September 13, 2009

ဆယ့်တချောင်းမြောက် လက်ချောင်းကလေး


ဘယ်မှာလဲ ငါ့ရဲ့ ဆယ့်တချောင်းမြောက် လက်ချောင်းကလေး
ငါ့ရဲ့ ဆယ့်တချောင်းမြောက် ငါ့ရဲ့အထူးစပယ်ရှယ်
ချက်ချင်း ရုတ်တရက်သူမရယ်နိုင်ဘူး
ချက်ချင်း ရုတ်တရက်လက်အိပ်မစွပ်နိုင်ဘူး
ညကြီးမင်းကြီး
အဘယ့်ကြောင့်ဆိုသော် သူ တို့့ရဲ့အရောင်အဆင်းကြောင့်။

သူက ဆိတ်က်ို နို့ တိုက်တယ်
သူက ဆိတ်ကို နို့ တိုက်တယ်
ပြီးတော့ နာရီရှိရာ ဆိတ်ကိုမေါင်းသွားခဲ့တယ်
ဆိတ်က ရှေ့ ကို ကုန်းချလိုက်တယ်
ရှေ့ ကိုကုန်းနိုင်ရဲ့လား
လျှာနဲ့ လျက်နိုင်ရဲ့လား
နာရီအောက်ခံပြားထိအောင် လျက်နိုင်ရဲ့လား
နာရီလက်တံ တချက်ချက်မြည်တဲ့အထိ လျက်နိုင်ရဲ့လား
သူ့ ရဲ့မိနစ်တွေအကုန်လုံး ကုန်ဆုံးသွားတဲ့အထိ လျက်နိုင်ရဲ့လား
ရင်ဘတ်တခုလုံး ရှင်းသွားတဲ့အထိ
နာရီ ရပ်သွားတဲ့အထိ။
အခုတော့ သူက ရွှေကြိုးကို ခတ်လှမ်းလှမ်းကစပြီးဖြတ်ပြီ
ရတနာပွဲစားတယောက်
ဘုရားရှိခိုးကျောင်း ခြေနင်းခုံပေါ်က သတို့ သမီးများ။
အဲဒါ သော့တချောင်း တံဆိပ်ခေါင်းတခု တိတ်ဆိတ်မှုတခု ။
မကြာခဏဆိုသလို
ငါ့ရဲ့ ဆယ့်တချောင်းမြောက်လက်ချောင်းကလေးကို
ငါ လျက်နေခဲ့တယ်
သို့ သော်လည်း သူက ဘယ်တော့မှ အိပ်တယ်ရယ်လို့ မရှိဘူး
သူက ဘယ်တော့မှ အိပ်တယ်ရယ်လို့ မရှိဘူး။

အခု ဒီကနေပြီး ငါ ဘာကို လက်ညှိုးညွှန်လို့ ရပြီလဲ
အခု ဒီကနေပြီး ငါ ဘာကို လက်ညှိုးညွှန်လို့ ရပြီလဲ
ဒီကနေ့ ငါ့ရဲ့ တိုနန့် နန့်  လက်နှစ်ဖက်စလုံး
ဘာတခုအတွက်မှ အကျိုးမရှိဘူး
ဒါပေမယ့် သံနဲ့ တူတဲ့အသွေးအသားကို ခံစားဖို့ ရာ
ပေနဲ့ တူတဲ့အသွေးအသားကို ခံစားဖို့ ရာ
သို့ မဟုတ်
ညနေခင်းများ
လယ်ကွင်းထဲ
ကျောက်တုံးတခုပေါ်က
စိတ်ဓါတ်ကျနေတဲ့ ကျီးကန်းတွေလို သူတို့ ဝပ်နေကြ
ရေတွက်ကြည့်နေ
ရှစ်ကောင် ကိုးကောင် ဆယ်ကောင်
ဆယ့်တကောင်အထိ မရေဘူး
သူတို့ ဘယ်တော့မှ ဆယ့်တစ်အထိ မရေတွက်ကြဘူး။

(ဒီကဗျာက ဂန်တာဂရပ်စ် ရဲ့ The Eleventh Finger ကဗျာကိုဘာသာပြန်ထားတာပါ ။
သူက မြင်လို့ ကြည့်လို့ ရတဲ့အရာတွေကိုအသုံးပြုပြီးမှ သူပြောချင်တဲ့အကြောင်းအရာ
ကို ကြတော့ မျက်လှည့်ပြသလိုလုပ်ပြီးပြောတာ..၊ဒီတော့ ကံသေကံမ အတိအကျ အ
ဖြေတော့ မရနိုင် မသိနိုင်ဘူးပေါ့။ကဗျာဆိုတာက အရိပ်ပြလို့ အကောင်ထင်အောင်
ကြည့်ကြရတာဆိုတော့ သူပြောချင် ပေးချင်တဲ့ message ကို ကျနော်တို့ က အနီးအ
နား လောက်အထိပဲ ရအောင်ယူနိုင်ကြမလားပဲ။သူက မှော်နဲ့ ပေးတာကို ကျနော်တို့ က
မှော်နဲ့ ပဲ ယူကြရတာပေါ့လေ။ကဗျာချစ်သူများ ဂန်တာဂရပ်စ် ရဲ့ ကဗျာကိုဖတ်ပြီး ကျနော့်
လိုပဲ ကဗျာဈာန် ၀င်စားနိုင်ကြပါစေ...။)

...ဒီကဗျာက Gunter Grass:Selected Poems စာအုပ်ထဲမှာပါတဲ့ The Eleventh Finger
ကို ဘာသာပြန်ထားတာပါ။

ငြိမ်းဝေ
၁၄ ၊ ၉ ၊၂၀၀၉



No comments:

Post a Comment