မသိန်းရှင်ဆီ ပို့ ပေးပါ

( ၉ )
ပြန်၍ဆုံတွေ့သည့်အခါ

ကျနော် ခွင့်ရက်စေ့သဖြင့် ပြန်လာခဲ့သည်။ ထိုညနေက သူသည်လည်း ကျနော် သူ့ကို တောင်းတွင်းကြီးဘူတာရုံမှ လာကြိုနေလိမ့်မည်ဟု တွေးလာခဲ့သဖြင့် ကျနော်ပေးသည့် ထမီကို အမှတ်တရ ဝတ်လာခဲ့သည်။သူ့ ကို ကြိုတင် မြင်နိုင်စေရန် တံခါးပေါက်ဝ၌ ထွက်ရပ်ပြ လာခဲ့သည်။
တောင်တွင်းကြီး၌ ရထားဆိုက်ရပ်လျှင် သူသည် အပြေးဆင်းလာသည်။ သူ့နာနတ်ခြင်းများကို မြင်းလှည်း တစီးပေါ်သို့ ကမန်းကတမ်း တင်သည်။ ကျနော် ရပ်စောင့်နေရာ မြင်းလှည်း ဂိတ်တဖက်ဘေးသို့ အပြေးအလွှား လျှောက်လာသည်။
ကျနော့် အနားတွင်ရပ်ပြီး သူသည် ကျနော့် ကို စကားမပြောနိုင်ဖြစ်နေခဲ့သည်။ ကျနော်လည်း အေးတိ အေးစက်ဖြင့် ပြုံးရုံသာ ပြုံးနေသည်။
ကျနော့် ကို မှောင်ခိုသမားများသည် နောက်ပြောင် သွားနေကြ၏။

သူ့ ကိုလည်း သင်းသင်းနှင့် နုနုတို့က“ဝမ်းသာနေပလားမိညို” ဟု အော်မေးနေသည်။
သူသည် သူ့တောင်းများကို ယူသွားကြရန် သူ့ အဖေါ်များကို ပြောလေသည်။
“ညိုညိုလမ်းလျှောက်ရင်း ဖြေးဖြေးမှ လာခဲ့မယ်၊ တောင်းတွေချထားနှင့်ကြနော်၊ ဒီလူ့ ကို စစ်စရာ ဆေးစရာရှိတယ်” ဟု သူ့ အဖေါ်များကို လှမ်းပြောသည်။

ထိုညနေမှာ သူနှင့် ကျနော် နှစ်ယောက် တွဲကာ ပထမဆုံး လမ်းအတူလျှောက်ကြသည့် ညနေဖြစ်သည်။
သူနှင့် ကျနော်သည် အုန်းတောရပ်ကွက် ဖြတ်လမ်း ကျဉ်းကလေးတခုအတွင်းမှ ဈေးဖက်သို့ အဖြေးလေးနိုင်ဆုံး နှေးကာလျှောက်လာကြ၏။ သူသည် တဘက်တထည်ကို ခေါင်း၌ ရစ်ပေါင်းထားသဖြင့် တကယ့်မိန်းမကြီးတဦးနှင့် တူနေပြန်သည်။ ပုခုံးတွင်လည်း လွယ်အိတ် အနီတလုံးကို လွယ်ထားသည်။ သူ့ အကျီင်္မှာ ရက်ပိုင်းအတွင်းကမှ ချုပ်ထားသဖြင့် သစ်နေသည်။ ကျနော် လက်ဆောင်ပေးသည့် ထမီမှာလည်း သူ့ အသားနှင့် လိုက်ဖက်နေသည်။ သူ့ မျက်နှာမှာ ယခင်ကလိုမှေးမှိတ်မနေတော့ပေ။ တချက်တချက် ကျနော့် ကို ကြည့်သည့် သူ့ မျက်လုံးများမှာ စိန်ရောင် တဖျတ်ဖျတ် လက်နေကြသည်။
အတော်ကြာကြာ အလှမ်းဝေးလာသည်အထိ သူနှင့် ကျနော် စကားမပြောမိ။ လမ်းမှာ ခရီးသွားများပြတ်နေ၏။ ဓါတ်မီးတိုင်မှ အလင်းရောင်နှင့် ဝေးရာမှောင်ရိပ်ဖက်မှ ဖြတ်လျှောက်လာကြသောအခါ၌ ရင်ထဲတွင် နွေးလာပြန်သည်။
ကျနော်သည် သူ့ ကို ရင်ခွင်အတွင်း ဆွဲသွင်းပွေ့ညှစ်ပစ်လို စိတ်များ ပေါ်လာသည်ကို မျိုသိပ်နေရပြန်သည်။ ပခုံးချင်း ယှဉ်လျှောက်နေခိုက်၌ သူ့ လက်မောင်းသားများသည် ကျနော့် လက်မောင်းကို လာ၍ထိကြ၏။ သူ့ ရန်ခုန်သံများမှာဤလမ်းကျဉ်းကလေးထဲ၌ လှိုက်ခုန်နေသည် ထင်သည်။
ဤ လမ်း၌ လျှောက်နေစဉ် တွင် သူ့ ကို ကျနော် မည်မျှ သတိရနေသည်ကို ထုတ်ဖေါ် ပြောနေရန်မလိုဟု ကျနော် တွေးလာခဲ့၏။ ကျနော်သည် သူ့ အတွက် အကျီင်္ပိတ်စတခုနှင့် သူ့ အမေအတွက် ပန်းနာဆေးများယူလာခဲ့၏။ လမ်းအတော်ဝေးဝေး လျှောက်လာပြီးသည် အထိ မပေးဖြစ်သေးပေ။
လမ်း ဓါတ်မီးတိုင်များ အောက်တွင် သူနှင့် ကျနော်သည် မျက်လုံးချင်း ဆိုင်မိကြ၏။ နှစ်ယောက်စလုံး စကား မပြောဘဲ အချိန်ကိုက် စက်ကရိယာများလို တပြိုင်နက်တည်း ပြုံးလိုက်မိကြသည်။ သူ့ မျက်နှာပေါ်တွင် ရှက်သွေးရောင်များ ပြေးနေပြန်သည်။

