင်းမှာ ဘကြီးဘဖေက ၂၁ ဦးဂိုဏ်းထောင်ပြီး အင်္ဂလိပ်ကပေးတဲ့ ငါးထောင်စားအလုပ်ကိုလုပ်လို့ သူ့ လက်ထက် သူရိယသတင်းစာကြီး သြစာကျဆင်းသွားရတယ်။ အင်္ဂလိပ်အစိုးရနဲ့ ပေါင်းသွားတဲ့ အမျိုးသားသစ္စာဖေါက်တယောက်ရဲ့ သတင်းစာကြီးအဖြစ် လူတွေက သတ်မှတ်လိုက်ကြတယ်။ နောက်ပိုင်းမှာ ဂဠုန်ဦးစေါလိုပုဂိုလ်က သူ့ ရဲ့နိုင်ငံရေးသြစာထူထောင်ဖို့ ကြိုးစားတဲ့အနေနဲ့ သူရိယသတင်းစာကြီးကို အသုံးချတဲ့ အခါ နောက်ဆုံးတော့ သူရိယသတင်းစာ နိဂုံးချုပ်ရတဲ့အကြောင်းကို ဆရာက ထောက်ပြပါတယ်။( ဖတ်ပါ၊ လေ့လာမါ၊ အတုမခိုးပါနဲ့ )

လူငယ်တွေ ပါးနပ်ကြဖို့ ၊ ပရဟိတနဲ့ အတ္တဟိတကိစ္စတွေအပေါ် မှန်မှန်ကန်ကန်သုံးသပ်ဖို့ ကိုလည်း ဆရာက ရေးပါတယ်။ ဥပမာ ကုလသမဂ အဖွဲ့ ကြီးရဲ့ကုန်ကျစရိတ်မှာ အဖွဲ့ ကြီးရဲ့ အရာရှိကြီးတွေသွားတာလာတာ နေတာထိုင်တာတွေကြောင့် စုစုပေါင်းကုန်ကျစရိတ်ရဲ့ ခြောက်ဆယ်ရာခိုင်နှုန်းလောက်ရှိကြောင်း ၊ အင်ဂျီအိုတခုက ငွေဆောင်ကမ်းခြေမှာလုပ်တဲ့ ဝပ်ရှော့တခုဆိုရင် ဟော်တယ်ကြီးနှစ်ခုကို အပြတ်ငှါးပြီး နေထိုင်စားသောက်စရိတ်နဲ့ ခရီးစရိတ်တွေပါ ကျခံပေးကြောင်း တကယ်တော့ ဒီကုန်ကျစရိတ်တွေက စာသင်ကျောင်းနဲ့ ဆေးရုံတွေအတွက်ဖြစ်သင်းကြောင်း ထောက်ပြပြီး လူငယ်တွေ အင်ဂျီအိုလုပ်ငန်းတိုင်း မသာယာမိဖို့ သတိပေးပါတယ်။ ဒီတော့လည်း ကျနော်တို့ ပြည်ပမှာလည်း စီမီနာတွေ ဝပ်ရှော့တွေလုပ်တိုင်း မကုန်သင့်တာတွေအကုန်ခံပြီး စီမီနာဝပ်ရှော့ယဉ်ကျေးမှု ပေါ်ပျူလာဖြစ်နေတာကို ကျနော်သွားတွေးမိပါတယ်။(အတ္တပရဟိတ လုပ်ငန်း )

လူငယ်တွေ စာဖတ်ဖို့  လေ့ လာဖို့ လိုတဲ့အကြောင်နဲ့ ဒါပေမယ့် အတုမခိုးနဲ့ လို့ ဆရာက ပြောပါတယ်။ အတုမခိုးနဲ့ ကိုယ်က အသစ်ထွင်ရမယ်လို့ ဆိုပါတယ်။ အတုခိုးရင် သူများနောက်လိုက်ဖြစ်ပြီး အတုဟာ အတုပဲဖြစ်မယ့်အကြောင်းပြောပါတယ်။ ကျနော်တို့ က တသက်လုံး စု၊တု၊ပြု နဲ့ ကြီးပြင်းလာခဲ့တာမို့ ဆရာက ဒီလိုထောက်ပြလိုက်တော့ ကိုယ့်အယူအဆဖြာလိပ်ကို ခေါင်းပေါ်ကနေလွှတ်ချဖို့ အခုမှပဲ သတိထားမိပါတော့တယ်။(ဖတ်ပါ၊လေ့လာပါ၊ အတုမခိုးပါနဲ့ )

