မသိန်းရှင်ဆီ ပို့ ပေးပါ

ဒီရက်များအတွင်းမှာ နိုင်ဝင်းဆွေ ရဲ့ “မသိန်းရှင်ဆီ ပို့ ပေးပါ ↔ဝတ္ထု အပိုင်း (၇) ကို ဆက်လက်တင်ရန် ကျနော့်ဖက်က ပျက်ကွက်ခဲ့ပါတယ်။ အခု အဲဒီ အပိုင်း(၇) ကို ဒီကနေ့ တင်လိုက်ပါပြီ။
ဒါပေမယ့် ကျနော်မှာ ပြောစရာရှိပါတယ်။ ဒီအပိုင်း(၇)ကို တင်ဖို့ ရိုက်ထားပြီးသား စာတွေကို ပြန်စစ်တဲ့အခါ စာသား တလုံးချင်းစီ ပြန်ဖတ်တဲ့အခါ ကျနော့်မျက်လုံးတွေ စာလုံးမကွဲအောင် မျက်ရည်မကြာခဏ ဝိုင်းခဲ့ရတာကိုတော့ ကျနော် ဖွင့်ဟဝန်ခံပြီးမှ တင်ပေးလိုက်ရတဲ့အကြောင်း…..

အပိုင်း ( ၇ )

ဂါတ်ဗိုလ် ဦးအောင်ကြီးနှင့် တာဝန်ကျသည့် ရက်များ၌မူ ဂါတ်တွဲပေါ်တွင် တဖက်ခုံမှာ ဦးအောင်ကြီး၏ စိတ်အာရုံမှ ပို့သနေသော မေတ္တာများကြောင့်ထင်သည်။ ကျနော့် စိတ်နှလုံးသားများသည်လည်း အပူထဲဖြတ်သန်းနေရာမှပင် အေးငြိမ်းလာနေသည်။
ရင်ထဲမှ အပူသောကများသည် ရထားနှင့် ယှဉ်လိုက်ပါလာနေသော ပင်းကန်တော့ တောင်တန်းကြီးဆီသို့ လွင့်စင်သွားကြသည်။ ဦးအောင်ကြီးထံမှ စိတ်အင်အားများ ရရှိနေသလို ထင်နေသည်။
ရထားကြီး တဂျုန်ုးဂျုန်း ခုတ်မောင်းနေလျက်၊ ဂါတ်တွဲမှာ ယိမ်းထိုး ခါယမ်းလျှက်ရှိသော်လည်း သူသည် ငြိမ်သက်ကာ ပုတီးကိုသာ မှန်မှန်စိပ်နေလေ့ရှိသည်။ မျက်လုံးများကို မှိတ်ထားသည်။ သူစကား ပြောသောအခါတွင်လည်း ဖြေးဖြေးလေးလေး ပြောတတ်သည်။ သူ့ ကို ကျနော် ရသည့်ငွေထဲမှ ခွဲဝေပေးလျှင် သူသည် ခေါင်းကို ညင်ညင်သာသာ ယမ်းပြသည်။

“ငါ့လစာနဲ့ ငါ စားလောက်ပါတယ်ကွာ” ဟု ဖြေးဖြေးလေးလေး ပြောနေသည်။
“သူတို့ခမျာ များကိုလဲ အရမ်းဖမ်းလား ဆီးလား မလုပ်ပါနဲ့ကွာ ၊ သိပ် များများစားစား မတင်ကြဖို့ဘဲ သတိပေးပါ။ တော်ရုံတန်ရုံ တင်တာတော့ ပိုက်ဆံလဲ တောင်းမနေပါနဲ့၊ တတ်နိုင်ရင် မသိချင်ယောင်ဆောင်နေကွာ၊ လူဆိုတာ လောဘသားတွေ မှုတ်လား၊ သူသူ ငါငါ ပိုက်ဆံတော့ လိုချင်ကြတာပေါ့လေ…..၊ သည်း ခြေ ကြိုက် ဟုတ်လား၊ ယူ သင့် တဲ့ အခါ ကျတော့ ယူပေါ့၊ ကြောက်လဲ ကြောက်မနေပါနဲ့ကွာ၊ ဒိပြင်ကတက်ဖမ်းကြ ပြုကြလို့ မိတော့လဲ မိကြပေါ့၊ ငါတော့ ကြောက်လဲ မကြောက်ပါဘူး၊ အေးအေးနေလိုက်တာဘဲ၊ ငါ့ရထားပေါ်မှာ မှောင်ခိုတွေ အများကြီးမိချင်လဲ မိမှာဘဲ။ မေတ္တာတရားပွားများတတ်ဖို့ လိုတယ် မောင်ရင်မောင်၊ မေတ္တာထားတတ်ဖို့လိုတယ်”

ကျနော့် စိတ်များမှာလည်း သူ ပြောသည်တို့ကို နှစ်ခြိုက်လာနေသည်။
လူ့ ဘုံလောကကြီးတွင် လူသားအပေါင်းသည် ဦးအောင်ကြီးလို ပုဂ္ဂိုလ်များသာ ဖြစ်နေလျှင် အားလုံး ငြိမ်းချမ်းနေကြပေလိမ့်မည်။ လူလူချင်း အမဲလိုက်နေခြင်း၊ လူလူချင်း သတ်ဖြတ်စား သောက် နေခြင်းတို့သည် ချူပ်ငြိမ်းကာ အပူသောကတို့သည်လည်း ပျောက်ကွယ်သွားကြပေမည်။
ယခုကား ကျနော်သည် ဦးအောင်ကြီး အနီး၌ နေသည့် အခိုက်အတန့် ကလေးတွင်သာ အပူခပ်သ်ိပ်းမှ ကင်းငြိမ်းနေဟန်ခံစားရ၏။

