November 12, 2011

ခေါက်ချိုးညီ လမ်းများ



ငါ့ ရှေ့မှာ

လမ်း နှစ်သွယ် ရုတ်တရက် ရောက်လာတယ်
တလမ်းက ညာဘက်
တလမ်းက ဘယ်ဘက်
လမ်း နှစ်ခုစလုံး စည်းမျဉ်း စည်းကမ်း အားလုံး တပုံစံထဲ ချည်းပဲ
ငါ အဲဒီ လမ်းတွေထဲ လျှောက်လှမ်းခဲ့ပါတယ်။

ငါ ရပ်တယ်
မျက်လုံးတွေ ချာချာလည် ဝိုင်းနေတဲ့အထိ ကြည့်တယ်
နှုတ်ခမ်းကို လျှာနဲ့ သပ်တယ်
ချောင်းသံ တချက် ပေးလိုက်တယ်
ပြီးတော့မှ ညာဘက်က လမ်းပေါ် ခြေဦး တည့်လိုက်တယ်

ငါ အတတ်နိုင်ဆုံး အဲဒီ လမ်းပေါ် လျှောက်ခဲ့တယ် ဆိုတာကလွဲပြီး
အသေးစိတ်တော့ ပြစရာ ပေးစရာ မလိုဘူးပေါ့ဗျာ
အဲဒီနောက်
ခြောက်ကမ္ဘား နှစ်ခု ငါ့ ရှေ့မှာ ရောက်လာပြန်တယ်
တခုက ညာဘက်မှာ
တခုက ဘယ်ဘက်မှာ
ငါက
ငါ့ကိုယ်ငါ ဘယ်ဘက် ခြောက်ထဲ ပစ်ချလိုက်တယ်
မျက်စိ စုံမှိတ်ပြီးကို ခုန်ချလိုက်တာ
အဲဒီ ခြောက်ထဲ ပုံကနဲကို ကျသွားခဲ့တာ
ကံဆိုးတယ်ဗျာ
အဲဒီလို လုပ်လိုက်တာ ဘာမှ အကျိုး မရှိခဲ့ဘူး
ဒါနဲ့ လေးဘက်ကုန်း သွားပြီးမှကို အစက ပြန်စဖို့ ရပ်လိုက်ရတယ်
တခါ ရုတ်တရက် ဆိုသလို
ငါ့ရှေ့မှာ လမ်းကျယ်ကြီး နှစ်သွယ်က ပေါ်လာပြန်တယ်
` ငါ ပြမယ် ´ ဆိုပြီး ငါ့ကိုယ်ငါ မဆုတ်မနစ်သော မျက်နှာထားနဲ့ ပြန်ပြောလိုက်ပြီး
ဘယ်ဘက်က လမ်းပေါ် ခြေဦး တည့်လိုက်တယ်
မှားသွားပြီ
အများကြီးကို မှားသွားးပြီ
ညာဘက်က လမ်းကမှ
တကယ့်ကို အစစ်အမှန် လမ်း
တကယ့်ကို ကြီးမြတ်တဲ့ လမ်း
ဒီလိုနဲ့
အဲဒီ လမ်းဆုံမှာ ရပ်
ငါ့ကိုယ်ငါ ညာဘက်ကလမ်းကို ရွေးဖို့တိုက်တွန်း
တချိန်ထဲမှာပဲ
ဘယ်ဘက်က လမ်းကို ရွေးဖို့ကိုလည်း ကိုယ့်ကုိကိုယ် တိုက်တွန်း
တလမ်းကို ရွေးမယ်လုပ်တော့ တလမ်းကို ထပ်ပြီး စဉ်းစားမိပြန်
ဒီလိုနဲ့
ရိက္ခာတွေလည်း ပြောင်တလင်းခါ
ငါ့ တုတ်ကောက်ကလေးလည်း အိုမင်းလာ
ဒီလိုနဲ့ အဲဒီ ပြဿနာရဲ့ သြစာအောက်မှာ ငါ အနားယူခဲ့
သည်လိုနဲ့ ငါ ပြိုကွဲ ခဲ့ရ
ငါ့ရဲ့ တခုပြီး တခု အမှားများအတွက်
တဂျီဂျီ တလောင်လောင်လုပ်ကြ ငြီးကြ ငြူကြ

ဟော အခု ကြည့်လိုက်စမ်း
ငါ့ ရှေ့မှာ
ကောင်းကင်ကြီး နှစ်ခု ရောက်လာပြန်
တခုက ညာဘက်မှာ
တခုက ဘယ်ဘက်မှာ….။

ငြိမ်းဝေ
( ပျော်စရာ စိတ်လှုပ်ရှားစရာ ကောင်းတဲ့ မနက်ခင်း မင်းသားကြီး လဘက်ရည်ဆိုင် ဝိုင်းများသို့…)

( ရူမေးနီးယားကဗျာဆရာ Marin Sorescu ရဲ့ SYMMETRY  ကဗျာကို ဆီလျော်အောင် ဘာသာပြန် ဆိုပါတယ်။ ပြီးခဲ့တဲ့ ၂ ရက်က နေ့သစ်ဘလော့မှာ စန်းဒေဝီဦး ကလောင်အမည်နဲ့ ဒီကဗျာကို တင်ခဲ့ပါတယ်။)


No comments:

Post a Comment