လမ်းဆုံးလုနီးမှ “ကဲ….ပြောစရာရှိလို့မှုတ်လား၊ ပြောစရာရှိပြောလေ” ကျနော်သည် သူ့ ကို ခပ်တိုးတိုး မေးနေ၏။
“သူ ပိန်သွားတယ်” ပြောပြီး ငြိမ်ငြိမ်သက်သက်ပင် ဆက်လျှောက်နေပြန်သည်။

တခါတခါ၌ သူ့ မျက်နှာ ကလေးမှာ တခုခုကို နက်နက်ရှိုင်းရှိုင်း တွေးနေပုံမျိုးလည်း ပေါ်လာသည်။ တခါတရံ၌ အပြုံးရိပ်များသည် အမှတ်မထင် ဖြတ်သန်းသွားကြသည်။လမ်းဆုံးလုနီးရောက်လာမှ သူသည် စကားများကို ခပ်တိုးတိုး ပြောလာသည်။ လမ်းကို ပို၍ နှေးလေးစွာ လျှောက်လာပြန်သည်။

“သူများကို မေ့နေတာမှုတ်လား၊ ဒီနေ့ သူ ဘူတာကလာကြိုနေမှာလို့ သင်းသင်းတို့နဲ့ အလောင်းအစား လုပ်လာခဲ့တာ၊ လာမကြိုဘဲများနေရင် သူ့ ကို ခေါ်ကို မခေါ်တော့ဘူးလို့ စိတ်ကူးထားတာ၊ သူလာကြိုနေလို့ပေါ့”
“ပြောစရာရှိတယ်ဆိုတာ အဲတာလား”
“မဟုတ်ဘူး” ဟု ပြောကာ သူသည် လမ်းကွေ့ဓါတ်မီးတိုင် အောက်တွင် ရပ်တန့်လိုက်ပြန်သည်။
ကျနော်သည်လည်း သူ့ အနားတွင် ယှဉ်လျက် ရပ်နေမိ၏။

ရှေ့တွင်း နှင်းမှုန်များကြားထဲ၌ မော်တော်ကားလမ်း မကြီုး လှမ်းမြင်နေရသည်။ လမ်းမကြီးသို့ အကူး ကားဖြတ်မောင်းသည့် အုတ်တန်တားကလေးပေါ်တွင်လည်း နှင်းမှုန် နှင်းစက်များ တဖြောက်ဖြောက် ကျနေသည်။
သူသည် ကျနော့် မျက်နှာကို မော့်ကြည့်နေ၏။

“ဒီနေ့ ကျောက်ပန်းတောင်းဈေးထဲမှာ သူနဲ့လိုက်မယ့် ပုဆိုးတထည် တွေ့လို့  ဝယ်လာခဲ့တာ၊ အဲတာပေးမလို့ပါ၊ လူကြားထဲမှာတော့ မပေးရဲဘူး၊ ရှက်ပါတယ်၊ အဲတာ မနက်ဖက်အလုပ်ဆင်းရင် ဝတ်လာခဲ့ရမယ်၊ သူနဲ့ ဘောင်းဘီနဲ့ လုံးလုံးလိုက်တာ မဟုတ်ဘူး၊ ဘောင်းဘီဝတ်လိုက်ရင် လူကပိန်ပိန်နဲ့ မျောက်နဲ့ သိပ်တူတာ၊ လုံချည်ဝတ်ရင် ချောရဲ့ သားနဲ့၊ လုံချည်ဝတ်လဲ မုန်းစရာကြီးပါ၊ လုံချည်တောင် ညီအောင် ဝတ်တတ်တာ မဟုတ်ဘူး၊ တစ တို ရှည်ကြီး၊ တခါလောက်တော့ မြို့ လုင်က အရီးညိုတို့အိမ် ခေါ်သွားရအုံးမယ်၊အဲဒီအိမ်က ခွေးကြီးကပုံပျက် ပန်းပျက် မြင်ရင် သိပ်ကိုက်တာ”