ကျန် အချိန်ပေါင်း မြောက်မြားစွာမှာမူ ဘာမျှလည်း မလုပ်တတ်၊ ကြံလည်း မကြံစည်နိုင်၊ မောပန်းနေရသည်။
အိမ် ပြန်ရောက်သည့် ညအခါများတွင် မည်မျှ ပင်ပန်းလာခဲ့သည် ဖြစ်စေ ကျနော်သည် အိပ်၍ ရုတ်တရက် မပျော်နိုင်။ တောင်တွင်းကြီးတမြို့လုံး အိပ်မောကျသွားကာ လောကလူ့ဘုံကြီးတခုလုံး အသက်အသံ ကင်းမဲ့သွားသည်ဟု ထင်နေရချိ်န်များတွင် ကျနော်သည် ကျနော့် အသက်ရှူသံများကို ဆူညံစွာကြားနေရ၏။
ထိုအချိန်တွင်ကား အပြင်ဖက်တွင် နှင်းများမှောင်ပိန်းနေ၏။ ကောင်းကင်ပြင်တွင် တွယ်ရာမဲ့ ကြယ်ကလေးများသည် တဖျတ်ဖျတ် လက်နေကြ၏။ သွပ်အမိုးပေါ်သို့ နှင်းစက် နှင်းပေါက်များ တဖျောက်ဖျောက် ကြွေကျနေသံမှာ ကျယ်လောင်သော အသံကြီးများ အဖြစ်ဖြင့် ခံစားနေရသည်။

သူ့ ကို မယူနိုင်၊ လက်မထပ်နိုင်သေးဘဲလျက်နှင့် ချစ်ရေးဆိုထားခဲ့မိသည်ကို ကျူးလွန်ထားမိသော ပြစ်မှုကြီးတခုလို ထင်နေမိပြန်သည်။
သူ့ မိသားစု တာဝန်ကို မယူနိုင်လျှင် ကျနော်တို့ကား အိမ်ထောင်ပြုနိုင်မည် မဟုတ်။ သူ့ မိခင် လူမမာကြီး၊ ဖခင်မျက်မမြင်ကြီး၊ မောင် ကျောင်းသားကလေး။ဤလူသား ဒုက္ခသည်များကို သူသည်လည်း တာဝန်မဲ့ ပစ်ပယ်ထားခဲ့ရမည်မဟုတ်။ ကျနော်သည်လည်း အဝေးရှိ မိဖ အိမ်ထောင်စုကြီး၏တာဝန်တဝက်မျှယူနေရသူ၊ လစဉ် ငွေများတင်ပို့ထောက်ပံ့နေရသူ၊ ညီကလေးတယောက်ကို ကျောင်းထားပေးနေရသူ။
သူ့ မိသားစု တာဝန်ကို သူ့ မောင်ကလေးက ယူနိုင်မည့်နေ့၊ကျနော့် ညီကို အားကိုးပြုရမည့်နေများမှာ ဝေးကွာလှမည်မဟုတ်ဟုတွေးနေရသည်၏။ ထိုအချိန်သို့ တိုင်အောင်စေါင့်မျှော်နေရမည်ကို စိတ်၌ မောနေရသည်။

နေ့ခင်းဖက် ရထားပေါ်တွင်လည်း ကျနော်သည် သူ့နံဘေး၌ထိုင်နေရင်း စကားပြောစရာမရှိဖြစ်ကာ ငြိမ်သက်နေရ၏။
“ဒို့ မနက်ဖြန်ကာ လက်ထပ်ပစ်ရအောင်လေ” ဟု ပြောလိုက်ချင်၏။
ထိုသို့ မပြောနိုင်သောအခါ နှစ်သက်စရာ စကားဝါကျများကို ရှာဖွေမတွေ့တော့ပေ။
သူနှင့်ကျနော်သည် စကားပြောစရာများ ကုန်ခမ်းနေသလိုပင် တထိုင်ခုံတည်း ထိုင်ပြီး တယောက်ကို တယောက် ကြည့်လည်း မကြည့်မိ။ သူသည်လည်း သံလမ်းနံဘေး တောင်ခြောက်ကုန်းကလေးများကို စိတ်မပါဘဲနှင့် ကြည့်လာခဲ့သည်။

ဤရက်များ၌ကား သူ့ အခြေအနေမှာ အဆိုးရွားဆုံး ဖြစ်နေခဲ့ပေပြီ။ သင်းသင်းနှင့်နုက သူ့ ကို ထန်းလျက်များ တခေါက်လေး ငါပိဿာတင်ရန် တိုက်တွန်း လာကြသည်ကို သူသည်ငေးကာ မျက်ရည်ဝေ့ကာ နားထောင်ခဲ့၏။ ဘာမျှပြန်မပြော။ မကြားသလိုပင် ငြိမ်သက်နေ၏။ နောက်ဆုံး ပြောလွန်းမကပြောလာမှ သူသည် သက်ပြင်းချနေခဲ့၏။

“မလုပ်ဖူး၊ သူများပစ္စည်းကို ထန်းညက်တလုံးတောင် သူတို့မယူရဘူး၊”

သူသည် မျက်ရည်များဝဲနေလျက်ဖြင့် ပြန်ပြောခဲ့၏။
ထိုအကြောင်းများကို သင်းသင်းနှင့် နုနုတို့သည် သူ့ကွယ်ရာ၌ ကျနော့်ကို ပြန်ပြောကြသောအခါ ကျနော် သည်လည်းဘာပြန်ပြောရမည်မသိ။ ငြိမ်သက်နေခဲ့၏။