ဆရာက လူငယ်အများစုမှာ ကြောက်စိတ်ရှိနေတယ်လို့ သူထင်ကြောင်း၊ ကြောက်စိတ်ဟာ မိဘနဲ့ ပတ်ဝန်းကျင်ရဲ့ ဖန်တီးမှုကြောင့် ဖြစ်ရတာများကြောင်း ဆိုပြီးရေးပါတယ်။ ကြောက်စိတ်ကိုပျောက်အောင်ဖျောက်ဖို့ ဆိုရင် ဘာမဆိုရင်ဆိုင်ပစ်လိုက်မယ်ဆိုတဲ့စိတ်ဓါတ်ရှိဖို့ လိုကြောင်း ရင်ဆိုင်ပြီးတဲ့အခါ ရှုံးသည်ဖြစ်စေ နိုင်သည်ဖြစ်စေ ကြောက်စိတ်ကမရှိတော့ကြောင်း လူငယ်တွေက်ို အကြံပေးပါတယ်။ (ကြောက်စိတ်က ကြောက်စရာအကောင်းဆုံး )

ဆရာ လူထုစိန်ဝင်းရဲ့ဆောင်းပါးတွေထဲမှာ ကျနော် သိသိသာသာ သတိပြုမိတဲ့အချက်က မြန်မာလူမျိုးတွေ နိုင်ငံရေးအမြင်အားနည်းတယ်ဆိုတဲ့အမြင်ကို ပြင်းပြင်းထန်ထန်ဆန့် ကျင်ရေးသားတဲ့အချက်ဖြစ်ပါတယ်။ (နိုင်ငံရေးကို နှာခေါင်းရှုံ့ ခဲ့တဲ့ ရေပေါ်ဆီလူတန်းစားတွေ}။ လူထုကို မြန်မာလူထုကို နိုင်ငံရေးဗဟုသုတနည်းပါးတယ်ဆိုတဲ့သူတွေ လူထုကို နိုင်ငံရေးအရ ဟိုဟာလုပ်ပါ ဒီဟာလုပ်ပါဆိုတဲ့သူတွေဟာ တကယ်တော့ လူတွေထဲမှာမရှိပဲ လူတွေနဲ့  ကင်းကွာနေတဲ့ ရေပေါ်ဆီလူတန်းစားတွေသာဖြစ်တယ်လို့ ဆိုလိုက်ပါတယ်။ လူတွေထဲမနေ လူတွေအကြောင်းမသိတော့ တိုင်းပြည်အကြောင်းလည်းမသိတော့ဘူးလို့ ဆိုပါတယ်။ ဒီတော့ လူထုကိုအထင်မကြီးပဲ ကျောင်းတော်ကသင်ပေးတာလောက်ပဲ အထင်ကြီး နိုင်ငံခြားသာပြေတာတွေကိုပဲ အထင်ကြီးပြီး လူထုကို ဆရာလုပ်ဖို့ ကြိုစားကြတယ်လို့ လည်း ပြောပါတယ်။ တကယ်တော့ မြန်မာလူထုဟာ နိုင်ငံရေချိန်အမြင့်ဆုံးလူမျိုးပါတဲ့။ မြန်မာလူမျိုးဟာ နိုင်ငံရေးကို တက္ကသိုလ်ကျောင်းတော်က သင်ယူခဲ့တာမဟုတ်ပဲ ဘဝက သင်ယူခဲ့တာပါတဲ့။ ကိုလိုနီဘဝနဲ့ ဖက်ဆစ်ဂျပန်ခေတ်တွေမှာ လက်သည်းခွံခွါ ရေနွေးပူအလောင်းခံပြီးမှ သင်ခဲ့ရတာပါ။ ဒါကြောင့်မို့ နိုင်ငံရေးဗဟုသုတမြင့်တဲ့အကြောင်း ဥပမာနဲ့ တကွ ရေးပါတယ်။(လှမ်းစို့ တူပျော် ရွှေပြည်တော်}။