သူ ရယ်နေသော်လည်း ကျနော်သည် ငြိမ်သက်နေမိ၏။
သူ့ လွယ်အိတ်အတွင်းမှ ထုတ်ယူနေသော လုံချည်မှာ ခေတ်ပေါက်ဈေးဖြင့် လေးဆယ်ကျပ်မျှ မပေးဘဲ ရမည်မဟုတ်ပေ။ သူ့ နား၌မူ နားတောင်းကလေးတရံပင် ဝယ်မဝတ်နိုင်။ သူသည် ကျနော် ထမီတထည် လက်ဆောင်ပေးသဖြင့် သူ့မာနနှင့်သူ ကျနော့် ကို အောက်ကျမခံ လုံချည်တထည် ပြန်ပေးနေခြင်းအတွက် ကျနော်သည် သူ့ မာနကို ဦးညွှတ် လေးစားလိုစိတ်များလည်း ပေါ်လာနေရပြန်သည်။
သူသည် ဤလုံချည်တထည် ကျနော့် ကို ပြန်၍ လက်ဆောင်ပေးနိုင်ရန်အတွက် သော်လည်းကောင်း… သူ့ မိသားစု၏စုံးစုံး နစ်မြုပ်လာနေသော စားဝတ်နေရေး ပြဿနာကြောင့် သော်လည်းကောင်း ထန်းလျက်များကို တင်နေခဲ့ရပေပြီလားဟု တွေးနေမိ၏။
ကျနော့် ရင်ထဲတွင် အစောက ပျော်ရွှင်ကြည်နူးစိတ်ကလေးများသည် တဖြည်းဖြည်း ပြယ်ကာ နှင်းထုကြီးအတွင်းသို့ ပျံ့ နှံ့သွားကာ ပျောက်ကွယ်သွားနေသည်။
ကျနော်သည် သူ့ လုံချည်ကို လှမ်းမယူသော်လည်း…အစောပိုင်းက ဖြစ်ပေါ်နေခဲ့သည့် သူ့ စိတ်နှလုံးသား အတွင်းမှ ကြည်နူးရွှင်ပျမှုကလေးများ ပျောက်ကွယ်သွားမည်ကိုမူ စိုးရိမ်သောက ရောက်မိပြန်သည်။ ကျနော်သည် ကြိုးစား၍ ပြုံးနေရ၏။
ကျနော်သည်လည်း သူ့ အတွက် ယူလာခဲ့သည့် အကျီင်္ပိတ်စနှင့် သူ့ အမေအတွက် ဆေးထုပ်များကို ထုတ်ပြနေသည်။
သူသည် ထိုတိုက်ဆိုင်နေမှုအတွက် ပြုံးရယ်နေ၏။ သူ့ မျက်လုံးများမှာ ပို၍ ရွှန်းလက်တောက်ပလာနေသည်။

“တိုက်တိုက်ဆိုင်ဆိုင်နော်….သူများကလဲဝယ်လာ၊ သူကလဲ ဝယ်လာ”

သူသည် ကျေနပ်နှစ်သိမ့်မှု ကြည်နူးရွှင်ပျမှုများ ပြည့်နေသည့်အသံဖြင့် တတွတ်တွတ် ပြောနေသည်။ သူ့ ပုဆိုးကိုလည်း လှမ်းပေးနေသည်။
ကျနော်သည် သူ့ ပုဆိုးကို လှမ်းမယူဘဲ သက်ပြင်းချလိုက်မိ၏။

“အဲတာ မင်းဖို့ရယ်… မင်းအမေဖို့ရယ်၊ ကို ပေးတာကို မင်းမယူရင် ထားပစ်ခဲ့နော်၊ မင်းပေးတာကိုတော့ ကိုမယူနိုင်ဘူး” ကျနော်သည် အေးတိအေးစက် ပြောရင်း အထုပ်ကို သူ့ ခြေထောက် အနားသို့ ပစ်ချလိုက်သည်။ ထိုအခါ၌ သူ့ မျက်နှာပေါ်တွင် အစောက ဖြတ်သန်းနေသည့် ကြည်နူး ရွှင်လန်းမှုကလေးများ ပျောက်ကွယ်သွားတော့မည် ဖြစ်သဖြင့် ကျနော်သည် သူ့ မျက်နှာကို မကြည်နိုင်တော့ပေ။

ကျနော်သည် ထိုနေရာမှ ချာကနဲ လှည့်လိုက်ပြီး သူ အံ့အားသင့်နေစဉ် သုတ်သုတ်လျှောက်ထွက်လာခဲ့သည်။
သူ လှမ်းအော်ပြောနေသည်ကိုလည်း ဂရုမပြု။