“ကိုရင်မောင်ကြီး မလုပ်နဲ့ ဆိုလို့ မိညို မလုပ်တာပါ၊ ကိုရင်မောင်ကြီး ပြောပါအုံး၊ သူတို့အမေ အတော်မမာနေတာ၊ ကျမတို့က အိမ်နီးနားချင်း ဆိုတော့ မမြင်ချင်ဘဲ၊ မကြားချင်ဘဲ ကြားနေရတာ၊ သူလဲ တင်ပစေပေါ့ရှင်….၊ အများလဲ ဒီလိုဘဲ လုပ်စားနေရတာ၊ ကျမတို့က ကိုယ်ပိုင်လယ်ယာ ရှိတာမှမှုတ်ဘဲ၊ အများ မိုးခါးရေသောက်တော့ ကိုယ်လဲသောက်ပေါ့”

ကျနော်သည် သင်းသင်း၏ မျက်နှာကလေးကို စိုက်ကြည့်နေခဲ့၏။ ခု…သူစကားပြောနေသည့် သူ့နှုတ်ခမ်းပါးပါးကလေးကို သူ မနှစ်မြို့ မသတီဘဲလျက်နှင့် လူပေါင်း ငါးဆယ် ကျော်က ရမက်ကြီးစွာ စုပ်နမ်းခဲ့ပြီးပြီကို သတိရနေခဲ့သည်။

“အခုကြည့်လေ….သူ ထမင်းတောင်ထုပ်နေနိုင်အောင် ဘယ်လိုလုပ်နေရပလဲဆိုတာ၊ သူတို့အိမ်သားတွေဆို ဘယ်လိုနေမလဲ၊ ဒါတောင် သုံးလွန်းလေးလွန်းတင်မှုတ်လား”

နုနု၏အသံမှာ ဆို့နင်နေခဲ့သည်။

“ဟုတ်တယ်ရှင်…ကိုရင်မောင်ကြီးပြောပြစမ်းပါအုံး၊ ကျမတို့ပြောလို့တော့ မရတော့ဘူး၊ ကျမတို့လဲ ဘာမှ မတတ်နိုင်ဘူး၊ ဒီအချိန်ကဘယ်သူမှ ဘာမှမတတ်နိုင်ကြဘူးမှုတ်လား၊ကိုယ်ဝမ်းစာတောင်မှ ကိုယ် မနဲ ကျဲနေရတာ၊ ကြက်လို ယက်စားတယ်ဆိုတာက တော်သေးတယ်၊ ကြက်ကယက်လိုက်ရင် ကောက်စရာ တွေ့တာ မှုတ်လား”

ကျနော်သည် မောနေမိ၏။ အသက် ဆယ်သုံးနှစ်ပင် မပြည့်သေးသော မခင်မြလေး၏အဖြစ်ကို မြင်တွေးနေမိ၏။
နောက်တဘူတာတွင် ကျနော်သည် သူတို့တွဲမှ ဆင်းကာ ဂါတ်တွဲသို့ ကူးပြောင်းလာခဲ့သည်။
ရထားကြီးမှာ မတုန်မလှုပ် သူ့ စက်ရှိ်န်အတိုင်း ပြေးလွှားကာနေသော်လည်း ကျနော့်စ်ိတ်များမှာမူ တုန်လှုပ် ခြောက်ခြားနေခဲ့သည်။ ဝေခွဲ၍မရ။ ပိုင်းဖြတ်၍မရ။ တိုက်လည်း မတိုက်တွန်းချင်။ သူ့ဖါသာ ထန်းလျက်များ တင် လာလျှင်လည်း ကန့်ကွက်မည်မဟုတ်။ မလွဲသာမရှောင်သာ တင်ရတော့မည်ကိုကား သိလာပေပြီ။
ရထားကြီးသည် အင်းတောကျယ် ဘူတာမှ ထွက်ခွာနေ၏။ ငရံတောင်၊ ငလင့်စင်တောင်၊ ဖိုးခိုကြီးတောင်၊ ငွေတွင်းတောင်၊ တောင်နီတောင်၊ မြေဖြူတေင်၊ ဘို့တောင်၊ ကြက်မောက်တောင်စသည့် သံလမ်း ဟိုဖက်သည်ဖက်၊ အနီးကပ် တောင်စဉ် တောင်တန်းများပေါ်၌ မြူခိုးများသည် မှိုင်းဆို့နေ၏။ ဤ မှို်းဆို့နေခြင်းကား စိတ်ကို ငြိမ်းချမ်းစေသည်ကား မဟုတ်။ စိတ်အာရုံကို ထိုင်းမှိုင်းလေလံစေသည်။
ဂါတ်ဗိုလ် ကိုထွန်းရင်သည် အပူအပင် ကင်းမဲ့စွာဖြင့် သူ့တရောပြားကလေးကို ထုတ်လိုက်ပြီး သီချင်းတပုဒ်ကို စမ်းနေခဲ့၏။