လူငယ်တွေ ငြင်းခုန်ပြောဆိုကြတာကိုလည်း ဆရာကအားပေးပါတယ်။ လူငယ်တွေ ငြင်းကြခုန်ကြရင်းက အမှန်တရားကို ဆုပ်ကိုင်လာနိုင်မယ်လို့ ဆရာက ယုံကြည်ပါတယ်။ အခြေအတင် ငြင်းခုန်ဆွေးနွေးအဖြေရှာတဲ့အလုပ်ဟာ ယဉ်ကျေးမှုရေးအလုပ်ဖြစ်တာမို့ ဆရာက လူငယ်တွေငြင်းခုန်ကြတာကို သဘောကျပါတယ်။ ဒါကြောင့်မို့ တောင်းရမ်းစားသောက်သူတွေက်ို အားပေးသင့်မသင့်ဆိုတဲ့ခေါင်းစဉ်နဲ့ လူငယ်တွေငြင်းကြခုန်ကြတဲ့အခါ ဘယ်ဟာ ပင်မ ဘယ်ဟာ သာမညဆိုတဲ့အဖြေကို လူငယ်တွေ ငြင်းခုန်ရင်းက အဖြေရလာနိုင်တယ်လို့ ဆိုပါတယ်။ (ငြင်းခုန်တာဟာ ရန်ဖြစ်တာမဟုတ်)။ တောင်းရမ်းစားသောက်လာစေတဲ့ အဓိက တွန်းအား အဓိက တရားခံကို လူငယ်တွေသိမြင်လာစေပြီး အဲဒီပင်မကို ရှင်းမှ လူတွေတောင်းရမ်းစားသောက်တဲ့အလုပ်ပပျောက်သွားမှာဖြစ်တယ် ပိုက်ဆံလှူပြီးကူညီလိုက်ရုံနဲ့ သူတောင်းစားတွေပျောက်သွားမှာမဟုတ်ဆိုတဲ့ အမြင်ကို ဆရာ လူငယ်တွေ ငြင်းခုန်ရင်းက ရလာစေတယ်လို့ သူ့ ရဲ့ကျောင်းသားများရဲု့ငြင်းခုန်ပွဲတွေကို ဥပမာပေးပြီးပြောပါတယ်။

(၃)
ဆရာ လူထုစိန်ဝင်းရဲံ့ လူထုရနံ့ စာစုများ စာအုပ်ဟာ ပြည်တွင်းမှာထုတ်ဝေတာ မဟုတ်ပါဘူး။ ပြည်တွင်းက ထုတ်ဝေခဲ့ပြီးတဲ့ ဂျာနယ်မဂဇင်းတွေမှာ ဖေါ်ပြပြီးတဲ့ ဆောင်းပါးများကို ပြည်ပမှာဖွဲ့ စည်းထားတဲ့ မြန်မာသတင်းသမဂက စုစည်းထုတ်ဝေတာပါ။ ပြည်ပမှာ ထုတ်ဝေတာပါ။
ဒီစာအုပ်မှာ အဓိကအားဖြင့် ဆရာလူထုစိန်ဝင်းက လူငယ်တွေကို ပညာပေးဖို့ ၊ လူငယ်တွေကို အတွေးအခေါ် ထက်မြက်စေဖို့ ၊ လူငယ်တွေကို ဘာမဆို ရင်ဆိုင်ဖြေရှင်းရဲ ဖြေရှင်းနိုင်ဖို့ အဓိကထားတဲ့ဆောင်းပါးများက အများစုဖြစ်ပါတယ်။

လူထုရနံ့ စာစုများ စာအုပ်ဟာ တကယ်တော့ ဆရာလူထုစိန်ဝင်း ရဲ့ လူငယ်တွေကို ပညာပေး ဆုံးမပဲ့ပြင်တဲ့ စာအုပ်ဖြစ်ပါတယ်။ လူထုစိန်ဝင်းရဲ့ ပုတ္တောဝါဒအမြင်စာအုပ်ဖြစ်ပါတယ်။ ဒါပေမယ့် အစဉ်အလာ အယူအဆအဟောင်းအရ ငါပြောတာနားထောင် ငါပြောတာအမှန် ခံမပြောနဲ့ ဆိုတဲ့ ပုတ္တေဝါဒအဟောင်းတော့မဟုတ်ပါဘူး။ ပုတ္တောဝါဒ လက်သစ်သာဖြစ်ပါတယ်။ ။

ငြိမ်းဝေ
(ဒီဆောင်းပါးက ဧရာဝတီ အင်တာနက်မဂဇင်းမှာ စာအုပ်စင်ကဏ္ဍအတွက် မောင်ဖူးတင့် ကလောင်အမည်နဲ့ ရေးခဲ့တဲ့ဆောင်းပါးဖြစ်ပါတယ်။ ဧရာဝတီမှာ ပြီးခဲ့တဲ့တပါတ်က ဖေါ်ပြခဲ့ပြီးဖြစ်ပါတယ်။)

စာအုပ်အမည်။ ။ လူထုရနံ့ စာစုများ
စာရေးသူ ။ ။ လူထုစိန်ဝင်း
ထုတ်ဝေသူ ။ ။ မြန်မာသတင်းသမဂ
ထုတ်ဝေခုနှစ် ။ ။၂၀၁၀၊ ဖေဖေါ်ဝါရီ