“အို…အို…နေ…နေအုံး…နေအုံး”

သူ၏ လှမ်းအော်သံမှာ နောက်ပိုင်း၌ ပျောက်ကွယ်နေရစ်ခဲ့သည်။ ကျနော်သည် အလာက လမ်းအတိုင်း မဟုတ်တော့ဘဲ သူလိုက်ပြေးလာမည်စိုးသဖြင့် လမ်းချိုးကလေးတခု၌ ချိုးကွေ့လိုက်၏။ ကျနော်ထင်သည့်အတိုင်းပင် သူ၏ ပြေးလိုက်လာသံကို ကြားရသည်။ ကျနော်သည် ငြိမ်သက်ရပ်နေလိုက်၏။
သူသည် ကျနော် ချိုးကွေ့သည့် လမ်းမြှောင် ကလေးကိုကျော်လွန်ကာ…“နေအုံး…နေအုံးလေ” ဟု အော်ရင်း ပြေးလိုက်လာနေသည်။

ထိုညက ကျနော့် စိတ်အာရုံ၌ သူ့ ခေါ်သံကို ကြားယောင်နေခဲ့သည်။ သူ ပြေးလိုက်လာပြီး ကျနော့် ကို ကျော်လွန်သွားပုံကို မြင်ယောင် နေသည်။ ည၌ ကျနော်သည် “ဘဝပြောင်းလေသူ” ဟု ခေါင်းစည်းပေးကာ ကဗျာတပုဒ် ရေးနေမိ၏။ ထိုကဗျာမှာ ကျနော်ကိုယ်တိုင်လည်း မနှစ်သက်။ ကျနော်သည် တပိုင်းတစ ရေးပြီး ကဗျာကို ဆွဲဆုတ်လွှင့်ပစ်၏။
ကျနော် အလုပ်ပြန်လုပ်နေသည့် ရက်များတွင် ကျနော့် စိတ်ထဲ၌ ညိုညို့ နာနတ်ခြင်းများအောက်ဝယ် ထန်းလျက်များ တိတ်တဆိတ် တင်လာနေခဲ့ပြီ ဟူ၍သာ ယုံကြည်နေသည်။ ထို အတွက်အပြစ်တင်ရန် အကြောင်းလည်း ရှာမတွေ့နိုင်။ သူကလည်း သူထန်းလျက်များကိုတင်နေရပြီ ဖြစ်ကြောင်း ကျနော့်ကို ထုတ်ဖော်ပြောနိုင်မည်လည်း မဟုတ်။
ကျနော် သူ့ အနားသွားထိုင်လျှင် သူသည် ရထားပြတင်းဝမှ မျက်နှာကို အပြင်သို့ လှည့်ထားနေစဉ်၌ သူ့ မျက်လုံးအိမ်များတွင် မျက်ရည်များ ပြည့်လာ နေသည်ကို ကျနော်သည် နောက်ကျောဖက်မှ လှမ်းကာ မြင်တွေ့နေရသလို ခံစားနေခဲ့ရသည်။
ကျနော်နှင့် သူသည် အတူတူ ထိုင်နေပါခဲ့လျက် စကားများလည်း မပြောဖြစ်။
ညောင်တိုသို့ ရောက်လျှင်လည်း ကျနော်သည် သူတို့ ထမင်းဝိုင်းသို့ မဝင်တော့ပေ။
များစွာသော ရက်များ၌ ကျနော်သည် ဂါတ်တွဲပေါ်တွင်သာ ခိုကပ်နေခဲ့သည်။ သူတို့တွဲသို့ လက်မှတ်ပင် တက်မစစ်ဖြစ်တော့ပေ။ ဤရက်များအတွင်း၌ သူနှင့် ကျနော့် ကြား၌ အစိမ်းရောင် ခန်းစီးကြီးတခုဖြင့် ဆွဲကာ ခြားနားထားသလို ခံစားနေခဲ့ရသည်။
သူသည် ကျနော့် လက်ဆောင်ပစ္စည်းများကို ပြန်ပေးရန် ကြိုးစားခဲ့သေး၏။

“မယူချင်ရင် လွှင့်ပစ်ခဲ့ပေါ့” ဟု ကျနော်က ပြောလျှင် သူသည် မျက်ရည်များ ဝဲလာနေရပြန်သည်။
ကျနော့် ကို သူဝယ်ထားသည့် ပုဆိုး လက်ဆောင် ပေးရန်လည်း မကြိုးစားတော့ပေ။ တခါတရံ ဘူတာတခုခုတွင် ကျနော်သူတို့တွဲရှေ့မှ လမ်းဖြတ်လျှောက်သွားလျှင် သူသည် သူထိုင်နေရာ ပြတင်းဖက်မှ လှမ်းကြည့်နေတတ်သည်။