“ရင်မောင် ဆိုကွာ”
သူသည် တရောသံ၊ ရထားသံများအကြား၌ ပြောနေခဲ့၏။ ကျနော်သည် ခေါင်းကိုယမ်းပြနေ၏။
“ဘာလဲကွ… မောင်ရင် ကြေကွဲနေတာလား၊ ဒါဖြင့် လွမ်းကွာ၊ ဒါ လွမ်းခန်းပေါ့”
သူ့ တယောသံကား ပျောက်ကွယ်သွားလိုက်၊ ပြန်ပေါ်လာလိုက်၊ ပျံ့လွင့်သွားလိုက်။ သူ၏ သီချင်းကို ချွဲချွဲပြစ်ပြစ် ဆိုနေသံမှာလည်း စိတ်ညစ်ညူးဖွယ်ရာဖြစ်၏။
ညို့…ညို့….ဆိုင်း…ဆိုင်း….။
အုံ့ ….မှိုင်း….ရီဝေ….။
မျှော်လေလေ….တိုင်း…..။
လွမ်းပုံသိ….ထွေ…..။
အခါတိုင်းကဆိုလျှင် ကျနော်သည် သီချင်း ဆိုမိတတ်သော်လည်း သည်တခါတွင်ကား ထိုသီချင်းသံ များမှာ အနှောင့်အရှက်ဖြစ်နေခဲ့ပေပြီ။

“တော်တော့ဗျ” ဟု လှမ်းပြောလိုက်သည်။
“ကိုထွန်းရင်ရဲ့….ခင်ဗျားက လွမ်းနေ၊ လွမ်းရေးထက် ဝမ်းရေးခက်ဗျသိလား၊ လွမ်းရေးဖက် ဝမ်းရေးခက်”
သူသည် ကျနော့် ကို နိုင်ငံရေးစကား ပြောသည်ထင်ကာ တရောအထိုးကို ရပ်လိုက်ပြီး လှမ်းကြည့်နေခဲ့၏။
“အဲဒီစကားမျိုး လွတ်လွတ် ကင်းကင်းမှာ သွားပြောကွာ ငါကြောက်တယ်”

သူပြောနေသည်တို့ကို ကျနော်သည် စိတ်မဝင်စားတော့ပေ။
ကျနော်ကား ညိုညို့  အခက်အခဲများကို ကျနော် စုဆောင်းမိခဲ့သည့် ငွေကြေးအနည်းငယ်ထဲမှ ဖဲ့ကူညီသည်ကို သူ လက်ခံလျှင် သူ့အတွက် တကွက် တခဏတော့ အသက် ရှူနိုင်မည်ကိုတွေးနေမိ၏။ သူသည် ဤသို့ကူညီသည်ကိုလည်း လက်ခံနိုင်မည်မဟုတ်။ ကျနော်သည် သူ၏ လေးစားထိုက်သော မာနစိတ်ကလေးကို သိမြင်နေရ၏။ ထိုသို့ ကူညီခွင့် တောင်းဆိုသည့် အတွက် သူ စိတ်ထိခိုက်ရုံမှတပါးအရေးအရာရောက်မည်မဟုတ်။ သူ့ ကိုစော်ကားသည်ဟူ၍သာ ထင်ပေလိမ့်မည်။
ထိုနည်းဖြင့် ကူညီရန် စိတ်ကူးကို ကျနော်သည် မေ့ထားလိုက်ရ၏.။
ရက်အတန်ကြာပင် သူ့ အခက်အခဲများကို ဖြေရှင်းရန် နည်းလမ်းရှာကြည့်သော်လည်း ထန်းလျက်တင်သည့် ထွက်ပေါက်တခုမျှသာရှိသည်ကို တွေ့မြင်နေရသည်။ ထိုနည်းလမ်းကိုမူ ကျနော်သည် ဖွင့်လှစ်တင်ပြရက်မည်မဟုတ်။
ဤရက်များတွင် နံနက်များတွင် သူ့ ကို မြင်တွေ့နေရသည်မှာ သူ့ မိသားစု အခက်အခဲကို ဖေါ်ပြနေသည့် စက်ကရိယာ တခုကိုကြည့်နေရသလိုပင် ထင်လာရသည်။ သူ့ မျက်နှာကလေးပေါ်၌ ထိုအရာများသည် ပေါ်လွင်နေခဲ့၏။

သူ ထမင်းပင် ထုပ်မလာနိုင်သည့် ရက်ကလည်း နံနက်ပိုင်းရထားကြီး ထွက်လာကတည်းက သူ့ မျက်နှာမှာ အခါတိုင်းနေ့ရက်များကထက် ပိုမိုညှိုးငယ်နေခဲ့သည်။
သူသည် သူ့ ထိုင်ခုံနောက်မှီကို မှီကာ အိပ်နေရင်းပင် သူ့ မျက်နှာမှာ အားနည်းဖျော့မှိ်န်နေသည်။
အခါတိုင်းက သူ့တွင် မည်မျှ သောကဖြစ်နေသည် ဖြစ်စေကျနော် ရောက်သွားလျှင် ကြိုးစားပြုံးကာ နှုတ်ဆက်လေ့ရှိသော်လည်း ထိုနေ့ကမူ သူသည် ကျနော် လျှောက်လာနေသည်ကို လှမ်းကြည့်ရုံမျှသာ ကြည့်နေသည်။
ညောင်တိုဘူတာတွင် ကျနော်သည်အခါတိုင်းနေ့များကလို ဟင်းဝယ်ရန် ရထားပေါ်မှ ဆင်းလာခဲ့လျှင် သူသည်လည်းသူစီးလာခဲ့သည့် တွဲပေါ်မှ ဆင်းလာသည်။
ထမင်းဆိုင်ရှေ့ သို့ ကျနော် ရောက်ပြီး ဟင်းဝယ်နေချိ်န်၌ သူသည် လူအများကို တိုးဝှေ့ကာ ကျနော်ရှိရာသို့ လျှောက်လာသည်။ ကျနော့် နံဘေး၌ လာရပ်သည်။ မှောင်ခိုသမားများနှင့် အခြားခရီးသည်များသည် ကျနော်တို့ကို လှမ်းကြည့်ကြ၏။