ထိုရက်များတွင် မိုးသည်လည်း ချိန်ခါ ဟုတ်ဘဲ ညိုမဲလာတတ်သည်။ နေခြစ်ခြစ်တောက် ပူလောင်နေဆဲ၌ မိုးသည် ရုတ်တရက် မှိုင်းဆို့လာလျှင် သက်ရှိသက်မဲ့အရာဝတ္တု အပေါင်းသည်လည်း ညိုညစ် မဲပုပ်လာကြသည်။ ဤ မဲပုပ်ရစ်မှောင် နေမှုများသည် နှလုံးသားကိုလာ၍ အရောင် ဟပ်နေကြပြန်သည်။ နိမိတ်ဆိုးကြီးတခု ဖတ်ကြားနေခြင်းကို နားထောင်နေရသလိုပင်။

ညိုညို့ ထန်းလျက်တောင်းများကို ကျနော် စစ်ဆေးမိသည့် နေ့ကလည်း ညောင်တိုမှ ရထား ထွက်လာသောအခါ မိုးကြီးသည် ပြိုမလိုမဲမှောင်ကာ ရထားကြီးပေါ်သို့ နိမ့်ဆင်းကျလာနေခဲ့သည်။ ရထားကြီးသည်လည်း နိမိတ်ဆိုးကြီးဟု ထင်ရသော အရိပ်မဲကြီး အောက်မှ လွတ်မြောက်စေရန် အားသွန်ခုတ်မောင်းနေခဲ့သည်။်
ကျနော်သည် ညိုညိုတို့တွဲကို လက်မှတ်စစ်လာခဲ့သည်။ သူတို့ကို ကျော်လွန်လာခဲ့ပြီး တွဲအလယ်သို့ ရောက်လျှင် ခရမ်းချဉ်သီးတောင်းသုံးတောင်းကို ထန်းလျက်ပါသည်ဟု မသင်္ကာ ဖြစ်ကာ ခြေဖြင့် ကန်ကြည့်လိုက်သည်။
ထိုတောင်းသုံးတောင်းမှာ အောက်ဖက်၌ ထန်းလျက်များ ပါနေသဖြင့် လေးလံနေကာ ကန်၍ လှုပ်သင့် သလောက်မလှုပ်ပေ။
ကျနော်သည် တောင်းတတောင်းအပေါ်တွင် ခြေထောက်တဖက်တင်ထားပြီး မျက်လုံးဝဲကာ ပိုင်ရှင်ကို ရှာကြည့် လိုက်သည်။
ခရီးသည် အများသည်လည်း ကျနော့်ကို လှမ်းကြည့်နေကြသည်။ အချို့ သည် ပြောလက်စ စကားများကို ရပ်ဆိုင်းထားကြသည်။ အကယ်၍ ရထားခုတ်မောင်းနေသံသာ ဆူညံမနေခဲ့လျှင် အပ်ကျသံကိုပင် ကြားရမတတ် တိတ်ဆိတ် နေလိမ့်မည်။ နုနု၊ သင်းသင်း၊ မအေးသွယ်၊ မအေးမြင့်၊ တင်တင်တို့၏ မျက်နှာများကိုလည်း တွေ့ရ၏။ ထိုအထဲ၌ ကျနော့်ကို စိုက်ကြည့်နေသော ညိုညို့ မျက်နှာကလေးမှာ ရှေ့ သို့ ပြေးထွက်လာသလို ထင်လိုက်ရသည်။
သူ့ မျက်နှာမှာ အခြားသူများလို က္ကုနြေ္ဒမရှိတော့ဘဲ သွေးဆုတ် ဖြူ ယော်သွား သည်။ သူ့ မျက်လုံး ဝိုင်းဝိုင်း စက်စက်ကြီးများသည် ပို၍ဝိုင်းစက်လာနေသည်။ သူ့ မျက်နှာမှာ ဖြူယော်နေရာမှ သွေးများ ပြန်ပြည့် နီမြန်း လာသည်။ ထို့နောက်မှိုင်းညစ်လာပြန်သည်။
သူက သူ့တောင်းပါဟု ကျနော့် ကို လှမ်းပြောနေသကဲ့သို့ ထင်နေရ၏။ ကျနော် ပင်းချောင်းသုိ့ ရောက်လျှင် အလုပ်သမားများအကူအညီဖြင့် ဆွဲချ ဖမ်းဆီး လိုက်တော့မည်ဟု သူတွေးကြောက် လိုက်ပုံသည်လည်း ကွက်ကနဲ ပေါ်လာသည်။ သူသည် ကျနော်ရှိရာသို့ ထပြေးလာချင်သဖြင့် သူ့ မျက်လုံးမှာ က္ကုနြေ္ဒမရ ဖြစ်လာနေသည်။
ထိုအချိန်ထိုစက္ကန့်ပိုင်း ကလေးအတွင်း၌ ကျနော်သည် သူ့ အနေနှင့် မလုပ်လျှင် မဖြစ်တော့သောကြောင့် လုပ်ရသည်ဟု အမှန်အတိုင်း တွေးလိုက်မိ၏။ ရာပေါင်း များစွာသော အခြား မိန်းမကောင်းကလေးများကဲ့သို့ သူ ဖြစ်ပေါ်ပြောင်းလဲလာခြင်းမှာလည်း ဖြစ်ရိုးဖြစ်စဉ်ကလေးမျှ ပေတကား။
ကျနော်၏ ကြည်လင်နေခဲ့သော စိတ်များမှာလည်း ညစ်ထိုင်းလာသည်။
ကျနော်သည် ထိုနေရာမှခွာလိုက်ပြီး ဆက်လက်၍ လက်မှတ်များကို ဘာမျှမမြင်ရဘဲ ခဲတံဖြင့် ရမ်းခြစ်စစ်ဆေးသွားသည်။ ဤတွဲပေါ်မှ လျင်မြန်စွာ ဆင်းပြေးသွားလိုစိတ်သာ ပေါ်နေခဲ့သည်။
အတာစန်းကုန်း ဘူတာတွင် ရထားအရှိန်မသေမီ၌ ကျနော်သည် ဖျတ်ကနဲ ခုန်ဆင်းပြီး နောက်တွဲသို့ တက်လာခဲ့သည်။
တွဲဝ၌ ရပ်နေမိ၏။ ထန်းလျက်တောင်းငယ်များ၊ အထုပ်အပိုးငယ်များကိုသယ်ဆောင်ကာ ရေးကြီးသုတ်ပျာ၊ တင်နေကြသူများကိုလည်း ကျနော်သည် တားဆီးလား ဖမ်းဆီးလား မလုပ်ချင်တော့ပေ။ ညိုညို့ တောင်းများနှင့် အခြား ကျနော့်ကို အသိပေးထားသည့် ထန်းလျက်များကို ဝကွက် ချန်လှပ်ခဲ့ပြီး….. ဤ တကယ်ပင် မသိနားမလည် ရိုးသားရှာသော သူဆင်းရဲများ၏ ပစ္စည်းကလေးများကို ဖမ်းဆီးသိမ်းယူလိုစိတ် မရှိတော့ပေ။
ကံထရိုက်တာ ကိုရွှေသီးသည် ပြေးလာပြီး“ဆရာ ထန်းညက်တွေ၊ ထန်းညက်တွေ”ဟု ကျနော့် ကို မျက်နှာလုပ်ကာ အော်ပြောသည်။
ကျနော်သည် သူ့ ကို ခေါင်းတချက် ညိတ်ပြလိုက်၏။
ချက်ခြင်းပင် ရထားသည် ဥသြသံရှည်တချက်ကို ညှစ်ထုတ်အော်ဟစ်လိုက်သည်။ မနိုင်မနင်း ဝန်လေးကြီး သယ်ဆောင်ကာ ရထားကြီးသည် ဘူတာကလေးမှ တရွေ့ရွေ့ ထွက်ခွာလာသည်။

ထိုရထား စထွက်ဆဲ၌ ညိုညိုသည် သူ့ တွဲ ပေါ်မှ ဆင်းလိုက်၏။ သူ့ ကို ကျနော်သည် အမှတ်မဲ့ ငေးကြည့်နေမိသည်။ သူသည် ကျနော့် ကိုမြင်သွားပြီး တွဲပေါ်သို့ လှမ်းခို တက်လိုက်သည်။
သူ့ လက်မှာ မမိလိုက်ဘဲ သူသည် ပြန်ပြုတ်ကျသွား၏။ သူ့ ဂျပန်ဖိနပ်ကလေးမှာ သဲကြိုးပြတ်ကျန်ရစ်ခဲ့သည်။ သူသည် ဒုန်းပြေးလိုက်လာနေ၏။ ရထားတစင်းလုံး သူ့ ကို လှမ်းကြည့်ကြပြီး ဗလုံးဗထွေး အသံများဖြင့် အော်ဟစ်နေသည်။ ဤ အချိန်တို ကလေးအတွင်၌ မည်သူမျှ သံကြိုးဆွဲပြီး ရထားကို ရပ်တန့်ပစ်ရန် စိတ်ကူးမရကြ။
ဒုတိယအကြိမ် သူသည် ရထားကို မှီလာခဲ့၏။ သူသည် လက်ကိုင်ကို လှမ်းဆွဲတက်လိုက်ပြန်သည်။ သည်တကြိမ်တွင်မူ လက်ကိုင်ကို မိမိရရ ကိုင်မိသွားသဖြင့် သူ့ ကိုယ်ကလေးမှာ တွဲလဲ ဆွဲပါလာသည်။ သူ့ ပခုံးမှ တဘက်သည် ပြုတ်ကျသွားကာ လေအရှိန်ဖြင့် ရထားဘီးအောက် ရောက်သွားသည်။
ကျနော်သည် သူ့ ကို ချိုင်းနှစ်ဖက်မှ ကိုင်မြှောက်ပြီး တွဲပေါ်သို့ ဆွဲတင်လိုက်သည်။
ကျနော်နှင့် ယှဉ်လျက် ရပ်မိချိန်တွင် သူ့ အသား များမှာ တဆတ်ဆတ်တုန်နေသည်။ သူ့ မျက်နှာသည် ကြောက်ရွံ့ သွေးဆုတ် ဖြူယော်နေသည်။ သူနှင့် ကျနော်သည် တယောက်မျက်နှာကို တယောက် အကြာကြီးငေးစိုက်ကြည့်နေမိကြသည်။