“ကြက်သား သုံးကျပ်ဖိုးလား ဆရာ” ဟုဆိုင်ရှင်သည် ပြုံးပြီးမေးနေ၏။
“သူ …ခဏ”

ညိုညိုသည် ကျနော့်ကို တတောင်ဆစ်ဖြင့် တွက်ကာ ခပ်တိုးတိုး ပြောပြီး ဆိုင်ရှေ့မှ လှည့်ထွက်သွားသည်။ ကျနော်သည် ထမင်းဆိုင်ရှင်ကို လက်ကာပြခဲ့ပြီး သူ့နောက်မှ လိုက်သွားရလေသည်။
သူသည် ဘူတာပလက်ဖောင်းအစွန်ဖက် ကုက္ကိုင်ပင်အောက် ကျမှ ရပ်လိုက်၏။

ထိုနေရာမှာ ခရီးသည်များနှင့်လည်း အလှမ်းဝေးကွာနေသည်။ ကျနော်သည်သူ့နံဘေး၌ ကုက္ကိုမြစ်ကို ကန်ကာရပ်တန့်လိုက်၏။ သူ့ ကို ကျနော်သည်ပင် ပြုံးမပြမိ။ သူ့စ်ိတ်ထဲတွင် ထူးထူးခြားခြား ခံစားရေမှုများမှာ သူ့ မျက်နှာပေါ်၌သာပေါ်နေသည်မဟုတ်ဘဲ အရာအားလုံးကိုပင် ဖုံးလွှမ်းထားနေသည် ထင်ရသည်။
သူသည် ခရီးသည်အများ လှုပ်ရှားရာဖက်သို့ တချက် လှမ်းကြည့်လိုက်၏။

အဝေးတွင်ကာ ရထားခေါင်းတွဲကြီး ဖြုတ်သွားကာ ရေစက်မှ ရေများထည့်နေသည်။ ခရီးသည်များသည်လည်း ကျနော်တို့ ကိုလှမ်းကြည့်နေကြ၏။ မီးရထားဝတ်စုံ ဝတ်ထားသူ ကျနော့် ကိုမူ ခရီးသည်တိုင်းကလိုလို သိနေသဖြင့် ကျနော်သည် လည်း သူ့ ကို ညှာတာသဖြင့် ဤနေရာ၌ ကြာရှည်ကြာမြင့်ရပ်မနေချင်။

“ဘာလဲ….ပြောလေ”

သူသည် ခေါင်းကို ဖြည်းဖြည်းမော့ပြီး မျက်လွှာကြီးဖွင့်ကာ ကျနော့်ကို ကြည့်နေ၏။ ထိုမျက်လုံးကြီးများထဲတွင် ကျနော့်ကိုအားကိုးလိုစိတ်များ ပြည့်လျှမ်းနေသလို ခံစားနေရသည်။
သူ့ မျက်နှာမှာ မို့ကာ တင်းရစ်နေသည်။ မျက်လုံးများသည် ငိုထားဟန်ဖြင့် အစ်နေ၏။ သူ့ အင်္ကျီလက်မောင်း တဖက်စုတ်နေသည်ကို ဖုံးကွယ်နိုင်ရန် သူသည် တဘက်ကို ထိုဘက်ပခုံးဖက်သို့ ပို၍ဆွဲချခြုံထားနေပုံမှာ စိတ်ကိုနာလာစေသည်။ ယခုပင်လျှင် သူသည်မငိုမိရန် စိတ်ကိုတင်းထားနေရပုံ ပေါ်နေသည်။
သူသည် ခေါင်းကို ပြန်ငုံ့ လိုက်၏။

“သူ….ဟင်း မဝယ်နဲ့လို ပြောမလို့ပါ”ဟု ပြောနေသောစကားလုံးများမှာ သူ့ လည်ချောင်းဝတွင် အတစ်တစ် အဆို့ဆို့ ဖြစ်နေသည်။
“မှာထား ပီးဘီ၊ ဘာပြုလို့လဲ”
“သူများ…သူများ….သူများ….ထမင်း ထုပ်မလာခဲ့ဘူး↔
“ဘာပြုလို့လဲ”
“အိပ်ရာထ မိုးလင်းသွားလို့ပါ၊ ထမင်းချက်ချိန်မရတော့လို့၊ အဲတာပြောမလို့၊ သူ ဟင်းလဲမဝယ်နဲ့၊ ထမင်းလဲမဝယ်နဲ့၊ သူများတို့တွဲလဲ လိုက်မလာနဲ့ သိလား၊ သူ ထမင်းတွေ ဟင်းတွေ ဇွတ်ဝယ်လာခဲ့ရင် ငိုရမှာဘဲ၊ သွားမယ် သွားမယ်…ငို….ငိုမိတော့မယ်”

သူကုက္ကိုရွက်ခြောက်များကို နင်းကာ ထွက်ခွာသွားသောအခါ ကျနော်သည် ဘာလုပ်ရမည် မသိဘဲ ရပ်ကျန်နေရစ်ခဲ့၏။

သည်နေ့ နံနက်စာ သူတို့မိသားတစုလုံး ထမင်းငတ်နေခဲ့ပြီကို မသိ၍ မဖြစ်တော့။
သူ့ အိမ်ရှိကျန်သူ့ကိုမှီခိုနေသူများကား သူ့ ထက်စောစွာငတ်နေခဲ့ပေမည်။