သူသည် ကျနော့် ကို စိတ်ဖြင့် စကားပေါင်း မြောက်မြားစွာပြောဆိုနေသော်လည်း နှုတ်မှကား စကားလုံးမျှ ထွက်မလာ။ ကျနော့် တွင်လည်း သူ့ ကို စကားပြောစရာရှိ နေ၏။ ပြောရန်ရှိသော စကားပေါင်းများစွာ၊ အကြောင်းအရာပေါင်းများစွာသည် ရုတ်တရက် အဝေးသို့ ထွက်ခွာသွားကြ သဖြင့် ထို အခိုက်အတန့်တွင်ကား ကျနော့် စိတ်နှလုံးသားများ အတွင်း၌ ဘာမျှမရှိ။

ကျနော်သည် သူ့ထံမှ မျက်နှာလွှဲလိုက်ပြီး သံလမ်းနှင့်ယှဉ်လိုက်လာနေသည့် ကြက်မောက်ဆည် ရေပေး တူးမြောင်းများကို အဓိပါယ်မရှိ ငေးကြည့်လာမိသည်။ လွင်တီးခေါင်အတွင်းရှိ အညာရွာကလေးများ၊ နှမ်းခင်း ဖုံးဆိုးကြီးများ၊ ထန်းတောကြီးများ၊ မန်ကျည်းတောကြီးများ၊ ခပ်ဝေးဝေးရှိ တောင်တန်းကြီး၊ ဤ အရာဝတ္တု အပေါင်းပေါ်၌ ကျနော် မနှစ်မြို့ သော မိုးကြီးသည် ပိတ်သည်းဆို့ဆိုင်းနေ၏။ မှိုင်းညို့ ညို့ ညစ်ထေးနေသော အရောင်အသွေးသည် နှလုံးသားကိုလာ၍ ရိုက်ဟပ်နေပြန်သည်။

ကျနော်သည် သူ့ ကိုလှည့်မကြည့်ဘဲ “ဘာပြုလို့ ဒါလောက်က္ကုနြေ္ဒပျက်ရတာလဲ” ဟု ညည်းတွား ရွတ်ဆိုမိသလို မေးနေခဲ့မိသည်။
“ကို သိပါတယ် ညိုညိုရယ်….မင်း ကို့ ကို ဖွင့်မပြောရဲဘူး… ဖွင်မပြောရက်ဖူး….မင်းမပြောချင်ဘူးမှုတ်လား၊ မင်း ကို့ ကို ချစ်တာဟာ ဒီ အခွင့်အရေးတွေ လိုချင်လို့ လို့ ကိုထင်လာမှာ စိုးတယ် မှုတ်လား၊ ပြောစမ်း၊ ဒီလို လုပ်နေတာ ဘယ်နှစ်ခါရှိမလဲ”
“ဆယ်ခါ….”
“ဆယ်ခါ ဟုတ်လား”
“ဆယ်ခါပါ”
“ဂါတ်ဗိုလ် တွေကော … ရဲ တွေ ကော အသိပေးတယ်မှုတ်လား”
“ဟုတ်ကဲ့ ပေးပါတယ်”

ကျနော်သည် သူ့ စိတ်၌ မထိခိုက်စေလိုသဖြင့် ဘာမျှ မဖြစ်သလို မထူးဆန်းသလို ပြုံးလိုက်ချင်၏။ သို့သော် ပြုံးနိုင်မည်ကား မဟုတ်။ ကျနော်သည် သက်ပြင်းမချမိရန် ထိန်းချုပ်နေသည်။ အပြင်သို့ ဖွင့်မထုတ်လိုက်သည့် သက်ပြင်းအပူငွေ့ သည် ရင်ထဲသို့ ပြန်လှည့်သွားပြန်သည်။