ကျနော်သည် သူရှိရာသို့ ထမင်းဟင်းများ ဝယ်မသွားတော့ပေ။ ဝယ်ပြီးသွားခဲ့လျှင် သူ ငိုတော့မည် ကို အမှန်ပင် သိနေမိ၏။
ရထားထွက်လာခဲ့လျှင် ကျနော်သည် ဂါတ်တွဲပေါ်ရှိ ထိုင်ခုံတွင် ပစ်လှဲနေမိ၏။
ဂါတ်ဗိုလ် ကိုမောင်ကိုကြီးက ….“မင်း ကောင်မလေးကို အိုကေ ပီးပလား” ဟု လှမ်းမေးနေသည်ကို ကျနော်သည် ပြုံးလည်းမပြမိ။ ခေါင်းလည်း ယမ်းမပြမိ။
အရက်ကလေး အနည်းငယ် သောက်တတ်သော လူအေးလူကောင်း ဂါတ်ဗိုလ်ကြီးသည် ရထားထွက်ခွာရန် အလံကို နှေးနှေး ယမ်းပြနေသည်။
“ရင်မောင်တို့ကတော့ စွန်တယ်ကွာ”ဟု ပြောကာ သူသည် တဟဲဟဲရယ်ရင်း ကျနော့်ကိုနောက်ပြောင်လာလေသည်။
ရထားကြီးသည် သူ့ ခရီးစဉ်အတိုင်း ဆက်လက် ထွက်ခွာနေ၏။

ညိုညို၏ ခရီးစဉ်မှာလည်း မှောင်ခိုသူ ဖြစ်လာရန်သာလျှင် ရှိတော့သည်ကို ငြင်းဆန်၍ ရတော့မည်မဟုတ်။ ညိုညိုကား အခက်အခဲများ လည်းပင်ကျော်အောင် နစ်လာနေခဲ့ပြီး ဖြစ်သော်လည်း သူ့ မာနနှင့် သူ တင်းခံထားဆဲ။ သူ့ မာနမှာ လေးစားထိုက်သော မာနဖြစ်သည်ကို အသိအမှတ် မပြု၍ ရမည်မဟုတ်။ သို့သော် ထိုမာနဖြင့် တင်းခံ၍ မရနိုင်တော့သည့်နောက်ဆုံး အချိန်များသည် တရိပ်ရိပ်နီးကပ်လာနေပြီကိုမူ သိရှိနေရလေပြီ။

ဤနောက်ပိုင်းရက်များတွင် ကျနော်သည် ဦးအောင်ကြီး၏ မေတ္တာတရားမှ ပေါက်ဖွားလာခဲ့သော စကားများကို ပို၍ နက်ရှိုင်းစွာ ထိတွေ့ လာရလေသည်။

“သူတို့ခမျာများ အရမ်း ဖမ်းလား ဆီးလာ မလုပ်ပါနဲ့ ကွာ၊ မတော်လေဘနဲ့ လုပ်လာကြရင်တော့လဲ တမျိုးပေါ့၊ အဲဒီလိုလုပ်မယ့်လူလဲ မရှိကြပါဘူး၊ တော်ရုံတန်ရုံကလေး တင်ကြတာ မသိချင်ယောင် ဆောင်နေပါကွာ၊ များလာရင်တော့ သတိပေးပေါ့”

ကျနော်သည် မှောင်ခိုကုန်များကို ဖမ်းရ ဆီးရမည် ရှိတိုင်း သူ့စကားများကို နား၌ ကြားနေရ၏။ သူကား ဂါတ်ဗိုလ်သာ ဖြစ်သဖြင့် ဖမ်းဆီးရန် ကျနော့်လောက် တာဝန်မကြီး။ ကျနော်ကား မဖမ်းဆီးလျှင် ပြဿနာများကို မရှင်းနိုင်ဖြစ်ရပေမည်။

“မတတ်နိုင်ဘူးလေ…သူတို့လဲ သူတို့ဝမ်းရေးအတွက် သူတို့လုပ်ပေါ့၊ ငါလဲ ငါ့ဝမ်းရေးအတွက် ဖမ်းလား ဆီးလား လုပ်ရမှာပေါ့၊ ငါ အလုပ်ပြုတ် ခံနိုင်ပါ့မလား”

အပြန်ခရီးများတွင် ထန်လျှက်များစွာတင်သော အတာစန်းကုန်းဘူတာနှင့် နီးကပ်လာလျှင် ကျနော်သည် ထိုဂါထာကို ရွတ်နေရ၏။ ထန်းလျက် တင်သူများ မတွေ့ပါရစေနှင့်ဟု ဆုတောင်းလာခဲ့ရ၏။
ထိုဆုတောင်းသည် မည်သည့်အခါတွင်မှ ပြည့်မည်မသိ။

အတာစန်းကုန်းသို့ ရထားဆိုက်ရပ်လိုက်လျှင် ဝဲယာနှစ်ဖက်မှ တောင်းကြီး တောင်းငယ်များ ရွက်ကာ ထမ်းကာ လူအများပြေးလာကြ၏။ ကျနော်သည် ကမန်းကတန်း ရထားပေါ်မှ ခုန်ဆင်းလိုက်ပြီး…
“ထန်ညက်တွေ မတင်ကြနဲ့နော်…မတင်ကြနဲ့၊ အဆုံးမခံချင်ရင် မတင်ကြနဲ့၊ ဖမ်းရမှာဘဲ” ဟု အော်ပြောနေရ၏။

ကျနော် ဖမ်းမည်ကို သိကြလျက်နှင့်လည်း သူ့ ထက် ငါ အမျိုးမျိုး ကျနော့်ကို ပြောကာ သူတို့သည် ဇွတ်တင်နေကြ၏။ တောင်းများကို ထိုးတင်နေကြ၏။ ဖမ်းဆီးမည်ကို ကြောက်ကြလျက်နှင့် တင်နေကြသော သူတို့စိတ်များကို ကျနော်သည် နားမလည်နိုင်။ သူတို့ ကိုယ်သူတို့ပင် နားလည်ကြမည်မဟုတ်။
ကျနော်ကား သည်မျှ များပြားလှသည်ကို မဖမ်း၍လည်း မဖြစ်တော့သဖြင့် ပင်းချောင်းသို့ ရောက်လျှင် မီးရထားရဲများ အကူအညီ၊ ပင်းချောင်းဘူတာ ကုန်တင်ကုန်ချ အလုပ်သမများအကူအညီဖြင့် ဖမ်းဆီရတော့၏။
ပင်းချောင်း ဘူတာရုံရှေ့ တွင် တောင်းကြီး တောင်းငယ်များ စုထပ်သောအခါ တောင်ပုံရာပုံ ဖြစ်လာလေသည်။
ကျနော်ဖမ်းဆီးနေသည်ကို ရထားတစင်းလုံးရှိ မျက်လုံးပေါင်းများစွာသည် ဝိုင်းကြည့်နေကြ၏။
ဖမ်းဆီးပြီး ကုန်များကို ကတ္တားတင်ချိန်ပြီး ရုံပိုင်ထံ လွှဲအပ်ပြီးပြန်လျှောက် လာခဲ့သော အခါ ထိုမျက်လုံး များသည် ကျနော့် မျက်နှာကို စိုက်ကြည့်နေသည်။

ထိုအထဲတွင် ညိုညို၏မျက်နှာနှင့် မျက်လုံးများကို သတိထားမိပြန်သည်။ သူ့ မျက်နှာမှာ ကျနော့်ကို ကြည့်နေရင်း စိတ်ထိခိုက်နေပုံပေါ်နေသည်။ သူ့ မျက်လုံးများသည် ကျနော့် ကို သူနှင့် မသိသူတဦးကိုကြည့်သလို စိမ်းနေကြ၏။

ရထားကြီးထွက်လာခဲ့လျှင် ကျနော်သည် စိတ်ပင်ပန်း နွမ်းနယ်စွာဖြင့် သူ့အနားရှိ ထိုင်ခုံတွင် ဝင်ထိုင်သည်။
ထို အခါတွင် ကား ကိုယ်စိတ် နှစ်ပါး နွမ်းနယ်စွာဖြင် ကျနော်သည် ထိုင်ခုံနောက်မှီအပေါ်သို့ အရုပ်ကျိူးပြတ် လှဲမှီလိုက်သည်။
သူသည် ကျနော့် ကို မကြည့်ရဲသလို မျက်နှာ အပြင်ဖက်သို့ လှည့်ထားသည်။ ထိုအခါများတွင် သူနှင့် ကျနော့် ကြား၌ အရံအတားကြီးတခုဖြင့် ကာဆီးထားကြသလို ခံစားနေရသည်။

“မတတ်နိုင်ဘူး၊မတင်ကြပါနဲ့ ဆိုတာ ဇွတ်တင်ကြတာကိုး၊ ကျနော်မဖမ်းလဲ ဒီပြင်က ဖမ်းကြမှာဘဲ” ဟု ကျနော်သည် ကိုယ့်ကိုယ်ကိုပြောနေသလို ပြောနေမိ၏။

ထိုလျှောက်လဲချက်မှာ ညိုညိုနှင့် တကွ အားလုံးအတွက် ဖြစ်၏။
အဖမ်းခံ အသိမ်းခံများ၏ မျက်လုံးများသည် ကျနော့်ကို မျက်ရည်ဝဲသော မျက်လုံးများဖြင့် ကြည့်နေကြသည်။ သူတို့သည် ပစ္စည်းများ ဆုံးသွားကြသော်လည်း ကျနော့် ကိုအပြစ်မြင်ဟန်မရှိကြ။
သူတို့သည် ရိုးသားသော အညာသူ အညာသား ဆင်းရဲသားများဖြစ်၏။ နှစ်နံစပ်လုံချည်ဝတ်ကာ လုံချည်ကြမ်းများခေါင်းပေါင်းထားကြသည်။ ရထားကြီး ခုတ်မောင်း နေစဉ်၌သူတို့သည် ကျနော်ထိုင်နေရာသို့ လျှောက်လာကြ၏။ သူတို့ ပစ္စည်းဘယ်ရွေ့ ဘယ်မျှ ပါသွားကြသည် ဝိုင်းပြောနေကြသည်။ ကျနော့် အပေါ်၌ ယုံကြည်နေကြ၏။ အခင်အမင်လည်း မပျက်။

“သွားကြဗျာ၊ခင်ဗျားတို့ ဥစ္စာက အများကြီး မှုတ်လား၊ မဖမ်းလို့လဲကြည့်မကောင်းတော့ဘူး၊ မတင်မီက ကျနော် တောင်းပန်သားဘဲ၊ ခုလို လာပြောနေကြရင်၊ ခင်ဗျားတို့ လူတွေပါထပ်ဖမ်းနေရအုံးမယ်၊ စဉ်းစားကြည့်ကြဗျာ… ကျနော် မဖမ်းရင်ဒီပြင်နေရာတွေက ဖမ်းကြမှာဘဲ၊ မဖမ်းဘူးထား … ပစ်စာတင်ရင် ကျနော်လဲအလုပ်ပြုတ် ထောင်ကျ၊ ငါ့ဝမ်းပူဆာ မနေသာလို့ လုပ်ရတာဘဲဗျာ”

အတန်ကြာအောင် ကျနော် သည် လာ ပြောပြသူများကို ရှင်းပြနေရ၏။ သူတို့သည် ကျနော့်ကို ခွင့်လွှတ်ကာ ထွက်ခွာသွားနေကြ၏။
အချို့ သည် နားမလည်နိုင်ကြသဖြင့် သူတို့ တောင်းလေးများကို ပြန်ပေးရန် ငိုယို၍ပင် တောင်းပန်နေကြသည်။