“က္ကုနြေ္ဒရရ လုပ်ပေါ့၊ ရဲတွေနဲ့ကော အားလုံးနဲ့ ကောဆက်ဆံတဲ့ နေရာမှာ တည်တည်မှန်မှန်ပေ့ါ၊ သူတို့နဲ့အဝယ် ဖက်စပ်သဘောပေါ့ကွယ်၊ အမြတ်ကို အချိုးကျ မှန်မှန်ခွဲပေးပေါ့၊ ကို ပြောစရာတွေ အများကြီးရှိတယ်၊ စိုးရိမ်တာပေါ့လေ၊ ကို ပြောချင်တာတွေ မင်း နားလယ်ပါတယ်၊ နားလယ်တယ် မှုတ်လား”
“ဟုတ်ကဲ့”
ကျနော် သူ့ ဖက်သို့ မျက်နှာလှည့်လိုက်ပြီး သူ့ ပခုံးပေါ်သို့ လက်တင်ကာ သူ့ ကို ငေးကြည့်နေပြန်သည်။ သူသည် လည်းကျနော့် ကို အပြစ်ကင်းစင်သည့်၊ ခလေးဆန်သည့် သူ့ မျက်လုံးဝိုင်းဝိုင်းစက်စက်ကြီးများဖြင့် ပြန်၍ကြည့်နေသည်။
သူသည် မျက်တောင် မခါ။ မလှုပ်ရှား။ သူ့ နှဖူးမှ ဆံစကလေးများမှာမူ ကြည်လင်နေသော မှန်သားလိုမျက်နှာကလေးကြောင့် သူ့ ကို ကျနော်သည် တဏှာသမုဒယများ ကင်းစင်သွားကာ ညီမကလေး အရင်းလို ထင်လာနေပြန်သည်။

“ပီးတော့လဲ ပြောစရာ ရှိသေးတယ်”
ကျနော်သည် ရယ်သံဖြင့် ပြောနေမိသည်။
“ဟုတ်ကဲ”
“အဲတာ ဘာလဲ သိလား…. အဲတာ ဘာလဲ ဆိုတော့…ကို ညိုညို့ ကို ချစ်တယ်”

ကျနော် သည် အိမ်သာကြား၌ သူ့ ကို ချိုင်းအောက်မှ ပင့်မပြီး ရင်ခွင်အတွင်းသို့ သိမ်းပွေ့လိုက်သည်။ နှစ်ယောက်ပေါင်းတသားတည်းဖြစ်သွားအောင် ဖိကပ်ထားသည်။ သူသည် ဟန်ဆောင်ရုန်းမှန်းသိသိ ရုန်းနေသည်။ ကျနော့် စိတ် တွင် လည်း သူနှင့် နှစ်ယောက်ထဲ ကမ္ဘာသစ်တခုသို့ ရောက်နေရသလို ထင်လာပြန်သည်။ သူ၏ နွေးအိ နီထွေးနေသော ပါးကို နှုတ်ခမ်းဖြင့် ဖိကပ်ထားပြန်သည်။
အတန်ကြာမှ အနည်းငယ်ဖြေလွှတ်လိုက်ရင်း….“ ဆင်ရိုင်း ကျုံးသွင်းသလိုဘဲ၊ မင်းလဲ တဖြေးဖြေး ယဉ်လာဘီနော်” ဟု သူ့ နားအနီး ကပ်ကာ ခပ်တိုးတိုး ပြောနေမိသည်။
ဤ အခိုက်အတန့်တွင်ကား စိတ်များသည် လွတ်လပ်ပေါ့ပါးလာနေကြသည်။
သူသည် ရုန်းထွက်နေရင်း…“သူကလဲကွယ်၊ သူများ စိတ်ညစ်နေပါတယ်ဆို၊ လွှတ်စမ်းပါအုံး၊ မောနေဘီ”
ကျနော် ဖြေလွှတ်လိုက်လျှင် သူ့ အကျီကို ဆွဲဆန့်နေသ

“သိပ်ဆိုးတဲ့လူ”

သူက ကြည်နူးစွာ တိုးတိုးညည်းညည်း ပြောနေသည်။
ပင်းချောင်းနှင့် နီးကပ်လာလျှင် ကျနော်သည် သူ့ ကို အနားမှ ခွာသွားရန် ပြောလိုက်ရ၏။
ပင်းချောင်းရဲများ ရှာဖွေ ဖမ်းဆီတော့မည်ကို တွေးမိပြီး သူသည် မျက်စိမျက်နှာများ ပျက်လာသည်။ မျက်လုံးများမှာ စိုးရိမ် သောကဖြင့် ဝိုင်းစက် လာကြပြန်သည်။ သူ့ ရင်ထဲတွင် ကယ်မည့်သူကို တစာစာ ငိုကြွေးတမ်းတနေသံများ အပြင်သို့ ထွက်လျှံလာနေသလိုပင်။ သူသည် အားကိုးမဲ့စွာဖြင့် ခရီးသည်အများရှိရာသို့ လျှောက်သွားနေသည်။

နိုင်ဝင်းဆွေ

အပိုင်း (၁၀)သို့ ဆက်လက်ဖတ်ရှုပါရန်…။