“အမေ့တောင်းကလေးတော့ မဖမ်းဘူးထင်တာကွယ်၊ ပိုက်ဆပ် နှစ်ဆယ်ဘိုး၊ အမေ့မြေးကလေး လက်စွပ် ရောင်းလာခဲ့ရတာပါ၊ အမေ့ကိုပြန်ပေးပါ” ဟု တောင်းပန်သူလည်းရှိ၏။

ကျနော်သည် ပင်းချောင်းရုံပိုင်ထံ အပ်နှံခဲ့ပြီး ဖြစ်ပုံကို နားလည်အောင် မရှင်းပြနိုင်သဖြင့် စိတ်မောလာရသည်။

“ငါသားပြန်ပေးရင် ရပါတယ်၊ သူများတွေလဲ ဒီလိုဘဲ တင်နေကြတာဆိုလို့ အမေလဲ တင်တာပေါ့”

အက်ျီပွကြီးကို ဝတ်ထားကာ ဆံပင်များ ဖွေးဖွေးဖြူနေသောအမေအိုသည် ကျနော့် ခြေရင်း၌ထိုင်ကာ တတွတ်တွတ် ငိုပြောနေခဲ့၏။ မျက်ရည်များ သုတ်လိုက် ငိုလိုက် လုပ်နေ၏။
ကျနော်သည် အမေအိုကို ပွေ့ထူလိုက်သည်။ သူနှစ်သိမ့်ကျေနပ်ရန် မည်သို့ပြောရမည်ကိုလည်း မသိတော့ပေ။ ခရီးသည်အများသည် ကျနော်နှင့် အမအိုကို လှမ်းကြည့်နေကြ၏။
ညိုညိုသည်လည်း ကျနော့်ကို ငေးကြည့်နေသည်။

“အမေ…. နောက်ကို ငါးပိဿာထက်လဲ ပိုမတင်နဲ့၊ အမေတင်ရတယ်လို့လဲ ဘသူ့မှ မပြောနဲ့၊ အမေ့တောင်းကို အမေ့ခုံအောက်ထားပါ၊ ဒါမှ ကျနော် ရှောင်တတ်မှာ”

ကျနော်သည် နံဘေးမှ မကြားစေရန် အသံနှိမ့်ပြီး တိုးတိုးကပ်ပြောနေရသည်။ ရထားခုတ်မောင်းနေသံ၊ အခြားခရီးသည်များ၏ အသံအောက်တွင် ကျနော့် အသံမှာ နစ်ဝင်ပျောက်ကွယ်သွားနေသည်။ အမေအို မသဲမကွဲသဖြင့် ကျနော်သည် ထပ်ပြောနေရ၏။
အမေအို၏ ပခုံးနှစ်ဖက်ကို ပွေ့ ထူနေစဉ် ကျနော့် စိတ်နှလုံးသားထဲတွင် ရပ်ဝေး၌ နေသော ကျနော့် အမေကိုသတိရနေသည်။ ကြည်ညို မေတ္တာစိတ်များ ပွားများလာနေသည်။ အမေအိုသည် ကျနော့် ကို ဆုတောင်းမေတ္တာများ ပို့သပြီး သူထိုင်ရာ အိမ်သာကြားဖက်သို့ လျှောက်သွားနေသည်။

“ကို့ အမေနဲ့ သိပ်တူတာ” ဟု ကျနော်သည် တီးတိုးရေရွတ်နေမိ၏။

ကျနော့် ရေရွတ်သံမှာ အလွန်တရာ ဝေးကွာ နက်ရှိုင်းလှသော ဒေသမှ ဖြစ်ပေါ်လာခဲ့ရသလိုပင်။ ထိုစကားလုံးများကို ရွတ်ဆိုနေဆဲ၌ စိတ်အာရုံ တခုလုံး ဆွတ်ပျံ့ လာကာ ငိုချင်နေသည်။ ကျနော့် မျက်လုံးများပေါ်၌ မျက်ရည်များ တက်လာနေသည်။ ကျနော်သည် မျက်ရည်များ ပျောက်ကွယ်သွားစေရန် ပြုံးလိုက်ရသည်။

သင်းသင်း၊ နုနု၊ မအေးသွယ်တို့သည် ကျနော့် မျက်နှာကိုငေးကြည့်နေကြ၏။
ညိုညိုသည်လည်း ကျနော့် ကိုလှမ်းကြည့်နေသည်။ သူ့ မျက်လုံးများမှာ နူးညံ့နေကြ၏။ သူသည် တဖြည်းဖြည်း တရိပ်ရိပ် ပြုံးလာနေသည်။ ကျနော့် မျက်လုံးအိမ်အတွင်းသို့ နက်ရှိုင်းစွာ ထိုးဖောက် ကြည့်နေသလို ထင်နေရသည်။
သူသည် ကျနော့် ဖက်သို့ တိုးရွှေ့လိုက်၏။

“ဟိုက အမေ ထမင်းစားရဘို့ … ဒီက အမေ့ ပစ္စည်းတွေ ဖမ်းရတာနော်….၊ သူ့ အလုပ်မျိုးတော့ ကောင်ကလေး ကြီးလာရင် မလုပ်ခိုင်းတော့ဘူး”

သူသည် အခြားသူများ မကြားနိုင်အောင် ခပ်တိုးတိုးပြောနေသည်။

************************************************

အပိုင်း(၈)သို့ ဆက်လက်ဖတ်ရှုပါရန်…။